山區麵包王
我是山區麵包王。 我是一名高級打雜經理。 我最喜愛到日本,台灣,馬來西亞旅遊 , 最鍾意遊覽自然景觀,歷史建築/遺跡,鄉郊農田,動物園/植物園/水族館, 住宿通常會揀3星酒店,渡假村。
留言  留言給此旅遊家
  遊記數目 62
  上載相片 3000
  上載影片 29
最近分享過的旅程
新加坡4天輕渡小周末
國家/地點: 新加坡
旅程日期: 2014-06-28 至 2014-07-01
馬來西亞9天暢玩南北4地
國家/地點: 馬來西亞
旅程日期: 2014-03-15 至 2014-03-23
北再宜嬉盡享郊區之旅
國家/地點: 台灣
旅程日期: 2013-11-30 至 2013-12-06
肯亞野生動物15天大歷險
國家/地點: 肯亞
旅程日期: 2013-07-20 至 2013-08-03
韓冬風遊釜慶濟
國家/地點: 韓國
旅程日期: 2012-12-12 至 2012-12-19
懶懶hea遊澳門
國家/地點: 中國
旅程日期: 2012-01-08 至 2012-01-09
新加坡優休悠遊
國家/地點: 新加坡
旅程日期: 2011-09-13 至 2011-09-16
輕裝飲食逛馬交
國家/地點: 中國
旅程日期: 2011-07-01 至 2011-07-02
雲南省東遊記.羅平油菜花海
國家/地點: 中國
旅程日期: 2011-03-19 至 2011-03-25
台南高雄墾丁自在遊
國家/地點: 台灣
旅程日期: 2010-08-30 至 2010-09-04
共找到 62 篇遊記, 正顯示第 31 至 40 篇遊記
肯亞野生動物15天大歷險 (肯亞)
(旅程日期: 2013-07-20 至 2013-08-03 ,  旅程性質: 觀光攝影, 生態探險, 消閒度假)
 整個旅程  (共13篇遊記)
 分享至Facebook 
發表日期: 2015-02-02

今日卒之離開首都內羅比,起動我們的「薩伐旅」(Safari),出發前往不同的國家公園。由於途程頗長,所以,昨晚早已收拾好行裝,今早在退修營吃過早餐,8:00am就出發了。

「薩伐旅」的第一站,是去納瓦莎湖(Lake Naivasha),車程要好幾小時,途經大裂谷(Great Rift Valley)。雖然,到納瓦莎湖不是進行任何Game Drive遊車河,即是在國家公園遊走近距離觀賞野生動物,但在這裡舒適的住上一天,感覺很不同,是真正的渡假。

中午抵達酒店Lake Naivasha Sopa Resort,先吃頓午飯,基本上肯亞國家公園內的酒店,都包含早、午、晚3餐,而且,全都是自助餐形式,因為除酒店外,周圍都只是一望無際的原野。

下午時間,部份人留在Resort內游泳,因為這裡正午可高達25°C,而部份人包括小弟,去了附近的地獄門國家公園(Hell's Gate National Park)

一般而言,晚上都沒有甚麼節目,晚飯過後,可能聚酒店大堂或餐廳談天說地,好不輕鬆悠閒。題外話,整個5天的「薩伐旅」包團費用,每人大概HKD10,000,這是我們給導師安排的預算,已包括所有交通、住宿、餐膳,卻不包括國家公園及其他中途景點入場費,因為我們付的是遊客價,導師一家付的是居民價,是有很大差別的。如想看動物大遷徙,而到著名的馬賽馬拉國家野生動物保護區Masai Mara National Reserve,費用可增加多40%-50%呀

The Great Rift Valley
The Great Rift Valley
The Great Rift Valley
The Great Rift Valley
View Point旁邊的小商店
View Point旁邊的小商店
View Point旁邊的手工藝品店
View Point旁邊的手工藝品店
我們租用的包車及安排Safari行程的公司
我們租用的包車及安排Safari行程的公司
Issac(左)、James(右)
Issac(左)、James(右)
The Great Rift Valley(大裂谷)

大裂谷位處肯亞西南邊,是一個相當大範圍的地方,由非洲板塊地殼變動所形成的地理奇觀,是個出名的生態旅遊地,包括猶如鋸齒形的峭壁、高聳的火山群、碳酸鈉湖、從湖泊或地表湧出的水蒸氣或泥漿……等等。

而整個裂谷區有不少國家公園,如納庫魯湖國家公園(Lake Nakuru National Park)、地獄門國家公園(Hell's Gate)、柏哥利亞湖國家保護區(Lake Bogoria Notional Reserve)……等等。不過,時間所限,我們只去了少部份地方,至於此刻,我們站在2,140米高原,遠眺整個大裂谷,其實沒有甚麼好看,只是在此稍稍休息,鬆鬆筋骨而已

順便介紹一下,Sandavy Safaris(www.sandavysafaris.com)就是我們租用包車及安排一切到Safari的公司,不論5日的Safari之旅,還是多日來在內羅比市的全程交通,收費合理,兩位司機又有禮,又專業,故此小弟都粉墨登場,跟Issac及James來個留念照

參觀時段: 早上
入場價錢: 每人0肯尼亞先令
評分: 值得去2  
Lake Naivasha Sopa Resort
Lake Naivasha Sopa Resort
大堂環境
大堂環境
Resort環境
Resort環境
Resort環境
Resort環境
Resort環境
Resort環境
Resort周圍常有長頸鹿走來走去
Resort周圍常有長頸鹿走來走去
長頸鹿旁的是水羚
長頸鹿旁的是水羚
北方黑白疣猴
北方黑白疣猴
Lake Naivasha Sopa Resort(環境篇)

在每個國家公園內的酒店,也會列出它的所在地,但不是平常的地址,而是經緯度,以及海拔高度,我們距離赤道很近啊

Sopa Lodges是當地一個連鎖品牌,在肯亞及坦桑尼亞有多間渡假村,由門口、大堂、餐廳、房間也跟環境非常配合,磚木結構,一派古雅如小農舍的模樣,環境十分寬敞。我們一進到大堂,坐在舒服的沙發上填寫登記表格,接待員已送上歡迎果汁

整個渡假村佔地方非常之大,周圍種植了不同植物,感到已經好原野了。由於它不是在國家公園範圍之內,所以,除河中有河馬之外,都不會有任何危險性動物出沒,然而,換來好多可愛的動物隨意周圍走動,例如長頸鹿(Giraffe)、水羚(Waterbuck)、北方黑白疣猴(Northern Black & White Colobus)……等等,亦是我們第一次跟動作如此親近,所以,這裡猶如一個小型野生動物園。其他設施,如泳池、健身房、桑拿、酒吧……,都一樣齊全。

評分: 設備4   服務4   環境4   衛生4   抵住4
獨立小屋外觀
獨立小屋外觀
獨立小屋後面
獨立小屋後面
獨立小屋,上有露台,下有小花園。
獨立小屋,上有露台,下有小花園。
我跟太太所住的房間:45號。
我跟太太所住的房間:45號。
房內環境
房內環境
房內環境
房內環境
房內環境
房內環境
房內環境
房內環境

看完Lake Naivasha Sopa Resort的環境,是不是很美呢?刻意用上「住屋篇」,而不是住「房」篇,因為真的意想不到,原來在肯亞國家公園內的住宿,是如斯豪華,也許,平常去旅行都只不過是三、四星級酒店,三面牆一扇窗的房間,到了這裡卻是不一樣的感覺

整個渡假村共建造了21座獨立小屋,一屋上下左右共4個房間,每個房間十分之大,像洗手間也比小弟家中的客飯廳還要大。上層有露台,下層有小花園,而房內設備一應俱全,有wifi、電熱水壺、吹風機、書枱、衣櫃……等等

就連鎖匙牌也很有趣,雕刻了酒店的名字,還有河馬的圖像,我跟太太住在45號房間。

因為是旅行社安排,不知房價是多少,但往官網查看,一個雙人房在暑假旺季,可要美金三百多一晚,真是不便宜的消費

評分: 設備4   服務4   環境4   衛生4   抵住4
用餐時間
用餐時間
環境非常有特色
環境非常有特色
食物擺放區
食物擺放區
先來一客叫人開胃沙律加生果的
先來一客叫人開胃沙律加生果的
餐湯:Roma Minestrone
餐湯:Roma Minestrone
熱盤
熱盤
甜品
甜品

分配好房間,安頓好一切,都是吃午飯的時間了。渡假村的餐廳就在大堂側,一般用膳時間都有所規定,午飯安排在正午12:00-2:30pm,而且,早、午、晚菜單都印備好釘在大堂的壁報板上。

雖然不像香港的自助餐有數十至過百款食物,但是日的午餐很豐富啊,餐湯、麵包籃、芝士盤、沙律吧、多款熱盤、意粉、生果、甜品,款式不少,個吃菜式的味道就不多談,但整體水準絕對不俗,看我一碟又一碟不停吃就知不錯吧,再者,餐廳環境那樣有特色,就好像在歐洲的莊園吃飯的樣子呢

另一邊,啡茶自助,還有美祿及朱古力粉供應呀,而店員亦很友善,臉上常帶笑容。

由於訂房可選全食宿(Full Board,包足早午晚三餐)或半食宿(Half Board,只包早晚兩餐),所以,菜單之下亦標明了價錢,自助午餐每位KSH1,750,自助晚餐每位KSH1,950,從而可知,午餐跟晚餐的種類及款式會是相差無幾

評分: 味道4   服務4   環境4   衛生4   抵食4
Hell's Gate National Park正門入口
Hell's Gate National Park正門入口
Hell's Gate National Park地圖
Hell's Gate National Park地圖
可進行攀崖活動
可進行攀崖活動
具挑戰而刺激好玩的行山徑
具挑戰而刺激好玩的行山徑
具挑戰而刺激好玩的行山徑(朋友照片)
具挑戰而刺激好玩的行山徑(朋友照片)
Hell's Gate National Park部份地形風貌(導師照片)
Hell's Gate National Park部份地形風貌(導師照片)
獨特的層積岩(導師照片)
獨特的層積岩(導師照片)
在Hell's Gate National Park內的小商販
在Hell's Gate National Park內的小商販
Hell's Gate National Park的地下湧泉

由渡假村駛至「地獄門」途中,已看到野生斑馬及疣豬,已開始感到有少少興奮。雖然,同樣被稱為國家公園,但地方不及之後幾日進行Game Drive的國家公園大,而且,遊這個公園,可不需要駕車,以行山形式,走路也可以

雖然,可以不需要導遊,但為安全起見,一般遊客會被「建議」安排「導遊」,當然,是另外收費的,但是,也只不過是三幾元美金,相比起每人USD25入場費,只是一項小費而已。

由於午飯過後才來,來得較晚,所以,只可以行幾個主要景區,行至5:00pm便要打道回府,否則,再行另一條路便是繞一個大圈,返點渡假村便有點夜。其實,這個國家公園較少人到訪,因為並非看動物的熱點,但獨特的層積岩及地下湧泉,又是另一番行山體會,話不多說,看看照片吧

參觀時段: 下午
入場價錢: 每人25美元
評分: 值得去4  
晚上的餐廳環境
晚上的餐廳環境
沙律、生果
沙律、生果
餐渺、麵包
餐渺、麵包
熱盤
熱盤
甜點
甜點

由於Lake Naivasha Sopa Resort的午餐篇已分享了不少,所以,在此就不太累贅,只想說晚餐跟午餐種類上大同小異,只是菜式稍微豐富一點,但環境感覺上更富情調,很有在古堡的風情

順帶一句,晚飯後返回房間,是要召喚護衛護送的,不是甚麼耍大牌,渡假村絕不建議遊客在晚間自由行動,因為渡假村對外的納瓦莎湖內有很多河馬,天亮時河馬是會潛在水內,晚上才上岸覓食,雖然牠們不會主動襲擊人類,可是亦有一定危險性,有興趣可在房內露台遠觀。不過,周圍漆黑一片,不容易看到

評分: 味道4   服務4   環境4   衛生4   抵食4
  0 個留言    |  加入你的留言
肯亞野生動物15天大歷險 (肯亞)
(旅程日期: 2013-07-20 至 2013-08-03 ,  旅程性質: 觀光攝影, 生態探險, 消閒度假)
 整個旅程  (共13篇遊記)
 分享至Facebook 
發表日期: 2015-02-02

其實,安排15日的肯亞之旅的確有點長,不過,難得跟導師一家相聚,長一點又何妨!除了到蠻荒草原之外,內羅比市內值得遊覽的景點不太多,故此,我們在行程上又可以安排得輕鬆一些,每天兩至三個景點,悠閒細味

行程的第三日,在賓館食過早餐後,10:00am便出發前往第一個景點:「The Elephant Orphans(大象孤兒院)」,距市中心大概30分鐘車程。

中午,離開大象孤兒院,前往Bomas of Kenya(肯亞民族村),先在村內古樸環境下用膳,之後,才遊覽民族村。

輕輕鬆鬆渡過一天,旁晚,返回市內The Junction Mall,在美食廣場吃點東西,早些回賓館休息,並收拾好行裝,因為,明天大清早就要起行,開始我們所熱熾期待一連5天的「薩伐旅」之行

環境好飯堂的格局
環境好飯堂的格局
旁邊附設洗手盆,十分講求衛生。
旁邊附設洗手盆,十分講求衛生。

Rosa的宿費已包括早餐,始終是一所退修營,並不是酒店,所以早餐供應時間只在7:00-8:00am。用餐地方在地庫層,模樣像飯堂般,一切都是自助形式。

食物方面,有麵包、果醬、牛油、煎蛋、煎腸,還有一些香蕉、牛油果(肯亞有出產牛油果,而且十分之大個,價格亦很便宜),飲品可選擇果茶、咖啡或熱奶,多日以來亦沒有怎樣出現轉款,所以,每朝到來不會花太多時間,也是吃飽就行

每人消費: 約0肯尼亞先令 (早餐)
評分: 味道3   服務3   環境3   衛生4   抵食4
有關「大衛野生動物基金」的簡介
有關「大衛野生動物基金」的簡介
較大的小象住處
較大的小象住處
較小的小象的住處
較小的小象的住處
被遺棄的孤嬰小象
被遺棄的孤嬰小象
全場最細的小象(三個半月大)
全場最細的小象(三個半月大)
小象跟人的親切接觸
小象跟人的親切接觸
進行領養小象手續
進行領養小象手續
相關紀念品銷售
相關紀念品銷售

正確一點來說,這是由大衛野生動物基金所處理的一個「孤兒」項目(Orphan’s Project),所說到的孤兒是指到小象與黑犀牛,基於多種原因,如父母死亡、走失,基金會的人員便會在國內不同的國家公園尋找並收留被遺棄的孤嬰,再送來這裡看顧,待長大至一定程求才送回野外

大部份遊人到此,主要都是看看一些孤嬰小象,而全場最細的小象只有三個半月,用毛巾包裹著牠,可不是在打扮啊,因為肯亞温差大,此刻肯亞早晚只有攝氏十度左右,但正午在日光下可以達到廿多度,所以,怕牠冷倒才給牠加點毛毯。

此外,亦有領養小象服務,當然,這也只是名義上的「領養」,而領養過後,基金會會定時寄給你被領養小象的近況;還有一些相關的紀念品作銷售。

參觀時段: 早上
入場價錢: 每人500肯尼亞先令
評分: 值得去4  
餐廳門面
餐廳門面
餐廳整體環境,鄉郊風情,令人心曠神怡。
餐廳整體環境,鄉郊風情,令人心曠神怡。
餐廳環境
餐廳環境
餐廳環境
餐廳環境
餐牌
餐牌
餐牌(部份)
餐牌(部份)

Utamaduni Restaurant設於肯亞民族村(Bomas of Kenya)外圍,屬非付費區,所以,不用入村也可以光顧。

餐廳最大賣點就是環境,用餐區都是戶外一間一間的民族村舍,有一層的,有兩層的,好有鄉郊風情;而周圍都是被樹木森林所包圍,廣闊無邊,加上遊人不多,不單寧靜閒適,更有種與大自然共諧的感覺,上班的日子就不好說,就是星期天,我等城市人亦難得在這類地方吃頓午飯

這裡所提供的食物很多元化,有沙律、西湯、小食、意粉、主菜、甜品,亦有一些傳統菜,雖然是屬於旅遊點的餐廳,但定價出乎意料之便宜,好像一客拿坡尼意粉才KSH320(~HKD29)、一份烤雜扒賣KSH420(~HKD38),飲品都只不過是KSH70-180,而且,份量十足,沒有將貨就價,味道又不俗,認真抵吃。我們一行13人,一人點了一個菜加杯飲品,總數都只不過是KSH7,100(~HKD647),為起每人HKD50左右。

每人消費: 約550肯尼亞先令 (午餐)
評分: 味道4   服務4   環境4   衛生4   抵食4
肯亞民族村的收費及文化舞蹈節目表
肯亞民族村的收費及文化舞蹈節目表
文化舞蹈表演場地(導師照片)
文化舞蹈表演場地(導師照片)
是日的觀眾不多
是日的觀眾不多
不同民族的舞蹈表演
不同民族的舞蹈表演
在外邊,巧遇大蜥蝪。
在外邊,巧遇大蜥蝪。
不同族群的房屋
不同族群的房屋
不同族群的房屋
不同族群的房屋
小商販售賣紀念品
小商販售賣紀念品

聽見「民族村」,相信不用多介紹是甚麼來的一個旅遊點,由於,肯亞有超過70個部族,較出名的如馬賽族、吉庫猶族、索馬里族……等等,所以,住房、衣著都各有不同特色,可稍微了解這國度奇妙的多樣性

村內最主要都是展示部份族群的房屋,小小的民族縮影,另外,每日也有一場文化舞蹈表演,個多小時裡,有不同民族的舞蹈及音樂表演,雖然聽不懂,但耐心地看,倒是有點趣味

故此,在民族村裡吃過午飯,再看看表演,之後在村內四處遊走,近出口位置又有些手工藝品的小攤檔,這樣,剛好輕鬆地就打發了整個下午的時間。

參觀時段: 下午
入場價錢: 每人600肯尼亞先令
評分: 值得去3  
  0 個留言    |  加入你的留言
肯亞野生動物15天大歷險 (肯亞)
(旅程日期: 2013-07-20 至 2013-08-03 ,  旅程性質: 觀光攝影, 生態探險, 消閒度假)
 整個旅程  (共13篇遊記)
 分享至Facebook 
發表日期: 2015-01-31

雖然與太太去過不少地方,但來來去去也是亞洲等地,被問及何時帶她衝出亞洲,機會就出現了。事緣以前所認識的一位導師在東非的肯亞(Kenya)工作,在回港述職時,因一次的聚餐分享造就了這次肯亞之旅。

這15天的旅程中,導師一家5口,加上我們由香港來的一行8人,是以半自由行模式來旅遊,意思是在肯亞首都內羅比(Nairobi)有導師為我們安排包車,按我們的喜好遊覽不同景點;而到不同國家公園進行「薩伐旅」(Safari),就一定要透過當地旅行社安排,不過是以包團形式,所以,很多時候還有很大的自主性。大致行程如下:
Day 1 & 2 - 晚上飛機,第二日清晨到內羅比,Massai Market at YaYa Centre(馬賽市場);
Day 3 - The Elephant Orphans(大象孤兒院),Bomas of Kenya(肯亞民族村);
Day 4 - Great Rift Valley(大裂谷),Lake Naivasha(納瓦莎湖),Hell's Gate National Park(地獄門國家公園)
Day 5 - Lake Nakuru National Park(納庫魯湖國家公園);
Day 6 - Ol Pejata Conservancy / Sweetwaters(奧彼傑特保護區);
Day 7 - Ol Pejata Conservancy / Sweetwaters(奧彼傑特保護區);
Day 8 - 中午離開奧彼傑特保護區,回內羅比;
Day 9 - Mamba Village(鱷魚場);
Day 10 - Langata Giraffe Centre(蘭佳塔長頸鹿中心),Karen Blixen Museum(凱倫博物館),Carnivore烤肉店;
Day 11 - Nairobi National Park(內羅比國家公園),探訪導師之家;
Day 12 - Nairobi National Museum(內羅比國家博物館),American Embassy Memorial Garden(美國大使館紀念公園),KICC(肯亞塔國際會議中心);
Day 13 - Massai Market at The Junction Mall,整理行裝;
Day 14 & 15 - Village Market,晚上飛機,第二日旁晚回到香港。

由於首兩天行程不多,就在此多分享一些感受。在這次旅程中,有很多意想不多的體驗,果真讀萬卷書不如走萬里路,雖然時值夏天到肯亞,卻不是火燙的熱辣,不是說笑,很多時候小弟還要穿上「搲毛」外衣保暖,原來內羅比位處海拔千多米高地,早晚非常寒冷,只有攝氏十多度(註:內羅比在馬賽語就是「冷水」的意思);此外,本以為在非洲會是吃不好、住不舒,怎知道在5日的「薩伐旅」是小弟人生以來在旅行上,吃得上好,住得最豪,稍後在每日行程的分享,你便會知道。總之,這一趟旅程,顛覆了很多對非洲的固有觀念。當然,在「薩伐旅」跟野生動物近乎零距離的接觸,是另一份深刻的體會;沒有想過會到的國家,沒有想過會見到的事物,一切都帶來了深刻體驗!

第1餐(晚餐)
第1餐(晚餐)
第2餐(早餐)
第2餐(早餐)
輕鬆小食
輕鬆小食
第3餐(早 / 午餐),內裡是奄列配薯餅!
第3餐(早 / 午餐),內裡是奄列配薯餅!
第4餐(午 / 晚餐),當地時間計,是吃午餐,但以香港時間計,這應該是晚餐了。
第4餐(午 / 晚餐),當地時間計,是吃午餐,但以香港時間計,這應該是晚餐了。

如果想坐得飛行時間最短的,當然肯亞航空直航飛往內羅比是首選吧!雖說「直航」,要在杜拜機上停留1個小時,不過,打打遊戲機時間很快過去,但此時大部機上的乘客都做著指定動作 - 「伸伸懶腰,郁郁手腳」

香港時間8:20pm起飛,翌日內羅比時間6:20am到達,前後是14個小時的飛航(包括1個小時在杜拜停留),長途機而言,算不上很長了。而整個航程,一共派了4次飛機餐,有正餐,有早餐,可說是吃飽就睡,睡醒又吃。座位有獨立視聽娛樂,看看電影,睡睡覺,也算容易打發時間。

題外話,當時直航機票價錢是HK$9,805(HK$7,450 + HK$2,355),一點不便宜,不過,其他航空公司的價錢也差不多。

評分: 味道4   服務4   環境3   衛生4   抵食4
Nairobi Baptist Church
Nairobi Baptist Church
主日崇拜情況
主日崇拜情況

這麼難得一大班弟兄姊妹同遊肯亞,亦都沒有放過一同參與當地的崇拜。在歐洲,參觀莊嚴宏偉的教堂是旅遊景點之一,但在肯亞,絕對不是一個旅遊項目,但卻是一段滿有喜樂的時光

雖然,整個崇拜過程都是全英語,聽起來不是太明白,但詩歌部份十分輕快,部份歌詞加入當地語單詞,很容易跟著同唱,敬拜隊領唱時還加插少少身體動作,隨歌起舞,很讓人想起了電影「修女也瘋狂」的片段

參觀時段: 早上
入場價錢: 每人0肯尼亞先令
Yaya Centre(正門)
Yaya Centre(正門)
Yaya Centre(內部)
Yaya Centre(內部)
Yaya Centre(內部)
Yaya Centre(內部)
在Yaya Centre天台的Massai Market(馬賽市場)
在Yaya Centre天台的Massai Market(馬賽市場)
Massai Market(馬賽市場)
Massai Market(馬賽市場)
各種手工藝品
各種手工藝品
各種手工藝品
各種手工藝品
各種手工藝品
各種手工藝品

崇拜過後,到附近一個小型商場Yaya Centre,目的只有兩個:吃和看,吃是吃午飯,看是參觀在內羅比市常見的Massai Market(馬賽市場),這就好像我們的「女人街」或「廟街」模樣,有很多小攤檔,售買很多工藝品、紀念品,而這些馬賽市場是在不同地點、不同日子開放的,事前真要問清楚,免得白走一趟

Yaya Centre不是很大,亦沒有太多商鋪,至於它的馬賽市場位處商埸天台(http://www.yaya-centre.com/?page_id=1424),只在星期日開放,小攤檔排得滿滿,而在這些地方買東西,可真要大刀闊斧地講價,據導師講,他們一般都把售價抬高一倍多。

另外,在肯亞,治安好絕對不是,治安差又說不上,但到任何地方,你都見到有持槍的警衛看守,無論住宅、商場、旅遊點,就連今早到教會,入去前也需經安檢啊

參觀時段: 下午
入場價錢: 每人0肯尼亞先令
評分: 值得去3  
2/F的美食廣場Food Loft
2/F的美食廣場Food Loft
美食廣場環境
美食廣場環境
Saffron門面
Saffron門面
Saffron的餐牌,好有心思。
Saffron的餐牌,好有心思。
不同醬料、咖喱羊、天多尼烤雞、馬沙拉雞。
不同醬料、咖喱羊、天多尼烤雞、馬沙拉雞。
羊肉印度飯、馬沙拉魚、牛油印度烤餅、蒜蓉印度烤餅。
羊肉印度飯、馬沙拉魚、牛油印度烤餅、蒜蓉印度烤餅。
在另一間食肆所點的中式小炒
在另一間食肆所點的中式小炒

Yaya Centre樓上有一個小型美食廣場(Food Loft),說它是「小型」是因為數十個公眾座位,食肆只有3間而已。其中賣印度菜的Saffron(Saffron即是「番紅花」,是一種名貴的印度香料)是導師的推介,不過,我們也從另一間Chinese Kitchen & Dim Sum House點了兩道中式小炒,看看水準如何,還有一家Primi Piatti是賣意大利菜的。

在肯亞的第一餐,雖然不是甚麼特色菜,但大家也吃得很開心,也許,大家從沒有想過可以在肯亞跟導師一家相聚。我們點了咖喱羊、馬沙拉雞、馬沙拉魚、天多尼烤雞、羊肉印度飯、牛油印度烤餅、蒜蓉印度烤餅……等等,睇外觀有點「信心」保證,吃罷感覺整體有水準,惹味非常,始終看到廚子也是個印度人,相信質素也差不了多少。(供參考,它們的餐牌:http://www.yaya-centre.com/?page_id=2666)

至於,另外兩碟中式小炒:生炒骨及炒菜,味道故然及不上在香港吃的好,但算是弄得有板有眼吧!

此外,我們還點了不少飲品,如芒果乳酪、芒果汁、熱情果汁……等等,KSH200-250一杯,相等於HKD18-23,不算貴啊(肯亞先令Silling無跟香港有直接兌換率,要使用美金兌換,折算後,大概HKD1=KSH10.974)。順帶一提,肯亞好多物資都是進口的,不要以為是非洲地方,就是窮鄉僻壤似的,當然,這裡窮人不少,但富有人亦多,物價也可不便宜,基本上,在外吃一頓飯,跟香港差不多。就以這一餐為例(沒有加一,卻已包了18%稅款),結帳為KSH7,780(~HKD710),平均每人消費HKD55,跟在香港吃一頓午餐差不多吧

推介菜式: 咖喱羊、馬沙拉雞、天多尼烤雞、羊肉印度飯、印度烤餅
每人消費: 約600肯尼亞先令 (午餐)
評分: 味道4   服務4   環境3   衛生4   抵食4
The Junction Mall
The Junction Mall
The Junction Mall(內部環境)
The Junction Mall(內部環境)
The Junction Mall也很現代化
The Junction Mall也很現代化
超級廣場Nakumatt
超級廣場Nakumatt
Nakumatt內甚麼也有得買
Nakumatt內甚麼也有得買
Nakumatt(內部)
Nakumatt(內部)
Nakumatt(內部)
Nakumatt(內部)
Nakumatt(內部)
Nakumatt(內部)

我們在內羅比是住在一間教會辦的Guest House(賓館),類似B&B的,首先是因為「平靚正」,又近導師的住所,其次最大誘因就是距離5分鐘不到的步程,就有一個大商場「The Junction Mall」。其實,就在賓館的對面,就是一條馬路之隔,只是要稍稍繞路走到商場正門或另一邊停車場入口。

始終,內羅比的治安不是太好,我們在內羅比市內前後也逗留近一個星期的時間,走得太遠是件危險事。有這個大商場不單可打發部份空餘時間,亦成為我們增購物資、買手信、吃飯及兌肯亞先令的地方,生活上的需要大都可以在這裡找到。

因為商場內甚麼店舖也有,衫褲鞋襪、書店、銀行、診所、藥房、餐廳……一應俱全,就連電影院也有,最估不到的是賭場也有一個,不過,我們最常去就是位處地下的Nakumatt(http://www.nakumatt.net/),等同家樂福,是一間真真正正的超級廣場,甚麼日用品也有,甚至傢俬及大型電器都有售,在內羅比市內亦有很多分店

參觀時段: 下午
入場價錢: 每人0肯尼亞先令
評分: 值得去4  
Nairobi Java House
Nairobi Java House
室內環境闊落
室內環境闊落
餐牌
餐牌
Passion Juice
Passion Juice
Tropical Mix Smoothies
Tropical Mix Smoothies
Wraps with Turkey, Cheese & Avocado
Wraps with Turkey, Cheese & Avocado
戶外環境亦很開揚
戶外環境亦很開揚

因為大家都坐了整日飛機,所以,第一天到達內羅比亦不宜玩得太晚,下午逛過The Junction Mall,了解完整個商場的環場,近旁晚的時分,就來一頓早鳥晚餐,吃罷就返回退修渡假村安頓,及早點休息。

在The Junction Mall,除了一個中型美食廣場外,還有幾間餐廳,以Java、Artcaffe及Dormans這幾間連鎖店頗出名,因為肯亞的咖啡豆國際馳名,故此,這類咖啡餐廳它十分受歡迎,猶如在香港常見的Starbucks及Pacific Coffee,不過,所賣的食物既多樣化,而價位實屬相宜

今日先試Java,其實,環境非常好,樓高兩層,地方大,樓底高,大部份都是皮梳化椅,坐得很舒服,也有露天位,不過,是夜有點涼。

翻一翻餐牌,有很多選擇,Breakfast Menu、Salad、Sandwiches、Burgers、Chicken、Steaks……等等,飲品不單咖啡,還有Kenyan Tea、Shakes、Fresh Juices、Yogurt Smoothies……,實在令人三心兩意。

可能早吃飯,太太還未肚餓,所以,我們二人只點了一杯細杯Passion Juice(KSH180)、Tropical Mix Smoothies(KSH280)及一份Wraps with Turkey, Cheese & Avocado(KSH600)。熱情果汁頗為酸香,入口讓人為之一震,我的絲慕雪(Smoothies)果味濃郁,清爽涼快,而那一份牛油果芝士火雞卷,內裡餡料填得滿滿,啖啖實在,別看它「個子」短短,也是很叫人飽肚的,火雞卷還附上一小碗生果,確是健康之選

推介菜式: Smoothies, Wraps
每人消費: 約550肯尼亞先令 (晚餐)
評分: 味道4   服務4   環境4   衛生4   抵食4
Rosa Mystica Spiritual Centre四周環境
Rosa Mystica Spiritual Centre四周環境
Rosa Mystica Spiritual Centre四周環境
Rosa Mystica Spiritual Centre四周環境
Rosa Mystica Spiritual Centre四周環境
Rosa Mystica Spiritual Centre四周環境
Rosa Mystica Spiritual Centre接待處
Rosa Mystica Spiritual Centre接待處
宿舍內
宿舍內
房內環境
房內環境
房內環境
房內環境
房內環境(洗手間)
房內環境(洗手間)
Rosa Mystica Spiritual Centre

Rosa Mystica Spiritual Centre雖然是教會辦的,但基本上任何人都可以租住,而且,人流亦沒有那麼複雜,環境亦十分清幽、寧靜

房間有單人房、雙人房,由於不是甚麼酒店,設備是會簡陋一點,好像香港所見的政府或一些宗教團體辦的渡假營,但至少環境淨潔。而房價亦很便宜,雙人房每晚也只是KSH3,500,即大概HKD320一晚,已包了簡單的自助早餐,質素不高,但一定吃得飽飽。

另一個優點,就是房內接收到免費wifi,讓各人可以繼續跟外界保持聯絡

每晚價錢: 3500肯尼亞先令 (雙人房)
評分: 設備3   服務3   環境3   衛生4   抵住5
  0 個留言    |  加入你的留言
韓冬風遊釜慶濟 (韓國)
(旅程日期: 2012-12-12 至 2012-12-19 ,  旅程性質: 觀光攝影, 飲食購物, 消閒度假)
 整個旅程  (共8篇遊記)
 分享至Facebook 
發表日期: 2013-12-25

嚟到嘅旅程最後一日,行程都無乜點計劃,唔好搞咁多嘢,等大家瞓晏啲,因為1:20pm航班,由西歸蒲市坐機場巴士返濟州市又要成個幾鐘車,計埋有可能遇到啲阻滯,所以提早10:00am出發去機場。不過,小弟可能年紀大,晨朝早就醒鬼咗,又瞓唔番,所以就一支公去咗附近嘅新緣島跨海大橋睇睇,回程時,又無意發現仲有多一個世遺「景點」

時近中午,出到濟州機場,因為大家仲未食早餐,所以先晌機場整番碗鮑魚粥先上機。之後,辦登機、搞離境,一切都順順利利,準時
1:20pm起飛,結束依次8日韓國嘅「釜慶濟 」之旅。

是日天氣:3℃~ 4℃ 陰

新緣島跨海大橋及附近港口全景
新緣島跨海大橋及附近港口全景
大橋嘅近鏡(一)
大橋嘅近鏡(一)
大橋嘅近鏡(二)
大橋嘅近鏡(二)
新緣島跨海大橋夜景
新緣島跨海大橋夜景

新緣島跨海大橋,喺西歸蒲市新興景點之一,外型有啲似杜拜嘅帆船酒店,夜晚開咗燈都唔錯,我估日落景都可能唔錯,不過依幾日天氣真喺差啲。

對於當地旅客而言,佢嘅主要功能都喺接駁對面新緣島嘅「偶來小徑」健行步道。其實「跨海」一截唔喺好闊啫,都要搞條咁有型嘅大橋,感覺喺大陣像咗啲啫。順路睇睇無妨,專燈走去睇就無謂嘞。不過,晌附近唔遠仲有個天地淵瀑布,可以考慮夾埋一齊去望望

參觀時段: 早上
入場價錢: 每人0韓圓
評分: 值得去2  
西歸蒲層貝類化石產地
西歸蒲層貝類化石產地
詳細說明
詳細說明
個別化石層介紹
個別化石層介紹
啲人將石頭層層疊起仲有趣!
啲人將石頭層層疊起仲有趣!
層貝類化石產地就晌新緣島跨海大橋入口位
層貝類化石產地就晌新緣島跨海大橋入口位
睇完新緣島跨海大橋之後,打算離開,就正正晌橋口原來有個「世遺」景點,簡直「細遺」,細到好唔顯眼,經過都會遺漏嘅「景點」,而且旅遊書都唔會介紹嘅「景點」。

與其講喺景點,就似喺歷史遺址,形成過程自行細閱介紹牌就知,不過,除主介紹牌有中文之外,其他個別化石層就只有韓英兩文。

小弟對地理嘢唔多識,所以唔大興趣詳細睇,望望就算,除非你喺對岩石好有研究,否則順路先「到此一遊」就夠晒。反而周邊有啲人將石頭層層疊起,仲有趣味啲! 
參觀時段: 早上
入場價錢: 每人0韓圓
評分: 值得去2  
향토음식점(Local restaurant)
향토음식점(Local restaurant)
全韓文燈箱餐牌
全韓文燈箱餐牌
附有英文嘅餐牌
附有英文嘅餐牌
室內環境,簡約自助!
室內環境,簡約自助!
鮑魚粥KRW12,000
鮑魚粥KRW12,000
鮑魚粒唔錯,可惜少啲!
鮑魚粒唔錯,可惜少啲!
比起飛內陸航線嘅國內機場,晌隔離嘅濟州國際機場明顯細好多,不過,都有餐廳樓層,位處4/F,有數間餐廳。嚟咗濟州,因為頭兩日大家身體狀況一般,之後晌西歸蒲市見到唔少有興趣嘅小店,但望落太地道,乜都韓文,怕難溝通,所以一直未有機會試鮑魚粥,所以嚟到機場餐廳層,當然晌幾間餐廳揀嚟依間打正旗號賣濟州本土菜嘅향토음식점,直譯就喺「本土菜餐廳」,賣嘅就喺濟州嘅傳統鄉本飲食

門口有個燈箱餐牌,全韓文,幸好圖文並茂,見到有碗疑似鮑魚粥,都唔理得咁多,入去坐低先講。原來,收銀處仲有啲附有英文嘅餐牌,咁就肯定得更多。室內環境較簡約,形式有少少似茶記,有侍應嚟落單、上菜,埋單就自己去櫃枱搞掂。我哋4個人都一齊點晒鮑魚粥,碗碗盛為KRW12,000,為起港紙都要成HK$90一碗

粥底唔似我哋廣東人啲粥咁綿,仍然帶有點點米粒,但味道唔錯,有些鮮味,不過,粥內鮑魚粒唔喺好多,但都已經煮腍好晒,煙韌爽甜。晌天寒地凍嘅濟州,有碗滾熱辣嘅粥落肚,其實都可以好窩心
每人消費: 約12000韓圓 (午餐)
評分: 味道4   服務3   環境3   衛生4   抵食4
濟州國際機場候機室
濟州國際機場候機室
準時上機!
準時上機!
又準時起飛!Good!
又準時起飛!Good!
個飛機餐算唔錯喎!
個飛機餐算唔錯喎!
驚喜,竟然有HD雪糕做甜品!
驚喜,竟然有HD雪糕做甜品!
回程之途實在好順,由西歸蒲去機場無乜遇到阻滯,又準時登機,亦準時起飛。原定3:35小時機程,仲早咗15min抵達香港

諗住回程飛機餐應該無咩特別,都唔晒點記錄落嚟,果然,甜酸醬炸魚柳飯,加個意大利粉沙律,但叫有啲驚喜喺有HD雪糕做甜品,都算喺咁啦!
每人消費: 約0港元 (午餐)
評分: 味道3   服務4   環境3   衛生4   抵食3
  0 個留言    |  加入你的留言
韓冬風遊釜慶濟 (韓國)
(旅程日期: 2012-12-12 至 2012-12-19 ,  旅程性質: 觀光攝影, 飲食購物, 消閒度假)
 整個旅程  (共8篇遊記)
 分享至Facebook 
發表日期: 2013-11-13

由於之前計劃要晌濟州遊覽嘅景點都去晒,所以今日行程好隨意,好輕鬆,但都要醫肚先。餐餐韓國嘢,突然有少少懷念漢堡包,故此早餐走咗去「每日多萊市場」附近嘅Lotteria食早餐。之後,打的前往中文觀光園區(중문관광단지)逛一逛。

天氣突然變差,個天又灰又黑,原以為落雨,點知原來落雪,嘩!真喺意外收鑊呀。晌中文觀光園區內,有好多博物館及頂級住宿酒店,例如:泰廸熊博物館、信不信由你博物館、如美地植物園、樂天飯店、新羅飯店……等等。不過,我哋就去咗樂天飯店及The Seaes Hotel & Resort(韓劇秘密花園外景場地之一),又去咗濟州國際會展中心!

晏晝4:00pm返回廉宿休息一下,5:00pm再出動,貪無聊走咗入當地藝術家李仲燮藝術館,可惜唔多嘢睇。傍晚又去「飯卷天國」搵食,跟住去附近嘅Family Mart入入貨買啲手信及零食,早啲返回廉宿,收拾定行李,準備聽日回歸之路。

是日天氣:3℃ ~ 4℃ 陰.雨.雪

西歸浦市地圖
西歸浦市地圖
晌廉宿附近嘅食街
晌廉宿附近嘅食街
食街地圖,喺咪好多選擇呢?
食街地圖,喺咪好多選擇呢?
  市內一啲街頭藝術
市內一啲街頭藝術
市內街景
市內街景
市內街景
市內街景
當日見到候選總統朴槿惠嘅拉票隊伍
當日見到候選總統朴槿惠嘅拉票隊伍
好得意嘅店鋪裝潢
好得意嘅店鋪裝潢
濟州島主要嘅市區地域就分別喺濟州市同西歸浦市,但相比之下,感覺西歸浦市無咁繁華,一入夜都比較靜。既然都晌西歸浦市住兩晚,都上載啲相,少少哋介紹吓佢啦

 
參觀時段: 其他
評分: 值得去2  
久違嘅漢堡 笑臉2013-11-13
Lotteria紅底白字,好易認出。
Lotteria紅底白字,好易認出。
新推出嘅馬肉漢堡包
新推出嘅馬肉漢堡包
傳呼器,整好就會喺咁響,即喺有得攞喇!
傳呼器,整好就會喺咁響,即喺有得攞喇!
馬肉漢堡套餐,KRW6,200(不過圖上嘅炸雞唔晌套餐之內)。
馬肉漢堡套餐,KRW6,200(不過圖上嘅炸雞唔晌套餐之內)。
馬肉漢堡包,又真喺唔錯喎!
馬肉漢堡包,又真喺唔錯喎!

食咗好多餐韓食,今朝點都要轉轉口味,我依啲被麥記寵壞嘅一代,總想要食番餐漢堡,就晌每日多萊市場附近見到間Lotteria,就正如晌香港見到麥當勞咁,佢晌韓國比麥當勞更出名呀

由韓星宋仲基做代言,出咗款馬肉漢堡,貪得意梗想試一試,散叫一個包要KRW4,000,連薯條、餐飲就KRW6,200,小弟當然要套餐先夠滿足啦。其實個餐都唔平,為起港紙成HK$45,不過,最緊要啱食吖嘛

個馬肉漢堡都唔錯喎,跟食牛肉分別唔大,唔講真喺以為食緊牛肉。出面仍然天寒地凍,室內「暖笠笠」,仲要嘆住杯咖啡添,有啲唔捨得行出去呀!

每人消費: 約6200韓圓 (早餐)
評分: 味道4   服務3   環境4   衛生4   抵食4
樂天飯店
樂天飯店
樂天飯店大堂
樂天飯店大堂
樂天飯店內的免稅店
樂天飯店內的免稅店
相信大家都明回點解
相信大家都明回點解
樂天飯店都有個營地,不過外觀好高檔!
樂天飯店都有個營地,不過外觀好高檔!
泰廸熊博物館
泰廸熊博物館
信不信由你博物館
信不信由你博物館
Chocolate Land
Chocolate Land
樂天飯店門外巧遇下雪
中文觀光園區同我哋講嘅中文無關係,只喺地名一個,不過依處就喺個高消費嘅綜合旅遊樂園區,頂級住宿如新羅飯店、樂天飯店就座落於此,樂天飯店裡面嘅免稅店近乎為強國人而設,我哋幾個寒寒酸酸,只有打個轉就走。不過,好巧妙被我哋晌度遇到落雪,事後問番人西歸蒲市都無萵過雪,好似局部地區有,我哋都算走運。

除咗知名飯店外,依區都算有唔少嘢可以逛吓,例如如美地植物園、泰廸熊博物館、信不信由你博物館、濟州國際會展中心,附近又有沙灘、高爾夫球場、騎馬場……夠晒消磨成日架! 
參觀時段: 下午
入場價錢: 每人0韓圓
評分: 值得去3  
濟州國際會展中心
濟州國際會展中心
無展覽,所以靜啲!
無展覽,所以靜啲!
讓人唞一唞嘅輕食區
讓人唞一唞嘅輕食區
濟州國際會展中心(ICC)原本都唔喺計劃嘅行程之內,不過大家見有時間,就行過去睇吓。雖然喺地標之一,但外型唔算好突出,當日去到,因為又無咩展覽,所以旅客唔多,稍為有啲靜。 

佢就好似我哋香港個灣仔會展咁,除搞大型會議、展覽會外,仲有就喺搞表演、演唱會之類。中心內有少少商鋪,又有啲餐廳及咖啡店、輕食店,都可以嚟嘆個下午茶,hea番吓!
參觀時段: 下午
入場價錢: 每人0韓圓
評分: 值得去2  
Dunkin' Donuts主要賣咖啡及冬甩
Dunkin' Donuts主要賣咖啡及冬甩
餅櫃放有多款冬甩
餅櫃放有多款冬甩
行到攰攰哋,啱啱嚟到濟州國際會展中心地下,有個小商場,有啲咖啡店、輕食店,最好坐坐攤唞吓,食番個下午茶,補充一下

Dunkin' Donuts主打賣咖啡及冬甩,所以單單冬甩都有十多款,此外,仲有啲金寶批、果醬餡心蛋糕。我哋買咗3款冬甩試試,加杯咖啡、熱朱古力……

Almond Twiter (KRW1,300),前排長條扭繩形,冬甩味道一如常見嘅頗甜,沾滿杏仁粒,還不錯;
Dunkin's Cafe Mocha Roll (KRW1,300),後排左邊,雖則形狀唔同,但質感香軟依舊,有點點朱古力咖啡味;
Chocolate Chewisty (KRW1,300),後排右邊,一粒粒波仔串連一起,朱古力味比想像中濃。

外面天氣咁凍,真喺食多少少甜嘢補充下熱量先得
每人消費: 約5000韓圓 (下午茶)
評分: 味道3   服務3   環境4   衛生3   抵食3
接待處
接待處
對開有一排露天枱櫈,景緻開揚寬闊!
對開有一排露天枱櫈,景緻開揚寬闊!
周圍都喺綠樹、小徑,令人心廣神怡。
周圍都喺綠樹、小徑,令人心廣神怡。
秘密花園嘅Kiss Bench
秘密花園嘅Kiss Bench
西亞斯渡假村(The Seaes Hotel & Resort)值唔值得去,就好視乎你有幾迷韓韓喇,因為由元彬同河智婉所做嘅韓劇「秘密花園」,有一幕講佢哋去咗濟州,取景就喺晌依間酒店度,所以有幾個「景點位」仲插有當日劇照

不過,就算你唔喺韓迷,有時間,順道都可以過嚟逛逛依家5星級渡假村,外型好有令人渡假嘅感覺,酒店提供傳統風格嘅獨立別墅,又可俯瞰大海,仲有池塘、噴泉、小花園、散步道,可稱為住宿綠洲,渡假村就晌濟州國際會展中心附近,極方便嚟搞開會、參觀展覽嘅商務客。
參觀時段: 下午
入場價錢: 每人0韓圓
評分: 值得去4  
豬肉湯餃子
豬肉湯餃子
清湯烏冬
清湯烏冬
雜錦石頭鍋飯
雜錦石頭鍋飯
晌濟州嘅最後晚餐,本來打算食番餐好,不過,好似依樣唔啱,嗰樣又唔啱,所以索性去返「飯卷天國」食多餐,填飽肚就算喇!

菜肉餃子 KRW3,000
噚晚食過,見幾好就再「安哥」!

豬肉湯餃子 KRW3,500
好大碗,啲餃子又包得大大粒,絕對喺飽肚之選,不過,湯頭稍淡,叫做食番健康啲啦。

清湯烏冬 KRW3,000
果然好清湯,亦無乜餸料,還好喺烏冬都仲煙韌滑溜。

雜錦石頭鍋飯 KRW4,000
最好食喺依個飯,因為用石頭鍋做,效果甚有煲仔飯嘅感覺,乾身而香。
每人消費: 約3400韓圓 (晚餐)
評分: 味道4   服務3   環境3   衛生4   抵食4
  0 個留言    |  加入你的留言
韓冬風遊釜慶濟 (韓國)
(旅程日期: 2012-12-12 至 2012-12-19 ,  旅程性質: 觀光攝影, 飲食購物, 消閒度假)
 整個旅程  (共8篇遊記)
 分享至Facebook 
發表日期: 2013-09-21
今早,大家身體狀況都唔錯,相信好番無十足,都有九乘九,所以,卒之可以一嚐民宿崔姐姐嘅豐富韓式早餐啦。食過早餐之後,我哋都要收拾行裝,因為遊完今日嘅景點,會晌西歸蒲市嗰邊住。 

由於今日景點較多(雖然每個景點所花嘅時間唔長),所以都想早少少出發,又要有勞包車司機梁先生喇。可惜今日天氣麻麻哋,大部時間天陰,久唔久有陣雨,對行程影響唔大,但對心情影響不少。

朝早時段,喺先到晌濟州市附近嘅龍頭岩(용두암)影影相,順路經過神秘道路(신비의도로),跟住就一直南下,向偏西面進發,玩埋濟州西區,包括:噢雪綠茶博物館(설록차 뮤지엄 오설록)、玻璃城堡(제주유리의성),之後前往西歸蒲市。

午餐過後,開去旅館嘅路途上,順便參觀埋天帝淵瀑布(천제연폭포)及柱狀節理帶(주상절리대)兩個自然景觀。大概5:00pm梁先生送抵我哋晌西歸浦市住上兩晚嘅旅館!安頓好一切,晌附近打個轉,感覺西歸浦市無咁繁盛,屬大型啲嘅市鎮咁,由於附近無咩大商場或景點可去,故此,晚飯過後都早少少休息。

是日天氣:8℃ ~ 9℃ 陰.陣雨
喺咪幾豐富呢?
喺咪幾豐富呢?
平時自己晌屋企整早餐,都喺簡簡單單,麵包果醬,餐蛋治,邊有今餐咁豐富架!其實未嚟之前,晌芒果屋民宿嘅網頁,已見唔少人讚崔姐姐嘅早餐豐富又好食,今早卒之一嚐夙願啦

雖則話喺韓式早餐,其實小弟都唔喺太清楚點先至算喺韓式,總之眼前嘅早餐就豐富啦。有豆芽清湯、泡菜、煎豆腐乾、鹵牛展及雞蛋、炒雜菌,加埋一大碟炒飯,韮菜海鮮煎餅,整體味道唔錯,尤其個韮菜海鮮煎餅,表面帶點脆口,又好有韮菜香,只喺個鹵牛展鹹咗啲。查實,噚晚已見崔姐姐做定準備功夫架啦,好似牛展就更加要一早鹵定啦,夠晒誠意
推介菜式: 韮菜海鮮煎餅
每人消費: 約0韓圓 (早餐)
評分: 味道4   服務4   環境4   衛生4   抵食4
龍頭岩石碑
龍頭岩石碑
 龍頭岩介紹
龍頭岩介紹
行落去石灘就見到龍頭岩
行落去石灘就見到龍頭岩
遠少少望過去嘅龍頭岩
遠少少望過去嘅龍頭岩
龍頭岩
龍頭岩
附近就喺機場,所以好易睇到飛機升降!
附近就喺機場,所以好易睇到飛機升降!
附近有啲小食檔及土特產店。
附近有啲小食檔及土特產店。
位處濟州市北面海岸嘅龍頭岩,離市心極近,兜一兜過去睇睇都好快,所以喺個有唔少人到嘅景點

龍頭岩有成近10尺高,色澤灰灰黑黑,其實喺火山熔岩經過海浪、風化長年累月侵蝕而成嘅天然景觀,由於貌似龍頭破海而出,所以就叫龍頭岩。當朝海邊超大風,吹到頭暈,但為咗睇睇依個都頗為栩栩如生嘅「龍頭」,辛苦少少都要!但話時話,走落石灘行近啲睇,感覺無咁似,反而啱啱經石級落到石灘,遠睇仲神似
參觀時段: 早上
入場價錢: 每人0韓圓
評分: 值得去4  
韓英日中註解,唔怕睇唔明!
韓英日中註解,唔怕睇唔明!
遠嗰邊就喺起點,起點跟終點距離約100米左右。
遠嗰邊就喺起點,起點跟終點距離約100米左右。
神秘道路(或神秘之路)喺一條視覺反差嘅有趣路段,長約100米,原因由於周圍嘅丘陵地形跟附近樹木生長方向所做成嘅錯覺。當你明明望住條路好似落斜,但啲嘢反而會向上爬。其實當小弟身處路上,感覺唔明顯,都唔知邊面上邊面落,好似旅遊書中嘅「示範」咁,用水樽做吓實驗,無料到。如果有粒波子晌身,可能效果唔同啲!

由濟州市去西歸蒲市,如取道中部公道都順路可經,唔需要刻意車過去,所以依個景點順路到此一遊就無妨,「專燈」揸車過去睇就無謂喇
參觀時段: 早上
入場價錢: 每人0韓圓
評分: 值得去1  
噢雪綠茶博物館O’sullok Tea Museum
噢雪綠茶博物館O’sullok Tea Museum
館內有個瞭望台,可睇到對出嘅茶田!
館內有個瞭望台,可睇到對出嘅茶田!
內裡有好多展品,如杯、茶葉……等等。
內裡有好多展品,如杯、茶葉……等等。
茗茶班
茗茶班
炒茶工作坊
炒茶工作坊
茶葉相關產品,極多元化。
茶葉相關產品,極多元化。
綠茶產品,有茶葉、化妝品、文具……
綠茶產品,有茶葉、化妝品、文具……
館內當然唔少得一間cafe,多款跟茶有關嘅飲品或食品。
館內當然唔少得一間cafe,多款跟茶有關嘅飲品或食品。
「噢雪綠」喺韓國出名嘅茶葉生產商,又喺綠茶連鎖專賣店,而濟州因為它嘅氣候、降雨量、溫差都好適合綠茶樹生長,加上漢拿山具有有機物含量整高且滲透性極好嘅火山灰土,配合埋清澈嘅火山岩盤水,所以成為「噢雪綠」嘅主要生產地,故此晌度更開設咗韓國唯一以綠茶為主題嘅博物館

博物館分幾個部份,有古董茶杯展示,世界唔同地方嘅茶具,亞洲各國特色嘅茶葉,以及泡茶相關工具,其實地方唔喺好大,基本上輕輕鬆鬆一陣就行晒。此外,仲有啲炒茶工作坊、茗茶班,樓上另設立一個展望台,可以眺望對出一片綠意盎然嘅茶園風火山,如遇上天氣好,望著綠悠悠嘅茶園,可以令人感覺舒暢。博物館內梗唔少得自家品牌茶葉嘅銷售,行入啲就會見到有好多茶葉嘅相關產品,如茶葉、化妝品、文具……等等,自用送禮皆宜。假若無時間嚟濟州,「噢雪綠」晌首爾都有好幾間專賣店,而晌全國好多大型百貨公司亦搵到佢嘅蹤影。

如果愛好茗茶嘅人故然要預留時間啦,不過對飲茶一般,但鍾意飲飲食食嘅朋友,不愁無「細藝」,因為博物館盡頭開設咗間咖啡室,有不同綠茶飲品及甜點,綠茶控晌度就更唔捨得走喇!
參觀時段: 早上
入場價錢: 每人0韓圓
評分: 值得去3  
玻璃城堡入口正門及一對吉祥物
玻璃城堡入口正門及一對吉祥物
平面圖:供大家參考
平面圖:供大家參考
室內展品,玻璃交響樂團。
室內展品,玻璃交響樂團。
室內展品,玻璃歐陸小村。
室內展品,玻璃歐陸小村。
玻璃做嘅豆芽,栩栩如生!
玻璃做嘅豆芽,栩栩如生!
灰姑娘來了!
灰姑娘來了!
玻璃製嘅蔬果、花卉,真喺令人嘆為觀止。
玻璃製嘅蔬果、花卉,真喺令人嘆為觀止。
玻璃工藝體驗室及玻璃精品手信店。
玻璃工藝體驗室及玻璃精品手信店。
玻璃城堡晌2008年11月開幕,都算幾新,喺全韓國最大嘅玻璃主題公園,分室內及室外展覽區,共有6個唔同嘅主題,除獨創展品外,亦有搜集來自世界各地嘅珍貴玻璃藝術品,約有350多件作品

走進依個與眾不同嘅玻璃世界,對住五光十色、絢麗閃爍嘅玻璃工藝品,盡情睇, 盡情影,真喺要預番多啲時間。因為作品實在好獨特,又有趣,而且款式超多,如傑克與魔豆嘅樹莖、玻璃石頭爺爺、玻璃鏡迷宮、灰姑娘玻璃鞋、玻璃花園……精巧細緻,實在擺唔到太多相同大家分享,只好掃瞄佢個平面圖俾大家參考,有興趣登入佢網址了解多啲

除各式展品,亦有玻璃工藝體驗室,可學習玻璃吹製技術,不過要另外付費。至於尾站喺必然嘅手信店,不少玻璃精品,唔買睇下都好。由於玻璃城堡就晌噢雪綠茶博物館附近,相隔十來分鐘車程,好值得前往遊覽嘅一個主題公園。 
參觀時段: 下午
入場價錢: 每人9000韓圓
評分: 值得去5  
雖然得韓文,但有「樣辦」睇,手指指點菜無難度!
雖然得韓文,但有「樣辦」睇,手指指點菜無難度!
自助水機
自助水機
餐具自取
餐具自取
開放式廚房
開放式廚房
吉列豬扒飯
吉列豬扒飯
由於晌「噢雪綠茶博物館」、「玻璃城堡」嗰邊無咩好食,所以包車司機梁先生車我哋去西歸浦市再睇睇,最後去咗emart個food court,貪方便,夠快趣,又可以順道晌emart買吓手信,因為依度價錢平,款式多吖嘛

雖則話喺food court,但其實得一間鋪,只喺同時賣中、日、韓食物,而且所有指示全韓文,不過手指指點菜都應付到。穩陣啲,揀咗個吉列豬扒定食,賣7,000韓圜,為起港紙$50左右 ,抵食到痺啦,除咗大大件吉列豬之外,有飯又有烏冬,仲有泡菜、椰菜絲,而豬扒炸得鬆脆甘香,入口唔油膩,飯粒黏糯,整體質素不俗
每人消費: 約7000韓圓 (午餐)
評分: 味道4   服務3   環境4   衛生4   抵食4
濟州世界盃會場
濟州世界盃會場
2002年舉行嘅韓日世界杯,濟州世界盃會場就喺當年世界杯比賽場地之一,場館可容納40,000多人,設計亦好有心思,成個公園外形喺根據濟州島獨特地形而設計,頂幕又參照濟州傳統捕魚嘅魚網而製成。世界杯之後,繼續用作各種球類及田徑比賽之用,內部部份地方改作綜合娛樂之用,例如:博物館、戲院、spa-saunal中心……等

雖則小弟喺波牛一名,但個濟州世界盃會場嘅名氣又未至於吸引我入內朝聖,只喺由於佢正正晌emart隔離,行過對面馬路就喺,完全無刻意預算去,故此,晌門口影張相留個念吧
參觀時段: 下午
入場價錢: 每人0韓圓
評分: 值得去2  
天帝淵瀑布平面圖(上),入口票務處(下)。
天帝淵瀑布平面圖(上),入口票務處(下)。
公園內指示清晰,石級雖陡斜,但闊落好行。
公園內指示清晰,石級雖陡斜,但闊落好行。
第一瀑布
第一瀑布
第二瀑布
第二瀑布
雨水量足就有上圖景致,下圖喺小弟晌冬季所拍到嘅景致!
雨水量足就有上圖景致,下圖喺小弟晌冬季所拍到嘅景致!
仙臨橋
仙臨橋
五福泉
五福泉
七仙女傳說碑及天帝樓
七仙女傳說碑及天帝樓
濟州有三大瀑布:天地淵瀑布、天帝淵瀑布、正房瀑布,3個瀑布都可謂各有特色

天地淵瀑布喺濟州島嘅代表,高22米,闊12米,極具震撼力;
天帝淵瀑布喺濟州島最大嘅瀑布,高22米,亦喺罕見嘅三段式瀑布;
正房瀑布喺全亞洲唯一直接流入大海嘅瀑布,高23米,闊8米。

今次揀嚟天帝淵瀑布,因為佢較多嘢睇。首先由入口一轉落去就喺第一瀑布及天帝淵(荷花池),瀑布高22米,而池深有成21米,不過當時正值冬天,無乜雨水,所以個瀑布都無乜嘢睇,但個瀑布外形又幾特別,形狀呈橢圓形,如一條條石柱砌成。可能你會問,咁依個瀑布都無水流,下面第二及第三瀑布一定無嘢睇啦,咁又唔喺喎,點解唔喺?臨尾先再解釋。此外,據講如夏天嚟,池子色澤鈷藍而清澈,特別靚

順著指示,沿石級上上落落,距第一瀑布300米左右路程,就嚟到外形筆直嘅第二瀑布。如果雨水量足,飛瀑直瀉而下,氣勢磅礡,但如果冬天雨水不足,瀑布分三疊飛流而下。

晌第二瀑布及第三瀑布之間嘅溪谷上,架起一條橫跨河川兩岸嘅拱橋「仙臨橋」(別稱七仙女橋),橋嘅兩側有手執樂器嘅仙女乖雲飛翔嘅浮雕。過橋對面又有一個五福泉、七仙女傳說碑(記載七仙女下凡之傳說)及天帝樓(內牆、橫樑繪有仙女圖和神仙圖嘅傳說故事)。題外話,五福泉有5種動物嘅石雕,包括金魚(發財)、烏龜(長壽)、鴛鴦(愛情)、豬(生子)、龍(當官),都各有含意,亦喺韓國人最喜愛嘅5種動物

要去第三瀑布除咗行得比較遠之外,上落石級也較多,還要計及回程,所以我哋無行到,當然相片更加欠奉。但行吓山,睇吓瀑布,幾舒服,值得推薦嘅景點。講番點解第一瀑布無水流,但下面兩個瀑布又有水流,原因喺水從第一瀑布右邊山谷隙縫中流入天然泉水,再不斷進入天帝淵,然後再向下流去第二及第三瀑布嘅
參觀時段: 下午
入場價錢: 每人2500韓圓
評分: 值得去4  
中文大浦海岸柱狀節理帶
中文大浦海岸柱狀節理帶
入口環境少少海洋展品
入口環境少少海洋展品
沿崖而建嘅石梯
沿崖而建嘅石梯
柱狀節理
柱狀節理
柱狀節理形成嘅解釋
柱狀節理形成嘅解釋
是日最後一個景點,由天帝淵瀑布返去西歸浦市中心,順路可經過中文大浦海岸柱狀節理帶,一個似喺由六角形石柱堆疊而成嘅特殊山崖地貌,實際上喺由岩漿湧出地面冷卻時產生嘅收縮現象所形成,大多數為5邊或6邊形。

名氣唔算好大,但亦已被列入聯合國教科文嘅天然紀念物第443號,有興趣啲天然景觀,不妨順路過嚟走走!
參觀時段: 下午
入場價錢: 每人2000韓圓
評分: 值得去3  
西歸浦每日多萊市場
西歸浦每日多萊市場
橫跨市場中央寬1米,長100米嘅清涼水道生態空間。
橫跨市場中央寬1米,長100米嘅清涼水道生態空間。
從韓國觀光公社網頁所知,傳統市場晌全韓國有成1,500多餘個,其中具代表性嘅8個市場被選定為揉合地區觀光與文化結合嘅「文化觀光型市場」,讓市場變為既可參觀市場,又可遊覽週邊旅遊景點嘅傳統市場,包括:仁川新浦市場、春川浪漫市場、溫陽溫泉市場、光州良洞市場、麗水喬洞市場、釜山札嘎其市場、蔚山南倉市場及西歸浦每日多萊市場。

「韓國刮起的健行風氣中心在濟州多萊健行路。濟州多萊健行風氣為傳統市場帶來活力朝氣,甚至變更市場名稱。1965年以5日市集開始的市場隨著每日開市,自然成為‘西歸浦每日市場。但因大型超市與現代化流通連鎖業者的入駐,使得人潮變得冷清的市場,因為想漫步於大自然中,享受健行的多萊旅客聚集,市場又開始恢復活力,並更名為”西歸浦每日多萊市場”。 

濟州島西歸浦市區內的西歸浦每日多萊市場位於漫步”濟州多萊6路線”(索沼溪谷 ~ 獨立岩)走著走著自然會抵達的地方。一邊漫步,一邊參觀蘊含平凡生活面貌的市場,可說是在人群當中體驗多萊健行。標榜‘多萊文化’的此市場所嚴格遵守的營業規則是”標明生產地制度”與”白天12點以後車輛禁止通行”,透過老實正直的交易,盡市場本來該有的本分,並創造可放心參觀市場的文化。橫跨市場中央的寬1公尺,長100公尺的清涼水道是全國傳統市場中,第1個設立的生態空間。」(擇自韓國觀光公社網頁)

其實小弟嚟之前都聽過「多萊健行徑」,不過「每日多萊市場」則無乜留意,今次純粹第一日到步,晌住宿地附近閒逛,誤闖哩個咁出名嘅「街市」。雖然話佢被定為文化觀光型市場,不過就眼見耳聽,都喺當地人居多,遊客則寥寥無幾。但感覺幾好行,乾淨企理,通道寬闊,攤販擺賣井然有序,傳統得嚟非一般市場,其實除蔬菜、肉食、海鮮,仲有小吃、生活百貨……等等。第一晚草草行完,第二朝我都有再嚟過

參觀時段: 早上
入場價錢: 每人0韓圓
評分: 值得去3  
室內環境簡潔企理
室內環境簡潔企理
原喺飯卷喺佢哋嘅名物
原喺飯卷喺佢哋嘅名物
全韓文餐牌,好彩有張韓英對照餐牌,勉強明白有咩食。
全韓文餐牌,好彩有張韓英對照餐牌,勉強明白有咩食。
菜肉餃子
菜肉餃子
牛肉飯
牛肉飯
蝦炒飯
蝦炒飯
飯卷天國晌韓國喺一間頗有規模嘅連鎖餐廳,有晒網站介紹,不過全韓文,唔識睇。室內裝修簡潔,感覺企理衛生,而佢哋所走嘅喺抵食路線,最平1,000韓圜都有交易,不過就只喺齋飯卷(即喺壽司卷),有餡嘅都只喺2,000韓圜起步,為起港紙15蚊左右

供應飯卷一定唔少得啦,晌入門口位就見到位「阿豬媽」密密捲,不過因為天氣凍,我哋想食多啲熱嘢,所以就無點到。其次仲有餃子、炒麵、拉麵、碟頭飯、炒飯、炒年糕、吉列類、石鍋鍋飯……等等,頗多元化。

菜肉餃子 KRW3,000
一客有成17粒,包得結實多餡,菜跟肉嘅比例平均,味道唔算好突出,但天寒地凍食住熱辣辣嘅餃子就最好不過。

牛肉飯 KRW4,000
成個定食咁款,有泡菜,有牛肉清湯,個湯最啱用嚟暖暖胃。個「碟頭飯」都幾大碟,啲炒牛肉有唔少茨汁撈飯,正,內裡又有洋蔥、青瓜,味道不俗。

蝦炒飯 KRW4,000
相對其他似乎份量較為少啲,餡料亦唔算多,不過, 炒飯炒得唔錯,幾爽身。

嚟得依度,都唔喺打算食咩好嘢,質量屬中等,勝在抵食,又免加一,食得又輕鬆自在,所以,我哋兩晚都走咗過嚟食晚飯
每人消費: 約3000韓圓 (晚餐)
評分: 味道3   服務4   環境3   衛生4   抵食4
旅館外觀,頗舊!
旅館外觀,頗舊!
勝在有免費wifi
勝在有免費wifi
旅館大堂
旅館大堂
旅館大堂
旅館大堂
旅館天台
旅館天台
旅館天台
旅館天台
晌天台可望到對海景色!
晌天台可望到對海景色!
入夜嘅新緣島跨海大橋
入夜嘅新緣島跨海大橋
以往去旅行,晌整個行程上就算唔喺越住越好(唔喺豪呀),尾段總會住得舒服啲,因為行程近尾,難免因舟車勞動,身體狀況會疲憊啲,住番好少少當作鼓勵。不過,今次韓國之旅就一反以往常規,嚟到最尾兩日,揀咗間慳錢廉宿「Jeju Hiking Inn」,原先喺親友介紹,上網睇過好似幾好,又晌西歸浦市中心,交通都幾方便,兼且挺抵住,斷人頭計(下面房價KRW13,750喺指每人每晚房費),由1人房到4人房都有,所以就扑鎚試試。

先講講Jeju Hiking Inn嘅「環境篇」,包括旅館環境及外面環境,下一篇「住房篇」先再介紹房間內籠喺點。旅館環境,我想都可以用「噏耷」嚟形容,大堂、走廊、天台嘅設備及傢俬都幾殘舊,還好嘅喺都算乾淨,唔會一陣味,而且,勝在有免費wifi,雖然唔喺好強,但夠用就得啦。

外面環境方面,其實位置唔錯,上天台可以遠眺新緣島跨海大橋,又可以行到去天地淵瀑布,附近有間中型Family Mart,後尾仲發覺有條食街添,真喺走寶錯過咗,此外去每日多萊市場亦很方便,10min腳程就到
每晚價錢: 13750韓圓 (多人房)
評分: 設備2   服務2   環境2   衛生3   抵住4
走廊環境
走廊環境
左邊喺雙人床
左邊喺雙人床
右邊喺上下格碌架床
右邊喺上下格碌架床
4人房地方淺窄
4人房地方淺窄
廁所喺基本到好基本
廁所喺基本到好基本
廁所用品基本欠奉
廁所用品基本欠奉
我哋住晌4/F尾房,因為旅館無電梯,所以拎住重重嘅行李撐四層樓對部份人都幾甘。4人房都幾細吓,一入門口左邊就喺「簡潔」嘅廁所,除基本設備都無咩多餘嘢,只有一支唧唧裝梘液,洗頭水、護髮素、牙膏牙刷唔該自備。沖涼熱水都唔喺好夠,所以,到夜晚我哋都要分段隔開嚟沖。

再入就喺睡床,左邊有一張雙人床,右邊喺一張上下格碌架床,仲有一部老爺電視,空間唔多,我哋擺3個喼都喺勉勉強強,如需要再擺多個喼都唔知點好!所以,都有少少後悔訂一個4人房,早知訂兩個2人房感覺會好少少囉!幸好被鋪都夠乾淨,否則就大家都無覺好瞓,加上今日行程豐富,去咗唔少地方,大家都好攰,所以一沖完涼就瞓著

Jeju Hiking Inn格局、環境始終都較適合單人或一啲想慳錢嘅背囊友。
每晚價錢: 13750韓圓 (多人房)
評分: 設備2   服務2   環境2   衛生3   抵住4
  0 個留言    |  加入你的留言
韓冬風遊釜慶濟 (韓國)
(旅程日期: 2012-12-12 至 2012-12-19 ,  旅程性質: 觀光攝影, 飲食購物, 消閒度假)
 整個旅程  (共8篇遊記)
 分享至Facebook 
發表日期: 2013-09-02

抖咗一晚精神好啲,而濟州嘅天氣又比釜山好啲,所以,今日大家嘅心情都同步好啲。話雖如此,腸胃仍然要小心吓,所以,早餐都喺繼續簡簡單單、清清淡淡,食屋主崔姐姐嘅愛心白粥。

想大家玩得輕輕鬆鬆,唔好太緊湊,所以今日都只安排睇4個景點,都喺屬於濟州東區,啱啱好可以話晌濟州東面逆時針兜咗個大圈。10:00am先出車起行,出發我哋晌濟州嘅第一個景點:3D奧妙藝術博物館(트릭아트뮤지엄),其實個位置都幾遠,由濟州市中心揸車,都要45分鐘先到

食完晏,下一個景點就喺較出名嘅濟州民俗村博物館(大長今迷你主題公園)제주민속촌박물관(대장금미니테마파크),亦都花得較多時間晌度,因為個地方真喺幾大。然後沿東區海岸線驅車往上走,向世界文化遺產之一嘅城山日出峰(성산일출봉)進發,由遠而近咁接近個景點,加上沿路有燦爛陽光,有廣闊海景,依刻心情特別開朗。而是日最後一個景點萬丈窟(만장굴),又喺世界文化遺產,不過行完之後感覺流流哋。

行完萬丈窟先6:00pm,不過出到嚟天都已經黑齊,仲見到月亮伯伯。幸好,萬丈窟離市中心唔遠,唔使1個鐘已返回民宿。返到民宿,崔姐姐已為我哋預備好窩心晚飯,備註:崔姐姐嘅民宿只包早餐,唔包晚飯,都喺見我哋病得咁慘先有此特別安排啫

是日天氣:10℃ ~ 12℃ 晴

3D奧妙藝術博物館
3D奧妙藝術博物館
每幅展品旁,都有張標準「示範相」俾大家參考點影出立體感。
每幅展品旁,都有張標準「示範相」俾大家參考點影出立體感。
同一張畫,左邊影喺肥婆,右邊影就變咗窈窕淑女。俾佢10個趣啦!
同一張畫,左邊影喺肥婆,右邊影就變咗窈窕淑女。俾佢10個趣啦!
要有立體效果,就要晌特定位置影相先出現到。
要有立體效果,就要晌特定位置影相先出現到。
我哋都好投入影番幾張「標準相」先!
我哋都好投入影番幾張「標準相」先!
除立體畫,亦有視覺錯體展品。
除立體畫,亦有視覺錯體展品。
臨離開,唔少得精品手信店,仲有零食區及茶座!
臨離開,唔少得精品手信店,仲有零食區及茶座!
戶外有個Trick Art Safari,都唔好錯過呀!
戶外有個Trick Art Safari,都唔好錯過呀!
濟州嘅3D奧妙藝術博物館咪睇佢門面細細,內裡實質幾大,走馬看花走一轉1個鐘頭絕對夠晒,不過場館內超過50多幅展品,以及其他大型立體畫,幅幅都極之有趣,出嚟嘅立體效果疑幻疑真,睇吓、研究吓、又影吓,真喺兩粒鐘都未必行得晒,所以,如果你喺鍾意影依類有趣嘅「立體相」,就要記得預番多啲時間喇

館內主要分為6個室內主題區域,包括:名畫模仿區、水族館區、埃及探險區、動物區、恐龍探險區、錯視區。各有特色,每個區域都能帶俾你好多驚喜,當然,有啲相要做到立體視覺效果,亦都唔容易

參觀完所有展品,手信店喺離開博物館嘅必經之路,除有食得嘅手信外,更有唔少相關精品,此外,仲有糖果零食,小朋友實啱晒,不過大人都可以晌隔離嘅茶座飲杯咖啡嘆件餅!

離開博物館室內部份,原來戶外都有個Trick Art Safari,顧名思義就喺一啲動物嘅藝術展品,充滿創意,同樣有趣,值得影相留念
參觀時段: 早上
入場價錢: 每人8000韓圓
評分: 值得去5  
好粥難求 ok喇2013-09-02
GS25便利店
GS25便利店
南瓜粥(단호박죽)、白粥(힏쌀죽)
南瓜粥(단호박죽)、白粥(힏쌀죽)
蔬菜粥(야채죽)
蔬菜粥(야채죽)
我哋啱啱先叫做好番啲,所以晏晝依餐都仲要食住粥先,雖然濟州有馳名嘅鮑魚粥,暫且無「腹」消受,不過,據包車司機梁先生講,要搵碗白粥實在難過登天,因為濟州唔興開粥鋪,無一間鋪頭單買粥嘅,都只喺一般韓食店提供埋有味嘅粥品。

梁先生帶我哋周圍兜嚟兜去,始終無功而還,最後,只好晌便利店「求求其其」搵啲粥墊一墊肚就算。GS25同Faimly Mart喺韓國最主要嘅兩間便利店集團,幸好,晌GS25都搵到啲叮叮粥!

小弟揀咗碗蔬菜粥(야채죽),零售價2,800韓圜,折番港紙成廿蚊,內裡有啲甘筍粒、菇粒、南瓜粒,但味道認真麻麻
每人消費: 約2800韓圓 (午餐)
評分: 味道1   服務3   環境3   衛生3   抵食2
濟州民俗村正門,側旁已有手信精品店。
濟州民俗村正門,側旁已有手信精品店。
周圍都有指示牌及地圖,中英日韓文,唔怕走錯路!
周圍都有指示牌及地圖,中英日韓文,唔怕走錯路!
每間古屋都有解說展板
每間古屋都有解說展板
畜牧人家嘅屋及內部佈置
畜牧人家嘅屋及內部佈置
其中一個工藝坊 - 木工藝坊
其中一個工藝坊 - 木工藝坊
大長今主題公園
大長今主題公園
民俗村內有餐廳,價錢唔算貴喎!
民俗村內有餐廳,價錢唔算貴喎!
濟州民俗村地圖單張
濟州民俗村地圖單張
濟州民俗村民俗舞表演

相信濟州民俗村都算得上大部人嚟濟州嘅標準景點,因為佔地16萬平方米,超過100多間屋舍,展現番100年前嘅濟州傳統風貌,加上村內設有唔同嘅民俗工藝坊(如木雕、民俗酒、民俗畫……),以及唔同嘅特色民俗體驗(投壺、打糕杵、墊草棚……),令遊客更了解當時的生活史

雖然整個民俗村地方頗大,但基本上沿著當中一條主步道圍繞一圈,就差不多行勻所有分區。我哋唔停咁行,唔停咁影,都行咗1.5小時,如果想悠閒啲,再細研吓村內啲資訊,仲想參與一吓工藝坊、體驗活動,相信預2.5小時適合啲

究竟民俗村內有幾多嘢睇?我都唔嘥篇幅多講,掃描張地圖俾大家參考吓仲好。但喺,其中因晌度拍過大長今而設立嘅「大長今主題公園」,其實好鬼細,得間屋仔放滿唔同展品介紹吓,如劇中嘅道具、劇本……等等,所以唔好抱太大期望諗住晌度對大長今追憶一番。此外,都仲有唔少古裝韓劇晌度取景,如追奴、巨商、金萬德,以及小弟都幾鍾意嘅擁抱太陽的月亮,所以,對一啲好迷古裝韓劇嘅粉絲,又會有另一番味道。

題外話,小弟晌度足足影咗近300張相,之後執番出嚟都有230多張,可想而知民俗村確喺有幾多嘢影,可惜開飯遊蹤上載相片有限

參觀時段: 下午
入場價錢: 每人8000韓圓
評分: 值得去5  
晌車上由遠而近咁睇住城山日出峰
晌車上由遠而近咁睇住城山日出峰
城山日出峰地圖
城山日出峰地圖
正門嘅紀念牌,熱門景點!
正門嘅紀念牌,熱門景點!
列晒全年日出嘅時間
列晒全年日出嘅時間
附近有海女潛水表演,亦有新鮮即食海鮮。
附近有海女潛水表演,亦有新鮮即食海鮮。
部份山路頗為斜
部份山路頗為斜
山頂全景
山頂全景
崖壁及山下景色
崖壁及山下景色
城山日出峰位處濟州島東逝海岸一個突出嘅小島之上,據官方嘅單張介紹,約5千年前,晌淺海中嘅水成火山爆發而形成嘅典型凝灰丘,她不僅有著碗形噴火口,而且沿岸絕壁,顯示出各種內部結構,故被評為全世界研究水成火山嘅典型範例,由於其價值及景觀,晌2007年被列入聯合國教科文組織世界自然遺產,並於2010年獲認證為世界地質公園,真喺銜頭不少啊! 

晌度可以欣賞到壯觀嘅海上日出,亦喺佢嘅賣點之一,不過,要大家天未光就老遠跑嚟睇日出,加上大家都喺病好無耐,睇日出就無謂喇。行上山頂睇睇噴火口就無妨,頂位離海拔高180米,上面設有大型觀景台,由於上山部份路段幾陡斜,都要大概花20-30分鐘抵頂。行到上頂望望,個噴火口就只不過似喺一個碗形大草場,當然無好似旅遊書或名信片所拍到城山日出峰嘅鳥瞰相咁獨特啦,只喺叫到此一遊過囉!相反,睇番山下嘅景色,以及周遭嘅景致,如對岸嘅牛島,都讓人有種豁然開朗嘅感覺

補充多少少資料,噴火口底部離海拔高90米,傾斜角最大為45度,直徑約600米,周長1,704米,面積214,400平方米,晌2011年12月已被列為世界新七大自然奇觀

此外,附近又有海女潛水表演,每日兩場:1:30pm及3:00pm,就啱時間不妨參觀吓,一班鐵娘子,天寒地凍照入水,仲可閉氣幾分鐘,真喺值得敬重,隔離檔口亦有新鮮即撈即食嘅海鮮供應。
參觀時段: 下午
入場價錢: 每人2000韓圓
評分: 值得去4  
入萬丈窟前嘅簡介及橫切面圖
入萬丈窟前嘅簡介及橫切面圖
萬丈窟入口(上),入洞初段環境(下)
萬丈窟入口(上),入洞初段環境(下)
萬丈窟內唔同分段
萬丈窟內唔同分段
窟內好多燈箱展板,介紹唔同熔岩成因或特性。
窟內好多燈箱展板,介紹唔同熔岩成因或特性。
窟內其中一塊特色岩石:龜岩(熔岩漂石)
窟內其中一塊特色岩石:龜岩(熔岩漂石)
窟內其中一處景點位:熔岩石柱。
窟內其中一處景點位:熔岩石柱。
窟內嘅「示範」景點相
窟內嘅「示範」景點相
萬丈窟又喺濟州另一個世界文化遺產,以13,422公里長度位居世界之冠嘅熔岩洞窟。我哋去濟州段時間已經幾夠凍,入到洞窟內就更寒。

雖然晌長度上號稱世界之冠,不過個人覺得內裡未算好壯觀,因為燈光嘅配合做得麻麻哋,我哋所行過嘅大部份路段,都喺漆黑一片,又或昏昏暗暗,唔好話要影相,就算現場肉眼睇都真喺覺得啲環境太過幽暗。

如果你睇過其他地方嘅大岩洞,真喺未必好有需要嚟睇萬丈窟;但作為順路嘅一個景點,又時間充裕(因為來回行一轉都要1個鐘多少少),都唔介意花2,000韓圜,咁都可以入去逛逛嘅!
參觀時段: 下午
入場價錢: 每人2000韓圓
評分: 值得去2  
民宿崔姐姐嘅住家粥
民宿崔姐姐嘅住家粥
大概6:00pm完成埋今日最後一個景點「萬丈窟」,都喺時候驅車打道回府,返到芒果屋民宿未夠7:00pm,小休一會就喺晚飯時間。

崔姐姐一早已為我哋預備好窩心晚飯,應該喺窩心夜粥,雖然只喺簡簡單單嘅肉碎菇粒粥,伴炒薯仔及炒芽菜,但已經食得我哋好窩心,無他嘅,既讓我哋飽肚,又合我哋患病中嘅腸胃,溫馨十足吖嘛
每人消費: 約0韓圓 (晚餐)
評分: 味道4   服務5   環境4   衛生4   抵食4
  0 個留言    |  加入你的留言
韓冬風遊釜慶濟 (韓國)
(旅程日期: 2012-12-12 至 2012-12-19 ,  旅程性質: 觀光攝影, 飲食購物, 消閒度假)
 整個旅程  (共8篇遊記)
 分享至Facebook 
發表日期: 2013-02-20

未天光,已覺得自己唔多妥,成晚瞓得麻麻,感覺頭重重,有啲燒,快到清晨仲嘔咗一鑊,尋晚餐日本嘢無晒。勉強撐落去酒店「飯堂」,完全無胃口,再問番姨仔、舅仔,佢哋都不遑多讓,成晚又痾又嘔。

原先打算一早退房兼寄存行李,去行甘川洞文化區(감천동문화마을),依家4個人有3個咁榭,一於返房再抖。但最「撈攪」喺所計劃嘅行程,今日下午搭機飛過去濟州,都唔好諗咁多,抖多陣先再算。由於東橫Inn喺10:00am退房,延遲退房要加錢,仲KRW11,000一個鐘,都無辦法,實在需要休息吓。

瞓多幾個鐘,差唔多到12:00pm,大家感覺都OK啲,一致決定照飛過去濟州先,因為機票、民宿都訂好晒,回程都喺由濟州返香港,始終都要過去。所以收拾好行裝,唔好再操勞,寧願花KRW13,600打的一程車去機場,半個鐘頭就到。乘搭釜山航空(Air Busan)BX8113(14:45 – 15:40)航班,搞好機位登記,好彩搭內陸機安檢唔緊,發住燒幾怕上唔到機呀!入到候機室再瞓過,點知航班延誤,無緊要,繼續瞓,卒之3:50pm起飛,4:45pm到濟州,預訂好嘅民宿晌濟州市中心,坐的士KRW4,000就夠。

原本今日濟州嘅行程,打算晌民宿安頓好,就先去睇龍頭岩(용두암),再行東門市場及夜市(동문시장)及中央地下商街(증앙지하상가),飯後再睇場韓國出名嘅「亂打劇場」(제주난타극장),但全部取消晒。取而代之就喺瞓覺、睇醫生。幸好,決定過嚟濟州先真喺明智之舉,因為出門遇上貴人 x 2,點解?睇埋下文講「診所之旅」同「民宿」時,你就會完全明白。多多休息,總算捱過今日,明天會更好

是日天氣:3℃ ~ 4℃ 天陰

釜山金海機場 - 內陸機客運樓
釜山金海機場 - 內陸機客運樓
釜山金海機場離境大堂
釜山金海機場離境大堂
釜山航空BX8113航班登機牌
釜山航空BX8113航班登機牌
航班延誤,夠鐘乘客就準備登機!
航班延誤,夠鐘乘客就準備登機!
釜山航空航機,上得機喇!
釜山航空航機,上得機喇!

釜山往返濟州其實好方便,第一,有多間航空公司營運,釜山航空(Air Busan)、韓亞航空(Asiana Airlines,不過此航線韓亞喺由釜山航空營運)、濟州航空(Jeju Air)、大韓航空(Korean Air);第二,每間航空公司每日都多達7、8班機,早午晚任何時段都有。而且,機程短,一般都唔使1小時,所以去得釜山,都值得飛埋過去濟州逛吓、睇吓

咁多航空公司,最終揀釜山航空,不外乎錢作怪。其實之前準備行程時都有留意幾間航空公司嘅價錢,晌唔同時段大家各有平貴,依家15/12號下午嘅航班,時間較好及價錢較抵就喺釜山航空嘅BX8113(14:45 – 15:40)航班,成人價連稅及燃油附加費都喺KRW64,800(折合港紙HKD480),比早前睇到嘅貴咗少少,但都OK啦!

參觀時段: 下午
評分: 值得去3  
연동365일의원診所
연동365일의원診所
葯袋,唔醒起拎啲葯出嚟影,因為佢將啲葯分早、午、晚獨立包裝好。
葯袋,唔醒起拎啲葯出嚟影,因為佢將啲葯分早、午、晚獨立包裝好。
연동365일의원診所嘅卡片,有埋位置,不過又喺全韓文,唔會識睇。
연동365일의원診所嘅卡片,有埋位置,不過又喺全韓文,唔會識睇。
民宿屋主崔姐姐嘅愛心白粥
民宿屋主崔姐姐嘅愛心白粥
崔姐姐怕我哋齋食粥,淡而無味,仲整咗啲配菜,但小弟唔敢食住。
崔姐姐怕我哋齋食粥,淡而無味,仲整咗啲配菜,但小弟唔敢食住。

傍晚到咗民宿之後,都將我哋個情況向屋主崔姐姐講一聲,原本都無打算睇醫生,諗住食啲成葯再算,但最後崔姐姐好熱心,幫我哋搵到間仲有夜診服務嘅診所,仲叫埋本喺朋友嘅梁先生,亦喺我哋一早預先聯絡好嘅包車司機車我哋去,崔姐姐唔放心亦都跟埋嚟幫幫手

無佢兩個真喺唔知點搞,去到診所非常多人,尤其小朋友。晌診所內全韓文,寫嘅、講嘅都喺,根本無法溝通,真喺叫到我哋都唔識應呀!此外,崔姐姐和梁先生曾晌中國及台灣讀過書,識講國語,跟佢哋溝通絕無問題,所以佢帶我哋搵診所之餘,又可以幫手做翻譯,講解我哋身體有咩問題,啲葯又點食法。擾擾攘攘搞咗成個鐘,確診我哋喺輕度食物中毒,要戒口,只可食粥水。

返到民宿,崔姐姐都知我哋食唔得其他嘢,特別為我哋即時煮咗餐愛心白粥,因為韓國唔似香港,落街就有粥鋪,仲要喺白粥喎,咁我哋都總算有啖食。所以,唔喺有佢哋兩個貴人,不知點算!

題外話講少少韓國啲診所,睇醫生還睇醫生,睇完即晌櫃枱交診金KRW16,000;跟住落去地下間附屬葯房再執葯,葯費盛惠KRW17,500,啲葯丸獨立包裝分好晒,一串3小包相連寫明早午晚分3次食(當然喺韓文啦),一共3串即3日葯,清楚易明唔複雜,更唔會溝亂啲葯有無食多食少

參觀時段: 晚間
入場價錢: 每人0韓圓
評分: 值得去1  
客廳環境
客廳環境
客廳環境(其他角度)
客廳環境(其他角度)
屋內周圍放滿心思小擺設
屋內周圍放滿心思小擺設
飯廳環境
飯廳環境
開放式廚房,設備齊全!
開放式廚房,設備齊全!
4人房,但又唔一定需要瞓4個人,視乎入住人數。
4人房,但又唔一定需要瞓4個人,視乎入住人數。
窗外景觀,對出遠遠就喺漢拿山。
窗外景觀,對出遠遠就喺漢拿山。
崔姐姐會幫嚟住過嘅旅客影張即影即有,再希望大家留個言。
崔姐姐會幫嚟住過嘅旅客影張即影即有,再希望大家留個言。

芒果屋民宿就晌濟州市中心,交通非常方便,附近有Lotte-Mart同E-Mart,入貨買手信唔使煩。濟州市嘅樓一般都唔高,芒果屋民宿位處16/F,窗外景觀已經相當開揚,而且更對住漢拿山。基本上屋主崔姐姐都喺住晌上址,所以一室佈置花咗好多心思,有好多小擺設、掛畫,環境企理整潔,床舖感覺又很乾淨,很有家嘅感覺,令人感到舒適、溫馨。但始終喺人哋嘅屋企,總有少少規矩要留意,無住酒店咁隨便嘅,例如出入輕聲啲,唔好嘈到隔離屋;又例如盡量唔好太夜返,免得影響其他人

屋內有2床房、4床房、6床房,全以碌架床為主,共可容納24人,而地板裝設咗發熱線,所以依家咁凍,但地方踩落都好暖,果然喺舒適、溫暖呀!收費以人頭計,每人每晚KRW30,000,話平唔平,話貴唔貴,況且有免費wi-fi,簡便零食,仲提供埋豐富韓式早餐,其實好划算。由於依期得我哋4個人,地方有鬆動,所以安排咗兩個房俾我哋。

屋內所有公共空間都可以用,如果想大顯廚藝,亦可以使用廚房內用具煮番幾味,有時,更可跟崔姐姐學整泡菜添。想感受吓韓國家庭氣氛嘅小規模民宿,芒果屋可謂不二之選。

此外,芒果屋仲附設包車轉介服務,因為跟崔姐姐相識嘅梁先生,就喺做包車生意,包車一日8小時收費KRW180,000,包晒所有燃油費、路費、停車場……等等雜費,人多嘅話真喺極划算,而且車內又有免費wi-fi,車廂寬敞,話就話超時要補錢,但兩日我哋都過鐘,梁先生都無收,非常爽快。難得大家溝通到,唔怕雞同鴨講,遊濟州景點散,公車未必咁方便,除非你曉揸車,否則包車都喺幾必需!

每晚價錢: 0韓圓 (雙人房)
評分: 設備4   服務5   環境5   衛生5   抵住5
  0 個留言    |  加入你的留言
韓冬風遊釜慶濟 (韓國)
(旅程日期: 2012-12-12 至 2012-12-19 ,  旅程性質: 觀光攝影, 飲食購物, 消閒度假)
 整個旅程  (共8篇遊記)
 分享至Facebook 
發表日期: 2013-02-20

之前兩日晌釜山去咗唔少地方,今日衝出釜山,去慶州,新羅王朝嘅古都,當地文化遺址處處,仍有很多古建築,算喺保持唔錯嘅古城。老實講,如果唔喺揀正秋天紅楓漫山嘅季節,又或你基於信仰不便參神拜佛,依個被聯合國教科文定為世界文化遺産嘅古都,未必好啱你嚟

一早起身食個飽飽嘅早餐先,由東橫Inn行去釜山站都喺20分鐘,地鐵車錢都可以慳番,極之方便。而嚟釜山站,就喺一試韓國高鐵KTX,由釜山往慶州,都喺半小時車程,未夠10:00am,就到達慶州。不過,今日天氣極之差,全日近乎未停過落雨,煙雨濛濛,而且氣溫徘徊0℃之間,又凍又大風,唔多好受

先去國立慶州博物館,諗住當喺避吓雨,點知睇完都仲落緊。沿路再去雁鴨池、半月城、石冰庫、瞻星臺、路經雞林,行到去近慶州市中心。此時此刻真喺飢寒交迫,大陵苑側有好幾間食店,就搵咗間專做旅行團嘅韓菜館,品嚐當地特色飲食「菜包飯」,相信就喺依餐,食到我哋又痾又嘔。天氣實在太差,所以決定食完飯,行埋大陵苑就離開慶州返釜山,原計劃好嘅普門觀光園區(보문관광단지)、新羅千年公園(신라밀레니엄파크)、晚上睇韓國正統音樂劇「貞洞劇場美笑:神國之地-新羅」……等,亦無乜心情去

不過,因為小弟一個錯誤嘅決定,令大家苦上加苦。回程想試試坐傳統國鐵,其一行錯路關係,要大家晌風雨橫橫行咗好耐先搵到火車站,其二跟售票員溝通問題,買咗車票先知仲要等大半個鐘才有火車,而車程竟然要兩個多小時!唉,真救命呀!慶州,留下好多非常唔愉快嘅回憶

是日天氣:0℃ ~ 1℃ 陰雨

今朝改為煎魚餅
今朝改為煎魚餅
泡菜,喺指定款式!
泡菜,喺指定款式!
滾熱蝦乾昆布湯,好味!
滾熱蝦乾昆布湯,好味!
部咖啡機整番好,KRW100一杯咋!隔離啲茶包就免費。
部咖啡機整番好,KRW100一杯咋!隔離啲茶包就免費。
酒店所包嘅早餐尋日已經講咗唔少,今次喺咁二講佢轉咗啲咩嘢。

今早再落嚟「飯堂」食早餐,除泡菜喺大會指定食物外,沙律菜、腸仔、多士都喺無變,不過今朝無咗飯糰、日式煎蛋,改而有啲煎魚餅、鵪鶉蛋,芽菜湯亦都轉咗蝦乾昆布湯

雖然款式唔多,但要填滿肚作為朝早第一餐,喺無問題嘅。平時晌屋企都只不過喺食個包、食件多士,依家加埋有熱湯、有雞蛋,無要求嘅話夠晒啦
每人消費: 約0韓圓 (早餐)
評分: 味道3   服務4   環境3   衛生4   抵食4
韓國高鐵KTX ok喇2013-02-20
KTX釜山站
KTX釜山站
車票都有少少英文,都睇得明嘅!
車票都有少少英文,都睇得明嘅!
KTX車廂,行車好穩定。
KTX車廂,行車好穩定。
KTX新慶州站
KTX新慶州站
月台好靜,成個站只得我哋4個人落車。
月台好靜,成個站只得我哋4個人落車。
新慶州站候車大堂,一樣咁靜!
新慶州站候車大堂,一樣咁靜!
洗手間內都裝修得雅致,仲有好多慶州景點相!
洗手間內都裝修得雅致,仲有好多慶州景點相!
KTX吉祥物
KTX吉祥物

去旅行,除地鐵,火車亦都喺另一種重要交通工具。晌釜山有好多火車站,都有晒地鐵接駁,不過如果要搭韓國高鐵KTX,就要去「釜山火車站」,跟地鐵1號線釜山站(#113)相連,個火車站都幾大,一出地面就見。

想由釜山出發往慶洲,交通方面有三個選擇
- 搭乘釜山地鐵1號線至『釜田站』步行至『釜田火車站』→搭乘火車至『慶州火車站』,車程約1.5 - 2小時,KRW6,800。(分「新村號」特快車、「無窮花號」快車) 
- 搭乘釜山地鐵1號線至『老浦洞站』步行至『釜山綜合巴士客運站』→搭乘巴士至『慶州市高速巴士站』,車程約1小時,約KRW5,000。
- 搭乘釜山地鐵1號線至『釜山站』步行至『釜山KTX站』→搭乘韓國高鐵至『新慶州KTX站』,車程約半小時,KRW10,700。

其實各有長短,舊式火車站站停、慢慢行,天氣好可以睇吓風景,而慶州火車站就在慶州市內,就算晌釜山嘅釜田站都屬市內區域,但班次疏落兼車程太長;而高鐵KTX夠晒快,無乜停站,行車穩定,全程晌山中隧道居多,但零景觀,車費較高,仲有新慶州站設於市外,接駁巴士唔密,又唔喺度度地方都到,我哋打的入市區都要成KRW18,000一程;而高速巴士就介乎兩者之間,不過如遇天雨可免則免,仲有就喺晌釜山嘅接駁點「釜山綜合巴士客運站」(老浦洞站)算喺市郊,都幾遠,所以揀咩車都要視乎時間、車費、方便度……等等。

雖然話KTX貴,不過都唔知因乜,我哋由釜山出發往慶洲,原價KRW10,700一位,每位另減KRW4,000,折後價即喺KRW6,700,仲平過搭舊式火車添。不過,唔知喺咪啲人嫌新慶洲唔方便,到站只有我哋4個人落車,下面大堂又喺空無一人,靜得緊要!

參觀時段: 早上
入場價錢: 每人0韓圓
評分: 值得去3  
國立慶州博物館入口位
國立慶州博物館入口位
場內簡單指示地圖
場內簡單指示地圖
考古館
考古館
美術館
美術館
美術館內部展品
美術館內部展品
美術館內部展品
美術館內部展品
戶外展廳 - 聖德大王神鐘
戶外展廳 - 聖德大王神鐘
戶外展廳 - 古善寺址三層石塔
戶外展廳 - 古善寺址三層石塔

有90年歷史嘅國立慶州博物館,主要展示B.C.57 – A.D.935近千年新羅時期首都慶州地區嘅文化遺産,館內收藏咗10萬餘件物品,而展出嘅都有成3千多件。整個博物館分4部份:本館(考古館)、美術館、月池館及戶外展廳。另外晌本館側仲有個特別展館,不過依期無嘢展,又休館。

1. 考古館 - 到訪當日因耐震建設工程休館,休館期仲要由04-12-2012 ~ 05-08-2013。所以未能欣賞代表性嘅展品「新羅金冠」。
2. 美術館 – 樓高兩層,除好多出土美術工藝品文物,仲有個新羅王城復原模型歷史資料室。
3. 月池館 - 錯過了,其實值得入內一看,因為之後所參觀嘅雁鴨池,基本上空無一物喇,從雁鴨池水塘和周邊嘅建築物遺址中出土咗三萬多件遺物,部份700多件擺咗晌度展出,可以一窺新羅王室同貴族華麗生活嘅生活面貌
4. 戶外展廳 - 因天雨不停,無乜心機多睇,有啲梵鐘(聖德大王神鐘)、古善寺址三層石塔、慶州地區嘅寺廟及宮殿遺址等搬嚟嘅石雕遺物。

如果對佛教或華麗嘅宮殿文化有興趣者,嚟參觀國立慶州博物館就啱啲。

參觀時段: 早上
入場價錢: 每人0韓圓
評分: 值得去3  
門口地圖,黃色部份喺乜都無嘅遺址。
門口地圖,黃色部份喺乜都無嘅遺址。
雁鴨池,感覺好空洞!
雁鴨池,感覺好空洞!
其中一個修復好嘅殿址,有模擬當時雁鴨池嘅模型。
其中一個修復好嘅殿址,有模擬當時雁鴨池嘅模型。
另一個修復好嘅殿址及模型。
另一個修復好嘅殿址及模型。
啲殿址修復得好仔細及艷麗。
啲殿址修復得好仔細及艷麗。
雁鴨池池畔景色,冬天就蒼涼啲,如果秋天夾埋啲紅葉,就美絕喇!
雁鴨池池畔景色,冬天就蒼涼啲,如果秋天夾埋啲紅葉,就美絕喇!
雁鴨池入場券,其實夜景都幾靚,打晒燈!
雁鴨池入場券,其實夜景都幾靚,打晒燈!

雁鴨池原喺月城東北部東宮內嘅人造水塘,當時被稱為「月池」,但晌朝鮮時代先被改叫做「雁鴨池」。

據史書記載,新羅嘅文武王在位第14年(A.D.674)命令晌宮城裏挖一個蓮花池,做一座小山,種上花花草草,餵養珍奇動物,為紀念三國統一而下令修建嘅,名為「臨海殿」嘅行宮。不過,後被外族侵略而燒毀。雁鴨池就喺當時所挖出嘅蓮花池,位處月城外側東北部,據1974年挖掘時嘅調查結果,雁鴨池呈球形,東西200M,南北180M,有大小不等嘅3個小島。目前嘅雁鴨池接近圓形,喺沿護岸石重新修建而成。

當中好多殿址都無晒,只喺修復咗幾個,內裡有啲模型及文物簡介(韓英中日文),入到去真喺唔太多嘢睇,幸好大量文物,都被埋晌當年國王飼養寵物嘅池內,免遭洗難,要睇出土文物就要晌國立慶州博物館嘅月池館喇

參觀時段: 早上
入場價錢: 每人1500韓圓
評分: 值得去2  
荒城奇冰 ok喇2013-02-20
月城嘅介紹,無中文!
月城嘅介紹,無中文!
月城,實際冬季去喺無咁靚。地圖上仲有其他景點位置指示!
月城,實際冬季去喺無咁靚。地圖上仲有其他景點位置指示!
但啲地標指示得韓文,無人識睇喎!
但啲地標指示得韓文,無人識睇喎!
右側喺「半月城」嘅石碑,半月城望過去就喺咁!
右側喺「半月城」嘅石碑,半月城望過去就喺咁!
石冰庫
石冰庫
石冰庫門口有閘鎖住,但都望到入去!
石冰庫門口有閘鎖住,但都望到入去!
石冰庫內部
石冰庫內部
石冰庫介紹牌,韓英日文。
石冰庫介紹牌,韓英日文。

半月城,就晌雁鴨池對面,喺新羅時期具有代表性嘅宮殿基地。因為呈半月形,所以被稱為新月城或半月城,亦喺新羅王居住過嘅地方。據書講,以前依度有南門、正門、北門、玄德門、武平門等城門,又有月上樓、忘恩樓、鼓樓等樓閣,仲有談論國家大事嘅朝元殿,以及很更多建築物。不過,現況喺冬天顯得一片荒涼,剩低就得啲基石、石碑

半月城裡面有個石冰庫,顧名思義就喺石做嘅冰庫,即喺古代冰箱。如果唔講,點都唔信眼前依個咁簡陋成個墓塚就喺個可以存冰嘅地方,望入去完全無乜特別,空空洞洞咁。不過,走近入口附近,陣陣陰風冷氣。又喺據講,石冰庫建晌地氣寒冷嘅地方,一半晌地上,一半晌地下,地面同牆壁喺花崗岩,拱形頂部,設有通風口,又用上很多很多石灰,喺有防止外部嘅濕氣同雨水進入嘅作用,再者,存冰時用咗稻草嚟隔熱,科學家做過試驗證明稻草隔熱存冰喺幾有效,真喺唔到你唔服古人智慧,咁神奇嘅結構就可以存放冰塊。

參觀時段: 下午
入場價錢: 每人0韓圓
評分: 值得去2  
瞻星臺門外售票處,基本上晌外邊都睇到瞻星臺,唔要求近睇,真喺連幾蚊入場費都可以慳番!
瞻星臺門外售票處,基本上晌外邊都睇到瞻星臺,唔要求近睇,真喺連幾蚊入場費都可以慳番!
門外售票處,天氣太凍,連售票員都瞇埋咗,我哋仲以為唔使錢走咗入去!
門外售票處,天氣太凍,連售票員都瞇埋咗,我哋仲以為唔使錢走咗入去!
瞻星臺介紹,有韓日英中文。
瞻星臺介紹,有韓日英中文。
瞻星臺背面
瞻星臺背面
跟附近幾個遺跡,組成慶州歷史遺跡地區!
跟附近幾個遺跡,組成慶州歷史遺跡地區!
晌慶州,周圍都見到依啲大墓塚。
晌慶州,周圍都見到依啲大墓塚。

瞻星臺亦喺象徵慶州嘅代表遺跡之一,建於新羅時期第27代王善德女王(A.D.632~647),至今已有1,400多年歷史,但仲喺完整咁保持原貌。

佢喺東方現存最古老嘅天文臺,主要用於觀測天空中嘅雲氣及星座。石結構建築,呈圓筒井形,但直線同曲線嘅搭配十分和諧,臺高9.4M,底座直徑5.35M,由365塊30cm大小嘅花崗岩石塊分27層堆疊而成。正南側嘅第13至第15層之間有四方形出入口,可以進入內部,出入口下邊兩側配備長梯供人登上瞻星臺,當然依家你就唔會見到有條梯啦。

參觀時段: 下午
入場價錢: 每人500韓圓
評分: 值得去3  
菜包飯之謎 ok喇2013-02-20
門面都四四正正架
門面都四四正正架
內在環境,都幾乾淨企理!啱啱有團台灣客食完離開。
內在環境,都幾乾淨企理!啱啱有團台灣客食完離開。
餐牌極簡單
餐牌極簡單
好多嘢,淨喺前菜都十多款喇。
好多嘢,淨喺前菜都十多款喇。
熱辣、清甜嘅牛骨湯,正呀!
熱辣、清甜嘅牛骨湯,正呀!
食到我哋半夜又痾又嘔,覺得喺啲菜出問題!
食到我哋半夜又痾又嘔,覺得喺啲菜出問題!
菜包飯,就喺用菜包住白飯同熟肉嚟食。
菜包飯,就喺用菜包住白飯同熟肉嚟食。
豆腐鍋KRW8,000
豆腐鍋KRW8,000

慶州有咩出名嘅食物?就喺菜包飯(쌈밥, Ssambap)同皇南餠(황남빵, Hwangnam-ppang),晌大陵苑周邊就有好幾間專做菜包飯嘅韓餐館,時值正下大雨,又已經差唔多近1:00pm,所以就搵一間似模似樣嘅店鋪試吓菜包飯,咁啱見其中一間有旅行團幫襯,應該都穩陣啩

入到去,一貫韓式菜館格局,唔知點解,又被安排坐晌韓式矮枱嗰邊啲位。翻開個餐牌,得一版紙,勁簡單,正當我哋唔知點叫嘢好,隔離團個導遊喺帶台灣團,識講國語,充當我哋嘅臨時翻譯,佢話我哋4個人叫兩份菜包飯(KRW10,000 / 份),加個豆腐鍋(KRW8,000)就夠晒,好彩有佢,唔喺今餐實撐爆肚啦。

之前講過我哋懷疑就喺食咗依餐而又痾又嘔(因為之後除咗試過啲皇南餠,晚餐亦唔喺一齊食,此外就無再食過其他嘢,後來睇醫生亦證實輕度食物中毒),拋開依個事件,其實佢啲食物都幾好食,兩份菜包飯已經包咗好多嘢,兩碗白飯,十多款前菜,又有煎魚、煎蔥餅、醬炆肉,最正有鍋熱辣、清甜嘅牛骨湯,又香又好飲。菜包飯其實喺用菜(如白菜、生菜……)包住米飯同熟肉嚟食,鍾意又可以夾啲泡菜、醃菜,下點甜辣醬,味道變化多,富層次。而豆腐鍋要個走辣版,因為可以揀辣或唔辣都得。雖然未能百分百確實,我哋事後覺得最可疑出事喺啲「生」菜,好彩,都算喺不幸中之大幸,食啲葯都頂得住!

每人消費: 約7000韓圓 (午餐)
評分: 味道4   服務3   環境4   衛生2   抵食5
大陵苑正門,雨下過不停,感覺更淒清!
大陵苑正門,雨下過不停,感覺更淒清!
大陵苑內仲有少少紅葉、黃葉,秋天嚟景色應該一絕。
大陵苑內仲有少少紅葉、黃葉,秋天嚟景色應該一絕。
四周都喺大大細細嘅墓塚
四周都喺大大細細嘅墓塚
天馬塚,古朝鮮喺用漢字,所以唔好以為佢方便中國人先刻上漢字。
天馬塚,古朝鮮喺用漢字,所以唔好以為佢方便中國人先刻上漢字。
天馬塚簡介
天馬塚簡介

大陵苑喺新羅時代王陵及古墳嘅所在地,大大細細猶如小山丘嘅王陵古墳處處皆是,而周圍環境寧靜盎然,加上今日晏晝煙雨濛濛,感覺更顯淒美!

古墳內嘅壁畫蘊含數千年珍貴嘅歷史資料,晌1973年被發掘嘅古墳天馬塚,喺新羅時期典型嘅積石木棺墳,高12.7M,直徑成50M,周長157M,在封土內部有以石頭堆積成嘅積石層;積石層裡有個長6.5M,寬度4.2M,高度2.1M嘅木房,中央放著木棺同屍體,出土遺物多達11,500多件。天馬塚可以入去參觀,但就唔俾影相,裡面放有主要出土遺物嘅複製品

參觀時段: 下午
入場價錢: 每人1500韓圓
評分: 值得去4  
大陵苑附近好多賣「皇南餅」、「慶州餅」、「佛國餅」嘅手信店。
大陵苑附近好多賣「皇南餅」、「慶州餅」、「佛國餅」嘅手信店。
前鋪後工場,間間鋪都喺咁。
前鋪後工場,間間鋪都喺咁。
價錢唔平,送禮盒裝KRW12,000-24,000,我哋買5個裝(KRW3,000)淺嚐。
價錢唔平,送禮盒裝KRW12,000-24,000,我哋買5個裝(KRW3,000)淺嚐。
猶如豆沙餅一件
猶如豆沙餅一件
晌大陵苑附近一帶,有好多店舖賣「皇南餅」、「慶州餅」、「佛國餅」,我無乜點去考究佢哋嘅分別,只知皇南餅喺慶州嘅名物手信,因為產於慶州市皇南洞,從而得名,實際上喺件小圓豆沙餅。由於無加任何人工物料及防腐劑,食用期短,得幾日,我哋仲有好多日行程,所以買嚟當手信就免喇,買盒即食,飲杯熱茶就還可以
每人消費: 約600韓圓 (下午茶)
評分: 味道3   服務3   環境3   衛生3   抵食3
慶州火車站外觀
慶州火車站外觀
慶州火車站候車大堂,唔喺好大,不過就幾多人等車。比起新慶州站就人氣多啲。
慶州火車站候車大堂,唔喺好大,不過就幾多人等車。比起新慶州站就人氣多啲。
慶州火車站售票大堂
慶州火車站售票大堂
行車表,得啲韓文,一啲都唔識睇。
行車表,得啲韓文,一啲都唔識睇。
舊式火車頭,未夠5:00pm,天已黑齊。
舊式火車頭,未夠5:00pm,天已黑齊。
火車車廂內景況
火車車廂內景況
火車票跟KTX一樣,重要行車內容都有英文對照!
火車票跟KTX一樣,重要行車內容都有英文對照!
前文介紹韓國高鐵KTX時,已順便講埋韓國舊式火車,晌度唔多提。因為舊式跟KTX所走路線不同,沿路經過好多短距離嘅地方,所以都幾多客上上落落。由慶洲返去釜山嘅釜田站,預計喺16:50出發,18:55到達,結果就準時開車,但19:00先到,誤差少少啦,但成2小時10分鐘車程,唉!真喺好嘥時間囉,最弊喺大家衣衫濕濕漉漉。雖然老婆、姨仔、舅仔無出聲哦我,但小弟都認真唔好意思啫
參觀時段: 下午
入場價錢: 每人0韓圓
評分: 值得去2  
天寒地凍,近門口放咗部暖爐,令成個餐廳都無咁寒!
天寒地凍,近門口放咗部暖爐,令成個餐廳都無咁寒!
堂食客唔多,但速遞單唔少。
堂食客唔多,但速遞單唔少。
餐牌全韓文,靠睇圖辨物。
餐牌全韓文,靠睇圖辨物。
放低清水一樽,自己嚟喇!
放低清水一樽,自己嚟喇!
泡菜烏冬鍋KRW5,000,頗辣!
泡菜烏冬鍋KRW5,000,頗辣!
海鮮烏冬鍋 KRW5,000,味道不俗。
海鮮烏冬鍋 KRW5,000,味道不俗。
吉列豬扒定食KRW6,000,有質素,超抵食。
吉列豬扒定食KRW6,000,有質素,超抵食。

搭完火車晌釜田站轉地鐵,因為姨仔另有「代友入貨」任務,於是分道揚鑣,我哋3個人就索性返番酒店附近食,因為之前逛過中央洞都有幾多食肆。

兜咗個圈,有幾間心水,其實小弟心儀其中一間夠人氣嘅食店,不過望落非常地道,專做街坊生意,生怕溝通唔掂,結果就搵咗DoMoYa依間日式餐廳。一來單睇門面幾光鮮,二來門口棟咗個餐牌,可以睇啱晒先入去,三來就喺價位平宜,再者我哋又唔喺太想食韓國嘢。

入到去頓時感覺溫暖,因為近門口位就放咗部暖爐,我哋成日飽受風雨煎熬,依部暖爐真喺令人窩心。餐牌雖然全韓文,但靠睇圖都略知一二,食物主要分4類:吉列定食、米飯或便當、烏冬、蕎麥麵。跟個侍應落單,喺雙語廣播,佢講韓文,我講英文,加埋手指指,都OK啦,然後佢放低樽水,我哋就自斟自飲。早前都講過,依個喺韓式餐廳特色,無熱茶,一貫白開水,成樽放低,隔客自便

김치냄비우동泡菜烏冬鍋 KRW5,000
有時啲圖片都唔太可靠,舅仔以為喺清湯烏冬,原來喺泡菜烏冬鍋,食就幾好食,滾熱燙,辛辣惹味,只喺舅仔都唔喺嗜辣嘅人,食起上嚟當然有點點吃力。依個時候,咪就喺發揮群眾力量囉,大家一人分享啲,唔使一個人獨撐!

해물냄비우동海鮮烏冬鍋 KRW5,000
依個跟圖又喺有啲分別,海鮮配料無圖咁多,但味道唔錯,湯頭幾鮮甜,啲烏冬好滑溜,海鮮有啲蟹柳、魷魚、蝦,以及雞蛋。烏冬鍋均會有醃蘿蔔同泡菜作為伴鍋前菜,兼且烏冬份量十足。

로스까스吉列豬扒定食 KRW6,000
依個吉列定食小弟覺得超值,晌香港點一客有啲質素嘅吉列豬扒定食,閒閒哋都要過百大洋,依家只喺KRW6,000,折番HKD45都未使。一客有齊兩大件吉列豬扒、滿滿嘅沙律汁椰菜絲、麵豉湯、大大碗白飯。吉列豬扒炸得非常脆,又唔油,蘸芝麻醬好正,椰菜絲幼細爽口,飯粒又軟熟綿綿,只欠一客牛乳布甸咋,哈哈!抱歉,店家唔賣甜品。

小店地方闊落,招呼又唔錯,人唔太多食得輕鬆自在,仲唔收加一,食3樣嘢夾埋都喺KRW16,000,即喺百二蚊左右,抵食!唯一唔抵咪就喺第二朝嘔番晒囉

每人消費: 約5333韓圓 (晚餐)
評分: 味道4   服務4   環境4   衛生4   抵食5
  0 個留言    |  加入你的留言
韓冬風遊釜慶濟 (韓國)
(旅程日期: 2012-12-12 至 2012-12-19 ,  旅程性質: 觀光攝影, 飲食購物, 消閒度假)
 整個旅程  (共8篇遊記)
 分享至Facebook 
發表日期: 2013-02-18

尋日行咗咁多路,自不然好瞓。自由行有樣好,就喺唔使被領隊催起身趕行程。9:00am起身落去食早餐,早餐喺酒店包埋嘅,唔算好豐富,但一定夠飽肚

今日第一個「景點」就喺距酒店幾個街口嘅40階梯文化觀光主題街,以及伏兵山壁畫村,然後順路行過去龍頭山公園,依刻日光日白睇睇釜山全景,原打算夜晚再上過嚟,登釜山塔睇埋夜景,但行程有變。之後行完都成1:00pm,都喺時間食晏,晌龍頭山公園另一邊路下山,偶爾經過一間日式飯堂,好多本地打工仔晌度食,我哋又走咗入去試吓。

下午行程,都比較輕鬆,就喺去太宗台行吓山同睇日落,因為擔心日落快,所以預鬆啲,不過又確喺預得太多時間,因為我哋晌南蒲洞坐巴士過去,其實幾近,半小時車程左右。睇完日落就出返去札嘎其市場。

因為咁啱姨仔有同事都嚟韓國玩,佢哋就遊首爾 + 釜山,今日下午由首爾過到嚟釜山,所以就相約晌札嘎其市場食海鮮大餐。由於餐飯食到好夜,加上聽日預咗一早出發去慶州(尚慶北道一個古城),唔想太夜瞓,故此就無再上龍頭山睇夜景。搭地鐵去釜山站買定聽日KTX火車票之後(KTX喺韓國嘅高鐵),就打道回府。

是日天氣:4℃ ~ 6℃ 天晴

好飯堂嘅格局
好飯堂嘅格局
咖啡機啱啱壞咗,不過唔喺免費,要入KRW200一杯。
咖啡機啱啱壞咗,不過唔喺免費,要入KRW200一杯。
食完要自動幫手收拾
食完要自動幫手收拾
餐廳晌酒店1/F,與其叫酒店餐廳,不如叫飯堂仲貼切,因為個格局真喺跟飯堂無異,無乜裝修、擺設,只有圓枱跟餐椅。但就勝在好自由,唔使早餐券,唔使講房號,食完返房再嚟食都仲得,自出自入,自己招呼自己,食完幫手收一收嘢就搞掂,極之輕鬆自在

食物唔好抱太大期望,嚟食嘅房客流量好快,基本上大家都喺食夠就走,唔會慢慢hea。「飯堂」供應熱湯(今朝喺芽菜湯,聽日嗰款喺紫菜湯)、白飯、泡菜、飯糰、日式煎蛋、沙律菜、腸仔、甜橙、烘多士、橙汁、茶包,咖啡機則要入錢另外買。講開咖啡機,晌釜山好多地方都有啲細細部嘅入錢咖啡機,一般都喺KRW200-400一杯(~HKD1.5-3),都好抵吓喎

睇完上述食物嘅選擇,你就明點解啲人食完就走,大家都真喺當好似返工前食份普通早餐咁,唔會晌度hea。但依個「飯堂」有另一可取之處,就喺可以當「工餘」取腳地或康樂室,因為假如人多同行,晌房唔方便傾嘢就可以落嚟坐下、傾吓行程
每人消費: 約0韓圓 (早餐)
評分: 味道3   服務3   環境3   衛生4   抵食4
地鐵出口有指示牌提示,應該唔難搵!
地鐵出口有指示牌提示,應該唔難搵!

40階梯文化觀光主題街喺展示充滿韓國戰爭苦難時代嘅哀怨同鄉愁嘅一條主題街道,由國民銀行中央洞分行,經過40階梯,一直走到40階梯文化館,全長都只不過約450M左右,當中豎立咗好幾個當時難民區生活場景嘅雕塑,如「媽媽的心」、「爆米花的人」、「拉手風琴的人」……等等,順路嘅話不妨走走看看

40階梯文於2004年6月被選定為釜山市綜合評價最優秀嘅街道,60多年前,40階梯於1950年6·25戰爭時位處喺交通行政中心「釜山中區」,當時有好多因躲避戰爭嘅難民逃難至此,晌附近搭咗好多簡陋棚屋聚居,從前方碼頭運嚟嘅貨物及救援物資亦晌度販賣及發放,因此形成咗一個市場。亦由於好多人都逃難於此,許多因逃難分散嘅家庭卻能夠在此重逢。故此,40階梯附近仍有著戰爭時逃難所遺留嘅50~60年代建築,可會勾起老一輩人嘅回憶。

推介項目: 往上走有伏兵山壁畫村
參觀時段: 早上
入場價錢: 每人0韓圓
評分: 值得去3  
伏兵山壁畫村入口
伏兵山壁畫村入口
富創意嘅藝術裝置,以廚具做成雀鳥!
富創意嘅藝術裝置,以廚具做成雀鳥!
釜山氣象觀測站,連門外一樣被畫晒壁畫。
釜山氣象觀測站,連門外一樣被畫晒壁畫。
晌釜山,壁畫村較為出名就喺門蜆洞壁畫村,位處南區嗰邊,1號線西面站再轉巴士,有啲麻煩。但正正所住酒店附近,40階梯主題街對上嘅東江洞 / 伏兵山,就有另一個壁畫村,當中有好多有趣、有創意嘅壁畫,色彩艷麗,各有不同主題,另外,仲有啲藝術裝置,同樣富創意,又有心思

此外,沿斜路一直上,上到盡頭仲會見到釜山氣象觀測站,可惜喺唔入得,不過晌附近有個高位,可以望到對面龍頭山、釜山塔、附近市內樓景
參觀時段: 早上
入場價錢: 每人0韓圓
評分: 值得去5  
龍頭山扶手電梯入口
龍頭山扶手電梯入口
龍頭山公園及釜山塔
龍頭山公園及釜山塔
園林佈局、花鐘及鐘閣(右上)
園林佈局、花鐘及鐘閣(右上)
李舜臣將軍銅像
李舜臣將軍銅像
青銅龍塔
青銅龍塔
市民喜歡在此休憩、曬太陽、做運動、捉吓棋、放紙鳶。
市民喜歡在此休憩、曬太陽、做運動、捉吓棋、放紙鳶。
釜山塔入口
釜山塔入口
從釜山塔入口回望釜山部份景觀
從釜山塔入口回望釜山部份景觀

龍頭山公園屬市內地標之一,尤其公園內嘅釜山塔,高度120M,晌上面嘅展望臺可360∘睇晒釜山全景及釜山港口,廣闊開揚,一覽無遺,夜景更喺迷住唔少遊客。夜間,藍色照明燈打晌塔身色彩迷幻,令釜山塔更加迷人。

由於公園形狀有啲似一條從海遊上陸地龍嘅頭部,因而得名,就算唔睇夜景,晌天朗氣清嘅日子,上到嚟公園感覺都好舒服。因為園內約有700多種生長繁茂嘅植物,園藝幾有佈局,深受釜山市民喜愛嘅休憩場所,當日所見都有幾多市民在此休閒、曬太陽、做吓器械運動、捉吓棋、放紙鳶。

除釜山塔,其他設施仲有天空咖啡館、世界文化遺產展示館、世界民俗樂器博物館、世界風俗文物紀行、紀念品館、鼓咖啡店、特別展示館……等等,喺公園晌2007年10月重新組建成嘅「世界文化體驗中心」設施。此外公園內仲豎立著朝鮮時代名將李舜臣將軍嘅銅像(高度12M),以及青銅龍塔、鐘閤(釜山市民的鐘)、花鐘(直徑5M)、文學碑等等

補充資料:
龍頭山公園(免費參觀)
釜山塔(入場費KRW4,000)
世界民俗樂器博物館(入場費KRW2,500)
世界模型船展示館(入場費KRW1,000)

推介項目: 登上釜山塔
參觀時段: 早上
入場價錢: 每人0韓圓
評分: 值得去5  
創於1965年,「中央蕎麥」喺街坊老店。
創於1965年,「中央蕎麥」喺街坊老店。
人氣飯堂,好多人幫襯。後面為半開放式廚房,全店侍應、廚師都喺女姓。
人氣飯堂,好多人幫襯。後面為半開放式廚房,全店侍應、廚師都喺女姓。
我哋坐晌傳統韓式矮枱,好唔慣!
我哋坐晌傳統韓式矮枱,好唔慣!
全韓文餐牌,只有日文翻譯,完全搞唔掂,只有手指指。
全韓文餐牌,只有日文翻譯,完全搞唔掂,只有手指指。
湯烏冬KRW4,500
湯烏冬KRW4,500
特級烏冬鍋KRW5,000
特級烏冬鍋KRW5,000
蕎麥麵(KRW6,000)超正,好滑溜!
蕎麥麵(KRW6,000)超正,好滑溜!
無咗大堆頭韓式前菜
無咗大堆頭韓式前菜

去完龍頭山公園,從另一邊出口落番去中央洞,附近幾條街都有好多食店,兜咗一個圈,睇見依間門口好似麻雀館,實質喺街坊食堂嘅「中央蕎麥」(註:佢無中文名,店內店外全韓文,極地道,真正街坊鋪,個中文名都喺小弟返嚟再幫佢譯番,再者小弟完全唔識韓文,都喺靠啲網上翻譯系統,下文啲菜式名字亦如是,如有錯誤請更正,多多指教)。食完走出嚟個阿叔一睇就知我哋喺遊客,即刻豎起手指公讚依度喺好嘢,從門縫望入去,真喺好旺、超人氣,膽粗粗走入去試試

原來依間嘢喺賣烏冬同蕎麥麵,啱晒啦,第一日食咗兩餐韓國菜,辣得要命,今餐食餐日本嘢,可以好好緩和一吓。由於牆上嘅菜牌全韓文,只有日文翻譯,一粒字都唔識,完全睇唔掂,姨仔學緊韓文,都識少少,不過小弟都喺手指指就算,睇睇隔離枱有啲咩,篤篤手指搞掂。

場內有一般枱椅,亦有傳統韓式矮枱,第一次坐,感受吓韓式氣氛,不過真喺好唔慣,搞到小弟成日郁嚟郁去!另外,因為喺食日本嘢,無晒大堆頭嘅韓式前菜,只有啲漬蘿蔔同泡菜蘿蔔,我同舅仔食蕎麥麵,兩位女士就要湯烏冬,最難得喺有熱茶奉客,仲要喺玄米茶,香呀。

냄비우동湯烏冬KRW4,500
唔好睇佢細細份,都有幾多烏冬晌裡面,配料有鳴門卷、油豆腐,湯底清甜,晌寒冷嘅冬天,一鍋熱騰騰嘅烏冬食得令人窩心。

특오뎅우동特級烏冬鍋KRW5,000
比起上面個湯烏冬,依個烏冬鍋就抵食好多,只喺多KRW500,烏冬份量及餸料都多啲。

모밀국수蕎麥麵(兩份)KRW6,000
以每兩盆計,伴有醬油,口感超正,因為麥白質感整之滑溜!真喺好快一盆就放晒入口。

김초밤紫菜壽司卷KRW3,000
유부초밤炸豆腐壽司KRW3,000
因為單食蕎麥麵驚唔夠,所以點多兩客壽司。紫菜壽司卷一客有5件,而炸豆腐壽司則一客4件,兩者味道唔錯,飯料鬆軟。

其他仲有蝦天婦羅烏冬(새우튀김우동KRW5,000)、天婦羅烏冬面(튀김우동KRW4,000)、蕎麥鍋(모밀냄비KRW6,500)……等等。價錢實惠又無加一,抵食!

每人消費: 約7000韓圓 (午餐)
評分: 味道4   服務3   環境4   衛生4   抵食5
太宗臺正門入口(上圖)及地圖(下圖)
太宗臺正門入口(上圖)及地圖(下圖)
路標指示有韓中英文
路標指示有韓中英文
沿路環境幽美,且有唔少行山客。
沿路環境幽美,且有唔少行山客。
小觀景台,景觀一樣美極。
小觀景台,景觀一樣美極。
太宗臺小火車,但站牌只得韓文,有啲唔全面。
太宗臺小火車,但站牌只得韓文,有啲唔全面。
燈塔及神仙岩,落神仙岩需小心。
燈塔及神仙岩,落神仙岩需小心。
太宗臺最南端主觀景台
太宗臺最南端主觀景台
日落景致
日落景致

位處影島區嘅南端最終處,又喺另一景點名勝「太宗臺」,被稱為睇「絕景最美日落」嘅理想地點。由於昨日晌冬柏島睇日落嘅經驗,釜山日落都幾早,所以我哋預早少少出發。除日落,沿入去觀景台路途中亦見到有啲懸崖峭壁和奇岩怪石,都有一定可觀性

影島喺由絕影島縮減而嚟嘅名稱,從前依度就以牧馬場聞名,生產跑速極快連影子都睇不到嘅名馬,故被冠為絕影島。而太宗臺喺新羅時期第29代太宗武烈王晌完成統一三國嘅偉業後,巡視全國時沉醉此處嘅美景中,並晌依度射箭遊玩,因而得名。太宗臺與五六島都喺釜山代表性嘅岩岸,都因波浪侵蝕海岸所形成,太宗臺海拔250M高,內有茂密嘅海松、熱帶性闊葉樹日本桂、楠木、冬柏樹、柃木等200多種樹木。

遊客主要會去太宗臺嘅觀景台,以及再往前沿燈塔木造步道樓梯落至底嘅神仙岩 (신선바위)。而太宗臺以外,影島區仲有2012年7月新開嘅國立海洋博物館(국립해양박물관, http://www.nmm.go.kr/china/)及東山洞貝塚等景點

不過今次又預得時間多得滯,晌中央洞坐巴士入去太宗臺都喺半小時多啲,車程頗順。個人建議,去太宗臺觀光可以當行山咁嚟玩,條路唔難行,少少斜,但唔會大上大落,而且環境真喺好舒服,期間又設有一啲觀景台,望望壯闊海洋。由太宗臺入口行去最南端主觀景台,大概1個多小時,而由主觀景台順方向晌另一邊返回入口處都喺45分鐘。當然,有小朋友或行路不太方便者,就最好坐太宗臺小火車啦,來回計成人KRW1,500,青少年KRW1,000,兒童KRW600。

今日有啲可惜,天晴但多雲,又厚,等咗咁耐,太陽伯伯都落晒,但就瞇埋咗晌啲厚雲後面。據講,如果夠晒天氣晴朗時,仲可以清楚望到對面遙遠嘅日本對馬島添。

參觀時段: 下午
入場價錢: 每人0韓圓
評分: 值得去4  
札嘎其市場外圍車水馬龍
札嘎其市場外圍車水馬龍
札嘎其市場與南浦洞之間嘅地下街
札嘎其市場與南浦洞之間嘅地下街
札嘎其市場平面圖
札嘎其市場平面圖
札嘎其市場地鋪海鮮店
札嘎其市場地鋪海鮮店
札嘎其市場
札嘎其市場

札嘎其市場喺韓國最有代表性嘅水產市場,充滿活力,她自19世紀末至今,韓國嘅海產、海鮮、乾魚貨等約有30~50%皆經由此地流通全韓國,可見其舉足輕重嘅地位。釜山港前嘅南海與附近沿海所捕獲嘅漁貨,一年四季都有著各種海鮮,貨源應有盡有。每年10月左右,更舉辦「札嘎其慶典」,除能盡情享受各種豐富嘅新鮮海產外,仲有許多精彩活動

近南浦洞地鐵嗰邊有個乾漁貨市場,如果鍾意漁產乾貨,大可走過去睇睇,買啲當手信都好。不過我哋無去,主要都喺嚟搵食,所以一出地鐵都喺直踩去札嘎其市場。札嘎其市場樓高7層,地下喺經營海鮮水產嘅商店,2樓就喺魚生餐廳,亦即喺我哋嘅目標,而5、6樓仲有OASE自助餐廳,美食多到不得了,都喺折港紙三百幾,勁抵。不過,既然想地道啲,又有啲當地氣氛,去2樓搵食就啱心意啲

札嘎其市場周邊仲有唔少魚類街頭小食,尤其炭火燒烤,最吸引到啲遊客。所以,食唔食海鮮,都值得一嚟!

參觀時段: 晚間
入場價錢: 每人0韓圓
評分: 值得去4  
睇到咁嘅場面,咁嘅氣氛,真喺一流!
睇到咁嘅場面,咁嘅氣氛,真喺一流!
新鮮海產,廚房就晌隔離,即點即煮。
新鮮海產,廚房就晌隔離,即點即煮。
餐牌韓日英中,點菜難度唔大!
餐牌韓日英中,點菜難度唔大!
前菜陣容鼎盛,螄蚶同生蠔都喺前菜嚟架咋,係咪無法想像。
前菜陣容鼎盛,螄蚶同生蠔都喺前菜嚟架咋,係咪無法想像。
什錦海鮮KRW100,000(大)
什錦海鮮KRW100,000(大)
黃魚烤KRW50,000(大)
黃魚烤KRW50,000(大)
盲長魚(盲鰻)KRW60,000(大),即煮盲鰻,老闆娘仲粉墨登場!
盲長魚(盲鰻)KRW60,000(大),即煮盲鰻,老闆娘仲粉墨登場!
海味蔥餅KRW30,000(中)及生魚片拌飯KRW15,000(中)
海味蔥餅KRW30,000(中)及生魚片拌飯KRW15,000(中)

期待已久嘅札嘎其市場海鮮大餐即將登場,不過未講食,先講環境。上到二樓,感覺就有啲似我哋康民署啲熟食市場咁,不過氣氛真喺一流,靠海一邊窗全部都喺客枱,不過要將就吓,全部都喺韓式矮枱,唔慣都要坐成晚。坐滿客人,好熱鬧,但其實當你一入內,各個檔位已不斷跟實你,游說你幫襯,因為一枱人隨時都食幾十萬韓圜,好似我哋一共6個人都食咗成KRW255,000,但其實好抵喎,因為折返港紙其實每人都喺三百鬆啲,全部都喺海產嘢,更要飽住走添

先說明少少嘢,雖然拎咗佢卡片,都喺得韓日文,餐廳名字就無錯架喇,叫「거제키다리힛집」,不過「巨濟島刺身室」就我幫佢譯,上到二樓真喺有好多海鮮食店,每個檔口唔算劃分得好清晰,但上面都總有個鋪頭名!

檔口前有好多水缸,以新鮮海產「晒冷」自然少不了。另外餐牌亦分門別類,韓日英中文,雖然啲中文譯名跟我哋所認識略有不同,但大致睇得明,點菜難度唔大!而廚房就晌隔離,即點即煮,做好即上。

前菜
食韓國菜前菜多喺人都知,不過,今餐嘅前菜陣容之鼎盛,有啲無法想像。由於陸續咁嚟,我哋又不斷咁食,所以難有一張前菜「合照」,但前前後後,加埋都成10多樣,包括烚南瓜、灼蝦、天婦羅、豆腐、泡菜、椰菜絲、醃蘿蔔……等等,有啲就唔喺好知咩名,但竟然螄蚶同生蠔都喺前菜嚟,生蠔仲一人一隻,唔使爭,基本上前菜喺唔收錢嘅。好多款前菜都好食,不過烚南瓜同個豆腐最得我心,因為原味突出,南瓜清甜香軟,豆腐味濃質滑,正

什錦海鮮KRW100,000(大)
分特大、大、中、細(KRW150,000 / KRW100,000 / KRW80,000 / KRW 50,000)
6個人,老闆娘就建議要份大嘅,每份什錦海鮮都包4樣海產,有鮑魚(每人一隻)、海鞘、法螺、八爪魚。新鮮鮑魚刺身都喺第一次食,鮑魚已鎅開一件件,口感爽,但有啲韌;海鞘唔多好食,好似食柴皮咁,又無乜味;法螺OK,點啲醬油食落幾鮮;八爪魚真喺可以用「鮮活」形容,篤一篤佢會仲郁,放入口亦會啜住啜住,挺有趣。

黃魚烤KRW50,000(大)
分大、中、細(KRW50,000 / KRW40,000 / KRW30,000)
黃魚烤都喺要份大,真喺頗大條,單睇賣相,燒得好香甘,肉嫩油香,又喺值得一讚嘅菜式。

盲長魚(盲鰻)KRW60,000(大)
分大、中、細(KRW60,000 / KRW50,000 / KRW40,000)
睇書介紹,已一心想試,所以喺是晚嘅指定菜式。不過,唔習慣嘅話有啲人會覺得好核突,因為啲盲鰻喺活劏,再由老闆娘粉墨登場晌你面前即煮,啲盲鰻邊煮邊郁,海國人可能嚇鬼暈。煮盲鰻其實都好簡單,配菜只有洋蔥同青椒,,撒啲胡椒粉,兜兜炒炒煮熟就喺,味道方面,盲鰻都幾鮮味,啖啖肉,帶點辣(辟腥)。

海味蔥餅KRW30,000(中)
分大、中、細(KRW40,000 / KRW30,000 / KRW20,000)
以鮮蝦為主,蛋餅加入大量香蔥,煎得非常脆香。不過賣到成KRW30,000一客,感覺有啲貴。

生魚片拌飯KRW15,000(中)
分中、細(KRW15,000 / KRW10,000)
反而個魚生飯就抵食喎,因為一客有好多魚生。老闆娘仲教咗個食法,將碗飯倒入魚生內,唧啲韓國甜辣醬,撈勻嚟食,滋味到極。

收費方面,所以前菜送嘅,你晌餐牌點咗幾多嘢,就按價照加,有單有據(不過完全喺韓文,俾番張單我都睇唔明),無加一,無小費,認真實際同實惠!認住「巨濟島」(거제)個名,或認住老闆娘個樣,就算唔喺搵依間「巨濟島」,都絕對要嚟札嘎其市場食番次海鮮大餐!

推介菜式: 前菜, 黃魚烤, 盲鰻, 海味蔥餅, 生魚片拌飯
每人消費: 約42500韓圓 (晚餐)
評分: 味道4   服務5   環境5   衛生4   抵食5
  0 個留言    |  加入你的留言