今日主要喺牛車水同city hall遊覽。我地首先去左酒店附近孫中山南洋紀念館參觀，然後去牛車水附近亞坤總店食早餐，再去牛車水原貌館，跟住去集郵館，晚餐喺松發肉骨茶解決！

孫中山南洋紀念館內展覽一批文物，記載孫中山先生喺新加坡搞中國革命，推翻滿清政府o既經過，都好值得去。

參觀後，我地就搭地鐵去牛車水。我地喺直落亞逸站落車，點知有意外收穫，因為我地一出站就見到一間廟，名叫福德祠。原來呢度以前係沿海，起間廟為左集中照應遠渡南洋搵食o既華人，宜家間廟仲喺度，後半部份成為酒店，政府喺保育方面幾花心思！

參觀完福德祠，隔離街已經係亞坤總店。今次叫左多士、凍咖啡同埋水蛋！

食完亞坤充滿電，仲買埋手信：亞坤曲奇！跟住就出發去牛車水原貌館。牛車水原貌館入場費差不多要10蚊坡紙，都幾貴，不過老婆話物超所值。原貌館樓高3層，展出左大部份以前新加坡華人o既生活。裏面有板間房， 每間房都有特色，好似尾房就係醫生診症，跟住有d係織布，有d係倒夜香。地下展出廚房同廁所，竟然係相鄰，衛生情況可想而知，我地宜家實在幸福好多。總括今次參觀，收穫豐富！

參觀完牛車水原貌館，就去左牛車水大廈食雪花飛紅豆粟米。呢間店又係本土味其中一個推介，節目果然無介紹錯。紅豆好淋、粟米好甜，正！

食飽之後，我地就搭地鐵去city hall，諗住去集郵館參觀，點知落車行錯方向，行左成個鐘，勁攰！終於到左集郵館，裏面有好多關於郵票展品，最吸引我o既係由香港贈送o既女皇標誌郵筒，極具歷史價值！此外，亦有互動展覽，適合一家大小黎睇！最後，我仲買左個紀念幣，帶返香港送俾屋企人！

晚上，我地行返去克拉碼頭附近o既松發肉骨茶食晚飯，好彩時間尚早(大約6點半)，唔洗排隊！

食完晚飯，去超市買埋手信，就返酒店啦！ 

今日主要行小印度同回教寺。第一站係食早餐，我地去左好出名o既zam zam restaurant。聽講餐廳有中場休息時間，所以我地趕住去，怕到時打烊食唔到。(點知原來過左中午12點都唔休息。)我地叫左最出名o既雞肉印度餅，中文唔知叫咩名，英文名叫egg prata with chicken。另外，我地叫左個牛肉飯。兩樣都係咖喱，而牛肉飯比較辣。兩樣都好好食，最後仲叫左一杯拉茶。拉茶比香港o既奶茶甜，但係真係好滑！

食飽飽，我地行去回教寺，同埋附近o既哈芝巷、武吉士街。行到攰，就搭車去小印度，諗住去食巫都餐廳咖喱魚頭，但係我地仲未落格，所以放棄左。

跟住，我地行行下，就行左去公屋地下一間好出名o既叻沙店，叫結霜橋叻沙。呢個名好特別，新加坡根本唔會結霜，偏偏店名叫結霜橋！


叻沙真係好好食，師蚶好新鮮，已退休的創辦人黃有寶親手煮米粉俾我食，我真幸運！ 

晚上，我約左朋友去金沙睇show，晚餐喺food court搞掂，然後返酒店休息！ 

一年探望父親一次，順道也找一個國內城市旅遊. 這次父親提議到山東的青島走走，我們也沒異議，就由我預訂酒店及購買高鐵飛，以及編排4日3夜的青島漫遊行程啦!

親身到徐州高鐵站買票，怎知低B的我居然忘記了高鐵站只預售10天內的高鐵飛，以致白行一趟. 唯一就是到了徐州高鐵站喝了一杯美味的永和豆漿，那沒有焦香的豆漿實在太好喝了，濃濃的豆香加上燙口的豆漿，令我這次的低B買飛日好過一點.

翌日到了家附近的火車票售賣點買票，也擾攘了很久，那店員對於回鄉卡的定義等於0，又說找不到又說買不到票，幾經辛苦買到票又發現其中一張票上入了身份證號碼，那也算了，只要有票上到去青島的高鐵就行了. 唉，內地人的辦事效率在香港人眼中實在是太慢、太隨意、太漫不經心，不過也要習慣.

P.S. 在售票點可買20天內的高鐵票，另加每張$5手續費.

由姑蘇城外的寒山寺出發，開始精簡的蘇州遊

北海道和牛好吃，但太肥膩；北海道拉麵好咸，面又硬，或者我未搵對地方嘎。。。。

個個都話北海道D嘢好吃，又唔見得啵。 最好吃 1）夕張哈密瓜（懷疑自己未吃過！） 2）北海道和牛，其他嘢就麻麻地啦。特別系北海道拉麵，算罷啦！