所有遊記 - 旅遊指南 - 開飯遊蹤 - World Travel Guide

共找到 159 篇遊記，正顯示第 121 至 130 篇遊記

< 7 8 9 10 11 12 13 14 15 16 >

conniecheung

共18篇遊記

大阪之旅六天遊 (日本)
(旅程日期: 2010-10-13 至 2010-10-18 , 旅程性質: 觀光攝影, 飲食購物, 消閒度假)

整個旅程 (共4篇遊記)

分享至Facebook

遊記 : 第2日

發表日期: 2010-10-29

10月14日我地計劃去京都,因時間緊迫所以只係隨便買左麵包當早餐食呀.跟住就撘車轉小火車去嵐山啦,沿途風景都好靚好舒服,天氣好好呀,去完竹林再去青水寺,途經一間食包的地方就買左嚟試下LA.都幾好味喎.行完清水寺就落返去,未夠六點已天黑,我地係沿路兩旁行下睇下嘢.跟住就離開清水寺,出去搵食啦,今晚好想食拉麵,行下行下發現係橫卷度有間拉麵舖,價錢合理,於是我地就入去食啦.

嵐山及竹林風景都好靚

2010-10-29

嵐山/竹林 (大阪)

坐小火車到嵐山,沿途風景真的很靚,我地都不停咁影相呀,跟住去到竹林,勁靚,又清涼,好舒服呀,我好鍾意呀,我地都好ENJOY.

評分: 值得去4

檢舉此評論

回到頁首

豆腐包及牛肉包都好味

2010-10-29

喜八郎 (大阪)

有豆腐,凍雪糕及牛肉味可以選擇,我地兩個食豆腐味,兩個食牛肉味,味道都好好味喎,仲熱辣辣添架,豆腐有包豉油俾你加落去,加左個味仲出呀,仲可以有免費茶飲添.

評分: 味道4 服務3 環境3 衛生3 抵食3

檢舉此評論

回到頁首

好好味的叉燒拉麵

2010-10-29

麵虎棧 (大阪)

我地每人叫左一碗,其實應該係三個朋友都叫同一款叉燒拉麵加半隻糖沁蛋,另外一個朋友叫左一碗勁多蔥及肉碎既拉麵,間舖冇英文,好彩有個識講國語的女仕應來翻譯給我們聽先知係咩及點叫炸,舖頭好細,但都好多人呀,我地本來坐入面,等左一陣出面有一張四人枱走左,所以轉左出去坐,都幾舒服喎.

碗麵都好大碗架,三塊叉燒係燒過架,好香好淋好味呀,唔算好肥.拉麵都好彈牙呀,好正,食到好大聲,飲左少少湯都好濃架,朋友果碗蔥麵都見唔到D麵係邊,但佢話好好味.

每人消費: 約900日圓 (晚餐)
評分: 味道4 服務3 環境3 衛生3 抵食3

檢舉此評論

回到頁首

1 個留言 | 加入你的留言

conniecheung

共18篇遊記

大阪之旅六天遊 (日本)
(旅程日期: 2010-10-13 至 2010-10-18 , 旅程性質: 觀光攝影, 飲食購物, 消閒度假)

整個旅程 (共4篇遊記)

分享至Facebook

遊記 : 第1日

發表日期: 2010-10-28

10月13日至18日我地三個女仔一個男仔出發去大阪六日之旅啦,我地四個人撘早上10:05飛機向大阪出發啦,有點小意外要遲三十分鐘先起飛,到達大阪係3點左右,我地再係機場轉巴士到酒店,唔使一個鐘就到左酒店啦,我地住既酒店係新既,一年左右啦,都好靚好舒服架,係酒店CHECK IN後放低行李即刻出去逛街及食飯啦.

服務環境都好好的酒店

2010-10-28

Hotel Monterey Grasmere Osaka (大阪)

這裏是agent介紹給我們的新開酒店,大約一年左右,地下位置已很靚,好有藝術氣息,lobby設於22/F,佈置很別緻及有很多特別的設計,酒店內有一間小型教堂及長樓梯,拍照一流,我們的房間在31樓最頂層,出電梯後還要用房間咭拍咭才可以打開玻璃門進入房間位置,保安很是嚴密,房間很大很舒適,顏色及燈光柔和,廁所的設計都十分之靚.樓下大堂設有INTERNET服務,設備及效率也很高.

評分: 設備4 服務4 環境4 衛生4 抵住4

檢舉此評論

回到頁首

章魚燒呀!!

2010-10-28

赤鬼 (大阪)

這間舖頭係用鬼做主題呀,佈置好靚,章魚燒有兩個男師傅負責,即叫即整架,一客六粒,上面有些魷魚碎,成粒放入口度,好味呀,入面超熱,但係好香及好多料,有八爪魚粒,麵粉唔會太粉,好味呀!

評分: 味道3 服務3 環境3 衛生3 抵食3

檢舉此評論

回到頁首

蟹蟹蟹

2010-10-28

蟹道樂 (大阪)

我地第一日既晚餐就係嚟呢間餐廳食蟹啦,嘩好大個蟹既標誌呀,隻蟹仲要識旭架....我地當然唔放過機會影張相先啦.去左本店食,有幾層但都要等位,超誇張,係大阪都撞到熟人,就相約一齊食晚飯啦,等左約半小時位就有啦,我地一行六個人入到去見餐牌都係得幾個套餐選擇,價錢都唔平喎,於是我地每人叫左一個最平既套餐啦.仕應完全唔識講英文,簡直係雞同鴨講,朋友見有梅酒飲就話好想飲,跟住叫左一杯試下先,味道都OK喎,就每人叫左一杯啦.....

嚟啦....先嚟一份蟹腳(三隻)及生蟹肉(兩件)及一小碗菜(有些青草味及薑味),蟹腳好好味呀,好爽,肉質鮮甜,可以成隻攞出嚟食架,生蟹肉兩小件味道都幾好呀,好鮮呀.跟住嚟一杯蟹肉蒸蛋,D蛋好滑身,入面有好多蟹肉,蓮子,好好味.好滿足呀.跟住再過一陣仕應替我們點著前面個爐,然後嚟左一碟生既食物,上面有蟹腳(四隻都大隻架),粟米,大蔥,蕃薯,菇,等,蟹腳燒一陣就OK,味道好好,好香好正呀,燒緊時蟹味已出晒嚟啦.其它配料都好好味,有三種醬給我們配的,有一種是蟹羔的醬,呢個好重蟹味,加埋落D蟹度好鮮呀.

最後仕應係我地面前即刻整甜品,就係熱既抺茶加落杯凍既雪糕度,感覺都好特別,又熱又凍咁,個雪糕球好硬但好味呀.

每人消費: 約4200日圓
評分: 味道4 服務4 環境4 衛生4 抵食4

檢舉此評論

回到頁首

0 個留言 | 加入你的留言

carolleung92

共2篇遊記

日本大阪京都北陸七天遊 (日本)
(旅程日期: 2010-03-18 至 2010-03-24 , 旅程性質: 消閒度假)

整個旅程 (共2篇遊記)

分享至Facebook

遊記 : 第7日

發表日期: 2010-09-18

今日係旅程的第七天.

由於天氣不是太好, 我哋留係梅田行街.
梅田有幾個很大的 SHOPPING MALL, 包括DEPT STORE 阪神, 阪急百貨.
仲有HEP FIVE, 阪急三番街.

食街包括新梅田食道街 (近 NEW HANYU HOTEL, 即大阪站), 有好多細細間食店.

豚肉火煱店

2010-09-18

也亭 (大阪)

老闆娘親自砌豚肉 - 自叫即砌

1 人1 爐

ICHIBAN

門口

今次我去了食火煱,
這裡主要是食豚肉，牛肉．大部份豚肉，牛肉都是即叫即砌，老闆娘更親自操刀.
豚肉夠薄, 配合醬汁, 好好味道~

午時都FULL HOUSE.

推介菜式: 豚肉火煱定食
每人消費: 約15000日圓 (午餐)
評分: 味道4 服務4 環境4 衛生4 抵食4

檢舉此評論

回到頁首

大阪第一酒店

2010-09-18

Osaka Daiichi Hotel (大阪)

雖然酒店地點是位於梅田區, 而且離遠已經望到入口. 但不是好易找到酒店入口.

同日本一般酒店一樣, 房間好細. 但勝在方便.

每晚價錢: 3600港元 (雙人房)
評分: 設備3 服務3 環境3 衛生4 抵住3

檢舉此評論

回到頁首

0 個留言 | 加入你的留言

ArDisBlossom

共2篇遊記

關西十天自由行 (日本)
(旅程日期: 2010-07-09 至 2010-07-18 , 旅程性質: 觀光攝影, 消閒度假)

整個旅程 (共2篇遊記)

分享至Facebook

遊記 : 第1日

發表日期: 2010-07-30

整理照片的時候一直在思考遊記的撰寫順序，應該先介紹好吃好玩好看的，還是跟日期，順序寫?

想呀想呀，想到頭大。

最後，決定跟著日期順序寫，這樣子遊記可以紀錄每一天發現的小故事，大家也可以跟著我回憶的步伐一起趴趴走。

廢話不多說，先來第一天遊記!❤

「大阪」がんこ梅田本店

2010-07-30

がんこ梅田本店 (大阪)

がんこ梅田本店

花鯽魚用電爐烤得外脆內軟，魚肉一梳梳的，鮮美多汁，大家吃了猛點頭。

吃烤魚當然要來點冰啤酒才痛快；可惜我們都不喝酒，裝模作樣用啤酒杯喝冰茶。

天婦羅炸得很棒，薄薄的脆衣一點多餘的油都沒有；炸蝦更是一絕，害我有衝動想再叫一盤~

大家猜猜看他在做什麼造型的汽球給我們?

✿7月9日(五) 大阪梅田✿

因為星期五還要工作，所以選擇了工作完飛晚機到日本。到達大阪新阪急飯店(Hotel New Hankyu Osaka)的時候已經快11pm了，沒吃飛機餐餓得要死，放下行李馬上出門覓食。

幸好大阪是一個不夜城，這麼晚還有很多上班族在飯店附近的居酒屋出入，其中最搶眼的就是用日本伯伯頭像當招牌的がんこ，我們都叫他「日本肯德基爺爺」。

隨意點了些刺身、壽司、天婦羅；因為我們都不會日文，所以都選菜單上寫著「旬」(意思: 季節性) 的料理，交給師傅決定食材。(在道頓堀的分店有提供中、英、韓菜單，這裡沒有..)

同桌每一位都是刺身愛好者，我則主攻刺身以外的料理。

- 新鮮的鮭魚卵，一粒粒在口中爆破，非常過癮。

- 軟絲柔軟沒筋，好吃得3個我吞了2個。

- 鰻肉質細膩，醬汁很香，不過暗藏軟骨，吃第一個時有被雷到。

另外我還點了烤花鯽魚，一尾才880円，相當划算。

用餐途中，一位馬戲團打扮人士前來問好，用流利的英文說他們是教會人士，每個月會到這區進行汽球募捐活動一次。一個月一次都給我們蒙到，看在有緣的份上，就請他為我們做2個造型汽球。

吃了那麼多，埋單的時候覺得好便宜，心想改天要再吃一次。^0^

推介菜式: 烤魚、天婦羅、刺身
每人消費: 約1575日圓 (宵夜)
評分: 味道5 服務5 環境4 衛生5 抵食4

檢舉此評論

回到頁首

0 個留言 | 加入你的留言

Joycee

共2篇遊記

人生第一次AL: 京阪5天 : ) (日本)
(旅程日期: 2010-07-03 至 2010-07-07 , 旅程性質: 觀光攝影, 消閒度假)

整個旅程 (共1篇遊記)

分享至Facebook

遊記 : 第1日

發表日期: 2010-07-21

第一年要請AL去旅行,以前旅行,話去就去,唔駛就時間(重點只係99%時間都冇錢去)
發覺請番黎的假期,真係特別珍惜,係讀緊書的朋友唔明的
Anyway,原本諗住去KR或者TW,但係我覺得TW冇乜特別...
其實今去揀去大阪的原因....好簡單....我上次0係東京冇去到鬆弛城,
去大阪去鬆弛城本店,可以了左個心願

大阪的第一餐: 自由軒 ok喇

2010-07-21

自由軒 (大阪)

卸下行李之後就出發去食自由軒,旅遊書完全冇街名,我地要逐個街口數,
終於搵到我地的第一站:自由軒!!

我地急忙0係門口度搵我地最想試的一道:名物カレー
抄低個日文名咁遞畀店員,
等左十分鐘,個肚都已經餓到扁左,
我地叫的名物カレー終於黎到啦!

第一次食生蛋咖哩牛肉撈飯,
牛肉都係撈左入個飯度,唔係太覺牛肉的存在,
不過好好味的咖哩汁已經勝過一切

推介菜式: 名物カレー
每人消費: 約1700日圓 (下午茶)
評分: 味道5 服務5 環境4 衛生3 抵食4

檢舉此評論

回到頁首

0 個留言 | 加入你的留言

wongvivian86

共31篇遊記

第十次日本之旅 (日本)
(旅程日期: 2010-07-08 至 2010-07-12 , 旅程性質: 消閒度假)

整個旅程 (共2篇遊記)

分享至Facebook

遊記 : 第4日

發表日期: 2010-07-14

數年後再嚐

2010-07-14

博多一風堂 (大阪)

餃子

白丸元味拉麵

白白幼身麵條

幾年前去大阪自由行嘅時候食過。
今次再到大阪旅行，特登去番呢度食。
記得佢地嘅蔥好香好好食。
一行三人，兩點半去到，條龍仲好長。
排咗半個鐘先有位。

一入到去就已經好熱，未食就熱。
店內溫度比街外熱幾度。
冷氣設施同當年一樣，都無改善到。
每人叫了一碗麵，再加多客餃子。
叫了白丸元味，即豬骨湯底。
由於排隊時已落單，所以食物好快就到。
餃子先到，一客有十粒，一口餃子，size較細。
餃子醋、辣油、芝麻等所有調味料都放晒喺枱度，很方便。
餃子皮薄，多肉汁，不錯。

之後就到碗麵。個碗好大，但份量是適中的。
白白嘅湯底。豬骨湯味ok，又唔會太肥膩，唔會有層肥油在面。
湯底同北海道嗰d有分別，無咁濃。
麵條也有分別，北海道那些都用上黃色粗身彎曲麵條。
但一風堂就用上白色幼身麵條。
煮得剛好，還有咬口。幼麵條跟湯底好夾。
有2-3小塊叉燒，都很不錯。
最愛佢地d蔥，不過唔夠多，如果多d仲好，仲香。
不過而家好似無得齋加蔥，要加埋明太子。

不過環境真係好熱，熱到d汗流到ba ba聲。
即使有冰茶都無法散熱！