搜尋:
遊記日期:    發表日期:    
 
簡介形式      文章形式
共找到 5246 篇遊記, 正顯示第 1 至 10 篇遊記
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2021-09-01

2018年聖誕東京之第六天

1228日(

乘晚機返港唔洗同行嘅長輩急,可以施施然然。由於是次聖誕東瀛遊食唔到一餐滿意嘅壽司,直令姨媽耿耿於懷,結果朝早退咗酒店房後哥哥就帶路去地圖顯示為最近嘅連鎖壽司屋「梅丘寿司の美登利総本店」渋谷分店食個早午餐。飯後就坐酒店代訂嘅專車去成田機場,將行李寄艙後於貴賓室「ANA Lounge」度候機。團友們都極之滿意與「全日空航空公司」結下緣份,下次再去日本玩都話要encore
梅丘寿司の美登利総本店 渋谷店
梅丘寿司の美登利総本店 渋谷店
攞飛等位,企滿及坐滿人龍
攞飛等位,企滿及坐滿人龍
中卜口刺身,自助餐具及調味,啤酒,茶,吞拿魚根串燒
中卜口刺身,自助餐具及調味,啤酒,茶,吞拿魚根串燒
冬物語(3,024円)
冬物語(3,024円)
牡丹蝦壽司(400円/件)、車海老壽司(600円/件)
牡丹蝦壽司(400円/件)、車海老壽司(600円/件)
極上大卜口壽司、北寄貝壽司、赤貝壽司、火灸吞拿魚壽司、帶子壽司、鮑魚壽司、象拔蚌壽司
極上大卜口壽司、北寄貝壽司、赤貝壽司、火灸吞拿魚壽司、帶子壽司、鮑魚壽司、象拔蚌壽司
極魚王かきグラタン(600円/件)
極魚王かきグラタン(600円/件)
烤魚鰭(700円/件)
烤魚鰭(700円/件)

「梅丘寿司の美登利総本店」嘅渋谷分店位於大型商場Mark City內,方唔方便就見仁見智。八口子十一點左右到步,一如所料,長長嘅走廊及門前早已排滿及坐滿攞咗飛嘅食客等位。

門外貼出日英雙語告示,指繁忙時間限定用餐時間為兩小時及店內並冇足夠空間擺放行李,亦展出附有彩圖嘅推介及節令菜式,方便貴客候座時諗定食乜。聽到哥哥仔話分兩張四人枱會快啲有位喎,當然係立即接納啦

用餐大堂座無虛席,迫到真係連轉身都唔易。服務生忙得團團轉,想搵個人落單都有啲難度,唔怪得知連薑片都同醬油及牙籤一樣玩自助式。嘻嘻,雖然太陽未升到頭頂,但XO仔已慣性地點咗杯生啤

厚本餐牌共有十五頁,有齊日、英、中三個語言,大多項目亦印有彩圖,非常易明。三張散頁餐牌中,其中一張為渋谷分店嘅限定菜式,另外兩頁為節令蠔王嘅三種食法。

1)      冬物語(3,024円):哥哥教落,因推廣品嘅流量高,其新鮮度亦應相對地高,所以就點咗個聖誕套餐四個人分。色彩繽紛嘅壽司拼盤同海報上嗰幅相可以話係一模一樣,有齊拖羅、白子、海膽、蝦、蟹等。壽司外表震撼,不過食落就覺得質素遙不可及之前喺銀座分店食過嘅咁正囉。跟餐嘅麵豉湯、沙律、燉蛋亦屬正常普通貨。

2)      中卜口刺身(2,000円):姨媽話中拖羅刺身雖則色澤紅潤,肉質軟滑,可惜食落太多筋,不吃也吧

3)      牡丹蝦壽司(400円/件)+車海老壽司(600円/件):唔知係咪師傅有意俾個機會大家比較一下呢,兩款蝦壽司拼埋一齊上。相中上方晶瑩透光嘅為車海老壽司,而下方連翠綠色蝦籽嘅則為牡丹蝦壽司,兩者均厚潤爽脆,鮮甜無比。

4)      極上大卜口壽司(500円/件)、北寄貝壽司(500円/件)、赤貝壽司(500円/件)、火灸吞拿魚壽司(200円/件)、帶子壽司(500円/件)、鮑魚壽司(500円/件)、象拔蚌壽司(250円/件):其餘散點嘅壽司一口氣以大大塊木板呈上。六款中以粉嫩嘅極上大卜口壽司最為肥美香潤,好食到姨媽姨丈要立即追加咁堅赤貝壽司橙美爽甜,最抵就係軟嫩鮮濃嘅火灸吞拿魚壽司,反而最失敗係超硬且味道欠奉嘅鮑魚壽司。

5)      吞拿魚根串燒(250円/串):吞拿魚根硬得黎食到成口油,完全唔掂!

6)      極魚王かきグラタン(600円/件):藏於芝士下嘅巨蠔身肥飽滿,爽嫩滑溜,熱辣辣嘅芝士尤其滋味!

7)      烤魚鰭(700円/件):大肥爸爸大讚烤魚鰭魚肉幼滑鮮甜,魚皮則香脆惹味,700円絕對超值!

人氣壽司專門店「梅丘寿司の美登利総本店」深受港人愛戴,XO仔只可以講渋谷分店環境較為狹窄,服務生雖並非不友善,只係感覺有點人手不足而已,壽司質量亦比唔上銀座分店嘅新鮮美味。
推介菜式: 牡丹蝦壽司, 極上大卜口壽司, 赤貝壽司, 火灸吞拿魚壽司, 極魚王かきグラタン, 烤魚鰭
每人消費: 約4507日圓 (晚餐)
評分: 味道3   服務3   環境3   衛生3   抵食3
ANA Lounge
ANA Lounge
ANA Lounge:接待大堂擺放出超型嘅Star Wars版模型飛機
ANA Lounge:接待大堂擺放出超型嘅Star Wars版模型飛機
ANA Lounge
ANA Lounge
ANA Lounge:自助餐飲部
ANA Lounge:自助餐飲部
朝日生啤
朝日生啤
自助食物區
自助食物區
Noodle Bar:豚骨拉麵
Noodle Bar:豚骨拉麵
豚骨拉麵
豚骨拉麵

全日空航空公司嘅商務搭客於成田機場出境後共有兩個「ANA Lounge」貴賓室可選,團長好自然地就揀咗離閘口較近嗰個。

接待大堂擺放出超型嘅Star Wars版模型飛機,震撼到連唔係星粉嘅小肥都忍唔住要影返幅相留念。睇到展出嘅金牌先知原來航空公司同酒店一樣有一至五星等級分,全日空榮獲五星殊榮當真係實至名歸

樓上貴賓室內嘅大廳前方擺有幾張二至四人嘅圓枱仔,後方則排出幾行獨立式梳化位,或許後者私隱度較高,所以一早已坐滿旅客。隔離就係光鮮企理嘅自助餐飲部。拍牆嘅飲品區有精選酒品、咖啡機、鮮奶、汽水、果汁等等。XO仔最興奮就係見到部朝日生啤機!專業到啲啤酒杯全部都係雪喺雪櫃入面,有哂日英對照兼附彩圖嘅操作說明,有得玩又有得飲,絕對歡樂!

自選食物都算幾國際化吓,不過就唔算特別吸引,當中有三文治、沙律、壽司、飯團、味噌湯、麻婆豆腐、肉丸等。嘻嘻,有旅遊達人哥哥帶領,八人當然係唔會錯過最入位置頗為隱蔽嘅「Noodle Bar」啦!麵檔其實有多款熱食可選,包括烏冬、蕎麥麵、拉麵,咖哩飯等,即叫即煮,好似快餐店咁等機仔一響就有得食。細佬所點嘅豚骨拉麵呈奶白色嘅豚骨湯底甜濃香滑,拉麵煙韌彈牙,份量剛剛好唔會太多,加配一杯清爽嘅朝日生啤確真歡樂

全日空航空公司嘅「ANA Lounge」環境及設施屬平均水平,餐飲嘅亮點必數朝日生啤麵檔,貴賓室黎講可選中等之列。
推介菜式: 豚骨拉麵
評分: 味道3   服務3   環境3   衛生3   抵食3
全日空NH 811: B767-300型號班機
全日空NH 811: B767-300型號班機
全日空NH 811: B767-300型號班機
全日空NH 811: B767-300型號班機
全日空NH 811: B767-300型號班機之商務機艙
全日空NH 811: B767-300型號班機之商務機艙
全日空NH 811: B767-300型號班機之商務機艙電動座廁
全日空NH 811: B767-300型號班機之商務機艙電動座廁
全日空NH 811:餐前香檳配日式米餅小食
全日空NH 811:餐前香檳配日式米餅小食
全日空NH 811:餐牌
全日空NH 811:餐牌
全日空NH 811西餐:麵包、頭盤拼盤、牛肉漢堡扒、法式乳酪
全日空NH 811西餐:麵包、頭盤拼盤、牛肉漢堡扒、法式乳酪
全日空NH 811日餐:牛肉漢堡扒
全日空NH 811日餐:牛肉漢堡扒

全日空NH 811選用B767-300型號班機,商務機艙嘅獨立式座位本身已經超級闊落,2-1-2嘅排位令兩邊走廊更具空間感,加以提升舒適度!除咗座位嘅所有控制之外,此機連座廁都一樣為電動化,仲要係大肥最愛嘅噴水型號,高科技得真夠全面!

機艙服務員專業友善,且十分有耐性,起飛後不久即提供餐前香檳及香脆惹味嘅日式米餅小食,見XO仔異常地口渴,仲不斷斟添開水及香檳,細心貼心得很!航班包咗嘅晚餐小肥揀咗「西餐」,所謂四道菜一盤過上,當中凍食嘅烤牛肉卷及真鯛魚頭盤勁酸,幸好主菜牛肉漢堡扒鬆厚軟嫩,肉汁豐盛,極易入口,成功挽回原本失掉咗嘅美食分數。
推介菜式: 牛肉漢堡扒
評分: 味道4   服務5   環境5   衛生5   抵食3
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2021-03-11

2018年聖誕東京之第五天

1227日(

東瀛遊接近尾聲,早上嘅購物活動安排咗喺午餐地點「てんぷら山の上 ギンザ」(Tempura Yamanoue Ginza)嘅銀座區進行。肥肥家族完全無懼增磅,早餐以柑橘啤酒送朱古力柑橘乾。中午品嚐過高質鮮美嘅天婦羅餐後,就去咗原宿血拼精品及手信,真係冇諗過四層高嘅「Kiddyland」竟然遠比鄰近嘅「Line Friends」旗艦店紛繁多姿及有趣得多!整個聖誕旅程最驚喜嘅一餐就係入黑後於「たでの葉」(Robatayaki Tadenoha)享用嘅野味宴,當真一試難忘

10FACTORY 銀座店
10FACTORY 銀座店
「10FACTORY 」的來源及理念
「10FACTORY 」的來源及理念
外賣飲品及甜品區
外賣飲品及甜品區
Fresh-Squeezed Mikan Juice(680円/杯)
Fresh-Squeezed Mikan Juice(680円/杯)
Mikan Biiru(680円/杯)
Mikan Biiru(680円/杯)
朱古力柑橘乾
朱古力柑橘乾
Orangette(324円/件)
Orangette(324円/件)
朱古力柑橘乾
朱古力柑橘乾

名店集中地「Ginza Six」新建於2017年,屬銀座區內規模最大嘅購物中心,地庫層嘅商店主要都係同飲食有關,吸引到XO仔嘅係舖面尤其鮮明嘅「10FACTORY 銀座店」!

小店源於「柑橘王國」愛媛縣,品牌以不同品種嘅愛媛縣柑橘製出果汁汽水果醬糖果朱古力雪糕柑橘美食。店內有售肥肥家族最愛嘅朱古力柑橘乾;由於家人都比較抗拒白朱古力,細佬可以慳返少少。兩款朱古力柑橘乾中,「Orangette」(324/件)嘅柑橘果乾明顯較為厚潤,朱古力脆皮柑橘果香兩者嘅甜味好夾。不過更為乾脆嘅「Chocolate Mikan Rusk」(324/件)就少咗份嚼勁,而且味道冇咁甜濃,唔係咁啱細佬口味。

全店最具人氣就係要排隊購買嘅柑橘飲品及甜品,有果汁、茶、汽水、酒、雪糕等七款可選。小肥第一杯先飲橙亮嘅柑橘果汁Fresh-Squeezed Mikan Juice」(680/杯)。鮮榨果汁十分清涼,而且鮮甜無比,實不用錯過,必喝推介也!至於杯柑橘啤酒「Mikan Biiru」(680/杯)其實即係柑橘果汁溝啤酒,飲落唔似啤酒之餘仲失掉咗柑橘本身嘅鮮甜,組合有啲不知所謂,超唔掂囉!

柑橘產品專門店「10FACTORY 銀座店」簡潔亮麗,服務生和藹友善,柑橘果汁朱古力柑橘乾鮮美可口,只係獨創嘅柑橘啤酒出咗事。
推介菜式: 柑橘果汁,朱古力柑橘乾
每人消費: 約1000日圓 (早餐)
評分: 味道4   服務5   環境5   衛生5   抵食4
てんぷら山の上 ギンザ(Tempura Yamanoue Ginza)
てんぷら山の上 ギンザ(Tempura Yamanoue Ginza)
てんぷら山の上 ギンザ(Tempura Yamanoue Ginza)
てんぷら山の上 ギンザ(Tempura Yamanoue Ginza)
啤酒,日本清酒,水,牙籤,餐具
啤酒,日本清酒,水,牙籤,餐具
天婦羅蠔「牡蠣」(1,500円)
天婦羅蠔「牡蠣」(1,500円)
天婦羅蝦頭
天婦羅蝦頭
8,000円「廚師發辦」
8,000円「廚師發辦」
12,000円「廚師發辦」:天婦羅慈菇、天婦羅紫蘇海膽、舞茸菇、升呢版魚魚
12,000円「廚師發辦」:天婦羅慈菇、天婦羅紫蘇海膽、舞茸菇、升呢版魚魚
蓋飯及雪糕
蓋飯及雪糕

長輩要求食天婦羅,除咗要好食之外另附條件係要好坐,結果當然係要搵地膽幫手,由哥哥位日本女朋友推薦擁有六十多年歷史嘅老字號「てんぷら山の上 ギンザ」(Tempura Yamanoue Ginza)。如店名所示,「山嶺上的天婦羅」母店位於「Hilltop Hotel」山頂位置,為東京第一間能成為酒店餐廳天婦羅店,神級地位不容忽視

天婦羅專門店於2017年首設分店,所選嘅銀座區及Ginza Six商場均份量非凡!店子以木為主嘅裝潢簡約樸實,門面及用餐大堂嘅空間感一樣咁足,完全不失格調或氣派。店內並無花巧之裝飾或擺設,用上嘅全為木造餐桌及椅櫈,令開揚嘅間隔更覺通爽。最入一邊為最旺場嘅吧位,圍繞著幾位即炸美食嘅師傅。離廚房最遠嘅就係窗邊有靚景睇嘅散座。八人派對被安排入座最中央嘅長枱,每位席上都有自用嘅隔油網架及餐具,講究得黎好衛生。

埋位先送上熱毛巾。得悉家人來自香港,哥哥仔即主動以國語溝通及推介餐飲,並換上中文版餐牌,既親切又周到!大家都應推介揀咗12,000円/位或8,000円/位嘅「廚師發辦」作午餐,分別在於前者多兩味天婦羅及包有更豐盛嘅主食選擇。每客「廚師發辦」均配備調味三寶,即蘿蔔蓉天婦羅秘汁。小肥所點嘅8,000円「廚師發辦」包有八款天婦羅:兩件活海老、兩款魚、星鰻、蓮藕舞茸菇茄子伏見青椒。哥哥點嗰客12,000円「廚師發辦」就多咗慈菇紫蘇海膽兩款天婦羅,另外魚魚亦為升呢版。新鮮炸出嘅天婦羅由姐姐仔索油後續件分配於各人嘅私家隔油網架上:

1)      兩隻天婦羅蝦係分開上嘅,新鮮即炸嘅蝦頭極易入口,咬落鬆脆冇渣。

2)      修長嘅蝦身炸皮巧薄不油膩,橙白紋理鮮明嘅蝦肉爽脆彈牙,十分清甜。

3)      天婦羅蓮藕超級厚身,幸好炸漿輕盈,蓮藕入口清爽得很,真係食到索索聲架

4)      伏見青椒半爽半腍,意外地除咗有陣獨特嘅香味之外,仲有點回甘。

5)      茄子蓮藕一樣咁厚,質感爽中帶腍。

6)      最後件舞茸菇芳香脆潤,可口味佳。

7)      唔係幾夠飽嘅幾位男仕結果要追加精選項目。所選嘅蠔隻名為「牡蠣」(1,500円),肥嘟嘟嘅外表已覺吸引,吃畢個個都有讚冇彈,証明堅掂

8)      各款午市套餐可選嘅單尾不同,餐廳特意印出圖文並茂嘅「主食餐牌」,另貴客簡單易明得多。細佬所點嘅「蓋飯」包有甘甜味雜錦天婦羅蓋飯醬菜、味噌湯。甘甜味雜錦天婦羅蓋飯白飯底粒粒飽滿肥潤,舖面嘅雜錦天婦羅巧脆惹味。味噌湯內含蜆肉,味道鮮濃。伴配嘅醬菜清新爽脆,可一解熱氣。

9)      甜品可選咖啡味或綠茶味雪糕,均伴上紅豆蓉,清涼不溜滯。

天婦羅專門店てんぷら山の上 ギンザ」環境寬廣樸實,服務生友善且有幹勁,待客之道盡顯誠意。午市「廚師發辦」用材上乘,質高美味,只係唯一價格偏高,不過考慮到此乃名酒店餐廳於高級商場開設之分店,論其舒適度、衛生要求及專業態度都係咁有水準,高價都變得可以接受
推介菜式: 天婦羅蝦,天婦羅蓮藕,天婦羅舞茸菇,天婦羅牡蠣,甘甜味雜錦天婦羅蓋飯
每人消費: 約12090日圓 (午餐)
評分: 味道5   服務5   環境5   衛生5   抵食3
精品天堂2.0 笑臉2021-03-11
Kiddyland
Kiddyland
Kiddyland - 地牢 Snoopy Town
Kiddyland - 地牢 Snoopy Town
Kiddyland - 地牢 Snoopy Town
Kiddyland - 地牢 Snoopy Town
Kiddyland - 鬆弛熊區
Kiddyland - 鬆弛熊區
Kiddyland - 鬆弛熊區
Kiddyland - 鬆弛熊區
Kiddyland - Sanrio區執到寶!
Kiddyland - Sanrio區執到寶!
Kiddyland - 迷你兵團
Kiddyland - 迷你兵團
Kiddyland - P助與兔兔
Kiddyland - P助與兔兔

早兩日先見識過日本卡通精品天堂「東京駅一番街」(Tokyo Character Street),買到XO仔同媽咪手都軟埋,真係冇諗過一山還有一山高,喺原宿竟然發現到個向上發展嘅精品天堂大廈「Kiddyland」,比「東京駅一番街」絕對有過之而無不及呀

Kiddyland」合共有五層高,雖然有𨋢搭,但每層樓梯嘅牆身都畫滿可愛嘅卡通,所以好多人都唔怕續層行,可以邊購物邊打卡,身心一樣咁健康。每層嘅精品款式及主題都唔同,其中最勁一定係自己擁有成個地牢嘅Snoopy Town啦!日本人嘅一樓(1/F)即係地面嗰層,推嘅都係新興人氣產品及潮流貨款;對上一層嘅2/F大多賣來佬野,包括迪士尼、星球大戰、芝麻街、迷你兵團等;3/F主要都係模型;而頂樓就由鬆弛熊Sanrio分。全店可免費享用Wi-Fi,不同樓層亦設有收銀部,海外顧客如購買滿五千円更可憑護照即場退稅,所以大家記得要集齊好想買嘅精品先一次過埋單。有心睇的話會發現不少過氣嘅好野以特價發售,嘻嘻,小肥由下午買到天都黑齊,當然係執都寶啦
推介項目: 購物
參觀時段: 下午
評分: 值得去5  
Line Friends Flagship Store Harajuku
Line Friends Flagship Store Harajuku
Line Friends Flagship Store Harajuku
Line Friends Flagship Store Harajuku
巨型Brown Brown
巨型Brown Brown
Cooky
Cooky
Usamaru - Harajuku Edition
Usamaru - Harajuku Edition
Tata
Tata
Line Friends Flagship Store Harajuku
Line Friends Flagship Store Harajuku
Line Friends Flagship Store Harajuku
Line Friends Flagship Store Harajuku
別號「亞洲搶錢天團」嘅韓國明卡通Line Friends於世界多個角落都設有分店,其中原宿店於2018年裝修成東京旗艦店「Line Friends Flagship Store Harajuku」後重新開幕,吸引Line粉天天排隊入場。小肥於網上嘅資訊睇到旗艦店有售原宿店限定商品,所以點都要抽時間去𥄫𥄫。點知去到先發現樓底勁高嘅店子大就夠大型,不過所販賣嘅精品款式同喺香港見到嘅冇乜分別,更加係搵唔到所謂之限定商品囉,結果十分鐘已經行哂三層!反而最多及最受歡迎就係啲打卡位,要同巨型嘅Brown Brown合照仲排哂長龍,似乎個個黎親都係為影相打卡多過購物
推介項目: 打卡
參觀時段: 下午
評分: 值得去3  
たでの葉 Robatayaki Tadenoha
たでの葉 Robatayaki Tadenoha
小店由小鶴伉儷主理,男主內、女主外
小店由小鶴伉儷主理,男主內、女主外
日本清酒,餐店理念,吧位餐桌
日本清酒,餐店理念,吧位餐桌
九小碟前菜拼盤
九小碟前菜拼盤
三文魚籽、水魚啫喱、金菇菠菜、海帶漬物
三文魚籽、水魚啫喱、金菇菠菜、海帶漬物
燒水魚、燒鱔、燒野鹿肉、燒野鴨肉、薄燒野鹿扒
燒水魚、燒鱔、燒野鹿肉、燒野鴨肉、薄燒野鹿扒
野鴨內臟刺身:鴨肝、鴨腎、鴨心
野鴨內臟刺身:鴨肝、鴨腎、鴨心
芹菜野豬五花腩煲
芹菜野豬五花腩煲

たでの葉」(Robatayaki Tadenoha)隱藏於青山區內一幢不起眼嘅大廈二樓,從附近四周嘅環境及門外嘅氣味當真難以察覺到爐端燒店嘅存在。行上樓梯,步入餐室,發現全店十二個吧位均圍繞著老闆兼主廚小鶴清史氏(Kiyofumi Kozuru)先生嘅爐端大舞台,一人負責哂切、串、燒、煮等工序,透明度極高,唯一室內光線較暗,令拍攝難度增加。

小店由小鶴伉儷主理,男主內、女主外,合拍得非常之有默契。XO仔啲日文屬有限公司,小鶴太太特意寫埋漢字黎溝通,態度堅認真!小鶴先生提及自己家鄉好多狩獵者,所以有窿路入到高質嘅野味食材。餐店只有一款廚師發辦晚餐,10,000円/位,節令菜式當日先會知有乜,故未有餐牌提供。

餐具下嘅餐墊以型格書法道出店子務求貴客可於歡樂時光中以美食充電嘅「Power Spot」(能量景點)理念,有意思極!大大頁飲品牌有張黃色皺紙墊底,配埋桌上嘅小燈籠,感覺好似返咗古代咁。酒鬼們應推介試咗樽有年份嘅「2017年新政天鷲絨ヴィリジアン(Viridian)日本清酒(7,200円/樽);帶有乳酸味嘅酒品清爽到好似有氣咁,相當獨特。

1)      晚餐由豐盛嘅九小碟前菜拼盤作序,不同大小及形狀嘅碟盤十分吸睛。建議由十一點方向開始順時針方向食,順序亦即三文魚籽芝麻菠菜伴蓮藕、山葵腐皮、熊肉絲、炸慈菇味噌白鴨肉水魚啫喱、蘿蔔,中央為豆腐乾拼香菇:

a)      拼盤上嘅三款小杯中,晶瑩橙美嘅三文魚籽濕潤惹味;芝麻菠菜伴蓮藕清新帶爽;而腍身嘅腐皮食落有點兒微微辣勁,都幾得意。

b)      第一味食到嘅野味熊肉絲混入咗醃蘿蔔絲,食落好似火腿絲咁,其實唔係好食得出熊肉有咩特別味

c)      慈菇一向俾XO仔嘅印象係粉粉地同苦苦地,師傅巧妙地將慈菇切碎後炸煮,炸慈菇變得香脆鬆爽,易入口及討好得多。

d)      長輩果然係學識廣博,一聽到葫蘆碟上為「味噌白鴨肉」時,即諗到「連城白鴨」乃清朝貢品,屬珍饈也!搓成肉丸形嘅味噌白鴨肉內含洋蔥碎,甜濃爽潤。

e)      九款小點中最得小肥歡心嘅就係半透明嘅水魚啫喱方磚啫喱清涼厚潤,入面嘅水魚裙邊清脆甜美,滋補養顏,超正!最後中間件豆腐乾一啲都唔乾,濕潤得黎有彈性,簡單加上兩片火腿已成功加添咸香。

2)      食完九小碟後,師傅戴著特製厚手套於高溫嘅黑炭沙堆嘅熱爐燒煮出嘅野味亦迅即陸續登場。打頭陣嘅為貌似八爪魚嘅燒水魚!細佬炆水魚同水魚湯都有食過,不過似乎爐端燒嘅水魚肉先最鮮甜及有嚼口,骨膠原豐沛都毫不溜滯

3)      如相所示,燒鱔粗身得黎閃出光澤,頂面以紫蘇葉碎點綴令菜式芳香撲鼻。大肥爸爸同姨媽姨丈們都大讚靚鱔皮脆肉滑,啲仲要係滑到不得了嗰隻喎

4)      食完兩道濃味嘅海鮮後,先有一碗仔清香怡神嘅金菇菠菜為味蕾洗滌一番。

5)      接棒嘅野鹿好似比翼雙飛咁,小燈籠旁放上伴配嘅鹽粉,擺盤精美得很!野鹿肉嘅外表與牛扒無異,紅潤粉嫩嘅野鹿肉油脂不多,質感軟腍,輕輕塗上金黃嘅辣根及灑上鹽粉足已吊出鮮香嘅味道。

6)      整晚之最必選黑色圓盒內鮮紅潤澤嘅野鴨內臟刺身!金碗內嘅野鴨內臟分別有鴨肝鴨腎鴨心,撈埋隻亮麗嘅日本生鵪鶉蛋黃,三款刺身柔順嫩滑,鮮美醒神!

7)      食完頂級嘅野鴨內臟刺身後即輪到燒野鴨肉。嘩,燒鴨皮層香脆中仍保持滑溜,鴨肉軟嫩可口,拼上大蒜更覺鮮香惹味,冇得彈呀!

8)      好似牛肉咁,燒野鹿都可以有不同燒法、切法、食法。切成幼條嘅薄燒野鹿扒鬆爽得黎肉汁豐腴甜美,個人覺得比第一款燒鹿肉更堅!

9)      吃畢兩種紅肉,師傅就安排咗一小碗酸味消滯嘅海帶漬物間場。

10)  壓軸嘅野味為滾住上嘅芹菜野豬五花腩煲,由小鶴太太續一分派。上枱時已聞到翠綠嘅芹菜傳出嘅芬芳,下嘅野豬五花腩肉不單巧薄,肥瘦比例更加係層次分明,簡單烚過肉質已夠鮮爽香潤,真係食到嗦嗦聲架

11)  吃畢多道咁補嘅野味混身熱血,大廚以野生山藥磨煮成糊仔狀作單尾,可一解熱氣及油膩,妙哉!

12)  甜品柑橘類水果二重奏晚白柚拼凸頂柑デコポン),兩者均微酸帶甜,輕盈得黎有助腸胃消化。

店名取自「蓼葉」嘅「たでの葉」(Robatayaki Tadenoha)暗居於青山區內,室內並無花巧之裝潢,只有開放式爐端大廚房,由年輕嘅小鶴夫婦經營。十二個座位天天爆滿,全因店主待客誠懇,野味宴高質獨特,驚喜美味,豐盛難忘!客人彷如置身於鬧市中嘅鄉村大屋中享用剛捕獲嘅獵物般,締造出非一般嘅味覺旅程,屬「到此一遊」的好餐廳也!
推介菜式: 水魚啫喱,燒水魚,燒鱔,野鴨內臟刺身,燒野鴨肉,薄燒野鹿扒,野生山藥糊,芹菜野豬五花腩煲
每人消費: 約14800日圓 (晚餐)
評分: 味道4   服務5   環境4   衛生5   抵食4
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2021-01-20

2018年聖誕東京Boxing Day

1226日(

Boxing Day可算為是次行程嘅西餐日,午餐喺地牢扒房「」(Shima)鋸和牛,晚餐就盛裝於銀座名店「L'Osier」享用法國聖誕大餐。由於用餐時間過長,女仕們裝扮需時,結果就跳過哂所有購物活動
地下扒房 笑臉2021-01-20
島 Shima
島 Shima
島 Shima
島 Shima
菂薂可愛嘅臘腸狗筷子座
菂薂可愛嘅臘腸狗筷子座
紅酒、香檳、可樂、水
紅酒、香檳、可樂、水
麵包 + 牛油
麵包 + 牛油
頭盤
頭盤
Wagyu Steak(13,000円/150g)
Wagyu Steak(13,000円/150g)
Apple Pie with Mango Sorbet & Coffee Sorbet
Apple Pie with Mango Sorbet & Coffee Sorbet

大肥爸爸個老友記每年都會去日本多個城市吃喝玩樂,其中去襯東京定必拜訪西洋料理「」,肥肥家族聽得多自然心郁郁。非常慶幸聖誕假期間都訂到位去食晏,只係餐店隱蔽於地牢,位置有少少難搵,大家記緊要留意孖膽街燈及花花標記哦!

行落街燈旁嘅弧形樓梯確真有啲危險,因為又黑又高,落到底先知人地原來有部𨋢架。餐廳面積不大,前方為開放式廚房及吧位,由老闆兼主廚大島先生掌舵,後方則擺放出兩張多人長枱。室內並無花巧之裝潢,最搶鏡必數牆上掛出可愛嘅龍貓同貓巴士幅合照!店內只有年紀唔輕嘅老闆娘一人負責樓面工作,包辦落單、傳菜、換碟、結帳等,見佢出出入入實在忙透,故面對緩慢嘅上菜速度大家都完全冇催促過。嗜紅酒嘅長輩們埋位先從多頁酒牌中揀選佳釀襯托靚牛扒。要有氣嘅小肥就點咗半枝裝嘅香檳。邊飲邊等,發現「香檳」日本譯作「果實酒」,連個名都健康過人,結果不知不覺間就飲咗兩個半枝,早知一開頭就要樽大裝啦!

兩頁食物餐牌只有頭盤及主菜項目,非常簡單,價格卻極非一般。餐桌白色嘅枱布上有齊備嘅西式及和式餐具。見到菂薂可愛嘅臘腸狗筷子座確真令人心情輕鬆起來。

1)      師傅準備午餐時,食客可先細嚐三款鬆軟熱辣嘅麵包,個人只係略嫌黑炭麵包偏硬咗少少。請留意,牛油係要要求先會提供嘅。

2)      Fresh Raw Salmon with “Ohba”(3,800円):橙亮嘅三文魚薄片柔軟香潤,以秘製嘅「Ohba」調味醒胃惹味得黎散發著芬芳嘅紫蘇香,清新得很

3)      Fresh Oysters(600円/隻):大大隻生蠔肥美亮澤,鮮甜爽滑,正!

4)      White Asparagus(900円/條):蘆筍一向唔係細佬條菜,不過哥哥勁讚又粗又長嘅白蘆筍鮮嫩爽脆,一啲渣都冇,細佬只係覺得成千円一條好高級囉

5)      Onion Gratin Soup (2,100円):熱力十足嘅洋蔥湯香濃甜美,意外地冇預期中咁溜,湯料中嘅靚洋蔥嫩腍入味,滋味無窮。

6)      Wagyu Steak(13,000円/150g):八人嘅主菜清一式要哂鎮店日本兵庫縣和牛,師傅喺燒煮牛扒前先攞咗個磅出黎,以証明和牛堅夠斤兩,透明度極高;相片碟中嘅兩件和牛左方為牛柳,右方為西冷,每款要咗四份。扒房選用日本名牌刀廠「旬」嘅靚刀,唔打得都睇得先!跟牛扒上嘅除咗有西餐常見嘅芥辣之外,仲有一小碟山葵豉油,流露出日式飲食文化嘅影響。三成熟嘅和牛西冷色澤粉嫩,肉質鬆潤香軟。分別連同伴碟金黃脆巧嘅蒜片及鮮爽多汁嘅生洋蔥,再輕輕點上山葵豉油已能增添惹味爽脆。和牛牛柳嘅配菜與和牛西冷嘅無異,除咗蒜片生洋蔥之外,仲有焗薯及烤菜,碟上同樣係冇任何汁液,調味可選芥辣或山葵豉油。厚身嘅牛柳都係咁夠肉汁,只係有比較下質感會稍微覺得嚡實啲啲,啱唔啱口味真係要視乎個人喜好。

7)      Apple Pie with Mango Sorbet & Coffee Sorbet:餐牌上並冇甜品項目,問多兩句發現原來係免費贈送嘅!細細件果批夠薄,半帶煙韌嘅批皮夠輕巧,批面嘅果肉芳香爽潤,伴配芒果味及咖啡味雪葩亦微甜輕盈,份量剛剛好。

8)      甜品小點:三款小點中只有柚子條條一款冇果仁,帶點嚼勁嘅柚子條條酸酸甜甜,清新又醒神。

藏於一幢商業大廈地牢嘅西餐廳「」環境簡單樸實,由友善好客嘅大島先生伉儷主理,男主內,女管外,溫馨洋溢。餐牌項目雖屬高價之列,但用材確真高質,菜式絕對表現出大島先生嘅烹調技巧,值得一試!
推介菜式: Fresh Raw Salmon with “Ohba”, Fresh Oysters, White Asparagus, Onion Gratin Soup, Wagyu Steak
每人消費: 約20540日圓 (午餐)
評分: 味道4   服務3   環境3   衛生4   抵食2
L'Osier 門面、環境、擺設、餐牌、紀念品
L'Osier 門面、環境、擺設、餐牌、紀念品
法式小點心 Canapés
法式小點心 Canapés
Maison Kayser 麵包、聖誕牛油塔
Maison Kayser 麵包、聖誕牛油塔
粉紅色香檳、開胃小食、雜錦貝類他他拌魚子醬、金橘雪葩
粉紅色香檳、開胃小食、雜錦貝類他他拌魚子醬、金橘雪葩
烤鴨主菜、靚刀、藍龍蝦配意大利飯
烤鴨主菜、靚刀、藍龍蝦配意大利飯
Kue - 泥斑配海膽秘汁
Kue - 泥斑配海膽秘汁
芝士車
芝士車
甜品
甜品

肥肥家族與法國餐廳「L'Osier」於2016年結緣,全因當時日籍靚女師姐推介為其願望餐廳之一,家人親嚐過星級午餐後亦迅即愛上!闊別兩年,原班人馬重返東京過聖誕節,大家都異口同聲地話要返去名店試埋個晚餐,Boxing Day真的可如願以償,饞嘴肥肚最幸福

節日嘅燈飾點綴下,西餐廳如酒店般壯麗嘅門面更顯有氣派,大門由身穿制服嘅靚仔哥哥把守,貴客必需按照服裝限制打扮絕對有理。請留意,規定說明身穿牛仔褲、短褲或波鞋者均不得內進,男仕們定必穿上西裝。步進大堂,即見中央掛於半空嘅大吊燈跨往下層,延伸至一棵肥嘟嘟嘅聖誕樹。店內簡單擺出聖誕擺設及藝術品,大方典雅且極具佳節氣氛。

電話訂座時,XO仔已為各人點咗八道菜嘅試食套餐「Menu Degustation」(28,000円/位),並清楚說明廚師要留意嘅食物敏感事項。九人被安排入座兩張圓枱。官仔骨骨嘅服務生謙遜體貼,除咗言談間之外,每個動作都能反映出對用餐禮儀嘅講究及尊重,態度極之誠懇。餐牌均由大廚Olivier Chaignon先生親筆簽署,以表其誠意。既然菜單早已訂好,埋位就由團長揀選粉紅色香檳Billecart Salmon Rosé Brut NV」(JPY 18,000/btl)襯托一吓聖誕佳餚

1)      晚餐由外觀猶如花瓶般精緻嘅法式小點心Canapés」揭開序幕。家人都驚嘆弧形嘅透明玻璃盤及盤上嘅四款小點一樣咁富藝術感小點心均輕盈健康,可直接用手食,建議可由九點鐘方位開始打橫向右食,最後先逆時鐘方向上埋個十二點位,順序亦即微甜鬆化嘅棗蓉竹炭脆片、軟腍脆皮嘅茄子蓉撻、芳香厚潤嘅香草忌廉三文魚件、香濃柔滑嘅奶酪芝士伴黑松露

2)      哥哥大讚麵包每款都咁鬆,伴配聖誕樹形嘅牛油塔既可愛又能提升佳節氛圍。原本家人都估頂級貨為廚房出品,細問下方才得悉店子嘅麵包均由區內名店「Maison Kayser」每天新鮮焗製,果然來頭不少

3)      Amuse-Bouche開胃小食為廚房每天即興之創作,當日嘅南瓜雪糕混入白蘿蔔精華,純樸清甜,以雅枝竹啫喱墊底即巧妙地加咗份濕潤,頂面再以芬芳香脆嘅松露花薯片點綴,配搭清麗脫俗得黎口感十分豐富。

4)      Ossetra Caviar - Shellfishes Tartare, Light Fennel Cream Mousse with Lime Jelly/Lemongrass Leaves, Potato "Inkanomezame" Blinis:單憑相片未必睇得到,貝殼形玻璃碟子上其實最底層為晶瑩透光嘅雜錦貝類他他拌青檸啫喱,師傅喺面以黑色嘅魚子醬、奶白色嘅茴香忌廉慕絲及翠綠色嘅香茅小葉砌出形於盆栽嘅一幅美食圖,眼前頓即亮起一種大自然清新嘅氣息雜錦貝類他他拌青檸啫喱清涼爽嫩,撈入盆栽拼圖上嘅魚子醬茴香忌廉,效果更覺鮮濃柔滑,將食材塗上碟邊嘅迷你薯仔鬆餅上即變成一口一件嘅DIY小點心般,多元化嘅食法彷彿在提醒貴客飲食嘅趣味,設計者甚有心思。

5)      Blue Lobster/Black Truffle - Spelt Wheat Risotto with Aromatic Vegetables & Truffle Sauce:每道熱食均連蓋呈上,並由幾位服務生同一時間為全席人揭開,感覺猶如置身於皇室宴會中,相當隆重。意粉環節再一次遇上黑松露,濕濕地嘅意大利飯底腍潤中帶有嚼勁,龍蝦肉亦鮮美爽脆,只係長輩們都覺得藍龍蝦意大利飯依個組合有點兒太過穩陣,失色在於欠缺咗一份驚喜或刺激感。

6)      Kue - Low-Temperature Cooking, Cauliflower with Seaweed Sea Urchin Broth:經理哥哥介紹法國大餐嘅魚魚係師傅精挑細選嘅「Kue」(網上翻譯為「泥斑」),屬當地出名難捉嘅石斑,尤其罕見所以矜貴。上枱後由專人續一於斑塊淋上熱辣辣嘅海膽秘汁。配角橙亮嘅海膽鮮甜香濃,翠綠嘅椰菜花蓉則脆潤易入口,白雪雪嘅魚肉以低溫煮出,厚身得黎卻極之軟滑,黏上海膽秘汁成功增強靚魚嘅鮮味,實有畫龍點睛之效

7)      Roasted Duck from "Challans" - Roasted with Spices, Leg's "Confit" with Orange "Bigarade" Sauce, Turnip/Truffle, Caramelized Apple with Chinese Quince Vinegar & Green Cardamon Salmis Sauce紅肉主菜上場前先換上更鋒利嘅刀具;女仕用白刀,男仕用黑刀。烤鴨主菜醬汁魚魚一樣係即場於食客面前斟上。兩件不同部位嘅烤鴨烹調方法及生熟度都有所不同,碟盤中央嘅鴨胸粉嫩紅潤,看似零脂肪嘅肉質軟腍且肉汁豐腴,傳出清幽嘅橙香迅即令精神為之一振;右上方嘅一小件油封鴨腿皮脆味濃,加配酸酸甜甜、腍中帶爽嘅焦糖蘋果一齊食落口即可減低膩感,簡單精妙

8)      法國餐普遍都會以芝士隔開主菜及甜品項目,「L'Osier」嘅芝士車相信亦迷到不少芝士迷,只係遇上口味唔重嘅XO仔就有少少嘥料。

9)      Kumquat Sorbet:鮮紅艷麗嘅金橘雪葩紅桑子及紅石榴啫喱墊底,軟潤清爽,消滯嘅同時可洗滌淨化一下味蕾。

10)  Les Petits Fours每人一份,四款甜品小點均擺放在透明嘅長形靚碟上,感覺同晚餐第一道法式小點心嘅擺盤相似得黎又有個對比,即咸對甜及圓對方。相中左起為軟彈濃甜嘅芒果啫喱、酸甜酥脆嘅紅桑子蛋白球、香醇甜脆嘅金箔朱古力杯、香軟帶脆嘅迷你焦糖梨撻。不得不提嘅就係拼盤旁放置咗一碗清水,方便賓客於食用甜點前作洗手之用,衛生周到得很。

11)  聖誕晚餐正常版嘅甜品為經典之選蒙布朗「Mont Blanc」,小弟因對果仁敏感,廚房已另作安排,不過眼見師傅為栗子雪山改編出別出心裁嘅新潮面貌,自己都不禁影咗幅靚相

12)  Around the Citrus:魚形嘅碗中由幾款柑橘類水果砌出橙黃閃爍嘅果盤,灌入果汁後即浮現出柑橘小島,玩味十足!柑橘果肉部份清甜,有幾件帶酸,伴配甜脆嘅蛋白小餅令口感及味道有層次得黎非常和諧,實在難得!但甜品個高潮位係另上嘅香橙忌廉脆卷!金黃亮麗嘅忌廉卷修長吸睛,一拎起即發現餐碟嘅設計原來好似煙灰缸咁兩邊都有個凹位,卷物啱啱好弗到遢遢陷。手持卷卷已飄來陣陣果香,第一口咬落去連右旁嘅媽咪都聽到巧薄鬆脆嘅如何卜卜脆,卷心柔滑嘅香橙忌廉溶於舌上,甜美嘅橙香洋溢口腔,這個外剛內柔細膩得太完美了

13)  法式聖誕大餐以精美嘅甜點車Sweet Delicacy Trolley」作結,琳瑯滿目嘅糖果餅乾朱古力等任君選擇。靚仔哥哥耐心地續一推介,而且好衛生地為每位客人分碟上。嗜甜嘅小肥好捧場地試咗五款,甜點各具特色,可口討好。伴配一杯特濃咖啡,不用加糖以令腸胃舒暢得很。

L'Osier」為名化妝品牌「資生堂」於東京銀座創立之法國餐廳,法文店名取自銀座區嘅標誌「柳樹」。西餐店富麗堂皇,服務生衣觀整齊,有禮好客,菜式用材高質,且顏值高,星級八道菜聖誕大餐豐富味佳,女仕們仲有個手袋仔紀念品,Boxing Day有聖誕禮物收倍添節日歡樂及難忘,即使有服裝限制都絕對值得一試再試!

推介菜式: Ossetra Caviar, Roasted Duck from "Challans", Kumquat Sorbet, Around the Citrus
每人消費: 約39550日圓 (晚餐)
評分: 味道5   服務5   環境5   衛生5   抵食3
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2020-12-31

2018年聖誕東京之聖誕節

1225日(

去親東京玩都會盡情咁食,因深知聖誕旺季訂座會難上加難,早於出發半年前已開始跟酒店聯繫有關訂座詳情,列出心儀嘅餐廳後就交由佢地代為編排行程。八人真夠幸運,可於聖誕節中午品嚐Doctor X最愛嘅星級鐵板料理「銀座うかい亭」(Ginza Ukai-Tei)。午餐後於銀座區內購物,靚靚媽咪同家姐們於「三宅一生」(Issey Miyake)不停地試身時,XO仔就去咗附近間「Sanrioworld GINZA」狂購玩具同精品。今次假期最失望都要數喺名酒店餐廳「銀座久兵衛 京王プラザホテル店」Ginza Kyubey, Keio Plaza Hotel食嘅聖誕壽司晚餐
銀座うかい亭(Ginza Ukai-Tei)門面及內在環境
銀座うかい亭(Ginza Ukai-Tei)門面及內在環境
磯自慢純米大吟釀四合瓶(21,600円)
磯自慢純米大吟釀四合瓶(21,600円)
餐牌、大沼豐師傅(Yutaka Onuma-san)、鮮美食材
餐牌、大沼豐師傅(Yutaka Onuma-san)、鮮美食材
Foie Gras Sauteed、麵包、Ocean Trout
Foie Gras Sauteed、麵包、Ocean Trout
Scallop、帝王蟹湯、Risoni
Scallop、帝王蟹湯、Risoni
Homard Brue Steamed
Homard Brue Steamed
Wagyu Beef Steak with Onion
Wagyu Beef Steak with Onion
聖誕版甜品車及Christmas Strawberry Cake
聖誕版甜品車及Christmas Strawberry Cake

銀座うかい亭Ginza Ukai-Tei為名日劇女主角Doctor X最愛嘅星級鐵板料理。餐店銀光閃閃嘅正門由兩位叉羮護法駐守,入口嘅梯級舖上紅地毯,左右兩旁排出聖誕花,節日氣氛濃烈且氣派十足,相信晚上亮起燈飾時會更壯觀亮麗。店內光線柔和,帶點古堡味嘅歐陸式裝潢及擺設高貴有格調。面積寬廣嘅餐室中央位置有個弧形嘅大鐵板舞台,貴客大多為二至四人一組,亦即搭枱制。

八人派對被安排於廂房內進行,私隱度較高,厚墊椅櫈十分舒適,仲有專人貼身服務,自動換碟及加酒之速度都相當理想,服務生態度誠懇友善。每位席上擺有齊備嘅西式餐具及餐牌,簡潔衛生。餐巾上以銀絲綉出店名,極富貴氣,而且好襯「銀座」個地點添。

餐牌印上兩款聖誕套餐Christmas Lunch Course」(12,960円/人)及「Christmas Special Course」(32,400円/人)嘅詳盡內容。酒店以電話訂座時,接線生講明八人要清一色訂同一個餐,當時即點咗「Christmas Lunch Course」,用餐當日經理姐姐卻提議不妨換成每款套餐要四份,臨時嘅彈性改動其實正合姨媽們心意。嘻嘻,既然係慶祝聖誕節,咁當然係要叫酒飲啦,相信人多續樽叫應該最抵,所以就應推介點咗枝日本清酒「磯自慢純米大吟釀四合瓶」(21,600円)。

聖誕海陸大餐由年輕俊朗嘅大沼豐師傅(Yutaka Onuma-san)全權負責。師傅開始動手燒煮前,先展出鮮美嘅食材,包括龍蝦帶子和牛,並問及各人嘅飲食喜好要求,如敏感問題、牛肉生熟度等等,細心兼認真。

1)      「Christmas Lunch Course」由橙亮嘅「Ocean Trout with Seasonal Vegetable」作序。貌似三文魚嘅兩件Ocean Trout(Google之神譯作為「鱒魚」)刺身厚潤柔軟,連同頂面嘅魚子醬及碟邊嘅白汁食落口,鮮味洋溢味蕾。

2)      第二道「Foie Gras Sauteed」賣相未必吸引,但一刀切落去,手仔已感到從刀鋒傳出鵝肝軟滑嘅質感,入口即可証實靚肝皮層香脆,肝心極其幼嫩,當真不可以貌相哦

3)      是日例湯帝王蟹湯」鮮濃芳香、窩心暖胃。

4)      鐵板菜式由「Scallop with Marinier Sauce」打響頭炮,型男師傅分開咁燒煮帶子及以牛油,最後一刻刨上檸檬粉後即搞掂。帶子煎煮時間掌握得恰到好處,外香脆內軟嫩,未入口已聞到檸檬粉傳出嘅清新香氣,牛油秘汁帶子更為鮮香甜美。

5)     兩款午餐中最多功夫就係「Christmas Special Course」嘅龍蝦主菜Homard Brue Steamed」,大家可目擊鹽山嘅建造及龍蝦如何於鐵板上蒸煮、去殼、加燒、調味,真係大開眼界

6)      兩份套餐其實都包咗一道和牛Wagyu Beef Steak with Onion」,所選之部位因應套餐價格而有所不同,厚身嘅為牛柳,雲石紋理交多嘅則為西冷。得知席上全為家人,師傅就主動提出每人每款分半件,一同試齊兩款靚牛。肉質紅潤軟腍嘅和牛半溶於口腔,油脂及肉汁同樣豐腴。

7)      單尾為米形意粉「Risoni」,只用芝士調味都好溜吓,所以每人一小碗份量已經好夠。

8)      甜品環節進行前全體都要先移玉步前往後廳嘅豪華梳化區。點好餐飲後,妹妹隨即推出聖誕版甜品車,並續一切出鬆軟香潤、微甜不滯嘅「Christmas Strawberry Cake」。

9)      喺日本飲特濃咖啡真係可以保證堅夠濃。

10)  另伴嘅四色朱古力就好甜吓,邊飲咖啡的話絕對唔需要加糖。朱古力四種口味分別為紅色嘅士多啤梨味、白色嘅榛子味、綠色嘅開心果味、啡色嘅威士忌味,對果仁敏感嘅朋友要小心唔好食錯。

東京名牌鐵板專門店「銀座うかい亭」環境格調高雅,正門當真猶如博物館般有氣派。店內抽氣充足,服務生有禮且十分體貼,廚師門亦親切友善。聖誕套餐「Christmas Special Course」及「Christmas Lunch Course」用材高質,帶有法國風味之鐵板料理新鮮美味,「本当にうまいです」
推介菜式: Foie Gras Sauteed, Scallop with Marinier Sauce
每人消費: 約28688日圓 (午餐)
評分: 味道4   服務5   環境5   衛生5   抵食3
西銀座
西銀座
Sanrioworld GINZA
Sanrioworld GINZA
Sanrioworld GINZA
Sanrioworld GINZA
Sanrioworld GINZA
Sanrioworld GINZA
XO仔產品只搵到三款
XO仔產品只搵到三款
勁多蛋黃哥
勁多蛋黃哥
勁多蛋黃哥
勁多蛋黃哥
旅客買夠五千円可以憑護照即場退稅,仲有得玩抽獎
旅客買夠五千円可以憑護照即場退稅,仲有得玩抽獎
據網上搜索到嘅資訊所講,共兩層高嘅Sanrioworld GINZA」乃Sanrio於全世界最大之旗艦店。其實XO仔一早都估到唔會見到太多XO仔嘅產品,不過真係冇諗到店內只係搵到三款咁少囉!最意外就係除咗Hello Kitty之外,居然勁多蛋黃哥,明顯蛋蛋嘅人氣遠超XO仔多多聲。喺度買手信俾Kitty粉或蛋蛋迷真係話都冇咁易,旅客買夠五千円可以憑護照即場退稅,仲有得玩抽獎添
參觀時段: 下午
評分: 值得去5  
一般咖啡屋 哭臉2020-12-31
Noa Café
Noa Café
前往地牢餐廳必需行落十幾級樓梯
前往地牢餐廳必需行落十幾級樓梯
聖誕樹
聖誕樹
Hot Cocoa(620円)
Hot Cocoa(620円)
Panini Set(1,100 円)
Panini Set(1,100 円)
Panini Set(1,100 円)
Panini Set(1,100 円)
Mont Blanc Waffle Set(1,420円)
Mont Blanc Waffle Set(1,420円)
Dark Syrup & Sesame Gelato Waffle Set(1,420円)
Dark Syrup & Sesame Gelato Waffle Set(1,420円)

於銀座區購物真係可以停唔到手架,不過點買長輩們中途都要歇一歇。原本計劃咗去上榜熱店「Tricolore」飲下午茶,無奈店子早已滿座,八人唯有改去附近仲有大把位嘅「Noa Café」。

前往地牢餐廳必需行落十幾級樓梯。適逢聖誕佳節,接待處擺出聖誕樹,好有氣氛。服務生態度唔算差,只係比起平時遇見嘅差咗份熱誠同衝勁。黐立立嘅雲石餐桌上有自助餐具及餐紙,埋位姨丈即要狂抹,明顯衛生水平唔係咁高。厚本餐牌共有十五頁之多,名就日英對照,但詳細說明就只有日文版,另附彩圖參考。小食及甜品系列大多可以散點或跟指定飲品叫套餐。

1)      Hot Cocoa(620円):細佬杯熱朱古力飲落淡而無味,而且稀如奶水,奶味多過朱古力味,完全唔掂

2)      姨媽姨丈們分咗個Panini Set(1,100 円)同Mont Blanc Waffle Set(1,420円),食後感想係:「Panini好似烘過嘅三文治咁,嗰餡唔乾,味道一般。粟子Waffle個樣靚過客Panini,個味唔會太甜,正正常常。」

3)      Dark Syrup & Soybean Flower & Sesame Gelato Waffle Set(1,420円):節令限定嘅「黑蜜糖芝麻雪糕窩夫」賣相甚為震撼,兩件厚厚嘅窩夫中間夾咗球芝麻雪糕忌廉,頂面再淋上黑蜜糖漿及黑蜜糖粉,顏值夠高。配料芝麻雪糕清涼微甜,忌廉亦幼滑軟潤,當中嘅黑蜜糖微甜討好,只可惜窩夫厚而偏實,毫不香脆,唔得鬆化,直令甜品美味程度大打折扣。

隱藏於銀座購物區嘅地牢咖啡屋「Noa Café」環境、服務、衛生、食物質素等,各方面嘅水平均只屬一般,請恕細佬未能推介。
每人消費: 約1200日圓 (下午茶)
評分: 味道2   服務3   環境2   衛生2   抵食2
銀座久兵衛 京王プラザホテル店(Ginza Kyubey, Keio Plaza Hotel)
銀座久兵衛 京王プラザホテル店(Ginza Kyubey, Keio Plaza Hotel)
「桜」房由主廚小高師傅主持
「桜」房由主廚小高師傅主持
餐牌
餐牌
小高師傅介紹及握製壽司
小高師傅介紹及握製壽司
竹籤蝦壽司
竹籤蝦壽司
溶溶爛爛嘅「火灸吞拿魚壽司」
溶溶爛爛嘅「火灸吞拿魚壽司」
久兵衛御夕食(17,820円/位)
久兵衛御夕食(17,820円/位)
久兵衛御夕食(17,820円/位)
久兵衛御夕食(17,820円/位)

聖誕節最旺場嘅食肆主要都係西餐廳,日本亦不例外,結果正日晚市只有酒店壽司店「銀座久兵衛 京王プラザホテル店」(Ginza Kyubey, Keio Plaza Hotel)有位。多人派對之訂座必先預定埋清一色嘅晚市套餐,團長就從六款中選出唯一取自店名嘅「久兵衛御夕食」(Kyubey Assorted Sushi;17,820円/位),共包有十六件壽司及卷物。

一家八口被安排入座「桜」房中進行,要先除鞋及脫去外套才可入座。座位均圍繞著主廚小高師傅嘅大舞台,不過由於全冇椅背或椅柄,長輩們進出時都甚有難度。每位席上有一個托盤擺放齊備嘅自用餐具及醬油。食物早已訂好,飲品就各自叫。四頁飲品牌日英對照,簡單易明。小肥自己叫咗枝細瓶裝日本清酒「八海山純米吟釀」(3,330円/300ml)。

面相嚴肅嘅小高師傅其實十分友善,眼見跟長輩們介紹魚生時發生言語障礙,佢就自動玩看圖識魚。晚餐嘅十六件壽司雖則續件上,但大部份嘅魚生早已切好於砧板上,等待大師傅續一握製;當時感覺其實有少少不對勁,因為印象中傳統做法好似續款靚魚由師傅即場處理喎,何況高級酒店餐廳唔係應該更講究咩?!

1)      師傅忙於準備壽司前,先安排一小碗海帶為食客潔淨一吓味蕾。

2)      打頭陣嘅為鮮紅亮澤、厚潤帶爽嘅「醬油中卜口壽司」。

3)      意外地,「肝醬剝皮魚壽司」味道較清淡,唔似平時食開嘅咁香濃,而且魚肉偏韌,個人有少少失望。

4)      面上灑咗鹽嘅「魷魚壽司」比剝皮魚壽司更硬同韌,食落只有強勁嘅咸味,直令XO仔食到咪起雙眼,面部表情確真與被傷口上灑鹽無異。

5)      輕輕燒過嘅「海帶鯖魚壽司」鮮香帶甜,比喺香港食開嘅柔和易入口得多。

6)      或許細佬嘅辨魚能力唔係咁強,食完鮮紅厚潤嘅「まぐろ壽司」後即同旁邊嘅姨丈細聲問及點解咁快會重複嘅,結果聽返錄音方才發現第一件落肚嘅原來係中拖羅

7)      初嚐嘅「鰆魚Sawara壽司」質感猶如鰤魚般爽厚肥潤,掂!

8)      成晚最多功夫必數即場處理生猛狂跳嘅竹籤蝦!活潑嘅蝦隻於冰鎮冷靜過後就以竹籤串起,隔咗一陣先由大師傅親自去殼、挑腸、並握成壽司。「竹籤蝦壽司」超級爽彈清甜,屬整餐之最

9)      已塗上醬油嘅「海膽壽司」鮮濃嫩滑,不過可能係自己俾香港相熟嘅師傅們竉慣,硬係覺得份量唔夠澎湃咁

10)  色澤粉嫩嘅「大卜口壽司」紋理鮮明,半溶於舌上,鮮味迅即洋溢口腔!

11)  微微燒過嘅「赤鯥壽司」厚潤肥美,鮮甜可口。

12)  竹籤蝦蝦身就做咗「竹籤蝦壽司」,其頭尾就交由廚房炸煮。雖則師傅話蝦頭及蝦尾可連殼吞落肚,無奈食落勁多渣,唔係咁吞得囉

13)  「赤貝壽司」不單外表橙亮有光澤,咬落更加係爽潤有彈性,滋味無窮!

14)  第一次接觸嘅銀皮「慈魚壽司」魚肉白裡透紅,唔知係魚味偏淡,定係師傅調味時重手咗少少,細佬只係食到成口薑嘅辣味。。。

15)  只屬和暖嘅「麵豉湯」味道偏咸,甚為失色。

16)  「蜆壽司」味道香甜就夠香甜,不過有點好奇怪,蜆隻一半爽嫩,另一半則嚡韌有渣,質素好似唔係咁得

17)  幾件吞拿魚壽司中唯有此味溶溶爛爛嘅「火灸吞拿魚壽司」賣相最唔得,亦相信讀者們單憑照片都唔會估到係酒店餐廳嘅出品,仲要係名牌酒店「Keio Plaza Hotel」!XO仔見狀頓即覺得師傅除咗有敷衍遊客之嫌,對自己更加係毫無要求,令人失望透。

18)  壽司餐可以話越食越差,即使小肥一向怕骨唔食鱔,兩件「穴子壽司」都係轉讓俾旁邊嘅姨丈,但都講得出穴子切得同燒得都幾有問題吓。

19)  姨丈講得都幾有道理,食完幾件味重嘅壽司後先上件未有調味嘅「中卜口壽司」,即使係靚魚都已經食唔得出其鮮與甜,可算係設計及舖排嘅失誤。

20)  四色卷物外型唔係太靚,但幸好味道正正常常,十分爽脆。

21)  食得出「蛋蛋」方磚啱啱喺雪櫃拎出黎,溫度凍而且硬身,吃畢直教人繼續搖頭。

22)  反而壓軸嘅「紫蘇蘿蔔卷」巧薄清新,芳香爽甜,更可一解膩感,清新消滯。

貴為酒店壽司屋嘅「銀座久兵衛 京王プラザホテル店」環境優雅衛生,壽司吧位不能稱得上舒適,這卻只是其中一個敗點。服務生並非無禮,但酒店級高傲之態度實在令人吃不消,場內只有師傅們最為平易近人。聖誕佳節之壽司晚餐「久兵衛御夕食」竟然質量參差,部份賣相更加係難以說服源自酒店餐廳手筆,講真連鎖店都唔會見到咁驚嚇,這種不偽裝的敷衍平均每人要兩萬円也太過份了吧
每人消費: 約19800日圓 (晚餐)
評分: 味道3   服務2   環境3   衛生5   抵食1
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2020-12-10

2018年聖誕東京之平安夜

1224日(

多次入住「東京凱悅酒店」(Hyatt Regency Tokyo)都會喺會所層食早餐,今次由於住客過多,會所層早就爆滿,八人就決定一嚐酒店餐廳「日本料理 佳香」嘅日式自助早餐,感覺都唔錯。團友雖然全部都係一家人,但口味始終不一,午餐就分成兩組,怕骨組約咗哥哥個靚女朋友一齊去「日本橋 紫苑」食翅翅,其餘嘅就跟大姨媽去「瓢六亭」食鰻魚餐。當日嘅濕平活動高潮必數精品天堂「東京駅一番街」(Tokyo Character Street),買咗兩個鐘都嫌唔夠喉咁!平安夜晚餐好非一般地於人氣榜熱店「東京肉しゃぶ家」渡過,可謂肚滿腸肥的一天
餐牌
餐牌
日本料理 佳香
日本料理 佳香
禪式石池及靚花擺設
禪式石池及靚花擺設
自助餐飲
自助餐飲
自助餐飲
自助餐飲
燒魚及熱粥
燒魚及熱粥
熱粥
熱粥
和式自助早餐
和式自助早餐

東京凱悅酒店」房費所包嘅早餐券適用於酒店三樓之「日本料理 佳香」,早上七至十時可享用和式自助早餐(原價3,100円/大人;連稅3,683円/大人)。

日本餐廳以木為主嘅間隔感覺十分溫和舒適,室內外可見簡樸嘅屏風、禪式石池及靚花擺設,雅致得很。聖誕期間,店內坐滿食客,為怕影響他人,細佬不便於用餐區內隨便拍照。團友們未能一齊坐,不過都被安排入座鄰近嘅二至四人散座。

和式早餐每人包咗一客燒魚、麵豉湯及飯或

1)      燒魚皮層香脆,不過就勁多骨,對XO仔黎講實在係太高難度啦

2)      麵豉湯清香暖胃。

3)      粥品上枱前都係用火煲住嘅。大大碗白粥熱辣辣,而且軟綿綿。

自助餐飲區內有不少送粥嘅濃味配料,包括漬物、關東煮,當中個人鍾情食獅子狗卷。健康之選有生果、果汁、乳酪、清水。其餘有香腸、煙肉、雜菜、炒蛋、沙律等。熱食中最有驚喜就係芳香無比、爽潤巧脆嘅天婦羅舞茸菇,送一流!

日本料理 佳香」優雅潔淨,服務生客套友善,和式自助餐豐富味佳。
推介菜式: 天婦羅舞茸菇,白粥,乳酪
每人消費: 約3683日圓 (早餐)
評分: 味道4   服務5   環境5   衛生5   抵食3
日本橋 紫苑
日本橋 紫苑
通往用餐大堂之走廊
通往用餐大堂之走廊
餐牌
餐牌
餐牌:節令水魚料理
餐牌:節令水魚料理
Moët & Chandon Rose Imperial Half Bottle (9,180円)
Moët & Chandon Rose Imperial Half Bottle (9,180円)
北京水餃(648円)
北京水餃(648円)
紅燒排翅毛鹿鮫(21,600円/位)
紅燒排翅毛鹿鮫(21,600円/位)
杏仁豆腐(756円/位)
杏仁豆腐(756円/位)

講真遊日本絕少會揀中餐食,因為個心總覺得日本版嘅中華料理唔可以同香港食到嘅媲美。機緣巧合下,於家庭聚會中跟叔公嬸婆坐埋一枱,大談食經時得知兩位長輩每次去東京玩都必定要訂位去「日本橋 紫苑」食翅翅,肥肥家族聽到流哂口水,所以就決定去見識吓

餐店位於日本橋三越本店新館十樓。正月將近,接待處旁展出多款迎春精美禮盒。店子設有兩間私人廂房,分別可容納八人及十二人。樓底雖然唔算高,不過勝在有地毯吸音,厚墊椅櫈亦十分舒適,個人只係略嫌冬天嘅暖氣過強,越食越熱。四人被安排入座用餐大堂靜靜嘅一角,半邊為梳化。舖有白色枱布嘅餐桌上簡單擺有自用餐巾及筷子,埋位續一派上熱毛巾,衛生潔淨。

適逢平安夜,午餐就點咗樽細粉紅色香檳碰碰杯。有一點好奇怪,就係香檳開咗後就一直放喺枱上,未有放入冰桶保凍,喺二十多度高溫下迅即變暖;此外,成餐飯都冇服務生為三人斟添酒品,結果要自己黎,感覺好似唔係太專業囉!唔想咁早飲酒嘅哥哥就叫咗壺台灣清香凍頂鳥龍茶(540円/位)。

厚本餐牌中、英、日對照,推介菜式更附有彩圖。最意外就係遇上水魚節,有成頁咁多嘅水魚菜式,小肥喺香港都未見過。出門前得到叔公同嬸婆教路,午餐每人只需點一份「紅燒排翅毛鹿鮫」(21,600円/位)已經夠哂飽。以鐵鍋滾住上枱嘅「紅燒排翅毛鹿鮫」比細佬個頭還要大,賣相震撼到連附近嘅食客都忍唔住要八吓四口子食緊乜,認真唔講得笑!大大梳靚翅不僅熱力十足,而且每份都係咁厚身,實屬勁量級!翅翅質感半腍半爽,芬芳潤滑,紅燒湯底鮮濃甜美,極品也!請留意,貴客可另加2,160円由上湯底轉為蟹湯底,不過哥哥同媽咪都話原味更出色。

高級中菜廳「日本橋 紫苑」環境優雅潔亮,紅燒排翅高質量足,唯一服務生態度欠缺熱誠,不甚體貼,以每人平均消費二萬五千円黎講,抵食一環變相被大打折扣。
推介菜式: 紅燒排翅毛鹿鮫
每人消費: 約25299日圓 (午餐)
評分: 味道4   服務2   環境4   衛生5   抵食3
JR東京站
JR東京站
東京駅一番街
東京駅一番街
搞笑鬼太郎小食禮盒
搞笑鬼太郎小食禮盒
鬆弛熊精品店
鬆弛熊精品店
鬆弛熊精品店:戰利品
鬆弛熊精品店:戰利品
鬆弛熊精品店:抵玩扭蛋
鬆弛熊精品店:抵玩扭蛋
P助限定商品
P助限定商品
P助精品
P助精品

靚靚媽咪同姨媽們愛購物,不過除咗衫褲鞋襪之外,最令大家瘋狂嘅都要數卡通精品,嘻嘻,依方面XO仔絕對遺傳到佢地啲基因呀!家人畢竟不同年代出生,陪著長大嘅卡通人物亦好唔一樣,上網找尋購物熱點時竟然俾細佬發現東京車站內原來有條「東京駅一番街」(Tokyo Character Street),有齊大家心儀嘅蠟筆小新鬆弛熊Hello Kitty比卡超龍貓P等角色嘅精品店,就連外國代表史努比自己都有個Snoopy Town!食嘅、擺嘅、玩嘅乜都有,款式琳瑯滿目,特價貨品同扭蛋抵過香港多多聲,絕對稱得上為精品天堂!買夠五千円仲可以憑護照退稅,不過大家要記緊於購物前先去服務櫃檯登記及索取「免稅收理單」哦!

推介項目: 購物
參觀時段: 下午
評分: 值得去5  
歡樂時光 笑臉2020-12-10
酒酒
酒酒
小食拼盤
小食拼盤
小食拼盤
小食拼盤
Suntory日本天然水
Suntory日本天然水
闊別兩年,「東京凱悅酒店」(Hyatt Regency Tokyo會所層酒廊嘅間隔冇乜大轉變,都係咁光鮮潔淨,闊落舒適。反而服務生人數多咗,所提供嘅餐飲亦明顯有所加強。歡樂時光每位客人都有一份小食拼盤送酒,酒品選擇多咗日本清酒、粉紅汽酒等,數量估計係從前嘅兩倍,睇黎酒店生意增長不少。
評分: 味道4   服務4   環境5   衛生5   抵食4
東京肉しゃぶ家(Tokyo Niku Shabuya)
東京肉しゃぶ家(Tokyo Niku Shabuya)
環境及店主兼主廚高忠伸先生
環境及店主兼主廚高忠伸先生
十四代日本清酒(1,250円/盒)
十四代日本清酒(1,250円/盒)
廚師發辦聖誕大餐(22,000円/位)
廚師發辦聖誕大餐(22,000円/位)
廚師發辦聖誕大餐(22,000円/位):涮涮鍋
廚師發辦聖誕大餐(22,000円/位):涮涮鍋
廚師發辦聖誕大餐(22,000円/位):涮涮肉
廚師發辦聖誕大餐(22,000円/位):涮涮肉
廚師發辦聖誕大餐(22,000円/位):香箱蟹及香箱蟹飯
廚師發辦聖誕大餐(22,000円/位):香箱蟹及香箱蟹飯
廚師發辦聖誕大餐(22,000円/位)
廚師發辦聖誕大餐(22,000円/位)

第一次喺東京過聖誕節,平安夜就一反傳統地棄選西餐,於日本名飲食網「食べログ」(Tabelog)度揀咗間超高評價3.95分(最高4分)嘅「東京肉しゃぶ家」(Tokyo Niku Shabuya)食日式涮涮鍋,一於烚吓烚吓咁過

餐店木造嘅門面有射燈照明,於街道上十分起眼,只係外國人未必識睇其日文嘅招牌。小店一眼睇哂,只有十二個圍繞住師傅大舞台嘅吧位,光亮簡潔,晚市要分兩輪都合情合理。裝潢中最可愛就係牆上一幅著住和服嘅狗仔畫像。細問下,得知講得一口流利國語嘅店主兼主廚高忠伸先生為韓日混血兒,2016年創立嘅店舖為與太太之愛情結精,通往廚房通道之紅白門簾正正印上二人嘅芳名,濃情厚愛盡在不言中

飲品選擇中,日本清酒九成九都只可以續杯叫,姨媽們見係聖誕節就決定豪啲飲十四代(1,250円/盒),可惜酒品唔知開咗幾多日,飲落當中應有之酒味已經揮發咗大半。聖誕期間,餐廳只提供一款廚師發辦聖誕大餐,每位22,000円,另加8%稅,訂座時必先預繳五成訂金:

1)      為平安夜晚餐作序嘅兩片薄切牛脷色澤粉嫩,輕輕燒過足以令其質感鬆爽軟潤,用金碟承載更顯佳節盛宴貴氣十足。

2)      同樣以金盤呈上嘅兩件北海道 ニシン(Nishin)魚籽刺身顏色同口感都一樣咁清新,不用點上調味已夠鮮爽。

3)      另配嘅牛尾湯好暖胃,不過就有少少嚡同粉,唔係咁啱小弟口味

4)      和牛海膽卷橙紅嘅配搭十分鮮艷,一口食落去,黏上甜豉油和牛薄片海膽刺身同時化於舌上,兩款海陸主材嘅芳香及鮮甜慢慢滲進味蕾,美妙極

5)      或許係個人對牛尾嘅偏見,XO仔覺得清燉牛尾雖然好夠腍,不過其肉質及湯底均偏油膩同唔係咁夠味,反而頂面點綴嘅蔥絲勁清爽惹味。

6)      不知不覺已經食到第六道菜,唔講真係未必睇得出熱食嘅三款主材咁猛料,包括魚翅鮑魚海膽,咪即翅鮑膽?!舖面嘅一梳梳魚翅爽脆非常,撥開先見到魚翅塔原來以厚潤彈牙嘅鮮鮑及嫩滑嘅海膽墊底,組合口感豐富,鮮美可口。

7)      正當細佬以為翅鮑膽屬重頭戲,點知跟住上場嘅香箱蟹再另起高潮,因為席上嘅長輩全為蟹痴。嘻嘻,拆蟹重任當然係師傅預先做啦!已去殼嘅香箱蟹肉橙白艷麗、幼嫩柔軟、鮮甜無比,底層嘅碎柳混入橙美嘅蟹膏蟹籽即增強厚潤濕脆,正蟹確真無懈可擊

8)      既然店名「東京肉しゃぶ家」用上「肉しゃぶ」(Niku Shabu)而起,理應為其專長,海陸大餐亦不可缺少涮涮肉靚肉上枱前先要擺好嗰陣,滾熱辣嘅火鍋每二人一組,調味芝麻醬酸汁蔥碎蘿蔔蓉薑蓉則每人一份,設備及配料都係咁齊全,絕對講究,且衛生非常。三款肉品為不同部份之和牛,單憑其獨特嘅紅白紋理已睇得出油脂分佈及比率有所不同。下圖中最多雪花嘅和牛薄片每人一大塊,半溶於口,係一種充滿犯罪感嘅美味!件數最多嘅牛脷因切得夠薄,於滾湯中拖兩拖已夠熟,入口軟腍帶微微韌度,同頭盤輕輕燒過嗰兩片牛脷完全唔同。最後兩件和牛看似厚身,但烚完縮埋水後就剛剛好,咬落肉質超級柔順軟滑,每個部位都各有特色。除咗和牛之外,涮涮鍋環節每人仲有一杯仔正菜雜菌,每款均芳香輕盈。

9)      肉食中壓軸上陣嘅和牛壽喜燒拌蛋黃泡泡外表鮮黃亮麗,夠哂搶眼!經過蛋黃泡泡洗禮嘅和牛壽喜燒尤其芬芳香滑,咀嚼時壽喜燒甜味慢慢散發進口腔,真係甜到笑架

10)  單尾嘅一碗清湯麵品十分暖胃。

11)  其實食完碗麵大家都已經攬住個肚肚話飽,誰不知結尾仲有個香箱蟹飯,師傅攞個蟹煲show quali嗰一刻也太震撼同吸引了,順便提及到飯品混入咗醋醋可有助消滯,XO仔心諗幾大就幾大啦,放緊假一於去盡佢,飽極都要騰出空間食多碗香箱蟹飯飯底粒粒飽滿肥潤,以香箱蟹肉蟹膏蟹籽撈製,集齊爽脆鮮嫩清甜於一身,正到暈呀

小店「東京肉しゃぶ家」簡潔企理,由友善好客嘅店主兼主廚掌舵,氣氛輕鬆溫馨,平安夜之廚師發辦和式海陸大餐精美豐盛,用材上盛,海鮮和牛菜式均質高味佳,能於短短開業兩年間成為網紅熱店,絕對係實至名歸!
推介菜式: 香箱蟹飯,和牛壽喜燒拌蛋黃泡泡,和牛海膽卷,薄切牛脷,香箱蟹
每人消費: 約26800日圓 (晚餐)
評分: 味道4   服務5   環境4   衛生5   抵食3
  0 個留言    |  加入你的留言
Handsome XO
117篇遊記
2018年聖誕遊東京 (日本)
(旅程日期: 2018-12-23 至 2018-12-28 ,  旅程性質: 飲食購物)
 整個旅程  (共6篇遊記)
 分享至Facebook 
發表日期: 2020-09-29

2018年聖誕東京

近年每逢姨媽們返港,都會順道停多個國家,方便肥肥家族會合並一同玩個短途旅遊,2018年尾三家人就喺東京過咗個令肚仔都一齊咁難忘嘅聖誕節

 

1223日(

旺季嘅機票非常緊張,幸好六天遊都搵到位乘搭「全日空航空公司」去東京羽田機場。NH 860航班下午兩點半由香港出發,中午到達機場辦理好手續後就先去咗星空聯盟轄下嘅「新加坡航空銀刃貴賓室」佗佻地午膳及候機。飛機準時起飛及到達,不過最唔好采就係等到行李出哂都唔見大肥爸爸嗰件,結果唯有向機場職員報案,希望航空公司可以代勞搵得返。

家人慣性地入住「東京凱悅酒店」(Hyatt Regency Tokyo),今次亦不例外。由於難以掌握各人嘅抵達時間,晚餐就約好咗喺酒店附近間樓上居酒屋「北の味紀行と地酒 北海道」(簡稱「北海道」)度邊食邊等,意外地食物嘅質量唔差且價錢唔貴,長輩都好滿意。適逢姨丈壽辰,小肥同哥哥當然係早就安排咗份驚喜啦,飯後返酒店即一齊上咗佢間房吹生日蛋糕
聖誕貴賓室 ok喇2020-09-29
銀刃貴賓室極富聖誕氣氛
銀刃貴賓室極富聖誕氣氛
飲品區及酒吧;限定聖誕雞尾酒
飲品區及酒吧;限定聖誕雞尾酒
自助食物區
自助食物區
自助食物區
自助食物區
即叫即煮「叻沙」及「雲吞湯麵」
即叫即煮「叻沙」及「雲吞湯麵」
燒賣、雞翼
燒賣、雞翼
自家製豆腐花
自家製豆腐花

全日空航空公司」於香港國際機場並無設置貴賓室,商務及頭等艙搭客可選擇享用其星空聯盟伙伴嘅三個貴賓室,亦即「泰國國際航空皇家風蘭貴賓室」(Thai Airways Royal Orchid Lounge)、「聯合航空貴賓室」(United Club)、「新加坡航空銀刃貴賓室」(Singapore Airlines SilverKris Lounge)。多得櫃檯位姐姐提點,肥肥家族最終決定採納佢意見,揀去最近嘅「銀刃貴賓室」,好等同行嘅長輩行少啲路

比起機場內其他地方,貴賓室嘅樓底偏矮,不過勝在面積夠大,可容納多位旅客,厚墊椅櫈都好舒適。最開心就係見到四周嘅聖誕樹、薑餅屋、雪人等佈置,洋溢著濃烈嘅聖誕色彩。室內可免費上網,亦有報紙及雜誌任睇,不過爛飲嘅XO仔第一站就梗係去酒吧啦!中午時份飲客不多,小肥可任影唔嬲。眼見聖誕節有限定品Christmas Sangria,所以就試咗杯同雪人對飲,可惜雞尾酒過甜且酒味唔香,組合幾上頭吓,不喝也吧

除咗接待處之外,場內嘅服務生不多,餐飲都係自助式為主。飲品區凍熱飲齊備,有水、咖啡、奶、茶包、果汁、汽水、啤酒等。自選食物嘅種類都好多,包括沙律、點心、中湯、西湯、飯、意粉等。個人主攻燒賣同雞翼,質素一般,但似乎屬最安全之選。熱食中嘅「叻沙」及「雲吞湯麵」均即叫即煮,製作需時約五至十分鐘,另有配料供食客自己後加。細佬因敏感問題唔敢食叻沙,不過都有記錄到姨丈嘅食後感想:「蝦就冇乜味,啲麵就腍咗啲,豆卜爽口,湯底唔會話好辣,椰香味好濃,整體算唔錯。甜品除咗有大路嘅雪糕同生果之外,仲有白果腐竹雞蛋糖水,個人因嫌棄糖水賣相唔係好得,望落去好似好稀咁,所以冇擔試。最搶手嘅就係自家製豆腐花」,可惜XO仔見到時已經冇哂,希望下次有機會品嚐。

香港國際機場內嘅「銀刃貴賓室」位置離出境檢查大堂非常近,尤其方便。貴賓室面積廣,座位多,感覺衛生,且極富聖誕氣氛。自助餐飲有多款選擇,酒品一環較弱,食物質素冇乜驚喜,屬一般貨色。
評分: 味道3   服務3   環境4   衛生4   抵食3
文化交匯點 ok喇2020-09-29
聖誕老人
聖誕老人
聖誕女郎戴歌戴舞
聖誕女郎戴歌戴舞
香港飲食文化篇之大排檔
香港飲食文化篇之大排檔
Hong Kong Food Culture - Dai Pai Dong
Hong Kong Food Culture - Dai Pai Dong
香港國際機場寬廣開揚,冷氣足,商店及餐廳光鮮企理,洗手間都十分衛生。場內最特別就係有個假大排檔,介紹香港飲食文化;撞啱聖誕節外遊巧遇聖誕老人及一群聖誕女郎戴歌戴舞,正好黎個中西交
參觀時段: 下午
評分: 值得去3  
全日空NH 860:「夢幻客機」B787型號班機之商務機艙
全日空NH 860:「夢幻客機」B787型號班機之商務機艙
NH 860:餐前香檳配日式米餅小食
NH 860:餐前香檳配日式米餅小食
NH 860:餐牌
NH 860:餐牌
NH 860日餐:便當內含冷盤小菜及小缽紫蘇豆腐
NH 860日餐:便當內含冷盤小菜及小缽紫蘇豆腐
NH 860日餐:便當內含冷盤小菜及小缽紫蘇豆腐
NH 860日餐:便當內含冷盤小菜及小缽紫蘇豆腐
NH 860日餐:紅燒豬肉及白飯
NH 860日餐:紅燒豬肉及白飯
NH 860日餐:雪糕
NH 860日餐:雪糕
NH 860日餐:熱咖啡
NH 860日餐:熱咖啡

全日空NH 860選用「夢幻客機」B787型號班機,商務機艙嘅藍白設計光鮮衛生,獨立式座位超級闊落,除咗可拉出一張伸縮餐桌之外,椅櫈其中一邊仲有張茶几,空間夠又好用。而且椅背腳踏延伸控制、影音系統、連窗簾開關均全電動化,高科技容易操作,質素又高,姨媽最欣賞就係全程機覺得尤其安靜及平穩,舒適得很

機艙服務員態度和藹,有求必應。細問下得原來全日空嘅厚本餐牌係每季出一次,每次會印出幾個月不同班次嘅餐飲詳情,但由於內容隨時會變,故以網上公佈嘅最為準確,點菜時亦會由服務生直接與乘客講解,專業貼身嘅同時感覺十分環保。飛機起航冇耐先有餐前香檳日式米餅小食送好戲,接著嘅輕膳XO仔就揀咗「日餐」。和式料理以便當呈上四款冷盤小菜及小缽,當中以紫蘇豆腐最輕盈可口;主菜紅燒豬肉爽厚潤滑,帶甜嘅調味相當討好,甜品有名牌雪糕,飛機餐黎講都算係偏好食嘅。
評分: 味道4   服務5   環境5   衛生5   抵食4
東京凱悅酒店
東京凱悅酒店
東京凱悅酒店:大堂
東京凱悅酒店:大堂
東京凱悅酒店:大堂聖誕花
東京凱悅酒店:大堂聖誕花
東京凱悅酒店:雙人房「2 Twin Beds with Club Access」
東京凱悅酒店:雙人房「2 Twin Beds with Club Access」
東京凱悅酒店:雙人房「2 Twin Beds with Club Access」
東京凱悅酒店:雙人房「2 Twin Beds with Club Access」
Regency Club Lounge詳情
Regency Club Lounge詳情
巴士站
巴士站
免費穿梭巴士來往新宿車站
免費穿梭巴士來往新宿車站

家人遊東京總入住東京凱悅酒店」(Hyatt Regency Tokyo,因對其寬敞企理嘅房間及設備有信心嘅保證,加上會所層嘅Regency Club Lounge冇咁擠迫,除咗早餐之外,全日都有輕膳提供,歡樂時光更不乏酒品,早已深得長輩歡心。酒店於限定時間有免費穿梭巴士來往新宿車站,區內嘅購物中心已夠姨媽們買個夠,要前往其他區域嘅交通亦方便得很。

雙人房2 Twin Beds with Club Access寬敞衛生,空調充裕,大牀舒服,浴室亦光猛潔淨,日用品及茶等應有盡有,配套十分齊全。大家要留意,六十二歲或以上之貴客均可享長者折扣優惠

個人最欣賞就係酒店嘅服務,喺門口搭的士,哥哥仔落力又好禮貌。此外,為怕訂座時會發生言語溝通問題,入住前小肥先以電郵跟酒店職員聯系,找其代打電話,嘻嘻,唔洗獻醜講啲唔咸唔淡嘅日文,又可以慳返啲長途電話費,可謂一舉兩得
評分: 設備4   服務4   環境5   衛生5   抵住3
高層居酒屋 笑臉2020-09-29
北の味紀行と地酒 北海道 新宿アイランドタワー店
北の味紀行と地酒 北海道 新宿アイランドタワー店
電子點餐系統
電子點餐系統
餐牌
餐牌
北の黃金雞、朝日啤酒、蟹チャーハン、黃金雞雞肝
北の黃金雞、朝日啤酒、蟹チャーハン、黃金雞雞肝
海の惠み彩りサラダ、栃尾揚げ 山わさび添え、枝豆
海の惠み彩りサラダ、栃尾揚げ 山わさび添え、枝豆
海鮮塩焼きそば、串燒き盛り合わせ7点、夢の大地の餃子
海鮮塩焼きそば、串燒き盛り合わせ7点、夢の大地の餃子
冷やしトマト、蟹味噌グラタン、茶碗蒸し、ずわい蟹天麩羅
冷やしトマト、蟹味噌グラタン、茶碗蒸し、ずわい蟹天麩羅
塩ラーメン、醤油ラーメン、味噌ラーメン
塩ラーメン、醤油ラーメン、味噌ラーメン

北の味紀行と地酒 北海道」(簡稱「北海道」)位於飲食購物中心「Shinjuku i-LAND Tower 」44樓高層,六點後有專𨋢直達,十分方便

步出升降機門,已聽到店內客人飲到興高采烈嘅聲浪,歡樂氣氛洋溢。可能見同行嘅全為六、七旬長者,八人派對就被安排入座私人廂房,空間感足。

居酒屋文化,第一時間就係叫生啤飲(朝日啤酒:930円/大杯;590円/中杯)!餐桌整潔企理,埋位每人先有一條熱毛巾,餐具全為自助式。最型就係個電子點餐系統,有彩圖參考之餘,仲有中、英、日、韓,四種語言可選。居酒屋絕對冇玩年齡歧視,同時亦有提供紙版酒牌及餐牌。

1)      北の黃金雞(690円):炸至金黃嘅雞件皮層乾巧香脆,雞肉幼嫩,屬送酒佳品

2)      海の惠み彩りサラダ(1,390円):色彩鮮艷嘅海鮮沙律其實係什錦刺身沙律,另配山葵豉油。沙律嘅什菜鮮爽,幾款刺身則不過不失。

3)      ずわい蟹天麩羅(1,390円):松葉蟹天婦羅層炸皮輕巧鬆脆,反而個松葉蟹食落唔係咁幼嫩,偏咗少少嚡口,席上嘅蟹王蟹后都有少少失望,所以試咗一客就冇再追加。

4)      北の黃金雞 塩レバー(530円):此道黃金雞雞肝喺厚本餐牌上並冇列出,只係XO仔撳撳吓個電子餐牌無意間發現。簡單以芽菜點綴嘅黃金雞肝清香肥潤,完全唔乾唔嚡,連埋啲配料食落即增添爽脆,絕對係極品

5)      枝豆(490円):枝豆正正常常,冇乜驚喜。

6)      冷やしトマト(530円):蕃茄迷爸爸大讚冰鎮蕃茄爽甜多汁。

7)      栃尾揚げ 山わさび添え(590円):新潟名菜栃尾油炸豆腐以山葵醬作餡,食落有啲似咸味嘅雪芳蛋糕咁,個人略嫌炸豆腐偏乾同嚡,唔得鬆爽。

8)      夢の大地の餃子(690円):平心而論,餃子嘅質量其實同大家喺超市買到嘅版本差唔多,皮夠薄,不過個底就硬咗少少,唔夠脆卜卜。

9)      海鮮塩焼きそば(790円):炒麵嘅油麵底韌彈牙唔油膩,不過海鮮配料就好似少咗啲,如果可以加啲椰菜或紹菜,相信效果會更爽脆。

10)  蟹味噌グラタン(880円):意日混血嘅味噌焗蟹砵熱力十足,味道香濃,但真係唔食得多,因為都幾溜

11)  串燒き盛り合わせ7(1,490円):八人點咗兩客七式串燒拼盤,上枱時先發現原來拼盤上嘅七款串燒並非鎖定,而係落單時任由廚房揀選。串燒中以雞皮最為香脆惹味,其餘嘅秋葵串清新爽潤,雞肉串好夠肉汁,雞翼都好香口。

12)  食咗多款小食,長輩們都要有啲飯麵落肚先滿足。拉麵只有細碗份量,湯底分別有鹽味(塩ラーメン)、醬油味(醤油ラーメン)、麵豉味(味噌ラーメン),三款口味均590円,結果當然係三款叫齊啦!

13)  蟹チャーハン(890円):相比起下,蟹肉炒飯比拉麵更有睇頭!金黃色嘅炒飯底粒粒飽滿香潤,撈入蔥碎蟹肉絲,口感即變幼嫩爽脆及鮮甜

14)  茶碗蒸し(490円):細細碗日式燉蛋輕盈軟滑,清新甜美,窩心暖胃。

連鎖日式居酒屋「北の味紀行と地酒 北海道」環境簡潔企理,氣氛好,服務生態度友善且效率高,送酒美食份量適中,質素不俗,最緊要係價格親民,不妨一試!
推介菜式: 北の黃金雞、冷やしトマト、北の黃金雞 塩レバー、蟹味噌グラタン、蟹チャーハン、茶碗蒸し、串燒き盛り合わせ7点
每人消費: 約3332日圓 (晚餐)
評分: 味道4   服務4   環境4   衛生4   抵食4
Christmas Strawberry Cake
Christmas Strawberry Cake
Christmas Strawberry Cake
Christmas Strawberry Cake
餐具
餐具
Christmas Strawberry Cake
Christmas Strawberry Cake

由於抵步當日就係姨丈生日,因難以估計航班會否延誤,XO仔又想搞吓氣氛喎,所以就預早經入住嘅「東京凱悅酒店」(Hyatt Regency Tokyo)於其餅店「Hyatt Regency Tokyo Pastry Shop」訂咗個蛋糕,並安排晚上十一點半送上長輩房間。

聖誕節期間,西餅店只有一款草莓蛋糕Christmas Strawberry Cake」可選,連稅每個單售2,970円,加朱古力牌要另收238円。酒店職員準時將蛋糕,連同蠟燭、八份餐具及開水推進房間,整潔衛生,而且十分周到聖誕草莓蛋糕造型簡單精美,每個角度都可以清楚睇到粒粒士多啤梨,層次分明得很。真材實料嘅草莓蛋糕入口香滑鬆軟,鮮甜輕巧,絕對係好睇又好食
推介菜式: Christmas Strawberry Cake
每人消費: 約3208日圓 (宵夜)
評分: 味道5   服務5   環境5   衛生5   抵食5
  1 個留言    |  加入你的留言
Handsome XO
117篇遊記
2019瑪麗皇后二號郵輪八天遊 (新加坡, 越南)
(旅程日期: 2019-03-05 至 2019-03-12 ,  旅程性質: 飲食購物, 消閒度假)
 整個旅程  (共8篇遊記)
 分享至Facebook 
發表日期: 2020-08-06

312日():2019瑪麗皇后二號郵輪河:第八天之新加坡

離開新加坡當日,哥哥盡量為各人安排乘坐下午航班,好等長輩們佗佻少少唔洗咁趕。早起嘅團友先組小隊去酒店鄰近嘅「亞坤」嘆咗個坡式Kaya多士做早餐。成功申請咗下午兩點辦理退房手續後,中午就有足夠時間去埋文華大酒店間「Chatterbox」,一嚐傳說中最正嘅海南雞飯,可惜結果失望地證實咗依個「傳說」乃虛構誇大嘅傳言之說,因為名酒店出品,質量比一般更一般

小肥與父母於傍晚時份所搭嘅新加坡航空SQ 2班機之商務獨立座位闊落舒適,航空公司嘅地勤人員及機艙服務員均誠懇友善,唯一貴賓室及機上嘅餐飲水平仍有好大嘅進步空間。
亞坤 Ya Kun Kaya Toast
亞坤 Ya Kun Kaya Toast
餐牌及咖椰醬
餐牌及咖椰醬
即沖咖啡;即烘多士
即沖咖啡;即烘多士
字母咖啡
字母咖啡
套餐包一杯即沖咖啡或茶及兩隻超級軟滑嘅半熟烚蛋
套餐包一杯即沖咖啡或茶及兩隻超級軟滑嘅半熟烚蛋
兩隻超級軟滑嘅半熟烚蛋
兩隻超級軟滑嘅半熟烚蛋
Kaya Toast with Butter Set(套餐價SGD 4.80;單點SGD 2.40)
Kaya Toast with Butter Set(套餐價SGD 4.80;單點SGD 2.40)
French Toast with Kaya Set(套餐價SGD 4.50;單點SGD 2.00)
French Toast with Kaya Set(套餐價SGD 4.50;單點SGD 2.00)

XO仔去新加坡前早已問定親友想要啲咩做手信,除咗咸蛋魚皮之外,最多人想要嘅就係「咖椰醬」(又稱「咖央醬」)。有陣時購物都好講緣份,適逢入住嘅酒店「Goodwood Park Hotel」附近嘅「遠東商業中心」內就有間出名食「咖椰多士」嘅「亞坤」連鎖店,有堂食兼有售「咖椰醬」,步行只需短短五分鐘,所以臨走嗰朝就約咗幾位早起一族去食早餐兼買禮。

上網查探過,得知「亞坤」於新加坡已擁有七十多年歷史,係名副其實嘅老字號。暗藏於商場一角嘅小店快餐式經營,店內光線充裕,人多要搭枱都好正常。收銀處身後為廚房,透明度極高。服務生效率高,食物及飲品均即點即做,出品包保新鮮熱辣辣,價錢亦相當合理

套餐包咗一杯即沖咖啡及兩隻超級軟滑嘅半熟烚蛋,係最受歡迎嘅堂食早餐組合。個人誠意推介鬆化香脆甜美嘅咖椰牛油多士Kaya Toast with Butter Set」(套餐價SGD 4.80;單點SGD 2.40)及軟腍香甜嘅咖椰西多士French Toast with Kaya Set」(套餐價SGD 4.50;單點SGD 2.00)。

飲品方面,咖啡各有三款可選,全部都落哂糖,分別只在於個奶。普通版「Coffee」及「Tea」(單點SGD 1.80/小;SGD 2.40/大)用上煉奶沖製,其餘兩款用英文字母標籤嘅「Coffee-O」及「Tea-O」(單點SGD 1.60;SGD 2.20/大)為走咗奶嘅黑咖啡及黑茶,名中嘅「O」原來係「黑」字嘅福建話讀音;而「Coffee-C」及「Tea- C」(單點SGD 2.00)則以三花淡奶沖出,「C」係取自品牌名「Carnation」第一個字母。嘻嘻,大鄉里小肥又上咗寶貴嘅一課
推介菜式: Kaya Toast with Butter Set,French Toast with Kaya Set
每人消費: 約5新加坡元 (早餐)
評分: 味道4   服務3   環境3   衛生3   抵食5
過份吹噓 哭臉2020-08-06
Chatterbox
Chatterbox
餐牌
餐牌
鮮椰汁(SGD 10)、扎啤(SGD 15)
鮮椰汁(SGD 10)、扎啤(SGD 15)
文華雞飯(SGD 27)
文華雞飯(SGD 27)
Deep Fried Tofu、香燜海鮮白米粉、沙嗲、菜
Deep Fried Tofu、香燜海鮮白米粉、沙嗲、菜
咸蛋雞翅膀(SGD 20)
咸蛋雞翅膀(SGD 20)
話匣子龍蝦叻沙(SGD 38)
話匣子龍蝦叻沙(SGD 38)
椰糖西米露(SGD 12)
椰糖西米露(SGD 12)

提到遊新加坡必吃食品,相信榜首都應該非「海南雞飯」莫屬!既然有心試,長輩都異口同聲話要見識市內最出名嗰間,亦即最貴嘅代表「Chatterbox

Chatterbox」乃五星級文華大酒店位於五樓之咖啡室。面積寬廣嘅餐店樓底唔算高,散座佈滿大堂,四周並無牆壁或屏風等間格,感覺開揚通爽。服務生雖則以禮待客,但並非特別友善或落力,效率亦唔算高。餐飲款式頂多只屬平庸之作,食物大多都唔夠熱,聞名海外嘅「文華雞飯」(SGD 27)更加係大失所望!已去骨嘅雞肉本身冇乜雞味,而且肉質偏嚡同厚實,唔得幼嫩滑溜,確真難以說服此菜式曾摘下多個奬項,實有過份吹噓之嫌!由於自己喺別處食過更美味兼更便宜嘅海南雞飯,所以對這個酒店級高價就更覺唔抵囉!
評分: 味道2   服務3   環境3   衛生3   抵食1
新加坡樟宜機場
新加坡樟宜機場
新加坡樟宜機場:新加坡航空公司之櫃台
新加坡樟宜機場:新加坡航空公司之櫃台
新加坡樟宜機場:新加坡航空公司之櫃台
新加坡樟宜機場:新加坡航空公司之櫃台
新加坡樟宜機場
新加坡樟宜機場
新加坡樟宜機場
新加坡樟宜機場
流動按摩服務(SGD 20/十五分鐘;SGD 25/二十分鐘)
流動按摩服務(SGD 20/十五分鐘;SGD 25/二十分鐘)
流動按摩服務(SGD 20/十五分鐘;SGD 25/二十分鐘)
流動按摩服務(SGD 20/十五分鐘;SGD 25/二十分鐘)
有充電插頭嘅椅櫈
有充電插頭嘅椅櫈
「新加坡樟宜機場」內外四周都有好多蘭花,色調非常彩艷,感覺尤其潔淨衛生。新加坡航空公司嘅櫃台位置光鮮闊落,地勤人員亦友善客套。閘口附近嘅候機處最受歡迎當然係啲有充電插頭嘅椅櫈啦!個人覺得最新奇就係場內居然有流動按摩服務(SGD 20/十五分鐘;SGD 25/二十分鐘),仲可以用信用咭付款,真係夠哂貼身!
參觀時段: 下午
評分: 值得去4  
新加坡航空銀刃貴賓室 SilverKris Lounge
新加坡航空銀刃貴賓室 SilverKris Lounge
只供陳列之「LG Tromm Styler衣物護理機」
只供陳列之「LG Tromm Styler衣物護理機」
自助酒
自助酒
自助飲品區
自助飲品區
自助餐
自助餐
自助餐
自助餐
自助餐
自助餐
自助餐
自助餐
乘坐新加坡航空商務位嘅貴客可於其「銀刃貴賓室」候機,並享用室內之設備及餐飲。貴賓室面積超級寬廣,座位空間都咁多,環境舒適衛生。除咗接待處之外,場內其實冇乜工作人員。自助餐飲有多款選擇,分開有沙律區、麵包區、小食、麵品、冷盤、熱食、熱飲、汽水、酒品等,不過質素比較一般。設備中最有型就係部只供陳列嘅「LG Tromm Styler衣物護理機」,據說有殺菌、消毒、除臭等之功能,希望於不久將來可以親身試一試價格高級嘅高科技啦
評分: 味道2   服務3   環境3   衛生3   抵食3
飛機有網上 笑臉2020-08-06
SQ 2之B777-300ER型號班機
SQ 2之B777-300ER型號班機
B777-300ER商務艙之獨立座位
B777-300ER商務艙之獨立座位
商務機艙、洗手間、螢光幕
商務機艙、洗手間、螢光幕
餐牌、Mimosa、蘋果汁
餐牌、Mimosa、蘋果汁
飲品項目
飲品項目
醃漬鮮蝦希臘沙拉佐香草醬
醃漬鮮蝦希臘沙拉佐香草醬
香煎嫩牛菲力配紅蔥醬配荷蘭芹奶油醬蔬菜及烤洋芋
香煎嫩牛菲力配紅蔥醬配荷蘭芹奶油醬蔬菜及烤洋芋
巧克力香蕉塔
巧克力香蕉塔
新加坡航空SQ 2四小時嘅短途航班選用B777-300ER型號飛機,商務艙之獨立座位闊落舒適,連住坐嘅孖位中間有個活動隔板間開,私人空間絕對足,而且衛生非常。空中服務員十分友善,亦樂於協助乘客。機艙內有上網服務,套房及頭等艙嘅搭客可無限免費享用,商務艙就只包咗頭100MB,由於機上有大把好戲睇,仲配埋強勁嘅螢光幕及影音系統,其實個Wi-Fi用於上機後及落機前通知家人已經夠哂用。美中不足就係飛機餐水準頂多屬不過不失,XO仔結果主攻清新爽甜嘅Mimosa雞尾酒
評分: 味道3   服務5   環境5   衛生5   抵食4
  1 個留言    |  加入你的留言
Handsome XO
117篇遊記
2019瑪麗皇后二號郵輪八天遊 (新加坡, 越南)
(旅程日期: 2019-03-05 至 2019-03-12 ,  旅程性質: 飲食購物, 消閒度假)
 整個旅程  (共8篇遊記)
 分享至Facebook 
發表日期: 2020-07-13

311日():2019瑪麗皇后二號郵輪河:第七天之新加坡

郵輪所派發嘅「每日一報」明明要求搭客於限定時間及指定地點集合,等候叫房號先可離船,可惜大多排尾嘅客人都冇守規矩!佢地嘅打尖造成其他人嘅延誤,搞到十多人遲咗成個鐘先出到車場,連細佬預訂咗架旅遊巴士都走埋佬,好彩有表姐幫忙先搵得返個司機,不過要啲長輩邊拎住行李走黎走去實在好狼狽。真係估唔到咁有名嘅「皇后郵輪公司」安排居然咁失當,「瑪麗皇后二號」七天郵輪河由等上船第一刻到落船最後一秒都係咁混亂,船上嘅膳食質量仲要一般過一般,娛樂節目更談不上精彩,同之前不同公司舉辦嘅豪華郵輪經驗真係差太遠啦!

離開船隻後,大隊喺新加坡留多一晚先搭飛機走。應姨媽們推介,全團人都入住「Goodwood Park Hotel」,酒店地點方便,房間豪華,大家都好滿意。頻撲咗一個上午一直都冇野落肚,所以快速安頓好行李,就立即坐車去「黃亞細肉骨茶餐室」醫肚。家中親友要求下,飯後就去咗「東海潮州酒家」訂金沙魚皮做手信。

一大班人旅行總會有啲小插曲嘅,當日下午茶時間就由大姨丈主演咗一幕「不聽XO言...」,棄選用Grab搵車,自行搭的士去「Gardens By the Bay」嘅「Pollen」,結果遇上年長嘅司機大人居然話未聽過旅遊名勝,玩完盪失路仲求其喺「Marina Bay Sands」放底佢地就算!雖然遲咗九個字後都會合得返,不過同行嘅兩位女士因要於高溫下兜遠路步行成半個鐘以致花容失色,抵達時唯有即叫杯雞尾酒舒緩一吓。「Pollen」嘅歡樂式下午餐份量過多,強制性每人一份長輩們根本冇可能食得哂,食剩又唔俾人帶走,感覺猶如迫人浪費食物咁,勁不爽!最值反而係套餐所包埋嘅「Flower Dome」入場券,食飽後可以喺室內花園散步賞花,唔洗淋雨又有冷氣嘆,實在寫意得很。晚餐由姨丈個妹妹做東,請哂咁多人去佢相熟嘅「東皇大酒樓」,以一頓地道嘅海鮮大餐餞行,仲好客氣咁訂埋專車接送往返酒店,豐富又周到
Goodwood Park Hotel
Goodwood Park Hotel
Goodwood Park Hotel: 接待大堂及鮮美嘅蘭花
Goodwood Park Hotel: 接待大堂及鮮美嘅蘭花
Goodwood Park Hotel:Heritage Room
Goodwood Park Hotel:Heritage Room
Goodwood Park Hotel:Heritage Room內之咖啡及茶
Goodwood Park Hotel:Heritage Room內之咖啡及茶
Goodwood Park Hotel:Heritage Room內之書房
Goodwood Park Hotel:Heritage Room內之書房
Goodwood Park Hotel:Heritage Room之浴室及電視
Goodwood Park Hotel:Heritage Room之浴室及電視
Goodwood Park Hotel:Heritage Room之浴室
Goodwood Park Hotel:Heritage Room之浴室
Goodwood Park Hotel:Mini Bar收費表
Goodwood Park Hotel:Mini Bar收費表

位於新加坡Orchard Road嘅「Goodwood Park Hotel」屬五星級酒店,白色嘅外型望落有啲似皇宮咁,入夜後亮起燈光,更顯氣派十足。接待處光猛潔亮,四周擺放出鮮美艷麗嘅蘭花,散發著貴氣。酒店職員和藹可親,辦理入住手續時為怕年長嘅團友們站立過久,仲主動加派人手協助,細心體貼得很!負責送行李入房嗰位叔叔都一樣好好人,放下行李後先為房間作出簡介,臨走前仲提及房內有個手提電話,可免費打任何本地電話,二人更可攜帶出外使用,相當方便。小肥與哥哥入住嘅「Heritage Room」面積寬廣、冷氣足,除咗睡房同浴室之外,仲有間書房,周圍都有衣櫃,多到真係幾誇張架。個人只係略嫌浴缸防滑措施不足,有少少危險。而長輩們最欣賞就係每朝早可以自己沖返杯名牌Nespresso咖啡飲。

每晚價錢: 365新加坡元 (雙人房)
評分: 設備4   服務5   環境4   衛生5   抵住3
任添肉骨茶 笑臉2020-07-13
黃亞細肉骨茶餐室
黃亞細肉骨茶餐室
黃亞細肉骨茶餐室
黃亞細肉骨茶餐室
彩圖餐牌
彩圖餐牌
泰國椰子(SGD 5)、冰蜂蜜檸檬水(SGD 2.9)
泰國椰子(SGD 5)、冰蜂蜜檸檬水(SGD 2.9)
油玻璃生菜、鮮灼猪腰猪肝、自製五香、炸油條、油小白菜
油玻璃生菜、鮮灼猪腰猪肝、自製五香、炸油條、油小白菜
面線(SGD 3.5)、潮州卤猪手飯(SGD 6.8)
面線(SGD 3.5)、潮州卤猪手飯(SGD 6.8)
卤大腸、招牌潮州卤猪手、卤豆干豆卜、卤腐皮、潮州卤糖心蛋
卤大腸、招牌潮州卤猪手、卤豆干豆卜、卤腐皮、潮州卤糖心蛋
任添上等龍排肉骨茶(SGD 11.80)
任添上等龍排肉骨茶(SGD 11.80)

被封為「旅遊之王」嘅蕃薯uncle話遊新加坡一定要食返餐肉骨茶先算黎過,今次出發前就指明話要食前特首煲呔曾都幫襯嗰間「黃亞細肉骨茶餐室

肉骨茶專門店並無訂座服務,全為排隊制,先到先得,人多預咗要搭枱,幸好餐廳提供免費Wi-Fi,等位嘅人唔洗咁悶。小店樓底都幾高,開揚通風,唯一冇冷氣,室內風扇開盡肥肥家族都食到成頭汗。室內環境企理乾淨,遇著中午時份最迫人,散枱仲延伸出門外,真係幾誇張架,細佬都係臨走先敢影相咋,因為怕俾人投訴嘛。

服務生友善且效率高,不過最落力就係親力親為嘅老闆叔叔,埋單時都不忘提及店內有售即食裝肉骨茶,一盒SGD 14.95有四包份量,買黎自己食或做手信都得,認真識做生意!主角肉骨茶胡椒味香辣濃厚,最意外就係可免費任添,咁SGD 11.80/碗都算合理!由於團友人數多先可以試多幾款小食同小菜;綜合眾人意見,似乎都覺得滷水菜式水準只屬一般,建議大家主攻最美味嘅「上等龍排肉骨茶」(SGD 11.80)、「潮州卤猪手飯」(SGD 6.8)、「面線」(SGD 3.5)。
推介菜式: 上等龍排肉骨茶,潮州卤猪手飯,面線
每人消費: 約24新加坡元 (午餐)
評分: 味道4   服務4   環境3   衛生3   抵食3
混亂兼浪費 哭臉2020-07-13
Pollen:門面及Gardens By the Bay入口轉車處
Pollen:門面及Gardens By the Bay入口轉車處
Pollen 室內環境
Pollen 室內環境
餐牌
餐牌
White Peach Bellini (+ SGD 12)
White Peach Bellini (+ SGD 12)
幾人份量下午茶套餐(SGD 38/位)
幾人份量下午茶套餐(SGD 38/位)
走果仁版下午茶(SGD 38/位)
走果仁版下午茶(SGD 38/位)
走果仁版下午茶(SGD 38/位)
走果仁版下午茶(SGD 38/位)
Pollen通往玻璃溫室之側門
Pollen通往玻璃溫室之側門

「Pollen」為新加坡旅遊勝地「Flower Dome」內唯一嘅一間餐廳,賣點就係於該處用餐後可免費喺全球最大嘅玻璃溫室內賞花。網上訂座流程十分簡易,每次最多只可訂十位,除咗要提供信用卡詳情作保證之外,每位客人必需點一份餐。

對首次到訪嘅朋友黎講,餐店地址真係有啲複雜難搵,因為網上嘅交通資訊不多,「Flower Dome」又可以從不同方位但又互相連接嘅「Gardens By the Bay」及「Marina Bay Sands」通往,兩區嘅面積仲要好大,閒閒地可以兜上成個鐘先到達目的地。去到先發現原來普通車輛只能停於「Gardens By the Bay」嘅入口處,食客要轉乘專線車仔方才可抵達店子,唔怪得知連當地的士司機都話唔識去啦!有咗今次嘅經驗,團友們都同意前往餐廳最佳及最安全嘅方法就係以「Grab」程式搵車往「Gardens By the Bay」,不過大家記緊要預留十至十五分鐘轉搭車仔。

兩層高嘅「Pollen」散座大多被花草樹木圍繞,花園式嘅裝潢感覺好大自然,猶如置身於一個冷氣園林般,環境絕對煞食,不過服務就極之混亂!XO仔明明兩個月前已於網上訂好三月十一日三至五點嘅下午茶,點知三月十日卻收到電郵通知必需四點九還枱,因餐店接著有個私人派對,最無理就係唔可以相對地早十五分鐘開始,雖然餐廳容許免費取消訂座,但咁短時間真係好難重新編制行程囉!此外,餐廳未有預先告知有關轉搭車仔嘅安排,直令用餐時間再進一步縮短,都未計盪失路嘅團友所失去嗰個鐘。在場嘅服務生毫不友善,而且大多生手過生手,其中一個連餐牌嘅價格內容都睇唔明,另外一個仲堅,跌哂啱啱洗好嘅刀叉落地,無錯係全盤跌哂!不過最恐怖就係食物只會求其放喺枱,冇略作簡介都算,最多玩估食物遊戲自娛,但當問及邊幾款屬不含果仁時,佢地竟然混淆咗含果仁版及不含果仁版,也太不專業了吧?!幸好小肥警覺性高,於食用前跟經理哥哥再三確認先冇出到事咋。

下午茶套餐定價為SGD 38,包有一杯茶或咖啡,加SGD 5可轉任飲,加SGD 12可轉飲一杯清新爽甜嘅桃味雞尾酒,加SGD 40則可兩小時無限暢飲氣酒;以最後一項最抵玩,無奈用餐時間不斷被打折扣,飲唔足兩粒鐘感覺就唔係咁公平。下午茶共有十二款小食,份量就夠多,可惜質素只屬一般。個人覺得甜點中以乾巧脆薄嘅「Devilled Egg Dip with Vegetable Chips」最惹味,及是日紅桑子味馬卡龍最鬆化輕盈;而咸點中以圓碌碌、脹卜卜嘅雜菌撻最芳香酥脆。其餘嘅蛋糕仔、三文治等點心大多都好乾同嚡,越食越口乾。

食到大約只剩半個鐘頭時,可能見餐桌上仍有好多食物,服務生方才告知因衛生問題,所有食物係唔俾包走嘅。講真團友們最怕就係浪費食物,但餐廳又要迫食客每人點一份餐喎,七旬長輩食量又有限,根本冇可能每人食得哂正常份量,唔俾打包理應一早講明,相信細食嗰幾位會選擇叫廚房備少幾份,好過食物上哂枱後食唔哂最終要棄置囉,此舉太唔環保啦!建議餐廳可考慮提供份量少啲嘅套餐俾長者、小童或食量少嘅貴客揀選。
推介菜式: Devilled Egg Dip with Vegetable Chips, 是日紅桑子味馬卡龍, 桃味雞尾酒
每人消費: 約54新加坡元 (下午茶)
評分: 味道2   服務1   環境4   衛生3   抵食3
Flower Dome
Flower Dome
Flower Dome: 日式庭園及櫻花林
Flower Dome: 日式庭園及櫻花林
Flower Dome: 靚花
Flower Dome: 靚花
Flower Dome: 靚花
Flower Dome: 靚花
Flower Dome: 靚花
Flower Dome: 靚花
Flower Dome: 靚花
Flower Dome: 靚花
Flower Dome: 靚花
Flower Dome: 靚花
Flower Dome: 靚花
Flower Dome: 靚花
全日嘅高潮位就係可於市內最據吸引力嘅「Flower Dome」度細賞花卉,結果仲狂影過百幅相,認真唔講得笑!從高空望落去,此座全球最大嘅玻璃溫室外表呈一隻蝴蝶形,白色嘅線條尤其突出。步入樓底極高嘅溫室,即可感受到涼爽嘅冷氣,嘻嘻,XO仔當然係拍哂手掌啦,不過長輩個個都凍到要加外套。日間有陽光照射,光線十分充裕,令人彷如置身於園林內。林中種植有來自世界各地嘅花草樹木,琳瑯滿目,種類繁多。色彩繽紛、耀眼奪目嘅花花除咗大小及形狀不同之外,更擁有動人嘅形態,這個自然美集中地絕對值得一遊
參觀時段: 下午
評分: 值得去5  
地道海鮮餐 笑臉2020-07-13
東皇大酒樓 Roland Restaurant
東皇大酒樓 Roland Restaurant
油炸鬼釀魷魚膠
油炸鬼釀魷魚膠
咸蛋豆腐
咸蛋豆腐
白胡椒蟹、辣椒炒蟹、曼頭
白胡椒蟹、辣椒炒蟹、曼頭
奶油蝦
奶油蝦
潮州米粉蒸䱽魚
潮州米粉蒸䱽魚
通菜、BB芥蘭、Roland炒飯、蘇東仔(即魷魚仔)
通菜、BB芥蘭、Roland炒飯、蘇東仔(即魷魚仔)
Roland 咸蛋魚皮
Roland 咸蛋魚皮

由新加坡auntie一手安排嘅餞別晚宴於「東皇大酒樓」進行,熟客仔嘅佢跟老闆兼主廚Roland哥哥屬深交摯友,唔怪得知當晚嘅地道海鮮餐咁堅;呵呵呵,淨睇相都包大家流哂口水呀!

老字號中餐廳面積寬廣,用餐大堂開揚通爽,光鮮企理。十多人嘅派對有私人廂房,私人空間感足,而且闊落舒適。服務生友善好客。據悉,Roland老闆乃鎮店名菜「辣椒炒蟹」原創人之子,相當有來頭,所烹調嘅美食用材新鮮,又夠鑊氣,當中「辣椒炒蟹」、「白胡椒蟹」、「油炸鬼釀魷魚膠」可謂色香味俱全,確真名不虛傳。店子亦有售「自家製咸蛋魚皮」(SGD 19/罐),即場食新鮮炸起嘅版本更是一絕,實不容錯失。
推介菜式: 辣椒炒蟹,白胡椒蟹,油炸鬼釀魷魚膠,自家製咸蛋魚皮
評分: 味道4   服務5   環境4   衛生5   抵食4
  0 個留言    |  加入你的留言
madvivian
14篇遊記
「孤獨的美食家」之旅 (台灣)
(旅程日期: 2019-12-05 至 2019-12-09 ,  旅程性質: 消閒度假)
 整個旅程  (共1篇遊記)
 分享至Facebook 
發表日期: 2020-07-09
疫情令大家飛不到,就算非常近的台灣也叫人懷念。
那⋯⋯其實如果去過台灣很多次了!還有什麼好做呢?
香港也住了多年,但剛剛才知道一個地方叫西高山看日落超正的!
高雄,雖然已經到過多次,但每次都會有驚喜。高質咖啡、食物抵食已經是吸引我再去的基本理由。這次5天的旅程,帶著「孤獨的美食家」精神,尋找美食的快樂!也享受當地的人和事。
香港預購了兩張不同品牌的電話卡,這張回港上機前竟然已失效,大家買卡時要留意。
香港預購了兩張不同品牌的電話卡,這張回港上機前竟然已失效,大家買卡時要留意。
第一天乘坐8點多的航班出發去高雄,很早起床,有點不清醒,幸好航班坐位竟然升級了,可以舒適地休息一會。
抵步後先要處理電話卡和提取現金,電話卡可以預先在港購買,或到步才購買,不過5天卡,在港買便宜很多。而現金可以兌換,也可以提款 (請記得開啟海外提款功能),提款的匯率會稍為好一點。
然後,我們乘搭捷運離開機場往酒店。高雄的機場非常接近市區,半個鐘頭內已經可以到達市中心!已經很久沒有用過一卡通,還以為會失效,怎料餘額還在!增值後,出發往中央公園站。
酒店位置方便,位於中央公園站和美麗島站中間,中央公園站附近的行人路比較寬闊,有行李的話,出中央公園站會方便很多。Icon不是高價酒店,但基本設施全備,簡單舒適。我們沒有選擇包早餐,因為打算每天不一樣。
每晚價錢: 320港元 (雙人房)
評分: 設備4   服務4   環境4   衛生4   抵住4
隨便在地圖上找到躲在橫巷的咖啡店,品質高,令人回味。
隨便在地圖上找到躲在橫巷的咖啡店,品質高,令人回味。
芭樂特調咖啡,賣相跟cocktail一樣,芭樂和咖啡的味道平均很撘,充滿道道地地的台灣風味!
芭樂特調咖啡,賣相跟cocktail一樣,芭樂和咖啡的味道平均很撘,充滿道道地地的台灣風味!
1+1 特濃義式咖啡+卡布奇諾,濃濃的citrus味,非常提神。
1+1 特濃義式咖啡+卡布奇諾,濃濃的citrus味,非常提神。
Tiramisu口感綿滑,精品咖啡的風味能盡情表現在當中。
Tiramisu口感綿滑,精品咖啡的風味能盡情表現在當中。
萌萌貓店長
萌萌貓店長
在酒店留下行李,第一站是無意中在地圖找到的自家烘焙精品咖啡店Oracle,距離酒店幾分鐘步程,可以快點充充電才繼續遊覽。
推介菜式: 芭樂特調咖啡
每人消費: 約220新台幣 (午餐)
評分: 味道5   服務5   環境5   衛生5   抵食5
這裡保留了很多火車群供大家打卡。
這裡保留了很多火車群供大家打卡。
還有鐵道群,部分位置放了大型藝術品。
還有鐵道群,部分位置放了大型藝術品。
超大草地
超大草地
舊打狗驛故事館保留了很多當年的物品和擺設。
舊打狗驛故事館保留了很多當年的物品和擺設。
咖啡充電後,步行去美麗島站往西子灣站,打算參觀駁二藝術特區。西子灣站走出來非常近舊打狗驛故事館,上一次來的時候還未能進館,這次可以了,很有老日本建築的味道。之後可以盡情拍攝外面的鐵道群和火車群,再逛逛駁二和沿海其他商舖。
推介項目: 老日本建築、鐵道群和火車群
參觀時段: 下午
入場價錢: 每人0新台幣
評分: 值得去4  
從舊打狗驛故事館走到駁二
從舊打狗驛故事館走到駁二
四圍都是有趣的藝術品
四圍都是有趣的藝術品
供遊客乘坐繞圈圈的小列車
供遊客乘坐繞圈圈的小列車
從駁二走到海邊
從駁二走到海邊
從海邊走進活化後的老倉庫
從海邊走進活化後的老倉庫
活化老倉庫內的台式餐廳
活化老倉庫內的台式餐廳
牛肉超級稔,湯也很濃。
牛肉超級稔,湯也很濃。
3點多,終於覺得餓,於是隨便找一家吃牛肉麵、肉燥飯和白苦瓜的。老實說,這些食品在台灣很難不好吃的。反而豆瓣醬令我十分驚喜!有原粒豆而且麵豉味超級濃郁,很久很久沒有吃過這個味道了!
推介菜式: 牛肉麵
每人消費: 約200新台幣 (下午茶)
評分: 味道4   服務3   環境4   衛生4   抵食4
冬陰咖啡,對我來說不辣,帶點酸甜,把濕濕凍凍的寒意驅走。香港店沒有做這款。
冬陰咖啡,對我來說不辣,帶點酸甜,把濕濕凍凍的寒意驅走。香港店沒有做這款。
不能錯過他們自家直火烘焙的咖啡!
不能錯過他們自家直火烘焙的咖啡!
見不到老闆!我們去了台灣時,老闆反而去了香港。😆
見不到老闆!我們去了台灣時,老闆反而去了香港。😆
嘩!很多選擇啊!相片外是滿地一袋袋咖啡豆。
嘩!很多選擇啊!相片外是滿地一袋袋咖啡豆。
天光入店,天黑出店。
天光入店,天黑出店。
老闆經常開班,專業教學不同咖啡知識,有興趣的話,可以留意他們的動向。
老闆經常開班,專業教學不同咖啡知識,有興趣的話,可以留意他們的動向。
吃飽飽當然要喝喝咖啡!走不遠就是喜愛的品牌之一Artigiano。雖然中環也可以喝到他的咖啡,選擇還是本店比較多。
補充一下,中環的店剛剛在fb寫他們得了澳大利亞國際咖啡烘焙賽總冠軍,既然大家未能外遊去高雄品嚐,不妨去中環試一下啊!
推介菜式: 單品咖啡
每人消費: 約180新台幣 (下午茶)
評分: 味道5   服務5   環境5   衛生5   抵食4
首次乘搭輕軌,用儲值卡付款會比即時現金付車費更便宜,用卡的話,可以在月台或上車付款,每程不論乘搭多遠都是台幣$10。
我們在駁二區上車往夢時代,連等車大約半個鐘。夢時代比較以往人流更多,我們去的主要目的是逛逛主力賣Oakley產品的單車店。之前的店比較大,現在雖然細小了,但依然眼花撩亂,最後買了幾件衣物,折扣後只要4千多台幣,還送商場$300現金回贈。
本大爺雞拉麵
本大爺雞拉麵
銀次郎魚豚骨拉麵(三代目)
銀次郎魚豚骨拉麵(三代目)
在香港拉麵店少有這麼多調味料!
在香港拉麵店少有這麼多調味料!
商場地庫有很多食店,看見一家拉麵店花月嵐很受歡迎,便決定試試。稍貴的拉麵都只是二百幾台幣,本來台幣$495兩碗拉麵真的便宜,再減去商場送的現金回贈$300,什麼?$195埋單?抵到一個點!
後來才知道花月嵐是日本品牌在台灣的分店,難怪食客比其他店多。
每人消費: 約100新台幣 (晚餐)
評分: 味道5   服務4   環境4   衛生4   抵食5
渴睡的貓
渴睡的貓
放鬆的貓
放鬆的貓
打架的貓
打架的貓
八卦的貓
八卦的貓
大大份早餐
大大份早餐
比另一盤細小一點點,但也很飽!
比另一盤細小一點點,但也很飽!
懶洋洋的貓
懶洋洋的貓
反目的貓
反目的貓

刻意沒有預訂酒店早餐,第一個早上已經安排好去附近的一家貓咖啡店—描cafe x 屋 brunch吃早餐。
這一次看不到之前見過的狗狗,但貓貓多了。早餐有很多款,都包了兩款飲品 (超級酸果醋和傳統口味的Americano) 任飲。邊吃邊喝邊玩貓,過了一個治癒的早餐時間。

每人消費: 約250新台幣 (早餐)
評分: 味道5   服務5   環境5   衛生5   抵食5
孔雀園內有這種和純白色孔雀,遊客可以站在牠們旁邊近距離拍照。
孔雀園內有這種和純白色孔雀,遊客可以站在牠們旁邊近距離拍照。
園區定時提供牧草給遊客餵飼山羊。
園區定時提供牧草給遊客餵飼山羊。
又一次證明小鹿對地圖超感興趣!🤣
又一次證明小鹿對地圖超感興趣!🤣
早餐過後出發去動物園,乘捷運到鹽埕埔站,4號出口出來後,往前數十步到五福四路,然後轉右走數十步,仍然在華南銀行前面的巴士站等56號巴士,時間表可以在網上找到,總站壽山動物園站下車,全票台幣$12,上車和下車都拍卡就可以了。
動物園入場費非常非常超值,只是$40台幣!縱使當天一直下雨,時大時小,動物不太活躍,亦覺得非常值得。下雨天,人更少,參觀得超級舒服,動物種類蠻多,慢慢走了約4個鐘才離開。
推介項目: 牧草餵山羊
參觀時段: 早上
入場價錢: 每人40新台幣
評分: 值得去5  
另一家被咖啡大師推薦的咖啡店,下大雨也要去試試。
另一家被咖啡大師推薦的咖啡店,下大雨也要去試試。
很特別的Affogato,不是雪糕,而是冰塊,酸酸甜甜的,很爽口。
很特別的Affogato,不是雪糕,而是冰塊,酸酸甜甜的,很爽口。
離開前當然要挑選一下他們自家烘焙的豆。
離開前當然要挑選一下他們自家烘焙的豆。
已經4點多,因為動物園的食物一點都不吸引,所以還沒有吃過東西,決定離開動物園才吃東西。
我們打算去一家冠軍烘焙師推介的咖啡店—咖啡林咖啡距離捷運站約步程20分鐘,於是決定上的士由動物園直達咖啡店,大概30分鐘車程,約$250台幣。
推介菜式: Affogato
評分: 味道5   服務5   環境5   衛生5   抵食4
熟成牛肉的衡溫櫃
熟成牛肉的衡溫櫃
套餐有兩款頭盤,我們各要一款。這款的蕃茄味很醒胃。
套餐有兩款頭盤,我們各要一款。這款的蕃茄味很醒胃。
另一款頭盤
另一款頭盤
套餐亦有兩款湯,一款是湯味濃的清湯。
套餐亦有兩款湯,一款是湯味濃的清湯。
一款是忌廉濃湯
一款是忌廉濃湯
主菜是熟成牛,配菜另上。
主菜是熟成牛,配菜另上。
燒得完美!以為份量過多吃不了,但太美味,滿足吞沒!
燒得完美!以為份量過多吃不了,但太美味,滿足吞沒!
芒果味,已經非常飽,勉強吃完。
芒果味,已經非常飽,勉強吃完。
離開咖啡店,我們步行二十多分鐘,去最近的巨蛋站,乘捷運往獅甲站再步行十分鐘到台鋁生活商場。上一次來這裏才剛開幕,以為幾年後商店、食店和人流會增加很多,怎料和之前差不多,找不著想吃的東西,就倒不如到商場另一邊廂的'etage15 Steak House吃熟成牛排。
我們本來訂了第四個晚上才吃的,早了兩天來到,幸好還有很多座位。雖然吃過下午茶不久,還很飽,但仍然點了最少份量的一款熟成牛排套餐,$2560 20安士碳烤U.S Choice乾式熟成21天丁骨牛排,肉質厚實香濃,服務親切,比較香港便宜很多很多,超級滿足!
很可惜餐廳敵不過疫情,今年4月已經結束營業。不過旁邊的酒店仍然能找到同一品牌的餐廳,可以遠眺更美的景色。
推介菜式: 熟成牛
每人消費: 約1400新台幣 (晚餐)
評分: 味道5   服務5   環境5   衛生5   抵食4
乘搭紅70路線延長路線,請留意要在這個日月禪寺站下車,過對面就是月世界。
乘搭紅70路線延長路線,請留意要在這個日月禪寺站下車,過對面就是月世界。
山上鳥瞰月世界
山上鳥瞰月世界
月世界只是這種地質的一部分,其實這種地質的範圍非常大。
月世界只是這種地質的一部分,其實這種地質的範圍非常大。
近距離探索月世界
近距離探索月世界
地質頗為鬆散,觸摸後有一層灰黏在手上,有很強的金屬味。
地質頗為鬆散,觸摸後有一層灰黏在手上,有很強的金屬味。
山上有個湖,而山下那個湖因天災暫時抽乾了水維修。
山上有個湖,而山下那個湖因天災暫時抽乾了水維修。
要清早起床的一天,目的地是高雄郊外的田寮月世界。由於往來月世界和南岡山捷運站的巴士紅70班次很少,車程要1個鐘,所以買了麵包,乘坐9點開的巴士,10點左右到達後才吃早餐。
紅70路線往月世界是延長路線,要上網看清楚延長路線的班次才等車和上車。也請留意月世界站不是最近月世界的車站,下一個站日月禪寺站才下車啊。
月世界是個土質鬆軟,有點像火山岩的山群區,觸摸後有一層灰黏在手上,有很強的金屬味。吃完早餐開始參觀,由於台灣曾經大量降雨,部分岩山塌下,有些路線封住了要作維修,湖水也抽乾了方便復修。不過還是花了快兩個鐘才走完,剛剛好能接上下午12:11的巴士回去南岡山捷運站。
參觀時段: 早上
入場價錢: 每人0新台幣
評分: 值得去4  
很多人稱讚的太成肉包,包很大,味很香,狗狗都來了圍住我們。
很多人稱讚的太成肉包,包很大,味很香,狗狗都來了圍住我們。
糖廠範圍很大,除了廠房,還有日式和西式建築。
糖廠範圍很大,除了廠房,還有日式和西式建築。
可以探險防空洞,但很黑,很深,有點可怕。
可以探險防空洞,但很黑,很深,有點可怕。
很大的糖廠,感覺像進入了Biohazard的場境。
很大的糖廠,感覺像進入了Biohazard的場境。
廠房外有很多車卡,可能用作運貨。
廠房外有很多車卡,可能用作運貨。
由南岡山乘捷運到橋頭糖廠站只需要約5分鐘,到達後吃了很多人稱讚的太成肉包,包很大,味很香,狗狗都來了圍住我們。
之後到糖廠參觀,糖廠範圍很大,除了廠房,還有日式和西式建築,但我們最有興趣的是防空洞,很黑,很深,有點可怕。
糖廠廠房也非常大,很像進入了Biohazard的場境,隨便逛逛都花了20分鐘。
參觀時段: 下午
入場價錢: 每人0新台幣
評分: 值得去4  
late lunch/tea 笑臉2020-07-09
糖廠外,車站附近有些活化建築,改造成精品店和cafe。
糖廠外,車站附近有些活化建築,改造成精品店和cafe。
台幣$250,份量十足,味道可口。
台幣$250,份量十足,味道可口。
台幣$220,味道豐富,好味道。
台幣$220,味道豐富,好味道。
山藥蘋果牛奶甜度剛剛好,有清新蘋果味,仙草凍不過不失。總共台幣590,很飽,抵吃!
山藥蘋果牛奶甜度剛剛好,有清新蘋果味,仙草凍不過不失。總共台幣590,很飽,抵吃!
吃飽飽在附近閒逛。
吃飽飽在附近閒逛。
又見到防空洞
又見到防空洞
車站內有個貓貓場景
車站內有個貓貓場景
離開糖廠,走到一家活化建築內的商店加cafe — FUN SPACE~放空藝術空間 吃下午茶 (very late lunch)。
吃飽飽在附近走一走,最後在車站拍拍特別的貓貓場景才離開。
每人消費: 約295新台幣 (下午茶)
評分: 味道4   服務4   環境4   衛生5   抵食5
要乘搭火車到美術館站,這個車箱令人想起日本區間車!
要乘搭火車到美術館站,這個車箱令人想起日本區間車!
下車後走大約8分鐘,來到附近一家咖啡店—不咖啡,裝修走田園風,環境十分舒服。
下車後走大約8分鐘,來到附近一家咖啡店—不咖啡,裝修走田園風,環境十分舒服。
只有我們作客,主力的咖啡師都下班了。
只有我們作客,主力的咖啡師都下班了。
牠就是叫「不」
牠就是叫「不」
很多咖啡都不能點,唯有點了最普通的義式咖啡。
很多咖啡都不能點,唯有點了最普通的義式咖啡。
黃昏,我們離開糖廠,回去市區美術館火車站附近一家咖啡店—不咖啡,裝修走田園風,環境十分舒服。雖然是星期六晚上,不過只有我們作客,主力的咖啡師都下班了,很多咖啡都不能點,唯有點了最普通的義式咖啡。
評分: 味道3   服務4   環境4   衛生4   抵食3
離開咖啡店,地圖上找到附近一家吃日本和牛的燒肉店。
離開咖啡店,地圖上找到附近一家吃日本和牛的燒肉店。
超級豐富的套餐!可是時間不太夠,吃得比較趕。
超級豐富的套餐!可是時間不太夠,吃得比較趕。
油脂豐富,很嫩滑香濃美味。
油脂豐富,很嫩滑香濃美味。
吃飽飽沿著愛河散步,往捷運站去。
吃飽飽沿著愛河散步,往捷運站去。
我們在地圖上找到附近一條街道有很多食店,便過去找美食。用「孤獨的美食家」精神,找到了一家吃日本和牛的燒肉店。
走進去的時候已經過了8點半,原來店家9點半關門,雖然吃得比較趕,但肉質真的油脂豐富,很嫩滑香濃美味。
之後才知道原來台灣曾經14年不進口日本和牛,2017年才開放進口,所以這家店很受歡迎,而且高雄這一家是他們的旗艦店,曾經大排長龍,幸運地我們不用排隊。
推介菜式: 和牛、豬腩肉
每人消費: 約650新台幣 (晚餐)
評分: 味道5   服務4   環境5   衛生4   抵食4
高雄必去的其中一家咖啡店
高雄必去的其中一家咖啡店
簡單的早餐
簡單的早餐
環境跟以前有點不同,應該曾經裝修。
環境跟以前有點不同,應該曾經裝修。

在酒店喝了鮮奶和奶茶,便出發去2014年世界咖啡烘豆大賽冠軍的自然醒咖啡店。
來過多次,很喜歡喝他們烘焙的台灣豆。巴拿馬藝妓豆在香港價錢很高,但在台灣便宜很多,當然也不能錯過。
他們還送上每人一小杯埃塞俄比亞咖啡,很窩心!

推介菜式: 單品咖啡
每人消費: 約300新台幣 (早餐)
評分: 味道5   服務5   環境5   衛生5   抵食5
憑直覺找到一家得獎咖哩湯飯店
憑直覺找到一家得獎咖哩湯飯店
咖哩湯帶點台式香料的味道,雞肉非常嫩滑,輕易離骨。
咖哩湯帶點台式香料的味道,雞肉非常嫩滑,輕易離骨。
漢堡扒也鬆軟無比。
漢堡扒也鬆軟無比。
自然醒咖啡店比較近三多商圈站,喝過咖啡後步行到那邊的誠品和商店逛逛。走到差不多午飯時間,原本在地圖上找到一家吃丼飯的小店,怎料沒有開門,門口還寫着1月中會結束營業。於是,我們又要出動「孤獨的美食家」精神,找到一家吃咖哩湯飯的餐廳—銀免湯咖哩。
咖哩湯帶點台式香料的味道,雞肉非常嫩滑,輕易離骨,漢堡扒也鬆軟無比。不過原來老闆是日本人,咖哩湯走北海道風,牛排咖哩湯飯曾經在2018年榮獲冠軍。早兩天吃了太多牛排,想換換口味,所以沒有試牛排。
推介菜式: 牛排咖哩湯飯
每人消費: 約295新台幣 (午餐)
評分: 味道5   服務5   環境5   衛生5   抵食5
無意中發現咖啡市集,集出名的和小本經營的幾十家店,草地上邊喝啡,邊看吹泡泡很寫意。
無意中發現咖啡市集,集出名的和小本經營的幾十家店,草地上邊喝啡,邊看吹泡泡很寫意。
還有手作和精品市集,也有賣吃的檔口。
還有手作和精品市集,也有賣吃的檔口。
用廢棄椅子做的大型藝術品
用廢棄椅子做的大型藝術品
市集旁邊的微熱山丘大排長龍!
市集旁邊的微熱山丘大排長龍!
喜歡音樂盒的朋友們不能錯過的旗艦店。
喜歡音樂盒的朋友們不能錯過的旗艦店。
餐廳的位置很近輕軌,難得終於有藍天,便決定乘輕軌再去駁二。下車後隨便走,竟然發現大義公園有市集,不同的檔口,有衣物、精品、吃喝等等,咖啡檔也不少,鋪滿整個公園草坪。
最治癒的,莫過於有大小朋友在草地上玩肥皂泡!草地防滑,就算周圍泡沫也不會滑倒,小朋友們可以高興地四處亂跑。
參觀時段: 下午
入場價錢: 每人0新台幣
評分: 值得去5  
第一次吃附有一包酒的即食麵,酒香味濃!
第一次吃附有一包酒的即食麵,酒香味濃!
酒香麵要配上酒香飲品(其實無酒精)。
酒香麵要配上酒香飲品(其實無酒精)。
飯後果:勁大勁甜的台灣梨
飯後果:勁大勁甜的台灣梨
天開始黑,人群開始消散。大約7點半,駁二區幾乎沒有人了!我們離開駁二,回到酒店附近的便利店,買了我喜愛的關東煮和味味一品的新口味—酒香高粱蒜頭雞麵。這個酒香雞麵內附一包高粱酒,酒香味濃!香港都見過酒香即食麵,大家不妨試一下。
推介菜式: 關東煮和味味一品酒香麵
評分: 味道5   服務4   環境4   衛生5   抵食5
高雄晚上很多地方不見人影,但這家咖啡店越夜越熱鬧。
高雄晚上很多地方不見人影,但這家咖啡店越夜越熱鬧。
咖啡不過不失,不過大家似乎為一個舒適聊天的地方多於咖啡質素而來。
咖啡不過不失,不過大家似乎為一個舒適聊天的地方多於咖啡質素而來。
吃飯後還很早,記得早上經過一家大型咖啡店Coffee Wake Up開到深夜,於是起行去喝個飯後啡。
想不到7點多很多街道已經杳無人煙,咖啡店竟然高朋滿座,不同年齡層都有!咖啡店有普通咖啡、特色咖啡和單品咖啡,不過大家似乎着重那個舒適放鬆的環境多於吃喝的品質。
每人消費: 約92.5新台幣 (宵夜)
評分: 味道4   服務4   環境4   衛生4   抵食4
早餐店餐牌,很便宜啊!
早餐店餐牌,很便宜啊!
多款包點選擇,便宜又好吃!
多款包點選擇,便宜又好吃!
外賣回酒店吃
外賣回酒店吃
非常多肉鬆的蛋餅
非常多肉鬆的蛋餅
法式多士,老闆娘放肉鬆都不手軟。
法式多士,老闆娘放肉鬆都不手軟。
終於到旅程最後一個早上,在地圖找到一家賣台式早餐的老店,很受歡迎的,從酒店走過去只是數分鐘,當然不能錯過!
點了一份肉鬆蛋餅,老闆娘狠狠的放大量肉鬆,另一份法式多士,不是香港那種,也放了大量肉鬆。再加了一個只售台幣$6的肉包,老闆少收$1,一點都不遜色,肉汁豐富,很抵啊!
推介菜式: 肉鬆蛋餅
每人消費: 約28新台幣 (早餐)
評分: 味道5   服務5   環境5   衛生5   抵食5
台灣人愛吃貝果,這家店超人氣的!
台灣人愛吃貝果,這家店超人氣的!
沒有買貝果,反而被他們的肉桂卷吸引。
沒有買貝果,反而被他們的肉桂卷吸引。
超級特濃肉桂蜜,停不了口!
超級特濃肉桂蜜,停不了口!
肉桂蜜沾滿手,份量絕對值港幣三十多元。
肉桂蜜沾滿手,份量絕對值港幣三十多元。
吃完早餐,收拾行李,check out,出發去不太遠的一家朱古力店,可是我們太早了,還沒開門,唯有再到附近的漢神百貨逛逛。
我很愛逛超市或各種小型食店,可以看看有什麼特色風味飲品食品。漢神的地庫有最少5家麵包店,聽到一家喊著出爐bagel,於是吸引進去,全店有著不同口味的貝果,可是我們竟然沒有買,反而買了一個樣子也超級吸引的肉桂麵包。
這個麵包要港幣$30以上,好像一點都不便宜,不過也蠻大的,以為難以吃完,但它那裡裡外外上上下下滿滿的蜂蜜肉桂,吃完一口再一口,最後,吃光光!不是肉桂粉絲的我都超滿足!
推介菜式: Bagel、肉桂麵包
評分: 味道5   服務5   環境4   衛生5   抵食4
光榮碼頭有幾所鯨魚形狀的音樂廳
光榮碼頭有幾所鯨魚形狀的音樂廳
遠眺對岸高雄港11號碼頭
遠眺對岸高雄港11號碼頭
音樂廳上的綠化山坡
音樂廳上的綠化山坡
從音樂廳天台回望輕軌
從音樂廳天台回望輕軌
天台遠眺更瞭闊的海景
天台遠眺更瞭闊的海景
陽光大好,沒有其他人,一於在天台日光浴!
陽光大好,沒有其他人,一於在天台日光浴!
繼續向海邊走,走到光榮碼頭,有6座鯨魚形狀的表演廳,頂部都鋪滿了草坪和植物,遊人可以走上去,甚至睡在草坪上!當天天空很藍,陽光溫暖,享受了十多分鐘的日光浴。
推介項目: 鯨魚上草坪看日落
參觀時段: 早上
評分: 值得去5  
我們回程到E'Z Chocolat 手工喜餅.手工朱古力店,已經來過多次,每一次店員都送上多款不同的朱古力:手工、糕餅、飲品... 等等,花多眼亂,選了半個鐘才離開。
推介菜式: 生朱古力
評分: 味道5   服務5   環境4   衛生5   抵食4
充滿台灣本土文化的一家咖啡店
充滿台灣本土文化的一家咖啡店
其間有電視台來訪問店長
其間有電視台來訪問店長
沒想過咖啡店能吃到汁多美味的韭黃餃子!
沒想過咖啡店能吃到汁多美味的韭黃餃子!
很傳统的特色咖啡
很傳统的特色咖啡
簡簡單單的炒麵,但很好吃!
簡簡單單的炒麵,但很好吃!
我們找到酒店附近的一家特色咖啡店,便回去那邊,方便隨時回酒店取行李到機場。
店的選址為小巷內一間住宅,彷彿走進了別人的家喝咖啡。不過讓人驚喜的,是他們的韭黃豬肉餃子!韭黃的香味超級濃郁,每一啖都有韭菜和蔥的香氣。
店內滿有本土文化的東西,等食物的時間可以拍個夠,也有很多宣傳品可以慢慢欣賞。
時間夠了,要回程香港,這次簡單舒適的旅程令人回味。高雄,我會回來的啊~
推介菜式: 韮黃豬肉餃子
評分: 味道5   服務4   環境5   衛生4   抵食5
  0 個留言    |  加入你的留言
子瞻
1篇遊記
廣州2天掃墓行 (中國)
旅程性質: 背包旅遊, 探訪親友
 整個旅程  (共1篇遊記)
 分享至Facebook 
發表日期: 2020-06-09
小時候每逢暑假,老媽都會把小的與老哥帶回廣州讓婆婆與姨姨帶著,爹媽便可安心回港繼續拚搏。小孩子就是有這樣的好,他們有更開放的心扉,在沒有太多前設低下接受事物。昔日廣州的設備配套當然乏善可陳,但咱們就拉著帆布床,晚上與眾多的蟑螂蠄蟧壁虎共眠,還有那奇嗅污糟的公廁⋯⋯
由於有著共同生活的經歷,與婆婆姨姨和舅舅的感情就是這樣地蘊釀了下來。雖然婆婆是疼老哥多點,但她對小的也不賴。是故婆婆與世長辭後,小的雖非年年祭祖,但每隔幾年也會逼迫千不情萬不願的老伴到廣州一趟。
[IMG https://1.bp.blogspot.com/-YaOn3ykloOU/XS1f2IoRP8I/AAAAAAAAHUE/CoCFZErsf1wOoR7jYx88S3X_ni8LDbFDACLcBGAs/s320/20190401_075112.jpg]
高鐵列車開通以後只須一小時便直達廣州,經常回大陸工作的同學仔讚不絕口。小的也在慫恿下試一回。
[IMG https://1.bp.blogspot.com/-8ItZ5QcbkDY/XS1f2MUKrWI/AAAAAAAAHUA/APRojB8odjcgtSOhjcO3U5-1RN5GJDCjwCLcBGAs/s320/20190401_075345.jpg]
九時的列車,倆小口子七時多便出門。咱們聽聞排隊取票需時又長又混亂,二人前一週便率先親身到站換取車飛。八時許見著取票的人龍,心中也為自己的明智決定而暗許。見尚有時間,老伴提意到一旁的美食區域先買早餐。美食廣場沒有選擇而且只供外賣,小的唯有在美心快餐勉強地買了個餐肉、午香肉丁公仔麵,老伴則點了客糯米雞。
[IMG https://1.bp.blogspot.com/-iSjyQ44CEnM/XS1f2bxG01I/AAAAAAAAHUI/1b4h6C9XX-QJHoPqPjJIvUv5q1fxlxMhwCLcBGAs/s320/20190401_075231.jpg]
從洗手間出來,老伴已提著外賣袋準備起行。怎麼只有小小的一袋?老伴肯定地答:「齊的了!」
進入車站,由於是實名登記,咱們需於閘前向一位職員提供車票與回鄉證核實身份。然而眾多的旅客閘口卻只有一位姑娘,再加上每個也都認真地對名,結果當然是排隊兼擾攘了好一會。
以為就這樣順利過關嗎?到下層咱們居然要像搭飛機般作隨身行理的檢查,搞、搞、搞⋯⋯然後見到香港海關的長長人龍,本以為時間充裕的咱們給折騰得非常緊迫。豈知過了香港海關,咱們竟須重覆一遍相同的情序!?這就是著名的「一地兩檢」?
無奈是大陸關的行李檢查就只得一部機,一堆橙色衫的學生團成功霸佔所有領域,咱們千等萬等過了行李檢測,下一陣子卻晴天霹靂,中國海關的蛇餅進入眼簾。
[IMG https://1.bp.blogspot.com/-vACYIAjqT2I/XS1f2_bxmtI/AAAAAAAAHUM/vhz6lTqcfn0F1mFBcyUa6TDRg9lAJSgcwCLcBGAs/s320/20190401_081936.jpg]
虛渡光陰、心焦如焚,也不知糾纏了多久,二人終成功來到萬水千山的高鐵列車位置。左奔又撲找不到屬於自己列車的閘口,到得尋著職員來幫手,列車剛剛關閘了!
[IMG https://1.bp.blogspot.com/-HnGFegd0gYg/XS1f22HGznI/AAAAAAAAHUQ/gELOLO5rrkIOQLCi-oTcFPbYi4fMXXQZwCLcBGAs/s320/20190401_084044.jpg]
咱倆滿腔怨氣地被迫補飛。補飛?妙想天開!原本那五百多元的車票經已作廢,麻煩再自掏五百多重新買票罷!而且還須等上兩句鐘才有位子。咱們怒火沖宵,而在補票的位置也堆著同樣淒慘命運的乘客,每個人都在謾罵。有的云排隊取票等了半句鐘,而咱們純綷過關也用了一句鐘!可惜職員絲毫不作反應,只道補飛請付款。這樣大事宣揚的高鐵,這麼和稀泥的系統,這等爛透頂的配套,這個耗資百億又百億的工程,其實是否在消損納稅人的金錢?在得聞宣傳推廣的時候小的也以為值得,但在親身體驗過後只慨嘆這是個重大的錯失!
要用句多鐘提早登錄?小的是在搭飛機嗎?直通車到廣州只是兩句鐘,如今搭高鐵要用一句鐘過關,再一句鐘車程,計回來非是一個樣?而且直通車還可舒舒服服地坐上兩句鐘,高鐵則要花一句鐘用來排隊折騰再排隊折騰x5次。多真佩服這偉大無尚的象牙塔工程!

參觀時段: 早上
入場價錢: 每人600港元
評分: 值得去1  
  0 個留言    |  加入你的留言