第 7 次美國之旅第 2 個早餐，只可以留係酒店食，因為趕時間去做野，而且係美國 Tucson 朝早都無咩餐廳會開門，只有麥當奴或快餐店。
Four Point 酒店房租已經包左自助早餐，行個圈望一望先。地道美國佬菜色，煎煙肉、煎美國腸、焗新薯角、半蒸炒蛋，賣相已經好可怕。只可以選擇食或係捱餓唔食囉 ﹗另外仲有粟米片、窩夫、麵包、多士、蛋糕、冰凍烚蛋、等等。
奇脆特咸乾硬煙肉，就算我加大量茄汁浸住黎食，都係頂佢唔順，放棄。高濃度煎美國咸腸，咸之餘仲勁多肥膏，一咬射油，我仲以為食緊腍劈劈臘腸呢 ﹗焗新薯角，好濕潤喎，都底您係焗定係蒸架？無調味，薯仔味濃，但點解係爽口既？
鬼佬炒蛋渣，頭都痛埋，啖而無味，無蛋香無鑊氣，居然要撈茄汁食，但都係兩啖放棄。冰凍烚全熟蛋，終於有樣入得口，但堅冰凍喎 ﹗剛雪櫃拿出黎？咪即係隔夜蛋？非常失望 ﹗食晒蛋白算數。
好采我有帶急救合味道啫，thank you God ﹗熱騰騰香噴噴既香港杯麵，係依度既人間極品呀 ﹗食飽早餐又要到石礦場開工喇 ﹗沙漠晨早已經烈日當空，行兩行、郁兩郁，剛才少少早餐轉個頭蒸發左啦 ﹗
遊記數目 
上載相片 
上載影片 
2016-03-10
煎煙肉
香港合味道杯麵 ( 自備 )
