估計因「庫頁島」岸邊水位過淺，碼頭位置容納唔到大郵輪，「鑽石公主」號只好停泊於離岸o既水域，靠救生艇接載遊客往返船隻。

，簡單得黎係咪好有美感呢？！可

啦。。。

上到「科爾薩科夫」（Korsakov）岸邊時大約係朝早十點半，市鎮靜寂無人，就連車都唔多架，比起之前感覺都幾了無人煙o既「釧路市」更為荒蕪，就算唔洗出動到「森湯」兩位壯漢保鑣，五人喺街道上打橫行都絕對唔會有人理。

沿住條大路一直走，經過零星o既店舖簡陋又唔吸引，雖則全部都係開緊門做生意，不過店員態度懶散，聽到有聲都唔會話伸個頭出黎睇吓有咩客人，冷漠得恐怖！如相所示，其中一間服裝店門外貼出韓星海報，真係估唔到韓風早已吹到去俄羅斯喎，果然犀利！除咗商店之外，當中就只有一間餐廳，仲要係食壽司，係咪有啲幾匪夷所思呢？！

今次郵輪河中，我地只係試咗船上其中三間主題餐廳，當中意大利代表「Sabatini’s」無可置疑係團友們o既最愛，日本代表「Kai Sushi」只可以話係勉強合格，而當晚最後去試o既「Sterling Steakhouse」水準則剛剛喺兩者之間，不過問題係扒房o既海鮮菜式居然遠比主角牛扒出色，實在令人費解。

「Sterling Steakhouse」門外接待處旁擺放出餐牌、酒品及食物o既模型供食客參考。入內高級西餐廳o既格局比起主餐廳更為雅致大方。窗邊排出o既二至四人散座個景最靚，不過中央o既六至八人大枱都好寬敞闊落，問題係其中有某幾個服務生o既態度就真係唔係咁友善啦！

同意大利餐室「Sabatini’s」一樣，扒房o既入場費為每位29美金，另加15%服務費，基本上可任點兩頁餐牌上o既項目，要點和牛及龍蝦等貴價菜就有附加費，酒品亦為另計。由於大家都想試多幾味不同o既頭盤及牛扒，睇到餐牌上所列出o既份量都幾勁吓，團長就決定點幾款黎分，等最後甜品先各自叫。

1)      Black Tiger Prawn and Papaya Salpicon with Mustard Seed Aioli – 虎蝦爽脆惹味，墊底o既木瓜沙律又夠清甜爽潤，係三款頭盤中最正o既一味。

2)      Carpaccio of Kobe Beef with Wakame Salad, Ponzu-Soy Dressing and Extra Virgin Olive Oil (另加 USD 10 !!!) – 淨睇相都應該睇得出，生食o既神戶和牛片薄就夠薄，不過一啲肥都唔見，入口又唔香，仲要額外俾錢先有得食，個人覺得有搵笨之嫌！

3)      Black and Blue Onion Soup, Fresh Thyme, Jack Daniels, Roquefort Crust – 洋蔥湯新鮮滾熱辣，飲落香濃甜美。

4)      Porterhouse, the Best of Filet & Sirloin Grilled on the Bone - 22 ounces, 620grams – 厚切o既牛扒無論係牛柳嗰邊定係西冷嗰邊肉質都好韌，細佬只可以講一句「份量勁唔代表質量高」。

5)      Côte de Boeuf (for two), Traditional Bone-in-Rib-Eye-Cut - 22 ounces, 620grams –Côte de Boeuf同Porterhouse一樣厚身肉韌，絕對唔啱XO仔口味。

6)      Pan-Roasted Chilean Sea Bass, Champagne Mousseline with Leek and Mushroom Ragout – 反而個鱸魚煎得比牛扒出色得多，其金黃色o既外皮香口脆薄，白雪雪o既魚肉又夠鮮嫩幼滑，冇得頂呀！

莎哥斯基古城自十五世紀發展起來的東正教聖地，雖然我唔係教徒，一場嚟到，當然要去朝朝聖；古城距離莫斯科約七十公里，大約一小時車程，莫斯科跟其他大城市一樣，總避不開交通擠塞這個老問題，結果熬了兩個多小時才到達。而今次行程只是參觀聖三一聖爾蓋修道院群；今日精神狀態唔係幾好，腳步浮浮，感覺好似'wing wing'地，落咗車，古城入口搭建了臨時安檢櫃位，因午後有教會高層到埸主持宗教活動，古城內參觀聖水井係重點推介嘅項目，相傳聖水能醫百病，這個....我當然第一時間走去試試，唔知係咪心理作用，飲完精神真係好咗，結果我番轉頭裝咗一樽帶返香港。除此之外，還有一款俄羅斯地道飲品 -- 鮮搾黑麥汁，當地商販每天拖著流動小販車，在古城內穿梭販賣，但產量有限，售完即止，可惜無緣一試，黑麥汁已售罄，只有目送商販拖著流動小販車離開。

在修道院建築群對面，有一家傳統俄羅斯餐廳，該餐廳以木為主體的建築物，外觀很有style，門前哩士般的彫花裝飾很細緻，加上十字繡圖案字體的餐廳logo，猶似穿著喱士花裙的少女；而餐廳內部佈置和格局，很有俄國大宅的氣派。女侍們穿著傳統俄羅斯服飾，而所用的茶具亦相當優雅。席間還有穿著傳統俄羅斯服飾嘅靚仔，拿著工藝品用廣東話逐檯兜售~~每件一百蚊，哈﹗竟然收港幣。

菜式方面，前菜當然少不了薯仔沙律，今餐係青豆薯仔沙律，還有香港較少機會飲到嘅紅菜頭湯加酸忌廉，主菜係薯仔炆豬肉，豬肉炆得好腍，好入味，汁好稠，還有陣陣豬肉香味，呢餐好滿足。

聖母升天教堂是伊凡四世下令修建的，教堂內除聖像壁畫和金碧輝煌的祭壇外，還安放了聖髑，供教徒膜拜、親吻（聖髑匣蓋），冇圖片因為我有尐肴底，唔敢行埋去，更遑論拍照啦。

回程時，領隊同團友玩有獎問答遊戲，結果我贏咗個五層嘅木套娃娃。其後旅遊巴穿過莫斯科鬧市，向著機場進發，望著窗外A貨中銀大廈，猶如置身中環。

今次旅程，從走進古代的木建築群和見識當時人民的生活點滴，亦曾遊走奢華浮誇的帝皇宮殿，曾經是象徵鐡幕的紅牆和列寧墓，仍殘留著鐡幕時代的莊嚴，和改革開放後的社會生態等，踏上回程的航班，看著慢慢遠去的都市，彷似在歷史長廊中走了一回。

昨天試過窩可（Volkhov）嘅午餐和晚餐，如今試早餐，窩可（Volkhov）嘅自助早餐好green，沙律和漬物較多，除咗漢堡牛肝扒係煎嘅外（都係凍嘅），幾乎全部都係烚嘅同cold cut，今朝冇煎蛋食，有點茫然若有所失嘅感覺。

抗敵紀念碑係紀念列寧格勒保衛戰，向成功抵抗納粹入侵得到最後勝利的蘇聯軍民致敬。紀念碑位於聖彼得堡南面勝利廣場中央，廣場呈圓形設計，弧形牆壁嵌上黑色金屬板，並刻有金色文字、浮雕和火炬，令人有一種莊嚴震懾的感覺。勝利廣場內還建有一所紀念館，由於團隊沒有安排門票，只有在外圍參觀。

當我開始懷疑俄羅斯係咪真係有羅宋湯嘅時候，今日終於品嚐到俄羅斯的羅宋湯，湯味濃郁，勁多雜菜，好足料，味道和香港做的也很相近，不同嘅係湯底竟然係用豬肉而唔係牛肉；薯仔沙律加咗Packel，酸酸地，幾特別；主菜係俄國餃子，賣相跟北京水餃沒兩樣，外皮較滑同煙韌，唔黐牙，質感似意大利寬條麵，至於餡料帶點騷騷地，但騷得嚟又幾好味；甜品係雙球雲厘拿雪糕，配蔓越莓醬，呢餐真係好滿足；坐喺隔離檯嘅吳明，佢碟水餃貌似小籠包，耀仔話呢隻係高加索水餃，可惜冇影到相，因我唔好意思過去騷擾。

去到嘉芙蓮夏宮門前，擠滿了排隊等入宮嘅旅行團，心中感到不妙，這個時候，偉大的吳明又要施展他偉大的本領 ~ 走後門；

嘉芙蓮夏宮建於19 世紀,是俄國史上功績最顯赫的女沙嘉芙蓮大帝之夏宮，以當時俄國最盛行之巴洛克風格為主體建築，內有各式不同風格的大廳，有巴洛克風格的 ball room（Большой зал），有令人歎為觀止的琥珀廳（Янтарная комната），而整個琥珀廳係選用不同色澤的琥珀，精心鏤刻後嵌鑲而成，亦是唯一不准拍照的大廳；還有收藏油畫嘅大廳（Картинный зал），其收藏方式好特別，係用大小不同嘅油畫如牆紙般嵌砌在整個大廳的牆壁上，可謂一眼睇晒，簡直係「豪」；因今晚要回莫斯科，還需預留時間参觀嘉芙蓮夏宮花園，因此在皇宮逗留的時較短，有點意猶未盡的感覺。

宮殿外之御花園極為優美，有青蔥翠綠迷宮般的灌木林、涼亭、雕塑、橋樑等點綴其中；還有很多休閒享樂設施如土耳其浴室（Турецкая баня）、鏡池岸邊的上浴室（Верхняя ванн）、卡梅倫畫廊（Камеронова галерея）、空中花園 （Висячий сад）此外，還有位於南側的大湖，周圍森林環繞，環境幽靜，嘉芙蓮夏宮御花園的面積非常大，好多地方都冇機會進去，例如建於大池塘岸邊的海軍部（Адмиралтейство），只能在對岸拍張照片。

領隊一嚟到聖彼得堡就宣佈咗全程嘅中餐，都係幫襯唐人酒樓名區分店，領隊聲稱呢間中菜館係內地女士開的，但不接待國內團，只接待本地客及香港團，俄羅斯中菜館唔多，之前嘅團隊試過好多間，都被投訴難食，綜合各方意見，呢間算係叫做OK喎，咁即係叫我哋將就下，唔好嫌三嫌四囉。

喺外國嘅中菜款式乏善可陳，都係青瓜肉片、蛋花湯、炒蛋、魚或酸甜怎麼的，其中令我印象難忘係清蒸三文魚柳，做法有好廣東feel，薑蔥加蒸魚豉油，蒸熟咗嘅三文魚柳，又乾又柴皮，仲有尐腥，不過蒸魚豉油就好好味。呢幾餐中菜都冇影相，因為唔好意思每上一度菜都要團友停一停，等我影一影。，

呢餐飯食得好急，因為必需在六點前趕到機場，以便避開下班時間擠塞的交通。哈﹗早尐出發交通果然係好暢順，好快到咗機場，入咗閘，見時間尚早，還可以到處逛逛。唔知機師係咪趕收工，揼行Tubro，竟然比預定時間早咗廿分鐘到埗，導遊嘉芙蓮已經喺機場等緊我哋，返到莫斯科，繼續入住Radisson。 

到步後，先到酒店check in，今晚下塌嘅酒店叫Volkhov Hotel，領隊音譯做「窩可」，聲稱係全諾夫哥羅得最好嘅酒店，入到房間需要用鎖匙將門反鎖，房間非常窄，窄到要打開行李喼都唔夠地方，浴室設備簡陋，而且房內冇冷氣，好彩呢幾日唔熱，房間總算清潔。

Settle down後，又到午餐時間，經過三小時車程，早上完全冇活動過，早餐仲未落隔，好彩今次嘅薯仔沙律加咗雜果，食落冇咁滯，餐湯好有中湯feel；仲加咗貌似759有得賣嘅刀削麵，份量十足，飲完個湯，已經飽咗八九成，主菜只能試試味，真係好浪費。

食過中午飯，耀仔通知換咗旅遊巴同司機，呢幾日都係不段換旅遊巴、換旅遊巴司機，習慣咗喇，今次嚟到諾夫哥羅德，法例上需要僱用當地導遊，所以多咗個唔識中文純粹跟車嘅導遊，全程仍然由吳明講解。首先帶隊参觀伊爾門湖，伊爾門湖是莫斯科前赴聖彼得堡的必經水道，當地人喜歡在夏天來到湖邊，躺在沙灘上曬太陽、暢泳、或湖上泛舟和湖畔垂釣。

然後到位於諾夫哥羅德南部伊爾門湖Lake Ilmen ( И́льмень）左岸的聖母升天大教堂和尤里耶夫修道院（Юрьевмонастырь，又名聖喬治修道院）， 吳明解釋凡天藍色洋蔥頭有星形圖案的教堂，都是聖母升天大教堂，因為聖母升天當日是穿著天藍色有星形圖案的衣服。

遊罷聖母升天教堂，約十五分鐘路程，到達露天木建築博物館，館內有十多間古老樓房，當中包括傳統東正教堂、鄉農民舍、風車磨坊及穀倉，還有兒童玩樂設施，如滑梯等...都是用十六至十九世紀的地道純木建建成的；如教堂的內的七彩聖像壁畫、十字架、聖像及祭壇；及農舍中的起居廳堂和廚房擺設等室內陳設，都保留著原有的風貌，踏足其中，即感受到古時候俄羅斯人簡樸生活的起居點滴。

又係聽吳明講解歷史嘅時候，喺小小嘅marketplace，竟然建有七間東正教教堂，真有五步一樓，十步一閣的感覺，這七間東正教堂，均由七位財主各自斥資興建；皆因當時偷竊非常嚴重，財主的貨物經常被盜，財主們各自興建教堂，晚上將貨物放進去，由於當地人篤信東正教，相信沒有人敢在神的腳下犯案，自此這七位財主的貨物，在這幾座教堂被神性的光輝守護著。是耶？非耶？有待考證。

走出城牆拱門，通過長長拱橋，到達Volkhov river 彼岸的貿易區和Yaroslav's Court (Ярославово Дворище）的所在地，當然，這個古代的法院，如今已不復存在；古城附近有很多紀念品攤檔，售賣各式的雕刻、漆器、陶瓷等都是富有俄國風味的手作仔。除此之外，Volkhov river岸邊還有俄國畫舫的水上餐廳（The Frigate Glagman, Restaurant Complex）和河畔馬車租賃服務。

俄國人統稱城堡為克里姆林（Kremlin），諾夫哥羅德的舊城城堡與城牆，經歷千年歲月，宏偉的城池依然保存得完好如昔。穿過紅紅的城牆返回城內，舊城區的公園內，有個巨大的、由眾多銅像砌成的俄羅斯千禧紀念銅雕。

連續吃了多餐薯仔沙律，真有點納悶，看到餐桌上的雜菜沙律，終於可轉轉新口味，真感動﹗其餘的，乏善可陳。

彼得夏宮是彼得大帝當年的避暑勝地，夏宮前御花園，面積非常大，大殿前面是好大好高的噴水池Grand Cascade，連接直通波羅的海水道，東西兩旁有大大小小的金人梯級噴泉瀑布，各自噴出水柱，非常壯麗浮誇。除此之外，園內各處還有各式噴水池。加上水道兩旁的翠綠樹林，漫步其中，給人有一種清涼的感覺。

彼得夏宮（Петерго́ф）御花園Grand Cascade水道盡頭係波羅的海，遊覽彼得夏宮除了走陸路外，還可以循水路乘水翼船從波羅的海碼頭上岸。

喺隱士蘆博物館附近食午餐，餐廳內部唔係好大，且擠滿了遊行團，侍應們捧著餐，行動迅速的在你背後穿梭，但他們又不會產生碰撞；當你享用完一度菜，放下刀叉，侍應立刻替你收碟，你還來不及反應，而另一位侍應在你另一邊放下第二度菜，上餐速度之快，同澳牛有得fright。

在隱士蘆博物館門前下車的時候，老天正下著雨，最神奇的是就只得我們頭頂的那一片天在下雨，下一條街竟然放晴!?

隱士盧博物館（Hermitages）是世界三大博物館之一，館內收藏有世界珍貴的名畫和雕像，如著名的達文西、畢加索等一代名家油畫、米高安哲路的雕塑等等。博物館有幾層樓高，展覽館多達千間，對外開放的只有300間；可觀的有拉斐爾長廊，金碧輝煌的巴洛克風格大廳，還有皇宮大殿的沙皇寶座（哈﹗沙皇寶座有點像模擬市民中世紀版嘅皇座）。觀其展品之豐富，有三百萬件之多，當然，拿出來展覽只是部分而已，話雖如此，亦非半日時間可涉獵；尤於時間關係，吳明只能帶我咃參觀重點文物，跟本連走馬看花也談不上。館內人山人海，雖然可以拍照，但是要拍張像樣的照片也不容易。

冬宮廣場是聖彼得堡中心廣場，曾發生很多大事，例如血腥星期日和十月革命，廣場中心豎立中棟為了紀念俄羅斯打敗拿破崙入侵的亞歷山大紀念柱，這個地方歷史意義非常重大。現在的冬宮廣場已成為遊客聚集和當地人休憩的地方。

尼古拉二世是俄羅斯嘅末代皇帝，皇宮當然冇冬宮夏宮咁奢華，屬早期古典主義風格，目前已活化成藝術中心；進入皇宮，走上長長的 Gala Staircase，即有兩位穿著俄羅斯服裝嘅 receptionist喺 Gala Staircase 行上行落供遊客拍照，當然要收錢啦，樓梯旁邊平台位有 live band，演奏柔揚音樂，在Gala Staircase 頂端走廊設有 buffet table 招待客人，這些沙皇的傳統習慣，一直留傳下來；除此之外，還有攤位售賣俄國工藝品供客人選購。

表演場唔係好大，座位唔多，全部座位先到先得，不設劃位。行咗成個下晝，有尐肚餓，入去表演場放低件外套霸住個位，出去享用茶點，茶點有香檳、伏特加、汽水果汁、及各款canapé等，非常豐富，真貼心，我唔客氣喇﹗，

Folk Show Artist 舞蹈功架十足，演出非常賣力，但不准拍照；表演之餘不忘植入工兿品廣告，中場休息出去逛工藝品攤位，表演道具、工藝品同飾物喺攤位於均有出售，而銷售員正是剛才表演民族歌舞嘅artist，哈﹗果然進取﹗

今次睇show還有段小插曲，有位團友喺表演場放低手提袋霸位，就出去吃茶點，晚餐時才發現放在手提袋內的手機不見了，結果。。。。當然係找不到，最後由吳明代為報警。

睇完民族歌舞表演，領隊帶我哋過去尼古拉二世皇宮宴會廳享用皇宮晚宴，入到去已經 set 好枱，格局好似豪華婚宴專門店，大概十零圍枱，係「圍」，因為用圓枱，而且擺得都幾密，有好多香港團，好虛撼，好似去飲咁；唔同嘅係 service 我哋嘅 waiter 同 waitress 作古代西方宮廷內侍臣打扮，席間還有鋼琴師演奏。

頭盤紅魚子配 pancake，呢個配搭喺香港不常見（可能係我孤陋寡聞），辣魚湯顏色味道有點像罐頭沙甸魚，味道獨特，微辣中隱約帶點鮮味，直得推介；主菜烤豬肉，肉質較乾，唔滑唔夠juice，味道不過不失，至於甜品嘅 Prague Cake，有尐乾，可能放咗喺窗台有段時間（入席時已見放喺度）；香檳味道好易入口，我比平日飲多咗，好彩冇啤啤夫。

呢間酒店嘅早餐選擇比Radisson少，冇即煎雞蛋，有點失望，雞蛋煎定，仲係煎定擺咗好耐嗰種，完全塑化晒，食落好膠，好似假蛋咁，除此之外，其他食物都不過不失，餐廳環境開揚寬敞，坐得好舒服。

從建築外觀和門前花園看來，佈局相當優雅，喀山教堂頗有羅馬聖彼得大教堂的古典歐式風格，有別於一般東正教教堂嘅洋蔥頭設計，教堂以喀山聖母聖像畫而得名，曾經傳出過喀山聖母顯靈的事蹟，教堂內不准拍照，為咗唔好影響居民日常禮拜，所以沒有安排入內參觀。，

滴血教堂為咗紀念亞歷山大二世遇刺而興建，建築師參照聖巴素大教堂設計，導遊吳明話呢尐叫偽東正教建築，有別於正統白色牆身的東正教堂。

豬仔包﹗今餐終於見到久違了的豬仔包，真感動﹗出國旅行係要嘗試不同飲食文化，遇見孰識的東西，總是產生莫名的興奮和親切感，呢尐係咪叫做家鄉情意結呢。

主菜係魚柳飯，賣相好有茶記feel，白飯就不敢恭維，味道好淡重帶有一絲心硬，西方人煮嘅飯真係食唔慣。

聖埃撤教堂極具歐洲色彩，屬新古典主義建築風格，鍍金穹頂，經歷百多年，光彩依然不減。灰色大理石外牆，教堂的四面各有16 根巨大的石柱，整個建築相當宏偉壯觀。內部樑柱用了大理石、斑岩、綠孔雀石和天藍石等名貴石材鍍金鑲嵌而成，最奪目係原條綠孔雀石柱和祭台入口的天藍石柱，還有歐洲富風格的琉璃彩繪耶穌像。

參觀完聖埃撒教堂自費包船遊覽有北方威尼斯之稱嘅利華河，尼華河是（Нева́）聖彼得堡市最主要的河流，而全市主要建築和名勝均分佈於尼華河兩岸；如彼得與保羅城堡、隱士蘆博物館、勝利之柱、獅身人面像、彼得大帝騎馬銅像等等。。。遊覽船低船身設計，以便穿過矮身橋孔，而最矮嘅橋孔只有2米，每次穿過橋孔，吳明都有溫馨提示我哋要彎低身，千祈唔好撞崩橋底。

中途停船休息突然咗個貌似拉丁裔或南亞裔青年坐喺度，英明神武嘅吳明立刻上前驅趕，呢個人相當可疑，好有可能係扒手。

彼得與保羅城堡由彼得大帝設計建造，用作保衛波羅的海出海口，是一個軍事要塞，城堡包括：彼得與保羅大教堂、造幣廠、工兵館、監獄等。今次只安排進入彼得與保羅大教堂（Петропавловский собор）參觀，教堂巴洛克式設計，安放了歷代沙皇棺槨，可算是俄羅斯的十三陵。當中值得一看係亞歷山大二世棺槨，由於亞歷山大二世當時深受人民愛戴，死後他的棺槨特別用玫瑰石做的，與其他沙皇的白色棺槨不同，可見其地位的確超然。

劇院對面有個很大廣場（Михайлoвский Сквер），廣場中央有個紀念碑（Памятнийк A.C. Пушкину），紀念碑有嘉芙蓮大帝俏像；距離開場還有一些時間，於是入去看看，奈何雨越落越大，廣場佈積水和泥濘，行咗幾步，為免「泥足深陷」，最後都放棄咗。

劇院睇落有尐舊，但好grand，旅行團當然唔會坐到大堂前，而係第三層左邊包廂位，包廂其實好細，大動作尐都會撞到隔離，一個包廂有四個坐位，兩個前兩個後，坐喺前面兩個可以居高臨下睇芭蕾舞，坐後面兩位跟本睇唔到，可以舂眼瞓；點解要咁設計呢﹖難道係隨從保鏢位﹖今晚劇目係天鵝湖，芭蕾舞我係外行，我睇到只係好表面，淨係欣賞到天鵝公主和王子優美嘅舞姿、小丑同巫師跳脫嘅演出，已經足夠了。而我本應編排到包廂後面舂眼瞓座位，今次能睇到咁精彩嘅演出，真係要多謝領隊好貼心咁換咗佢自己張包廂前坐位票畀我，真感動。

散場出嚟，雨仲未停，氣溫跌到得十度，企喺露天停車場等旅遊巴，特別覺得凍，寒風刺骨，厚褸薄褸連放手袋件士啤冷氣外套，全部著晒上身。

紅牆係喺我心中係莊嚴到令人窒息，嚟到竟然人山人海，人氣多咗，感覺上都親民咗。

有一所值得要去嘅景點，紅牆及克里姆林宮範圍聲稱全宇宙最衛生又是唯一免費嘅全智能洗手間；每當洗手間給使用過後，廁格門關上，紅燈亮起，廁格內即啟動智能系統，進行20秒空氣凈化程序，程序完成後，燈號轉為綠色，才能給下位遊客使用。由於凈化程序需時，結果等了十多廿分鐘才能進入，但廁格內竟然瀰漫著舊區公廁特有味道。

在排隊等候期間，兩位操西班牙語嘅女士，見前面有孰人，竟然上前企圖尖隊，這個~當然不讓她們得逞；這種情況，我在巴塞隆拿高迪公園也曾遇見過，難道除了其他國家外，西班牙也有同樣的文化差異﹖﹗

克里姆林宮係紅牆內一個建築群，除俄羅斯最高領導人辦公嘅行政總部，係遊人勿近外，克里姆林宮廣場其他地方均向外開放給遊人參觀，廣場面積很大，可供遊覽有

沙皇砲（Царь-пушка）、沙皇鐘（Царь–колокол），還有大大小小的鐘樓，其中以伊凡大帝鐘樓（Колокольня Ивана） 最高。

除此之外，還有四大教堂值得参觀

聖母升天大座堂（Успенский Собор）、天使報喜教堂（Благовещенский собор）、大天使教堂（Архангельский собор）及聖巴素大教堂（Собор Василия Блаженного）

聖巴素大教堂位於紅場東南部，由九座大大小小彩繪洋蔥頭禮拜堂組成，其設計並不對稱，但睇落相當均勻，係遊覽莫斯科必到之景點。

金百貨商場係一間國營百貨商場，有百多年歷史，典型的俄羅斯建築風格，商場中軸舗滿花圃，有花團錦簇嘅感覺，頂層建有長的弧形玻璃頂蓋，採光效能非常好，商場內名店林立，售賣嘅都係高擋商品，非一般市民所能負擔。

行完克里姆林宮，今餐團隊唔包，要食自己，領隊建議金百貨內food court內一間快餐廳，食物款式較大路，選擇較多，價錢大眾化，該快餐廳自助形式，先選食物然後到收銀處付款，好似某大型瑞典傢具店嘅cafe咁，唔同嘅係所選嘅喺主菜配菜需逐項計算，而醬汁則逐湯匙計算。

呢間餐廳嘅好多旅遊blog都介紹過，食物質素都OK，唯一要扣分係餐廳將預先烹煮好嘅食物放喺室溫飾櫃內，因此熱食凍嘅，慕絲同果汁又唔夠凍。

食完lunch，暫別嘉芙蓮，去機場撘內陸機去聖彼等堡，check-in完取得登機証後，依照boarding pass去到預定登機閘口，hea住等上機，等等下發覺唔對路，原來改咗登機閘口，好彩醒目發現得早，然後通知其他團友，真係要打醒十二分精神，唔好盡信boarding pass。

嚟到聖彼等堡氣氛感覺完全唔同晒，接團導遊有個中國名字，叫吳明，不單止普通話說得非常流利，而且熟悉港式潮語和少許廣東話，經常帶團遊走中港之間，是位中國通。

食完晚飯，返到今晚下榻嘅酒店，呢間酒店睇落好新，鄰近機場，好清靜，可惜附近無商場無超市，同埋無街行。

踏入俄羅斯，領隊囑咐團友們入到客運大樓，第一就係排隊入境，事關處理旅客入境非常緩慢，結果等咗個多小時，其實人龍唔係好長，大約得十個人，效率果然係「慢甘柔」。導遊係一位金髮俄國女士，識講普通話，領隊介紹佢係一位大學教授，趁暑假出嚟帶團搵外快。

沿路入城，兩旁建築物大部份都是史太林式建築，何謂史太林式建築，貌似北京人民大會堂風格是也，路上行人面上冇乜笑容，整體氣氛比較cool。

嚟到莫斯科第一餐係食中菜，餐廳貌似花園別墅，見唔到招牌，花園好大，好雅致，內部佈置紅彤彤的，好有住家feel，食咗兩餐飛機餐，今餐八人一枱，有八餸一湯，白飯任裝，真係好感動。 

入到酒店第一個件事要做係安檢，不過，係hea做，其實hea做安檢都係件好事，如果剎有介事咁，你就驚喇。

住咗兩晚，好似唔多見有服務員，哈﹗冇機會畀貼士，慳番﹗

酒店地點方便，座落於莫斯科二環路，隣近基輔火車站，附近還有個很大的商場和超市。

返上房間settle down後，時間尚早，於是外出逛逛，商場10黠半關門，超市係24小時營業，哈﹗好似7仔咁，好方便，但十點後唔准售賣含酒精飲品；領隊話俄羅斯冇7仔，除咗超市外，花店都係24小時營業。商場同樣地都是連鎖店嘅天下，ZARA、Uniqlo、馬莎等….，哈﹗馬莎竟然有校服賣；步出商場，溜達一會，趁天未黑趕快回酒店，不過都已經11點了。

自助早餐好豐富，領隊話早餐有魚子醬，嘩﹗真係架，好期待，原來係三文魚子醬油漬，立即由天堂跌番落凡間。食物種類很多，有即煎雞蛋和奄列、即製pancake、熱食、冷盤、pickles、日式漬魚、三文魚子醬油漬，值得一提嘅係日式漬魚，鹹鹹地，質感介乎實肉和栴香鹹魚之間；此外，還有結實嘅麵包，不過沙律蔬果選擇較少。

食完早餐，步出酒店，一片藍天，今早行程係登上全莫斯科最高嘅山....列寧山，山高200公尺，一路上山，藍天逐漸被烏雲侵佔。

莫斯科大學，位於列寕山上，是俄羅斯最高學府，驟眼睇有尐似曾相識，除鐮刀斧頭外，仍保留前蘇共CCCP標誌。

來到衛國戰爭紀念館，烏雲已差不多佔據了整個藍天，還有點寒意。

衛國紀念館為了紀念世界反法西斯納粹德國戰爭勝利50周年而修建的，由光榮、紀念廳、近衛軍廳以及畫廊等組成。當然還有不能少的紀念品館。行出戰爭博物館外是勝利公園廣場，廣場中豎立勝利女神紀念碑。今日天氣麻麻地，天陰陰，位置又大背光，勝利女神紀念碑嘅浮雕完全睇唔到，可惜﹗

地鐡站深入地底90公尺，以香港樓底高度計算，足足有30層樓高，果然係深、深、深；乘長長的扶手電梯直達月台，望落去真係有尐腳軟。內部裝飾早已聞名於世，而每一個站都各有特色，是全世界最美麗的地鐵站，美侖美奐，尤以基輔站最具氣派，如宮殿一樣，故又有「地下宮殿」的美譽，革命廣場站有很多記念革命嘅雕塑和馬賽克。

是日午餐係吉爾吉斯坦串燒，餐廳位於吉爾吉斯坦大使館側；俄羅斯同香港一樣，都係室內禁煙的，可是一進門，就傳來陣陣煙味，原來不守規矩的也不只是其他國家了。

頭盤薯仔沙律，什菜湯加入香料和麵條，俄國人煲湯喜歡加入麵條，好飲完碗湯，已經飽了一半，主菜係串燒，我凈係食到孜然味道，而無香烤感覺；飯鹹鹹地、油油地，有尐似土耳其油飯。

下午節目係有觀賞有百多年歷史嘅莫斯科皇家馬戲團，馬戲係俄國國粹，睇馬戲係俄國人日常嘅娛樂，嚟到俄羅斯又點可以錯過呢﹗劇場內人山人海，扶老攜幼，到處充滿孩子的歡笑聲和陣陣爆谷香味，好有昔日荔園嘅feel，可惜場內不准拍照，未能記錄這刻歡樂情景。

領隊話劇目經常轉換，有時會有一兩隻動物演出，有時只得演員，至於有冇機會睇到動物表演，咁就要睇彩數喇。下午場次通常本地人居多，所以表演項目較精彩，遊客通常集中在晚上場次，表演項目相對遜色（欺負遊客唔識貨），今次能安排觀賞下午場，我們走運了。

多年前我睇過莫斯科皇家馬戲團來港演出，當然不及home country咁精彩，而且今次好幸運，除了馬術表演外，還有難得一見獅子老虎超盟趣緻的演出、黑熊、狗狗、馬騮和其他可愛小動物，而平日甚少在馬戲出現的箭豬，也出來湊湊熱鬧；由於今日係到步嘅第二日，仲未適應時差，睡魔不段急call，有少少環節錯過咗。

經濟成就展覽館，建於蘇聯時代，用以展示俄羅斯及其加盟共和國的發展成就，整個場地面積非常的大，場內有一座座前蘇聯加盟共和國展覽館，且各具特色，形式似世博，隨著蘇聯解體後，這些展覽館已失去其原有作用，現已改作其他用途，或作café shop和紀念品店等等。啱啱落咗埸雨，地下積咗一個個水氹，另外會場更建有多個不同特色的噴泉，而當中之十五金人民族少女噴泉，喻意十五民族團結，物換星移，現在只是一個可供拍照嘅景點。而其周邊增設些遊樂設施，現在成為當地居民假日休憩地方。