Dusty 的遊記 - 旅遊指南 - 開飯遊蹤 - World Travel Guide

Dusty

我是Dusty。我是一名tech。

留言給此旅遊家

遊記數目 4

上載相片 114

上載影片 0

最近分享過的旅程

2012韓國5日4夜賞紅葉、嚐海鮮、歎美食之旅

國家/地點:

韓國

旅程日期: 2012-10-29 至 2012-11-02

共找到 4 篇遊記，正顯示第 1 至 4 篇遊記

2012韓國5日4夜賞紅葉、嚐海鮮、歎美食之旅 (韓國)
(旅程日期: 2012-10-29 至 2012-11-02 , 旅程性質: 觀光攝影, 飲食購物, 消閒度假)

整個旅程 (共4篇遊記)

分享至Facebook

遊記 : 第2日

發表日期: 2012-11-16

Day2 : 土俗村早餐 > 北村韓屋 > 三清洞手撕麵午餐 > 三清洞附近遊覽 > 首爾站Lotte Duty Free > 梨大 > 新村咪咪漁業晚餐 > 新村 > 布帳馬車宵夜 > 新村高爺會館

2012韓國5日4夜賞紅葉、嚐海鮮、歎美食之旅-day2((PART2)

2012-11-16

三清洞手撕麵 (首爾)

正

這老店就係我們午餐既地方，點解會吸引到咁多人幫襯？原來這店係三清洞名物，主要食韓國傳統食物之一，就係疙瘩汤(手撕麵塊)！
大概等了十五分鐘就有位，店裡地方唔算好大，我們亦被迫分開兩張檯坐，廚房職員唔太多，鳴謝台灣網友提供以上咁精美的中文餐牌

我們點了疙瘩汤3人份量及4人份量各一、蔥煎餅X2，埋單$7萬3千won

泡菜:口感又爽又醃得入味，我食到唔停得口，可能太肚餓啦
莧菜:我覺得似，但可能有錯
疙瘩汤:每個人都係為了這窩麵塊而黎，這個係三人份量的，但其實都幾大窩
我們四個人起碼每人最少分到兩碗
這疙瘩汤到底吸引之處在邊呢？賣相又不凸出，但當你先嚐一口湯頭，你一定會(嘩)一聲，然後滿腦海都充滿一個(鮮)字，海鮮既甜味很濃，雖然湯頭沒有名貴的食材，全都是下價貨(蜆肉、銀蝦仔、紫菜碎、洋蔥、蔬菜等等，簡簡單單都未必差得過上等菜，但往往這才能嚐到傳統既味道及風情，現在既食店都不停去改量、創新，亦把很多過去的味道都遺忘了，之後再咬一口麵塊，我很喜歡這口感，因為麵塊係用人手去搓粉，然後再用手撕出黎，麵塊撕得夠薄，入口有點QQ，但超級軟滑啊，不過最神奇既係食了兩碗疙瘩汤，麵塊係唔多頂肚架，感謝能和你的相遇！
蔥煎餅:都幾大塊喎，這餅亦係韓國傳統美食之一，表面睇落平平無奇，但其實材料都藏在裡面，味道非常豐富，蔥味十足，正啊

推介菜式: 疙瘩汤、蔥煎餅
每人消費: 約10000韓圓 (午餐)
評分: 味道5 服務5 環境3 衛生4 抵食5

檢舉此評論

回到頁首

2012韓國5日4夜賞紅葉、嚐海鮮、歎美食之旅-day2((PART2)

2012-11-16

三清洞 (首爾)

食飽後又繼續逛三清洞一帶，其實三清洞亦有很多咖啡店，如果有時間飲下午茶就唔錯，韓國很多店都很有特色，可能地方大，才能有創作空間

參觀時段: 早上
評分: 值得去4

檢舉此評論

回到頁首

2012韓國5日4夜賞紅葉、嚐海鮮、歎美食之旅-day2((PART2)

2012-11-16

Angel in-us coffee (首爾)

正

我們遊覽完三清洞，就去返安國站(328)搭地鐵到乙支路站，然後6號出口去Lotte Duty Free血拼
Lotte Duty Free 9樓真係人頭湧湧，女人們好快地去了掃貨，而我們幾個男人就企定定等待，但隔一陣發覺唔係辦法，所以決定我們去12樓既咖啡店等待，我們點了三杯飲品同一個雪糕格仔餅，呢餐要鳴謝師兄請客，雪糕格仔餅:賣相都幾靚，無記錯係賣1萬WON，綠茶味雪糕很濃味，但又不會很甜，夾仔餅還是熱辣辣的，咬落很鬆軟，唔錯

推介菜式: 咖啡、格仔餅
每人消費: 約5000韓圓 (下午茶)
評分: 味道4 服務4 環境4 衛生4 抵食4

檢舉此評論

回到頁首

2012韓國5日4夜賞紅葉、嚐海鮮、歎美食之旅-day2((PART2)

2012-11-16

梨大 (首爾)

梨花女子大学前的女人街，聚集了很多令女生为之疯狂的服装店、首饰店、咖啡厅和美发美容店。
梨大有乜出名？當然係女子大學啦，所以這區後生女都特別多架，老婆最喜歡買公仔襪，大概1千到2千WON一對，梨大都幾多野賣，幾條路都有很多小檔口的！

推介項目: 逛街
參觀時段: 晚間
評分: 值得去4

檢舉此評論

回到頁首

2012韓國5日4夜賞紅葉、嚐海鮮、歎美食之旅-day2((PART2) ok喇

2012-11-16

梨大 (首爾)

正

雞串一串賣2千WON，但我覺得好抵食，如果係背包或一個人當晚餐係絕對可以的，點解咁講？
大家有否睇到雞肉串旁有很多白色的年糕？原來這些年糕係免費任食架，初初我都唔知，見隔離果兩個學生妹同老闆有講有笑，但竟用支竹簽不停地拮D年糕黎食，我就問老婆，係咪他們熟才可食架？定要另外付錢架？後來那兩個人走了，老闆就開始招呼我們，其實支竹簽係較長的，我食了幾舊肉，老闆就叫我把竹簽指向他，然後老闆就幫我剪去多餘部份，我覺得很細心啊，又唔怕被竹簽整親，然後老闆又無啦啦把年糕推向我面前，我咪唔客氣拮黎食，年糕口感很軟糯，加上醬汁濃而不咸，2千WON絕對食得飽

推介菜式: 雞串
每人消費: 約2000韓圓 (晚餐)
評分: 味道4 服務5 環境3 衛生3 抵食5

檢舉此評論

回到頁首

2012韓國5日4夜賞紅葉、嚐海鮮、歎美食之旅-day2((PART2) ok喇

2012-11-16

咪咪漁業 (首爾)

正

咪咪漁業係朋友介紹去的，話都有海鮮食，唔洗去鷺梁津咁遠喎！
裡面既環境都幾寬闊，我初時見到，心諗又要跪住食啊？好彩檯底有個大窿架，還藏有意想不到既野在裡面

不過這店係無人識講普通話的，啊珠媽過隔離店搵個啊妹幫手，經過一輪溝通才問到價
長腳蟹一隻要7萬WON，大概2kg重，D蟹睇落又真細隻好多，不過都要落手揀一隻，活花枝刺身1萬8千WON一隻

我們主要點了活花枝刺x1、清蒸長腳蟹x1、海鮮魚鍋x1、炒雜菜x2，埋單$16萬8千WON，但不建議來幫襯，很多小食係送的，我們無點過，燒秋刀魚x2:這個我們亦無點過，但味道還可以

活花枝刺:送到上黎還勁新鮮，顏色還在變動，但唔知是否太大條？有點韌！

炒雜菜:不過不失

海鮮魚鍋:主要材料係海鱸魚，都幾大鍋的，湯頭都幾甜，魚肉有彈性，完全無腥味的

清蒸長腳蟹:啊豬媽都幾細心，幫我們拆開斬件，蟹膏非常之多，膏帶肉一膏食，好美味啊，蟹肉都很甜

原來檯底放了些竹筒，踩住黎食很舒服架

不過最搞笑係每人都送一塊啤酒面膜，莫非啤酒有份贊助既？

推介菜式: 活花枝刺、清蒸長腳蟹
每人消費: 約10000韓圓 (晚餐)
評分: 味道4 服務5 環境4 衛生4 抵食3

檢舉此評論

回到頁首

2012韓國5日4夜賞紅葉、嚐海鮮、歎美食之旅-day2((PART2)

2012-11-16

布帳馬車 (首爾)

正

我們住既酒店樓下好多野食的，他們食得最多就係這檔，賣既係熱狗，他們話好正，之後拉大隊去布帳馬車食宵夜，初時我們在出面望黎望去，睇下有乜好野食？點知裡面有個女食客揚手叫我們入去，所以我們就決定一試啦.
泡菜、醃蘿蔔
啊豬媽每人送一碗湯頭，雖然只是用魚片黎熬製，但出面天寒地凍，飲一啖即刻全身暖晒，感覺得別好飲
之後點了烤豬肉、烤雞腎、烏冬x5，埋單$4萬WON
烤豬肉:我們點了兩份，相中係其中一份，烤得很香口，唔錯
烤雞腎:肉質一點都唔韌架，味道亦很好，我覺得好食
烏冬:呢個烏冬雖然唔及稻庭烏冬幼滑，但亦唔差得很多，起碼咬落係很滑喉的，我就係為了這烏冬，之後會再黎幫襯多次

推介菜式: 烤雞腎、烏冬
每人消費: 約5000韓圓 (宵夜)
評分: 味道4 服務5 環境3 衛生3 抵食4

檢舉此評論

回到頁首

0 個留言 | 加入你的留言

2012韓國5日4夜賞紅葉、嚐海鮮、歎美食之旅 (韓國)
(旅程日期: 2012-10-29 至 2012-11-02 , 旅程性質: 觀光攝影, 飲食購物, 消閒度假)

整個旅程 (共4篇遊記)

分享至Facebook

遊記 : 第2日

發表日期: 2012-11-16

Day2 : 土俗村早餐 > 北村韓屋 > 三清洞手撕麵午餐 > 三清洞附近遊覽 > 首爾站Lotte Duty Free > 梨大 > 新村咪咪漁業晚餐 > 新村 > 布帳馬車宵夜 > 新村高爺會館

今日我們九點半才在酒店大堂集合，因為昨日大家都行到好累，在這裡要多謝你們，因為平時捱唔到夜的團友們，都可以完成咁艱辛既魔鬼行程，所以我都要俾返多些小時間你們休息既，但其實韓國時間九點半即係香港時間八點半，時差係有一小時的！

各團友都非常準時，咁就出發去土俗村食早餐，我們搭2號線(240)到乙支路3街(203)轉3號線到景福宮站(327)落車

2012韓國5日4夜賞紅葉、嚐海鮮、歎美食之旅-day2((PART1)

2012-11-16

土俗村 (首爾)

沿住馬路邊向前行，直至見到GS25便利店就轉左就到，由地鐵出口行到第二個街口就應該到達，很容易就搵到

這間就係大名鼎鼎的土俗村，點解咁多間賣人參雞既食店中，偏偏土俗村會人氣特別高呢？原來係因為有某韓國前任總統鐘情於這店既人參雞，加上本身亦有一定既歷史，這店早上十點才開門營業，我們黎到時就見唔到很多遊客

我們坐低後，職員快快手地送上人參酒，每人一杯，但唔知係咪無限添飲的

我們這間房唔算好大，但就好適合我們邊食邊嘻嘻哈哈，又唔怕嘈到別人

有中文餐牌架，不過我唔記得影，我們要點既只是人參雞，每兩人一窩，即係X5、燒雞X1，埋單$15萬4千WON

人參酒:我自已就無試到，有些人會倒落雞窩裡面食，但我喜歡原汁原味喇

泡菜:這店既味道好濃，但亦比較辣，我喜歡這味道，因唔酸的

醃蘿蔔:口感非常好，咬落很爽脆架

我們點既係烏雞山參窩，價錢亦係最貴的($2萬7千WON)，其實烏雞比普通雞貴些小，但雞的肉質會嫩滑很多

把山參倒入雞湯裡面，然後撈一撈，再浸一陣先飲湯，糯米藏在烏雞裡面，吸收雞既精華，口感軟糯，唔會很黐牙，飯裡面一定會藏一根小人參的，食得唔好浪費啊，湯頭味道比較清，有些人會落少許鹽，但我覺得夠味，非常好飲

燒雞:始終唔係這店強項，雞既肉質比較粗糙，所以失望係正常的

推介菜式: 山參烏雞人參湯
每人消費: 約12000韓圓 (早餐)
評分: 味道5 服務3 環境4 衛生4 抵食4

檢舉此評論

回到頁首

2012韓國5日4夜賞紅葉、嚐海鮮、歎美食之旅-day2((PART1)

2012-11-16

Amandier (首爾)

正

班團友在門口圍觀，原來在討論左邊圖中既物體，見大家咁想試，又行了咁大段路，所以一於拉大隊入去品嘗下，麵包店裡面都幾大下，感覺上很安靜，但經我們成班人入內，可能會破壞小許氣氛heehee，因為各團友都被些好美觀既食物吸引著，但呢些唔係我既獵物，主角係這些馬卡龍(Macaron)才真，但到底貴唔貴架？我有些擔心！，咁多款式點揀好呢？所以每個人可以選擇一款，然後再商議選多三款，我們點了一打，價錢係$2萬2千WON)，這裡分別有朱古力味、黑加倫子味、玫瑰味、開心果味、咖啡味、雜莓味、柿味、曲奇味、香蕉朱古力等等，老婆點的黑加倫子味，咬落d餡比較黏，但味道超級濃啊，我就一定揀朱古力，實在太美味喇，同這店相遇都係緣份之一，好開心啊，不過雜莓味很普通！

推介菜式: 馬卡龍
每人消費: 約10000韓圓 (早餐)
評分: 味道5 服務5 環境4 衛生5 抵食3

檢舉此評論

回到頁首

2012韓國5日4夜賞紅葉、嚐海鮮、歎美食之旅-day1((PART1)

2012-11-16

北村八景 (首爾)

終於都行到我們既目的地喇，我們正正就在安國站2號出口對面，1號出口那條路就係去三清洞，然2號出口這條路就係去北村韓屋的，其實大家唔需要怕會迷路，我會簡單講解一下個路程，我們首要就係要行去地圖上十字路口那個(！)符號既地方，那個會有北村韓屋既中、英、日地圖拿，還有職員在裡面解答遊客問題的，向前行到十字路口的圖片，如果一路直係就到韓屋八景，左邊係4至8景、右邊係1至3，其中1號韓屋就在(！)符號觀光所右邊馬路北村路4街行入去就係，我們在觀光所拿了中文地圖，今次重點行5至8景，亦係較靚同順路，其實睇既野都差唔多，無必要行晒全程，除非你時間多啦！
我們先由大馬路向上行去3號景點，然後行過對面藥店(DONMI)轉入去，然後行5至8景，然後行到北村5街路，這裡風景好靚，特別有紅葉既襯托，加上景觀開揚，如果有層樓在這裡就好了！嘻嘻

其實行一陣就到達8景，這條就係石階路行返落去就到三清洞的

推介項目: 北村5至8景
參觀時段: 早上
評分: 值得去4

檢舉此評論

回到頁首

0 個留言 | 加入你的留言

2012韓國5日4夜賞紅葉、嚐海鮮、歎美食之旅 (韓國)
(旅程日期: 2012-10-29 至 2012-11-02 , 旅程性質: 觀光攝影, 飲食購物, 消閒度假)

整個旅程 (共4篇遊記)

分享至Facebook

遊記 : 第1日

發表日期: 2012-11-16

Day1 : 香港機場00:35 > 05:00首爾機場 > 新村高爺會館 > 河東館牛骨湯早餐 > 惠化站大學路 > 三層肉.COM午餐 > 清溪川 > 東大門 > 鷺梁津水產市場晚餐 > 彩雲咖啡廳 > 新村高爺會館

2012韓國5日4夜賞紅葉、嚐海鮮、歎美食之旅-day1(PART2)

2012-11-16

三層肉.COM (首爾)

正

行了一個上午大家都肚餓了，我們午餐選擇去三層肉.COM，位置在惠化站四號出口，然後轉左向購物大街方向行，見到左邊第一個路口就轉入去，很容易就見到，我們十二點幾去到，點知舖頭竟未開門做生意，裡面一個人都無，咁只能等一陣啦，點知對面有個男人行過黎叫我們等一陣，他行開就打了個電話，然後就貼上這張紙，咁我們都安心些，起碼有個時間嘛，不過啊珠媽都好準時到達，我估可能住在附近，這日午餐我們包了整個場黎食，感覺好好笑，因我耐不耐就會預到這情況，不過不得不佩服這個啊珠姐，因為剛開店得她一個人照顧我們，又要預備配菜及食物，但速度都幾快，可能知道我們已很餓！我們亦要鳴謝啊珠媽既體貼服務，一個人做咁多野亦面帶笑容，非常專業

中文餐牌，選擇亦唔多，不過我們都係一心黎試下個豬肉

我們點了五花腩、三花腩、千花腩、豬肉各兩份、蘑菇大全、另外還點了白飯X2、炒飯X1、泡菜麵X6，埋單$11萬won

泡菜:這店的味道就較辣，但就唔酸的

醃蘿蔔:切得很薄片，味道同潮式差唔多，唔錯

類似苟蒻的食物，口感同豆腐一樣

配菜有洋蔥及蒜頭蔬菜
以上係伴豬肉既配料

蘑菇大全:直菇賣相很像雞脾菇，但口感就爽得多，韓國金菇味道亦較濃的

千花腩:賣相好靚很雪花哈哈哈

啊珠媽會用心地整理豬肉

五花腩、三花腩、豬肉

韓國食燒肉有樣好，永遠都有人服待，幫你整好晒，熟透時又會提醒你，不過好壞參半，我唔喜歡一次過放晒上去煎，因食唔切的話，d肉就容易過火而影響肉汁

終於等到豬肉變晒金黃色喇，各位我唔客氣喇

入鄉隨俗我當然要跟當地人既食法啦，總之乜都加些，特別要用菜包住黎食，這樣就無咁肥膩既感覺，豬肉係韓國人喜愛既烤肉之一，肉質亦較香港既好，豬既味道很香，口感有彈性，一點都唔粗糙架，但好奇特d肉一些紅酒味都無的！

泡菜麵:天氣凍凍地，個個都諗住叫個熱辣辣既湯麵黎食，點知黎既係冷麵，當堂果六個人都O晒咀，好唔好食只有他們知喇！嘻嘻

白飯:但唔知點解我今餐竟然點了白飯，因平時我都喜歡食麵的，可能我認為肉類配白飯係較夾的，加上韓國米係唔差的，飯粒很軟熟啊，正

炒飯:原來炒飯才是最有睇頭的，賣相及配料都很好，亦炒得夠勻稱，但碟飯比想象中大碟很多，還要用鐵板上，我們以為得一碗仔姐、一個女子點會食得晒！

所以每位分一些黎試，味道很唔錯，很像石窩飯

推介菜式: 五花腩、三花腩、豬肉、炒飯
每人消費: 約12000韓圓 (午餐)
評分: 味道4 服務5 環境4 衛生4 抵食4

檢舉此評論

回到頁首

2012韓國5日4夜賞紅葉、嚐海鮮、歎美食之旅-day1((PART1)

2012-11-16

清溪川 (首爾)

慢遊清溪川某小段

沿路都見有本地人在跑步，如果要來回跑晒整條路，時間應該要幾耐下，如果夏天黎一定會感受到涼意，還可浸下腳玩玩，本地人亦喜歡坐在這溪邊聊天，我們沿路都見唔少，加上環境很清幽

推介項目: 五間水橋
參觀時段: 全日
評分: 值得去4

檢舉此評論

回到頁首

2012韓國5日4夜賞紅葉、嚐海鮮、歎美食之旅-day1(PART2)

2012-11-16

世亞海鮮店133檔口 (首爾)

正

大家行這條海鮮路時要特別小心，因會有人突然走埋黎好似好心地幫你咁，其實他們係食店的人，想你買完海鮮就去幫襯他們的店，亦有些店不老實的，所以見到識講普通話的職員更加唔好放松下來，因價錢可能會相差一段距離，事前最好做定功課，免得遇上不快事情.

我們睇了幾間海鮮檔，發覺這間世亞海鮮賣既種類較多，價錢亦公道，同埋啊珠媽係識講普通話的，其實黎之前我心目中已定了某些海鮮，分別係啜咀八爪魚、勁拆長腳蟹、極鮮活鮑魚刺身、拼命河豚鍋、海膽刺身、花枝刺身、海腸刺身、海菠蘿刺身、毛蟹、榮螺等等

啊珠媽話，靚仔你企定定聽我講，我既海鮮包你話正，唔靚就退貨喎！講到咁認真就格下價先，以下係我所知的價錢，季節性不同價錢亦有不同的

皇帝蟹:有分大中小價錢，係睇重量而定，1KG至1.5KG重量大概$2萬won1KG
2KG至3KG大概$2萬5won1KG
3KG以上就係$3萬5千won1KG(我們買了隻5.5重的，價錢係$15萬5千won)
松葉蟹:大概1.3KG要$4萬won(我們買了兩隻)
鮑魚:6隻$3萬won
細活章魚:10隻2萬won
比目魚:$7萬won一條
總價錢係$35萬5千won(還送了些海菠蘿同海腸俾我們)

因我們成十個人，啊珠媽就應我既要求，揀了幾隻長腳蟹比較，我感覺她幾老實，點解咁講？因我睇住她會用手去捏下d蟹腳，睇下隻蟹肥唔肥、夠唔夠肉，因蟹由捕獲起到賣會慢慢變瘦，所以大隻就不代表好肉的，當然我亦會親自去捏下，最後啊珠媽話這隻包你話正！
到底5.5KG有幾大？你們看看就知道，由老婆捉住黎影會更表達得到，不過真係幾重架，我幾怕隻蟹會被我們玩到斷腳！
比目魚係韓國人最愛之一，不過我就很一般，因為係養殖既，加上價錢不平宜，本想揀鯛魚的，但更貴！
即場睇住職員處理條魚，以免被掉包，師父唔洗幾分鐘就處好條魚，果然好刀法

之後我就問啊珠媽可否帶我去買魚？她竟然一口答應，因為我今次黎魚市場還有其牠海鮮想品嘗到的，所以我話要買鮟鱇魚，但啊珠媽竟然話唔知係乜？好彩我頭先行個圈已發現有得賣，所以就帶她行過去，啊珠媽問係咪魔鬼魚，我話NO NO NO

再過幾間就見到有鮟鱇魚賣喇，然後啊珠媽就用流利既本地話同魚販溝通，之後價錢都講好了，但我當然唔係普通買家啦，大家有否留意到相中既魚有乜問題？就係我發現到這問題，啊珠媽就贊美我好厲害！還問我是否炒黎食？我話火鍋才是最好，她又贊我你真識食！嘻嘻

之後啊珠媽再帶我去另一檔，今次她可能知道我要乜野魚，所以一去到就同另一個啊珠媽鬼咁好傾今次呢些我就滿意喇，第一:d魚唔係全部都割開的，第二:就算割開了，都見到有最珍貴的鮟鱇魚肝，因這魚肝係好美味的，今次我自已落手去揀，選擇了相中左下角那條未開肚的，還要魚身係保留很多滑潺潺的黏液才是新鮮，最後珠媽真係好搞笑，她竟然開另一個箱，原來裡面還有三條較大的鮟鱇魚在裡面，她二話不說就把其中一條魚肝割了下來送給我，估唔到啊珠媽係咁豪氣的，其實這條魚一點都唔貴架！但都能體驗到她們好客之道，可能見到我咁識揀魚而欣賞我啦heehee，點解我要在韓國食鮟鱇魚？因為價錢平過日本很多很多，我買的這條才$2萬won咋，我無聽錯啊？真係咁平咁抵食的，希望d人見到我的報告後，而唔會令到鮟鱇魚升價就好了！

但可惜河豚係無貨，搵唔到！

啊珠媽咁好人，當然要黎個合照啦，同埋記得同她講聲(gamsahabnida)heehee

之後啊珠媽帶了我們去相熟的食店，其實我之前係定了去2樓金鶴餐廳的，但見啊珠媽咁好人，就唔好意思推掉啦
食堂環境係坐住黎食，我就唔多喜歡，因會坐得較辛苦，之後我們把食材怎樣煮理講給職員知，鮑魚刺身、比目魚刺身、活章魚刺身、海腸刺身、海菠蘿刺身、鮟鱇魚鍋、比目魚骨鍋、清蒸長腳蟹、清蒸松葉蟹等等，連酒水共$10萬4千won

醬料費(人頭)：一人大概$2,000–3,000won之間，蒸，烤魚料理費大概$5,000won、生魚片免費、煮湯$10,000won

長壽米酒:朋友們話麻麻地，我本身就唔飲酒的

活章魚刺身:章魚一定較細隻會好味些，肉質亦不會韌，但吸力一定無大隻些既好，但太勁又會嚇怕d女性喎！

鮑魚刺身:鮑魚很鮮味，咬落係脆架，不過面頭部份亦有點韌，同埋提提大家，要把鮑魚肉醬搞碎，然後同豉油、芥末撈埋一齊，然後點黎食，你就知有乜分別的，呢個係秘級

比目魚刺身:可能我一早對這魚無期望，所以食落亦無乜味道，肉質較結實，試過就算

海腸刺身、海菠蘿刺身:這碟係送的，不過海腸好韌啊，又無乜味道！

海菠蘿刺身:其實海菠蘿真係無乜人會識得欣賞，包括我在內，一咬落就有種苦既味道滲出黎，不過咬咬下就到嚐到甘既味道，很特別

清蒸松葉蟹:隻蟹睇落唔錯，d膏汁很深色，本來想拿去煮粥的，點知職員話煮不來！我即時黑面......，只好就咁飲啦，真係好正，蟹肉好鮮甜，活的就是不一樣hahahaaaa

跟住就係到重量級出場，我估一隻蟹腳有我手臂咁長架，d肉勁厚鮮甜，呢趟真係不枉止行，之後把蟹身拆肉再撈落蟹汁一齊食，感覺自已呢刻很幸福啊

比目魚骨鍋:雖然都唔錯，但同鮟鱇魚鍋比，自然受冷落啦

鮟鱇魚鍋:主角之一出場喇，真係好大鍋啊，不過還未滾起，咁我就述解下鮟鱇魚既好處，這種魚係生活在好深海既地段，所以一定係野生的，特別係日本人，他們最愛係鮟鱇魚肝，基本上整條魚含豐富既骨膠原，女性食就更好，而且魚肉切到大大舊，食起來啖啖肉無乜骨，特別過癮，整個鍋有咁大條魚去熬製，魚湯點會唔鮮呢？

肉質咬落有彈性，魚味又夠濃，鮟鱇魚肚俾我快手夾了，比一般魚肚肥大很多，睇下幾厚肉，但咬落完全唔韌的，好味，鮟鱇魚肝:味道好濃好濃，我唔知點形容了。

呢餐海鮮宴真係超平，每人只是夾了$300港幣，就可食得咁豐富，非常滿足

推介菜式: 啜咀八爪魚、勁拆長腳蟹、極鮮活鮑魚刺身、拼命河豚鍋、海膽刺身、花枝刺身、海腸刺身、海菠蘿刺身、毛蟹、榮螺
每人消費: 約300港元 (晚餐)
評分: 味道5 服務4 環境3 衛生4 抵食5

檢舉此評論

回到頁首

0 個留言 | 加入你的留言

2012韓國5日4夜賞紅葉、嚐海鮮、歎美食之旅 (韓國)
(旅程日期: 2012-10-29 至 2012-11-02 , 旅程性質: 觀光攝影, 飲食購物, 消閒度假)

整個旅程 (共4篇遊記)

分享至Facebook

遊記 : 第1日

發表日期: 2012-11-16

第1日

之旅一行九人，其中三人會早兩日出發，其中有幾個團友係未去過韓國，我本身就在十年前跟團去過一次，今次行程在半年前已搵定資料，其中食的行程最煩，不段去更改，因要遷就各團有的口味，但最後都計劃好晒。

今次我們搵了龍祥旅行社買5日4夜Package，搭韓亞零晨機，住新村高爺酒店，價錢係$3900一個人已連稅，這旅行社係即時就知道有否機位，過幾日就俾晒錢落實。

成員:我兩公婆、師兄、MeiMei、烏蠅同女友Venus 、啊文兩公婆及細佬
Day1 : 香港機場00:35 > 05:00首爾機場 > 新村高爺會館 > 河東館牛骨湯早餐 > 惠化站大學路 > 三層肉.COM午餐 >清溪川 >東大門 > 鷺梁津水產市場晚餐 > 彩雲咖啡廳 > 新村高爺會館

Day2 : 土俗村早餐 > 北村韓屋>三清洞手撕麵午餐 >三清洞附近遊覽 > 首爾站LotteDuty Free>梨大>新村咪咪漁業晚餐>新村>布帳馬車宵夜 > 新村高爺會館

Day3: ISAAC芝士麵包早餐 > 梨花園女子大學 > 梨花園 > 新村站著吃牛小排午餐 > 新村八色五花肉 >弘大3D館 > 弘大 > 樂天超市 > 陳玉華雞鍋店晚餐>東大門 > 新村高爺會館

Day4:海苔飯捲早餐 > 龍山KTX站 > 井邑火車站 > 轉171巴士 >內藏山 >井邑午餐 > 景褔宮燒肉店晚餐> 明洞 > 布帳馬車宵夜 > 新村高爺會館

Day5 : 南大門韓奶奶手打麵早餐 > 廣藏市場午餐 >首爾塔下午茶 > 新村 > 機場回程19:45

今次韓國資料用了大半年，亦係我用了最多時間去搜集既一次

今晚我們十點幾就到達機場喇，其他團友們都好準時到達喎！

2012韓國5日4夜賞紅葉、嚐海鮮、歎美食之旅-day1((PART1) ok喇

2012-11-16

河東館牛骨湯 (首爾)