係心有不甘既心情下, 我叫老公車我去Adriano係Balmain既店, 澳洲既café同takeaway (或者賣食物既店舖) 一般都收下午4點, 好險我地4點前去到, 好彩仲有mini-cake賣。

食得太多, 太密, 我驚會食壞肚皮, 所以只揀左兩款買走。”Grandma’s soap” 名字得意, 外層一抹淡紫色, 好靘, 原來係薰衣草味既忌廉, 裡面係藍莓批而且仲有少少杏仁cream。藍莓批有好多藍莓粒粒, 酸酸地, 中和面層忌廉既甜味, 其他方面無大印象。