Kan Lee
我是Kan Lee。
留言  留言給此旅遊家
  遊記數目 6
  上載相片 476
  上載影片 0
最近分享過的旅程
十月韓國超喪遊
國家/地點: 韓國
旅程日期: 2012-10-24 至 2012-11-04
我的 N 次回味 - 曼谷
國家/地點: 泰國
旅程日期: 2012-02-24 至 2012-02-26
走馬看花倫敦遊
國家/地點: 英格蘭
旅程日期: 2010-08-09 至 2010-08-18
美好的接觸
國家/地點: 毛里裘斯
旅程日期: 2010-07-01 至 2010-07-07
首爾兩天美食
國家/地點: 韓國
旅程日期: 2010-05-30 至 2010-05-31
濟洲5日遊
國家/地點: 韓國
旅程日期: 2010-05-26 至 2010-05-30
濟洲5日遊 (韓國)
(旅程日期: 2010-05-26 至 2010-05-30 ,  旅程性質: 消閒度假)
發表日期: 2010-06-06

舊年首次接觸韓國呢個國家,首爾係第一個試點,印象比預期好,因此今年再到濟洲感受一下被稱為 "蜜月島" 既風情。

濟洲係一個唔錯既旅行地點,不但有唔少天然景點值得去,仲有唔錯既沿海既遠足路徑,而登漢拿山一邊可以欣賞美麗既風景,亦可以挑戰自己既耐力,官方網站講述一條較易既登山路徑來回所需時間為9個鐘,對好多香港人黎講,唔係簡單既一件事!而濟洲人既純樸及好客,係令您整個旅程賓至如歸。

放假除左放鬆休息欣賞美景,美食會為旅程增添好多色彩,係唔可以缺少既一環。坊間介紹濟洲島餐廳既資料唔係咁多,希望借呢個機會集中講下試過既濟洲美食,同大家分享一下!

由於絶大部份食肆均無英文名同地址,本人又唔識韓文,所以只好盡量嘗試用文字去形容有關地點,不便之處請見諒!

黑豚肉韓燒 笑臉2010-06-06
"豚" 既門口
"豚" 既門口
不同黑豚既部位
不同黑豚既部位
熟既五花腩肉
熟既五花腩肉
正宗既包法 (可請教店員)
正宗既包法 (可請教店員)
餐廳名片
餐廳名片

黑豚肉係濟州島有名既菜色,據知濟洲島居民一直在島上養黑豬,黑豚肉係當地特產,唔需要經過空運、船運就可以食到非常新鮮而有特式既豚肉,而且價錢仲好抵添 (大概HK$240兩個人連啤酒兩支),所以無可能唔試!

响 "Black Pork Street" 裡頭有幾間專門食肆,我地光顧呢一間就响入口左手邊,見人氣非常旺盛,裝修亦較為新派,而舖位側面貼有唔同傳媒推介 (當然係韓文唔識睇)!當地人幫襯佔大部份,晚上時段比中午熱閙得多,今次旅程第一晚同 last 個晚都有幫襯,簡直飽到上心口!

一份二人餐,包括有唔同部位既黑豬肉、薯片兩片、雞肶菇兩片、小青椒兩隻、生蒜供燒烤。另外再有一份熟既五花腩、一個細既辣豆腐煲、細蛋煲、一份生菜同紫蘇葉供包豬肉、可添加配菜5款、兩碗細凍湯、生葱兩小碟等,其中部份黑豬肉會保留小小既黑皮供客人析別。濟洲食肆大多數會供應一瓶冰水比客人,唔夠可以再要。不過食燒烤啤酒或者燒酌為最佳拍檔。

基本上每款菜既味道都好好,除黑豬肉肉質較普通豬肉有彈性外,今次發現濟洲薯仔係非常美味,本身有薯香同質感較綿,啱曬同我一樣鐘意食薯仔既人。

提示:如果食野速度唔快既朋友,可以請店員唔好一次性將全部燒材放到火山石做既燒板上,因為燒得太耐會流失肉汁,影響食味!可以先放一半,然後自己再按食速再放餘下既燒材。

推介菜式: 黑豚肉, 濟洲薯仔
每人消費: 約20,000韓圓 (晚餐)
評分: 味道5   服務4   環境4   衛生4   抵食5
海鮮餐 笑臉2010-06-06
鮑魚粥
鮑魚粥
冷麵
冷麵
海鮮煱
海鮮煱
燒方頭魚
燒方頭魚
餐廳名片
餐廳名片
其實濟洲市 Emart 隨近有好多食肆,每次都以本地人幫襯多寡為選擇既準則,萬試萬靈!另外呢一帶既食肆都有請一d中國既留學生為方便招呼中國客人,亦可以透過佢地去了解一下食肆既質素。由於未到食晚飯既時間,肚仔就有d肚餓,先食小小就當測試。

叫左以下兩款食物:
1. 鮑魚粥:第一次食,d 韓國飯仍然保持原粒狀,唔似廣東人既粥要煲到米開花先叫靚粥底。食落係好 "杰" 身,但係唔膩,仲應該加左一d特別既調味料,所以幾香。活鮑魚見住大厨用左兩隻切細放落粥裡面煮,新鮮彈口!

2. 冷麵:仍然係摯愛之一。麵條有彈性、配上香梨、青瓜,再伴上辣醬、芝麻,真唔捨得放手,亦係經常回味既韓食之一。

好自然呢次測試及格有餘啦!下午茶消費為 KRW

逛左幾個鐘後,又返去食 Late Dinner。因為海鮮都係濟洲島有名既出產,所以預左要食餐貴些小既海鮮,其實比起香港,一 d 都唔貴!叫左兩樣同係出名既食物:

1. 海鮮鍋 (中):份量認真唔少。老闆娘將海鮮鍋放在爐上,親自將熱湯淋到兩隻放响鍋面仲活生生既鮑魚上,然後鮑魚因受熱而慢慢移動。我無估計到有如斯場面,老闆娘見到我個樣雖然言語不通,立即向兩隻鮑魚用英文講 "sorry sorry"!除左鮑魚外,鍋裡有硯、魷魚、有一種擁有瀨尿蝦既殼,淡水蝦既蚶既紅色蝦,味道非常鮮甜,相信係濟洲特別既品種。

2. 煎方頭魚 (大):方頭魚其實應該係香港人叫既馬頭魚,响濟洲魚市場見到有唔少大大條而好新鮮既馬頭魚。基於 size 夠大,肉夠厚身唔易散,煎香後加上魚本身鹽份己提供足夠天然味道,唔需要任何醬油。要注意佢地有分唔同 size 賣唔同價錢,相信 size 都會影響食味。

Late Dinner 兩人連啤酒1支消費:KRW70,000 (約HK$420)
推介菜式: 鮑魚粥, 海鮮煱
每人消費: 約35,000韓圓 (晚餐)
評分: 味道5   服務4   環境4   衛生4   抵食4
地道食物 笑臉2010-06-06
門口
門口
招牌
招牌
年糕
年糕

門口見到有年糕、餃子同一d不知名既食物。裡面亦有本地食客,相信味道唔差,係時候又要讓肚 dump 大快朵兒!

墻上只有韓文字,唯一識睇就係價錢,但唔知邊樣野食係邊個價錢,最終手指指叫左一份年糕。內容同份量都比想像既多!除年糕外,裡面仲有餃子、雞蛋同魚條,多姿多采,嘻嘻!

起初食只覺得個汁唔辣,甜甜地,食得好暢快,原來辣味係會慢慢走出黎,不過可能因為有甜味,所以辣得比較舒服,好好味!

發現年糕同壽司係當地人既指定動作,其次會要一碟煎餃子,有時餃子會混上豬血糕。佢地會將餃子沾上年糕既汁黎食,有興趣既朋友可以試試,可能會有驚喜!

推介菜式: 年糕
每人消費: 約1,250韓圓 (下午茶)
評分: 味道4   服務3   環境3   衛生4   抵食5
蛋煎餅 ok喇2010-06-06
門口
門口
招牌
招牌
蛋煎餅
蛋煎餅
一睇門口就可以了解到呢個舖頭提供既係蛋煎餅,所有款式己放左响門前,一目了然!

好彩店主囡囡响度,佢識講簡單既英文,所以可以慳番好多身體語言。

每款 krw500,鐘意邊款撰邊款,然後坐底慢慢食。

印象最深刻就係蛋煎魚肉,塊魚肉好爽口,好新鮮。其次係蛋煎瓜。要值得一提係絶對唔油膩,雖然係凍左。如果可以翻熱,食味應該會好好多。
推介菜式: 蛋煎餅
每人消費: 約1,500韓圓 (下午茶)
評分: 味道3   服務3   環境3   衛生4   抵食3
健康粥食 ok喇2010-06-06
門口
門口
餐牌
餐牌
鮑魚粥套餐
鮑魚粥套餐
梅茶
梅茶
室內環境
室內環境
餐廳名片
餐廳名片
呢個係韓國粥品有名既品牌,以標榜健康為主題,餐牌唔難揾到一 d 用山藥做食材既粥品。首爾明洞區隨意都可以揾到兩間分店,另外斧山都有呢間粥店。

响濟洲,揾到有濟洲特式既海鮮同鮑魚粥類別,鮑魚粥都有兩款,具體唔知有幾大分別,但我地就叫左特級既鮑魚粥試試,原價 KRW20,000,減價至 KRW15,000,即大約 HK$90。

粥底都係一粒粒韓國飯同 "杰杰" 既口感,但鮑魚粒無朴大監咁彈牙,食味亦比較平淡,但份量足以供兩個人食,一個人好難完成任務。套餐有茶、配菜、凍湯同一杯梅茶。梅茶係凍既,但酸酸甜甜好醒胃,反而覺得梅茶係呢個餐既精髓。我諗梅係能夠幫助腸藏蠕動,係健康既食物,正好符合該店既主題。
推介菜式: 梅茶
每人消費: 約15,000韓圓 (早餐)
評分: 味道3   服務4   環境4   衛生4   抵食3
  0 個留言    |  加入你的留言