9月3日（多雲）：鑽石公主郵輪東瀛遊第四日之Shiretoko Peninsula知床半島

對上兩次郵輪河「水晶號」都會喺每一個站停泊半日至兩日，好讓旅客上岸遊玩一番，今次「鑽石公主號」就有少少唔同，因為其中一站為只可以從郵輪上遠觀o既世界遺產「知床半島」（Shiretoko Peninsula），聽落好似有啲新鮮神秘感，不過感覺其實同「At Sea」日無異。

從「公主日報」得知船隻將於下午三時喺「知床半島」區域慢駛及現場廣播，團友們就約好中午時份先去「鑽石公主」另外一間主題餐廳「Kai Sushi」度食日本料理作午餐，然後一齊上去甲板霸定個靚位睇半島靚景。

吹完幾個鐘頭唔知係西北定東北風之後，幾位長輩都有感頭痛不適，眼見個景冇乜料到，團長就提議自由活動一陣，傍晚歡樂時光再喺酒吧「Wheelhouse Bar」度會合，飲到夠鐘先去主餐廳度食晚飯。飯後o既的士高舞聚就冇開頭嗰兩晚咁過癮啦，儘管我地中途採取罷跳以示不滿，個DJ都毫無意識要為音樂作出調整，結果大隊飲完一輪即起身離開，返回房間休息。

東京之旅的第二天，去了原宿(新宿--JR山手線-->原宿)

9月2日（霧）：鑽石公主郵輪東瀛遊第三日之Kushiro 釧路

由橫濱出發，「鑽石公主」第一個目的地為「釧路」（Kushiro）。釧路係北海道第四大都市，而且係北海道東部最大o既城市，因市內經常起霧，所以又有「霧城」之稱。釧路接近太平洋o既位置有利漁業，故亦好順理成章地成為日本最大o既幾個漁港之一，喺度食海產當真好似食頭啖湯咁新鮮。此外，由於春至夏季o既暖流風向，郊區有好多濕地公園勝地，好多旅客都會專登搭火車去探索一下大自然o既氣息。

雖然「鑽石公主」受颱風影響而遲咗幾個鐘頭起航，結果卻能依照原訂計劃於早上七時到港，證明船長喺掌握時間上控制得好好。因為郵輪只係會停留喺釧路港口六小時，搭客於下午一點半前必需返會碼頭，肥肥家族對大自然風貌及博物館又唔係話十分有興趣，團長就棄選參加郵輪o既貴價濕地及博物館旅行團，而堅決玩自遊行。我地朝早七點半就起行，坐免費穿梭巴士入城。城內主要有兩個值得遊覽o既景點，巴士站就設於其中之一o既「漁人碼頭MOO」旁，從該處步行去另外一點o既「和商市場」都只係需要十五分鐘左右，一個朝早o既時間要遊哂兩個地方話都冇咁易。

中午過後返回船隻，團長就帶隊上去十四樓o既「Trident Grill」度醫肚。喺游泳池旁o既餐廳雖屬快餐店，但其熱狗、漢堡包及薯條全為即叫即煮，新鮮熱辣又美味，好食過嗰個貴多不貴精o既自助餐多多聲囉！

可能大家朝早實在早起，飯後都要去小休，好少午睡o既小肥就走咗去做運動同打咗陣機，到傍晚時份先再會合長輩們一齊去公主號主題餐廳之一o既「Sabatini’s」度食意大利餐。上滿電o既團友精力充沛，飲完幾輪酒後就去咗頂樓個「Skywalkers Nightclub」度跳舞消脂，玩到盡興至返房。

9月1日（炎）：鑽石公主郵輪東瀛遊第二日 之At Sea

通常郵輪河於開船後翌日都會係「At Sea」日，即全日喺海中渡過，今次「鑽石公主東瀛遊」亦是如此。深知接著落黎成個星期都要早起，XO仔就襯依日咁空閒瞓耐少少，中午時份先起身同班團友喺十四樓個「Horizon Court」度會合，食個自助式早午餐。

飯後我地有幾個爛賭鬼去拉機、其他人就去咗學跳舞、做gym等等，總知各有各忙，中途大約三點三就再集合一齊去六樓個「International Dining Room」度嘆下午茶。

當晚o既晚餐為「Captain’s Welcome Dinner」，喺指定餐廳用膳要跟隨服裝指引，亦即不能穿著短褲、牛仔褲、波鞋等便服，搭客都會襯機著靚啲，排隊搵駐船o既專業攝影師拍番幾輯靚相。平心而論，晚餐美味程度只可以話係比一般好少少，反而女士們o既盛裝打扮就贏得不少途人及服務生o既讚賞，逗得佢地十分高興。

同遊o既長輩雖然個個年過六、七旬，但係佢地真係精力旺盛，首個晚上暢飲完幾輪，大隊仲上咗去十八樓個disco包場跳舞，玩到盡興先返房休息，勁爆！

8月31日（炎）：鑽石公主郵輪東瀛遊第一日之Yokohama 橫濱

由於日本受到颱風「獅子山」襲擊，海上強勁o既風浪影響到「鑽石公主」郵輪於8月31日遲咗泊岸，我地o既郵輪河亦因而有所延誤，當日登船時間由原定o既中午時份押後為下午四時。幸好今次入住o既「橫濱灣喜來登酒店及觀景塔」（Yokohama Bay Sheraton Hotel & Towers）位置方便，乘搭電梯往下即通往地下街，連駁住多間商場，向上經行人天橋又可直達「高島屋」，要購物覓食真係話都冇咁易。

既然區內四周都係食肆，酒店早餐連加一又要成差不多5,000円一位，朝早起牀大隊就先喺大堂集合，一齊行去地下街度搵咗間咖啡屋歇腳。食完個簡單o既早餐後，部分團友先去「東急ハンズ横浜店」（Tokyu Hands Yokohama Shop）濕咗陣平，然後先返房收拾行裝，趕及中午前辦理退房手續。

愛情電影就玩「向左走，向右走」，肥肥家族當日則玩「向下走，向上走」，早上向下行完地下街，下午就向上經行人天橋通往日本名百貨公司「高島屋」，食晏同行街街，多咗個四個鐘頭眨吓眼就過咗。下午四點正，團友十二人就分乘三架的士往橫濱「大さん橋」郵輪碼頭登船。郵輪結果要到晚上用餐時間，即八點過後方才起航，向北海道進發。

大肥爸爸給予「鑽石公主」號（Diamond Princess）第一句評語可謂一針見血，真係「最怕貨比貨」！「鑽石公主」同之前肥肥家族搭過o既「水晶平靜」號（Crystal Serenity）無論係房間配套、船上設施、服務質素、膳食質量、娛樂項目等，各方面都明顯更為遜色，當真為天壤之別，詳情就等細佬喺接著落黎o既遊記度慢慢敘述。

----------MORRA香港遊記------------
10月16下午3:35下機
見到老公後搭上機場快線到香港站,
轉快線免費接駁車到銅鑼灣維景酒店,多走幾步路至銅鑼灣如心住宿2日
不得不說酒店地點超級好!只可惜隔音太差及食物難吃,讓我回台後還寫了建議信給酒店呢!

晚餐-盈福28 
飯後運動-維園走回飯店賞明月賞樹 正好遇上國際女子網球賽最後一日,隔著圍籬偷看兩眼也開心

10月17
早餐-酒店ROOM SERVES 中式早餐-強烈建議不要試 太糟糕了
去餵魚玩玩音樂

三號風球警報發布,到太古城逛逛避風雨

午餐-太古城新開幕麥當勞,新套餐瑞士芝士安格斯牛肉堡. 非常好吃呢,環境又乾淨舒適,只是人好多很難找位

下午茶-CAFE EOS 蘋果金寶/法式焦糖燉蛋 難吃得厲害 不會再光顧
逛逛附近的運動用品以及CD店

晚餐-外帶 上海弄堂的擔擔麵 好吃又用心
消夜-上品海鮮火鍋(天后店)10點半後入座7折! 吃得很開心 有牛有蝦又有蔬菜
吃飽後走去福元想吃個甜湯,可惜臨時休息QQ

10月18日
傾盆大雨實在不想出門受罪,無奈肚子實在太餓了
午餐-炳記大排檔 豬扒三文治與奶茶十分好味 雞翼普通 不過價格實惠
吃完再回飯店乾衣乾鞋

換飯店囉-港島太平洋 

下午茶-去到香港大學站的artisan cafe 失望又貴 真傷心又傷胃
晚間去到深水捗高登電腦商場逛街代買,空氣真差!!

晚餐-坤記煲仔小菜 煲仔飯好味 西蘭花沒炒太透比較硬
附近找不到深宵甜品吃,真可惜

10月19日
在飯店摸東摸西才check out 去午茶-聯華茶餐廳 真好味又傳統 下次還要再試
買了一個8蚊的公雞碗當伴手禮
雨實在太大,一路走走停停,最後跳上捷運去中環IFC逛逛 上環代買鋒味
回程實在走不動便打的回飯店拿行李
跳上A10回機場囉
晚餐- T2的RItz 日式野菌石鍋飯/咖哩牛肋條

多吃支GODIVA雪糕就跟老公掰掰囉 

自從坐過超級豪華o既「水晶號」渡假之後，家人彷彿已獨愛上郵輪式旅遊。無他o既，郵輪河除咗可以喺船上享用美酒佳餚，更可一次過遊覽多個城市，又唔洗擔心要重複收拾行李、轉換酒店等，當真節省不少氣力同時間。2016年初，聽到親友極力推薦「鑽石公主號」郵輪其中一條北海道航線後，家人就立即組團兼訂位，規劃八、九月o既東瀛遊。

8月30日（晴）：鑽石公主郵輪河前夕之 Yokohama橫濱

「鑽石公主號」定於八月三十一日黃昏由橫濱出發，環繞北海道一周後，於九月九日返回橫濱。肥肥家族與親友一行十二人早一日就喺香港出發，乘搭香港航空暑假新增之航班HX 610直飛東京成田機場，到步後即轉乘巴士前往橫濱，於酒店「橫濱灣喜來登酒店及觀景塔」留宿一宵。

大隊抵達酒店時已經係午夜時份，雖然飛機上有晚餐供應，不過質素麻麻，又早食，喺機場坐完個幾鐘頭車後個個肚仔都打行哂鼓，所以喺酒店辦妥好手續後，我地就行咗去間營業至深夜o既居酒屋度醫肚，旅程第一晚經已玩到凌晨先返房休息。