我地喺東京凱悅酒店訂嗰幾間房，全部都可享用設於酒店九樓o既Hyatt Regency Club所提供o既餐飲同wifi配套；如果住客想邀請朋友一同於club內用膳或飲野，必先同服務生登記及付款。Hyatt Regency Club地方寬敞舒適，分開四方形木枱區域以方便攜帶電腦o既住客，及氣氛較輕鬆、設有數張長梳化櫈o既偏聽區域，望出窗可清楚睇見路面交通情況。當日落緊初雪，街道舖上一層薄薄o既白雪，同時又可以睇到雪花喺空中漂浮，團友們都讚嘆不已！

每朝六點半至十點，住客可於club內進食自助式早餐，自助餐包括多款麵包、水果、果汁、粥、乳酪等選擇，熱食有兩種，當中必定有一款係蛋造o既，款式每天不同，食物味道及質素都唔錯。Club內有部自助咖啡機，操作方便簡易，咖啡味道亦不俗。服務生會不時添置食物，但可能客人人數多，佢地就未能盡快清理枱上不潔o既餐具，新o既客人黎到，大多數都要等一陣先有個乾淨位坐。

小肥因為好耐冇睇過雪，食早餐時居然掛住影雪而忘記咗拍攝食物，真係對唔住各位讀者！

因東京朝早已經落緊雪，團友們都擔心如果越區遊玩，回程時可能會偶到交通問題，所以想盡量留喺新宿，哥哥位日藉靚女朋友介紹我地喺新宿高島屋百貨公司最頂嗰三層o既“Restaurant Park”覓食。Restaurant Park內有成三十五間餐廳，有不同國家o既料理，有平有貴，其網頁內更附有中、英、韓文簡介（http://www.restaurants-park.jp/language/#page=1）；我地黎日本玩，當然係挑選和食啦，結果就揀咗間日式炸豬扒かつくら（Katsukura）。

據悉，Katsukura係一家炸豬扒專門店，源自日本京都，但就只限於依間新宿分店內提供「桃園豬扒」。平時午飯時間，Katsukura門口必定排哂長龍，故餐廳門口設有長櫈，以供食客等位時坐；咁啱我地去嗰日落雪，高島屋內人流少咗好多，炸豬扒店一啲都唔滿，我地一行十人唔洗等位，仲可以坐喺開放式廚房旁o既吧枱度。我地所坐o既吧枱櫈唔算太高，長輩們上落都冇乜問題，女士們尤其欣賞櫈底有嗰籃比佢地擺放手袋同大衣。吧枱簡潔衛生，桌上有多款醬油、餡菜及餐紙；姐姐仔雖然不太懂中文或英語，但眼見我地班大鄉里唔多識講日文，又唔係好識用桌上o既配料，就主動呈上多份中文餐牌及醬油說明以供參考，大家都大為感動！

既然知道Katsukura只係喺此間分店內提供「炸桃園豬扒」，我地每兩個人都叫咗一份「桃園豬炸外脊肉套餐」（1,980日元120g；2,700日元170g；3,180日元200g）及「桃園豬炸里脊肉套餐」（2,180日元120g；2,880日元170g；3,300日元200g）黎分，每款套餐都包咗前菜、醬汁、白飯、湯。前菜可選豆腐或蘿蔔，個人唔係好鍾意食豆腐，所以揀咗蘿蔔；日本料理中o既蘿蔔好有保證，Katsukura嗰個亦不例外，非常爽脆開胃。主角炸豬扒果然名不虛傳，外層o既炸皮香脆鬆化；兩款豬扒當中，個人喜歡肥膏多啲嗰款，因鎖住肉汁o既豬扒更為鬆軟，可惜小弟唔記得邊款桃園豬扒肥啲，不過服務生絕對可以為食客指出。

既幾位男士們就覺得早一晚

喺新宿高島屋o既美食廣場“Restaurant Park”度食完晏，團友們都非常雀躍地要行街購物。雖然我地有成十個人，各人o既喜好亦有所不同，不過高島屋入面有好多舖頭都適合哂我地咁多個人，例如運動層、Uniqlo、Tokyu Hands等。團員中以大肥爸爸及Auntie M買野買得最開心；爸爸一再叮囑細佬要喺openrice個平台上推介店內所賣o既加加加大碼睡衣，因為睡衣全為外國牌子，但就製於日本，而且絕不出口，即係話只可以喺日本買得到，最重要係棉質超靚勁噤，著完包保唔會再著第二個牌子咁話，大家要留意一點，就係千奇唔好買束手束腳嗰啲款，因為大肥話就算係加加加大碼，嗰束位都會唔舒服wor！

喺日本買野，每次超過10,001日元就可以申請退稅，食物、化妝品、藥物等除外。喺高島屋購物完，辦理退稅非常簡易快捷，只要購物當日晚上八點前，去其設於二樓o既退稅櫃檯，出示護照及所有單據，服務員就會幫你結算，立即退錢；雖然高島屋係會收取手續費，但係都會有份禮物送返比顧客。請留意，喺商店如Uniqlo度買係唔會享有退稅，而商店如Tokyu Hands則有自己o既退稅櫃檯。

正當XO仔去辦理退稅時，團友們就落咗去底層o既超市度買魚生返酒店做下午茶。啲魚生價廉物美，新鮮肥美，食完大家都後悔買得太少！

晚餐原本訂咗位出去食天婦羅，無奈因大雪影響到交通，我地就算可以離開酒店，食完飯都未必搵到車返酒店，所以最終去咗酒店個coffee shop度進膳。

其實上一次入住東京凱悅酒店時都已經黎過個酒店間coffee shop，不過嗰陣時只係食房間包咗o既自助式早餐。事隔四年，咖啡室冇乜大改變，地方依舊寬闊整潔，皮櫈又大又舒適，唯一唔同o既就係啲燈光好似暗咗少少。

喺酒店工作，識講英文唔出奇，不過負責招呼我地嗰位高高瘦瘦o既美少女，居然可以用流利o既普通話同我地溝通，大家都嚇咗一跳囉！佢雖然口講普通話，但絕對不失傳統日本人o既氣質及禮貌。

因為我地喺九樓個Hyatt Regency Club度已經享用咗多款小食及酒品，所以都唔係話十分肚餓。喺coffee shop度，團友們有幾位只食沙律，有位淨飲湯，有兩位就分咗份主菜，而小肥就叫咗個Hamburger Steak w/ Mozzarella & Demi-glace Sauce（2,500日元）。此味漢堡扒係日式西餐中較普遍o既一款，另上o既醬汁味道帶甜，肉質鬆軟，做得好合格，價錢亦屬正常酒店價。

為咗要避開香港日本兩地o既週五交通繁忙時間，大肥爸爸同哥哥特別揀選乘搭國泰航空早上8:45起飛o既CX 548班機，前往人流較少，而且離Hyatt Regency較近o既東京羽田機場。
 

國泰航空o既地勤好友善，除咗幫我地辦理登機手續同安排媽媽一早預訂o既輪椅之外，佢地都好樂意為我地同行o既兩位團友加多兩張輪椅。雖然結果要等成半個鐘，不過負責推輪椅o既嬸嬸態度極佳，而且往閘口路程實在遙遠，大家覺得都好值得。

因為實在太早起身出發，所以飛機未起飛小肥已經訓著咗，到起身時亦過咗派飛機餐o既時間，小肥唯有食空中小姐叮翻熱o既雞粥黎充飢。雞粥屬和暖，不過就有陣燶味，估計因翻叮所引致；雞肉全為白肉，質感嚡嚡地。雖然小弟喺機上清醒時間不多，不過都覺得空中小姐們比較懶惰，唔按鈕係絕對見唔到佢地o既蹤影囉！

除咗清晨五點鐘食過早餐之外，我地一行六人整個上午都只喺食過國泰嗰份唔多夠飽o既飛機餐，所以我地喺酒店一搞掂好check-in手續就立刻坐酒店巴士去附近o既新宿小田急百貨覓食。因為實在太肚餓，而且天氣頗涷，團友們好想食碗熱烏冬，我地就上百貨公司樓上餐廳層，求其揀咗一間叫「大志滿」o既日本料理醫肚。

「大志滿」o既室內裝修，餐具碗碟以及服務生o既一身和服打扮都好有傳統日本feel。餐廳地方頗為闊落，座位與座位間以屏風分隔，人多都完全唔會好嘈吵，大家都覺得好舒適；如果客人有要求，餐廳亦有四人、八人、廿四人房，不過就有額外收費。

打開餐牌先發現原來「大志滿」主打懷石料理，不過好在餐廳亦有提供其他粥、麵、炸物等，唔係恐怕大家可能要食魚精之類o既傳統懷石料理食品。穿著和服o既姐姐仔不太明白英語，幸好小肥略懂日文，所以對答都由小肥負責；雖然細佬啲日文真係有限公司，不過都勉強溝通得到，亦足以令同行o既契姨媽大吃一驚呀，嘻嘻，當然係「驚喜」個「驚」啦！和服姐姐非常有禮，雖則我地只係叫咗一份懷石套餐，及幾客粥同烏冬黎分，姐姐並未因此而改變或作出藐視等態度，真係好專業！

我地一落完單，和服姐姐隨即為各人送上一細杯桃酒（因為聽見「momo」，所以知道係桃酒，而並非梅酒），大家都幾意外。冰涷o既桃酒甜甜地，媽咪尤其欣賞杯中o既梅肉，話好開胃醒神！我地叫o既雞雑炊（即雞粥）同熱烏冬都好快上枱，兩味都好夠熱，味道好夠清，隨粥附送o既蘿蔔又好爽甜，暖胃得大家都好滿足！埋單每人約1,500日圓，喺日本食野，價錢唔算貴架啦！

「大志滿」環境舒適衛生，服務及食材同樣高質，價錢合理，團友們都好滿意！

我地四年前黎東京時已經住過「東京凱悅酒店」（Hyatt Regency Tokyo），當時對酒店o既房間、設施、配備、服務、膳食等各方面都好滿意，加上大家對酒店附近o既地區都頗為熟識，所以今次重臨東京，我地再一次入住凱悅酒店。

凱悅酒店其中一個賣點就係其免費來回新宿站o既巴士服務，客人可方便地前往新宿站附近o既商店、百貨公司，如小田急及高島屋，更可容易地轉搭地鐡去其他地區。巴士準時，車長有禮，落雪都冇問題，真係安排得好好！

記得上次黎凱悅酒店時，早餐服務係喺大堂升降機旁o既coffee shop進行。四年後o既今次就唔同咗，酒店喺九樓增設咗個Hyatt Regency Club，客人除咗可以朝早6:30-10:00喺club內享用早餐之外，6:30am-10pm亦可隨時飲用咖啡、汽水、果汁等，Happy Hour 6:00-8:00pm更可嘆番幾杯，仲有多款小食送酒添，其中包括麵包、魚生、生果杯、蛋糕、薯片等，睇相都知豐富呀！哈，唔洗諗，下一次再黎日本都一定會再住凱悅酒店！

我地喺東京第一晚，因為預咗要成八點，團友們先會到齊酒店集合，所以一早就已經諗定喺附近一家牛脷專門店Negishi度食晚餐。Negishi係牛脷快餐連鎖店，淨係喺新宿都有九間分店，凱悅酒店鄰近都有兩間，我地當然係去較近嗰間啦，慢速步行都只係約十分鐘左右。

話明係快餐店，喺Negishi食飯當然係要搭枱啦；雖然有長枱，不過我地一行十一人都要分開坐。服務方面，XO仔覺得以快餐店黎講可算為正常，不過以日本人水準黎講就只屬一般。

Negishi所提供o既牛脷，有厚有薄；雖則話係牛脷專門店，不過如果團友中有人唔食牛脷唔緊要，餐廳亦有咖哩、普通牛肉、豬肉等食品。我地十一個人每人叫咗一份套餐，每份都有飯、有湯、有菜，好完整。如相所示，套餐入面有一碗疑以醬汁o既橙黃色汁液，經哥哥位靚女朋友解釋過後，大家先知原來嗰碗係山藥（yam）攪拌而成o既「山藥醬」。個山藥醬濕濕滑滑，漿漿地，幾得意，雖則個醬已經調咗味，不過好多食客都會再加豉油；眼見靚女姐姐將山藥醬撈入白飯，連同牛脷一齊食，小肥當然係抄足黎食啦！小肥同姨丈每人叫咗嗰份「白たん厚切四枚（八切）しろ4セット」套餐，餐牌上註明每份熱量為780kcal，大家覺得都唔算過份，食得好放心。厚切牛脷每片都咁爽脆，而且又軟又多汁，配上野味o既咸菜，濕滑o既山藥醬，同熱辣辣o既白飯，真係好正；每客1,820日圓，美味、飽肚、又暖胃，個人覺得價錢絕對可以接受！

此外，Negishi亦有做外賣，門口有小冊子介紹訂購方法，包括以電話、傳真、手提電話及互聯網，送禮自用兩相宜。

哥哥個日籍靚女朋友真係非常客氣，除咗免費做我地喺東京o既導遊同「人肉GPS」，帶我地周圍食、周圍買之外，我地一到步，佢喺酒店會合我地時仲送咗一大袋士多啤梨歡迎我地添！知道我地一行十人，雖然當中有幾個團友佢尚未認識，但係人人有份，大家都好驚喜！

靚女姐姐介紹話而家正正係士多啤梨當造o既季節，所以喺日本去到邊都會見到同士多啤梨有關o既產品。佢送比我地o既士多啤梨係溫室培植o既「紅ほっぺ苺」。「紅ほっぺ苺」日文讀音為「Benihoppe Ichigo」，中文譯名為「紅頰士多啤梨」；果如其名，每粒都好似面珠墩般紅潤肥厚，體積亦如面珠墩般大，真係唔講得笑！據說，「紅頰士多啤梨」個名除咗係取自其外表，原來其實仲有另外一個典故。日文中有句常用o既諺語，「ほっぺが落ちるくらい美味しい」，中文譯作「猶如面頰快掉下來般美味」，用作形容食物美味程度；「紅ほっぺ苺」中之「ほっぺ」，即「面頰」，就係引用此諺語黎形容士多啤梨猶如面頰快掉下來般美味！

靚女姐姐話「紅頰士多啤梨」係新鮮採摘，最好係當日食用，以確保美味爽甜。細佬平時唔多鍾意食士多啤梨，因為怕酸，就算食都一定要落好多糖同忌廉黎蓋過任何酸味！嘩，今次依啲「紅頰士多啤梨」真係令XO仔對士多啤梨改觀，原來士多啤梨唔需要多餘o既糖或醬都可以咁香咁甜架，大家去日本真係要買返幾隻黎試吓！

This shop at the entrance of the Ueno Park (a hotspot for the mesmerising sakura in spring) has hundreds of year of history specialising in eel rice served in a delicated rectangular lacquer utensil.

The service was very good with some jolly enthusiastic middle aged ladies in traditional kinomos taking care to your every needs. The interior decor is not particularly sumptuous with quite crammed furniture which is typical of Tokyo, however, cleanliness and tidiness are scrupulouly observed which are in the psyche of every Japanese I think.

I ordered a medium size eel rice which came in about 10 minutes time, it was served with a small bowl of kimchi, a soup and a cup of Chinese tea.

The rice was not very impressive, its fragrance was not as appealing as ordinary Thai rice, it was soft to the extent in line with the eel meat that they formed a homogeneous enjoyable mix inside your mouth.

The two big pieces of eel were unquestionably fresh, and so overwhelmingly redolent with the fatty fishy aroma, there were tiny little bones amid the eel meat that inadvertently impart the variation of textures. A bottle of herb which the waitress made enticement to me, when sprinkled onto the eel, though tasted bit exotic (Arabic) it got along with the eel very well.

The kimchi sadly was only a small bowl of it definitely worth mentioning, the veggies were crunchy, would not be very salty as you would encounter in street stalls, there were even two short brown trunks of fresh ginseng which tasted so refreshing.

Considering the price, it is a place that one should expect to pay for their services above the foods, because I actually found eel rice with similar quality in less renowned eateries in Tokyo, though with less salubrious environment, are much more budget friendly.