一如旅遊書介紹，到 Harrods 一定要先拿 Store Guide，先鎖定目標，以免浪費時間及迷路。

Harrods 有著116年歷史，從其建築物外觀應略知一二。樓層分別有 LG, G, 及1至5樓。我計劃先看看1樓女裝，然後再到地下既 Gifts & Stationery，最後到 Food Halls。

女裝有很多漂亮及型格衣服，特別係一 d 香港沒有既品牌，不過礙於價錢唔算平，所以粗略逛逛就離開。然後轉到 Gifts & Stationery，當中不乏好多價錢適中既有趣手送。

不過講到最吸引我既當然係 Food Halls，貨品範疇由乾貨既餅乾、菜葉、糖果至濕貨既水果、海鮮都有，更有如小型 Food Court 攤位既壽司、點心、海鮮等供客人用膳，真係未走到內部已聞到陣陣食物香氣，加埋佢地極度精緻吸引既賣相，當堂感覺個肚發出 "咕咕" 聲響。

Harrods 也象徵著奢華貨品，大部份貨物絕不是一般平民百性可負擔得起。就當日眼見標上法國既車厘子，竟然賣40英鎊一公斤，照當時匯率折算即每磅為$225港元，認真厲害。

到 Harrods 唔買野，見識下都唔錯！