搜尋:
遊記日期: 至     發表日期: 至    
 
簡介形式      文章形式
共找到 847 篇遊記， 正顯示第 531 至 540 篇遊記
min
min
共42篇遊記
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
遊記 : 第2日
發表日期: 2010-04-23
行完市政府站已經6點了, 塔捷運去中山站行啦!

京都屋位於肥前屋附近, 上次食過肥前屋鰻魚飯, 覺得好好味, 今次就試試好多台灣人去既京都屋啦!
京都屋 笑臉2010-04-23

京都屋同肥前屋真係好近, 大家都係在丹迪旅店附近, 不過京都屋就係一直行,而肥前屋就要轉入內街

因為下午食完自助餐仲好飽, 所以冇叫套餐(好像很豐富似的, 有蛋卷有沙律又有湯), 只單點了一客鰻魚飯。這裡環境比肥前屋舒服, 不用塔枱, 而且有人serve, 不似肥前屋o甘迫呢! 當然價錢也比較高了!

鰻魚飯約十分鐘就來到, 其間見鄰桌的天婦羅好像很新鮮呢! 這裡的鰻魚較肥前屋的要薄,

而且好像少了一陣碳香, 比肥前屋的遜色左少少呢! 不過仍然好味, 熱騰騰的, 如果不是太飽一定會encore呢!

京都屋同肥前屋各有所長, 論食物肥前屋比較好, 論環境京都屋比較舒服, 大家可以2間輪流試啦haha

每人消費: 約250新台幣 (晚餐)
評分: 味道4   服務3   環境3   衛生4   抵食3
檢舉此評論
回到頁首
  0 個留言    |  加入你的留言
min
min
共42篇遊記
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
遊記 : 第2日
發表日期: 2010-04-22
食飽飽又繼續行街啦!先去著名的101大樓, 不過冇上去呢~ 下面係一個大商場, 全部也是名店, 就像香港的IFC呢! 而最下層就係一個 food court, 都幾多野食! 行左一陣已經覺得唔需要再行, 就去左附近市政大樓的台北探索館了~
台北探索館 ok喇2010-04-22
台北探索館位於市政大樓內, 有少少難搵呢! 要’穿過’大樓去另一邊先見到~

探索館共有4層, 介紹台灣的歷史, 不過每一層其實唔太多展品, 可能由於台灣歷史唔算好長吧! 入面有點像香港歷史博物館, 只是比它要小呢!

我們並不是特地前往此探索館, 只花了約半小時便參觀完了! 所以如果有時間可以一去, 特地前往就不必了! 台北故事館比較多野睇呢~

參觀時段: 下午
入場價錢: 每人0新台幣
其他消費: 0
評分: 值得去2  
檢舉此評論
回到頁首
  0 個留言    |  加入你的留言
min
min
共42篇遊記
為食之旅@台北台中 (台灣)
(旅程日期: 2010-03-31 至 2010-04-05 ,  旅程性質: 飲食購物, 消閒度假)
 整個旅程  (共16篇遊記)
 分享至Facebook 
遊記 : 第2日
發表日期: 2010-04-21

食過早餐就出發去信義區既市政府啦! 呢個站有很多景點 - 不同的新光三越館、誠品書店、仲有neo19同101呢~ 

出2號出口行去車站後面就係誠品旗艦店書店，出面有很多幾米的擺設呢!

到訪誠品旗艦書店 笑臉2010-04-21

誠品旗艦書店是一整座的，好像有6層，十分大呢!

地下是售賣傢俱的，擺放暮不同精品傢俱，好布設計風氣啊~

之後每層都行一行，真係好多書，仲有分開唔同的主題，好像是日本館、電影館、藝術館等等，而且擺放得十分疏落，比香港的書店要好行好多呢~

最後買左本香港未見過既旅遊書，相信如果有時間，可以o向呢度消磨一整天呢!

行完之後去新光三越, 分開A4, A11, A8 同A9館，不過賣既野差不多，我地主要去b1睇食物買手信，買左小林煎餅同新東陽呢! 反而上面既化妝品比香港要貴，可以唔駛去了...

參觀時段: 早上
入場價錢: 每人0新台幣
評分: 值得去3  
檢舉此評論
回到頁首
推推推推推推推推介呀! 笑臉2010-04-21
蟹煲係熱住的
蟹煲係熱住的
燒蝦一人一隻
燒蝦一人一隻
蛋糕普通
蛋糕普通

去完誠品都已經1點幾，係時候去醫肚啦!上網做research時見好多人都讚呢間上閤屋自助餐，試下係o米真先!

一入去原來要比錢先既，下午時段只係nt598(另加一)，而食物同午市係一樣的，由2時開始，比香港的tea buffet要早呢~ 

一入去先行一圈睇睇有乜野食，原來食物種類好多，分開好多唔同的主題，如炸物、燒物、蒸物、熱盤、冷盤等等

繞場一周後就開始拿食物了! 天婦羅、炸軟殼蟹、燒3文魚頭同燒蝦等等係即刻整，好新鮮呢~ 燒蝦限了每人一隻，反而芝士龍蝦沒有限制，吃2隻已經回本了haha!

除了不同日本食物外，仲有一些台灣小食如筒仔米糕、麻糟等，不過唔係好岩我口味，都係日本野吸引呢~

刺身有3款，全都好新鮮，另外可以即整手卷，不過我怕太飽冇叫呢!

最後係甜品，有好多唔同既蛋糕，不過一般好味...反而最好係Hargandaz 雪糕，有8隻味啊!!!香港真係未見呢!

呢間buffet食物種類多，又好味新鮮，地方又夠大，價錢仲好平! 絕對值得推介呀!

推介菜式: 炸軟殼蟹, Hargandaz 雪糕
每人消費: 約600新台幣 (下午茶)
評分: 味道4   服務3   環境3   衛生3   抵食5
檢舉此評論
回到頁首
  0 個留言    |  加入你的留言
imfans
imfans
共4篇遊記
7天台灣美食之旅 (台灣)
(旅程日期: 2010-03-02 至 2010-03-08 ,  旅程性質: 消閒度假)
 整個旅程  (共4篇遊記)
 分享至Facebook 
遊記 : 第3日
發表日期: 2010-04-21

早

故宮博物院

(捷運：搭乘淡水線捷運至士林站，轉乘255、304承德線、304重慶線、小19、紅30)

淡水

國立故宮博物院 笑臉2010-04-21
呢個故宮同北京個個好唔同,
因為呢個是以展覽物品為主,北京是以參觀為主。
由於唔可以影相,我們只可以同你們講下有D咩LA~!
我們見到好多稀有的寶物:小白菜,燒腩肉,白玉嬰兒枕......
你們有機會一定要去睇下~!
評分: 值得去5  
檢舉此評論
回到頁首
淡水老街 笑臉2010-04-21
淡水老街的兩旁開滿了淡水的風味子食~!
黃昏時,沿著老街向前行,你被日落的浪漫景色所吸引,
如果係呢個時候,你是拖著你最愛的人,在海旁漫步或坐下來飲杯飲品,
的確是人生一大樂事。
我們去的那天是七夕情人節,老街更有不少慶祝節目,
令當天的浪漫氣氛天添濃厚。
評分: 值得去4  
檢舉此評論
回到頁首
老街之小食篇 ok喇2010-04-21
今次真係癲,因為我們係故宮博物院只是食左一份三文治,
因為想來到此地才大飽口福。
一來到,我們就搵野食,食左好多~!
$50有淡水四寶,食左大腸包小腸,我覺得唔錯,但個FD就話麻麻地。
不過佢的黑糖冰真係唔係講笑,好食到癲左~!
可能因為個時是夏天,熱LA~!食凍野先會咁HYPER~!
我同個FD都覺得佢的魚丸湯同阿給唔好食~!
D魚丸唔夠彈牙,太實。個阿給就好怪,我們食左2啖就無食~!
好彩我們咩都係叫一份。
不過我想特別推介個度的阿薩娒紅茶,非常好味+抵~!
佢係紅茶,但俾到你飲奶茶的味道,正~!
我同個FD都好LIKE~!
個度仲有好多蜜餞,我個FD就好LIKE~!你們LIKE的都可以一試。
評分: 值得去4  
檢舉此評論
回到頁首
頂呱呱 哭臉2010-04-21
差
差
由於佢臨收檔,我同個FD太餓,就走左去買。
非常唔得~!怪不得我們行左咁多日都唔係見人去買。
D炸雞唔翠之餘,仲唔熱...激死人~!
唔知點解係台灣咁多日都唔見有涼茶舖???
評分: 味道2   服務2   環境2   衛生3   抵食2
檢舉此評論
回到頁首
瘋薯 ok喇2010-04-21
想係HK食左好內,但因為佢太貴,覺得唔抵食~!
所以一直都無食到。黎到TW,見佢咁平,TW$70幾
就買LA~!我們一向都好LIKE食薯條,
今次食完佢之前更加LIKE。因為酸忌廉+薯條真是太正的配搭。
遲D要試埋其他味^^
每人消費: 約80新台幣
評分: 味道5   服務5   環境5   衛生4   抵食4
檢舉此評論
回到頁首
阿宗麵線 ok喇2010-04-21
阿宗麵線,我覺得好似HK的碗仔翅,
我覺得好味,幾特別。但我個FD就話普通.....
應該會再食。
評分: 味道4   服務4   環境4   衛生4   抵食4
檢舉此評論
回到頁首
  0 個留言    |  加入你的留言
imfans
imfans
共4篇遊記
7天台灣美食之旅 (台灣)
(旅程日期: 2010-03-02 至 2010-03-08 ,  旅程性質: 消閒度假)
 整個旅程  (共4篇遊記)
 分享至Facebook 
遊記 : 第1日
發表日期: 2010-04-19
我們買既是PACKAGE,2日1 夜,但機票可以LAST FOR7日,所以我們就係台灣玩左7日6夜。
而個套票只係1290+tax
包機票同一晚東龍
之後的晚上,我們住紅菱閤,我們住的是最便宜的房,但都好好,台幣980一晚~!
係呢7日,我們試左好多野,食左好多食物~!好好味,玩得好開心~!^^

正 笑臉2010-04-19

7 日之旅！

評分: 值得去5  
檢舉此評論
回到頁首
  0 個留言    |  加入你的留言
imfans
imfans
共4篇遊記
7天台灣美食之旅 (台灣)
(旅程日期: 2010-03-02 至 2010-03-08 ,  旅程性質: 消閒度假)
 整個旅程  (共4篇遊記)
 分享至Facebook 
遊記 : 第2日
發表日期: 2010-04-19

早

國父紀念館+101

中午

永康街+動物園寧夏
正 笑臉2010-04-19
我們係第二日去左國父紀念館,
去到,我們睇到佢地步操儀式,好好睇~!
同我們係HK睇既好唔同~!佢地會SHOW晒海陸空3套制服。
仲有個唔小心步操的時候,跌左支槍。
我們仲係個度遠望101,我們都覺得唔洗入去101,唔值。
遠遠影個相就得~!
入場價錢: 每人0新台幣
評分: 值得去4  
檢舉此評論
回到頁首
好好味 笑臉2010-04-19
其實呢一日,本來只是想去搵牛肉麵食~!
但順便經過就叫左個外賣
呵呵...正
個小籠包皮薄餡靚,多汁~!好食過HK好多,而且都算便宜~!
評分: 味道5   服務4   環境4   衛生4   抵食3
檢舉此評論
回到頁首
最少消費每人50 笑臉2010-04-19
本想食魯肉飯
但最少消費每人50
所以叫多個蝦卷
每人消費: 約75新台幣
評分: 味道4   服務4   環境5   衛生4   抵食2
檢舉此評論
回到頁首
好濃味 笑臉2010-04-19
我們係HK食開的牛肉麵都是好清淡的,
但台灣好多野都係好濃味,好似呢個永康牛肉麵,
我同個FD都覺得佢好濃味同辣,我覺得如果下次你們唔LIKE濃味,可叫清湯~!
個間野仲有其他特式野食,但因為我們食得太飽,所以無食到你們下次可以試下~!
每人消費: 約120新台幣
評分: 味道4   服務4   環境4   衛生3   抵食3
檢舉此評論
回到頁首
正 笑臉2010-04-19
冰館---夏天必去的地方,
如果你唔去,你一定後悔。
呢度的水果冰,雜果冰真係好食到癲左~!
D水果好新鮮,好甜而且D冰夠晒凍,
夏天行到熱熱地,食返一碗真係好正家~!
每人消費: 約80新台幣
評分: 味道5   服務5   環境5   衛生5   抵食5
檢舉此評論
回到頁首
好大呀 笑臉2010-04-19
比起HK的海洋公園,呢個動物真是一流,
因為佢是全亞洲最大的~!佢真是令我們大開眼界。
而且好多動物都是稀有品種。
好似PUMA,大笨象,河馬.....
我們先發現原來河馬係咁羞。
仲有PANDA,猩猩......
入場價錢: 每人50新台幣
評分: 值得去5  
檢舉此評論
回到頁首
寧夏夜市 笑臉2010-04-19
又一夜市,我覺得呢度的食物比士林較適合我們,
我們食左鹽酥雞,雪花冰,紅豆綠茶卷....
D雪花冰好抵R,我們食左2次.....好好味~!
不過肉絲炒河粉多油左D,不過都好好味~!
每人消費: 約180新台幣
評分: 味道4   服務4   環境3   衛生3   抵食4
檢舉此評論
回到頁首
紅菱閣旅館 ok喇2010-04-19
紅菱閣同東龍好近,都係係西門町站附近。
佢樓下有2間24小時的便利店,好方面~!
而且返去,一定經過西門町,順便行街,仲會遇到好多好野食。
台灣的水果特別甜,仲有鹽水雞,好正。
而且房間適中,有獨立的廁所。我們晚晚睇電視,睇到2-3點。
每晚價錢: 980新台幣
評分: 設備5   服務5   環境5   衛生5   抵住5
檢舉此評論
回到頁首
  0 個留言    |  加入你的留言
imfans
imfans
共4篇遊記
7天台灣美食之旅 (台灣)
(旅程日期: 2010-03-02 至 2010-03-08 ,  旅程性質: 消閒度假)
 整個旅程  (共4篇遊記)
 分享至Facebook 
遊記 : 第1日
發表日期: 2010-04-19
DAY1 我們剛到台灣,
首先係機場申請左青年卡先,
因為聽人講有青年卡會有好多優惠,
好似係鼎太豐食野會有電話繩送....
之後我們2個人用左$180台幣搭大有巴士返去台北車站,好抵R~!


ps
換錢最好是去匯豐銀行,因為係正台北車站附近而且免手續費~!
但記得要係下午3點30之前去換,因為3:30PM銀行就會關門~!


騙人的鴨肉扁 哭臉2010-04-19

好唔抵,2個人食左台幣450.....俾錢個陣呆左~!
味道一般...但無有說清價錢就幫我地落左單！！

每人消費: 約225新台幣
評分: 味道3   服務3   環境3   衛生3   抵食1
檢舉此評論
回到頁首
好著數的東龍飯店 笑臉2010-04-19
本來佢俾左一個普通房我們,
但後來有人要訂房FOR多幾日,
而我們住一日的關係,佢地換左一間四人房俾我們~!正!!!
2個人住四人房,2張大床,我們2個點跳都得~!哈哈~!
仲有佢的早餐,好好味~!唔知點解台灣的蛋特別大的~!
我點左一杯奶茶,非常有層次感,先是甜味,之後茶味,最後是奶味....
評分: 設備3   服務3   環境3   衛生3   抵住5
檢舉此評論
回到頁首
好好玩的場第一次 ok喇2010-04-19

食左個超唔抵兼覺得無咩特別的鴨扁肉之後,我們去左東龍CHECK IN~!
放下D行李就去北投浸溫泉,本來想去埋地熱谷,但佢剛好無開放,就只是去浸溫泉~!
我同個FD都是第一次浸,我們選擇左一間房2個人浸個D~!我們覺得好抵~!
即係湯泉風呂~!

近近地唔洗搭咁多車就可以泡湯^^

評分: 值得去4  
檢舉此評論
回到頁首
大開眼界 笑臉2010-04-19
第一次見識到夜市是咩樣,而我們第一個出戰的夜市是士林夜市,
出發之前,我們做左D搜查,個度有咩好食~!
我們食左好出名的豪大大雞扒,果然非常好食~!
仲有食左個大餅包小餅,我同個FD都覺得一般,因為好奇怪的層次~!
之後就是棺材板,我們食左雜味,即咩味都有好好味~!
爆醬雞扒,一咬落去,就D醬爆出來,勁正~!
仲有就係花枝羹,可能我們食唔慣個個味道LA~!我同個FD都唔鐘意食~!
我們仲食左泡泡冰,好正R~!夏天食冰真是人生一大樂事~!
我個FD仲飲左苦瓜汁,我覺得唔好味,但我個FD就好鐘意~!
評分: 值得去4  
檢舉此評論
回到頁首
楊桃冰 ok喇2010-04-19
我同個FD飲左楊桃冰同菠蘿冰,
我覺得楊桃冰好鹹,好酸~!
而菠蘿冰就算少甜都好甜~!
但我個FD就覺楊桃冰幾好飲~!
評分: 味道3   服務2   環境3   衛生3   抵食2
檢舉此評論
回到頁首
  1 個留言    |  加入你的留言
heylo
heylo
共1篇遊記
輕鬆台中自助遊 (台灣)
(旅程日期: 2009-07-24 至 2009-07-29 ,  旅程性質: 觀光攝影)
 整個旅程  (共1篇遊記)
 分享至Facebook 
遊記 : 第1日
發表日期: 2010-04-19
台北去得多，墾丁又去過，台東又好似有d難度，高雄又唔夠玩，台中大家又想唔想去下？
heylo今次第一次踏足台中，來個輕輕鬆鬆自助6日5夜台中遊！
台中之旅第一回：國美館-五權路-勤美天地誠品 笑臉2010-04-19
day 1 樹太老
day 1 樹太老
day 1 五權路一帶
day 1 五權路一帶
day 1 outdoor arts
day 1 outdoor arts
day 1 arts shop
day 1 arts shop
day 1 五權路一帶
day 1 五權路一帶
day 1 五權路一帶
day 1 五權路一帶
day 1 五權路一帶
day 1 五權路一帶
day 1 婚紗相拍攝聖地
day 1 婚紗相拍攝聖地

summer holiday來到了台中，一個heylo從來都沒有來過的地方。喜歡台灣的heylo去過了台北、台南，是時候到台中去！

大約是一小時廿分的飛彈時間，heylo平安由香港到達台中機場。一個小時左右的車程，來到了台中公園的holiday inn，準備的客房，簡單舒適，大堂還有電腦可以任用！非常滿意。

第一站，國立台灣美術館

門外有人在放風箏，真是非常寫意。跟北美館差不多大，館外放了很多大型雕塑展品。美術館的精品店，很有log on 風格。

沿路上有很多青草地，大多設有幾張木椅，幾件藝術作品。雖然是隨便的放置著，卻大大加強了整個地方的文藝氣息。

第二站：五權路

案書仔介紹來了五權路，這一帶充滿了不同建築風格的餐廳或小店，每一間都非常有心思去設計，各有特色。美麗的外觀，成了出名的拍婚紗相聖地！充滿異地色彩，難怪近年來那麼多人選擇到台灣影婚紗相。

不過高溫悶熱下還要一臉輕鬆的展現笑容，都真係做易做到！你地加油慢慢影啦...

第三站：勤美天地(誠品)

這間誠品最出名的，就是這道真草外牆！每日都要有專人打理....店內的風格一致，用上草和木做裝飾。

一日將盡....heylo都很累了，最後本來想去夜市的計劃都放棄了，晚餐在誠品的地庫解決！

樹太老的芝心豬排定食，比得上香港的豚祖，但價錢只是hk$40元！呢個價錢已經包湯、前菜、主食、飲品+甜點！仲要係湯、前菜同拌吃的生菜絲免費追加！

平價與美味，樹太老做到了！gooooooooooood，推介！

***第一天感覺：

台中給heylo的感覺比較「鄉下」，節奏慢慢的，沒有太多的人與車，走著在街頭，你就會發現這是一個非常寧靜，充滿藝術氣息的地方...

推介項目: 五權路、樹太老
評分: 值得去4  
檢舉此評論
回到頁首
  0 個留言    |  加入你的留言
搵食能手
搵食能手
共5篇遊記
六年後的台北遊 (台灣)
(旅程日期: 2010-03-07 至 2010-03-10 ,  旅程性質: 消閒度假)
 整個旅程  (共1篇遊記)
 分享至Facebook 
遊記 : 第1日  
發表日期: 2010-04-18
肥前屋。台北必吃鰻魚丼 笑臉2010-04-18
肥前屋
肥前屋
鰻魚飯
鰻魚飯
蛋捲
蛋捲
涼拌海帶
涼拌海帶
一別六年，再次踏足台北的第一餐，我們去了中山站附近的肥前屋，目的是為了一嚐名物鰻魚飯。乘捷運至中山站，走至天津街口右轉，在八方雲集前的十字路口上，就會找到肥前屋，到達時只是下午五時許，但店外已經排了一條小人龍，可見人氣奇高！

排隊時也不會閒著，阿姐主動上前遞上餐牌，可先點菜，加快整個用膳流程，小店也蠻有心思的，事前在台灣愛評網找了不少資料，二人就要了大鰻魚飯、蛋捲及涼拌海帶共享，以保留胃部空間，再去夜市掃街。值得一提，阿姐是以日文寫單的，相當和日風呢～ 

大鰻魚飯 (NT240)，跟飯還有青菜及麵豉湯，相當豐富。我很喜歡這用作盛載的盒子，見阿姐一次過捧著七個飯盒，相信少點臂力也不行！鰻魚好吃，醬汁惹味，皮燒得脆脆的，女友則認為比較多骨，飯粒也夠圓潤，好好咬口，吃掉一盤不是難事。 

蛋捲 (NT60) 是另一招牌菜，蛋煎得厚厚的，入口卻仍然滑溜，甜度調較恰當，當然不可以與香港一門比較，但這個價錢來說，絕對物超所值了！ 

涼拌海帶 (NT50) 是開胃菜，味道酸酸的，入口有一份涼意，也算不錯。

搵食貼士：鰻魚飯值得一吃，但留意此店周一公休，二點至五點是落場時間，唔好摸門釘呀！
推介菜式: 大鰻魚飯
每人消費: 約180新台幣 (晚餐)
評分: 味道4   服務3   環境3   衛生3   抵食5
檢舉此評論
回到頁首
永和豆漿大王。尋找我的蛋餅 ok喇2010-04-18
永和豆漿大王
永和豆漿大王
蛋餅
蛋餅
小時候，姥姥不時會煎蔥花蛋餅給我吃，很懷念那份味道，一直尋找大大小小的食肆，無論是上海菜、或是北京菜，也沒有這款家庭小吃，反而台灣就方便得多，只要找到永和豆漿分店就成了。

出發去「手作街」延平北路時，找到了永和豆漿大王，立即買了一客蛋餅 (NT20)，即點即製，其實材料好簡單，只是麵餅加蛋加蔥花，不一會就做好了。這晚吃到的味道略鹹，相比六年前在龍山寺捷連站附近的永和吃到的，水準差了不少，怎樣也好，算是兒時回憶吧！
老闆相當健談，知我們是從香港來的，就一直問我們是否博士畢業？更說女友一定是碩士生，哈～

搵食貼士：永和分店不難找，但不同店的蛋餅也有不同特色，有些分店會加入蘿蔔絲，味道更加豐富，有機會記得試下！
推介菜式: 蛋餅
每人消費: 約20新台幣 (宵夜)
評分: 味道3   服務4   環境3   衛生3   抵食3
檢舉此評論
回到頁首
台北手作街。女王辦公室 笑臉2010-04-18
小熊媽媽 DIY
小熊媽媽 DIY
我的女友是手作女王，從網上找了不少台北手作材料店的資料，當然要去掃掃貨，可惜星期日的晚上，整條延平北路只得一家「小熊媽媽 DIY」營業，差點就要吃白果 (抹一把汗．．）

這裡賣的東東，其實跟深水埗手作材料店的差不多，空間寬敞一些，行得都幾舒服，店內設有 DIY 教學區，即買即學，提供一站式服務，但價錢好像比香港還要貴一點，建議平日來，可以行多幾間小店比較一下。
參觀時段: 晚間
評分: 值得去3  
檢舉此評論
回到頁首
咖啡麵包。地下街的大發現 笑臉2010-04-18
台北地下街
台北地下街
咖啡麵包
咖啡麵包
延平北路的盡頭，就是台北地下街，沿路可走向捷運站及台北車站，相當方便。地下街內有不少店鋪，有賣遊戲機的，有賣日韓時裝的，就連睇相占卜的也有，千奇百趣，但給我的感覺就像灣仔的東方 188，即是只適合 20 歲以下的青少年。

這條地下街很長，走了約十五分鐘仍未見盡頭，在近台北車站的位置，突然一陣濃郁的麵包香飄過，轉身一看，原來是賣咖啡麵包 (NT30) 的小檔，見不少人排隊購買，也買下一個試試。

咖啡麵包脹卜卜的，一口咬下外皮奇脆，而內心又相當柔軟，感受那微微的咖啡香，相當不錯，本來累透的身體也回復精神，繼續行程吧！
推介菜式: 咖啡麵包
每人消費: 約30新台幣 (宵夜)
評分: 味道4   服務3   環境3   衛生3   抵食5
檢舉此評論
回到頁首
洪師父牛肉乾。台灣最佳伴手禮 笑臉2010-04-18
洪師父牛肉乾
洪師父牛肉乾
洪師父牛肉乾
洪師父牛肉乾
到了台北車站周邊，目的地是洪師父麵食棧，為的不是試其牛肉麵，而是買牛肉乾作手信。洪師傳牛肉乾，共分原味、辣味及墨西哥辣味三種，試食後覺得味道差別不大，還是要原味好了，售 NT250 一包，如買三包以上，每包特價 NT200，價錢不算貴。

牛肉乾切得粒狀，據說以牛的肩胛里肌製造，半肥瘦幾有嚼頭，同時亦帶點濕潤，質感不至太乾，每小包份量不多，令人有一吃再吃的衝動，無疑是眾多手信中最受歡迎的！

推介菜式: 洪師父牛肉乾
評分: 味道4   服務4   環境3   衛生5   抵食4
檢舉此評論
回到頁首
好口杯 哭臉2010-04-18
在台北車站搭捷運到西門町，無所事事的逛一個圈，口乾了，就買杯地道珍珠奶茶，路口剛好有一家台茶店，店名「好口杯」，依稀記得六年前曾經幫襯過，但店名也改，應該是轉手了。叫了一杯烤奶茶 (NT40)，竟忘記叫微糖，結果得來的味道超甜，茶香也給比下去了。
評分: 味道2   服務2   環境2   衛生3   抵食3
檢舉此評論
回到頁首
50 嵐 笑臉2010-04-18
試另一間人氣台茶店 50 嵐，價錢比方才的要貴一點，珍珠紅茶拿鐵售價 NT55，這次要了半糖，茶味比較明顯，珍珠入口很 Q，甜度則是勉強可以接受的水平，看來要微糖會更合適。
每人消費: 約55新台幣 (宵夜)
評分: 味道4   服務4   環境3   衛生4   抵食3
檢舉此評論
回到頁首
爆漿雞蛋榚 ok喇2010-04-18
爆漿雞蛋榚
爆漿雞蛋榚
爆漿雞蛋榚
爆漿雞蛋榚
香港人喜歡吃雞蛋仔，台灣人則流行雞蛋糕，這檔「爆漿雞蛋榚」位於瘋馬撞球館對開十字路口，見等候的人甚多，一於幫襯試試。雞蛋榚有多款口味，我們要了奶油味的 (NT 35)，拎籌後等了約十五分鐘，終於有得食，咬開雞蛋榚後，吉士醬只是輕輕流出，份量也不多，效果並不澎湃，相當一般。
推介菜式: 雞蛋榚
每人消費: 約35新台幣 (宵夜)
評分: 味道3   服務3   環境3   衛生3   抵食3
檢舉此評論
回到頁首
士林夜市。夜宵吃不停 笑臉2010-04-18
士林夜市
士林夜市
豪大大雞排
豪大大雞排
這次旅程，我們住的官邸大飯店，鄰近捷運劍潭站，就在陽明戲院的斜對面，一落街就到士林夜市，相當方便。

朋友說士林夜市十足香港廟街，其實也有道理，非法小販將攤檔設在路中心，一走鬼就大叫「收～收～收」，真係要小心比佢撞倒。另外，夜市有一些遊戲攤位，提供兒時歡樂天地式的玩意，就連捧球九宮格也有得玩，相當新潮。

說到士林夜市，不得不提豪大大雞排 (NT50)，我幫襯的是陽明戲院外的第一店，而不是臨時市場內的第二店，水準就像更好，雞排成塊面咁大，要了少辣，係就係熱氣，但相當惹味，香港那些「疑似大雞大」可以收檔了！
推介菜式: 豪大大雞排
每人消費: 約50新台幣 (宵夜)
評分: 味道5   服務3   環境3   衛生3   抵食5
檢舉此評論
回到頁首
大漢草原 笑臉2010-04-18
即烤串燒
即烤串燒
在豪大大雞排附近，有一檔「大漢草原」，賣的是即烤串燒，只需 NT50 就有四串，實在抵吃。我們要了兩串羊肉、一串軟骨、一串豬肉，這價錢來說水準很不錯，只是羊肉無甚羶味，感覺唔太夠喉。
每人消費: 約50新台幣 (宵夜)
評分: 味道4   服務3   環境3   衛生3   抵食4
檢舉此評論
回到頁首
大姆指一口煎 ok喇2010-04-18
另一檔「大姆指一口煎」買下十隻鍋貼 (NT40)，一口吃的 size，皮厚，內有一些肉汁，只是一般。
每人消費: 約40新台幣 (宵夜)
評分: 味道3   服務3   環境3   衛生3   抵食2
檢舉此評論
回到頁首
丞祖胡椒餅 哭臉2010-04-18
胡椒餅
胡椒餅
最後介紹的是一間黑店 － 丞祖胡椒餅 (NT40)。這裡的胡椒餅賣相對辦，放在炭爐上也十分吸引，可惜．．．我咬極都咬唔開，未食到個餡，已經想放棄，個皮實在太硬了！如果想吃高水準的胡椒餅，不妨走進夜市，廟宇附近就有正宗饒河街胡椒餅分店，一定比丞祖的好吃百倍！
每人消費: 約40新台幣 (宵夜)
評分: 味道1   服務3   環境3   衛生3   抵食1
檢舉此評論
回到頁首
  6 個留言    |  加入你的留言
Jaffiecat
Jaffiecat
共1篇遊記
台中之行 (台灣)
旅程性質: 飲食購物
 整個旅程  (共1篇遊記)
 分享至Facebook 
遊記
發表日期: 2010-04-18
到台北直接轉高鐵落嘉義, 準備上阿里山.
可以一行 ok喇2010-04-18
嘉義地方好細, 有時間行一行都幾好!
入場價錢: 每人0新台幣
評分: 值得去3  
檢舉此評論
回到頁首
  0 個留言    |  加入你的留言