凌晨兩三點起身，已經聽到同見到好多其他登山者都起左身準備攻頂。出到山屋抬頭一望見到滿天繁星，淨係呢個景已經值回票價。同時望落去，見到點點星光郁動，其實係無數既登山者帶住頭燈上緊山頂。所以我地都迫不及待，趕住上山，可惜登山人數太多，途中經常出現擠塞。夜晚無咩光行山係比較困難，好在我地係住最高既山屋，所以呢段路程唔會好長，建議想登頂既朋友可以住較高既山屋，日頭行山比夜晚行好。行到四點幾，天已經開始光，視野比較清楚。去到五點幾已經接近日山，由於朋友話怕山頂多人，亦唔想一路行一路留意日出左未，所以我地搵左個地方停留，迎接日出既來臨。等等下突然聽到山頂有人大嗌，嚇死唔知咩事，望下前面，原來開始日出！見到雲邊有少少太陽邊露出黎，我地即刻拎手機開始不停咁影。可惜不時山頂有薄霧飄落黎，遮擋住視線，所以要影到靚既相好睇時機。但好好彩，最尾都影到滿意既相，不過筆者覺得肉眼先係最好既相機，身在富士山親眼望日出係好感動既事。

 

睇完日出上到山頂，上面可以買下紀念品同野飲補充體力。講真呢到冇咩野行，只係難得上到黎，值得留多一陣欣賞下風景。由呢到仲可以沿路去到富士山最頂既劍峰，應該需時半個鐘至一小時，不過筆者就冇行到，有興趣既朋友可以去搜尋一下富士山劍峰。

 

之後就開始落山，坦白講筆者覺得落山比上山難幾多，而且因為同另一條登山徑重疊左所以會有分忿路，要注意指示牌唔好行錯方向，另外落山冇咩風景睇，趣味大大減低。落山既路基本上就係十幾廿個Z形既路，一來比較悶，二來因為落山既路又斜又多碎石，所以好易冼倒，而對腳因為經常要出力固定喺地面既位置，大小腿肌肉會開始痠痛，並可能係因為之前行山累積既疲勞。幾經辛苦終於落到山，可以行到平路，負擔減少得多，最後大概用左三個多小時落山，到達五目合。去到即刻搵餐廳醫肚，之後去行商店買手信，結束今次既登山之旅。

第二日一早去新宿車站用大型儲物櫃放置行李箱，然後就喺新宿西口巴士總站搭高速巴士，花左兩個幾鐘車程去到富士山五合目。（登山有四條路線，呢條係最多人行而難度最低，網站及旅遊書均建議沒什麼行山經驗或未曾登富士山既朋友選擇。筆者亦鮮有行山經驗，平時係懶到運動都唔多做既人哈哈）一落車已經感受到陣陣涼意，即刻要著番件褸。（所以要到富士山甚至想登頂既朋友記住帶齊禦寒衣物！）之前睇過唔少文章，建議登山人士先喺五合目逗留一個鐘左右，以適應當地海拔高度。相信都唔難適應，但若果發現有任何不適症狀就應該考慮盡早落山。五合目有神社幾間餐廳同商店，手信紀念品工藝品甚至登山用品都應有盡有，睇下野食下野都可以消磨一段時間。仲有郵局可以寄明信片，值得一提係因為從呢到寄明信片係可以喺卡上印上五合目紀念郵戳，係獨有既，所以特別有意義。

 

而登山人士就要留意，如果有裝備唔齊就喺到買埋，除左飲料小食等可以喺山上買，雨衣太陽眼鏡登山杖等都要喺到買。登山杖係木製，有長有短，可以喺山上烙印紀念。筆者買左一枝短既登山杖($500)同氧氣樽($1250)，預防高山症，因為山上空氣稀薄，未知適唔適應到，不過山上都見到有得買，可以放心。（筆者同朋友各人買左一枝，最後只有朋友需要用到，所以個人建議可以先兩至三人買一枝，唔夠先喺山上買，但依筆者所見，唔多登山者有用氧氣樽）。

 

十二時許正式登山，初段登山路並不複雜，只有少許分忿口，看著地圖或跟隨大隊前行便可。登山徑初段為平路或只是微斜，簡單易行，沿途可以欣賞風景。中段以後開始出現崎嶇不平的石路，或需使用手(最好戴上手套)或登山杖協助攀爬。上山程度不算難，但還是敬請按照自己的體力及身體狀況，隔一段時間休息及補給(包括水份及能量棒等)。由於需要不斷往上爬，大小腿肌肉或會痠痛，請及時休息。衣著方面，應該隨著氣溫驟降而逐件逐件穿上，以多件及較薄為好，方便面對不停驟降既氣溫和隨便體溫升降而穿著或脫除，亦建議穿著防風防水既衫褲，以抵抗大風同落雨。其他建議戴上既裝備包括帽及太陽眼鏡以抵擋紫外光，另外登山鞋總比運動鞋好，筆者今次穿運動鞋登山，雖然都順利完成，但相信有登山鞋會比較好。

 

登山路既中段多數以Z形路為主，唔太難行，只係上斜同攀爬比較用得多體力。陸續會見到山屋，整段路總共有十幾間左右，不妨當係休息點，抖下睇下風景影下相，如有需要亦可以買野補給。如果預約左山屋就可以入去休息喇，但謹記因為山屋床位非常有限，如果預左要過夜就記住要事前預約！各個山屋企預約方法都唔同，有啲只可以打電話有啲就可以網上預約，各位可以視乎自己既目的地同各個山屋既介紹而作決定。由於我地本身想到山頂睇日山，所以提早喺網上預約左最近山頂既山屋御來光館。由十二點開始行山，行到上八合目既御來光館，已經係五點半左右。因為筆者同朋友算係行得較快，所以相信整段路程應該係六小時左右。

 

到達山屋之後會獲發床位，真係只得一個好狹窄既床位，身材高大既人可能會覺得好迫，但都冇辦法啦，唯有捱一晚。同埋因為山上水係好矜貴都係冇得沖涼刷牙洗面，都係果句，無辦法啦捱一晚。唔記得左提，喺富士山去廁所係每次收$200，作為處理污水既費用，同埋垃圾係要自己帶番落山，所以最好準備幾個膠袋裝垃圾。講番山屋先，搞好床舖後就會獲發晚餐同早餐，早餐係預你凌晨起身上山頂睇日出前食既。食完晚餐大概係七點，但已經要訓覺，準備凌晨起身行上山頂。

 

新宿區役所前膠囊旅館 Shinjuku Kuyakushomae Capsule Hotel

https://www.google.com.hk/?gfe_rd=cr&ei=xeLqVebzNKjC8AfO5JGgDQ&gws_rd=ssl#q=%E6%96%B0%E5%AE%BF%E5%8D%80%E5%BD%B9%E6%89%80%E5%89%8D%E8%86%A0%E5%9B%8A%E6%97%85%E9%A4%A8

膠囊酒店每人每晚百幾蚊，唔介意屈就或者想留彈藥購物既朋友可以考慮。

呢間膠囊酒店主要分幾部份，包括儲物櫃，大浴場，睡房及休息室。

隨身物品會放喺儲物櫃，行李箱就會喺櫃外，所以記住要保管好鎖匙同鎖好行李箱。因為行李箱係放在公共地方，而地方淺窄，所以拎野執野都較唔方便，呢樣係筆者覺得較麻煩既地方，唔似得酒店咁方便。

喺到沖涼會去個公眾既大浴室，沖涼無遮無掩，私隱度大大減低，介意既朋友要認真考慮。值得一讚既係，設施都好乾淨，而且配備齊全，洗頭水沐浴露風筒牙刷剃鬚刀都一應俱全。

訓既地方就係一個只能容納一個身位既細小膠囊，細到只有一個床位，因為咁狹窄所以亦唔係好通風比較焗，但外面有冷氣所以都唔會好熱。膠囊內有電視同充電位，記住帶兩腳轉三腳既插頭。床鋪偏硬，訓慣軟床既朋友要留意。

 

Check in左搞掂哂所有野都已經接近十二點, 好在新宿區好多深宵依然營業既餐廳, 今次就隨機揀左間24小時營業既磯丸水産餐廳, 真係幾夜食都唔怕. 
朋友點左個魚生飯, 筆者就想食熱野嗌左個蟹炒飯, 兩者都好好味, 魚生好新鮮, 白米香而爽脆~

需然在香港也可食到一蘭, 但可能水質問題, 日本食湯底更清香, 而且價錢平過香港好多~加麵底加蔥加又燒TOTAL 都係1220YEN, 唔駛80元港紙, 香港基本一碗都89元啦~

因黑門市場酒鋪假日定休, 很失落下回到難波, 見到 BIG CAMERA 就入去行下, 去到買酒部很多有年份既威士忌已買清, 但仲有"嚮"威士忌12年酒, 價錢亦在合理水平, 總好過無啦, 而且有得退稅~
http://www.biccamera.co.jp/shoplist/shop-013.html 

去日本機場必買手信, 好平,  但在機場買日本威士忌已貴了很多, 唔駛諗~

因趕火車, 沒有時間坐下食早餐, 唯有買了個飯團坐車食, 小店有好多款飯團選擇, 本人就選擇了明太子飯團, 不會像香港便利店所售買的飯團D飯硬晒, 此處非常新鮮, 紫菜脆卜卜, 飯亦軟熟, 明太子喊喊地好好食~ 

嵯峨野觀光列車(全程25mins)(最好預先第一天在關西空港JR TICKET OFFICE “綠色窗口”先購票, 因旺季一票難求), 沿途可看到沿山邊, 下面激流風景, 因火車沒有窗, 所以捐山洞時感覺幾特別, 可能身處山區, 感覺很清涼~中途仲有人扮鬼怪上車與乘客自拍~下車後可不用乘回程火車, 可由龜岡站步行10mins 到馬崛站うまほり – Umahori 乘JR 山陰本線返京都站 (16mins)

http://www.sagano-kanko.co.jp  

淡而無乜味的茶泡飯, 可以不試~

http://www.porta.co.jp/shop/dining/5010/ 

來到京都, 當然要租套和服體驗下, 這裡服務都OK, 最好預先上網BOOK 定時間, 再PRINT 張預約資料給他們, 就可慳時間等候了~穿和服連SET 頭大約預一小時左右啦~咁就可靚靚漫遊清水寺, 八坂神社等~

http://www.city.kyoto.lg.jp/kotsu/page/0000028337.html 

唔記得間鋪叫什麼名, 只記得在松原通最高近清水寺入口的一間買抹茶手信店, 門口就是買雪糕的~櫻花抹茶雪糕, 好好味, 好重抹茶味但唔會苦, 一定要試~

去日本必食, 太美味, 建議預先網上BOOK 訂, 因我們上次去到, 已不可以WALK IN, 好彩我們訂了位, 仲安排了窗口望道頓崛河景~如四個人, 其實可以叫三個餐SHARE 食, 我們叫了四個人叫了四個餐就食唔晒浪費了~ 生蟹好鮮甜, 蟹鍋滾完火鍋之後, 用湯底即場煮蟹湯粥勁好味, 一定要試~另外叫了果汁酒, 送蟹食一流~
套餐包括(相合(あいあい) 5832yen + 桂川(かつらがわ) 7236yen + 鏡山 (きょうざん) 8748yen + 弁天(べんてん) 6264yen), 4枝果汁酒Drink (1728yen)

http://douraku.co.jp.t.at.hp.transer.com/kansai/shop/honten/

大拖羅好抵食1980yen 六件好抵食, 好肥美甘香~帶子刺身很鮮甜, 蟹腳海胆一般, 魷魚筒比較怪, 因入面唔知"養"左d乜~

零食大部份都可試食, 本人覺得以wasabi烏賊乾 (853.2 yen) 和抹茶朱古力 (1134 yen) 最好食~一定要試~

http://www.mitoya-kuromon.com/index.html 

去到環球影城唔想排隊玩game, 就要係香港旅行社買定 express pass ticket, 一入場先入去預約左既哈利波特世界玩禁忌之旅, 好好玩~玩完出來買左柸Better bear, 其實是沒有酒精成份, 大人小朋友都可飲, 有普通(600yen)和沙冰(1700yen)選擇, 但沙冰柸是膠柸飲完可帶走留念, 其實比較甜, 飲晒成柸會好飽, 哈利波特鐵罐手信朱古力米通(1800yen), 比想像中好食, 一罐有成三十粒左右, 好抵, 做手信一流~跟住在大白鯊附近買了冰菠蘿, 同食冰無分別, 一點酸味也沒有~可以不試~在環球影城多數都會買個卡通人物主題既爆谷, 咩住一路行一路食, 多數人都買Minion壞蛋 (2490yen), 但我就買左芝麻街 (1890yen), 味道ok~稍後到了蜘蛛俠附近買了熱狗 (500yen), 都係可自行加芥末茄汁, 好味~最後奉勸各位, 如未睇過進擊之巨人, 又或者唔識日文就唔好玩呢個game(無野睇, 悶企左半小時)~

試左個好多蔥既章魚小丸子, d汁有少許酸酸地, 味道和香港街頭所食的有所不同, 味道幾特別~可以試下~

http://kougaryu.jp/menu/index.html#bottom 

去到貴志站才知道TAMA 19號病了, 直到6月22日因病離世, 若早來3日便可相見一面, 真是很遺憾~還有接班貓二TAMA, 大家也值得去探望參觀~
http://www.wakayama-dentetsu.co.jp/images/wakayama_taiwanese.pdf 

壽司不是生的, 似是煙燻過的魚生, 不過比正常壽司酸, 味道都幾得意, 一試無妨~

http://www.izasa.co.jp/shop/sanjo.html 

本人對牛不是太大興趣, 只不過來到神戶就試下神戶和牛, 和牛的確是比一般牛軟滑, 一試無訪~
因大家都不是愛食牛之人, 所以4人只點了三個部位的套餐共21480yen 

http://www.koubegyuu.com/ch/shop/yazawa-hankyusannomiya/ 

聽說和歌山紀州梅很出名, 見到包裝幾靚就買來試下, 可能本人覺得太酸, 不會淨食, 應該帶返屋企煮餸食~一場黎到和歌山, 也應該買盒細細地試下~

阪急三番街1樓是很多卡通精品小店, 其中一間就是專買貓精品, 係香港忌廉哥都有一部份, 大家不防去睇下~

國泰以前的飛機餐一向好味, 但今次就好難食, 因飛機餐的風味較中東, 有點古怪~

我們已經租住雙床的holly mini twin room, 但房間亦相當細少, 不過尚算乾淨~
http://www.hotelkeihan.co.jp.e.gm.hp.transer.com/tenmabashi/ 

買了(來大阪出差)南海機場線和一天地鐵任乘車票), 快捷~

選了鹽味叉燒流心蛋拉麵, 湯底濃郁,好味~
大阪市中央區道頓堀1-7-25 

買返酒店食, 芝士味好濃, 好味~
大阪市中央区心斎橋筋2-8-1　心斎橋ゼロワンビル1F
http://www.pablo3.com/shops/shinsaibashi.html 
芝士味800 yen 一個, 宇治抹茶味1166 yen 一個 

好多人說，來汕頭玩，基本上沒有什麼景點可去，最重要都是食。的確，我們來到汕頭的第一站，就是去食，食我們的下午茶。

旅遊車一下子就帶我們來到汕頭的老城區，本來第一站是看天后宮的，但因為下大雨而安排我們先來這一家被喻為百年老店的《飄香小食店》食潮汕小食。

這小店，說是有過百年的歷史，單是看店子的內部就知道，這應該是晚清時代的建築風格，雖然因為要做生意而令店子帶點點現代的裝潢，但抬頭一看，尖頂的舊屋，就知道這房子是一間老房子。 

在這兒，我們吃了最地道的蠔仔烙，雖然我覺得有點點炸過龍了，但這是一份正宗用鴨蛋煎的蠔仔烙，食落香口有蛋味，也有足夠的蠔肉，很不錯，只是十分之油。

另外，就是五花百門的粿，粿是潮州一帶的小點，用糯米包，有甜有咸，也可以肉餡，再用油炸好，煙煙韌韌，甜的如豆沙，有其特別動人的味道，咸的如有肉餡的，也有特別的肉香感，總之，這就是鄉下人掛在口中的茶粿，一定要飲杯茶送食才好，原因，好多油呀.........

本來是最後一日才去的景點，但導遊知道這三天行情都在落雨，眼見天色有少少好轉，他立即建議大家先去《龍泉岩》。

 《龍泉岩》，就是汕頭大學的後山，是一座靈山，整個山頭都充滿了大大小小的寺院，所以，龍泉岩寺院群之稱。

入寺，其實我見不到什麼名字，感覺上，這兒是一群不同的寺廟，越建越多，越建越近，就慢慢地變成了 《龍泉古寺》。

名字叫《龍泉古寺》， 當然有龍的出現，我們沿著樓梯上山，上到去，就會見到一條龍，而這一條龍，也就是此山的神龍，而龍的前面有一口井，相傳這就是聖水。

什麼民間故事我沒有聽了，只知道來過地標，也就是到此一遊吧。 

跟團去旅行，總會住到冇雷公咁遠。這一次下榻的酒店，位於汕頭市的邊界，行一行就是潮州市的潮安區。的確是好偏僻。

酒店的名字叫《格林豪泰》，是一個連鎖酒店的品牌，所以質素算是有少少保證，加上此酒店的位置的確是偏遠，所以啱晒旅行團，就算個人遊來到，價錢也不會貴得去邊。

房間不錯的，由床至浴室，都感覺清潔衛生，設備齊全，也足夠地大，睡了兩個晚上，我可以說，是舒適的。

地點雖然離市區很遠，但這一區有小食肆，有藥店，而酒店旁也有一間便利店，晚上行遠少少，同團朋友也找到火鍋店同牛丸麵店。日頭一看，這其實是一個兩個本地人生活小區的夾心地段，又有公交車來往潮安及汕頭市區，感覺不差。 

是日，遊玩的地點依然是《心齋橋》、《難波》一帶，一早行出酒店的我們，心知仍未有店舖開，於是，我們開始找一些位於市區內的景點。而最近我們酒店的，就是一個名叫《法善寺》的小小寺院。

寺院的確是很細，周圍也被商業街同建築物包圍，而且寺的前前後後及兩旁，都是一些以此小地標為名的食店及商店。

這一個小小的寺， 供奉的是一個叫《水掛不動尊》的神靈， 最特別的就是寺內的那一尊生滿青苔的佛像。

其實， 《法善寺》出名不單是因為這一尊佛像，而是《法善寺橫町》的一眾特色美食店，不過，我太太茹素，我們尋食的方向，就不在此了。

我同太太於午飯後，繼續分道揚鑣地行心齋橋一帶，不過，我們都無意地一起出現在《北心齋橋》，在商業街碰見了。於是，我們一起再皇北行，行到一商架路橋底，而橋底有一個舊式商場，而這一個商場就是叫做《船場》。旅遊書上說的《南船場》地帶，原來就是指船場的南邊。

船場，是一些很傳統的小型服裝店，我可以說，這兒賣的東西，一點也不時尚，更可以說，這也許是給公公婆婆行的商店街。

之不過，我同太太都摸過，仔細觀察過這些日本衣裳，其款式雖然很古很舊，但質地是非常優越的。而且，我們也發現，這一個是服飾的批發市場。

我們行了兩、至三個館，感覺這地方都是不太適合我們行了，向北出已經離開了市中心區，我們唯有向南行，回去《心齋橋》。 

回去《心齋橋》，在《北心齋橋》的路上，我們發現了一間好80年代感覺的百貨公司，名叫《丸大グループ》。好奇的我們，決定入去看看。不過，原來這百貨公司是會員制，本地人一定要入會才能夠進入。

我們兩個人傻傻地進入，而醒目的 reception 知道我們是遊客，再用簡單的英文向我們說，只要出示 passport，做一個簡單的登記，就可以入場，以旅客的身份進內購物。

同之前行過的船場一樣，這兒賣的東西完全稱不上是 fashion，是老古代的日本 style，如果大家喜歡一點 retro 的話，這一家 《丸大グループ》，也許值得你去尋寶。

我們對此店的興趣不大，借埋個廁所....走。 

Crepe 薄餅，其實已經可以成為日本甜品的一種。因為，我本人覺得，這東西源於外國，但是由日本人發它 upgrade 同 發揚光大的。

我們在 Rinku 行到咁上下，又到了可愛的下午茶時間了，在 outlets 內，除 food court 之外，也有不少正統的 restaurant 同像這一間《Crazy Crepes》一樣的小食店。

由太太帶領行到這《Crazy Crepes》門前，那我們就一人一個卷餅吧。 

バナナチョコ，是香蕉朱古力味，軟綿綿的香蕉，一層 cream混合了香蕉的果肉，又甜又香又滑，而向來，我都覺得 cream 同香蕉是絕配的。另外，在內心夾雜了朱古力醬，絕對是一個令人覺得開心的口味。

イチゴチョコカスタード，是士多啤梨朱古力奶油味，同樣，是一層cream混合士多啤梨，不過，醬就是朱古力加 custard，是雙重的口感。又甜，又有果香，又有令人開心的 朱古力醬同吉士醬，是雙重的開心，雙重的美味。

美食的甜品係會令人開心的，而是日每人一支 crepe，簡簡單單，二人都非常之開心。 

來遊玩大阪、京都一帶，闔西機場一定是你出入境的指定機場。廉航發達了，令來往大阪的機票變得越來越便宜，也令遊覽關西一帶的遊客們，帶來更多的方便。

這一次行程，我們選乘了 Peach Airline，在關西機場，他們有專屬的 terminal，惟是 Peach 的那個 terminal 2，很不方便，巴士火車都是來到 terminal 1，而要前往 terminal 2，就一定要乘坐機場的接駁專車才能到達。所以，時間要再預鬆動少少。

我們不知情，打算去到 terminal 2 才找野食，誰知這 terminal 2 的飲食設施實在是不足，幸好有便利店，入昦後又有一個會提供外墳的餐廳，這樣我們才不會餓親。

另，關西機場的接駁交通很方便，有火車直達和歌山、京都、大阪。有船直達神戶，而且到大阪的車程是一小時之內，很近，很就腳。再者，前往和歌山港的火南與前往德島的船期是配合的，前往四國的話，也可以選用這一個方法。