川越→→うなぎ いちのや→→大学いも いわた→→川越一番街商店街→→時の鐘→→菓匠右門→→新宿→→小松庵

2月9日（小雪）

由於早一日落大雪，為怕交通會造成影響及安全理由下，我地結果留咗喺新宿活動，並將原本o既行程計劃順延至翌日，即離開東京前o既一天。嗰日係我地喺東京o既第三日，間中仍然有漂雪，街上積雪頗厚，但已開始溶解，所以地面都幾濕滑，溫度亦較冷；好在團友們都著齊禦寒裝備，靚女姐姐又每人派咗對日本人超人氣o既發熱鞋墊，大家都適應得到。

我地當日各自食過早餐後，就乘搭酒店穿梭巴士去小田急百貨公司，會合哥哥位靚女朋友，再由佢帶我地坐地鐡，向銀座一家我地四年前都已經光顧過o既美登利（Midori）壽司專門店出發。食過一頓大家一致裁定為「東京境內最平、最靚、又最正o既魚生」，我地就坐的士去女士們指定o既地點濕平（哈哈，小肥都係最近學識「濕平」等同shopping！）。

「濕」咗兩個鐘頭左右，手持多袋戰利品o既女士們終於同意係時候食下午茶啦，我地就朝六本木方向進發，去返我地上一次都有幫襯過o既甜品屋Toshi Yoroizuka飲茶食西餅。雖然當日有名廚老闆Yoroizuka先生親自炮製多款甜品，但可能因為食唔到上次食過超正o既蛋蛋梳乎厘啦，肥肥家族都大為失望！各人食下午茶o既時間因店內座位不多及排隊先後次序而有所偏差，故大家就約好食完後，就分別行去鄰近o既Tokyo Midtown商場一邊行一邊等，之後再集合行去附近o既一間居酒屋度食晚餐。

食飯時講起先知，原來團友們雖然之前都黎過日本玩，不過當晚都係大家第一次行入一家居酒屋進膳！我地十個人當中，有男有女，有老有嫩，食後感想卻一致，覺得「朝日食堂」（居酒屋之名稱）雖則唔係好好坐，但勝在氣氛好，食物質素高，大家都好慶幸小肥有此居酒屋安排，以作我地「東京狂食狂購三日遊」o既終結；見團友們食得咁高興，細佬都覺得好安慰！

第三天終於天朗氣清，當然不能錯過沙灘的水上活動。豈料早上潮水不夠漲，香蕉船只可停泊在遠處，不能靠近沙灘，我和兩位小朋友唯有踩著膠涼鞋，艱辛地涉水渡過遠岸，好不容易跨過青苔滑石，有驚無險下終於能騎上香蕉船了﹗我的天呀﹗這海上旅程真夠刺激，回程時，駕駛員看到沒其他遊客等坐船，竟逕自多來一個大圈，而且速度還要快上一倍，激起浪花瘋狂撲面，差點兒叫破喉嚨，真不知應否多謝他這HIGH爆大贈送﹗

是日陰晴不定，原想在酒店沙灘上大玩特玩，可惜工作人員說下午才會開放沙灘，畢竟還未正式踏入水上活動季節的盛夏，天氣乍暖還寒，唯有轉戰室內的水上活動。

這是第二次到訪琉球國。為何要在短短半年間重臨這個城市？原因很簡單：水清海闊、民風純樸、賓至如歸，在在令我對這個遠離福島而又只需兩個多小時航程便能到達的東洋島嶼留下極之美好的印象。而這次旅程還有一個重要任務，就是帶同我的兩個佻皮寶貝(上次遊沖繩時撇下了他們)一起來體驗琉球國的美麗風情。

2月8日（大雪）

肥肥家族每次出門旅遊，都必定會預先編排好每日o既行程，因團友眾多，所以出發前兩、三個月，我地就開始集齊各人o既特別要求、商討及計劃，為求大家都玩得開心，食得滿意。人算不如天算，我地喺東京o既第二日，原本計劃好一早起身，食完早餐就搭地鐡去銀座及六本木行街遊玩，點知哥哥訓醒一打開窗簾，就發覺外出落緊雪！正當細佬讚嘆雪景如何優美o既時候，哥哥已經開始擔心年長o既團友們；為怕佢地於雪中行走因而跌傷，及交通安全理由，哥哥就立刻聯絡上靚女姐姐，規劃新o既行程，盡量留喺酒店附近活動。

哥哥同靚女姐姐兩個都有睇天氣報告，得知當日會不停落雪，而且會越落越大，故此最終決定喺酒店附近o既名百貨公司「高島屋」shopping，食午餐。食完晏，團友們行咗差不多三個鐘頭就已經疲態盡露；眼見窗外積雪漸厚，大肥同團長二人就順勢提議落去高島屋最底層o既超級市場，買啲魚生返酒店作下午茶。嘩，我地一出高島屋門口，個天已經黑哂，雪勢強勁，能見度低，街上o既車輛不多，的士更加係寥寥可數；雖然高島屋離酒店頗近，但為安全起見，我地結果都係排隊搭的士走人。

唔到的士，所以就被迫取消訂座，改為留喺酒店

今年很幸運呀~~新年補假，生日假再加個星期六日，剛好有五天假期，唔逃離一下香港實在太對不起自己啦！今年就來一個birthday trip 到我的家鄉大阪走一轉吧~~

本想買平平機票呀什麼的，但決定去的時間實在太倉卒，所以就去了traveling agent 代買就是啦~~

二人同行，五天四夜，零晨機去晚機返，撘國泰，住Osaka Nikko Hotel 包兩日的早餐都只是五千鬆啲，雖然不是最抵，但我收貨了！

明明今天早上還在上班，放工回家梳洗一下，拎埋行李，就到機場上機啦！這個感覺實在是太好了！

撘的是零晨01:50的機，所以在機場也等了一下子，準時上機！

上機不久，就有輕食啦

草草飽食一頓就睡一睡Lu~~Day 0 就這樣啦！