Tungwai
我是Tungwai。 我最喜愛到台灣,新加坡旅遊 , 最鍾意遊覽自然景觀,歷史建築/遺跡,展覽館/博物館, 住宿通常會揀民宿。
留言  留言給此旅遊家
  遊記數目 5
  上載相片 24
  上載影片 0
最近分享過的旅程
新加坡本土美食遊
國家/地點: 新加坡
旅程日期: 2014-05-02 至 2014-05-06
共找到 5 篇遊記, 正顯示第 1 至 5 篇遊記
新加坡本土美食遊 (新加坡)
(旅程日期: 2014-05-02 至 2014-05-06 ,  旅程性質: 飲食購物)
 整個旅程  (共5篇遊記)
 分享至Facebook 
發表日期: 2014-06-11
今日係食得最少美食o既一日,因為我地要搭早上7點航班離開新加坡。我地4點喺酒店搭德士去機場,寄左行李後,我地遊覽最後一個景點--機場。

機場內有一棵social tree,任何人可以去玩自拍,然後可以選擇將相片放上樹頂,俾公眾欣賞,亦可以send返去自己個電郵作為留念。我兩樣都做齊!此外,機場亦展示左好多鬱金香同其他植物。好彩我地預留時間喺機場咋,否則一定會後悔。

最後,我地喺terminal 2攞埋一早預訂o既斑蘭蛋糕就上機啦!

再見,新加坡! 
Social Tree
Social Tree
機場內有一棵social tree,任何人可以去玩自拍,然後可以選擇將相片放上樹頂,俾公眾欣賞,亦可以send返去自己個電郵作為留念。我兩樣都做齊!

此外,機場亦展示左好多鬱金香同其他植物。好彩我地預留時間喺機場咋,否則一定會後悔。
參觀時段: 早上
入場價錢: 每人0新加坡元
評分: 值得去5  
  0 個留言    |  加入你的留言
新加坡本土美食遊 (新加坡)
(旅程日期: 2014-05-02 至 2014-05-06 ,  旅程性質: 飲食購物)
 整個旅程  (共5篇遊記)
 分享至Facebook 
發表日期: 2014-06-11
今日,我同朋友一齊去新加坡動物園。聽講入面有好多動物,除左有獅子老虎外,仲有袋鼠、北極熊等。我滿心期待,點知裏面大部份動物都係被困在籠裏,而且好有距離感,很難影到佢地。可能天氣又熱,動物都唔想點郁,實在令我有點失望。

行動物園行左大半日,跟住我地搭車出返黎烏節路,朋友終於試到佢一直好想食o既麵包夾雪糕,佢仲一連食左兩件!行完烏節路,我地就搭車去魚尾獅像。

晚上,我地喺克拉碼頭河岸食海鮮。由於我同朋友對去邊度食蟹達唔到共識,因此,我地喺河岸求其揀左一間海鮮店,結果都令我喜出望外!

老實講,自從中學畢業之後,我地都好少坐低傾偈傾左咁耐,由黃昏河景傾到夜景,又欣賞埋金沙燈光show (局部)。今次能夠同朋友一齊去玩,實在好難得!食完晚飯,我地分別返去自己o既酒店,去到地鐵站要分別時,實在好唔捨得!

今晚返到酒店後,就執好行李,因為明天要晨咁早去到機場搭飛機。 
意外驚喜 笑臉2014-06-11
正
正
正
正
正
由於同朋友喺食蟹方面未能達到共識,因此我地求其喺克拉碼頭河岸揀左濱海灣海鮮餐館食晚餐,貪佢可以食埋個view。剛剛坐低,我同朋友走去揀左隻1.6kg o既斯里蘭卡蟹,夠曬4個人食。然後,我地叫左一碟麥片蝦、炒菜、軟殼蟹同埋菠蘿海鮮炒飯。

先講隻蟹,我地要胡椒蟹。蟹好多肉,而且好新鮮,賣相亦好吸引,不得不讚。

麥片蝦,d麥片好香,蝦亦好新鮮,讚!

炒飯真係有好多海鮮,唔似香港餐廳只係有幾粒蝦。

軟殼蟹好香好脆,食到停唔到口。

我覺得呢間餐廳食物好好食,價錢又抵過出名食海鮮o既店舖,最重要係有埋靚seaview,店員亦很好客、很健談,總之物有所值! 
推介菜式: 胡椒蟹、麥片蝦
每人消費: 約110新加坡元 (晚餐)
評分: 味道5   服務5   環境5   衛生4   抵食4
  0 個留言    |  加入你的留言
新加坡本土美食遊 (新加坡)
(旅程日期: 2014-05-02 至 2014-05-06 ,  旅程性質: 飲食購物)
 整個旅程  (共5篇遊記)
 分享至Facebook 
發表日期: 2014-06-11
今日主要喺牛車水同city hall遊覽。我地首先去左酒店附近孫中山南洋紀念館參觀,然後去牛車水附近亞坤總店食早餐,再去牛車水原貌館,跟住去集郵館,晚餐喺松發肉骨茶解決!

孫中山南洋紀念館內展覽一批文物,記載孫中山先生喺新加坡搞中國革命,推翻滿清政府o既經過,都好值得去。

參觀後,我地就搭地鐵去牛車水。我地喺直落亞逸站落車,點知有意外收穫,因為我地一出站就見到一間廟,名叫福德祠。原來呢度以前係沿海,起間廟為左集中照應遠渡南洋搵食o既華人,宜家間廟仲喺度,後半部份成為酒店,政府喺保育方面幾花心思!

參觀完福德祠,隔離街已經係亞坤總店。今次叫左多士、凍咖啡同埋水蛋!

食完亞坤充滿電,仲買埋手信:亞坤曲奇!跟住就出發去牛車水原貌館。牛車水原貌館入場費差不多要10蚊坡紙,都幾貴,不過老婆話物超所值。原貌館樓高3層,展出左大部份以前新加坡華人o既生活。裏面有板間房, 每間房都有特色,好似尾房就係醫生診症,跟住有d係織布,有d係倒夜香。地下展出廚房同廁所,竟然係相鄰,衛生情況可想而知,我地宜家實在幸福好多。總括今次參觀,收穫豐富!

參觀完牛車水原貌館,就去左牛車水大廈食雪花飛紅豆粟米。呢間店又係本土味其中一個推介,節目果然無介紹錯。紅豆好淋、粟米好甜,正!

食飽之後,我地就搭地鐵去city hall,諗住去集郵館參觀,點知落車行錯方向,行左成個鐘,勁攰!終於到左集郵館,裏面有好多關於郵票展品,最吸引我o既係由香港贈送o既女皇標誌郵筒,極具歷史價值!此外,亦有互動展覽,適合一家大小黎睇!最後,我仲買左個紀念幣,帶返香港送俾屋企人!

晚上,我地行返去克拉碼頭附近o既松發肉骨茶食晚飯,好彩時間尚早(大約6點半),唔洗排隊!

食完晚飯,去超市買埋手信,就返酒店啦! 
正
正
今次除左食咖央多士,仲試埋凍咖啡同埋蛋!原本我地想試熱咖啡,但係天氣實在太熱,最後決定飲凍野。雖然凍飲加左冰,但係無影響咖啡味道,無變淡,而且好香!至於蛋方面,我第一次食,跟住其他客人落下胡椒粉同鼓油,無話特別好食,不過都幾有特色,而且隻蛋好滑!

相反,多士就有少少失色,因為唔夠熱,希望下次有機會再黎試啦! 
推介菜式: 咖啡、咖央多士、蛋
每人消費: 約7新加坡元 (早餐)
評分: 味道4   服務5   環境5   衛生5   抵食5
傳統甜品店 笑臉2014-06-11
正
正
由於我地個胃唔夠大,只係試左紅豆粟米,與傳統甜品文頭雪無緣。不過,紅豆粟米都好出名,d紅豆好淋、粟米好夠甜。買野食期間,有個客人仲質疑老闆整錯甜品俾佢,我心諗人地係老字號,點解唔睇清楚,又唔試下,就話人地俾錯呢?

我真係好欣賞老闆心機,一碗小小的甜品,佢都可以用心去做,絕無偷工減料,絕不欺場! 
每人消費: 約1新加坡元 (下午茶)
評分: 味道5   服務5   環境5   衛生5   抵食5
  0 個留言    |  加入你的留言
新加坡本土美食遊 (新加坡)
(旅程日期: 2014-05-02 至 2014-05-06 ,  旅程性質: 飲食購物)
 整個旅程  (共5篇遊記)
 分享至Facebook 
發表日期: 2014-06-11
今日主要行小印度同回教寺。第一站係食早餐,我地去左好出名o既zam zam restaurant。聽講餐廳有中場休息時間,所以我地趕住去,怕到時打烊食唔到。(點知原來過左中午12點都唔休息。)我地叫左最出名o既雞肉印度餅,中文唔知叫咩名,英文名叫egg prata with chicken。另外,我地叫左個牛肉飯。兩樣都係咖喱,而牛肉飯比較辣。兩樣都好好食,最後仲叫左一杯拉茶。拉茶比香港o既奶茶甜,但係真係好滑!

食飽飽,我地行去回教寺,同埋附近o既哈芝巷、武吉士街。行到攰,就搭車去小印度,諗住去食巫都餐廳咖喱魚頭,但係我地仲未落格,所以放棄左。

跟住,我地行行下,就行左去公屋地下一間好出名o既叻沙店,叫結霜橋叻沙。呢個名好特別,新加坡根本唔會結霜,偏偏店名叫結霜橋!


叻沙真係好好食,師蚶好新鮮,已退休的創辦人黃有寶親手煮米粉俾我食,我真幸運! 

晚上,我約左朋友去金沙睇show,晚餐喺food court搞掂,然後返酒店休息! 
正宗印度菜 笑臉2014-06-11
正
正
正
正
我地叫左最出名o既雞肉印度餅,中文唔知叫咩名,英文名叫egg prata with chicken。另外,我地叫左個牛肉飯。兩樣都係咖喱,而牛肉飯比較辣。兩樣都好好食,最後仲叫左一杯拉茶。拉茶比香港o既奶茶甜,但係真係好滑!
推介菜式: egg prata、拉茶
每人消費: 約20新加坡元 (早餐)
評分: 味道5   服務5   環境5   衛生4   抵食5
正
正
我地行行下,就行左去公屋地下一間好出名o既叻沙店,叫結霜橋叻沙。呢個名好特別,新加坡根本唔會結霜,偏偏店名叫結霜橋!餐廳原本喺結霜橋雜貨攤擺檔,後來先搬去遠少少o既店舖所在。


叻沙真係好好食,師蚶好新鮮,咁啱我遇上已退休的創辦人黃有寶親手煮米粉俾我食,我真幸運! 叻沙長期維持住細碗$2、大碗$3,實在難得!
推介菜式: 叻沙
評分: 味道5   服務5   環境4   衛生4   抵食5
  0 個留言    |  加入你的留言
新加坡本土美食遊 (新加坡)
(旅程日期: 2014-05-02 至 2014-05-06 ,  旅程性質: 飲食購物)
 整個旅程  (共5篇遊記)
 分享至Facebook 
發表日期: 2014-06-09
今天第一天到新加坡,第一站就去機場terminal 3 的亞坤咖央食多士。
正
到新加坡第一件試o既美食,係出曬名o既亞坤多士。雖然我地會計劃去總店食,因為只有總店先用碳爐整多士,但係我地實在太肚餓了,要醫左個肚,梗係食新加坡獨有美食啦!

排隊俾錢後,多士好快送上。我以為味道會一般,因為既定觀念話我知總店一定最好食。事實上,用電爐整多士無咁脆,但係都夠燶,而且夠曬熱,好好味!另外,我叫左一碗叻沙,雖然唔係店內招牌菜,但係都幾夠香,而且好足料! 
推介菜式: 咖央多士、叻沙
每人消費: 約5新加坡元 (下午茶)
評分: 味道5   服務5   環境5   衛生5   抵食5
  0 個留言    |  加入你的留言