到第4日的行程，由於由檳城飛往浮羅交怡（Langkawi）每日只有一個航班（16:30-17:05），而由沙灘區前往機場亦很快，所以，我們還有一整個早上可以暢遊檳城的西北面郊外區，從我們所住的「檳城水皇酒店」去那一邊也非常之便利。

今日天氣十分好，由於昨日一場豪雨，部份景點如森林公園、蝴蝶園就不去了。在酒店的餐廳吃過自助早餐之後，與昨日一樣，先辦好退房，寄存行李，再找酒店安排包車前往巴生漁港、熱帶果園，不過，酒店找了一位儼如賽車手的司機，他的座駕亦有跑車的感覺，雖然車內沒冷氣，吹着自然風還可以吧！之後，再送返酒店，費用RM140，其後問過另一些當地人，這個收費大致也是合理的。

2:00pm返回酒店，再取行李前往機場，辦好行李托運，還有多點時間，就在「舊街場」機場店吃一頓悠閒下午茶才安然上機。

旁晚到達浮羅交怡（有譯為「蘭卡威」），先到「浮羅交怡潟湖度假村藍浪別墅安頓」，晚上，簡單地到瓜埠、巨鷹廣場逛逛，吃個晚飯便返回酒店早些休息，結束是日行程。

是日天氣：天晴、酷熱30℃-33℃

馬來西亞的天氣都是比較反覆，早上天晴炎熱，下午傾盆大雨，晚上又可以變得清爽怡人，今天的天氣就是如此。早上，吃過酒店的自助早餐，收搭好行李之後，先辦理好退房手續及寄存行李，才「斯斯然」出發到訪是日的第一個景點「升旗山」。

下午，到過地道茶室「愉園」及「格成」飽餐一頓之後，就前往海灘區那邊，入住屬4星級的水皇酒店（Hydro Hotel Penang），本打算安排大家在酒店遊泳，再到沙灘閒逛，但突如其來的豪雨，只好在酒店逛一逛消磨一下時間。

時近黃昏時段，雨停了，是出動良機，故前往海灘區另一邊的Shangri-la Rasa Sayang Resort Penang感受一下超5星級酒店的環境，並在酒店內的Spice Market Café大嚐自助晚餐美食。然後，逛一會巴都丁宜夜市，這樣，就輕鬆地完成今天的旅程。

是日天氣：早天晴、午刮大雨25℃-27℃ 

好好休息一整晚，就展開我們的第二日行程，今天全日都是市中心遊，所以，景點比較集中。雖然，大致定下了一切景點的路線圖，不過，就沒有確切的時間表，不想為景點而趕景點。既然是自由行，就沒道理被限時限刻，務求讓大家輕鬆暢遊。

大清早，相約到酒店地下的Café Laurel吃一頓豐富的早餐，小休後10:30am才出發走訪計劃中的景點。乘出租車直達在檳城的第一個景點「姓周橋」，之後，再看看出名的檳城壁畫。

由於早餐大家也吃得飽飽，故午餐就隨意在途經的咖啡室來處決，之後，再到娘惹博物館，其後再到Eastern & Oriental Hotel細嚐美味的Afternoon Tea，順路再多訪一個景點「朱古力博物館」。

晚上安排到紅圓美食坊吃晚飯，那裡有很多小檔口，可以品嚐多款地道料理。

是日天氣：早天晴、午陰雨25℃-32℃

2008年和太太兩口子曾到訪檳城及吉隆坡，不過，那一次旅程比較短，只有5天，主要遊覽檳城，吉隆坡只逗留了一天，而且，安排得未夠周全，有點未能盡慶。事隔6年，偕兩位舊同事，4人行，乘廉航，出發大馬9天南北之旅，今次再由小弟負責策劃、安排，付上百分之二百的心機，暢遊文化小鎮檳城（Penang）、陽光海灘浮羅交怡（Langkawi）、大馬之都吉隆坡（Kuala Lumpur）及醉人古城馬六甲（Malacca），務求大家玩得稱心。

大致行程如下：
Day 1 - 下午機，旁晚到達檳城，入住市中心長榮桂冠酒店，晚上食海鮮大餐賀安全抵步；
Day 2 - 早上參觀姓周橋、檳城壁畫，下午到訪僑生博物館，再到E&O Hotel享受Afternoon Tea、朱古力博物館，晚上在紅園一嚐各款地道菜式；
Day 3 - 早上遊覽升旗山，再前往懷舊茶室：愉園 / 格成，下午轉往沙灘區檳城水皇酒店，晚上香格里拉酒店吃自助晚餐；
Day 4 - 早上參觀巴生漁港、熱帶果園，下午乘機前往浮羅交怡，入住潟湖度假村藍浪別墅，巨鷹廣場到此一遊；
Day 5 - 早上度假酒店活動，下午到訪珍南海灘、海底世界，晚上到真浪花園再次吃海鮮；
Day 6 - 到東方村、乘纜車上馬西岡山；下午機飛往吉隆坡，入住富麗華武吉免登酒店，先到阿羅街吃晚飯，再到吉隆坡電訊塔、市中心區；
Day 7 - 早上參觀市內景點：獨立廣場、高等法院、中央市場、茨廠街，下午參加當地包團，到訪皇家雪蘭莪鍚器展覽館、Bukit Malawati，吃完團餐，再看看螢火蟲；
Day 8 - 即日馬六甲之旅，所遊之處包括：雞場街、古城雞粒飯、荷蘭紅屋廣場、聖地牙哥城門及炮台、蘇丹皇宮；
Day 9 - 早上到超市、肉乾店及土產品店買手信，再吃一頓肉骨茶午餐，之後前往機場，結束這次9天暢遊大馬之旅；

不要以為我們去了9天，乘了多程飛機，住進都是4 / 5星酒店，就以為旅費很高，全程機票、酒店、交通、飲食、入場費、紀念品及手信，小弟自己個人計才使了HK$8,600，非常划算！

是日天氣：陰雨 25℃-30℃ 

一個人揹背囊搭飛機，上一次已經是二零零六年，當年回程時對自己講過「開始有點厭一個人去旅行了」。結果往後的三年多，每次出發身邊都有旅伴，是一大班朋友又好，是小貓三兩隻都好，總之在旅程途中，身邊都有個人傾下講下解下悶發下癲。

今年又再次獨自飛，在吉隆坡的第五天已開始想家，巴不得換過機票就立即回港。尤記得在檳城趕船，又在浮羅交怡遇上傾盤大雨，最後在深宵的吉隆坡迷路，都是令我非常氣餒的；但值得慶幸的就是麻煩事全都解決，安全到港。

**** 13/7/2010是最後一天在檳城, 14/7/2010 要坐06:00 Air Asia 回港, 如果可遲多3個鐘就好了........

早上07:30起床, 爭取時間到北海, 先往所住的Cititel Hotel 對面7號巴士站坐免費Shuttle Cat Bus 到檳城Jetty (1 號站), 先到姓周橋繞了個圈, 再到小輪碼頭坐船到北海 (Butterworld),一心想坐回704巴士經檳城大橋回George Town, 可惜未能如願....... 

在11:30 am 會合全部人, 便去吃早+午餐, 行咗去酒吧街, 因噚日行過見有間Bar有set lunch 吃, 價錢都幾相宜, 便走進去打探吓; 內裡裝修幾特別, 個set lunch 亦啱班細路, 所以就在此開餐.......

Lunch 後, 去咗藍屋旁的朱古力店逛逛, 果然名不虛傳, 裡面有好多種類的朱古力, 除基本種類外, 另有榴槤朱古力, 辣椒朱古力等特色朱古力, 有個阿姐專門serves 每組人, 我哋入內前要貼張有數目字的貼紙, 代表你是哪組, 雖然D朱古力好貴, 但都買了3盒小的, 盛惠RM80......

跟住走了過去對面馬路的手信専門店睇吓, 又在裡面放低銀兩HK$250.....

財散人開心後, 要回Cititel check out, 坐101巴士到Tune Hotel Penang check in; 其實由Cititel去Tune都幾近, 行路的話約20分鐘, 走4-5個街口, 因烈日當空, 攞住行李+班"港童", 當然是坐車去啦.......


在Tune Hotel check 完 in, 又到Tune附近走走, Tune Hotel 旁有個幾大的廣場, 裡面有很多食肆, 再走多兩個街口, 就見到出名的Hot Wok熱煱 娘惹菜, 剛巧今天是星期二, 佢哋休息, 試唔到呢間娘惹菜.....

本來想沿住條街找義香買麻油, 但走了3條街, 個天好似想落雨, 為有返轉頭食個下午茶餐先, 最後去返Tune Hotel 附近的廣場的Old Town Coffe Shop, 剛落order, 外面就下大雨了.......

就在Old Town Coffee Shop坐了近兩小時, 雨才停, 但已經是6:00 pm, 義香已關門, 注定與此手信絕緣; 我哋行番去七條路巴剎 (近Campbell個街市)等204巴士去Penang Hill同去埋AirItam食亞三叻沙, 點知上到車, 司機話檳城山關咗門冇得坐鑬車, 叫我哋唔好去, 後來d當地人話Penang Hill 同鑬車做大修葺, 以便日後吸引更多遊客, 所以要關閉數月, 真可惜呢! 不能上山......

咁啱有架Cat Free Shuttle, 就跳咗上去遊車河, 在總站Jetty Point落車影相睇日落......

坐返Cat Free Shuttle去光大行街, 在商場裡shopping逛咗3粒鐘, 朋友自己都有收穫, 這個商場好似旺角中心, 貨路價錢都相似, 有d衣飾重比香港平, 很啱年青人, 所以班細路行到唔想走, 但商場在9:30 pm就會陸續落閘.....

慢慢走番去Tune Hotel個條街(Jalan Burmah), 要搵食啦, 原本想找一間叫Strada Restaurant & Patisserie嘅西餐, 網上話這間餐廳在檳城很出名, 好多人都讚好, 就在Burmah Road 238號, 不過班細路話想去番Tune Hotel 附近的廣場吃飯, 方便回酒店, 就在裡面找了一間西餐廳坐低.......

****14/07/2010, 我哋在Tune Hotel Book 咗架Van去機場, 3:45am在樓下等, 由於已在早一天上網在Air Asia web site 做咗check in, 所以不用提早兩個鐘到機場, 在4:00 am左右就開車出發, 4:20 am就到了機場, 好快啊!車費是RM100, 算合理, 因要半夜開車, 如在日間, 只須RM50左右......

總結整個行程, 開開心心, 自自由由, 輕輕鬆鬆, 全程我們一家三口共用了約HK$10,500, 朋友一家四口共用約HK$13,000, 以上價錢當然包括購物買手信等消費, 真係好底, 平均1人只須HK3,500, 跟團嘅團費都唔得啦, 唔好講話包埋shopping錢, 以下是使費細數:

                                                                                              HK$
來回香港檳城機票連稅, 飛機餐及行李45kg                                 2,668.40

來回檳城浮羅交怡機票連稅                                                         650.00
              
Hotel Helang Langkawi  7/7/10                                             176.50

Bayview Hotel Langkawi 8/7/10                                            430.00

Awana Porto Malai 9 - 10/7/10                                              685.40

Cititel Penang 11 - 12/7/10                                                   561.40

Tune Hotel 13/7/10                                                                 83.00

唱馬幣(食, 交通, 玩及購物)                                                      5,200.00

                                                                     Total :         10,454.70


此旅程有4大遺憾:

1.   不能在Oriental Village上山後登橋

2.   不能去檳城山

3.   從Butterworld坐巴士經檳城大橋回George Town

4.   沒有吃榴槤

希望將來能再到此地圓此夢!!!

** 11/07/10 要搭09:40 Firefly飛返檳城, 一早07:00落去Coffee Shop吃早餐, 嘩!個天仲落緊大雨, 但天空已出現橙色+白色+少少藍, 原來就快日出, 真係靚到爆......真係有少少唔捨得Langkawi.......

其實Awana個早餐都唔錯, 幾豐富, 仲可以一路睇日出, 一路食早餐; 今日要離開Langkawi, 所以在機場還番部車給tour agent, 部日產七人車用咗4日, 性能都唔錯, 冷氣又夠凍, 車身幾新淨, RM400/4日, 真係幾抵, 好過坐的士; 另亦要讚吓內陸機Firefly, 它是馬航子公司, 去程機票是$0+行政費+機場稅=HK$81, 回程機票是RM20+行政費+機場稅=HK$131, 仲包每人20kg行李, 來回只須HK$212/人, 抵過坐巴士上廣州, 咪睇佢機身細細, 坐落都幾舒服, 雖然是坐半小時機, 空姐都有派果汁, 相比Air Asia, 咩嘢都同你計, Firefly就大方得多了......

10:15準時到達檳城, 每位Firefly的乘客都可坐一程免費巴士到喬治市, 401 或401E 都可到喬治市, 在光大中心 (Komtar)下車, 其實光大距離所住的龍城酒店好近, 但由於有大小行李, 所以甘願比白牌呃, RM$10 兩個街口就到龍城酒店.....

午餐在光大中心的George Town White Coffee, 我們3個共吃了RM$34.5, 好吃價錢合理, 起碼有冷氣......

在Cititel check in 後, 小休一陣, 就乘101巴士去峇丁都海灘, 車費每人RM$2.7 (HK$6.8), 檳城的巴士是分段收費, 乘客上車話比司機知去哪裡, 比錢比票, 逐個計, 所以效率很慢, 不過巴士班次都算密,好多車如204, Shuttle Free Cat ......

一小時後, 約19:00到達峇丁都, 其實一D都冇諗過會玩水上活動, 比個阿差講吓講吓,就氹咗去玩水上活動, 仲可以一路玩一路看日落及彩虹, 大家都好開心......

20:00, 就行去美食攤檔睇吓有咩嘢食, 行完一個圈, 決定喺呢度醫肚, 食物種類很多, 最好味是燒雞翼和Pizza, 而且仲encore多次, 我們仲差不多每檔都有order, 有鐵板炒麪, 沙嗲串燒, 湯麪, 鐵板燒魚等等, 好似食Buffet咁, 成張枱都係食物和果汁, 仲可以一Q清枱, 7個人一共食咗RM250左右, 真係大食啊!


***12/7/2010, 今天睡得不好, 床太小, 就落街走走; George Town周圍都是古蹟, 很多建築物都是戰前的, 後來走了入Campbell, 找到多春茶座, 一個綠色的攤檔, 人頭湧湧, 很多老街坊在吃早餐, 我order 了一杯涷美錄和咖央多士, 又平又好味

約11:00, 由酒店出發去E&O Hotel, 原本打算去E&O 食lunch Buffet, 但最後都是決定留番D錢食地道嘢, 其實E&O嘅lunch Buffet不算很貴, RM55+10%, 在一間5星英式大酒店享受一個lunch, 當然不錯....

去完E&O 影相, 就到附近的古蹟走走, 去到Penang Museum, 班細路已經唔想再行, 只走入去涼冷氣, 我就走進去參觀一吓, 只須RM1, 好抵呀, 裡面D文物展覽都唔錯, 想認識多D檳城, 入去就最好不過; 為咗班細路, 為有不再行路, 坐Free Cat Shuttle, 鍾意去邊度就在邊度落車....

下午太陽好猛, 班細路話要番酒店休息, 我就去了對面的張弼士故居, 即藍屋參觀, 下午3:00有導賞團, RM12入場費, 有位上了年紀的女士負責講解, 全用英語; 其實全間屋與國內的大宅差不多, 甚至乎國內的清暉園, 詹園, 餘陰山房等等都比它更宏偉, 可能是展覽品很少有關,

藍屋隔離有間朱古力店, 鞱鞱也曾介紹, 而對面有間幾有特色的國泰酒店, 好似話當年李小龍曾在此拍戲, 而隔離亦有間手信店, 打算明天來睇睇有咩嘢買....

返到酒店, 班小朋友話要去打保齡, 酒店reception姐姐教佢哋點樣去, 其實都幾難找, 冇招牌, 由Cititel 行去係好近, 就在E&O隔離,要行到去間建築物近樓梯處, 才有招牌話2樓有得打保齡; 去到剛是4:45pm, 其中一局是RM3, 5:00後RM3.5, 租鞋RM1, 嘩, 非常抵打, 仲平過國內, 我哋就在此消磨咗兩個半鐘, 然後才去新關仔角掃街......

在George Town 坐101巴士, 在Gurney Drive落車, 過咗馬路, 見到麥記, 隔離空地便是新關仔角, 在這裡吃了幾個攤檔的食物, 豬腸粉, 炒棵條, 有鑊氣, 但材料唔及George Town White Coffee, 菊花茶, 冇味道, 喇沙, ok嘅, 其餘的食物都冇甚特別出色, 價錢都不算便宜, 只是平峇丁都攤檔少少, 但質素差好遠.......

食完嘢就到Gurney Drive Plaza 走走