行完淺草寺 , 仲世見後 , 我個sister話 , 去遊書推介在附近的食店大黑家 , 去到見到多人排隊以為系好野 , 點之……… 真系多人排隊都未必系好野 , 諗到頭都爆………. 唔明呀………唔通用重味精就代表好味??? d人食完唔口渴?????

食物味道一般 , 食完後先精采 , 4個人下午博命飲水解渴呀…………陰公….!

今天在池袋到處逛 , 行到腳都起泡呀………好倦呀! 諗起早兩晚碗無敵衰拉麵真系火滾呀 …….., 今日唔食拉麵啦 , 食餐天婦羅先 , 網上搜好左d料話天婦羅新宿綱八好野 , 而且查左下池袋都有分店 , 一於試試先……………….. 

入到店內很熱情的招呼坐低 , 睇左餐牌後(我地唔識日文) , 於是和LP各人都點左一個叫綱八禦膳的set lunch (1,890日元一set) , 有兩隻蚱 , 一個魚 , 一個鱔 , 一粒帶子 , 3個蔬菜. 一碗飯 , 一個湯…………………. 嘩! 好抵食呀…………不過只系中午先有這個價 , 如果食晚餐要3,990日元. 味道只得一個字…………”正” !!!

今天已是在東京遊玩的第六天了 , 明天也要準備回程香港 , 但今次似乎仍然未食到一碗好的拉麵 , 個心總系唔多舒服 , 前幾日都食過了 , 無敵家 , 光面 , 一蘭 , 富士喬麥 , 但老實說感覺一般吧 , 更不要說最差勁的無敵家了 , 可能是個人口味吧 !

今天到了東京站打算到處亂逛下 , 再到銀座那邊的 , 當出站時看看站內地圖指示 , 哦! 發現附近有間山頭火拉麵店 , 剛好是中午時間當然要去試下啦 , 按站內地圖指示的路線很容易就找到了 , 進入店內地方不太大 , 大概可坐7-8人左右 , 環境尚可 , 睇完餐牌都唔明講乜後 , 我就點左個拉麵定食 , LP點左個乜乜辛辣面 , 好快就有得食了 , 先飲左淡湯OK哦 , 再食理碗面 , 跟住倒理碗白飯入湯入麵食味噌湯泡飯 , 嘩..! 真系好正 , d湯一滴都飲曬…………. 好滿足啊…….. 舒服曬……….!!!

真是希望越大失望也越大 , 今次東京之旅首站的食店就在池袋的無敵家 , 晚上約8點到,排了大約15分鐘左右 , 一行4人便入內準備大飽口福啦 , 落左order後約5分鐘 , 拉麵馬上放在面前 , 賣相還不錯的 , 第一時間飲口湯 , 嘩…………….! 一個字…………鹹…………死人啦 , 再食面………. 嘩! 自問食面都喜歡食硬一d , 但我都覺得似乎硬左d呀!!!! 食左一半真系頂唔順 , 雖然見到收銀個日本仔面黑黑, 但系sorry呀…….. 即刻埋單走人. 到下半夜重大鑊 , 要狂飲水解渴呀 , 估計d湯真系放左唔少味精呀……..!

上野恩賜公園：日本第一座公園

盛開既櫻花看似一片花海，美不勝收。我地賞花既時候落著毛毛細雨，花瓣隨即輕輕掉落身上，感覺非常浪漫。有部份櫻花既高度係我地可以用手觸摸得到添。當然，公園有告示牌禁止我地摸花同採花；我地都好聽話。

公園內到處都見到有流動洗手間，似乎預計遊客們都會逗留好一段時間咁。細心d睇，花徑兩旁既地下劃左好多格仔，導遊叔叔話係用黎＂劃位＂賞花同野餐，真係好有系統。途中重有熟食車賣煨蕃薯同＂おでん＂（Oden：關東煮，包括有獅子狗魚蛋，蘿蔔等）。唔知係咪因為天氣涷，當日食嗰d新鮮滾熱辣既煨蕃薯甜到入心，真係正到暈。櫻花季節期間，依個公園想必係情侶拍拖勝地。

神谷バー：＂Denki Bran＂始祖

導遊叔叔帶我地去雷門參觀同祈福之前，話如果我地唔抗拒杯中物既話，就一定要買返樽＂Denki Bran＂返香港同朋友試下。此乃Kamiya Bar特產，以前酒精含量高達45%，不過而家就分兩種：30%或40%。顧名思義，＂Denki Bran＂係以Brandy（白蘭蒂）為基礎所調製既雞尾酒，味道亦比較甜。酒內既其他成份包括Gin（氈酒），Vermouth（苦艾酒），草藥等。飲得，又唔怕溝酒既朋友不妨試下。就算唔飲酒既人都可以買黎做手信：

（40%）720ml = 1,120yen
（40%）360ml = 630yen

除左我地光顧既外賣部，Kamiya Bar本身有三層樓：第一層為酒吧式，專招待單獨光臨既客人；第二層為餐廳，專招待一家大細或喜歡熱鬧既客人們食西餐；第三層都係餐廳，有獨立房間，氣氛比較靜，提供既係傳統日式料理。

人形町今半：高質素牛肉火鍋

今半係一家非常出名食日式牛肉火鍋既老字號。爸爸既老友記極力推介，話香港係冇可能食倒咁高質素既Suki Yaki，所以我地未出發前已經訂定位，真係誠意十足架。

因為天氣涷，一入到門口就已經感覺到強勁既暖氣，怕熱既我心想：食火鍋時唔知會唔會調低d呢，sorry ~ 原來係冇得調既。室外室內裝修都好有傳統日本味道，連幫我地煮野食既姐姐仔都係著和服既。黎左東京幾日，終於漸漸地習慣佢地殷勤既服務態度：不停既鞠躬禮，自動幫我地除外套，餐前既熱毛巾，不停地清理餐桌，真係好難唔比滿分架。

我地當晚叫左配特上牛肉既＂集 TSUDOI＂Suki Yaki套餐：
前菜：全部係綠色既蔬菜，非常清。

茶碗蒸し（日式蒸蛋）：味道比港版清，可能係因為蛋以外既配料冇香港既咁多。

唔知係咪見到我地班外國人唔係好識日本文化，言語又唔係好通，姐姐們好細心地幫我地煮其餘既食物：如圖所見，佢地烹調得非常整齊，好有系統。
特上牛肉Suki Yaki ：咁marble既牛肉唔單止睇得，重好食得。小弟唔怕生，所以半生熟已經放左入口：第一口完全唔需要咬，牛肉自然溶喺口，肉質軟棉棉，好嫩，食到我要眯埋眼慢慢享受。怕生既老人家就選擇食熟d，我都試左塊：個人比較喜歡冇咁熟，因為牛肉口感唔同哂，變得冇咁嫩，而且要咬多幾次。

蔬菜：好新鮮乾淨；用返煮牛肉既汁黎煮，好入味，yummy!!!

柚子雪糕：酸酸甜甜，幫助消化。

唔知係咪自己大食呢，食完個餐都好似唔係好夠飽。雖然牛肉質素高，不過要成過萬yen一個人又唔飽，真係覺得幾貴囉。