早一天晚上已和大少商量好，決定一試這間全球也有名氣的藍色大象餐廳 Blue Elephant，連美國總統來泰國也要一試的餐廳，作為為食貓的我倆，又怎能錯過呢﹖ 於是決定直接致電訂檯，怎料沒人接聽... 膽粗粗用EMAIL作留位，留了中午12:30，想不到我們出發後很快便到了~

於BTS Surasak 站下車，便馬上看到這間餐廳了~ 原本打算在附近逛逛，畢竟只不過是早上11:40 發現原來整個應該是商業區，根本沒法找到一個商場來逛，便決定將我們的LUNCH提早

坐下來後，侍應奉上Welcome Drink，很甜，像fruit punch~

很快便點了餐，因為最抵吃的便是business set lunch，不過侍應的態度有點不太禮貌~

這裡很大，一整座也是餐廳，相信VIP及政要或敏感人士會坐到樓上或另一方向之座位，整間餐廳的裝修也很歐陸式，但擺設卻是泰式，有種fusion的感覺~ 由於歐式的設計空間感很大，整間餐廳的環境令人感覺很舒服~

每位客人點菜後也會先奉上小前菜~

<Starters>

Crispy Stuffed Crab Shell - 這個賣相不俗，由於向對炸蟹蓋沒興趣，也沒有太大的期望~ 怎料入口卻有驚喜！口感不像香港式的炸蟹蓋，沒有糊狀又CREAMY的一團團物體，換來的竟是啖啖鮮蟹及雞肉絲的口感！ 這是我所吃眾多炸釀蟹蓋第一次由心的覺得不錯！

Meing Kham - 用 betel leave 包著烤過的花生、薑、蔥、糖、蝦醬等等，味道雖很傳統泰國菜味，但實在不是我杯茶，感覺又甜又薑辣很是奇怪~

Tom Seb Salmon - 這個是傳統東北口味的湯，以三文魚、新鮮香草、辣椒及tamarind leaves煲出來的~ 一向怕魚腥的我，也能喝下半碗，湯確實沒有腥味，但湯也沒太多三文魚味，反以酸酸辣辣的味道為重，而三文魚煲完後變得鞋身，沒有吸引力~

奉上主菜時會侍應捧著個大籃子，原來裡面有兩款飯：白飯及紅米飯，我們也選了紅米飯~ 沒有味道~ 跟在香港買紅米回家煮的口感同味道差不多~

<Main Courses>

Massaman Lamb (右下角) - 我不吃羊的，大少則投訴這個羊比起一般的瘦肉還要刃，且沒有肉味，咖喱汁也只是和暖，令喜愛咖喱及羊的他大失所望

Laab Ped (左上角) - 這個亦是傳統東北菜，是脆的鴨胸配上外脆內軟的糯米飯卷~ 先試糯米飯卷，有少少椰子甜味，而且很粘口；鴨胸看上去很乾，入口像是炒老了的牛肉

Blue Elephant Phad Thai (右上角) - 雖是很平凡的泰式炒河粉，但用上餐廳名作菜名的一部份，相信是招牌菜之一吧﹖！抱著期望夾起河粉，發現河粉很粘，一夾河粉像麵餅般，得花點心機時間才能夾起少少的河粉放入口中~ 第一個感覺是很甜 甜得像吃甜品般！而且其他配料竟然沒有味道... 最奇怪的是，連辣味也沒有 實在令人費解...

Pak Boong Fai Daeng (左下角) - 這個炒菜是四個主菜內最好吃的，青菜炒得很香，不會過老~

<Dessert>

Fresh Fruit with Ice Cream - 一向對雪糕情有獨鍾，看到這個雪糕時心裡有點安慰，再難吃的主菜，只要有好吃的甜品，便能讓我的心情稍為平伏下來。蛋卷薄身頗脆，但梢為欠缺了味道；附上 的CREAM不夠滑；雪糕很粘口，很隱約吃到點點椰子味；水果不夠新鮮；淋上面的芒果汁有點像冰沙，沒有味道．．．連最簡單的雪糕也是如此級數，真的要抓狂了！

結賬時侍應只會將單據放在這個藍色大象內奉上然後離去~

總括來說這間著名餐廳實在讓我們大失所望，除了環境很好外，侍應的服務態度、食物的味道、食物的質地、食物的配合等等也均在中下，實在想不明為何這麼多名人會來這裡用餐~

這裡的擺設也頗具心思，光是看吊燈，用吉的酒樽造出來，便已看到店主的心思了~ 餐廳的窗邊盡是大大枝的sake樽擺設~

全間餐廳的餐桌及椅也是木造的，有深深的樹紋及裂痕，連餐牌也是一模一樣的設計~ 唯一問題是很多螞蟻

由於泰國的天氣實在太熱，一整天也需要喝凍物來解渴，來到這裡，當然不能錯過冰凍的梅酒吧﹖

Kacha umeshu - 想不到細細的小瓶，真的能倒出兩杯梅酒，還有兩粒酒梅，每杯一粒，不用爭，剛好~ 很香梅子味，反而沒太多酒的味道，感覺上有點像喝梅子水~

Sobameshi (Japanese omelet with stir fried noodles and rice) - 想不到第一道奉上的竟是這個菜！第一次吃蛋包飯麵！裡面有粒粒有咬口的珍珠米之餘，亦有像意粉般的麵條呢！飯麵用鰻魚汁炒，很香口，不過有點偏咸；蛋很嫩 滑，但不夠蛋香；蛋汁撈飯麵一起吃實在很滿足~

Tomato slice - 這個蕃茄真的十分原汁原味，蕃茄切片加入少量海苔及沙律醬上面，沒甚麼特別；不過用來配合後上的濃味食物，倒能為濃味食物帶出一份清新~

Char-grilled chicken thigh - 這個鐵板雞肉很香口，很有一種炭燒的味道，雞肉很嫩滑！原本以為旁邊的是蘿蔔蓉，怎料原來是蘿蔔蓉+薑蓉！這個配搭十分新鮮呢！由於鐵板雞肉感覺上很熱氣及濃味，試試用附上的椰菜加入蕃茄片一起吃，想不到吃到香口嫩滑的鐵板雞之餘還有很清新的蔬菜味，以想不到呢！

Godzilla egg (Halfboiled egg wrapped in deep-fried mashed potato) - 這個賣相實在很容易令人聯想到恐龍蛋！其實是用薯蓉包著雞蛋一起炸，然後蛋是保持溏心蛋的狀態~ 伴碟看上來以為很脆，可惜由於炸薯蓉蛋有油及溫度，都把這伴碟變成不脆了~ 而且雞蛋比想像中熟了點，有點兒失望~

薯容的質地十分之好，不是全部都軟林林的粉狀，吃下去時咬到外邊的香脆，內裡除了保持著薯蓉的軟林林外，竟然還可咬到薯仔的口感，更吃到薯仔的香味！相信這個薯蓉所用的麵粉應是少之又少~ 難得之作~

這間餐廳沒在網上看到甚麼評論，但食物的心思及水評實在值得一試呢！

網上提過夜市不太吸引，而且船的班次好像有時限，上網找了資料後發現最遲是晚上11:30尾班船由夜市開出，而且我們當晚也沒想到其他地方逛，決定搏一搏，去看看這個新開的Asiatique夜市~

於Saphan Taksin BTS站下車後，很驚訝竟然完全沒有指示 我們唯試試跟大部份人於Exit 2出，沿著有蓋天橋向前行，沿途挺多流浪狗，怕狗的朋友們要份外留意~ 大約5分鐘便看到碼頭了~ 不過千萬別亂上船喔，因為這個碼頭其實有不同的目的地，如要去夜市，切記要找到以下易拉架再排隊喔~

我們找到時應該剛好有班船走了，因為只有一個人在排隊~ 幸好，等船的風景也不錯~

大約5分鐘便有船了~ 這艘船很細，由於10．1的慘劇，令我第一時間留意救生設備，實在很有驚喜！喜的是，船上有救生衣設施，放在椅底；驚的是，不是每張椅下也有救生衣！頭頂上的水泡有點像毛質... 不熟水性的我，實在有點 還是專注望景吧~

很快便到了Asiatique這個地方，其實要來這裡不一定要搭船，於市區搭的士也可到，不過這個接駁船是免費的，既可省錢又可看看沿途景色，所以來回也是用這個方法~ 最近碼頭的都是餐廳~

這裡有兩個入/出口，一個是我們剛才落船的地方，另一個是搭的士/巴士的地方~

雖說在網上看到數篇網誌說這裡沒Chatuchak吸引，但這裡對於大少及我來說，遠比Chatuchak來得吸引。一來這裡的空氣流通很多，二來這裡賣的物品也比較跟得上潮流，這裡令我實在目不暇給~

這裡唯一比不上Chatuchak的，是家品擺設及藝術品，其他的在我們而言，都比較吸引~ 樹架對我來說很吸引！要是我的家有空位，必定帶它回港！

整晚讓我於店內逗留了30分鐘的便是這間印度小店~ 原本我是被那些人手造的cushion套吸引了，可惜由於是人手造，故size及pattern也是獨一無二，對於需要買2個的我，唯有放棄~ 不過沒關係，這裡有我最心儀的scarf~

來自印度Cashmere的店主，很有耐性地將機印、梭織以及全人手織的分別詳盡地解釋之餘，還將不同成份的scarf拿出來給我感受~ 由於冬天我較常用scarf，一直也很想買有cashmere成份的scarf好讓冬天過得溫暖點~ 好在有這位店主，他讓我先試試100% cashere的scarf，拿上手很軟綿，怎料試上頸才發現我的皮膚抵授不了cashmere的質地 最後試來試去，決定挑說 30% cashmere 70% silk 的scarf，竟於挑選時發現到我最喜愛的印度圖案，而且是用梭織的！ 雖然感覺上於這夜市應該會買到很便宜的物品，但最後還是花多少少買了一條3:7的scarf以及一條100% silk 梭織的scarf，都是我十分喜愛，然而又很難找到是梭織的圖案~ 正所謂千金萬買心頭好嘛~

於大街看見一間賣衣服的，麻布質料，設計簡單，以黑、白、啡為主，可設計卻不俗，原來是店主一手策劃的~ 於店內買了一條連身裙及一件中袖上衣，原本打算於店舖外拍照留念，但法國籍的店主很有禮貌地婉拒了，因為怕別人炒他的個人創作~ 我也十分尊重，與他道別了便離去~

大約當地晚上10:30左右，發現店舖開始關門~ 大少和我最後選擇喝了這個椰青後便搭船回去~

再見了Asiatique！我還有起碼3份2的店舖沒有行啊... 下次一定要再早點來！

我們於當地下午約4時到達，怎料原來要當地下午5時才開門！當時還有1小時多點... 唯有四處逛等~

終於等到正宗雞飯開門了！5時來到已經人頭湧湧~ 餐牌現在有中文了~

看到這麼多人坐在店舖裡面，便打算找個位坐下，怎料卻局得要命！馬上與大少於門外馬路邊找張桌，才感覺到空氣的存在！

於泰國的日子大少實在很辛苦，不斷出汗，所以就算是不知名的可樂也要喝，更要加冰~

這裡的湯有雞味，飯實在很香軟及有很香雞油味！

可惜今次的雞很鞋，份量比以往也少，並且沒有甚麼味道，感許有點失準了~

這個小時確實等的不太值啊... 希望下次再來時水準能夠回升吧！

由BTS站至此酒店大約20分鐘步行路程。終於找到了，卻看不到有客人在內，嚇得我們以為沒開門呢~ 原來落地玻璃有點反光，不會完全看到餐廳內的情況~

很意想不到，餐廳裡播放的是華語音樂，連碟也是用中文字呢~ 打開menu，完全找不到大少於網上推介的set lunch連紅白酒各一杯，大少建議不如另妥地點，畢竟這裡所見消費應不少呢~ 不過最後決定留下來，試試泰式中菜~

這裡有位女侍應很好，叫我們在facebook打卡，有welcome gift給我們，原來是個mocktail~ 有點青蘋果味道，大少很喜歡，但對我來說太甜了~ 全歸大少~

原本只有一只大杯，但由於我們點了兩款不同的茶，女侍應很細心的為我們預備了一只小杯，好讓我們能嚐到對方的茶之餘，卻不會把茶的味道混在一起~

Gnawa Tea - 這個有很香很清新的薄荷味，亦是green tea及black tea的混合，感覺很舒服，不錯~

Miraculous Mandarin Tea - 這個是女侍應推介的，喝下去有水果茶的感覺，尤其喝到橙的香味，不過對於我來說偏甜，還是Gnawa Tea是我杯茶~

值得一提的是，這裡的茶壺內是沒有茶葉的，以往在香港的 Antique Patisserie 喝茶時侍應教過，正宗的沖茶方法是沖茶後大約5-8分鐘待茶出味後，將茶葉拿起，這樣茶的味道才能保持，想不到這裡的沖茶方法也是一樣呢！

這裡每位客人點餐後也會奉上的小點，炆鴨腳，沒有甚麼特別~

Steamed Prawn Dumplings with Spinach Skin - 賣相很漂亮！第一次吃綠色皮的蝦餃，爽口大蝦配陣陣波菜香的蝦餃皮，第一個點心實在令人很驚喜！

跟蝦餃一起奉上的是三個醬，綠色的是薑蓉，味道有點似海南雞醬，大少和我也十分喜歡；中間是醬油；最前的是辣椒油~ 用第一個醬點蝦餃吃，份外有鮮味！

Fried Woo Kok with Prawn (Yam puffs) - 賣相很像鳳尾蝦~ 想不到芋角裡竟是大隻爽口蝦及帶子！而且皮遠比想像中薄！不過對於喜愛芋蓉的我，還是喜歡多點芋蓉，但這個點心實在很優秀~

Pan Seared Foie Gras with Crispy Duck Skin - 女侍應很貼心，讓我先拍照，再拿去將鵝肝分件，鵝肝入口即溶，不過煎得未夠香口，若煎久點會更好~ 但最想不到是入口有點燒鵝醬味，到喉嚨時竟有北京填鴨的味道！燒鴨皮很香很脆口。伴碟的沙律一點也不馬虎，是稀版的酸辣醬配芒果肉，馬上有種中西泰 cross over的感覺~

Scallop Noodle in Superior Stock - 外貌平平無奇，有點像烏冬的樣子，入口實在不禁大叫：好好味呀！入口很香帶子味、口感像魚蛋，整條麵也感覺到沒有加入麵粉，這樣的麵還是第一次吃！ 湯底一點也不遜色，以金華火腿煲出來的老火湯底，配上如此特別的帶子麵，很能突出帶子的鮮味！

Soft Bean Curd - 由於在網上看到這甜品很特別，於是決定點來看看~ 其實是火龍果豆腐花下放了乾冰，賣相很吸引，味道反而有點失望，豆腐花未夠香滑，豆味也不重，火龍果很新鮮，所以很好吃，豆腐花與火龍果一起吃會比較好吃，因為豆腐花本身沒太多味道

女侍應還很貼心的為我們call taxi~ 走時實在有點捨不得這裡的食物及服務態度~

晚上9時半左右抵達，竟然不用等位！ 二話不說便將想吃的都點了，不用考慮價錢實在很幸福啊！

魚露生蝦 － 不爽口，但醃得很入味～

炒瓜苗 － 在香港沒見過，決定試試，炒得很香口，很香的蒜頭味，不過瓜苗帶點渣～

生燒大蝦 － 真的很大！大頭蝦蝦頭不是每隻也有膏，但肉身夠爽口，很香燒烤味，配合每檯奉上的青辣椒汁，美味！

辣醃生蠔 － 辣汁實在很好味，配料很香口，其實蠔也處理得很好，入口很香青檸味，完全沒有腥味，可是除了即開生蠔外對蠔沒太大興趣～

海蝦粉絲煲 － 大少指定食品，粉絲不夠乾身，但很入味，若能更乾身會更吸引；蝦依然爽口美味～

埋單二人合計大約200元，超抵！

P.S. 這裡有一位侍應懂得用國語溝通，英文不太好大可找這位侍應~

此酒店格局有點像Sukhothai Hotel，經酒店服務員帶領下很快便到了Sra Brua by Kiin Kiin。Reception笑容滿面的跟我們打招呼，並安排我們入坐較靜的卡位，此泰國餐廳的裝修偏暗有情調～ 這間是一星米之蓮餐廳，實在很心急呢！

坐下服務員先為我們奉上酒店的signature tea：lemon grass tea。想不到是凍的，lemon grass很香，茶中帶點蜜糖，實在挺特別的。

此時侍應才把餐牌給我們，我們點了chef recommendation，有nibblings ＋starter ＋main course rice ＋dessert。

Nibblings － 這個沒有選擇，每位客人也是一樣的。實在不知食物的名稱，但侍應叮囑要先由最遠順序吃起。第一碟應該是腰果餅，不過腰果味很香，餅的質地有點像 macaroon，很鬆化；第二是蓮藕脆片，沒甚麼特別；最後是蝦片配醬，蝦片很鬆脆，醬十分出色，很可惜實在想不到是用甚麼製。。。

Red Curry Ice-cream with Lobster Salad - 侍應奉上時先介紹一番，突然拿出熱水瓶，大少和我正迷惘之際，發現倒出來的竟是氣體！是乾冰氣！ 原來此舉是用作保存雪糕的溫度，實在很細心！光是賣相已經一流了！第一次吃如此有動感的沙律  忍 不住馬上試荔枝雪葩泡沫，實在沒太大的味道，不過幽幽的荔枝味隨著滑滑的泡沬滑落喉嚨，這個開始很精彩呢！紅咖喱雪糕入口即溶，濃香紅咖喱味，而且咖喱味 道調較得非常好，這個雪糕實在有莫大的驚喜！龍蝦肉以為只是一般沙律沒多味道的貸色，怎料入口除龍蝦肉身爽口外也帶有香香的青檸及香茅味！配合生洋葱及牛 油果一起吃，回味無窮！這個沙律給我們視覺及味覺的驚喜，實在是頂級享受

Paned Foie Gras with Plum and Rum - 鵝肝不夠香味，入口未能達到入口即溶的效果，不過配上plum及rum source，味道也是不錯的。可能之前的沙律給我們太大的驚喜及滿足，這道菜馬上被比下去了。。。

Papaya Salad Grilled Chicken with Rice - 青木瓜沙律一向是我的至愛，這樣吃青木瓜倒是第一次。用煙靭卻薄薄的粉板及大白菜板卷著青木瓜絲，內有青紅辣椒、炒香花生粒及香口脆蝦米乾，配上後加的酸 辣汁一起吃，很清新，很辣，很好吃。雞扒沒太大驚喜，烤得香口，但不夠嫩滑，反而面的雞皮薄皮有點驚喜，很脆及很香，連同青木瓜沙律一起吃很惹味。

Panko Fish in Tom Khai with Rice - 這個魚有點像鱈魚，質感不錯，不會散開，頂是炸香了的，入口有脆口的感覺加魚肉的嫩滑，感覺交叉很有趣，唯一美中不足是魚肉沒有味道，若稍加點調味應該會 更出色。最頂的那片原來是炸魚皮，跟吃廣東粉麵的炸魚皮不同，這個沒有絲毫油，入口香濃魚味，很不錯。伴碟的菌絕不能錯過，因為整道菜味道最好的便是它 們，菌味濃香。

Pineapple Sorbet with Coconut, Rum and Malibu - 連同面的椰子一起吃，入口很重的酒味，菠蘿雪葩很軟滑，令人很想一口接一口，大少很快便完成了！

Organe Cake with Orange Sorbet - 這個橙雪葩出奇地像沙冰，跟之前的菠蘿雪葩有很大的分別！香橙蛋糕沒有甚麼特別，這個甜品有點失望～

整體來說這裡的環境及服務實在一流，食物相信要視乎點的菜式，但到現在龍蝦沙律帶給我那股驚喜仍在腦中揮之不去呢！

出BTS National Stadium 站後3分鐘便到，很方便，可是四周環境有點雜亂，感覺一般～ 

Reception只有兩位服務員，而且大堂空間很少，還有大量客人寄存的行李~

幸好我們比較早拿房，拿到差不多最高幾層的樓層，尚算寧靜～

房間很細，物資也不齊，像牙刷、牙膏、razor、梳、shower cap等等需要親自到front desk要求，上回到曼谷的Courtyard Marriott感覺很好多，不過相信這裡的賣點便是方便吧～

最令我們感覺不滿的是，第二天晚上回到酒店，大少發現房間清理後，沐浴後所用的竟然是當天早上剃鬚時抹了點兒血漬的毛巾！我們便想到，掉在地上的毛巾沒有替換，只是將其摺好放到毛巾架上~ 感覺實在太恐怖... 自這天起我們便將do not disturb掛在門外...

第三天晚上，完全上不到wifi，於是致電front desk，告訴她問題，她竟回覆：「今天整晚也沒收到任何有關這類投訴，這個不是我們酒店的問題」真的很難想像這樣的回覆...

下次來曼谷，這間必定不住！

27/06/2012

晚上10:20起飛去曼谷, 第一次坐A380, 係有期待嘅.....

航機比細機闊落好多, 不但有好多較新嘅movies睇, 飛机餐都唔錯, 幾好味呢!

空中服務員嘅服務都感滿意, 真係同廉航嘅服務爭好遠呢!

係網站Search咗呢間精品酒店, 佢話係4星, 我就比佢3星半啦! 因為個浴缸同D毛巾比我扣佢哋嘅分.....

係網上睇呢間酒店嘅評分, 話佢唔係咁方便, 因為要行10鐘左右先至到BTS Thonglo 站, 但其實都唔係好遠啫, 沿途有好多食肆同做Spa/Massage嘅地方, 係搵食同做Spa嘅方便之選。

佢哋咁啱6月做promote, 住兩晚連早餐, 就包一程機場接送; 兩晚房費4,000B, 都算合理呢!
當晚到曼谷已經差唔多12:30 am, 有駕酒店私家車接比較安全, 費事係机場講價搵的士咁浪費時間; 另在酒店去BTS站, 有免費Tuk Tuk提供, 都唔錯喎!

由机場去酒店, 約30分鐘內 (零晨時分)。

28/06/2012

酒店嗰package 本身冇寫話包早, 只係話包一程機場接送, 去到問佢哋早餐幾多錢, 佢話包嘅, 叫我哋6:30 am - 10:30 am 落去食早餐......

網站評語話佢哋嘅早餐"麻麻地", 的確係唔豐富, 雖然選擇唔多, 但又不止於好差, 我就覺得不過不失, 起碼可以食飽。

唯一不是太好的是放生果同自選沙律吧嘅枱面處, 有數隻螞蟻遊走, 酒店職員有定時清理, 所以問題不大。

今次來曼谷最主要嘅目的, 就係做Massage, 公司同事介紹, 我再在網上睇吓仲有冇D又平又正, 搵咗成20間, 都係呢間較實惠又企理。

所以決定同朋友買個推油按摩package, 6500B/10次/1.5小時, 我同佢一人一半, 每人5次, 共7.5小時, 所以打算分3次完成佢, 平均每次3個鐘係1300B, 約港幣326左右, 價錢非常合理。

至於手勢, 我倆非常好彩, 分別3次的技師都不錯, 好正
。
我們由於會住3間不同的酒店, 所以去了Health Land 3 間嘅分店幫襯, 分別是 :

1) Ekamai : 由Salil Hotel 向 Sukhumvit Soi 55 行出去Sukhumvit Road, 一直向BTS Ekkamai 站方各行, 去到路口有牌寫著Ekamai Rd Sukhumbit 63, 就轉入去一直行, 約走10 - 15分鐘(慢行), 見到Big C Supermarket, 再一直走約一個街口, 就會見到Health Land Ekamai;

2) Asoke : 乘BTS Asoke 站3號口出, 見到Terminal 21 那邊行, 沿住Soi Shkhumbit 21條大路走, 約走10分鐘, 見到有Health Land招牌, 再轉左, 行幾個舖位左右, 就會見到Health Land Asoke; 

3) Sathorn : 是由 BTS Surasak 站乘的士去的, 約43B。

3間分店中, 裝修最好嘅係Asoke, 又大又靚; 最後做完oil Massage 1.5 hrs, 再加兩個鐘 Herb Thai Massage, 750B, 又有唔同嘅體驗, 一樣咁正!

係 Health Land Ekamai分店做完Massage, 已經是3:30pm, 要醫肚喇, 隨便係Health Land 對面有間小食店, 又見有幾枱人食嘢, 就入去試吓啦!

order咗一碗雞麪, 55B, 唔得, 嗰麪嘅質地唔好, 湯底唔掂, 仲好重梘水味, d雞又冇味兼"鞋"嘅, 失望;

但另一碟鮮蝦炒貴刁, 酸酸辣辣, 隻蝦又爽又新鮮, 好味好開胃, 80B, 呢個貴刁最似樣, 點解分別咁大嘅.....

係Health Land Ekamai 隔離Big C 超市換錢後, 問吓路人由此點去J Avenue, 個個都話好遠, 一定要搭的士, 睇地圖又唔係真係好遠喎, 於是決定行去試吓!

由Big C 超市行番去Health Land 再過對面, 一直走至見到Thonglor 10 路牌, 再轉左走, 沿途都見到好多餐廳, Cafe 同私房菜教室, 整條街都有好多日本餐廳, 慢慢行, 一d都唔覺得遠。

約15-20分鐘, 就見到J Avenue, 我哋冇即刻去 J Avenue, 而係轉左行去文堂吉食雞飯。

叫咗一碟雞飯同燒肉飯, 另再叫咗兩杯大大杯嘅泰式檸茶。

雞飯方面, 我本人覺得喺布吉嗰間好食D, 但個燒肉飯唔錯, 同香港嘅好唔同, 有一個甜嘅汁作調味, 幾好食, 有驚喜嘅係杯檸茶, 唔知係熱得濟, 杯檸茶寧舍好飲, 泰式檸茶嗰種味有D似酸梅湯, 好解渴呀!

一共食咗192B

食完雞飯, 行番過對面嘅J Avenue, 原來呢個商場仔冇咩嘢行, 最有睇頭都係個保齡球場同裡面嘅食肆, 再加個超市, 咁不如又食過喇! 就去 Greyhound Cafe 坐低。

阿蘇幾年前喺節目介紹呢間餐廳嘅炸雞翼, 我已經好想嚟Bangkok試, 今次終於食到, 果然冇介紹錯, 好正呀! 而且仲唔貴 110b。

另叫了一客越式春卷, 蔬菜味較重, 好清新, 中和番食炸嘢嘅重口味, 130b; 另一客意式長法包, 共有6件, 有3件是蕃茄洋蔥汁喺上面, 另3件是蘑菇洋蔥, 一酸一鹹, 配合得好好, 原本已經有飽意, 都仍有胃口食埋佢, 唔好浪費, 120b。

下次嚟Bangkok, 我會去試吓其他分店。

喺 Greyhound Cafe 食完, 想慢慢行番酒店，行到距離酒店約兩個街口，就見到Swensen's。

好難忘響布吉食佢哋嘅雪糕新地, 今次嚟Bangkok, 都食咗兩次。

新產品朱古力系列, 一於試吓佢, order咗個Chocolate Deluxe, 69B, 好滿足呀!

又響Siam Center分店食咗個Nutty Banana Basket, 109B, 好消暑呀!

食完個芒果糯米飯, 係時候執拾細軟, 起程轉去另一區的酒店 - 曼谷全季酒店。

在Salil Hotel坐免費Tuk Tuk出 BTS Thonglor站, 最慘嘅事就係拎住行李搭BTS, 上站係有自動電梯, 都比較好, 出站就慘喇,  BTS係有上冇落, 要拎住D行李落樓梯, 真係唔方便呀! BTS唔方便旅客, 都要照顧吓d傷殘人仕啦!

我們係Victory Monument站落車, 由4 號出口旁有條行人天橋, 不用落橋, 一直走至盡頭, 而橋底有一個市集, 叫Victory Point, 天橋樓梯有個商場仔叫Center One, 沿路直走, 直至見到 Century Hotel, 咁就要過馬路喇, 再沿著Century Hotel走5分鐘, 就會見到 All Season!

check in 時雖然多人, 但都算快攞到房!!

入到房, 發覺好多嘢都好舊, 床單, 枕頭, 毛巾都係黃黃的, 傢俱又崩又爛, 嗰toliet盞大燈又壞咗, 只得盞小燈照明, 令到嗰toliet好黑.....

至於wifi上網就好好, 將床同枕頭高度都算舒適, 另外個早餐Buffet 豐富過Salil Hotel,  不過我唸All Season 真係要裝修吓喇!

冇心插柳柳成蔭, 真係冇唸住入呢兩個地方行, 但想買嘢比港童同其他細路, 所以入咗去睇吓, 其實呢兩個地方都幾好行, 起碼Center One 有冷氣啦! 唔買嘢都可以入嚟過吓冷河, 呢個商場比較地道, 好似葵涌廣場/旺角商場嘅形式, 全部都係小商戶, D貨品好啱年青人, 而且價錢唔貴, 三四十元就有交易......

另Victory Point 就係一個小型市集, 有d貨品仲比翟道翟平, 如果想買衣履鞋襪同手飾(即旺角貨類), 呢處比翟道翟好行好多......

30/06/2012

10:30 am出發去翟道翟市集, 打算4:00pm 回程去Health Land Asok做massage, 呢個安排係最好不過啦!

真係對翟道翟又愛又恨, 愛佢多嘢買, 種類琳瑯滿目, 咩嘢都有得買, 我就係度用晒D錢, 好彩呢度有銀行, 都好方便去換錢。

因為實在太熱, 真係完全冇胃口食嘢, 只係想飲消暑嘅飲品, 但朋友就話要食,  話唔食冇力行, 所以就選了檔食湯粉嘅檔口坐低, 我哋隨便叫了兩碗魚蛋粉, 炸雞同兩支水, 共140b, 估唔到D魚蛋咁彈牙, 碗粉好好食, 如果唔係咁熱, 我一定食兩碗。

另又買了一杯所謂嘅鮮橙汁, 睇住佢榨汁, 半杯橙汁大半杯冰, 不加糖, 75b/杯。

咁熱, 又買了一個椰皇雪糕, 檔主會先比半杯椰皇汁比你飲, 然後先至比你一個椰皇雪糕球, 雪糕係用椰皇殼盛著, 幾好樣, 仲好好味, 30b。

 
做完Spa ， 已經係9：00 pm  要去食睌飯喇!

由Health Land 行過對面，有間幾隱蔽嘅餐廳，係食意大利餐，算喇，唔周圍搵，入去試試啦!

入面相當熱鬧，大部份都係外國人，老闆亦係外國人, 睇到只剩番兩張細枱，坐無虛席。

叫咗兩樣嘢，火腿鮮蝦pizza同蟹肉意粉，好味又大大碟，蟹肉意粉有好多蟹肉, 所以唔單止唔貴，係非常抵食, 埋單合共500B。

呢度嘅食物係我喺泰國食嘅餐廳中碟頭較大嘅，所以覺得幾抵食。 

1/7/2012, 上午去咗Central World 等名商場行, 跟住坐BTS Surasak站再轉的士去Health Land Sathorn分店做埋last Oil Massage + Herb Thai Massage, 到7:00pm 先至去第三間酒店Novotel Bangkok Fenix Silom check in。

講地點, 呢間Novotel比較差, 距離BTS較遠, 要在Surasak站行約15分鐘至酒店, 所以佢哋嘅房價都比較平, 約hk$500包早。

雖然房間不大, 但浴室比Salil 同All Season乾淨舒服。

值得一讚係佢哋嘅自助早餐, 都幾豐富, 食完早餐可以唔洗食午餐。

另外亦有食佢哋嘅Buffet Dinner, 351B, 約HK$87, 唔貴, 但唔多嘢選擇,  但基本是夠食嘅, 可再加錢點主菜, 視附所點菜式, 約加百多銖都可以; 但部長提議我哋看看是否不夠食, 先至再點主菜, 朋友想點嘅, 但我就覺得唔須要囉!

唯一係佢哋嗰助廚, 唔知係咪想慳電, 關掉大部份嘅助熱器, 所以初時D餸只是暖, 後來同部長講, 佢開番晒d助熱器, 咁就好好多。

02/07/2012 上午10:30，由Novotel Silom 出發打算去Central Pier 搭Chao Phraya Tourist Boat 遊湄南河，順便換錢；在途中，有個肥佬問我個朋友去邊，話教我哋點玩曼谷，同我哋講依家呢個時候冇Tourist Boat搭，要下午１點後至有船坐，提議我哋坐Tuk Tuk 周圍去，可去卧佛寺，皇宮，China Town同佢所講平靚正嘅購物中心，又同我哋搵Tuk Tuk, 仲幫我講埋價，包１個鐘５０B...... ，好熱心啊!

我當然有提防佢啦！仲話幫我換錢添，我梗係好言拒絕佢啦。但我朋友覺得佢嗰提議唔錯，思想過後，我照坐Tuk Tuk，但只去卧佛寺（朋友話未去過，想去睇吓）購物中心同China Town。

其實我想去埋Khao San Road, 但個Tuk Tuk司機唔知我講咩嘢，最尾都係響China Town 放低我哋。

嗰個所謂嘅購物中心，其實係搵遊客笨嘅精品店，有珠寶、皮包、象牙等高檔貨，同肥佬所講的平靚正爭好遠，我覺得肥佬想賺我哋嘅佣金，叫我哋唔好坐船，改搭Tuk Tuk方便去此處。
 
講番China Town, 在橫街有好多攤檔, 好多做批發, 大部份都批發飾品, 文具, 手袋等, 有d似廣州一德路, 喺度買嘢批發零售均可, 好啱遊客買手信呢!

行完China Town嘅批發巿場，又去埋林真香買手信, 完成任務, 係時候去搵嘢食...

朋友話好想食魚翅，其實我已決定唔食魚翅好耐， 但朋友話叫我陪佢食，我打算只食燕窩算了⋯

睇過參考書講過幾間食魚翅店, 我一向食嘢都係行到邊, 食到邊心態, 所以隨意揀間算了, 就揀咗海外天魚翅, 當時地下舖面唔多人, 計埋我哋, 得兩枱.....

我幫朋友叫咗個300B嘅紅燒蟹肉翅, 屬於最平嗰隻, 另加兩碗冰糖燕窩, 100b/碗

可能係最平嗰種, 所以冇咩魚翅, 只有些少碎翅, 蟹肉都算多, 味道就一般, 冇驚喜

反而個冰糖碎燕窩, 味道不太甜, 碎燕都幾多, 我覺得好抵食囉!



 

食完魚翅, 因為根本唔飽, 就去咗隔離間魚蛋店食魚蛋粉, 佢吸引我入去食嘅原因, 就係佢門口放咗d剛新鮮做好嘅魚蛋同炸魚條

雖然冇豪華裝修, 但感覺地道街坊化, 價錢唔係好平, 但唔貴, 可能有口碑同真材實料

叫咗碗Soi Jui Rice Noodle Soup, 魚蛋同炸魚條每樣有D; 嘩! 好味呀! 湯底清甜, 河粉爽滑, 最正係魚蛋, 彈牙, 爽呀! 如果唔係仲想試其他食店, 我仲想叫多碗食

唔怪得電視台都嚟訪問老闆娘啦!

去完China Town, 就行咗15分鍾, 兜兜轉轉咁先至去到Hua Lamphong地鐵站, 坐地鐵去到Sala Daeng站轉BTS 去Siam。

整個BTS Siam 站都被shopping mall 包圍, 好多人, 我哋對呢d商場興趣不大, 只想嘆吓冷氣, 行吓, 睇吓泰國人嘅大型商場, 最主要都係搵嘢食......

喺幾個相連商場轉咗個圈, 冇咩啱睇啱買, 就去搵嘢食。

朋友話嚟咗5日泰國, 竟然未曾食過泰菜, 好, 就食泰菜。

喺Siam 周圍逛, 都見到好幾間食店幾好, 但唔係泰菜; 隨意在Siam Center 4樓, 見到呢間門口有個大型舊式點歌機, 睇吓門口個Menu, 有泰菜食, 就呢間啦! 唔行喇!

我哋一共點咗3個菜 :

燒豬木瓜沙律  85b, 當然辣, 不過辣得清新, 燒豬肉味道幾好, 唔太乾身
冬蔭功河粉     85b, 已經叫佢小辣, 但都幾辣, 我鐘意, d河粉入晒冬蔭功味道
青咖哩雞肉 + 薄餅 99b, 青咖哩反而唔太辣, 嗰薄餅幾脆, 而且份量都幾多, 略厭雞肉唔夠滑身

另叫清水及加一, 共找數314b, 唔貴喎!

03/07/2012

上午喺Novotel Silom食完豐富嘅Buffet 早餐, 11:00am 就搭酒店免費shuttle bus 去BTS Sala Daeng站 (Novotel Silom 每1小時, 都有shuttle bus 去BTS Sala Daeng站, 要預先同酒店預約便可), 再搭BTS 去Phaya Tai站轉Airport City Line。

由BTS Sala Daeng站到Phaya Tai站, 25b; 由Phaya Tai 站搭Airport City Line, 45B, 泰國都算係眾世界機鐵至平之一, 真係响邊度搵, 唯一係在BTS站冇電梯落, 拎住行李唔方便啫! 如果弱質纖纖, 冇人幫手拎上拎落d行李, 真係唔好揀搭機鐵呀!

我哋好彩搭到11:22am 班車, 11:50pm左右就到咗機場喇, Airport City Line 站唔多, 但站與站之間都好遠, 我哋約搭咗35分鐘, 舒服方便同平之選。

去到机場, check 完in, 見仲有時間, 仲剩少少錢, 又去搵食......

隨便走, 就入咗呢間S&P Restaurant, 快快叫了碟炒飯同炒粉, 係份量少d, 味道同樣子都唔錯, 下次去泰國, 去多次呢間餐廳, 試真d其他菜式, 我知外面嘅分店好似有套餐......

1:45 pm 乘机回港。

今次去曼谷, 旅費如下 :

1) 來回機票 : HK$2050

2) Salil Hotel : HK$510/2晚

3) All Season : HK$315/2晚

4) Novotel Bangkok Fenix Silom : HK$511/2晚

5) 換錢 : hk$2500

6) 信用咭買嘢食嘢 : HK$1633

6) Spa & Massage : HK$997/3次/3.5小時

全程費用HK$8,516, 係我咁多次旅行較高費用嘅一次, 冇計啦! 今次買咗好多嘢, 又要努力做嘢搵錢賺旅費喇!  過多3個禮拜, 又出發去玩 - 台灣環島15天之旅......

上次去泰國見黃色閃閃本旅遊書有介紹就去試下，因為上次去得兩個人食唔到幾多野今次大叫特叫！
鋪頭一啲都唔難搵，因為真係勁多人食，好多都識講或識聽廣東話。
講返上次先。上次係2011六月去既。