明天就要回港，最後一天留在徐州的午飯當然要食好d啦~

漢王府係徐州數一數二的名氣店，內裡的環境非常有特色，而且中間有個大戲台，香港應該無酒樓有掛，haha~ (夠特色了吧!!)

食物方面，叫了一個三鮮老油條，主要係炸油條伴了大量蔬菜，都數健康餸菜，當然油條不計算在內la，haha，碟餸超大碟，先至係￥22，超平又美味~

半隻鹽水鴨￥36，雖然隻鴨係凍既，但都幾好食，又咁平，比個讚!

糯米飯: 超唔掂，係濕炒既，你估而家食意大利飯咩，咁濕，完全唔好食!

蘿蔔絲穌餅: 唔係港式既一絲絲，係一個個小圓餅，蘿蔔唔甜，no good!!

還有小雲吞，陽春麵，味道都ok既，不過呢度最特色係個環境，而且價錢平，都值得一試!

釜山往返濟州其實好方便，第一，有多間航空公司營運，釜山航空（Air Busan）、韓亞航空（Asiana Airlines，不過此航線韓亞喺由釜山航空營運）、濟州航空（Jeju Air）、大韓航空（Korean Air）；第二，每間航空公司每日都多達7、8班機，早午晚任何時段都有。而且，機程短，一般都唔使1小時，所以去得釜山，都值得飛埋過去濟州逛吓、睇吓！

咁多航空公司，最終揀釜山航空，不外乎錢作怪。其實之前準備行程時都有留意幾間航空公司嘅價錢，晌唔同時段大家各有平貴，依家15/12號下午嘅航班，時間較好及價錢較抵就喺釜山航空嘅BX8113（14:45 – 15:40）航班，成人價連稅及燃油附加費都喺KRW64,800（折合港紙HKD480），比早前睇到嘅貴咗少少，但都OK啦！

傍晚到咗民宿之後，都將我哋個情況向屋主崔姐姐講一聲，原本都無打算睇醫生，諗住食啲成葯再算，但最後崔姐姐好熱心，幫我哋搵到間仲有夜診服務嘅診所，仲叫埋本喺朋友嘅梁先生，亦喺我哋一早預先聯絡好嘅包車司機車我哋去，崔姐姐唔放心亦都跟埋嚟幫幫手。

無佢兩個真喺唔知點搞，去到診所非常多人，尤其小朋友。晌診所內全韓文，寫嘅、講嘅都喺，根本無法溝通，真喺叫到我哋都唔識應呀！此外，崔姐姐和梁先生曾晌中國及台灣讀過書，識講國語，跟佢哋溝通絕無問題，所以佢帶我哋搵診所之餘，又可以幫手做翻譯，講解我哋身體有咩問題，啲葯又點食法。擾擾攘攘搞咗成個鐘，確診我哋喺輕度食物中毒，要戒口，只可食粥水。

返到民宿，崔姐姐都知我哋食唔得其他嘢，特別為我哋即時煮咗餐愛心白粥，因為韓國唔似香港，落街就有粥鋪，仲要喺白粥喎，咁我哋都總算有啖食。所以，唔喺有佢哋兩個貴人，不知點算！

題外話講少少韓國啲診所，睇醫生還睇醫生，睇完即晌櫃枱交診金KRW16,000；跟住落去地下間附屬葯房再執葯，葯費盛惠KRW17,500，啲葯丸獨立包裝分好晒，一串3小包相連寫明早午晚分3次食（當然喺韓文啦），一共3串即3日葯，清楚易明唔複雜，更唔會溝亂啲葯有無食多食少。

芒果屋民宿就晌濟州市中心，交通非常方便，附近有Lotte-Mart同E-Mart，入貨買手信唔使煩。濟州市嘅樓一般都唔高，芒果屋民宿位處16/F，窗外景觀已經相當開揚，而且更對住漢拿山。基本上屋主崔姐姐都喺住晌上址，所以一室佈置花咗好多心思，有好多小擺設、掛畫，環境企理整潔，床舖感覺又很乾淨，很有家嘅感覺，令人感到舒適、溫馨。但始終喺人哋嘅屋企，總有少少規矩要留意，無住酒店咁隨便嘅，例如出入輕聲啲，唔好嘈到隔離屋；又例如盡量唔好太夜返，免得影響其他人。

屋內有2床房、4床房、6床房，全以碌架床為主，共可容納24人，而地板裝設咗發熱線，所以依家咁凍，但地方踩落都好暖，果然喺舒適、溫暖呀！收費以人頭計，每人每晚KRW30,000，話平唔平，話貴唔貴，況且有免費wi-fi，簡便零食，仲提供埋豐富韓式早餐，其實好划算。由於依期得我哋4個人，地方有鬆動，所以安排咗兩個房俾我哋。

屋內所有公共空間都可以用，如果想大顯廚藝，亦可以使用廚房內用具煮番幾味，有時，更可跟崔姐姐學整泡菜添。想感受吓韓國家庭氣氛嘅小規模民宿，芒果屋可謂不二之選。

此外，芒果屋仲附設包車轉介服務，因為跟崔姐姐相識嘅梁先生，就喺做包車生意，包車一日8小時收費KRW180,000，包晒所有燃油費、路費、停車場……等等雜費，人多嘅話真喺極划算，而且車內又有免費wi-fi，車廂寬敞，話就話超時要補錢，但兩日我哋都過鐘，梁先生都無收，非常爽快。難得大家溝通到，唔怕雞同鴨講，遊濟州景點散，公車未必咁方便，除非你曉揸車，否則包車都喺幾必需！

江蘇省徐州經濟技術開發區蟠桃山寶蓮寺歷經四年的恢復重建，終於2012年9月28日上午舉行落成開光慶典。呢個寺廟成為一個新的旅遊點了，本來我哋唔知徐州有個咁宏偉既寺廟，但爸爸有次去附近工作，見到有間咁宏偉既寺廟，就決定帶我哋來參觀。

我哋由家出發，坐的士到位於蟠桃山的寶蓮寺，車費大約￥30，車程約20mins~

由於之前一日徐州下了大雪，但今天的天氣又放晴，所以今天的寶蓮寺內都舖了積雪，令到風景更加幽美!

當日是星期日，不過人不多(可能是天氣太冷了，日間最高氣溫2度)

我們就到處逛逛，寶蓮寺內裡的建築物都很有特色，由其是天龍八部廣場，8位天神守護著中間的佛塔，每個都造工精湛，令人感覺到工匠的手藝是如此的好。

寶蓮寺內的走道都古色古鄉，有如到了拍攝古裝片的現場。另外，寺內有個中國最大的室內鍛銅佛像，那個佛像真的超高，拍照是也未能把整個佛像攝於一張相中，可見真的是非常之高。

若果來到徐州，這個景點也真是不錯，可以見到宏大的佛像，而且地方很多，不似國內其他旅遊點等逼滿遊客，而且還是免費入場呢!

雲吞撈麵，麵底比幼麵還要幼，條條分明，口感彈牙不糊口，而且沒有 KL 最怕的皂水味，一樣味道比較淡，雲吞是一口一件，味道剛好，整體也不錯。

埋單 $89，不算便宜，不過是次所點的都很合我倆口味，而且用料新鮮，熱騰騰的，尤其是豬扒飽同蛋撻，很回味，怪不得食店客似雲來，有機會也要帶囝囝囡囡來澳門這金馬輪咖啡餅店試試！

科索沃與我想像的很不同，沒有半點烽火痕跡，但肯定是百廢待興。未進入首都前的一大段路都是窮鄉僻壤與農田。進入首都後，卻漸見這個成立五周年的新國家慢慢地被建設起來。

由於遊覽後的幾天2月17日便是這個國家獨立五周年，大街小巷都掛上科索沃的國旗或五周年慶典的標語，但最特別的是還有大量美國及阿爾巴尼亞國旗，蔚為奇觀，可見這個新國家對兩個一直支持他們的盟國多重視。


大部份要參觀的地方都在市中心步行範圍，故亦毋須乘搭當地巴士。

到科索沃除了一窺這個新國度，還特意希望在此寄postcard作為一份特別的手信。可是，我們走遍了首都三間郵局、三間超級市場、十數間雜貨攤、步行街、連咖啡店、兌換店、晒相店都找過，發覺連一張postcard都沒有!!!

真的可以說科索沃是一個沒有postcard的國家!!!!

不過我們沒有放棄，正要離開之時我們進入最後一間郵局，服務員英文十分有限（整個國家都是），但至少明白我們想寄東西，不過她肯定對postcard沒有概念，因為她說郵局沒postcard賣，但可以賣白紙與信封給我們，並做手勢表示若我們有postcard，可以放進信封內

事已至此，我們就惟有改寫信。沒記錯一封信寄回香港是1.6歐元，希望我自己和朋友都能夠收到！特別感謝郵局的小姐以0.1歐元一個信封及一張白紙賣給我們！

回程坐的士返巴士總站，可以在閘外下車，因為這樣可以省回1歐元入閘費（司機上車時不會將此費用告訴你），從閘外走進去都是兩三分鐘路程