Good morning America ﹗2016 第一個美國朝陽 ﹗今年第 1 間要住既酒店係 Four Point，都住左好多次喇。就算 Four Point 既配套、設備有幾完善都好，我地早出晚歸，早做夜做返到酒店已急急瞓覺，無閒及心情去做其他活動啦 ﹗有 Gym room、酒吧餐廳、室外暖水按摩池都得得物無所用。


第 1 次住 2 樓有露枱，最衰我已經戒左煙呢 ﹗以前既 Four Point 係有堂煮早餐供應架，但上年開始取消左，大家都非常失望。又變回只供應特咸肥騰騰鬼佬腸、無靈魂既死屍炒蛋、冰凍全熟隔夜烚蛋、自助格仔餅、粟米片、多士、麵包，等等。


冰凍全熟隔夜烚蛋，我只食蛋白，蛋黃質地及味道都怪怪的。1 晚嚴重 jet lag，四點幾先醒左，無咩胃口連杯麵都唔想食。是但食少少 junk food 加兩杯熱齋啡加幾隻蛋白就算喇。