翟道翟市場 Chatuchak Weekend Market (曼谷, Chatuchak)

30/06/2012

10:30 am出發去翟道翟市集, 打算4:00pm 回程去Health Land Asok做massage, 呢個安排係最好不過啦!

真係對翟道翟又愛又恨, 愛佢多嘢買, 種類琳瑯滿目, 咩嘢都有得買, 我就係度用晒D錢, 好彩呢度有銀行, 都好方便去換錢。

因為實在太熱, 真係完全冇胃口食嘢, 只係想飲消暑嘅飲品, 但朋友就話要食,  話唔食冇力行, 所以就選了檔食湯粉嘅檔口坐低, 我哋隨便叫了兩碗魚蛋粉, 炸雞同兩支水, 共140b, 估唔到D魚蛋咁彈牙, 碗粉好好食, 如果唔係咁熱, 我一定食兩碗。

另又買了一杯所謂嘅鮮橙汁, 睇住佢榨汁, 半杯橙汁大半杯冰, 不加糖, 75b/杯。

咁熱, 又買了一個椰皇雪糕, 檔主會先比半杯椰皇汁比你飲, 然後先至比你一個椰皇雪糕球, 雪糕係用椰皇殼盛著, 幾好樣, 仲好好味, 30b。