Day 5 (21/6/2010) - 環球影城半日行

旅程的最後一日，根據行程係自由行的一天，我地成班七小褔，一早在港已決定今日會以環球影城為目的地，預早已向旅行社訂埋入場券，門口沒有即場門券售賣，影城面積比香港迪士尼細，幸好每日有指定入場人數，不會太多人堆在場內，依地圖所示，足一日便可行完及玩曬機動遊戲。

第一個景點 – 4D影院史力加 : 值得一看及親身感受，感受極得意….其實呢個節目係每20分鐘一場，當未入場前有D時間要站著聽故事，幾辛苦o架！有個心得可供參考，由於佢係On-going 表演，應該先爭取時間玩其他機動遊戲，免卻等候機動遊戲排隊時間，才回來影院會更佳。

第二個景點 – 激流 : 去完Far Far Away, 沿路便住迷失樂園，期間經過吊腳過山車，見等候時間30分鐘，但隔離激流只需10分鐘，當下決定咪去玩激流…每隻救生艇坐九個人，好刺激好易濕身，無諗過咁激，最尾的一節激流攪到全身濕透，小心小心! 那知再回頭玩吊腳過山車，見等候時間已去到80分鐘，我們唯有放棄….

第三個景點 – 水世界表演 : 唔想濕身就咪坐咁前，坐位上已用顏色分左區分提大家，每個表演者都好投入，視覺及音響效果好專業，火爆場面夠曬刺激，臨尾衝架飛機出來，真係Amazing!

第四個景點 – Mummy過山車 : 好驚嚇好刺激，皆因過山車可前可後的移動，內裹又有部份場面配合影片情節，視覺效果及倒後過山車，真係幾特別，嚇你一個半飽!

第五個景點 –科幻城 : 經過科幻城，見過山車無開，隔離有個類似咖啡杯物體，見等候時間5分鐘，一玩無妨，但真係沒有什麼特別，迪士尼的咖啡杯比它還好玩，起碼可以自己調較速度；呢個只係一個速度自轉同公轉！

第六個景點 – New York City :便直行到Hollywood，係一個拍友喜歡的好地方，它的懷舊建築物好正! 真的值得花時間拍照，我地遇上Betty及 Hairspray 扮相表演者，好開心…

經過上述幾個景點，時間已到了13:30，肚仔打鼓便在New York此處食漢堡飽，製飽時間慢又時常漏單，很多人堆在Counter前等漢堡飽，趕時間就唔好幫襯，呢間懷舊漢堡飽快餐店，套餐價錢$8.8-9.8左右(坡幣計算)，已有一個飽，薯條，一杯大汽水，份量很足夠了。 

遊玩貼士 :
1. 需預早七日訂入場券或上網訂購，門口無即場門券售賣，每日有指定入場人數開放時間10:00 – 19:00，
2. 入場後左手邊的Information，記住去換(坡幣計算)$5.-Meal Coupon及$5.-Retail Purchase Coupon，購物食野都可慳番d!購物只需多個$5.-便可用  
3. 先租Locker鎖好背囊或斜孭袋，其中的機動遊戲，不可携袋入內
4. 玩激流最好著上便利雨衣
5. 水世界表演 : 唔想濕身就不要坐得太前，坐位上已用顏色分區提點大家

Day 4 (20/6/2010) – 新山午飯 / 新加坡聖淘沙 / 牛車水 / 老巴刹宵夜

全程最早的叫床服務，06:00 morning call, 07:30要食完早餐、Check out、上車向新加坡出發。一上車，導遊講解需要四小時左右才過關，所以她非常識做，沒有騷擾大家，讓大家好快進入夢鄉。在此長途，車子停了兩次，讓大家及司機下車如廁，最後的休息站還貼近一個榴槤場，真是好驚喜見到一個個榴槤高高掛在樹上！

約11:30便在馬來西亞的最後一站 - 新山午飯。在新加坡過關，不得不提大家需嚴守戒條 : 1.香口膠、肉乾不可帶過關 2. 香煙只可帶19支或以下過關，事實上呢19支香煙可過關，但切忌在公眾場合豪食；因為當地每支香煙的煙身都有標籤是新加坡完稅香煙記號，有便衣會巡查各煙民手持的香煙，若所食的不是當地香煙，便需要罰錢，小心！小心！

到了新加坡第一站便先到聖淘沙公園一逛，拜會過A貨似的迷你獅身魚尾像，行過了節慶大道，有一小時的自由活動，便花了時間在聖淘沙賭場上。

賭場不算大，對於入場客檢查很嚴，他們不是檢查隨身物品，而是大家必需出示護照，證明自己是遊客，才可免收入場費，起碼經三次查檢；再者，特別提醒大家，男士進場必需穿長褲及穿密頭鞋，否則短褲涼鞋全拒門外，而女士沒有甚麼限制。還有一定要滿21歲才可入場。我們一行人亦有男士穿上及膝短褲、波鞋，勉強過關；但此一著便令我們晚上夜遊金莎吃了悶棍，容後再提……….以睹場的大小及規矩，相比澳門，我較喜歡澳門賭場經營手法，起碼是一種歡迎光臨的感覺。

到了新加坡，當然要到地標一逛 - 巨型魚尾獅像及到牛車水買手信, 在胡振隆買辣肉豬肉乾，馮滿記買了豆蒄膏、鎮痛膏、千里追風油….便上車去吃晚飯。

晚飯當然是地道海南雞飯，所有有味飯是可以任潻的，團友大家潻了一碗又潻，每檯都有三碟雞，雞又滑、飯又香，簡直吃得大快朶頤！

晚飯過後，便回酒店。真的要讚揚這間酒店 (Conrad Centennial Singapore)，點只係5星級咁簡單，房內設備包括電視、音響齊全，床單被鋪很軟熟，服務很細心，還有小禮物(玩具熊)給你驚喜。

安頓一刻，一班人又再次出動，夜遊新加坡金沙賭場；由於下午在聖淘沙，可以穿短褲入場，各男士們便懶理行程上的溫馨提示，心想天氣咁熱，一於改著短褲一闖金沙賭場。沿著濱海灣路，以金沙酒店最頂層空中花園為標記，漫步約十五分鐘便到，沿路燈色很美。誰知金沙賭場執法很嚴，所有短褲、涼鞋男士全部拒於門外，女士則順利過關，但都要檢查3次護照才進場，真不是味兒！所以女士們還是逛了一圈便走了，感覺上澳門的賭場較闊落，舒服得多…！幸好賭場隔鄰是一個商場，不能入賭場，便順道一遊，店舖未開曬，都係以品牌店居多；可惜對面金沙酒店頂樓的空中花園未開，惟有進行另一計劃，尋宵夜….       

問賭場的職員探路，老巴剎的出名宵夜勝地，依地圖似很近，那知足足走了半小時才到。一個很特別的宵夜地方，周圍高樓林立是一個商業區，建築物是甚麼維多利亞式的…我們選擇了近Boon Tat Street串燒的一邊檔攤，除叫了串燒，也叫了些地道食品，包括胡椒蟹，蠔餅，鬼馬油條，魔鬼魚，蝦棗………，其中胡椒蟹較惹味，蠔餅的蠔很大隻，鬼馬油條配上醬汁，味道很特別，但蝦棗真的麻麻，可以不試！吃罷便乘的士回酒店，的士收費過了十一時半需雙倍收費，跟咪錶計算付款便可，所以想出夜街，要慳錢便要看時間。

今次是我同男友的畢業旅行，亦是美食之旅。一大清早就出發往機場，9點去到機場，先check-in。今次乘搭Tiger Airways 11:00航班。拎左登機証，時間尚早，在機場吃個早餐先。之後去閘口登機。經過三小時的機程，我地到達新加坡啦～第一時間買張ez-link card(類似香港的八達通卡),一張S$15,有S$10可用車費,S$5行政費,搭地鐵(MRT)到Harbour Front站去聖淘沙(Sentosa)。早餐之後都未食過野,好肚餓,五點九去到Vivo City先食晚飯,所以在Food Republic食吐司工坊和椰漿飯。之後係商場第三層乘坐Sentosa Express (S$5)去聖淘沙島。

我地係Beach Station落車,入到去已經成7點,先去酒店Check-in。我地搭島上的巴士到Siloso Beach,落左車之後又無咩指示,個天又黑麻麻,又落雨,結果搵左好耐先搵到間酒店。最奇怪的是Reception不在地下,是在七樓。拎左房,放低行李之後,我地就行去睇Song of the Sea水幕表演(S$10)。原來不足十分鐘路程,我地又行番去sentosa express落車的地方,即是我地搭巴士行左一個圈。

8:40表演開始,不過雨越落越大,表演長大約二十分鐘。表演完畢,我地又有點肚餓,但島上的食肆大多已關了,只有少數酒吧仍營業。結果,我地還是回酒店叫Room Service,吃了一個Chicken Burger (S$20)。