呢個farm係今日旅程的中途站，同埋彌補之前係Kate Berry Farm冇得摘士多啤梨的失望。Sorell Farm真係幾大，基本上你諗到的生果都有得摘，有士多啤梨、車厘子、杏、桃、布冧、西梅等…不過，而家係澳洲初夏所以只有士多啤梨，但係士多啤梨品種都有12款，隻隻味道同個樣都有d唔同，有d清甜，有d酸酸地，有d甜到好似食糖咁，新鮮又好味! 摘咗一大堆士多啤梨，都係AUD$10，真係抵。摘完士多啤梨諗住去café食d野，點知工作人員話廚房已經閂咗，勁失望~本身一入來已經睇中的crepe，竟然冇得食!!!!!好采工作人員好nice咁話，仍然可以serve 飲品、雪糕同cake，咁梗係二話不說整件cheesecake先啦。個raspberry cheesecake好好食，又creamy，又rich，正!食完野當然又係買手信時間啦，呢度有好多honey同jam以供選擇，不過價錢唔平，如果諗住去salamaca market既，都係留噃係market先買啦!