太宗臺位於影島，是釜山市的保護文物，名列釜山十大勝景之一，島上長有松樹等200多種茂密的樹木。遊太宗臺最方便就係五顏六色的卡通觀光車，車票全日有效，園內設有好幾個觀光車停車點，大家可以在途中自由地上下車，大約每隔20分鐘就會發一趟車。

我地最初打算先坐一圈看看環境，然後在第二次乘坐時才落車睇某一兩個景點。

點知，再想搭車時，觀光車居然因天雨關係而停駛，仲要係無限時停駛，兼且售票處即時關閉！當時只不過係微微細雨都唔開車，有無搞錯！搭左一次又唔可以退票，要我地徒步遊園又太吃力，結果我地只漫步第一個景點──若原礫石灘，遠觀海岸同埋懸崖奇石等景致便算，實在有Ｄ可惜！不過都總好過部分在展望台落左車，觀光完發現要自己徒步出返大門咁慘！畢竟太宗臺環境唔細，要走返出來，我諗至少一個鐘（仲要極快步個隻添！）無走雞！