美食兵團
我是美食兵團。 我最喜愛到台灣,泰國,馬來西亞,最重要是去安全同政治穩定的地方旅遊 , 最鍾意遊覽自然景觀,民俗風情,公園/遊樂場/渡假區,戶外活動, 住宿通常會揀3星酒店,渡假村,合理價錢。
留言  留言給此旅遊家
  遊記數目 41
  上載相片 2732
  上載影片 0
最近分享過的旅程
美食兵團去首爾
國家/地點: 韓國
旅程日期: 2015-06-26 至 2015-07-01
吉隆坡+熱浪島優閒渡假之旅
國家/地點: 馬來西亞
旅程日期: 2014-07-23 至 2014-07-29
美食兵團去廈門
國家/地點: 中國
旅程日期: 2014-12-25 至 2014-12-28
昆明、麗江、香格里拉六天自由行(18/04/2014 - 23/04/2014)
國家/地點: 中國
旅程日期: 2014-04-18 至 2014-04-23
美食兵團去清邁+芭堤雅+曼谷10天遊
國家/地點: 泰國
旅程日期: 2013-07-12 至 2013-07-21
又再去台北
國家/地點: 台灣
旅程日期: 2013-07-02 至 2013-07-05
台灣環島15天遊
國家/地點: 台灣
旅程日期: 2012-07-20 至 2012-08-03
曼谷Shop, Spa, Eat
國家/地點: 泰國
旅程日期: 2012-06-27 至 2012-07-03
澳門3天尋玩尋食之旅
國家/地點: 中國
旅程日期: 2011-08-20 至 2011-08-22
海南三亞豪嘆hea
國家/地點: 中國
旅程日期: 2011-08-13 至 2011-08-16
台灣環島15天遊 (台灣)
(旅程日期: 2012-07-20 至 2012-08-03 ,  旅程性質: 飲食購物, 消閒度假)
 整個旅程  (共13篇遊記)
 分享至Facebook 
發表日期: 2012-10-09
23/07/2012

一早食完旅店嘅Home Feel早餐,店主幫我哋訂咗早上8:30日月潭遊船,就慢慢行去伊達邵碼頭上船。今日行程豐富,離開日月潭,會展開以下旅程:

日月潭遊船 ~ 文武廟 ~ 埔里紙教堂 ~ 造紙龍手創館 ~ 埔里酒廠 ~ 18度C朱古力 ~ 草屯寶島時代村 ~ 宿清境佛羅倫斯山莊
日月潭中央的拉魯島
日月潭中央的拉魯島
上玄光寺的碼頭
上玄光寺的碼頭
從玄光寺向下望日月潭
從玄光寺向下望日月潭
拉魯島的另一面
拉魯島的另一面
全世界最矮嘅燈塔
全世界最矮嘅燈塔
日月潭周圍的山景
日月潭周圍的山景
遠眺慈恩寺
遠眺慈恩寺
我哋所坐嘅挪亞方舟公司的交通船
我哋所坐嘅挪亞方舟公司的交通船


23/07/2012

我哋8:20am已行到落伊達邵碼頭, 我哋喺坐挪亞方舟公司的遊船, 等到8:45am開船出發遊日月潭, 有導遊講解沿途景色, 交通船都好新淨, 就咁遊湖一周, 唔錯喎! 好舒服!



參觀時段: 早上
入場價錢: 每人300新台幣
評分: 值得去5  
山明水秀 笑臉2012-10-09
伊達邵管理站暨遊客中心, 遊湖船票可喺呢處買
伊達邵管理站暨遊客中心, 遊湖船票可喺呢處買
伊達邵碼頭右邊
伊達邵碼頭右邊
伊達邵碼頭左邊, 泊滿交通船
伊達邵碼頭左邊, 泊滿交通船
我哋要行出去呢處上船
我哋要行出去呢處上船
伊達邵碼頭右望, 係日月潭纜車站
伊達邵碼頭右望, 係日月潭纜車站


早上嘅伊達邵碼頭充滿活力, 交通船忙個不停接載遊客上船, 落船, 絡繹不絕

晚上嘅伊達邵碼頭充滿熱鬧, 碼頭前面的商業街遊客買嘢, 食嘢, 喧鬧繁華
參觀時段: 早上
評分: 值得去5  
碼頭前嘅玄奘寺牌匾
碼頭前嘅玄奘寺牌匾
要行一小段石級上玄奘寺
要行一小段石級上玄奘寺
一團團強國旅行團上玄奘寺
一團團強國旅行團上玄奘寺
當然有買茶葉蛋食啦! 交通船導遊話阿嬤嬤已經賣蛋賣到發咗達囉!
當然有買茶葉蛋食啦! 交通船導遊話阿嬤嬤已經賣蛋賣到發咗達囉!
從高處望落玄奘寺碼頭
從高處望落玄奘寺碼頭
日月潭
日月潭


遊日月潭嘅重點項目, 就係上岸參觀玄奘寺

當日係玄奘寺碼頭見到一團一團嘅強國人旅行團, 令碼頭至玄奘寺都充斥著叫喊聱, 人群熙來攘往, 佢哋排隊响舊"日月潭"石頭影相, 排隊响睇到日月潭全景處影相, 排隊買茶葉蛋, 今次我見到嘅強國人都唔算失禮喎! 大家排隊........

玄奘寺只是一間普通嘅小寺廟, 冇咩特別, 亦唔覺莊嚴肅穆, 只係响小山丘上望落日月潭, 景色尚算不錯
參觀時段: 早上
評分: 值得去5  
乘涼好去處 笑臉2012-10-09
復修得好靚嘅文武廟, 比以前更有氣派
復修得好靚嘅文武廟, 比以前更有氣派
想同佢影相, 唔該先比錢, 好似要NT100
想同佢影相, 唔該先比錢, 好似要NT100
全條雲石欄杆掛滿金色吊飾, 好搶眼
全條雲石欄杆掛滿金色吊飾, 好搶眼
文武廟中庭位置, 912地震後新造嘅石雕
文武廟中庭位置, 912地震後新造嘅石雕
仲有舒淇捐獻嘅鼎
仲有舒淇捐獻嘅鼎
文武廟年梯步道
文武廟年梯步道
名人生日日期刻在石級處
名人生日日期刻在石級處



本人信奉基督教, 一向好少行寺廟, 但都想嚟呢處行吓, 因為同我二十年前嚟時完全唔同晒, 靚咗好多, 仲宏偉咗添!

台灣朋友話912地震, 南投係重災區, 文武廟破壞得好嚴重, 所以進行咗大復修, 地方大咗, 主要建築物靚咗

我哋唔拜神, 周圍睇吓, 參觀吓, 比我哋發現咗廟內原來係個乘涼好地方, 當日11:00am, 太陽好猛, 真係唔想行, 廟內有一排雲石椅, 坐喺處簡直透心涼, 真係想 : "飲番杯冰凍啤酒, 高歌一曲氣量厚.....", 真係唔願行, 就係處休息咗15分鐘, 先至出發

走出文武廟對面馬路, 就係366個石級組成嘅文武廟年梯步道, 每一石級都刻咗不同名人嘅生日, 如果生日在1月1日, 咁要落到底喇! 有排行啊! 好彩我同港童都係年尾出生, 唔洗行咁多級, 哈!

推介項目: 坐喺雲石櫈上休息
參觀時段: 早上
評分: 值得去5  
美雲阿婆茶葉蛋曾被電視台訪問過
美雲阿婆茶葉蛋曾被電視台訪問過
鵝蛋比雞蛋大好多
鵝蛋比雞蛋大好多
就係呢位美雲阿婆
就係呢位美雲阿婆
仲有香腸賣, 好香呀!
仲有香腸賣, 好香呀!
鵝蛋又大又香, 比雞蛋貴5倍喎!
鵝蛋又大又香, 比雞蛋貴5倍喎!


行完文武廟, 有少少肚餓, 又見到文武廟門口對面有幾檔小食檔, 就過去睇吓有咩嘢食.....

最吸引我, 就係阿婆茶葉蛋, 我哋唔係買雞蛋食, 係買鵝蛋食, 真係鵝蛋味比雞蛋味香濃
每人消費: 約50新台幣 (午餐)
評分: 味道4   服務5   環境3   衛生3   抵食3
提倡環保 ok喇2012-10-09
紙教堂門口
紙教堂門口
紙教堂裡面好多蝴蝶
紙教堂裡面好多蝴蝶
除咗蝴蝶, 仲有紅蜻蜓
除咗蝴蝶, 仲有紅蜻蜓
水蓮處處
水蓮處處
紙教堂
紙教堂
紙教堂裡面
紙教堂裡面


中午嚟到紙教堂, 要比入園費NT100/成人, 但可用此抵消在場內嘅消費, ok吖!

其實有個好奇心, 紙做嘅建築物唔怕風吹雨打咩? 啊! 原來紙教堂外圍加咗一層膠造嘅外牆, 明白了

其實紙教堂呢個地標, 打造咗一個良好嘅自然生態環境, 喺範圍內有荷花池, 水蓮池, 自然農田, 社區菜圃外, 亦創造咗一個環保藝術區域及戶外教室, 令呢處鄉村地方可以有另一個新嘅轉型平台

入面除咗以上咁有意義嘅景區外, 其實唔係咁特別, 如果唔明白佢哋嘅主題, 會覺得呢度冇嘢睇
參觀時段: 下午
入場價錢: 每人100新台幣
評分: 值得去4  
另外叫鳳梨奇異果冰沙 NT130, 抵消後只比NT30
另外叫鳳梨奇異果冰沙 NT130, 抵消後只比NT30
餐湯 : 荀湯, 好清甜, 冇味精
餐湯 : 荀湯, 好清甜, 冇味精
鮮奶磨菇意粉粉, 好味
鮮奶磨菇意粉粉, 好味
入園券抵消園內消費, 食嘢同買嘢都得
入園券抵消園內消費, 食嘢同買嘢都得
紙教堂門外的售賣水果小攤檔
紙教堂門外的售賣水果小攤檔
我哋又買咗蜜梨同小蕃茄
我哋又買咗蜜梨同小蕃茄
每粒小蕃茄, 都釀咗一粒小梅喺裡面
每粒小蕃茄, 都釀咗一粒小梅喺裡面
蜜梨, 好食到唔停得口, 每人5個都唔夠
蜜梨, 好食到唔停得口, 每人5個都唔夠


行完一輪紙教堂周圍, 又影完相喇, 天氣熱到不得了, 要坐低飲杯嘢!

由於入園費可抵消區內嘅消費, 就決定去生態共和餐房, 食個午餐喇!

由於我哋唔係太肚餓, 只叫咗兩個特餐, 包主菜, 餐湯, 飲料同甜品, 主菜分別係鮮奶磨菇意粉 NT210同茄汁肉醬意粉 NT230, 而每張入園券只可抵消一份餐飲, 所以再另叫兩杯飲料 : 伯爵奶茶 NT90 同鳳梨奇異果冰沙 NT130

兩個主菜味濃但清新, 最好係冇味精, 入面嘅蔬菜都係園區自家種, 兩杯餐飲係冰蜜茶同冰百香, 雖然冇另叫嗰兩杯咁大杯, 但消暑解渴, 甜品係綠豆沙, 唔太甜, 幾好!

喺紙故堂門口幫襯咗水果小攤檔, 買咗蜜梨(似美國布冧)同小番茄, 呢d都係攤主自家種嘅農作物, 蜜梨好食到不得了, 比美國布冧更正更甜, 小番茄入面釀咗一粒小梅子, 味道配合得唔錯, 一d都唔酸添, 離開咗埔里, 就搵唔番蜜梨賣喇!

喺台灣, 真係要去到邊食到邊, 蘇州過後冇艇搭呀!
推介菜式: 茄汁肉醬義大利麪
每人消費: 約100新台幣 (午餐)
評分: 味道5   服務4   環境5   衛生5   抵食5
DIY 親子造紙 笑臉2012-10-09
造紙龍手創館嘅DIY工房
造紙龍手創館嘅DIY工房
DIY 工房Show Room
DIY 工房Show Room
展覽館內,導賞員介紹造紙方法
展覽館內,導賞員介紹造紙方法
館內的紙造作品 - 小丸子與同學
館內的紙造作品 - 小丸子與同學
親子造紙及DIY畫
親子造紙及DIY畫
我買咗呢隻大桶裝蜜糖, 係屬於春蜜, NT250
我買咗呢隻大桶裝蜜糖, 係屬於春蜜, NT250
手創館招牌
手創館招牌
手創館內
手創館內


去完紙教堂, 朋友就車我哋去下一個景點 - 造紙龍手創館

呢間造紙廠好難搵, 沿途又冇路牌指示, 如果冇GPS, 真係搵唔到呀!

手創館門口,有幾位大學生在指揮駛入嘅私家車,然後帶領我哋入展覧館參加導賞團,主要介紹佢哋嘅造紙廠,由點樣造紙、造紙種類、紙的款式、用紙造嘅手工藝、 紙造嘅產品等,一路慢慢向遊客展示,當中又會同遊客玩問答遊戲,我幸運地答中兩題,有兩份禮,禮就係兩張禮物紙。

睇完展覧館,我哋同港童玩DIY造紙畫,原價要NT200,外國遊客就平D,NTI50。

首先要學造紙, 然後自選圖案, 工作人員會交所須嘅工具, 模及顏色比小朋友, 我哋就由港童自由發揮佢嘅小宇宙,3個大人就去睇館裡嘅農產品攤檔。

台灣試食最唔孤寒,一杯清潤冷凍嘅蜜糖水,比農民主人不停游說,不停倒完一杯又一杯,雖然味道唔錯,其實真係唔想買,又重又驚漏,但另一半話買,話冬天可以潤一潤喎。

如果帶著小朋友, 到手創館係一個幾理想嘅景點。
其他消費: DIY 親子手工
評分: 值得去5  
18度c有幾個舖賣不同嘅產品
18度c有幾個舖賣不同嘅產品
呢間舖主要賣朱古力
呢間舖主要賣朱古力
隔離舖賣雪糕
隔離舖賣雪糕
屬於義大利式雪糕
屬於義大利式雪糕
18度c有兩處露天地方提供比客人食嘢
18度c有兩處露天地方提供比客人食嘢
18度C後面嘅生果檔, 不過唔係買生果
18度C後面嘅生果檔, 不過唔係買生果
而係買花生食
而係買花生食



一早已在網上參詳咗18度C嘅朱古力, 但始終天氣太熱, 喺台灣仲有排玩, 都係唔買朱古力做手信喇!

當日雖然係星期一, 但仍要排晒隊買雪糕同朱古力, 情況虛陷, 可想而知好多人都慕名而來

我哋買咗4種口味嘅雪糕: 朱古力, 芒果, 士多啤梨同百香果; 味不太甜, 有少少雪芭感覺, 果味濃郁, 但奶味冇被蓋過, 一杯兩味小嘅要NT80, 雖然都幾貴同份量唔多, 但專程嚟到, 點都要食吓, 果然係值嘅!

至於朱古力, 有濃度唔同嘅選擇, 試咗65%同75%嘅生巧朱古力, 我較愛65%, 不過個人口味啦! 平均一粒巧生朱古力要成港幣14元架, 真係要慢慢品嚐喇(朱古力係冇試食)

每人消費: 約40新台幣
評分: 味道5   服務4   環境4   衛生4   抵食2
寶島時代村的仿60年代台灣街道
寶島時代村的仿60年代台灣街道
好懷舊嘅廣告招牌
好懷舊嘅廣告招牌
村內廟口小吃內的懷舊布置
村內廟口小吃內的懷舊布置
仿集集火車站內
仿集集火車站內
三合院內的農家布置
三合院內的農家布置
仿古蒸氣火車
仿古蒸氣火車
 寶島時代村正門
寶島時代村正門



離開18度C時, 太陽猛烈, 到咗草屯鎮就剛相反, 狂風暴雨, 台灣嘅天氣真係估佢唔到; 係咁嘅情況下, 真係要室內活動喇, 嚟寶島時代村就啱晒

台灣朋友話寶島時代村喺今年6月15日先至開幕, 係台灣新景點, 主要以60年代嘅台灣為主題, 以當時嘅街道, 商店, 招牌及台灣本土特色文化, 打造一個充滿著台灣60年代嘅大型商場, 每間店舖外型都係60年代舊店舖模樣, 但入面就係各式新穎精品, 手信店, 又竟然match到個懷舊feel

而論懷舊感, 村內好多食店都做到主題, 而村內有3大食區, 其中廟口小吃主要賣小食, 三合院就由一間酒家承包, 都係富特色嘅食店, 寶島食堂就係一般嘅Food Court, 另村內周圍都有其他嘅coffee shop, 西餐廳, 朱古力店等, 完全能配合到任何年齡嘅人的須要

而村內中間位置, 就係仿集集火車站, 咦! 村內起咗個集集火車站, 好嘢! 仲可順便去埋集集, 玩多個景點, 唷!
參觀時段: 下午
入場價錢: 每人150新台幣
評分: 值得去5  
呢間店嘅老板娘話佢間食店喺南投都算出名喎! 仲話好好食添!
呢間店嘅老板娘話佢間食店喺南投都算出名喎! 仲話好好食添!
而且價錢又唔貴喎! 我哋揀咗NT145套餐
而且價錢又唔貴喎! 我哋揀咗NT145套餐
南投意麪+燙青菜+鹵水五味, 好足料
南投意麪+燙青菜+鹵水五味, 好足料
港童就揀咗四季原味海鮮火鍋, NT149
港童就揀咗四季原味海鮮火鍋, NT149
實在太豐富喇, 港童果然食唔晒
實在太豐富喇, 港童果然食唔晒
又喺廟口小吃門口買咗個用黑糖包住個芝麻雪糕嘅甜品
又喺廟口小吃門口買咗個用黑糖包住個芝麻雪糕嘅甜品
好大舊嘅雪糕, 因黑糖又甜, 嗰外皮又甜, 雪糕又係甜, 所以非常甜
好大舊嘅雪糕, 因黑糖又甜, 嗰外皮又甜, 雪糕又係甜, 所以非常甜
廟口小吃入面, 左邊係小吃部, 右邊係懷舊裝飾+懷舊道具
廟口小吃入面, 左邊係小吃部, 右邊係懷舊裝飾+懷舊道具


行到6:30 pm, 要食晚飯, 然後要趕去清境, 所以要快d喇!

因為要快, 所以決定去村內嘅寶島食堂, Food Court 形式, 價錢確係大眾化, 而且仲可以用每張入場劵抵消每份餐NT100, 所以我哋只須要補番少少錢, 就可以有個晚餐囉, 又一次又玩又食嘅體驗

我哋三個大人就揀咗一間黃家庄嘅麵店, 選咗兩個NT145嘅同一個NT125嘅套餐, 非常豐富, 一大碗麵, 一碟油菜同一碟好豐富嘅鹵水, 平d就嗰碟鹵水細d, 唔好以為係一般貨式, 除咗個油菜平凡d外, 麵食同鹵水唔差喎, 值頭係好添!

港童就揀咗食小火鍋, 嘩! 佢仲豐富, 兩個人食都非常足夠, 早之叫少一份餐, 咁咪唔駛浪費食物囉!
每人消費: 約45新台幣
評分: 味道4   服務4   環境5   衛生4   抵食5
威尼斯景觀四人房, 間房幾大架
威尼斯景觀四人房, 間房幾大架
但係傢俱擺位麻麻地, 浪費咗d地方
但係傢俱擺位麻麻地, 浪費咗d地方
露台外嘅風景一流
露台外嘅風景一流
山莊大堂內, 布置好歐洲feel
山莊大堂內, 布置好歐洲feel
我哋住嘅就係頂樓左邊第二間
我哋住嘅就係頂樓左邊第二間
同住日月潭伊達邵旅館一樣, 又住602號房
同住日月潭伊達邵旅館一樣, 又住602號房
清境佛羅倫斯渡假山莊門口
清境佛羅倫斯渡假山莊門口
我哋房外可望到庭園Spa館, 好可惜, 冇時間做Spa
我哋房外可望到庭園Spa館, 好可惜, 冇時間做Spa


我哋差不多成9:00pm先至到清境, 台灣朋友摸黑揸車上山, 一路由山下轉彎又轉彎上山, 我哋住嘅地方海拔都幾高, 應該超過2500, 外面又落住雨, 氣溫相當涼, 只得19度, 所以都覺得咁嘅環境揸車好危險呀! 唔......



台灣朋友一直唔肯透露清境同台東會住邊處, 佢話想比個驚喜比我哋一家喎, 而呢兩處地方唔駛我比錢, 佢負責, 我真係非常唔好意思, 又比佢激死, 佢實在太客氣喇! 哼!

去到check in, 我都心知不妙, 一定唔平, 仲適逢暑假, 雖然係星期一, 但山莊d房都差唔多已爆滿, 原來房價要成NT4730/4人房, 即HK$1300, 嘩!

另外朋友仲想參加第二日由山莊攪嘅合歡山睇日出團, 唔平架, NT500/人, 但都爆滿, 噢!

其實當我哋响紙教堂遊覽時, 山莊已call我哋兩次, 話叫我哋早D到, 仲問我哋想幾點做Spa, 話房價已包, 想同我哋約時間云云, 我哋全不在意, 去到寶島時代村, 佢哋又打嚟, 叫我哋快d上山, Spa會响9:00 pm會收, 但冇法, 最後我哋都係趕唔切呢! 唉!
每晚價錢: 4730新台幣 (多人房)
評分: 設備5   服務4   環境5   衛生5   抵住4
  0 個留言    |  加入你的留言
此遊記的留言
加入留言
如要加入留言, 請先登入