出發前先查到小樽潮祭的舉行日期(7月27日- 7月29日), 所以我們除了第二天去了小樽, 我們也決定了7月29日再去小樽一次, 主要是看小樽潮祭的煙花.

小樽潮祭的起源是昔日的小樽是一個漁港, 居民為了感謝大海的保佑及祈求在陸上活動的平安, 所以便有祭典活動.

一連三天的小樽潮祭, 每天的慶祝活動也有不同, 而且是富有日本傳統特色, 例如有五千人身穿傳統祭典服飾邊跳邊歌的巡遊活動, 及抬神轎遊行. 但我們在出發前沒有細心研究, 所以去到小樽JR站時, 見到人頭湧湧的情況, 才知道小樽潮祭在當地是大節日. 之後拿了一張活動 Leaflet, 才知道有很多活動, 如果早點有這資料, 我的決定是早點入小樽.

入到小樽後, 我們去了看市集走走. 每一個攤檔也是賣風鈐和玻璃產品. 走到盡頭, 見到一些食物攤檔, 及一條掛滿風鈐的小街. 微風一吹, 風鈐便發出叮叮噹噹的聲音了.

今年的小樽潮祭, 分別在7月27日和7月29日的晚上8時 – 8 時40分會有煙花表演. 如果要看煙花, 可以去色内埠頭公園, 從小樽JR站走10分鐘便到達. 日本人是會坐在地上看煙花, 我們是大約7時去到, 已經是有很多人了. 從7時至8時, 眼見不停有人走進公園, 大約7時半已坐滿人. 所以早點去到便會有位置坐.

看完煙花後, 可以在外面的廣場 (中央ステージにて) 看看潮太鼓表演, 另外廣場上有很多玩的, 食的攤檔, 就像我們過年的年宵市場一樣的熱鬧. 通常每一個食市攤檔後, 也有枱櫈, 是給在該攤檔購買食物的客人坐下慢慢享用食物.

下機後去到酒店放下行李, 第一件事便是去了在大通公園舉行的札幌的啤酒節. 這個是札幌夏祭最熱鬧的活動之一, 由7月21日 – 8月20日, 為期一個月.

我們走路去大通公園的期, 沿路已有很多很多年青人及 Kawaii 的女生向大通公園方向前行. 去到大通公園時, 見到全個丁目也是人, 真的是很熱鬧.

因為我們到達北海道的第一天是啤酒節的第一天, 很多人. 要在啤酒節坐下喝啤酒, 首先要找一張桌子, 很難得找到一張桌子, 位置是看到 TV Tower的. 點了一些食物和啤酒, 便在公園開餐.

後來才發現, 大通公園的5 - 8丁目會變成露天啤酒場, 是由不同的啤酒廠佔據營運, 所以該丁目只提供該啤酒廠的啤酒和小食.而員工的衣服也不同style, 所以很有特色. 而10丁目是世界各地啤酒區和11丁目是德國啤酒專區. 所以下次再去便要看清楚那一個丁目是那一啤酒廠了.

第八日, 我地要向摩納哥進發. 搭巴士要去到一個泊滿豪華遊艇, 叫Le Port的碼頭邊, 搭100號線. 由於摩納哥實在太吸引了, 架架巴士爆曬棚, 等咗好耐先等到架無咁滿既塞到我地四個入去. 車程大約40分鐘, 車費每人只需1€, 同尼斯市內一樣. 全程無查證件無關卡咩都無, 唔講你唔會知自己已經去咗第個國家. 落車要0係Casino站, 因為摩納哥唔係總站, 架巴士要繼續去0架.

著名既賭場Casino Monte Carlo位於半山腰, 由我地落車的巴士站行上去好快就到. 賭場及其周邊建築典雅有格調, 給人的感覺十分有氣派.

0係摩納哥, 賭場唔係隨便入的, 先要貢獻每人10€入場費. 齋賺門票都賺到笑, 話之你入去後賭唔賭. 呢10€只供閣下於某幾個廳流連, 如果想入另一d賭廳又或想出露臺坐下, 磅多10€吖唔該. 賭場內唔准影相, 裝修係典型的賭場式華貴, 面積唔大. 講靚講豪講地方大都及唔上澳門d賭場. 所以如果唔係真係想玩番兩手既話, 0係門外影張相就得喇, 無謂浪費10€. 我地用咗40€來感受何謂the legend of casino, 感受完, 其實係覺得有少少搵笨的.

由賭場出來就嚟咗呢間Café de Paris食晏. 呢間餐廳名氣甚響, 因為佢位於賭場及著名酒店Hotel de Paris旁邊, 正正是摩納哥的心臟地帶, 地點一流. 由於我地旁邊台食客不停眼望望, 搞到我地唔多好意思影相, so無相睇.

呢度既menu走大包圍路線, 由法式到意式甚至印度咖哩雞都有得食. 我叫咗個beef stew, 係用茄汁燜的牛肉粒. 牛肉肉質好鞋下, 調味則不錯, 燜得幾香, 鹹淡適度. 比較特別係會跟一碟通心粉, 俾客人自己加入煲中. 索咗汁的通粉比牛肉更好吃.

當麵癡家母搵唔到中式或日式麵的時候, 意式麵一樣照殺可也. 佢叫咗份香草番茄意粉, 聽佢講意粉味道尚可, 佢鍾意個汁帶點點胡椒的香辣. 只係意粉煮得過腍無咩嚼頭. 而且可能呢味係餐牌上的廉價食物(大約10幾€), 配料少得可憐. 阿媽話除咗一粒番茄外, 深海尋寶咁由面摷到底都摷唔到d咩了. 

家父同細佬就點咗份香草燒雞. 雞肉腍得來無味又唔香口, 好似燒好攤凍再叮返熱咁. 埋單150€左右, 唔算平, 雖知我地無點前菜及海鮮類貴價食物. 最重要係貴得嚟無咩好食. 地點就夠曬正, 室內裝修也相當優雅. 如果純粹只係想飲杯咖啡, to see and to be seen, 都不妨一到的. 想品嚐美食既話搵過第間好過.

食完飯後我地行番落山搭巴士去王宮. 王宮坐落於山上, 外觀似座城堡, 佔地唔大, 但望落幾有氣勢的. 可惜當日有王室成員在內, 所以唔允許參觀, 令我地超級失望.

我地0係王宮外流連時聽見旁邊幾個內地同胞話有個水族館, 王宮無得入咪入水族館打發時間囉, 一於跟埋去. 門票盛惠每人14€, 肉赤. 家父最愛動物, 平時0係屋企成日睇動物紀錄片, 自然睇得興致勃勃, 不過我地覺得呢度似乎無咩珍貴品種. 唯一較特別既係第3張相中條鰻魚, 0係60年代已經被人發現--咁佢咪起碼過咗50大壽?

水族館下層睇生魚, 上層就睇死魚, 展示咗唔少海洋生物的化石及標本. 再上一層係餐廳及露臺, 由此可以影到整個摩納哥的全景.

大多數人來摩納哥都會抱住一種獵奇心態, 想來見識下呢個小國的富貴. 摩納哥的碼頭泊滿私家遊艇, 高尚住宅林立, 可以睇得出係個富裕的地方. 但僅此而已, 唔會好似杜拜咁有令人嘩然的炫富事物. 而遊客只會去遊客區, 撞口撞面都係見番遊客, 亦唔會睇得到摩納哥本國人的生活係點. 而我認為即使唔係打算來開眼界, 摩納哥都值得一遊的, 畢竟此處市容整潔, 綠化充足, 環境是十分舒適的. 前提是唔好期望可以睇到d咩超特別的景點囉.

第九日, 我地既目的地係康城, Cannes. 康城離尼斯其實唔遠, 但我地搭既200號線巴士係左兜右兜型, 結果兜咗2個鐘先到. 車費每人1€, 都幾抵的.

去康城, 人人第一時間梗係去睇康城影展的大本營喇. 該建築正式名稱為Palais des Festivals et des Congres. 老老實實, 呢棟大樓外表上睇嚟超普通, 只係一間規模較大的電影院. 遊人唔准入內(唓!), 外面樓梯有條應該一排無清潔的紅地毯, 以及幾個扮明星的街頭藝人, 專同遊客合照的. 戲院旁邊的展館有展覽, 但唔0岩睇, 所以我地無入去. 講完. 所有野唔使三分鐘睇曬.

電影院對面是名牌街, 街後是一條promenade, 聽講呢條promenade係抄尼斯我地日日行過的果條呢. 再後就係海灘. 康城既沙灘的確係"沙"灘, 真係沙來的, 雖然沙質麻麻地同香港差唔多. 海水望落似乎比尼斯更清澈. 想游水, 二揀一既話呢度睇落好過尼斯.

之後我地沿著海岸邊行, 漸漸行到去舊城區. 地理位置相近, 所以無論尼斯, 康城定摩納哥的建築風格與自然風光都差唔多. 0係一個小山坡上我地遇到個英國旅行團, 個導遊指住山下的房屋講邊座邊個名人住過, 我地0係旁邊又聽埋一份.

呢間亦係我於網上搵到的知名甜點店. 買咗兩件cakes, 左邊係檸檬mousse cake, 外面包裹著一層紅莓醬, 粉紅色嬌艷非常. 右邊係菠蘿mousse cake. 蛋糕鬆軟, 紅莓檸檬味加埋原來幾夾的, 連我呢d絕不愛任何類型berries的人都覺得好吃. 而菠蘿味則夠天然, 酸甜合度. 兩款蛋糕都很清新討好, 連上面裝飾的朱古力片都香濃美味. 將來如果我會重遊康城的話, Jean Luc Pelé就係唯一的理由.

食完後我地就搭巴士離開, 整個康城之旅只係用咗約3, 4個鐘左右. 因為我地又唔係咩影癡, 而且當見過尼斯同摩納哥後就會覺得康城與呢兩個城市十分雷同.

到咗第二朝, 亦即是旅程的第十日, 起身後大家就執野check out, 搭飛機去巴黎再轉機返香港. 雖然我地去既城市如巴黎尼斯等, 都係浪漫逍遙適合兩口子度假的, 但同屋企人嚟一樣可以玩得好開心. 雖然呢, 有d景點我真係覺得幾把鬼下. 好, 我會努力賺錢, 爭取出年繼續同家人去旅行!

去洞爺湖的主要原因除了浸溫泉, 還有看煙花. 因為由2012年4月28日～10月31日是第31回的洞爺湖花火大會, 每晚會在20:45～21:05放20分鐘的煙花. 原來在日本的全國煙花網站, 洞爺湖花火大會的人氣指數在北海道的煙花是排第二的.

我知道可以坐洞爺湖觀光船在湖中欣賞煙花, 但想影煙花相, 所以決定不坐船了.

所以在酒店外面看. 因為沿藉溫泉街也是酒店, 面向洞爺湖, 所以煙花船會從溫泉街的西邊走到東邊, 而會在這路線的前, 中, 後期停下放煙花, 好讓在溫泉街上酒店的旅客看到煙花.

雖然只是短短的20分鐘, 但真的看得很開心. 因為在日本看煙火沒有這麼多人, 也不會像香港, 人頭湧湧. 而且款式也很美麗, 另外日本放煙花不會在20分鐘內連續放, 會放5分鐘, 便開船轉位置再放, 所以天氣不會出現一片塵, 對喜愛影煙花相的朋友是喜訊. 所以我也影了很多好的煙花相.

如果坐觀光船, 便在溫泉街中間左右, 有一個上船的地方叫-"駅前棧橋", 但注意, 每晚 8:30 開船, 所以要早點到駅前棧橋登船. 成人收費 1500 yen, 如果有興趣坐的話可以在洞爺湖汽船下載9折優惠 coupon.

http://www.laketoya.com/

http://www.toyakokisen.com/price/

來到北海道, 不能不來場外市場吃蟹.

場外市場有很多吃蟹的餐廳, 我們選了海鮮餐廳北之美味亭. 原因是這餐廳已有很多旅遊節目介紹, 而且餐廳可以安排專車到酒店接送 (去程及回程), 不但可以省下一點點的交通費用, 而且比較方便.

餐廳員工會介紹當做的蟹. 我們點了一碟魚生拼盤, 另外要了一隻500g 的活毛蟹. 剛好是兩個人吃份量. 毛蟹可選擇急凍的, 大約是 JPY 3000, 而活毛蟹大約是 JPY 5000. 但我建議要活的, 因為是即劏, 即煮的, 味道更美味. 友人另點了一客細的海膽魚子飯. 看來也很好味.

ps : 其實場外市場整條街也有其他吃蟹的餐廳, 如果不去海鮮餐廳北之美味亭, 可以去其他的餐廳. 但要自己坐 JR 到桑園站, 之後走 20 分鐘. 建議是去小樽當天早上去, 因為是同一條 JR 線.

之前在別人的Blog介紹在小樽的見津吃燒海鮮,見到她的食物照片已覺得十分吸引, 所以今次去小樽特別安排要去.在小樽的JR站下車後便外面的巴士站坐巴士去見津. 下車後便一直走, 看見一家燒海鮮的餐廳, 以為是青塚食堂便走進了(吃完才知道去錯了!).

去錯的這餐廳叫海賊食堂, 在195X年開業. 餐廳是有露天座的, 面向一大片的海洋吃燒海鮮, 實在是寫意. 我們點了的燒海鮮有蝦, 螺, 扇貝和炸馬鈴薯球.味道方面, 螺和扇貝是不錯, 但蝦燒得有點乾了.

海賊食堂和青塚食堂提供的食物也差不多, 有燒海鮮和定食. 但海賊食堂 90%的食客是日本人, 很少遊客, 但很多遊客認識青塚食堂, 所以很多人, 不但要等位, 而且不會是很寧靜的.

如果喜歡看海, 可以選擇這一間.

這一餐, 我們來到美馬牛民宿附近的Gallery Ehagaki-kan內的Book Cafe, 店主希望客人有一個安靜的環境, 一邊吃飯, 一邊看書, 所以在這日系裝飾的Book Cafe內, 是不能交談的. 我和友人在同一間Cafe, 以屏風相隔每人坐一邊的一人位置, 只能安安靜靜的獨自吃飯.

每天和友人吃飯時也暢談歡笑, 但現在只可獨自用膳. 起初, 真的有點不習慣. 但慢慢發現, 原來這樣更能細味食物的味道和店主的心思. 這一份Light Lunch, 食材來自日本不同的地方. 最愛吃那黃豆, 甜甜的, 很好味.

ps: 如果是住在美馬牛 JR 車站附近, 可以一試. 因為美馬牛不是有太多餐廳選擇, 而 Book Cafe 的擺設很漂亮, 食材是100%來自日本不同地方, 看得出老闆娘是用心經營. 但 Book Cafe 只容納3個人.

Gallery Ehagaki-kan 內有來自日本的30位藝術家的 post card 出售, post card 很有特色, 是外面沒有出售的. 另有一個小小的展覽室, 每月展出不同藝術家的出品, 如果去 Book Cafe 用膳可能隨便參觀.