東涌之友
我是東涌之友。 我是一名clerk。 我最喜愛到日本,韓國,泰國旅遊 , 最鍾意遊覽自然景觀,歷史建築/遺跡,城市風貌, 住宿通常會揀4星酒店,公寓,網誌:http://blog.yahoo.com/clara-lee。
留言  留言給此旅遊家
  遊記數目 38
  上載相片 351
  上載影片 0
最近分享過的旅程
澳門熱辣辣一天遊
國家/地點: 中國
旅程日期: 2013-06-19
深圳宿一宵
國家/地點: 中國
旅程日期: 2013-09-28 至 2013-09-29
濟州釜山自由行
國家/地點: 韓國
旅程日期: 2013-09-01 至 2013-09-06
釜山首爾追櫻記
國家/地點: 韓國
旅程日期: 2013-04-07 至 2013-04-12
首爾冬遊記2013
國家/地點: 韓國
旅程日期: 2013-01-19 至 2013-01-23
賞櫻見雪長野行
國家/地點: 日本
旅程日期: 2011-04-17 至 2011-04-20
首爾冬遊記2013 (韓國)
(旅程日期: 2013-01-19 至 2013-01-23 ,  旅程性質: 消閒度假)
 整個旅程  (共12篇遊記)
 分享至Facebook 
發表日期: 2013-01-27
行程唯一的一個郊外景點,就係《冬季戀歌》的拍攝地南怡島!南怡島是位於江原道春川市與京畿道加平郡間因為修建青平水庫時河水淹沒而形成的半月形小島,面積約14萬坪,周長5公里,因為《冬季戀歌》而聞名本地及海外。
在仁寺洞的南怡島旅遊中心預訂直通巴士車票連入場門票,合共23,000韓元。
在仁寺洞的南怡島旅遊中心預訂直通巴士車票連入場門票,合共23,000韓元。
在加平碼頭坐船往南怡島,幾分鐘便到達。
在加平碼頭坐船往南怡島,幾分鐘便到達。
島上有好多雪人公仔,好可愛!
島上有好多雪人公仔,好可愛!
剛巧遇上落雪,俊相和有珍經過的水杉林蔭道更加淒美!
剛巧遇上落雪,俊相和有珍經過的水杉林蔭道更加淒美!
*《冬季戀歌》的俊相和有珍劇照,當然要影個夠啦!
*《冬季戀歌》的俊相和有珍劇照,當然要影個夠啦!
兩位主角初吻地方旁,當然唔少得佢地一齊堆砌的小雪人公仔。
兩位主角初吻地方旁,當然唔少得佢地一齊堆砌的小雪人公仔。
島上氣溫較低,四周都設有火爐以供取暖之用,好貼心呀!
島上氣溫較低,四周都設有火爐以供取暖之用,好貼心呀!

出發時,首爾落大雨,天色黑沉沉,但由於兩日前已買好直通巴士車票連入場費(每人要23,000韓元),惟有硬著頭皮照去(後來先知錯有錯著,南怡島氣溫較低,下雨變下雪,驚喜萬分!)!

直通巴士在朝早九點左右已經停在仁寺洞塔谷公園側,一到九點半便開車,所以一定要早到呀!

大約一小時廿分的車程即到達加平渡頭(唔使好似坐火車咁,要再轉的士,好方便!),落車見漫天飄雪,真係驚喜不已,當然唔上船住,慢慢在渡頭影到夠為止!

上船前,要經過Immigration(有「關員」會檢查門票!),然後先可以上船。經過幾分鐘的船程,便到達心儀的南怡島,開始尋找《冬季戀歌》中有珍和俊相的足跡!

周一兼落雪,遊人唔算太多(雖然有齊中國、日本、香港、泰國、南亞等唔同人種,但至少唔覺人滿之患!),部分離開渡頭較遠位置更加杳無人煙,合晒我地心意!

飄雪之下的南怡島淒美又浪漫,就算傻瓜機隨手一拍都美得令人讚嘆;加上各處皆見《冬季戀歌》的印記,滿足晒迷哥迷姐朝聖的心態!其中最鍾意的景點,當然係俊相和有珍經過的水杉林蔭道同埋佢地初吻的位置!

追蹤完佢地的足跡後,原來想搵埋佢地食過的懷舊便當,點知搵極搵唔到,結果去左一間叫古木的韓國料理店,食左拌飯同綠豆餅,拌飯唔係用石鍋上,唔夠熱,味道麻麻,反而綠豆餅又厚又大件,熱辣辣,好飽肚,埋單係15,000韓元!

由於落雪的關係,鞋襪同褲腳盡濕,臨尾只好去碼頭附近的便利店買對毛巾襪替換!下次都係要做足防落雪的裝備(雪鞋加雨傘唔少得!)啦!

直通巴士的回程時間係四點鐘,所以我地搭三點半的渡輪返回加平碼頭,順利完成今次尋找《冬季戀歌》俊相和有珍的足跡之旅。經過個半小時的車程,大約五點半前便到達仁寺洞。

推介項目: 觀光,攝影
參觀時段: 全日
入場價錢: 每人8000韓圓
其他消費: 直通巴士來回車費15,000韓元
評分: 值得去5  
  2 個留言    |  加入你的留言
此遊記的留言
共 2 個留言 ,正顯示第 1至2 個留言
南怡島的直通巴士 2014-10-06 19:05   119.247.x.x
南怡島的直通巴士可在位於仁寺洞十字路口旁的南怡島旅遊中心購買,在National Souvenir Center的二樓,可以預售來回車票和入場票連船票,合共23,000韓元,方便快捷。你可以看看我的blog。
http://claralee1104.blogspot.hk/2013/01/blog-post_7185.html
東涌之友東涌之友 (共38篇遊記)

問路 2014-10-05 17:51   14.136.x.x
妳好!我想請問妳前往南怡島的直通巴士及入場票在仁寺洞那裡可以買到?謝謝妳!
Sum Ho888Sum Ho888 (共0篇遊記)

加入留言
如要加入留言, 請先登入