玩左一朝係時候去搵食lu, 其實山頂有一間紀念品店, 係絕佳的取暖點, 由於吹左咁耐風，好想快啲搵個地方坐下。Cable car station 下面有大學分校，附近有間Grace Cafe，我地就事但入左去。間cafe嘅裝修好cafe，但係招呼就勁差。全間餐廳啲人都好似大學生part time. 我地見唔係好對路就剩係叫左啲輕食-包括無味的carbonara 同埋好難整得難食的菠蘿火腿pizza. 順帶一提，這裡的洗手間氣味十分濃郁。  :/   食完tea後就行落去golden horn bay 海邊散步，尋找大型棋盤。不過因為之前落大雪，成個棋盤已被厚厚的雪覆蓋了。另外途經一間東正教堂，入左去參觀。
 
 

未出發前上網搜尋資料，已經知道海參崴食長腳鞋價格是北海道的三分之一，所以極期待！聽其他人講，海參崴同北海道的長腳蟹都是在同一海域打撈，所以品質其實一樣.    

好啦，我地行左去一間叫Palau Fish專門食海鮮的餐廳食飯 (Suhanova St., 1, Vladivostok 690091, Russia)。入到去感覺間餐廳幾high class，隔離枱是一家韓國人。  

主角到了! Waiter在魚缸撈左隻長腳蟹比我地。這裡是以每KG計算價錢的. 2,400盧布/ KG. 這隻重三公斤。吓，點解唔係其他人所講咁平嘅@@不過，一場來到無理由唔食嘛。 廚房將蟹原隻清蒸，蟹蓋的膏另外幫我地盛起。有三種source 比我地點。一見到隻蟹有無比的興奮。急不及待要食了。哇～勁鮮甜同啖啖肉呀！同平時食buffet時食到的雪味長腳蟹差十萬條街呢！突然覺得隻蟹物有所值！yummy~ 

另外叫了帶子刺身、海鮮炒麵。唔好睇好似叫左咁少野食唔飽, 隻蟹全部都係啖啖肉, 好飽肚架. 今晚好滿足呀!=) 食飽飽之後真係要去散個步先得. 我地行左一陣去Pokrovsky Church.

睇地圖可能會覺得好遠, 但係其實海參崴唔係咁大, 好多地方都行到去. 之前上網睇到呢個Church是在一個公園內的, 但去到個公園圍左板, 入唔到. 海參崴的晚上都幾靜 我地都有提高警覺. 不過, 經過幾日的觀察, 海參崴的治安十分好, 大家唔洗咁擔心.

剛過去的聖誕節有成4日紅日假期, 好想去一個旅行, 尤其係白色聖誕, 但係D機票真係貴到顛左. 點知有一晚突然間搵到一個又神秘, 以前聽都未聽過, 又從來無諗過會去, 而張機票仲平過當時去台灣的地方(抵! 抵! 抵!)  ── 俄羅斯海參崴.

唔好諗住去俄羅斯要坐好耐飛機, 去海參崴只係需要坐4.5小時, 同去北海道差唔多架咋. 我地張機票連埋稅都係HK$2,610.

今次坐的飛機係Aurora Airlines, 係俄航旗下俄羅斯遠東區的航空公司 (雖然叫極光航空, 不過去的地方好似都未夠北睇唔到極光). 飛機係好多短途都使用的 AirBus 320, 所以都好放心. 因起初擔心海參崴係個好荒蕪的地方, 所以對佢地的飛機餐都無咩期望, 無期望就無失望, 結果味道係不錯, 個餐盒仲好靚tim.

我地係坐凌晨機, 雖然海參崴的時差比香港快兩小時, 但到步的時候都仲係凌晨4點幾, 我地應該係當天最後一班飛機 機場不算很大, 睇上去還很新很整潔. 雖然機場已經無其他旅客, 只serve我地一班機, 但效率真的有待改善, 而我地拎完機艙行李之後, D機場職員就好用心咁趕我地走,好明顯我地阻礙佢地收工啦

由於盧布不停下跌, 加上香港真的比較難搵到, 所以我地到步後才在海參崴機場的ATM 禁錢, 當地ATM 一般都接受 PLUS 同 CIRRUS, 其實幾方便. 銀聯機都有一部, 但係要出左禁區先有. 所以大家最好有張PLUS的ATM咭, 方便D.

天未光，室外氣溫就只有零下17度, 而且好眼訓, 所以我地就好果斷咁選擇搭的士去酒店 (因為知道係凌晨先到, 所以事先book多一日酒店, 實在唔想係嗰度食零下十幾二十度ge 西北風呢). 機場離市區大概35分鐘, 時間太早一路上都無車, 街燈都唔覺有多盞不過都有足夠光線, 所以好快就到達, 而車費事先已經係機場櫃檯比咗, 按人頭收費, 4人的士車費2,000盧布. 大家記住出發前Print定俄文酒店地址! 雖然天寒地凍, 司機還是好好人落車幫我地搬行李, 亦睇到我地酒店有人認門先離開, 真貼心, 贊!!!

到達酒店後, 那裡的職員雖然不懂英語,但我地比咗酒店booking 的printout佢睇, 就好快settle down到. 原本以為那邊好落後, 但畢竟係北方冰天雪地, 佢地ge暖氣系統非常充足, 返咗房很快就訓著喇。