東涌之友
我是東涌之友。 我是一名clerk。 我最喜愛到日本,韓國,泰國旅遊 , 最鍾意遊覽自然景觀,歷史建築/遺跡,城市風貌, 住宿通常會揀4星酒店,公寓,網誌:http://blog.yahoo.com/clara-lee。
留言  留言給此旅遊家
  遊記數目 38
  上載相片 351
  上載影片 0
最近分享過的旅程
澳門熱辣辣一天遊
國家/地點: 中國
旅程日期: 2013-06-19
深圳宿一宵
國家/地點: 中國
旅程日期: 2013-09-28 至 2013-09-29
濟州釜山自由行
國家/地點: 韓國
旅程日期: 2013-09-01 至 2013-09-06
釜山首爾追櫻記
國家/地點: 韓國
旅程日期: 2013-04-07 至 2013-04-12
首爾冬遊記2013
國家/地點: 韓國
旅程日期: 2013-01-19 至 2013-01-23
賞櫻見雪長野行
國家/地點: 日本
旅程日期: 2011-04-17 至 2011-04-20
釜山首爾追櫻記 (韓國)
(旅程日期: 2013-04-07 至 2013-04-12)
 整個旅程  (共7篇遊記)
 分享至Facebook 
發表日期: 2013-09-08
第三日繼續跑遠途,今次的目的係到慶州睇世界遺產兼賞櫻花。
佛國寺外的櫻花公園,櫻花怒放,令我地都心花怒放,真開心呀~
佛國寺外的櫻花公園,櫻花怒放,令我地都心花怒放,真開心呀~
佛國寺入口。
佛國寺入口。
世界遺產佛國寺,係慶州必遊景點之一。
世界遺產佛國寺,係慶州必遊景點之一。
大雄殿。
大雄殿。
無說殿。
無說殿。
飲聖水的地方,有D似日本寺院。
飲聖水的地方,有D似日本寺院。
舍利塔。
舍利塔。

坐地鐵到總站老圃站下車,走 3 號出口直達慶州高速巴士售票處,往慶州票價 4,800 韓圜,指定座位,9 點 30 分開車。購票後搭 Lift 落樓下搵月台登車,車程大概50分至1小時,10點半便到達慶州總站。

慶州是韓國新羅王朝的古都(睇過韓劇《善德女王》的韓迷應該都知唔少有關新羅王朝的故事!),據旅遊書形容慶州為「沒有屋頂的博物館」,古蹟處處,一日之內根本無可能遊勻所有名勝,必須作出取捨,我地鎖定必遊的景點為佛國寺、石窟庵、大陵苑、雞林、瞻星台等,遊玩次序由遠至近。從高速巴士下車後,即可旁邊的旅客中心取慶州地圖,並詢問佛國寺的巴士路線和穿梭石窟庵巴士的班次。

由旅客中心過對面馬路乘搭 10 或 11 號,大約半小時便到達佛國寺。在寺外有一個種左數以百株櫻花樹的櫻花公園,係賞櫻野餐的好地方。由於慶州位置較北,天氣較釜山和鎮海清涼,櫻花仍開得好燦爛,亦係整個行程見得最多最靚櫻花的追櫻勝地!

在巴士上結識左兩個阿珠媽,佢地好熱情,居然提議我地一齊在櫻花樹下野餐,仲請我地食年糕、蘋果、番薯、柑,又教我地韓文點樣祈禱和講一至十的韓文,最後,仲驚我地無錢食飯,想俾一萬圜我地,叫我地到附近攤檔買野食。當然,我地梗係無要啦,但佢地的熱情真係令人感動。

離開佢地之後,我地直上佛國寺。據史書《三國遺事》記載,佛國寺為751年新羅景德王的宰相金大城為紀念父母所建立。整個工程在 774 年由新羅王室在金大城去世後完工,並命名為佛國寺。

寺內的多寶塔、釋迦塔、藍雲橋和兩座金銅大佛等7個文物被列為韓國國寶。1995年,佛國寺和石窟庵一同被列為世界文化遺產。在寺內,居然俾我地見埋佛舍利,真的好難得。

遊完佛國寺,見仍未石窟庵的巴士到達時間,便在佛國寺櫻花公園旁的小檔食左魚板等小吃當午飯,爭取多些時間繼續遊玩。

推介項目: 賞櫻,觀世界遺產佛國寺建築
參觀時段: 早上
入場價錢: 每人4000韓圓
評分: 值得去5  
由呢個牌匾到達主室,起碼要行多十五分鐘。
由呢個牌匾到達主室,起碼要行多十五分鐘。
由呢條路要走15甚至20分鐘啦!大家記得急步快行呀~
由呢條路要走15甚至20分鐘啦!大家記得急步快行呀~
終於到達主室附近啦~
終於到達主室附近啦~
主室的左面有一堆堆壁石,旁邊有韓僧講解歷史,可惜我聽唔明,亦唔敢久留,以免躭誤睇佛像的時間。
主室的左面有一堆堆壁石,旁邊有韓僧講解歷史,可惜我聽唔明,亦唔敢久留,以免躭誤睇佛像的時間。
由壁石轉上去,終於到石窟庵的主室,可惜本尊佛像被玻璃隔住。
由壁石轉上去,終於到石窟庵的主室,可惜本尊佛像被玻璃隔住。
不同顏色燈籠造成好特別的效果!影多幾張相,又要快快急步下山去!
不同顏色燈籠造成好特別的效果!影多幾張相,又要快快急步下山去!
距離佛國寺 4 公里的石窟庵,於 1962 年 12 月 20 日被指定為國寶第 24 號,位於吐含山,正式名稱為石窟庵石窟,是一座以花崗岩建成的人工石窟寺院,在1995年與佛國寺同被聯合國教科文組織指定為世界文化遺產。新羅時期 751 年由金大城開始建造,歷經 24 年終於在 774 年竣工完成。據說石窟庵與佛國寺同樣為金大城所創建,佢為左現世的父母而建造佛國寺,又為左前世的父母建造石窟庵。

由石窟庵牌匾到達石窟庵主室要經過迂迴的山路,需要至少 15 分鐘,一來一回便要半小時,由於返回佛國寺的穿梭巴士1小時一班,所以大家記得抓緊時間,快速前行!

抵達主室周邊,左邊放左唔少壁石,見有一韓僧為遊客講解,可惜聽唔明,再往上走就係主室,正前方掛滿七彩燈籠,室內有本尊像等菩薩及弟子像,本尊像坐在蓮花寶座上,姿態柔和表情慈祥,不過石像有玻璃保護,我地只可以透過玻璃觀看。

在外面稍稍停留拍照,又要急急腳經過山路返回出口,再等巴士返佛國寺。朋友在巴士站旁的小攤檔買左銀杏(白果)和栗子充飢,我試左一粒銀杏極苦,栗子太乾又硬身而且難搣殼,不建議購買。

推介項目: 參觀石窟庵
參觀時段: 下午
入場價錢: 每人4000韓圓
評分: 值得去5  
大陵苑在驛站的左面,步行一會兒,見右面不遠處的丘陵小坡,就知到左大陵苑。
大陵苑在驛站的左面,步行一會兒,見右面不遠處的丘陵小坡,就知到左大陵苑。
大陵苑一景。
大陵苑一景。
天馬塚係大陵苑中唯一開放內部的古墳。
天馬塚係大陵苑中唯一開放內部的古墳。
遊完天馬塚,轉往左面走,經過呢條小徑,便是另一個出入口,不遠處便會見到雞林和瞻星台。
遊完天馬塚,轉往左面走,經過呢條小徑,便是另一個出入口,不遠處便會見到雞林和瞻星台。
瞻星台。
瞻星台。
雞林的地標。
雞林的地標。
遊完瞻星台,往右邊小斜路就係半月城和石冰庫所在。
遊完瞻星台,往右邊小斜路就係半月城和石冰庫所在。
石冰庫外貌。
石冰庫外貌。
由石窟庵坐 12 號巴士到佛國寺,下車處再等 10 或 11 號巴士返回市中心,巴士途經慶州好多個景點,可惜時間有限,而且都唔知係咩景點,所以最後決定在慶州驛下車,逛遊市內名勝!

下車後,不妨又在遊客中心問問大陵苑位置。大陵苑在驛站的左面,步行一會兒,見右面不遠處的丘陵小坡,就可以過對面馬路向右直走,約步行 15 分鐘左右,就係大陵苑入口。

大陵苑保存左 23 個巨大的古墳,其中以天馬塚最為著名,而天馬塚亦係大陵苑中唯一開放內部的古墳。天馬塚位於大陵苑入口的右面,發掘於1973 年,是新羅特有的積石木棺墳,由於出土的馬鞍墊子上繪有天馬,因而得名。天馬塚高度 12.7 米,直徑 50 米,在封土內部有以石頭堆積成的積石層。積石層裡有個長度6.5 米,寬度 4.2 米,高度 2.1 米的木房,中央放著木棺和屍體(我見已經化左灰,只隱約見到一個人形的輪廓!),出土的遺物有 11,526 件裡,其中天馬圖是韓國古墳中初次出土最珍貴的畫作。

參觀完天馬塚,向左面走,四周滿是黃黃的丘陵小坡,彷彿望不見盡頭,非常壯觀,感覺有點似在沙漠見的沙丘,不同的只係古墳小丘上有綠草,而沙漠的沙丘只有黃黃的沙土。

步行十零分鐘,到達大陵苑的另一個入口,就此路步出,幾分鐘即到瞻星台。瞻星台(睇過韓劇《善德女王》都會見過呢個台啦!)呈圓柱形,由 362 塊 30 公分大小的石塊分27層堆砌而成。距底部4.16公尺處有一扇門,呈正方形,每邊長 1 公尺,門下方還遺留著放置梯子的痕跡(不過我見唔到!)。

睇完瞻星台,繼續往上方斜坡走去,就係半月城和石冰庫。半月城係從西元 101 年婆娑王 22 年到西元935年新羅滅亡為止的一座宮殿,而家只見的係一大遍草地;至於在草地左上方位置的石冰庫建於朝鮮英祖 14 年(公元 1733 年),內部長 12.27 米,寬 5.76 米,其實係用石頭做的冰庫,是古代的冰箱。走到石冰庫的入口附近,就會有陣陣冷氣襲來。石冰庫的一半在地上,一半在地下,地面和墻壁是花崗岩的,頂部是拱形,有通風口。隔著鐵枝望進去,我覺得有少少似鐘乳石洞。

推介項目: 遊大陵苑,可先遊苑內右方的天馬塚,然後轉往左面直走,往另一個入口離開,可繼續順路遊瞻星台、雞林、半月城、石冰庫等一連串古蹟。
參觀時段: 下午
入場價錢: 每人1500韓圓
評分: 值得去5  
菜包飯既似迷你滿漢全席,又似懷石料理,不同醃菜用小碟仔盛住,放滿整張檯,我計過單係小醃菜有22小碟,另有一鍋牛肉、兩碗湯同埋兩碗白飯!
菜包飯既似迷你滿漢全席,又似懷石料理,不同醃菜用小碟仔盛住,放滿整張檯,我計過單係小醃菜有22小碟,另有一鍋牛肉、兩碗湯同埋兩碗白飯!
呢鍋牛肉由朋友一個人殺晒。
呢鍋牛肉由朋友一個人殺晒。
時間尚早,我地兩個客包晒全場。
時間尚早,我地兩個客包晒全場。
就係呢個阿珠媽主動出擊,叫我地幫襯。
就係呢個阿珠媽主動出擊,叫我地幫襯。
門外的相片,影得咁壯觀,但點解我地食的好似唔係咁喎?!
門外的相片,影得咁壯觀,但點解我地食的好似唔係咁喎?!
有人講過,來慶州不吃菜包飯和皇南餅,就枉來慶州。所以我地遊完石冰庫後,返回近瞻星台的大陵苑入口,往右邊馬路走,路邊即有多間貼住供應傳統菜包飯的韓式食肆,我地隨意走入其中一間試試地道的菜包飯。

菜包飯的英名叫 Bulgogi Ssambab,既似我地的迷你滿漢全席,又似日本的懷石料理,不同醃菜用小碟仔盛住,放滿整張檯,我計過單係小醃菜有 22 小碟,另有一鍋牛肉、兩碗湯(一碗係海鮮豆腐湯,一碗係青瓜雜菜湯)同埋兩碗白飯,至於最右邊的大大塊菜葉和旁邊的調味醬,(經阿珠媽解釋)原來用來包住牛肉、醃菜和白飯同吃,所以名為「菜包飯」。

不過,我唔食牛肉,由朋友食晒整鍋,我只係不停食醃菜和飲湯撈飯,最後唔夠飽,要添多一碗白飯頂肚。

講真,一來我唔食牛肉,二來全部醃菜都係凍,只有兩碗湯係熱,我唔覺得好好味。不過,既然一場來到慶州,食下地道晚飯就當指定動作吧!

埋單 27,000 韓圜(因為白飯 1,000 韓圜),折合港幣只係190 元左右,不算太貴啦!
推介菜式: 菜包飯
每人消費: 約100港元 (晚餐)
評分: 味道3   服務4   環境4   衛生4   抵食4
沿著大陵苑外牆的小馬路直走,盡頭的對面就係著名的皇南餅專門店。
沿著大陵苑外牆的小馬路直走,盡頭的對面就係著名的皇南餅專門店。
店舖採開放式廚房,甫入門口即見裡面廚師正密密手炮製皇南餅的各個過程,保證新鮮熱辣。
店舖採開放式廚房,甫入門口即見裡面廚師正密密手炮製皇南餅的各個過程,保證新鮮熱辣。
廚師左面的就係紅豆泥(煮紅豆並搗碎製而成)。
廚師左面的就係紅豆泥(煮紅豆並搗碎製而成)。
皇南餅的真身。朋友請我食過一粒,熱辣辣,紅豆泥軟糯示太甜。
皇南餅的真身。朋友請我食過一粒,熱辣辣,紅豆泥軟糯示太甜。
呢D會部都係俾左錢等拎皇南餅的顧客。
呢D會部都係俾左錢等拎皇南餅的顧客。
食完晚飯,沿著大陵苑外牆的小馬路直走,盡頭的對面就係著名的皇南餅專門店。皇南餅從1939年起,歷經三代,是慶州的名產,好多人會買來做手信。軟軟的餅皮內有清淡不太甜的紅豆泥(煮紅豆並搗碎製而成),熱食尤其美味。

廚房採開放式設計,甫入門口即見裡面廚師正密密手炮製皇南餅的各個過程,保證新鮮熱辣。客人須先俾錢,再憑單取貨,最初見等候領取皇南餅的客人極多,朋友仍堅持要買兩盒做手信,幾驚要等好耐。好在由排隊到取貨大約15至20分鐘左右,都算相當有效率啦!

售價: 20 個裝 12,000 韓圜,30 個裝 18,000 韓圜,48 個裝 28,000 韓圜

推介菜式: 皇南餅
每人消費: 約12000韓圓 (晚餐)
評分: 味道5   服務4   環境4   衛生4   抵食4
  0 個留言    |  加入你的留言
此遊記的留言
加入留言
如要加入留言, 請先登入