呢間店有中文餐牌，店員推介我地食兩人套餐（32,000韓元，即460港元），已經包括各款豬肉、蒸蛋、大醬湯、辣味八爪魚同埋冷麵，價錢比在首爾便宜。

烤好的豬肉香濃惹味（雖然食唔出同普通豬肉有咩分別！），熱辣辣夾住新鮮菜葉和泡菜辣醬同吃， 一Ｄ都唔油膩，好味道！辣八爪魚烤好後，辣味入口後微微散發出來，真係幾辣。大醬湯滾熱辣上檯，橙色的湯底極濃，內有海鮮同豆腐，亦係帶微辣。蒸蛋清清地夠滑溜，中和油膩最好不過。臨尾，朋友太飽，所以只叫一碗冷麵，冰凍兼且酸味近醋的湯底，唔太啱我口胃，不過都一樣照食晒落肚！飽晒！