文堂吉海南雞飯 (曼谷, Thong Lo)

係Health Land Ekamai 隔離Big C 超市換錢後, 問吓路人由此點去J Avenue, 個個都話好遠, 一定要搭的士, 睇地圖又唔係真係好遠喎, 於是決定行去試吓!

由Big C 超市行番去Health Land 再過對面, 一直走至見到Thonglor 10 路牌, 再轉左走, 沿途都見到好多餐廳, Cafe 同私房菜教室, 整條街都有好多日本餐廳, 慢慢行, 一d都唔覺得遠。

約15-20分鐘, 就見到J Avenue, 我哋冇即刻去 J Avenue, 而係轉左行去文堂吉食雞飯。

叫咗一碟雞飯同燒肉飯, 另再叫咗兩杯大大杯嘅泰式檸茶。

雞飯方面, 我本人覺得喺布吉嗰間好食D, 但個燒肉飯唔錯, 同香港嘅好唔同, 有一個甜嘅汁作調味, 幾好食, 有驚喜嘅係杯檸茶, 唔知係熱得濟, 杯檸茶寧舍好飲, 泰式檸茶嗰種味有D似酸梅湯, 好解渴呀!

一共食咗192B

由清邁回香港必需經Bangkok, 於是順帶於bangkok stay 一晚, 快閃shopping. 是次住東羅區, 一下機, 急不及待出去搵食.

路過文堂吉, 話雖在泰國, 但友人一致有食海南雞飯既傾向. 沒有想太多, 入去

一試難忘, 海南雞飯真係好好味. 雞鮮嫩, 汁好味

本來只係諗住當下午茶有d野落下肚, 三個人叫兩碟海南雞飯、泰式炒通菜、肉骨茶 share. 但食完之後都係忍不住encore 多碟海南雞飯!

PS. 肉骨茶麻麻, 炒通菜ok