特色餐廳「Steakhouse at the Verandah」位於郵輪嘅甲板層八樓，環境開揚闊落，中午時份有陽光射進窗內，光線十分充沛。高級西餐廳嘅餐桌鋪有白色枱布，每個座位面前亦有齊備嘅餐具，當中最有型就係塊隔熱嘅木板餐墊。午市餐牌只有一頁，但牛扒專門店嘅主菜項目竟然只有一款牛扒可選，確真令人震驚！每位客人基本收費USD 25，包咗一客前菜、一客主菜、一客甜品，飲品及額外加點嘅食物就要另計。負責嘅服務生不單黑面神上身，十多人所點嘅餸菜有所混淆其實唔係太緊要，不過最要不得就係其惡劣之態度，錯咗仲要玩嬲嬲喎，結果要出動埋經理叔叔親自去搞返掂。食物方面，甜品反比主打嘅牛扒出色，個人覺得要加錢去食就點都唔值囉！

1)      Clam Chowder, Bacon and Welsh Rarebit：只屬和暖嘅周打蜆湯調味過咸，不喝也吧。

2)      Darragh O'Shea's 35 Day Dry Aged Scotch Grass-fed Black Angus, 8oz Sirloin Steak, Accompanied by Sweet Vine Roasted Tomatoes, Grilled Portobello Mushroom, Land Cress and your choice of sides：汁液由服務生續一喺面前淋上，三成熟嘅安格斯牛扒質感軟腍中帶有彈性，不過質素同二樓嘅「Britannia Restaurant」其實差唔多，真係唔洗勞師動眾訂位去食。

3)      Wide Strawberry Pavlova, Cornish Clotted Cream, and Pink Champagne Sorbet：勁量級嘅士多啤梨甜品顏色鮮艷，比店內嘅主菜項目更有睇頭！粉紅色嘅蛋白餅脆卜卜得黎仲好鬆化，輕巧易入口，而蛋白餅脆內藏嘅士多啤梨果肉亦清香潤甜，伴配球粉紅香檳雪葩即增添清新爽涼。

第二晚要盛裝出席嘅晚餐其實已經比第一晚嘅歡迎晚宴高質，無奈都只限主菜一環有所提升而已，湯品及甜品嘅水準依然屬平庸失色之列：

1)      Wild Mushroom Consommé：暖暖地嘅蘑菇清湯雖然一啲都唔油，但其菇味味毫不芳香，飲落仲好咸添，大廚似乎落多咗次鹽囉。

2)      Roast Gressingham Duck Breast, Creamed Cabbage, Five Spiced Braised Turnip and Port Jus：鴨胸每片厚身得黎肉香軟腍，濃而不膩。

出門前打麻雀時，講起郵輪河會停越南胡志明市，其中一隻腳就好雀躍地推薦自己多年前食過嘅法國餐廳「Trois Gourmands」。難得有人指點迷津，XO仔當然係立即做野啦！店子嘅英文版官方網頁清晰易明，網上訂座流程亦簡易快捷，不過每人頂多只可訂十個位，十五人只好分兩個名訂兩張枱。

由碼頭坐咗個幾鐘頭巴士先正式入到去胡志明市。餐店位於市內較高級富裕嘅住宅區，四周可見不少獨立洋房，其綠色嘅圍牆標奇立異，夠哂搶眼。真係冇諗到越南治安竟然係唔好到商戶都要安裝閉路電視，連過一條馬路導遊叔叔都放心唔落，要續一陪同。

踏進豪宅，即步入掛滿紅燈籠嘅花園。草地上擺滿室外座位，旁邊有個游泳池，後方則為大型嘅烤爐及室外廚房，係開P嘅好選擇。由石獅子鎮守嘅屋子為室內用餐區域，以紅白為主嘅設計最突出就係洋式嘅窗簾，配上牆身嘅油畫及四周嘅蘭花擺設，感覺雅致大方。大廳排出多張二至四人散座，入面亦有幾間私人廂房，裝潢同樣貴氣十足，長輩們都不禁要影多幾幅相留念。

當日午餐除咗十五人分咗兩枱坐之外，其實係冇其他客人嘅，亦即無意中包咗場。年輕嘅服務生溫婉友善，只係記性唔多好，落單後要靠喺餐桌上貼出貓紙，標籤著各貴客所點嘅食物作為提醒，不過此舉似乎可以做得更專業。雪白嘅枱布上有齊備嘅西式餐具，餐墊卻用上越南美女嘅畫像，莫非係想道出大廚將融合法越兩國廚藝？！為怕過份複雜，全團人都點食包有松露炒蛋「Brouillade aux truffes」（Truffle scrambled eggs）、主菜、自加製芝士拼盤「Assortiment de fromages maison」（Homemade cheeses）、自選甜品「Dessert au choix」（Choice of one dessert）嘅精選套餐「Menu Degustation」，價格定於所選頭盤之數目，亦即一款頭盤（五道菜；USD 45或1,046,000 VND）、兩款頭盤（六道菜；USD 50或1,163,000 VND）、或三款頭盤（七道菜；USD 55或1,279,000 VND）。小肥自己就取咗個中間位，揀咗兩道頭盤及龍蝦作主菜：

1)      麵包：籃中嘅麵包外形肥嘟嘟，熱辣暖手，外脆內鬆軟。

2)      Brouillade aux truffes（Truffle Scrambled Eggs）：以透明高杯上嘅松露炒蛋芳香軟潤，十分輕盈，不過份量就比想像中少，隻杯裝到滿滿就差唔多。

3)      Tartare de crab（Crab Tartare）：頭盤左方嘅青瓜沙律爽脆醒胃，右方嘅蟹肉他他肉質厚而嫩，個人只係略嫌師傅用上同沙律一樣帶酸嘅調味就蓋過咗蟹肉原有嘅鮮甜，請恕小弟未能推介。

4)      Nem de Foie Gras（Goose Liver "Spring Roll"）：此味鵝肝春卷明顯係法越混血兒，為咗可令貴客作出比較，大廚巧妙地喺碟上同時擺出傳統版本，未食已感到其心思。鵝肝春卷外層乾脆鬆化，呈半溶狀態嘅鵝肝餡心惹味得黎其鮮濃慢慢滲進味蕾，比起傳統食法嘅鵝肝伴果醬精彩細膩得多！

5)      Lemon Sorbet：上主菜之前先有檸檬味雪葩間場，不過其過份濃烈嘅酸味真係唔係人人可以接受得到。

6)      Langouste au Beurre de Nage（Lobster with Butter Sauce）：炭燒龍蝦係由師傅仔喺外出嘅烤爐燒製，食落就知有少少過熟，好在質感仍然夠爽彈，簡單黏上香草牛油即能提升龍蝦嘅鮮味。

7)      Assortiment de fromages maison（Homemade Cheese）：在場嘅芝士迷大讚自家製芝士拼盤質素高，XO卻自認唔識食啲咁重口味嘅食物，結果當然係主力影相啦！

8)      Profiteroles au Chocolat（Chocolate "Profiteroles" with Vanilla ice cream）：朱古力泡芙打孖上，大大件好香脆，甜品簡單以朱古力醬、忌廉及雲尼拿雪糕點綴已夠清涼甜美。

喺互聯網上告知親友將遠遊越南，希望有人可教路去邊度飲咖啡，唯一回覆嘅居然係大肥爸爸相識五十多年嘅舊同學！Uncle真係好有心架，幫忙聯系上一位地膽朋友，仲介紹咗間連本地人都大讚嘅連鎖咖啡店「Trung Nguyen Legend Café」。

越南名牌連鎖咖啡店以創辦人之名號「Trung Nguyen」起名，傳奇在於其研發之「麝香貓咖啡」。由於「麝香貓咖啡」製造過程中先要麝香貓進食咖啡豆，等待豆豆在麝香貓體內產生某種化學作用後跟糞便排出體外，之後再撿拾回工場加工，故製出嘅咖啡被俗稱為「貓屎咖啡」。聽完「貓屎咖啡」是如何製出，好多人（包括自己在內）都會覺得極度嘔心，但其價格卻屬世界最昂貴咖啡之一，傳奇得有點離奇吧。

），但十五人都冇膽嘗試。個人推介價錢平一半，香濃柔滑嘅

越南粉快餐連鎖店「Pho 24」樓底高高，地方夠光猛。店子一啲都唔花巧，牆身只係貼咗幾幅寫滿越南字嘅海報裝飾。左邊嘅開放式廚房望落好簡潔，又唔會話好大陣油煙味，而右方嘅一排木造餐桌都好整齊。年輕嘅服務生友善且效率高，個個帶哂手套，感覺極之衛生。餐牌越英對照，簡單易明，同收銀員落單溝通亦毫無問題。落好單同俾哂錢即換來一個號碼牌，食物會由專人對應牌號送到食客枱上。越南粉套餐價格由VND 49,000（約HK$ 16）起，最貴都係VND 79,000（約HK$ 26），夠哂經濟實惠，快餐黎講質素算唔錯：

1)      Pho Dac Bie（VND 69,000；約HK$ 23）：特式牛肉河粉個湯底味道濃郁，又唔算特別油膩；麵條並非中式扁扁肥肥，而係條長方形啲嘅；牛肉片尚算軟腍，同夠薄。

團友們已習慣於歡樂時光喺郵輪上玩「每日一吧」嘅行程，等待離開越南時就去咗試三樓間「Chart Room」，因女士們收到風話有靚仔會演奏彈琴，適逢三八婦女節喎，當然係要順佢地意去𥄫野啦！

、果仁、橄欖，旺得有理！

遊輪河黎到第四晚，西餐廳「Britannia Restaurant」嘅出品終於有進步，叫做見得吓人，但都只係局限於主菜一環，因為甜品勁恐怖：

1)      Mushroom Soup, Tarragon Creme Fraiche：蘑菇湯味道還可以，輕巧清香，最大問題係唔夠熱。

2)      Roast Breasts of Squab Pigeon, Barley & Sage Risotto, Panchetta, Spring Pea, and Broad Bean Fricassee & a Red Wine Sauce：晚餐嘅亮點就係此道燒乳鴿。如相所示，燒乳鴿主菜有兩隻鴿肶及兩邊鴿胸，兩個部位嘅肉質同樣幼嫩軟腍，鴿皮亦軟潤甜濃。份量其實好足，只係大家都有個問題，就係唔知啲鴿翼去咗度呢？！

3)      Matcha Tiramisu, Yuzu Curd, Mango Pearls：貌似火山爆發中嘅抹茶味tiramisu賣相已經唔係咁得，食落去先驚嚇，因為當中嘅柚子及抺茶組合又酸又苦澀，客氣啲講就話係奇怪，但請恕小肥直言，甜品真係難食到要食剩咁差，堅唔掂！

「Britannia Restaurant」嘅早餐冇夜晚咁嚴謹，除咗冇固定座為之外，即使人多未到齊都可以喺門外排隊輪流入座。埋位後，好快就有服務生上前續一問及有否需要熱咖啡、茶、果汁，並即是斟出，任添唔嬲。小肥所點嘅法式多士「French Toast with Butter and Pancake Syrup」熱辣鬆化，絕對比晚餐美味得多。

第一日喺香港上船已經歷過「皇后郵輪公司」及「啟德郵輪碼頭」嘅失當安排，但有邊個會估到曾多次停泊過越南芽莊市港口對出海面嘅「瑪麗皇后二號」對轉乘救生艇上岸嘅運作居然可以咁混亂同不流暢。

其實早一日哥哥已經喺詢問處嘗試打聽過，接待生卻未能告知入境手續及轉搭艇仔嘅詳情，唯有見步行步啦！郵輪八點抵港，為怕麻煩，好多旅客都會選擇參加船公司搞嘅半天遊，XO仔就懶醒咁以為等朝早散咁啲人十點先去坐啦，仲預鬆咗時間約定私家旅遊巴十一點見；好在團中有醒目嘅長輩九點幾就去咗睇睇咩環境，仲即場攞埋籌，因為原來連一早要跟團出發嘅旅客都要輪籌上岸，十五人結果等咗成個幾鐘先排得到，試問場內嘅人又點會唔顛呢？！反而入境話都冇咁易，官員喺遊客轉船前只需核對身份就會喺張「Landing Card」上盦印，就係咁簡單。

朝早喺船上等都話有冷氣，下午四點回程時要喺個岸上暴曬，當真不是味兒，幸好細佬中有準備，每人派咗把手提電動風扇，唔係肯定個個溶哂都似！請恕小弟直言，依個城市真係去一次都嫌多。

由於圈內嘅親友冇人去過芽莊市，要搵食唯有自己上網搜尋，結果就喺旅遊熱網嘅排行榜上發現咗間可以用英語溝通嘅「Lanterns Vietnamese Restaurant」。

出發前一個月，XO仔已跟店主Robert哥哥聯絡上，以電郵為十五人訂好位之外，更跟經理道明可以美金付款，並付上詳細地址、電話及地圖，非常周到。到咗用餐當日，由於喺樓上舖午膳必先行上長長嘅樓梯，店員仲好細心地續一扶持七旬長輩慢慢登上，這份溫婉細心之情實在難得。

鐵板蓋頂嘅餐店簡單以紅燈籠裝飾，襯返個店名。堂內有幾把大風扇，不過大家自備咗手提電風扇都不停滴汗，啤酒竟然係跟冰上，明顯當地人都覺得好熱啦！店子提供免費Wi-Fi，服務生亦十分友善，午餐菜式質素雖然有點參差，但睇在價錢份上真係冇得投訴：

1)      Homemade Spring Rolls (Cha Gio) with Meat（VND 75,000/4pc；約HK$ 24.5）：熱辣辣嘅自家製春卷皮脆鬆化，肉餡鮮嫩惹味。

2)      Rice Noodle Soup (Pho) with Beef（VND 65,000；約HK$ 21.5）：一眾最期待嘅越南牛河可以話係最失望嘅一味，其湯底味道過於清淡，河粉厚身得黎又唔夠潤滑，面層嘅牛肉片算係最正常，不過人家只收約HK$ 21.5，又的確係好難同起碼收雙倍價錢嘅港版比嘅。

3)      Garlic Butter Shrimp “Tom Bo Toi”（VND 159,000；約HK$ 52）：鮮燈色嘅蝦隻嘅蝦背上雖然鎅咗一刀，可惜唔係條條黑腸都有挑起，加上蝦身粉粉地，食落唔夠爽脆，不吃也吧。

4)      Fresh Rice Paper Rolls “Goi Cuon” （VND 70,000/4pc；約HK$ 23）：如相所示，越式紙米蝦卷包得好夠扎實，咬落集軟嫩爽脆於一身，點上秘汁即倍添清新，必吃推介！

5)      Lanterns Special Fried Rice（VND 99,000；約HK$ 32.5）：用煲仔上嘅特色招牌炒飯混入咗雜菜、菠蘿、雞肉，乾就夠乾身，不過飯粒過腍，而且雞肉乾嚡，又唔係幾夠味，建議大家食多幾碟自家製春卷或越式紙米蝦卷好過。

原本XO仔規劃咗午餐後先喺餐廳附近一家咖啡店度嘆杯越南咖啡，之後轉場行一行沙灘方才順便飲一輪Happy Hour嘅，但係導遊先生卻提議十五人可以去佢相熟嘅「Nha Trang Sailing Club」，一個地方做哂兩樣野咁話。人家係地膽喎，咁梗係俾佢話事啦！

室外會所陽光充沛，通過正門，左右先有兩排帳篷式梳化位，中間有個長方形水池，感覺輕鬆雅致。入面最大面積嘅室內空間有個酒吧及舞池，十五人就被安排坐最近沙灘嘅室外散座，空間感足，最煞食就係個靚景，不過就唔係好見到導遊哥哥之前提及過嘅俄羅斯比堅尼女囉。估唔到二十多頁餐牌居然會係中英對照，明顯客路主要為遊客。年輕嘅服務生個個黑面神上身，問乜都冇反應，最後小肥決定慳返啖氣用手語溝通，指出各人想點啲乜野飲品。

，即成千蚊港幣喎，單價為香港街賣嘅三倍有多，仲要貴過喺郵輪飲嗰樽粉紅色香檳，深覺實在不值，所以最終都係飲咗杯凍咖啡就算。哈，如相所示，嗰杯

）嘅凍白咖啡不單水汪汪，飲落咖啡味欠奉，超劣劣劣劣劣劣呀！姨媽見到自己杯熱咖啡連餅乾上但同凍啡同價喎，諗住抵玩啲啦，點知睇單發現每塊餅乾收咗

），咁先知原來仲搵笨，因為嗰塊餅乾都幾難食吓！

喺芽莊市渡過咗一個不甚歡樂嘅時光後，大隊上船都要立即梳洗一番，過後約同於七樓嘅「Carinthia Lounge」度邊睇現場表演邊嘆香檳；無錯，就係早已成為此團嘅指定粉紅色香檳「Laurent Perrier Brut Rose」（USD 95/樽；約HK$ 741）。

上岸嘅日子好多搭客都會食埋晚飯先返上郵輪，又或者會買啲當地嘅美食返房食，可能餐廳因此就預計會少啲食客去「Britannia Restaurant」享用晚餐，菜式質量明顯下降：

1)      Oxtail Consommé with sherry：一碗湯最忌就係唔夠熱，牛尾清湯只屬和暖，加上淡而無味，飲水好過。

2)      Vegetable Gyoza, Chinese Black Vinegar, Sesame Dressing：齋餃子賣相都幾俹簁，就好似隨隨便便疊上隻碟度咁，或許是餃子隻隻唔同樣所以唔排好過排吧？！齋餃子嘅皮層厚薄不一，半乾半韌，有部份仲要係疑似未熟咁，入面嘅齋菜餡心酸酸澀澀，完全唔啱細佬口味囉！

3)      Grilled Fillet of Sea Bass, Potato Gnocchi, Asparagus, Peas, and Mustard with Tarragon Sauce：姨丈點，XO影，佢嘅評語係燒魚好乾好嚡，劣！

4)      Sautéed Garlic Shrimp, Wilted Spinach and Jasmine Rice：真係冇花冇假，白飯多過餸，大大隻餐碟上只有兩隻又乾又唔爽嘅中蝦。

5)      Bananas Foster, Rum and Raisin Ice-Cream：香蕉甜品個樣已經唔靚，食落咪就係有少少酒味嘅半生熟香蕉囉！不過最失敗嘅就係雪糕喺上枱時已呈半溶狀態，有相為證架，冇得抵賴。

位於二樓嘅英式酒吧「Golden Lion Pub」中午時份光猛鮮明，正門右方有個高櫈吧位區直播著球賽。廳內亦有多張散座，厚墊椅櫈十分舒適，窗邊嘅卡位可以欣賞海景，自然地最受歡迎。場內嘅服務生超級忙碌，每張枱落單又要等待指定嘅侍應喎，午餐爆場更顯其效率低得很！郵輪套票只包餐牌上第一頁嘅項目，飲品均額外收費。

貴為英式郵輪，「瑪麗皇后二號」當然係要隆重地對待國家聞名嘅女皇式下午茶啦！供應時間特定於下午三點半到四點半，地點安排於連名都高貴過人嘅「Queens Room」，座位先到先得。

」為樓底高高嘅宴會廳，中央有個大舞池，池內有幾位靚女現場合奏表演。氣氛原本應該幾好，無奈因廳內嘅散座排得太密，雖然有地毯吸音，爆滿時卻變得十分嘈雜。全場食客入座後，即可揀茶飲，並由多位服務生排隊式地送上一盤盤嘅小食糕點，任君選擇。茶品欠缺熱力，包點中

三文治及三文魚撻均偏乾同硬，令人越食越搖頭。唯一甜品有個輕巧甜美嘅

仔一個人食咗三杯，隔離枱見到想試時已經太遲了。

由於英式下午茶實在教人失望，大隊就決定去同層嘅「Champagne Bar」歡樂一番舒緩一吓。可能歡樂時光並無特別優惠，十五人居然包場，全廳任坐唔嬲。

及兩款小食送酒，周到得很

船長Christopher Wells先生誠邀搭客參加嘅「Captain’s Gala Reception」雞尾酒會於宴會聽「Queens Room」舉行，服裝限定為「Gala Evening Attire」，亦即隆重晚裝。為確保全船人可以一同參與，酒會跟晚餐一樣共有兩輪，分別為傍晚五點十五分至六點及晚上七點四十五分至八點半。

正當團友們都預計雞尾酒會後嘅晚餐會特別華麗豐盛時，打開兩頁餐牌後個個面上即流露出震驚嘅表情！無他嘅，頭盤其中一項為「Mackerel Teriyaki」（日式照燒魚），而主菜更離奇地有「Shrimp Mac & Cheese」（芝士蝦通心粉）及「Singapore Vegetable Noodles」（素菜星洲炒麵），係咪堅離地呢？！當晚嘅菜式質量甚為參差，唯一嘅亮點係甜品比早一晚精美：

1)      Sweet Corn Chowder with spiced popcorn：意外地，粟米湯比早一晚嘅香甜濃厚，但都只屬普通貨色。

2)      Seared Scallops with artichoke puree & tomato confit：香煎帶子主菜鮮甜幼嫩，個人卻不大接受到伴配嚡嚡嘅artichoke puree及重口味嘅tomato confit。

3)      Singapore Vegetable Noodles：如果食客必需遵從「Gala Evening Attire」個服裝規定進食晚餐，這份素菜星洲炒麵嘅尊容似乎第一個要被即場叮走啦！齋麵並非小弟所點，但睇見uncle個樣就知味道同賣相差不多。

郵輪公司所派發嘅旅遊指南中嘅資訊其實唔係好充足，就連登船嘅流程都只係簡單道出三點鐘喺「香港啟德郵輪碼頭」，所以團友都選擇中午時份早啲到步自行探索。

「啟德郵輪碼頭」又遠又荒蕪，附近真係「百無」，出入只能靠的士或私家車，難怪旅客個個都叫哂救命話唔方便。碼頭大就夠大，但感覺極之簡陋，通道多過人同商店，路牌唔多，莫講話保安，想搵個人問路都難，離境區及候船區嘅位置係冇餐廳嘅，所謂購物商場都唔知要行幾遠先到。

皇后郵輪「瑪麗皇后二號」體積龐大，通往接待大堂嘅弧形樓梯舖上厚厚嘅紅地毯，極具氣派。四周廳堂大多都有厚地毯，襯托埋厚墊椅櫈，舒適得好有格調。

十多人經旅行社所訂購嘅套票價格約HK$ 11,000/人，包咗六天嘅基本餐飲及住宿。船隻載客量高達二千六百多人，故餐飲方面都有不少選擇。所謂基本餐飲，首先係可以喺二樓西餐廳「Britannia Restaurant」於限定時間內進食早、午、晚三餐。西餐廳每日都有不同服裝限制，唔想咁拘謹嘅客人三餐其實可以揀去七樓嘅「Kings Court」食自助餐。船上所有酒品都要額外收費，所以最不缺乏就係酒吧及酒廊，試咗嘅有「Carinthia Lounge」、「Champagne Bar」、「Chart Room」、「Commodore CLub」等，連泳池旁都有得飲架！無奈郵輪酒價偏高，酒品套餐又不吸引，吓吓要就住黎飲都幾唔過癮。

首批團友成功登船時已經成四點，當時郵輪上只有七樓嘅「Kings Court」有野食，不過只剩半個鐘左右，所以第一時間就約咗上去邊食邊等。

」由早上十一點半開始就會有自助餐供應，分開中午十二點至下午四點半嘅午餐、下午六至九點半嘅晚餐及深夜十一點至凌晨兩點嘅宵夜三個時段，食物款式每天不同。近尾聲嘅自助午餐剩餘嘅熱食不多，包品及三文治已變得又乾又硬，甜品亦不甚吸引，結果酒鬼們當然係飲多兩杯啦！

皇后郵輪公司為答謝乘客幫襯，每間房都送贈香檳一枝；新客獲得半瓶裝（375ml），舊客就有全瓶裝（750ml）。每個房間都有專人打掃及管理客人不同嘅需要，如洗衫服務、晚上開床、加添被套、枕頭、日用品等，負責我地嗰區嘅Charles哥哥絕對貼身稱職。

因要費時找尋冇上到船嘅搭客，搞到郵輪遲咗開，好在喺甲板層嘅「Terrace Bar」等待時俾幾隻酒鬼發現有個粉紅搶眼嘅「Laurent Perrier」香檳攤位，結果等吓等吓就飲咗兩樽粉紅色香檳。

船上指定嘅香檳品牌價格都幾貴，普通嘅「Laurent Perrier La Cuvee」單杯都要成USD 16.50（約HK$ 129），每樽就USD 75（約HK$ 585），而粉紅色嘅「Laurent Perrier Brut Rose」則售USD 19.90（約HK$ 156）/杯及USD 95/樽（約HK$ 741），以一樽大約可斟出五杯黎計，點都係成樽叫抵飲啲。

郵輪套票包咗嘅三餐可於二樓西餐廳「Britannia Restaurant」內進食。晚餐共分傍晚六點及晚上八點半兩個時段，每晚嘅衣著限制有所不同，出門口前一定要先確認，因為門口嘅工作人員真係會叮走啲衣觀不恰當嘅食客架。

西餐廳環境優雅大方，空間感足，厚墊椅櫈十分舒適。服務生友善有禮，而且效率極高。可惜第一晚嘅菜式賣相同質量相當平庸，大家都有點失望：

1)      Corn Chowder：粟米湯好稀又唔夠味，感覺就好似廚房煮唔夠份量，溝咗幾次水咁。

2)      Roast Rack of Spring Lamb - Boulangère Potatoes, Crushed Minted Peas and a Mustard-Scented Jus：成餐飯最好食就係個羊架，色澤粉嫩嘅羊肉香濃得黎一啲都唔羶，加上肉質鬆潤，輕輕塗上碟上嘅芥辣味汁液即變得更為惹味。

3)      Valrhona Chocolate Fondant Cake with Chocolate Sauce：朱古力心太軟超甜同溜，雖然糕品浸住咁多朱古力汁，但其質感依然偏嚡，不吃也吧。

船上每日都有不同類型嘅表演睇，最大型嘅都會安排喺兩層高嘅「Royal Court Theatre」度進行。首晚由越南裔靚女得奬鋼琴演奏家Van-Anh Nguyen擔起大旗，將傳統古典音樂嘅元素及彈琴技巧混入現代流行曲目中，帶觀眾跨越時代地享受到不一樣嘅鋼琴演出，令團友們都聽出耳油，實在係嘆為觀止！其中一位uncle仲好捧場地買咗套CD排隊攞簽名添，認真唔講得笑！

午飯的地點位於平桂風景區內，景區內的水池有荷花，果樹以及售賣越南特式食品，環境都很好呀!

午餐食物有越南春卷、蔗蝦及魚等，味道也佳.

吃飽飽後，又是時候到機場了.

這5天參觀的地方不算難忘，但可以親身踏足一個從未到過的地方，也是值得記念的，希望每年也可踏足一個新國家la!

到達碼頭乘船到椰子島觀光，島上有一些工藝品、越南傳統服飾售賣. 其後我們坐小舟在椰子島內遊歷! 上岸後我們買了一個即開的椰子喝，味道很清甜呢!

是越南最具特色的傳統民間舞臺戲，也是世界上獨一無二的木偶戲，它稀奇的地方，就在於木偶戲於水池面上演出；表演者必需長時間浸泡于水中，利用其強勁的臂力及純熟的控繩技巧，讓玩偶生靈活現的演出各項傳說故事.

這項目也是自費的($80/位)，個人就不太喜歡看，聽不明越南語所以有點悶!

於住宿的酒店頂樓享用晚餐，還可以看到越南的日落美景，美不勝收. 這餐廳的越南菜精緻又美味呢!

這晚6時多就吃晚飯，因為飯後還會去按摩鬆鬆身啊!

越南聖母大教堂，位於百年郵局旁，因使用紅磚建造，又稱紅教堂，是胡志明市最著名的地標。

紅教堂的名字是緣於它紅色的外表，聖母大教堂才是它的真名。教堂始建於1877年，耗時6年,建成於1883年，為法國殖民時期留下的紀念品。建築造型勻 稱，莊嚴宏偉，兩座40米高的鐘樓塔尖直沖雲霄，是仿照巴黎聖母院鐘樓的設計。建造教堂的紅磚全部從法國運來，至今沒有絲毫褪色。

紅教堂外表宏偉，內裡裝修典雅，彩色玻璃窗也繪有圖案，當年的建築也相當講究!

胡志明市中央郵局，建於19世紀末，由法國建築師設計，大廳內部裝飾華麗，圓頂極富古典氣息。隨處遊覽看看古建築、拍拍照片也不錯呢!

總統府原建造於1868年，是一座法國古典主義建築，起初作爲西貢印度支那總督府。1954年移交給當時的西貢政府。20世紀60年代，原建築在一次轟炸中倒塌，在原址新建了現在的大廈。南北統一後，重建於1966年，是一座占地面積達12萬平方米的龐大四層白色建築，前南越政權的總統府所在地。大廈內有100個裝飾華美、富麗堂皇的大小廳堂，可滿足外交、宴會、娛樂、居住、軍事指揮等各種需要。

這天的午餐是全蟹宴，包括粟米蟹肉羮、蟹肉春卷、辣椒醬炒蟹、椒鹽蟹肉糯米飯等，味道是不錯的，特別是即炸的蟹肉春卷!

是胡志明市西北方40公里的一個地道系統。此地道原為越南抵抗法國統治時，由當時農兵徒手挖了20多年的一個地下戰道。到了1960年代越戰時期轉為實施抗美地道戰的重要地下基地，由越南南方民族解放陣線（越共）建造，全長200公里，由無數條寬不到80公分的地道分為三層結構交錯而成。

地道中建築有醫院、會議場、睡眠房間、作戰房間、糧庫及軍事陷阱等設備，規劃極為完備。1968年春節攻勢，越共就曾經使用此一地道系統突襲當時美國駐西貢大使館、新山一空軍基地（美軍、南越政府軍指揮部）、越南共和國總統府。

現今古芝地道儼然成為了胡志明市的著名參觀景點。目前開放的地道是Ben Duoc及Ben Dinh。

個人幾喜歡參觀這個景點，由其是可以親身進入地道，感受當時軍人如何從狹小的地道遊走，我只是行一小段地道已經要彎身慢走，當年打仗的軍人要多月留在內裡，很佩服他們的毅力!

Fanny Ice Cream 是市內著名的雪糕屋，它的裝修以歐陸風情為主，在寬闊的樓底吊着一把慢慢搖擺的吊扇，扇下有一個偌大的仿古書櫃，十分別緻。

我選了2球水果味的雪糕，味道清香又不會太甜，很美味呢!

到麗斯夜總會吃晚飯前有一個小時的自由活動時間，在胡志明市內閒逛，當日也是他們的新年，到處人流如鰂!

吃晚飯期間有些越南美女表演歌舞、古樂獨弦琴演奏等，一邊吃一邊看表演都幾好呀!

飯後，就回到酒店房間休息，豐富而疲累的一日.

一早起來就到頭頓的耶穌山，當日天氣晴朗、而且在海邊的耶穌山也感受到陣陣清涼的海風，所以步行上山不算辛苦.

上山途中也看到一些聖母的雕像，型態各異，也聽到當地人播放聖詩，令人感到內心平和舒暢. 大約步行30mins便可到山頂. 進入耶穌像內必須穿及膝裙or褲，我也做好準備了，不過像內超多人，加上每級樓梯只容得下一人通過，我實在不夠那些人迫上頂，故此唯有放棄了!

在山頂到處閒逛，見到一些戰時大炮，幾十年前，這座山是不是一個防守的要塞呢?

越南漁民視鯨魚爲海神，相信鯨魚是出海捕魚時的救星，只要有它們存在，任何危難都能逢凶化吉。 一副具有百多年歷史的鯨魚骸骨，現在被擺放在廟內一個長形的玻璃櫃內，供人參觀。每到農曆八月十六日，漁民組織更會隆重其事，帶齊祭品前往寺廟，舉行拜祭儀式，氣氛十分熱鬧。

入到去見到這副鯨魚骸骨安放在玻璃櫃內，而且燈光昏暗，都有點兒恐怖呢!

博物館外展示了飛機、坦克等，內部的展品則包括圖像照片，並附設英文、越文和日文描述。展示越戰時美軍使用的橙劑及其他化學武器對受害者的傷害。看著看著也覺戰爭太可怕了.

我們乘搭越南航空10:40am從香港往胡志明的班機，只需3.5hrs便到達越南了.

越南時間比香港慢一小時的.

到達後便馬不停蹄的乘旅遊車往越南的度假天堂頭頓市，由胡志明往頭約需2.5hrs，乘車中途的一個落腳點可讓我們買些新鮮水果吃呢!

這個紅肉火龍果相當甜，炎夏消暑良品.

經過2個多小時車程，便到達我們在頭頓住宿的酒店.

The Imperial Hotel Vung Tau是一所5星級酒店，所以大堂裝修都不錯. 房間內的裝飾是復古的，古色古鄉，都幾別緻.

安頓了後，又是時候外出用餐了. 到越南的第一餐是海鮮晚餐，不過味道就一般了. 不提也罷!

旅行團安排了自費海鮮宵夜，每位$250. 海鮮可選即燒大頭蝦or瀨尿蝦，還有炒蟹、香芧沙煲蜆、蠔粥及炒時菜.

我選了瀨尿蝦，蝦肉很爽口，算是亮點. 家人選的的大頭蝦據說味道一般，另其他海鮮都只是一般，不過這自費餐總好味過團餐所謂的海鮮餐.

吃飽後終於可回到酒店休息了，這天5時多起床，也沒怎麼睡過呢，常常覺得跟團旅行真的很累==