逛完郊外風光，係時候在長野市內遊。

一直打算去長野市的觀光中心－－善光寺，可惜日日行完原定景點後，都接近傍晚，搞到第三日先至可以探訪呢間著名古剎！

我地由長野站出面坐一號巴士，十分鐘便到達善光寺。我地先經過商店街，兩旁的商店充滿江戶時代的建築特色，賣的都係當地著名土產和精品，當然唔少得栗子、蕎麥麵等。善光寺據說創建於7世紀，係國家級重要文物，面積達6萬平方米，我地左行行右行行，見到好多唔同的神像，亦都見到唔少盛放的櫻花樹，在古剎映襯下，景致更迷人，於是我地把握最後機會，狂拍照留念！

影夠相後，先到達主殿，只見參拜者絡繹不絕，就連售賣平安符的小店都擠滿左人！

拜完佛後，我地開始最後掃貨，首次來日本的朋友結果買到一手都係野，搞到要去無印良品買左個大袋裝佢的戰利品，都咪話唔誇張！

善光寺
開放時間：5時30分～16時30分
網址：http://www.zenkoji.jp/
交通：長野新幹線長野站下車，轉搭一號巴士10分鐘在善光寺大門站下車