|   一次過睇下先! 估唔到是日特價set, 雞扒都好好味喎  出事的牛 好正的cream brulee!!! 先講講呢間paul bocuse 係東京有多間分店, 其中midtown 和丸之內的都係屬於米芝蓮之列. 而係midtown 既, 更位於美術館之內.... 係美術館地下往上望, e... 都唔知好高啫, 乜d 書影到個餐廳條柱咁高既... 入咗lift, 先發覺, 頭先望到的係矮一大截的cafe, 而住於"三樓"的先係餐廳...真係唔知三樓係咪定義?! 由餐廳往下望, 好高, 有少少腳仔軟...
11:30 開門, 我們真係呢個時候先到, 有d 担心, 唔知洗唔洗等位? 咁限定的午餐又會否無呢... 好彩, 我們係平日去, 唔洗等位, 可以直入, yeah!
要了限定的主菜+甜品午餐. 主菜係雞扒+長通粉, 賣相靚, 雞扒嫩滑, 煎得外脆內軟. 估唔到醬汁係逐條釀入長通粉內, 心機和味道都滿分. 甜品係cream brulee. oh, 救命, 真係超好味... 第一次食cream brulee 的表面係咁廣闊, 咁... 燒焦的部份會更好, 更香. 內裡反而係薄薄的一層. 好滑....今天仲要係2週年, 原來1800yen, 今次更係1500yen, 超抵!
友人的湯係好濃郁的菠菜湯?! 加d 麵包脆脆, yummy! 可惜個主菜點了牛, 又出咗事... 繼sabatini 後, 又一出事的牛! 無錯, 就係那種煲湯牛, 點解久不久就有呢味野... 上枱後, 知"領"咩... 不過無計, 唯有期望係清湯腩, sorry, 係幾有牛味, 不過真係好似煲湯牛....hahaha. 算啦, 都係好的經驗, 奉勸大家下次要問清楚...
友人的甜品係waffle, 脆脆地, 都唔錯. 有三個source, 朱古力跟cream 係意料內的好味. 估唔到餘下的萍果都好好味. 好香好真的果味, good! 推介菜式: cream burlee
每人消費: 約2500日圓 (午餐)
評分:
味道4
服務4
環境5
衛生4
抵食5  | 相關遊記 |  |
| | 米芝蓮 (日本)
(旅程日期: 2009-01-27 至 2009-02-03)
搭零晨機, 一早已到了東京, 放低行李, 好早, 就走到惠比壽睇睇. 嚟到惠比壽, 當然唔少得去下間著名的joel robuchon. 相信大家都不感陌生, 因為中環都有間. 而惠比壽的joel robuchon, 係建築係garden place 中的... 每次名為米芝蓮櫻花美食之旅, 當然少不了米芝蓮食肆啦! 經過悉心挑選, 終於有四位候選佳麗. 本來諗住去到三間已經好好, 因為未必有咁多時間嘛... 但最後竟然去到四間, 還要有一間去咗兩次tim... 此後, 更發掘了兩... 此遊記內的評論： Brasserie Paul Bocuse Le Musée (東京, 六本木)
-
櫻花米芝蓮之旅 
| |  |  |  |
|
