搜尋:
遊記日期:    發表日期:    
 
簡介形式      文章形式
共找到 92 篇遊記, 正顯示第 1 至 10 篇遊記
fai0826
14篇遊記
14之秋 - 京阪神之旅 (日本)
(旅程日期: 2014-10-06 至 2014-10-11 ,  旅程性質: 商務公幹)
 整個旅程  (共1篇遊記)
 分享至Facebook 
發表日期: 2014-12-08
10月的第二週的一星期是本人到日本的推銷活動, 帶同一個90後的同事行呢一趟還是第一次, 亦是眾多第一次的其中一個, 由於當日早上東京還是打風的關係我們的航機遲了兩個鐘到達, 在酒店放下行李已經是黃昏時間了,
第一天:  和心とんかつ"あんず" 銀座
第二/三天:  Swan Bakery 銀座, Yanaka Coffee, サンマルクカフェ
第四天: 豚旨うま屋ラーメン
 
任添椰菜絲沙律
任添椰菜絲沙律
茸ロースカツ鍋膳
茸ロースカツ鍋膳

這是第一天的晚餐,走在涼風輕吹的銀座街頭, 不想考慮太多見銀座三越就在旁邊二話不說就上了食街那層了, 可能是星期一的關係無論哪一間客人都不多, 走進這間炸豬扒店, 沒被安排坐window seat 但即使座亦沒有什麼景可言, 旁邊是一個地盤, 遠望一點亦只不過是對面大廈, 我們叫咗兩個sets,

茸ロースカツ鍋膳2,047円:主菜是半浸沒在菇汁內的炸豬扒, 菇汁係一個稍為杰身嘅獻汁, 炸衣被浸住的底部當然有點淋身了但上半部的大部份亦被一大堆蘿蔔茸/青蔥花覆蓋住, 清涼的蘿蔔茸/汁同脆口炸衣一起食時十分可口, 旁邊的炸衣依然是非常脆口, 內部的豬扒是相當的Juicy, 應該是豬扒本身的脂肪分佈平均,

另一個set是ロース生姜焼き膳2,000円:主菜是厚切豬扒生姜燒, 豬扒嘅厚度有成cm.以上, 甚少見日式生姜燒以這個煎豬扒的樣展示出來, 兩個set的豬扒都是肩肉, 豬嘅味道濃郁明顯調味很簡單但又不會太實淨, 同肩肉有否關係唔清楚,

味噌湯ok因為在日本好難飲到唔ok嘅味噌湯, 這裡除了有“お新香“之外還有另一味是”切り干し大根”來自宮崎縣的乾蘿蔔絲用天然日曬後經自家醬油醃製等自我宣傳, 口感通常是半乾的, 醬油味會有但一般不會太搶, 有些時候會有點幸辣味, 不過這裡的則只是一個醬油味, 米飯則是選了紅糙米飯, 口感不覺得太粗糙, 多了一丁點的趙頭而已!

每次不是出很多的椰菜絲沙律, 極之新鮮脆口跟柚子醋絕配, 對吃草要求的我來說能夠添加無限次至很滿足才停口亦是走進這種日式炸豬扒飯店的原因之一,

這晚吃得相當慢活, 食完都差不多10點了

推介菜式: ロース生姜焼き膳
每人消費: 約2185日圓 (晚餐)
評分: 味道4   服務3   環境3   衛生3   抵食3
おいもデニッシュ
おいもデニッシュ

第二朝早上行落酒店旁邊的咖啡店飲了杯咖啡伴件餅, 而同事因為不飲咖啡, 只須我求其買兩個飽給他就可以了, 飲完啡後問店員哪裡有麵飽賣? 她就講了個位置但不肯定有否開門, 自己行到去見開咗門, 名字是”Swan Bakery”意即”天鵝”, 到後來我回來後上網查這”天鵝”的資料時才知道這是一間社會企業專門請一些身心有障碍的人士協助他們溶入社會同時令到他們能夠增加收入以拉近同一般人的差距, 他們的店鋪数目也不少呢! 以東京都為基地, 遠至札榥/ 大分縣, 早上的麵飽以甜飽為主, 所有飽的造型都十分之統一上色均勻, 尺碼一般較細, おいもデニッシュ114円蕃薯酥的麵糰色燒好後仍然是十分漂亮的紫粉紅色,內餡還有些黃蕃薯肉添! 酥皮包嘅酥油沒有太油膩手感/口感連續兩日都在這小店買咗兩次麵飽, 黒カレーパン(黑咖哩飽)140円, チーズケーキドーナツ(炸芝士donut)90円係一個好細的炸飽, 炸過後的芝士其實只有一種芝士香氣, 反而另一個シュクレド、スワン105円以店名命名的飽中間那一小堆芝士更有芝士味道及口感, 同事都非常之喜歡吃這店的產品!

推介菜式: おいもデニッシュ
每人消費: 約397日圓 (早餐)
評分: 味道4   服務3   環境3   衛生3   抵食3
Regular咖啡 + 曲奇
Regular咖啡 + 曲奇
差
差

這也是一幢無心插柳的發現, 就在本人住的酒店"Hotel Ginza Daiei”旁邊, 就有這麼一個深啡色玻璃小敞門口, 門口放了一張原木色小摺櫈, 櫈上放了些宣傳單張, 走進店內也只不過幾個座位, 早上8點多進來並沒有客人,有的只是買走嘅客人, 她們沒有什麼麵飽之類的食物有的只是曲奇餅, 叫了一杯Regular咖啡 (M)220円+一塊cookie 110円, 咖啡是有濃郁香氣的, 味道則是清新的那類, 曲奇餅有牛油香,甜度亦剛剛好, 中間的奇異果糖膠則有點點酸跟曲奇的甜配合得很好,飲完杯啡後發現杯底出現咗店名同一個類似板畫風格的公仔, 同隻咖啡碟是一對的, 喜歡來日本這種小店的原因之一是好多時會在一個偶然的時刻一個細節褢看到一個經過幾番思考一早已經放在那裏的小裝飾, 一幅畫! 
在第二天工作回來時跟同事又走咗入去要了杯"Latte”看樣子大家都應該知道是什麼的一杯LATTE吧! 粗泡LATTE一杯, 兩點啡色當然係咖啡滴落杯的位置亦即是說明這是一杯自動機做出來的LATTE! 而同事嘅ICED LATTE也同樣不太出色, 可能這種以賣荳為生的咖啡店, 還是一杯黑啡吧! 但今次並未幫襯她買荳, 因為在另一家專門店買了兩包荳, 又可以捱上一季了! Yanaka coffee beans 唯有 next time! 

推介菜式: Regular咖啡 , 奇異果糖膠曲奇
每人消費: 約330日圓 (早餐)
評分: 味道3   服務3   環境3   衛生3   抵食3

這天起身不想再去樓下旁邊那間小咖啡店了, 因為連續去了兩次, 夠了!

昨晚發現酒店直行過馬路再直走向前行的一條直路是飲食街, 有烏冬店, 天婦羅專門店, 日式小酒館, café, 老麥等等

這CAFÉ是連鎖式咖啡店, 但非咖啡專賣店, 咖啡只是一個引子, 主食是牛角酥, 三文治, 飽類甜點, 輕食類, 凍飲類有菓汁, SMOOTH, 抹茶拿鐵等,

我只是試咗個egg benedict morning set 390円

成個Benedict最正係隻半熟蛋,我唔知道隻蛋有否什麼名堂?好有蛋黃那種濃濃的蛋香味道,雖然她們並沒有搞什麼荷蘭汁淋上面只是喞咗個maya!煙肉也只是半塊,但整個Benedict也配搭得很好而且美觀,要知道這只是一間快餐店,390円是連稅的價錢即係為起港幣是約在26蚊左右,同香港的港式早餐同價,這樣看起來我們的早餐早已經去到東京嘅價位了,我們應該高興嗎?能夠跟物價高的東京一較高下!

推介菜式: egg benedict
每人消費: 約390日圓 (早餐)
評分: 味道3   服務3   環境3   衛生3   抵食3
這裡的製冷水機好勁, 飲用水非常之凍
這裡的製冷水機好勁, 飲用水非常之凍
這裡專登做了一種特別的辣味配料,原料是辣椒同韮菜,所以要用蓋上一個 蓋!
這裡專登做了一種特別的辣味配料,原料是辣椒同韮菜,所以要用蓋上一個 蓋!
日式炸雞球
日式炸雞球

這晚到名古屋已經是晚上九點半過外, 酒店在繁盛區的旁邊, 繁盛區的意思係飲酒的地方多,街邊有好多飲到HI HI地嘅西裝友, OL, 更有些在派片招攬飲酒客人嘅一堆堆年青人, 洗過面後跟同事走落街隨意找了間拉麵店走入去, 基本上是一間營業至通頂的集團式拉麵店, Menu上的款式不多, 麵只有特色拉麵 580円 同义燒拉麵 700円, 相差的120円純粹是多幾片义燒而已, 麵質是幼身的沒太有咬口, 高湯的味相當濃帶一點杰身, 义燒還好是間肥間瘦那種傳統款, 提供大量蔥花但原來同事對於生蔥花有點抗拒, 吃到這裡開始有點頂不住了, 幸好這裡的蔥花是用另一個小竹蔞裝住攞過來的, 唔放落去就OK的了, 而這裡的名物是”炒飯” 550円睇相似模似樣但實在太晚了唔想食飯了, 反而叫咗個”うま屋のから揚げ“日式炸雞球是也450円 新鮮炸出來的雞球相當有水準外衣少少脆內裏則十分Juicy, 肉質還有些少剩餘鮮味, 可能是時間帶的關係,這店的客人多半是飮完酒後但吃不飽來這裏食埋下集大結局嗰種! 越夜越多客人進場怪不得要開通宵了

每人消費: 約870日圓 (宵夜)
評分: 味道3   服務3   環境3   衛生3   抵食3
在一個隅的機會下, 碰上了 Café KALDI這是一間我們的城市超市的縮水版本, 而且某些產品甚至是一樣! 不過這裏是有一個賣咖啡荳的專櫃, 亦有自家製的濾紙咖啡(個別包裝), 看得出咖啡是這店的大動脈之一, 今次試買咗呢個口味, 一袋有10packs , pack12gm比平時一杯計10gm為多, 裏面是已經磨成了粉但他們的確有技術能封存住那粉的新鮮度, 因為當我用熱水沖泡時, 有大量泡沬湧出來, 証明咖啡的鮮度尚在, 此啡味道是十分之清純順口的, 非常適合早晨的第一杯, 同所有帶甜的飽/ 糕點都是絕配, 不過香港人似乎唔太喜歡這種即沖的咖啡反而較喜歡用instant coffee pack! 另外自己再買了200gm的新鮮荳, 但已經忘記是什麼荳了而且重飲晒添, 同樣新鮮荳沖出特性來,
推介項目: COFFEE
參觀時段: 早上
入場價錢: 每人524日圓
評分: 值得去3  
おでん
おでん
在大阪地區, 好多時都見到類似的手打烏冬店以平價為主, 作為主食可以幾飽肚下,例如:天婦羅之類嘅炸物食落肚之後炸漿在肚內發漲, 即使隻蝦唔太大隻都可以! 作為小食亦可以唔太佔用個胃嘅空間, 例如放在門口的おでん“Japanese hotchpotch只售110/, 這天是在中途等人電話所以走入去坐低慢慢等, 叫了最基本的生醬油烏冬”290 這種手打烏冬比較上有咬口, 配上生醬油味道上幾sharp, 再撈一撈跟上的蘿蔔茸/ 薑茸/ 蔥青, 揸上一些清新嘅檸檬汁帶一點洋式又幾啱味喎! 但如果唔喜歡食生蔥/生薑/生蘿蔔茸的話這店可以pass!
推介菜式: 生醬油烏冬
每人消費: 約290日圓 (下午茶)
評分: 味道3   服務3   環境3   衛生3   抵食4
當日風和日麗
當日風和日麗

在日本,公路旁食店大多是西餐廳, 烏冬店, 拉麵店, 這次客人帶去吃的公路旁拉麵店,
拉麵店名字:河童, 而MENU面嘅圖片是一個中世紀的傳教士, 切合咗河童這名字而非日本傳統的河童樣(精靈), 因為傳統那個扮相的確幾難同食物產生聯想, 雖然中世紀的傳教士同拉麵都扯不上關係, 反而啤酒會貼題一點,
ANYWAY, 這裡的拉麵是買票式, 店內實木枱櫈是比較RAW的風格, 我要的是”玉子拉麵”麵質帶點咬口又帶少少枧水味令我想起我們香港的生麵, 麵身都係幼身嗰隻, 义燒同網上照片的圓形卷狀不同, 實物是長方形嘅肥瘦相間的片裝, 蛋是蛋黃中心稍稍流身那種, 湯雖較肥但味道濃香, 同樣大量嘅蔥青亦是本人所好, 同時還試了煎餃子, 亦是傳統簿餃皮煎香那種, 

推介菜式: 玉子拉麵
每人消費: 約1000日圓 (午餐)
評分: 味道4   服務3   環境3   衛生3   抵食4
90%跟到照片
90%跟到照片
還有土產品在銷售
還有土產品在銷售

當日跟同事在大阪下車後安頓好行李後, 出外找點吃的, 見到呢間去年在香港”水鬼升城皇”嘅一蘭, 紅噹噹嘅外型一見到佢就認得佢啦! 其實在當地它只是一眾拉麵專門店的其中一員, 賣的都是平民拉麵, 價位亦是相當大眾化, 不像香港地動輒就是盛惠一百大元一碗沾麵,

地面是購票形式, 落樓下才是格仔位, 在網上看見過,現在是睇實況, 來店幫襯的都是中學生, 或者同用餐時間有關啦, 同事叫的是可以添加的套餐所以佢多咗隻小鉢, 要了最一般嘅拉麵, 豬骨湯底的確係好白有豬骨香重有少少杰身添不過, 湯的確係好好飲味道濃得嚟清爽, 不過豬肉义燒就有點過瘦, 明顯無脂肪之餘食落亦真的沒有脂肪, 唔明白點解會用咁健怡义燒? 因為日本人並不太介意义燒有脂肪! 反而好多時食到的是厚脂肪, 麵是九州特色嘅幼麵! 麵質本身沒太特別,有點近似中國麵,

至於餐廳環境方面, 第一次座這樣的格仔位感覺有點怪! 據講這種座位格仔主要是為咗想客人更加能集中精神去感受這碗拉麵! 

推介菜式: 豬骨湯底
每人消費: 約950日圓 (午餐)
評分: 味道3   服務2   環境3   衛生3   抵食3
塩味焦糖口味
塩味焦糖口味
動物做形可愛
動物做形可愛

以前在日本生活吃到的甜甜圈盡是那間打着美國波士頓旗號的專門店, 這可能同在東京住的關係, 因為在關西地方甚少見那專門店橫行的現象, 今次來大阪隅然之間(開完一個無聊的會)發現了這間可愛小白屋, 相當簡單的裝飾, 開放式廚房即場可看見即場製作嘅甜甜圈! 清潔乾淨是第一印象, 店員當然是高校生又或者是大學生之類的女生, 不過她們要負責那個炸爐就真的有點擔心, 當然她們理應受過專業訓練的吧! 店名的”FLORESTA”是葡萄牙語, 意思是”森林”大意是森林內的動植物都由一連串微妙的平衡關係組合起來, 人亦應該跟她們一樣跟森林和平共存, 以此作出發點在2002年開始由一對在奈良住的夫婦(前田)創立, 目的是讓孩子們可以吃到用安心食材製作出來的小食, 最初只是家庭作業,用一輛快餐車形式在大阪至奈良的跳虱市場即場製作販賣, 當時只有三種口味:原味/ 砂糖/ 可可! 當時名字還是”前田甜甜圈”由於即場製作的甜甜圈讓客人留下深刻印象,口碑還亦由此以人傳人方式瘋傳開去令快餐車前列隊購買, 故事從這裏開始一直至今, 個人對這種沒有機心的小店一般都會比較有好感, 即使產品有時候並非什麼獨一無二的人間美味! 始終她們有一夥溫緩人間的心, 不像某些大企業般用盡所有手段揸乾員工, 賺盡每一分錢, 破壞環境, 言歸正傳講番這店的產品吧!

這天試咗最簡單嘅原味甜甜圈, 口味比較淡口, 沒什麼油膩感, 食一個並沒有太大負荷, 下次再試其他口味吧! 

推介菜式: 甜甜圈
每人消費: 約180日圓 (下午茶)
評分: 味道3   服務3   環境3   衛生3   抵食3
女仕華之選
女仕華之選
紅味噌湯
紅味噌湯
甜品
甜品

這晚行完超市後跟同事不想再行太遠了, 就乘電梯上16樓食堂街搵食, 唔知點解這類型傳統日本食物的店, 好多時都不見年青人的踪影, 來的不是上年紀的客人就是帶住細路嘅一家三口或者四口! 通常都係吉枱大把?! 好明顯不景氣同年青人口味嘅改變都對這類形賣傳統食物店鋪影響得幾深! 講番當晚的套餐:

店長おすすめベストこーす 2,160円(税込み)

店長推介套餐: 天婦羅8點(蝦3隻/ 野菜兩品/ 魚兩點/ 特製雜錦炸野菜餅),雜錦魚生兩種, 雜錦茶碗蒸, 飯任添, 紅味噌, 醃漬物

レデイース華こーす 1,674円(税込み)

女仕華之選: 天婦羅8點(蝦1隻/ 時令野菜3品/ 時令魚一點), 魚生一種, 野菜沙律, 炸荳腐, 特製茶碗蒸, 飯任添, 紅味噌, 醃漬物

這裡的蝦沒有車站麵檔的炸蝦的大, 但蝦肉質地ok有鮮味,

炸野菜有靈芝菇, 小青椒, 茄子, 每樣炸物都會分次拿出來確保是從油鑊拿上來即送到客人面前! 炸荳腐亦相當標準,

茶碗蒸的蒸蛋是非常之滑亦是屬於多水份的蒸蛋,

沙律可能係最弱的一環, 份量太細

魚生都ok新鮮!

紅味噌湯味道較白味噌濃, 喜歡與否因人而異!

臨尾重來多一個甜品, 燉蛋但這個並不出色,只是一般貨色!

推介菜式: 炸物
每人消費: 約1917日圓 (晚餐)
評分: 味道3   服務3   環境3   衛生3   抵食3
這樣的公路邊你未必會同OUTLET有聯想!
這樣的公路邊你未必會同OUTLET有聯想!
這裡也有個大阪之眼呢!
這裡也有個大阪之眼呢!
BAGEL & BAGEL 內部
BAGEL & BAGEL 內部
MUFFIN / COFFEE
MUFFIN / COFFEE
雖是大眾食堂但材料新鮮!
雖是大眾食堂但材料新鮮!
從OUTLET開往關西空港的TIME TABLE
從OUTLET開往關西空港的TIME TABLE

可能已經有好多香港人到過呢個Outlet town, 本人也是同行的同事朋友推介下才得知這裏有個這麼大的Outlet town. 以前也有去過同一集團在東京幕張的Outlet 店, 但這個大阪的店比東京的大三倍有多, 所有港人喜愛的或者不甚認識的這裡都有, 中庭是一個廣場更有不少車仔檔, 賣些小飾物/ 帽等等,

在Rinku Town車站落車, 一行出車站是望不到那間Outlet店的, 但只要沿公路行約15-20分鐘, 它就在那裡! 如果拖住行李唿行這一段路的話將會是漫長的路,

場內有一個相當大的美食廣場, 大都是和式但亦有些滲入了些漢堡扒,奄列飯等西式食物, 外面還有間專賣BAGEL& BAGEL的美式咖啡店, 要了個270円的MUFFIN 加一杯咖啡280円, 夾餡的BAGEL SANDWICH由420円至680円不等, 但這裏有一款膠杯裝的CREAMCHEES(不同味道)由220円至240円兩種價錢, 還有多款個別BAGEL售賣, 在香港比較少人經營的BAGELS在這裡似乎頗受她們的年青人歡迎,

而我則在美食廣場買了壽司便當, 好耐沒有在日本食這傳統腐皮壽司了, 依然

懷念它的味道(味啉加米飯的甜味/ 腐皮的甜味), 免治吞拿魚茸壽司賣相並不怎樣漂亮但魚味十足配清爽的青瓜片, 已經能滿足大部份嘅日本人! 

參觀時段: 早上
評分: 值得去4  
  0 個留言    |  加入你的留言
*~adr~*
3篇遊記
開開心心大阪尋雪之旅 (日本)
(旅程日期: 2014-02-18 至 2014-02-23 ,  旅程性質: 慶祝生日)
 整個旅程  (共3篇遊記)
 分享至Facebook 
發表日期: 2014-11-22

今日就要輕輕鬆鬆的食頓和牛午餐

後再去六甲山尋雪尋羊~~~

 胃納有限,各取一點跟一家之煮分食囉~
胃納有限,各取一點跟一家之煮分食囉~
 烏冬可自添配料,倍添滋味~
烏冬可自添配料,倍添滋味~
 酸咪咪水雲,配沙律或白飯食最好,可是真的食不下呢~~
酸咪咪水雲,配沙律或白飯食最好,可是真的食不下呢~~
鮮新水果可是任食的呢~~
鮮新水果可是任食的呢~~
 牛角包原味還是綠茶味都很好食! 咖啡包很久沒見,當然要一試!!
牛角包原味還是綠茶味都很好食! 咖啡包很久沒見,當然要一試!!
Latte 的泡沫很豐盈,很收貨呀!!
Latte 的泡沫很豐盈,很收貨呀!!
 酥餅真的很美味呀!! 炒蛋軟滑蛋香足~
酥餅真的很美味呀!! 炒蛋軟滑蛋香足~

Serena 的早點真的很美味,水準又穩定~~
第一天的早點,實在是美味又豐足!

第一輪的早點選了一件士多啤梨酥餅,牛油香味重,入口鬆化,配著鮮甜可口的士多啤梨及吉士醬~ 很滋味呀!!
另外的一件牛奶小麵包,軟軟的,牛奶味重!
也選了一些芝士,豆豆,炒蛋,腸仔及薯寶,質素都很不錯!
到日本又怎可以不飲鮮奶呢? 鮮奶是無限量供應的呀!! 要不是胃納有限,必定多飲幾杯呀!!

第二輪就選了些日系代表~
冷烏冬的醬汁是自己調製的,份量多少,紫菜蔥花要多少都可以自己控制~ 烏冬煙韌可口,配著大量的香蔥,很合心意呢~
水雲也是我們的"飛佛"呀! 這兒的水雲偏酸,但爽脆可口~
另外也選了一碟甜美新鮮的生果,補充一下纖維~

昨天實在太累,為令今日可以打起精神,都沖了一杯咖啡提提神呀~ 選了一杯喜愛的latte,風味不錯呢~

最後,也拿了各款的麵包乾果,全都好好味呀!!
牛角包原味還是綠茶味都很好食! 咖啡包很久沒見,當然要一試!!

要不是待會兒的午餐是美味的和牛,我想,我們可以食更多呢~
反正還有明天可食,今日就這樣吧~

Serena 的詳情:
http://www.hno.co.jp/restaurant/serena.html

評分: 味道5   服務4   環境4   衛生4   抵食5
白飯也是佳品呀!!
白飯也是佳品呀!!
第二輪的和牛,依然美味十足! 烤蔬菜也不能錯過呀!
第二輪的和牛,依然美味十足! 烤蔬菜也不能錯過呀!
 和牛呀!!!! 怎麼可以這樣的吸引!!??
和牛呀!!!! 怎麼可以這樣的吸引!!??
神戶牛烤肉
神戶牛烤肉
史上最邪惡的炒芽菜!!
史上最邪惡的炒芽菜!!
一碟美美新鮮的蔬菜~
一碟美美新鮮的蔬菜~
 師傅很認真的處理和牛~
師傅很認真的處理和牛~
粉嫩嫩的~~ 很想食呀!!
粉嫩嫩的~~ 很想食呀!!

食飽飽,我們就出發啦~今日會去神戶,因為都有幾程車要撘,所以今日會用到Kansai Thru Pass~
Hotel Nikko Osaka 是在心斎橋站,要乘車真的很方便~ 以今天為例,要到神戶的話,只需在心斎橋站乘御堂筋線到梅田,再轉乘阪急神戶本線或神戶本線就可以啦~

今日的第一站是要去神戶Ishida石田屋食鐵板燒和牛
Ishida 在神戶有三間分店,而且都在三宮站附近,方便得很!
在三宫店二號出口出,過一條短短的馬路,再向前行一點點,會見到一條小巷子,入去就會見到它大大的招牌
店子十一點半開始營業,可以先book 位,但我們沒有book 位,就碰碰運氣吧~
我們到的時候還未到十一點半,所以在附近閒逛閒逛,逛著逛著,又被我們發現另一間分店~

十一點半,我們凖時踏入Ishida,原來已經有客人囉~
雖然我們沒有訂位,但時間尚早,所以順利入座
可以坐在師傅面前,看著師傅為我們料理美滋滋的和牛,真是高級的享受呀!

剛坐好,店員已經很快手的給我們餐牌
不用擔心看不懂餐牌呀~ 有中文的呢~
午市的套餐有五款,價錢由2400yen 至6000yen 不等
價錢是晚餐的一半呀!!
一場黎到,我們點了兩份特選神戶牛午餐(5985yen 含稅),內容十分豐富呢!!

點好餐,師傅就開始忙碌的為我們準備沾牛肉的鹽、炸蒜片、黑椒及芥
光欣賞這個都很開心呀~~

在欣賞師傅忙碌忙碌的其間,頭盤神戶牛烤肉靜悄悄的來到啦~
成品確是不太吸引...
三片薄薄乾乾而且沒有什麼色水的牛肉,只是略烤四面,想不到牛味頗濃
伴碟的洋蔥三文魚,雖然只是襯碟,但同食起來又是想不到的香口~

 

這頭盤著實真的不能吸引我們的目光
因為在師傅面前,已經放了一份我們將會食的神戶牛呀!是牛裡脊 (150g x 2)~
大大片的,是二人份量,雪花分佈得非常平均,邊位帶著一條脂肪
粉嫩的顏色,嘩!! 流口水啦!!
另外亦有一盤色彩賓紛的應季蔬菜,賣相已經一百分啦!

所以接下來的蔬菜沙拉,我都忘了為它拍照呢~
不過其實成品都很豐富美味呀!蔬菜清新爽爽無苦味,醬汁調得剛好~正好清清味蕾~

正當我們食著沙律的時候,師傅可忙著呢!
師傅正在幫我們料理神戶牛
見師傅手勢非常熟練,手起刀落的,兩三下就把神戶牛切好
除去脂肪,再把中間的肉分為兩份,切成五邊形,把牛肉底部略煎,再燒燒邊位,最後煎另一面,煎好再切開一份份,煎得金黃色的,肉汁都鎖在肉內~

師傅只花了幾分鐘就把和牛燒得香噴噴,坐在他面前觀賞,真的不亦樂乎呀!!
整個過程,一點油煙也沒有,不會把大家燻得滿身油煙味,所以我們都看得很舒服呀!

師傅把燒好的和牛整整齊齊的放在我們的大碟上,足足有四大片燒得金黃而不焦的和牛~
看起來一點也不油~ 很吸引呀!!!
拍照的時候,一家之煮不停的催促︰「影完未,快啲快啲我要食~」
很難得見到一家之煮那麼心急呢!!
所以我草草的拍了幾張,馬上讓一家之煮動筷啦!!

夾起和牛看看,肉依然的粉紅色的,牛肉的紋路清晰可見,整齊又漂亮~
第一片,當然要試最原汁原味的啦~ 一啖放入口中,「嗯~~~~oishi~~~」
和牛肉質非常柔軟嫩滑,咬下去肉汁及油脂瞬間爆發出來!!! 它的油脂真的甘香豐富,肉味亦是鮮甜美味~想不到這個和牛可以沒有沾醬也可以如此好吃!!!
難怪一家之煮一邊食也沒有出過聲啦~

之後的和牛,小妹嚐試過沾鹽或配炸蒜片同食,果然又另有一番滋味~

套餐含一碗白飯,小小的一碗,但飯粒粒粒飽滿之餘更香軟煙韌可口,配著一件肉汁飽滿油脂豐盈的和牛同食,真的罪惡又滋味呀!!

如果不喜歡白飯的話,也可以加525yen 轉作蒜香米飯~
其實即是用蒜粒,小許和牛碎加白飯同炒,我們見隔壁的客人在試這個,好像很滋味的樣子,真的很心動想一試呢~~~~~
不怕油膩飽濟的話,真的不妨一試呀!!

這時,店員亦奉上一碗味噌湯
小妹雖然喜歡日本料理,但卻一點也不喜歡味噌湯呀!
味噌湯對小妹來說,真的太鹹太鹹,味道過份濃郁
而這碗味噌湯,就是我不喜歡的味道呀.... 放棄吧放棄吧!!

大概是今日比較忙吧~ 師傅同一時間要處理兩枱食客,雖然如此,師傅的時間控制的剛好~
第一輪和牛食得七七八八時,師傅已立刻準備我們的烤蔬菜了~
師傅把蒟蒻,蕃茄,蓮藕,茄子及蘆筍放在鐵板上,慢慢烤至金黃色,再切成bite size 放到我們的大碟上,蔬菜全都烤得剛好!!
蕃茄鮮甜多汁,蓮藕爽脆甜美,茄子嫩滑蘆筍清新!
但最特別的卻是蒟蒻~~ 平時食到的蒟蒻都是在關東煮入面,轉做烤的,又別有一番風味~~ 入口脆脆又帶有鐵板的焦香,但中間依然的彈牙的,沒有下什麼調味都很惹味!!

蔬菜吃得差不多,師傅又開始燒第二輪和牛啦~
和牛的質素跟第一輪的差不多,還好有預留半碗飯同食,不然會很膩呢~
這時的肚子已經飽得很~ 一家之煮更放棄了幾片美味的和牛,偷偷的放在我的碟上呢~

以為這樣就完了嗎??師傅正偷偷地準備下一味呢~
剛剛的和牛切下了不少脂肪及肉粒,師傅把這些和牛脂肪切成小粒,伴著肉粒跟芽菜同炒
每人分到一點點,但卻邪惡非常!!
芽菜飽滿又爽脆,帶有和牛的油脂及香味,而和牛脂肪入口則脂味十足,甘香豐腴,邪惡呀邪惡呀!!!!

最後,店員為大家奉上甜點及餐茶
是日的甜點是柑桔雪芭,雪芭很清爽,柑桔味酸中帶微甜,正好消消膩,清清口腔~
餐茶點了凍檸檬茶,又是消膩之選~ 

這一餐,真的是美味又飽足呀!!

Ishida石田屋的詳情:

http://www.kobe-ishidaya.com/honten.html 
每人消費: 約6000日圓
評分: 味道5   服務5   環境5   衛生5   抵食5
認住這個巴士站
認住這個巴士站
地鐵是這個出口呀~~
地鐵是這個出口呀~~
纜車
纜車
滿山是雪呢~~
滿山是雪呢~~
六甲山牧場
六甲山牧場
可愛的馬馬~
可愛的馬馬~
有小兔兔
有小兔兔
今日的main point!!
今日的main point!!

食飽飽又再出發LU~~
下一個目的地是六甲山牧場

要到六甲山牧場有兩條路
第一條路是從六甲山上,另一條是從摩耶山上
兩條路都是要先從山下站坐纜車到山上,再轉乘山上的巴士到六甲山牧場
山上除了牧場外,其實還有幾個景點,例如六甲八音盒博物館,六甲垂枝瞭望台及六甲高山植物園等等,有時間的話,真的建議在山上住一天,多逛逛這些景點呢~
可惜我們沒有時間,唯有留待下次吧~ 亦可恨我們去的時候摩耶山纜車正在維修,不然可以試試六甲山上摩耶山落呢~

我們先乘阪急電車神戶線到六甲站,在1號出口出,沿電梯向下走,會見到16號巴士站,這巴士是去六甲山下站的~
笨笨的我們出錯了另一邊,所以花了一點點時間搵巴士站... 幸好日本人都是和善的,問路時雖然語言不通,但都很願意的為我們指路,最後都搵到這巴士~
原來1號出口有兩邊,一邊是樓梯而另一邊是電梯,沿「電梯」落就對!!

還好巴士很快到,而且可以用Kansai Thru Pass,不用另買車票~
坐巴士到總站 -- 六甲山下站
這站是纜車站,坐纜車就可以到六甲山上,纜車票one-way ticket 是570Yen
笨笨的我們,明明應該要買return ticket,竟然買了one-way,白白貴了幾十Yen,笨呀笨呀!

纜車二十分鐘一班,慢吞吞的我們miss 了一班車,結果又要等.....
不過都好,可以讓我們四處看看,拍拍照~ 原來這兒已有海拔244.2M
等了十五分鐘左右,纜車到了!! 可能因為時間比較晚,而且不是去牧場的好季節,所以沒有什麼乘客~~ 很輕易的,我們就可以坐在車頭,看著車長駕駛~~
纜車才駛到一半,我們已見到很多積雪啦~~~ 很興奮亦很期待山上的光景呀!!!

到了六甲山上站,果然見到很多雪呀!! 很happy 很happy!!
不過,我們又發現,我們又miss 了一班巴士,因為不是旅遊旺季,下一班車,要等大半小時呢 >_<
從Information center 取了一份六甲山地圖,本想試試行去牧場,但看樣子好像一點也不近,所以我們都是放棄吧~~ 在車站周圍拍拍照,玩玩雪吧~~

等待期間,竟然下雪了! 雖然只是稍稍飄了一點點的雪,但我們可樂了~~
玩著玩著,巴士就到了~ 原來牧場都頗遠的!! 乘巴士也要大概十五分鐘,還好我們沒有行去呀!!

巴士不能用Kansai Thru Pass 的,要另外付費呀~巴士司機很好,在我們下車的時候,他主動告訴我們尾班車的時間及上車地點,亦千叮萬囑我們不要錯過尾班車,不然會無車落山~

終於到了六甲山牧場啦!! 在我們miss 了一班又一班車的情況下,只剩下一個半小時左右可以玩而已....
在牧場門口,當然要拍拍照留念啦~ 正當我們二人在互相拍照時,牧場的員工見到,竟然走出來幫我們拍合照,他在售票處跟我們拍照的地方是有一段距離的,竟然如此貼心,真的很加分呀!!

六甲山牧場門票只是500Yen,不貴呀~
買票時,售票員一再提醒我們尾班車的時間,如果我們真的又錯過了,真的很抵打啦!!

由於是冬季的關係,動物門都被關起來了,很失望呀!!
在它的網站可以見到平日動物們都會放出來通山跑,讓大家跟動物們有個親蜜接觸~
不打緊啦~ 可以見到可愛的肥羊羊我已經很開心了~~~
也見到了很多大小品種不用的馬,肥嘟嘟兔子,瘦巴巴山羊以及強壯的大乳牛~
一口氣見到這麼多動物們,真的很開心呀!!
而且整個牧場都是滿滿的積雪,又是別有一番風味!!

雖然只玩了一個半小時,但已很滿足了!!
下次,我一定會再來親親小動物們~~ 要早一點來玩呀!!

差唔多時間,我們就離開牧場,跟小動物們say good bye,下山去LU

六甲山牧場的詳情:
http://www.rokkosan.net/

 

參觀時段: 下午
入場價錢: 每人500日圓
評分: 值得去5  
  0 個留言    |  加入你的留言
conniecheung
16篇遊記
大阪之旅六天遊 (日本)
(旅程日期: 2010-10-13 至 2010-10-18 ,  旅程性質: 觀光攝影, 飲食購物, 消閒度假)
 整個旅程  (共1篇遊記)
 分享至Facebook 
發表日期: 2014-11-19
第五天去左黑門市場, 奈良公園, 仲有心齋橋, 第六天半天在心齋橋最後衝刺, 之後就走了.
這天的早餐係黑門市場食海鮮. 帶子勁鮮甜勁大粒, 好好好好味呀. 仲有我至愛三文魚呀, 又肥又油好好味. 同埋拖羅壽司, 都係好肥美的呀, 真的十分之正的早餐.
評分: 值得去4  
奈良真的是四周圍都係鹿呀. 一路坐車途中, 已經見到有鹿係路上面行走, 我們心想應該好快就到啦. 好大的一個公園, 有好多鹿, 一個婆婆買餅, 好多鹿圍住佢, 一見到有人去買餅, D鹿即刻圍住那人, 有些有角的公鹿, 好大隻, 佢地會撞人OR撞鹿的, 都幾驚, 不過大部份都好馴的.
評分: 值得去4  
嘆茶 笑臉2014-11-19
正
正
在鹿公園行了一段時間, 之後去左嘆茶呀, 係日式茶道, 好多綠茶的制品, 我一般綠茶的. 所以對於我是麻麻地, 不過好精緻的點心, 有一件好似係柚子的餅,都幾好味, 呢件啱我, 有一碗紅豆湯丸, 都幾好味. 綠茶的糯米磁, 茶全也是綠茶, 顏色好深及正宗的味道.
評分: 味道4   服務4   環境4   衛生4   抵食4
晚上食拉麵 笑臉2014-11-19
正
正
當天晚上食左金龍拉麵, 叉燒好大片, 湯底濃郁, 大碗, 夠飽, 麵身彈牙, 多蔥及有些蒜蓉, 好惹味.正.
評分: 味道4   服務4   環境4   衛生4   抵食4
半生熟蛋 笑臉2014-11-19
正
有一個小食好特別, 係半生熟蛋, 下面好多蔥, 都幾得意, 幾好味的, 仲有八瓜魚丸, 好有質感, 跟香港的不同, 唔會好粉, 用料好足
評分: 味道4   服務4   環境4   衛生4   抵食4
W (大阪)
正
正
這是一間茶室, 係商場入面, 同朋友行街見到, 好靚的環境, 我們係度食左一餐午餐, 旅程最後一餐午餐啊.

全部都係花花的餐具, 好靚呀, 茶好味, 英式的, LUNCH SET又精緻, 主要係三文治及沙律, 但係用料好足, 好好味, 好舒服, 好悠閒呀.
評分: 味道4   服務4   環境5   衛生4   抵食4
  0 個留言    |  加入你的留言
conniecheung
16篇遊記
大阪之旅六天遊  (日本)
(旅程日期: 2010-10-13 至 2010-10-18 ,  旅程性質: 觀光攝影, 飲食購物, 消閒度假)
 整個旅程  (共4篇遊記)
 分享至Facebook 
發表日期: 2014-11-19
第四天離開有馬溫泉, 我們就去了神戶行街啦, 坐下摩天輪啦, 輕輕鬆鬆食個晏, 然後就去左三宮食神戶牛啦. 好滿足的一天.
有馬 笑臉2014-11-19
離開溫泉旅館, 出發去神戶, 我們在這裏行下有馬的街道, 映下相. 好舒服好靚, 好寧靚的一個地方.
評分: 值得去4  
神戶 笑臉2014-11-19
從有馬坐車到神戶, 去了坐摩天輪及行了附近的市集, 神戶港好靚, 魔天輪都好高架, 有點畏高的感覺, 還有一個樂園, 是適合小朋友玩的, 有旋轉木馬,一些攤位等.

評分: 值得去4  
正
正
正
在神戶食晏, 見到呢間餐廳, 有一個CHEESE CAKE, 賣相非常吸引, 仲要係DOUBLE CHEESE的, 我們就入左去呀. 還叫左其它嘢一齊食. 一個焗飯, 一個PIZZA, 都熱辣辣, 多料, 好味道的, 都是充滿芝士的味道.

主角原來好細個的, 不過真的係好多芝士, 好味, 芝士好溶的, 一條一條絲. 正呀.

評分: 味道3   服務3   環境3   衛生3   抵食3
神戶牛套餐 笑臉2014-11-19
正
正
正
神戶牛最出名的地方係三宮, 我們見到呢間唔係好起眼的餐廳, 見到神戶牛的套餐又唔貴喎, 所以就揀左呢度食啦.

還叫左一枝啤酒, 先有三款前菜, 蘿白, 泡菜, 同埋青椒, 都好好味, 好爽又辣又刺激,然後係一些漬物, 有豆芽,海晢, 海帶, 仲有幾樣唔係好記得係咩, 但係好好味, 好惹味, 一大碟包住肉的菜, 仲有辣椒醬, 一碟牛肉, 好薄的五片, 一碟窩蛋生牛肉, 一大碟神戶牛,唔同部位. 有幾件配菜. 神戶牛肉好淋, 入口即溶, 要由淡味食到濃味, 仕應告訴我們怎樣食起, 好好的服務.真係每個部位都唔同, 但係全部都好好味. 唔會好鞋, 真的係唔同D.
評分: 味道4   服務4   環境3   衛生3   抵食3
  0 個留言    |  加入你的留言
conniecheung
16篇遊記
大阪之旅六天遊  (日本)
(旅程日期: 2010-10-13 至 2010-10-18 ,  旅程性質: 觀光攝影, 飲食購物, 消閒度假)
 整個旅程  (共4篇遊記)
 分享至Facebook 
發表日期: 2014-11-17
第三及四天去了有馬溫泉住了兩日一夜, 這個體驗非常之難得, 坐了好多唔同的交通工具才到達有馬, 環境好靚, 一入旅館就有專人送山熱茶及茶點, 好有尚賓的感覺, 然後就挑選和服, 入住房間, 可以先去浸溫泉, 後享用非常之精緻的懷石料理. 第二天早上我們也浸了溫泉先去食早餐, 早餐也非常之豐富呀.

之後就係有馬的街道行下, 然後就走了.
六甲山 笑臉2014-11-17
由神戶坐車到六甲山再坐欖車到有馬溫泉
評分: 值得去4  
溫泉旅館 笑臉2014-11-17
有馬竹取亭溫泉旅館, 好大好舒服, 環境一流, 食物都好有水準, 池水分金及銀兩款, 有私人及公眾溶池, 還有可以選擇自己的和服, 好細心的送我們一個袋仔, 可以放私人物品.
評分: 設備4   服務4   環境4   衛生4   抵住4
正
正
正
正
正
係溫泉旅館食了一餐餐, 一餐早餐, 實在是太豐富, 非常精緻的攞設, 服務係非常之貼心, 簡直有賓至如歸的感覺.
評分: 味道4   服務4   環境4   衛生4   抵食4
  0 個留言    |  加入你的留言
Handsome XO
41篇遊記
2014Crystal郵輪東瀛遊 (中國, 日本)
(旅程日期: 2014-02-10 至 2014-02-22 ,  旅程性質: 飲食購物)
 整個旅程  (共5篇遊記)
 分享至Facebook 
發表日期: 2014-09-10

214日(多雲):Crystal Serenity Day #5 At Sea情人節

郵輪河第二日o既 “At Sea” 碰巧係情人節,雖然全於海中心渡過,但氣氛有增無減!Crystal除咗悉心佈置郵輪每一個角落之外,更安排咗一連串o既特備節目及多款應節美食與搭客一同慶祝,真係花盡心思!我地由朝早十一點飲到凌晨十二點,由五樓玩到十二樓,無論係大人定細路,單身者亦或係有情人,大家都玩得咁開心盡興!

Happy Valentine's Day!
Happy Valentine's Day!
Happy Valentine's Day!
Happy Valentine's Day!
The Galaxy Orchestra & Friends
The Galaxy Orchestra & Friends
Happy Valentine's Day!
Happy Valentine's Day!
Happy Valentine's Day!
Happy Valentine's Day!
情人節朱古力
情人節朱古力
情人節蛋糕
情人節蛋糕
情人節蛋糕
情人節蛋糕

Crystal o既工作人員一早就以紅色、粉紅色及白色o既氣球佈置郵輪五樓同六樓o既大堂,到處可見新鮮o既紅玫瑰,以及寫上「情人節快樂」obanner,五樓水池前方更擺放一個以情人節做主題o既攝影佈景,搭客可自行或給專業攝影師拍照。雖然並無情人於身旁,但此乃XO仔一生人中感覺最有氣氛o既一個情人節

早上十一點鐘,懶訓豬XO仔起牀不到半小時,服務生已經開始派發粉紅色香檳情人節朱古力,嘻嘻,細佬當然係唔會執輸,即使團友未到齊,一於先飲為敬!十一點十五分,駐船o既樂The Galaxy Orchestra聯同多位嘉賓,特別於大堂演奏多首經典情歌;乘客們雖然大部份都年過七旬,但其投入情度絕不比年輕一輩玩樂時遜色,大家聽歌之餘,興起時亦大顯舞技,郵輪充滿咗歡樂o既笑聲
推介菜式: 粉紅色香檳,情人節朱古力
評分: 味道5   服務5   環境5   衛生5   抵食5
午餐繼續飲 笑臉2014-09-10
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes (Lido Deck 12)
Crystal Serenity - Tastes Menu
Crystal Serenity - Tastes Menu
Crystal Serenity - Tastes Menu
Crystal Serenity - Tastes Menu
Today's Drink Special: Perfect Love
Today's Drink Special: Perfect Love
Stir-Fry Egg Noodles
Stir-Fry Egg Noodles
Pizza Margherita
Pizza Margherita

喺五至六樓大堂玩咗大約一個鐘,空肚飲咗幾個round香檳,大家都覺得係時候食午餐。因為大家都想感受下陽光,所以就走咗上去十二樓有天窗o既Tastes度食炒麵同pizza。

服務生Alvin哥哥一見到我地行近,隨即熱情地向我地揮手問好,更立刻為我地安排兩張鄰近o既大枱,好快就為各人送上飲品,效率極高

因為大家都準備一點半去上跳舞堂學Bolero,而且三點半又有個情人節下午茶,所以都唔咁食得太多,小肥同媽咪就分咗個薄餅炒麵。

Today's Drink Special “Perfect Love”, Apricot Brandy, Peach Schnapps, Fresh Lemon Sour, & Grenadine:情人節特飲名為 “Perfect Love”,聽完個名我地每人都叫咗杯!“Perfect Love” 味道超甜,酒精含量極高,第一口已教人醉倒,有意思得很

Pizza Margherita:每一客pizza都係即叫即焗,保證新鮮熱辣,餡料包括蘑菇、芝士及火腿,正合XO仔心意。相中塊pizza賣相雖然唔係好吸引,但味道卻出奇地美味,可能因為薄餅唔油、唔太厚,餡又唔多所致,一個人都好容易食得哂
推介菜式: Today's Drink Special “Perfect Love”,Pizza Margherita,Stir-Fry Egg Noodles
評分: 味道5   服務5   環境5   衛生5   抵食5
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah
Crystal Serenity Penthouse Suite With Verandah

Crystal其實都幾識做生意,除咗為賓客安排咗一連串餘興節目之外,於「情人節At Sea日」亦不忘推廣郵輪上不同級數o既套房,早上十一時至傍晚六時於各層開放各級套房供搭客參觀。

當日上完一個鐘頭舞蹈班後,眼見未到下午茶時間,團友們都好興緻勃勃地話要去睇下啲高級套房有幾高級,順便可以當做運動咁話,結果我地由八樓睇到十樓,一邊行o既時候其中幾位團有手上仍然持有酒杯,實行行到邊,飲到邊

我地本身住緊喺八樓o既 “Deluxe Stateroom With Verandah”,高一級為十樓有一個較大o既客廳及多咗個衣帽間o既 “Penthouse With Verandah”。而再高一級就係以上八幅圖所示o既 “Penthouse Suite With Verandah”,清楚顯示出房間面積差不多係 “Deluxe Stateroom With Verandah” o既兩陪,除咗有個加大碼o既客廳及衣帽間之外,房內原來多咗個梳妝台,洗手間內增設多一個座廁,花灑範圍亦更廣,豪華
評分: 設備5   服務5   環境5   衛生5   抵住3
Crystal Serenity - Palm Court
Crystal Serenity - Palm Court
Crystal Serenity - Palm Court Afternoon Tea Menu
Crystal Serenity - Palm Court Afternoon Tea Menu
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time
Valentine’s Day Chocolate Tea Time

位於十二樓oPalm Court有個大舞池,每逢 “At Sea都會用作為跳舞班o既教室。舞池後面有個舞台,傍晚開始,另外一隊駐郵輪o既樂隊 “Crystal Sextet” 都會分段彈奏音樂。每日下午三點半至四點半,Palm Court就會變成一個高級下午茶及茶舞聚點;由於搭客者中有不少單身女士,Crystal專登聘請多位花甲舞男 “Ambassador Hosts”,於Palm CourtCrystal Cove及其他派對中陪伴佢地跳舞,所以Palm Court茶舞時間都頗為熱鬧。

情人節當日,Crystal非常應節地以朱古力及心形圖案做主題,喺Palm Court搞咗個Valentine’s Day Chocolate Tea Time,造出多款甜到入心o既朱古力甜品、心形曲奇及點心作茶點。此外,Crystal亦邀請咗全女班oThe Astoria Strings拉奏出舒情o既樂曲,極之羅曼蒂克

評分: 味道5   服務5   環境5   衛生5   抵食5
2月14日晚餐,Valentine’s Day Dinner,郵輪向長崎進發
2月14日晚餐,Valentine’s Day Dinner,郵輪向長崎進發
情人節朱古力
情人節朱古力
Lobster Salad
Lobster Salad
Tagliatelle Pasta “Prince of Naples”
Tagliatelle Pasta “Prince of Naples”
Chilled Fresh Oysters
Chilled Fresh Oysters
Steak Diane
Steak Diane
Cauliflower & Arugula Soup
Cauliflower & Arugula Soup
Giuseppe Special之Peach Flambé with Ice-Cream
Giuseppe Special之Peach Flambé with Ice-Cream

下午茶完畢,大家自由活動咗幾個鐘頭後,七點就喺Galaxy Lounge集合睇情人節show “Romantic Remedy”,表演者載歌載舞,很是精彩!

睇完show好快就到晚飯時間,Crystal Dining Room門外已排滿男生為女賓客帶領入座,每位更獲贈鮮紅色玫瑰花一朵,同佢地臉上o既笑容一樣咁燦爛。餐桌上除咗擺放住女士們o既鮮花,話名係Valentine’s Day Dinner又點可以少咗朱古力呢?桌上亦放有多粒心形糖果及唇形朱古力加以點綴,氣氛極之濃烈!

當晚情人節晚餐o既菜式大多為海鮮,不過都有牛扒食,亦有水飲。俗語有云:「有情飲水飽」,當Zoran問XO仔想飲乜野時,細佬就非常好學地問佢家鄉啲人點講「水」、「唔該」、及「多謝」,老師好爽快地授徒三句:“Voda”(「水」)、 “Malim”( 「唔該」“Please”) 及 “Huala”( 「多謝」Thank you)。

Lobster Salad – Basil, Mango & Hearts of Palm:頭盤o既龍蝦沙律,龍蝦份量足,撈入甜甜o既芒果、伴碟o既蔬菜、蛋塊及沙律醬一齊食,整體非常香滑爽脆。

Chilled Fresh Oysters – Yuzu Mignonette or Cocktail Sauce:大大隻生蠔鮮甜肥美,點上兩款酸酸甜甜o既醬汁同樣美味豐厚,開胃醒神

Tagliatelle Pasta “Prince of Naples” – Fresh Tomato, Porcine Mushroom & Bolognese Sauces:“Prince of Naples” 意粉煙煙韌韌,雖則伴有鮮蕃茄蓉,因肉醬味濃,所以其甜味比酸味重。

Steak Diane – Grilled Black Angus Filet Steak, Wild Mushrooms, Pommes Duchess & Armagnac Flavored Green Peppercorn Sauce:厚厚o既牛扒剛剛好四成熟,肉味香濃,一啲肥膏都冇,而且一啲都唔韌,連同伴碟o既野菌一齊食,味道更覺野味。

Giuseppe Special之Peach Flambé with Ice-Cream:情人熱戀時都會被形容為「打得火熱」,情人o既節日Giuseppe叔叔就以一道「火焰香桃」贈興,真係好貼切。香桃酒味濃郁,軟腍甜美,有朱古力及雲尼拿雪糕作陪襯,既香脆,又軟滑,

Super Happy Valentine’s Day!!!

推介菜式: Lobster Salad,Chilled Fresh Oysters,Tagliatelle Pasta “Prince of Naples”,Steak Diane,Peach Flambé with Ice-Cream
評分: 味道5   服務5   環境5   衛生5   抵食5
  0 個留言    |  加入你的留言
fai0826
14篇遊記
7月大阪公幹 (日本)
(旅程日期: 2014-07-01 至 2014-07-05 ,  旅程性質: 商務公幹)
 整個旅程  (共1篇遊記)
 分享至Facebook 
發表日期: 2014-09-01
7月頭的大阪, 以為會好熱但天氣完全剛剛好, 只有中午較熱之外, 整個日程都待在大阪站附近, 週不時行過大阪站, 經過站頭時經常見有些在做表演的街頭表演者, 現在這裡的街頭表演者實在很多而且都以年青人為主,大部份是以唱自己寫的歌,同時販賣自己的Disc. 或者幾個人各自樂器實行街頭演奏, 尤其是在放工時段總有些閒人停步觀看一下, 閒人-也包括我在內,而食飯也都在這附近的大型商場食,  
cake set
cake set
好食但甜幸好有咖啡相伴
好食但甜幸好有咖啡相伴
無意中發現紙杯logo沒有全部對外
無意中發現紙杯logo沒有全部對外

有機會到大阪擺展銷會的同時得知在會場不遠, 只須行過火車站後面那幢雙子式商廈商場內有日籍國際拉花冠軍(08年於西雅圖世錦賽)澤田Hiroshi 以他名義開的店在大阪&東京六本木都有, 大阪的開在日本平治show room內, 所以店旁邊是平治手信店, café面積頗大且座位間隔闊落, 店內賣的品種不多, 只有咖啡/ 蛋糕/ 雜菓沙冰類/ 多士三文治類, 所以店內只會有咖啡香氣飄流於空氣中, 可以點單品latte或者同蛋糕組合成套餐, 盡管主持人名氣大但價錢一樣會以一個市場價值去提供服務,Latte 單點400Yen, 還有一項如果客人想多加一shot espresso落杯latte內只須再多付100Yen, 我發現有一個比較特別的Espresso 凍飲是未見過的, “Espresso Cola”400Yen唔知佢地會點去調配這特飲但我今次就沒有試這特別品種了,始終第一次來, 要試都試咗Latte先啦, 所以點了Latte +栗子蛋糕, 當然杯Latte不會是Hiroshi San做出來的, 只會是佢d徒子徒孫做出來的, 他本人根本不會在這裡拉花, 但盡管只是徒子徒孫拉的花一個最傳統的左右對開拉花當然難不到他們, 奶泡綿密度非常準標, Espresso的深啡跟奶白對比出深刻圖案, 尤其那白色葉尖部份同深啡漸變色的強烈對比, 深深一呷下是先來奶的微甜再而是濃厚的啡香及絲絲苦甘味, 無須加任何糖因為那件蛋糕的甜必定能同咖啡的苦取得平衡, 一啖蛋糕一啖啡Prefect match!

栗子蛋糕則是最傳統的造型, 少少脆硬撻底唧一舊比較甜的忌廉在中心再唧上條狀栗子茸蓋過那白色忌廉, 通常最甜的是內部那團白色忌廉, 果然這裡也是同樣那團白色忌廉令蛋糕偏甜,

道具方面這裡用的是紙杯稍嫌未達環保意念儘管那紙杯可能是環保杯也說不定, 雖則意國啡機比比皆是, 而啡機用的是”NUOVA SIMONELLI”亦是非常標準的商業用機種, 這機器穩定性高操作容易, 不過當日物留意到店員可能人手少沒有在意到一些細節位, 例如啡機上面放置了一堆有商標紙杯, 但紙杯的商標並非全部正面向外,反而啡機下面擺放的自家品牌咖啡荳則商標全部正面向外! 以他們着重細節的德性從前這幾乎是不可能發生的事, 但現今的日本新世代隨着逐漸步向地球村令他們更加人性化, 人- 總會有疏忽會犯錯, 沒什麼大不了! 

推介菜式: Latte
每人消費: 約850日圓 (其他)
評分: 味道4   服務4   環境4   衛生4   抵食5
魚河岸海鮮Don
魚河岸海鮮Don
海老と雨滝豆腐の湯葉巻き揚げ
海老と雨滝豆腐の湯葉巻き揚げ

這天因為同僚約了朋友我獨自一人找地方吃晚餐, 遊走於類似雙子塔的”Grand Front OSAKA”這兩座建築物的餐廳可多的呢同時相連Intercontinental OSAKA所以可選擇的食肆非常之多, 在這當中還是選擇了和食, 因為在港甚少食日本野, 一個人能叫的主要都係套餐為主, 套餐叫咗”魚河岸海鮮Don set Yen1,580 + “海老と雨滝豆腐の湯葉巻き揚げ“Yen735

魚河岸 海鮮Don 的海鮮同照片大致相同, 重多一隻蝦添, 甜蝦夠甜且新鮮, 魚生則有三文魚, 吞拿魚 & 白身魚各厚切一片, 魚肉還是比較有咬口那種, 三文魚腩的白色魚脂紋明顯所以魚油非常之豐富, 再加上三文魚籽一堆刺身類比白飯還要多呢! 一點點蛋絲跟昆布碎只是用來間色而已! “清香”只是兩片沒有醃黃嘅蘿蔔+少少昆布, 付上一碗啖口烏冬, 烏冬麵質滑且少些咬口, 麵以外只有少許昆布,一少片魚旦, 幾片水菜葉, 基本些只是輔助填肚之外 ,甜品是法式燉蛋, 一般的甜品吧!

另外叫的 “海老と雨滝豆腐の湯葉巻き揚げ”是一個蝦膠混和豆腐的混合物用一片葉包住再沾一點粉(可能是天婦羅粉啩)放入油內炸之,配一角檸檬, 另外還跟一片炸腐竹, 兩顆炸車厘茄, 車厘茄用來炸口感同酸甜味都能保存下來, 都幾有趣!

推介菜式: 海老と雨滝豆腐の湯葉巻き揚げ
每人消費: 約2315日圓 (晚餐)
評分: 味道4   服務4   環境4   衛生4   抵食4

昨天已經諗定早上不再到樓下那間”星巴克”食早餐了, 因為早/ 晚都到過這間”星巴克”幫襯過, 這酒店樓下嘅”星巴克”早/晚都相當旺場, 尤其是晚上來喝咖啡的本地人特別的多,

而這天早上早一點起來走到站的另一邊地庫, 專程到這店主要是見到小冊子上的照片, 同店名”city bakery”非常之配合, 當8點前到達現場時, 客人大概半滿罷了, 估唔到咁早都有香港人在場, 也是講廣東話的兩個女生, 似是來旅遊的, 基本上日本各大城市每天都有相當多的中國人在流連, 無論是公事/ 私事! 但到我走時約8點50分左右則已經差不多滿座了,

Morning set (Croissant) yen 1,134 連稅 即使在這高消費的國度, 超過千元的早餐實在算是偏高的那一類, 整個餐份量亦相對要交足功課, 這亦是日本人的商業態度, 要客人多付錢同時交貨亦會交足份量, 碟上一大堆青蔥翠綠色的沙律菜,全是青綠色的菜葉而不用其他顏色的菜, 兩片脂肪不多的嫣紅色煙肉, 沒有煎得太燶只是一面煎過似的, 煙肉亦是比較厚切的一種, 加一只煎得不錯的半生蛋, 她們沒有問過蛋要多熟, 可見店方是信心十足, 如果怕別生蛋黃的朋友可能會抗拒這種流芯蛋黃漿,但本人因為比較喜好老派的當然沒有問題, 另加一個牛角飽, 好吃嘅飽差不多是一定的了, 這裡的牛角飽比較上是偏乾脆口感那種, 摸上手唔感覺好油, 但多数人都知道牛角酥又點會少油呀! 摸上手不油不代表包油包得少, 飽嘅形狀比較走粗糙路線, 所以望落唔係左右前後工整嗰類, 有趣的是這店Bakery那邊是沒有牛角包出售的, 看來要食這店的牛角包只能食這店的早餐才能吃到了!

食完個早餐之後, 始於想試一杯Latte, 單買一杯Latte yen 432, 她做的這杯Latte拉花雖然只是一朶小小的花,尤其是收手那一下她們一般都控制得幾好, 不過個奶亦打得好有水準, 奶泡細緻之餘溫度亦是剛剛好啱飲那種, 奶的溫度往往是手打同自動機的最大差別,

推介菜式: Morning set (Croissant) + Latte
每人消費: 約1566日圓
評分: 味道5   服務4   環境4   衛生5   抵食4
用料十足的魚生
用料十足的魚生
吞拿魚蓉紫菜卷
吞拿魚蓉紫菜卷
生菓杯
生菓杯

店內光潔明亮, 卡位與卡位之間相當闊落, 飲的也是茶粉茶, 廻轉壽司帶上的壽司每件的魚生都是頭尾長過舊飯重要係有成cm貼在碟面上, 幾咁豪氣! 有檸角的不會是簿簿的一小角而是厚切的小角, 相對那些比較一般路邊廻轉壽司店這店並非貴出20-30%那種, 日本人的經營方式就是這樣, 不會說租金高就將高租金完完全全轉駕到客人身上, 他們會通過不同方式去追求盡可能大家在同一價格綫上競爭, 即使那將會減低利錢, 反看我們實在差天共地, 唯一能做的盡可能在香港少吃一點高級食府到另一邊時才放開肚皮吃個夠吧! 這店的壽司除了扺食又大件之外賣相方面亦明顯有他們的一套, 例如一個吞拿魚蓉紫菜卷, 正常做法只須將吞拿魚蓉放入米飯內再包上一片紫菜就可以完了件事, 但他們做出來的是將紫菜包了米飯後在上面唧上幾圈吞拿魚蓉形狀就好像一棵聖誕樹般, 還要是一碟有足足6件擺設成三角形,完全考慮到放在碟上的視覺效果, 因為最簡單莫過於3件乘兩行但他們不會這樣半途而癈, 辛辛苦苦諗出來的意念却用一個平庸的擺設方法不能接受, 是民族性使然定還是我們太欠缺創作力? 他們能夠這樣, 我們這裡又何時會有這樣又平又靚嘅壽司食呢!

推介菜式: 吞拿魚蓉紫菜卷
每人消費: 約8500日圓 (晚餐)
評分: 味道5   服務4   環境4   衛生4   抵食4
  0 個留言    |  加入你的留言
Handsome XO
41篇遊記
2014Crystal郵輪東瀛遊 (中國, 日本)
(旅程日期: 2014-02-10 至 2014-02-22 ,  旅程性質: 飲食購物)
 整個旅程  (共5篇遊記)
 分享至Facebook 
發表日期: 2014-08-05

213日(多雲):Crystal Serenity Day #4 Osaka大阪

郵輪河首站為大阪,哥哥一大清早,六點都未夠就叫醒細佬起身睇Crystal Serenity泊岸!爛訓豬XO仔影完相當然係上返張牀啦,因為距離同團友們喺Lido Café集合o既八點仲有個幾鐘。

我地一行十人,食完自助早餐就一齊落船,乘搭Crystal安排o既免費旅遊巴士往大阪市中心o既心斎橋區(Shinsaibashi)進行瘋狂購物!雖然喺嗰區只係逗留咗一個上午同半個下午,而且有大半商店我地都未行得到,但係我地四點半坐回程巴士返上船時,各人都滿載而歸;眼見我地拎住咁多野,其他搭客都不禁望多兩眼!

肥肥家族最愛遊日本,因為除咗有靚景睇,同勁多o既購物熱點之外,市內市外都有好多美食天堂隱藏於超級市場o既最底層,我地每次經過都例必購買多盒魚生作下午茶或於Happy Hour時段作送酒之用!嘻嘻,今次喺大阪,上回程巴士前,我地就走咗入去巴士站附近o既大丸度買咗幾盒返上船食,oishii desu nee!

我地喺The Bistro食完頓豐富o既魚生下午茶後就各自回房間梳洗休息,整頓戰利品,七點半鐘再約返落去五樓Crystal Dining Room旁o既Crystal Cove度Happy Hour。嘩,班女士們真係快手,轉個頭已經換上新衫,靚盡全場!正當大家一邊飲酒及讚美女團友時,Crystal Cove個舞池突然出現咗多位日藉工作人員,忙碌地set場,原來大阪市為歡迎及歡送一眾Crystal搭客,當晚特別安排咗約三十分鐘o既餘興節目。表演完畢後,正好係晚飯時間,我地就直接走咗入去Crystal Dining Room用膳。由於跟住嗰日將會喺郵輪上渡過,唔需要早起身,所以食完飯,我地成班就上咗去十二樓o既Palm Court度欣賞The Crystal Sextet現場彈奏音樂,一邊飲酒,一邊跳舞,玩到凌晨十二點半先盡興而

大阪天保山郵輪碼頭
大阪天保山郵輪碼頭
大阪天保山郵輪碼頭
大阪天保山郵輪碼頭
大阪天保山郵輪碼頭
大阪天保山郵輪碼頭
大阪天保山摩天輪
大阪天保山摩天輪
Crystal Serenity停泊於大阪天保山郵輪碼頭
Crystal Serenity停泊於大阪天保山郵輪碼頭
大阪天保山郵輪碼頭之夜景
大阪天保山郵輪碼頭之夜景
大阪天保山郵輪碼頭之夜景
大阪天保山郵輪碼頭之夜景
大阪天保山摩天輪之夜景
大阪天保山摩天輪之夜景

Crystal Serenity郵輪清晨六點十五分停泊喺天保山郵輪碼頭,小肥同哥哥六點前已經步出露台,一邊感受海風,一邊拍下靚景,更不禁地唱起「晨早起牀,清新開朗」,感覺舒暢寫意!

郵輪碼頭旁有個非常顯眼o既摩天輪,據說此乃世界聞名o天保山摩天輪,乘客可以盡情欣賞大阪海陸空o既景色,極受本地人及遊客歡迎。好可惜,我地去得唔合時,摩天輪因進行維修工程而暫停運作,故此我地未能登上
推介項目: 天保山摩天輪
參觀時段: 早上
評分: 值得去3  
Crysta长堀地下商店街
Crysta长堀地下商店街
Crysta长堀地下商店街
Crysta长堀地下商店街
Crysta长堀地下商店街
Crysta长堀地下商店街
Crysta长堀地下商店街之315日元店
Crysta长堀地下商店街之315日元店
Crysta长堀地下商店街之315日元店
Crysta长堀地下商店街之315日元店
心斎橋筋商店街
心斎橋筋商店街
心斎橋筋商店街
心斎橋筋商店街
心斎橋筋商店街之心斎橋
心斎橋筋商店街之心斎橋

Crystal所安排o既免費旅遊巴士由天保山碼頭開出,來往大阪市中心最有名o既購物地區心斎橋區(Shinsaibashi),車程大約四十分鐘。一落車大家已經可以清楚見到Crysta地下街」(日文為「Crysta长堀」,讀音為Crysta Nagahori o既指示牌,導遊先生介紹話此乃全日本最大o既地下商店街,連接住三個地鐡站,只要沿住Crysta长堀」一直走,於心斎橋駅上地面就會到達心齋橋筋地面商店街,地面同地底不但有商店,而且有多間食肆,絕對適合不同性別、年齡、階層o既人士。

Crysta地下街」眾多商店當中,女士們於3 coins店內買得最興奮,因為每樣貨品連稅o既售價均為315日元,大多以BB野同精品為主。此外,除咗購買衣褲鞋襪之外,我地就連藥房都唔放過,買咗多盒凝固膠布膏及防靜電噴霧,真係幾誇張!單憑我地十個人都買到停唔到手就已經知道Crysta地下街」及「心齋橋筋商店街有幾好行。
推介項目: 315日元店,藥房
參觀時段: 早上
評分: 值得去4  
簡單午餐 笑臉2014-08-05
饂飩の四國
饂飩の四國
饂飩の四國
饂飩の四國
饂飩の四國之二月午市套餐「如月御膳」
饂飩の四國之二月午市套餐「如月御膳」
饂飩の四國之二月午市套餐「如月御膳」
饂飩の四國之二月午市套餐「如月御膳」
饂飩の四國之二月午市套餐「如月御膳」
饂飩の四國之二月午市套餐「如月御膳」
四國沙律(500日元)
四國沙律(500日元)
雜錦天婦羅(630日元)
雜錦天婦羅(630日元)
炸雞(600日元)
炸雞(600日元)

心齋橋筋商店街中原來都有大型o既百貨公司,其中一間就係曾經出現過喺香港o既大丸,見到都令人幾懷念。大丸百貨公司內雖然並無大肥所穿著o既加加加大碼睡衣,不過就有幾間auntie們及媽咪極喜愛o既日本名牌服裝店。售貨員真係好識做,見女士們嫌款式唔夠多,仲好心到將其中一間離大丸不遠o既旗艦店地址同地圖印出,好讓佢地可以盡情慢慢挑選!為咗要善用僅餘o既時間濕平,姨媽們決定留喺大丸頂層覓食,好隨便地揀咗間有湯麵食o既「饂飩の四國」就行咗入去,而鱔王二姨丈同大肥爸爸就走咗去食燒鱔套餐。

「饂飩の四國」同一般百貨公司內o既日本料理一樣,門面有不同菜式o既陳列,地方簡潔企理。服務生雖然英語水平有限,但餐牌有英文譯本及插圖,加上小肥又略懂日文,溝通都冇乜大問題

每月精選午餐之「如月御膳」(1,380日元,已含稅):午市套餐好豐富,每份包天婦羅、溫泉蛋、有味飯、麵豉湯、烏冬、兩款醃菜及蘿蔔,1,380日元真係幾抵食。溫泉蛋香甜滑溜,醃菜及蘿蔔野味醒胃,天婦羅香脆美味,配上熱辣辣o既有味飯同烏冬,非常暖胃飽肚
推介菜式: 每月精選午餐之「如月御膳」,雜錦天婦羅
每人消費: 約1380日圓 (午餐)
評分: 味道4   服務4   環境4   衛生3   抵食4
名牌購物區 笑臉2014-08-05
路經蘋果商店
路經蘋果商店
路經LV
路經LV
Issey Miyake
Issey Miyake
Issey Miyake
Issey Miyake
Issey Miyake
Issey Miyake
Issey Miyake
Issey Miyake
食完午餐,我地根據大丸百貨公司售貨員所提供o既地圖慢慢行去日本名牌子Issey Miyake置於大阪o既旗艦店;途經不少外國名牌商店,如蘋果及LV,好明顯嗰區係貴人一等o既名牌購物區。媽咪及一眾auntie喺此家Issey Miyake逗留近兩個小時,成功買下多件靚衫,當然亦不忘買番幾件比好姊妹們作手信!因價格相比起香港之售價便宜近兩成,女士們集齊戰利品又合資格成為VIP會員而享有額外優惠,加上收銀員自動幫客人辦妥推稅手續,媽咪、姨媽們及auntie買得異常高興,大讚價廉物美,抵到要買完再加料添
參觀時段: 下午
評分: 值得去5  
日式開酒儀式
日式開酒儀式
日式開酒儀式
日式開酒儀式
Rick為表演作出介紹
Rick為表演作出介紹
大阪市代表致詞
大阪市代表致詞
大阪四人acappella演唱
大阪四人acappella演唱
日式開酒儀式
日式開酒儀式
蜜瓜蝦串
蜜瓜蝦串
Midori Sour + 蜜瓜蝦串
Midori Sour + 蜜瓜蝦串

Crystal Cove位於Crystal Dining Room及郵輪大堂之側旁,屬酒吧區域,好多時有駐郵輪o既鋼琴家John Mentis先生演奏,亦有The Astoria Strings弦樂四重奏樂團表演。坐上舒適o既梳化椅上,襯上柔和o既燈光,感覺極之羅曼蒂克,同時亦覺輕鬆優閒!Crystal Cove 開放時間為早上十時至凌晨十二時半,全天供應各式飲品,為保持有新鮮感,廚房每天更推出不同款式o既小食,好有心思!當日所炮製o既蜜瓜蝦串無論係味道,定亦或係外表,都同是日特飲之Midori Sour非常匹配。

蜜瓜蝦串:大蝦爽脆野味,蜜瓜香甜清爽。

Today’s Drink SpecialMidori Sour – Midori Liquer and Fresh Lemon Sour:雞尾酒甜中帶酸,檸檬味又唔會過火,醒神又醒胃。雞尾酒就好比女士們身上穿上o既Issey Miyake新衫般精彩,味道則猶如我地欣賞佢地o既眼光

正當大家好寫意地嘆酒時,突然有多位日藉工作人員忙碌地於Crystal Cove內之水池旁布置,擺放大木酒桶、木錘仔及木製o既日式清酒杯盒。搞咗大約十五分鐘,我地位Cruise Director,Rick叔叔就解釋話大阪市為歡迎Crystal搭客光臨而準備咗一個簡單而隆重o既開酒儀式,更特意邀請市內一隊acappella組合上船為大家獻唱。三女一男組成o既組合,歌聲動聽之餘,亦懂得搞氣氛,令在場人士都驚喜萬分,亦贏取觀眾熱烈o既掌聲

評分: 味道5   服務5   環境5   衛生5   抵食5
簡單美 笑臉2014-08-05
2月13日晚餐,停泊於日本大阪
2月13日晚餐,停泊於日本大阪
靚靚餐碟
靚靚餐碟
Shrimp Gyoza
Shrimp Gyoza
Wagyu Beef Salad
Wagyu Beef Salad
Giuseppe Special Pasta – Spaghetti Aglio e Olio
Giuseppe Special Pasta – Spaghetti Aglio e Olio
Braised Beef Short Ribs
Braised Beef Short Ribs
廚師推介之Chocolate & Hazelnut
廚師推介之Chocolate & Hazelnut
Giuseppe Special之Crêpe Suzette
Giuseppe Special之Crêpe Suzette

為配合郵輪停泊於日本海域,Crystal個廚房專登加插咗幾款日式食品於餐牌內,以供搭客品嚐。

廚師推介之Shrimp Gyoza – Pan Fried Japanese Dumplings with Pomegranate-Ponzu Dipping Sauce:如相所示,橫睇掂睇,所謂「日式煎蝦雲吞」,其實係我地中國人o既蒸蝦餃!Hmmm… 真係唔知原來蝦餃係日菜黎bor?!哈哈,西人誤將中國人o既食品作為日本料理,大家都只能一笑置之。平心論,蝦餃做得幾唔錯,因外皮唔會過厚,個蝦餡又夠爽脆幼嫩,小肥最欣賞係伴碟o既甜酸汁,果味香濃得黎好醒胃,配搭好獨特。

Wagyu Beef Salad – Mixed Lettuce, Creamy Peppercorn Dressing, Grilled Vegetables & Fried Onion Rings:雖然菜牌例明此乃和牛沙律,但碟中o既和牛塊一啲都唔肥,食落質感鬆軟,好健康。

大肥爸爸對意大利粉頗為抗拒,唯獨愛吃以蒜片及橄欖油煮成o既Spaghetti Aglio e Olio。由於喺郵輪上食咗咁多餐都未有見到餐牌上提供此款意粉,大肥就同Giuseppe叔叔粗略提及自己對意粉o既特別癖好,點知Giuseppe叔叔二話不說就攞齊架生,即場為大肥烹調美食,逗得佢笑不攏嘴

Giuseppe Special Pasta – Spaghetti Aglio e Olio:Giuseppe叔叔簡單地以蒜片、橄欖油及蔥花炒製意粉,手勢純熟,更因應食客對辣味不同之喜好調校椒絲份量及味道。Giuseppe特製意粉水準絕不比Crystal Dining Room廚房所煮製o既意粉遜色,新鮮熱辣o既Spaghetti Aglio e Olio除咗毫不油膩,麵條好夠al dente,香濃o既蒜味加上微辣o既調味恰到好處,簡直就係完美呀

廚師推介之Chef Franz’s Wiener Schnitzel – Breaded and Deep Veal Cutlet, Traditional Garnish, and a Warm Fingerling Potato Salad: Wiener Schnitzel好夠薄,以麵包糠酥炸o既外層香脆,內層o既牛仔肉好夠肉汁,又唔會因過熟而變得韌,唔錯。

Braised Beef Short Ribs – Cabernet Sauvignon Sauce, Horseradish-Mashed Potatoes, Sautéed Spinach:西式紅燒牛仔骨肉質鬆軟,面層塗上質感粗嚡o既香草粉末不但令口感更加豐富,同時亦為味蕾增添陣陣清香,複雜得幾得意。

Giuseppe SpecialCrêpe Suzette:到咗甜品時間大家先知原來Giuseppe叔叔一早預備咗要整甜品Crêpe Suzette。雖然取消哂所有火焰鏡頭,但Crêpe Suzette上枱時仍不失醇濃o既酒香,果真香味撲鼻!軟薄o既班戟喺口中散發出橙香,甜味停留喺口腔之際,酒香及橙香直達鼻腔,感覺極為清新,爽呀

講真大家都估唔到Giuseppe叔叔一把年紀,居然可以煮得一手好餸,意粉、甜品樣樣精,令人嘆為觀止!閒談中佢更透露自己係家中o既大廚,最怕太太喺佢個廚房度搗亂,搞笑非常

當日晚餐以Giuseppe叔叔所烹調o既兩款美食最令團友們心醉,主婦們更贈咗句「盡顯簡單美」以作形容,XO仔亦唔執輸,學咗句 “Voro Dobro”,黎讚賞食物有多麼「美味」

推介菜式: Shrimp Gyoza,Wagyu Beef Salad,Spaghetti Aglio e Olio,Wiener Schnitzel,Braised Beef Short Ribs,Crêpe Suzette
評分: 味道5   服務5   環境5   衛生5   抵食5
  0 個留言    |  加入你的留言
Handsome XO
41篇遊記
2014Crystal郵輪東瀛遊 (中國, 日本)
(旅程日期: 2014-02-10 至 2014-02-22 ,  旅程性質: 飲食購物)
 整個旅程  (共5篇遊記)
 分享至Facebook 
發表日期: 2014-07-24

212日(多雲):Crystal Serenity Day #3 At Sea

我地今次Crystal Serenity郵輪東瀛遊共有三天“At Sea”,即全天於海中渡過,而離開橫濱翌日就係是次郵輪河o既第一日“At Sea”。

嗰朝早我地八點半先喺Crystal Dining Room享用早餐,然後就各自各去自由活動:大肥爸爸去咗打橋牌、媽咪去咗做按摩、auntie去咗洗頭扮靚靚、姨媽姨丈同小肥兩兄弟就去咗做運動。十二點再約返喺十二樓會合食午餐。

當日Crystal安排比搭客o既午間節目非常豐富,不過我地大多選擇遊戲性質o既活動

13:30 - 大肥爸爸同姨媽姨丈去咗十二樓Palm Court度學American Style Waltz Variations,而媽咪、小肥及兩位靚靚auntie就參加咗船上o既打麻雀活動。Crystal所提供o既麻雀配套極為簡陋,只有薄薄o既美式麻雀套裝,一套廣東牌或者台灣牌都冇,就連枱櫈都只係用Prego餐廳內o既餐桌及餐椅,文化欠奉,故我地四個人一致裁定唔合格!雖則如此,但係我地隔離枱嗰啲西人婆婆卻玩得純熟自然,興奮投入

14:00 - 打咗二十分鐘麻雀,我地四人邦就同其他團友喺郵輪上o既賭場會合。團員中有四個參加咗拉老虎機比賽,一個參加咗21點比賽,其餘五個就做啦啦隊,可惜我地全軍覆沒,連安慰奬都冇

15:45 - Bingo時間,參加者同拉老虎機嗰啲年紀相約,大多為公公婆婆級,小肥同哥哥係最後生嗰兩個。記得以前細細個玩Bingo係每人買幾張Bingo咭,慢慢對號碼,但原來Bingo早已被電腦化,而家玩Bingo興租部Bingo機,玩家唔再需要對號碼,只需等部機叫,通知勝出者,再經工作人員核實,遊戲好快就結束,一啲都唔刺激!

遊戲過後,大家個肚都開始叫,所以就過咗去Bistro食下午茶加Happy Hour,六點左右再各自各返上房為Formal Night裝身。

19:00 - 團友們喺Galaxy Lounge集合聽Michael Bell先生表演唱歌。

19:45 - 聽完歌就上咗去12樓Palm Court參加Captain’s Welcome Party,同船長會面及影相留念。

20:00 - 喺雞尾酒會逗留咗約十五分鐘,我地就落返去五樓,排隊等Crystal郵輪上o既專業攝影師幫我地影靚相。喺郵輪影相雖然最平嗰張相都要12.5美金,不過客人並無必要買下攝影師所拍下o既每一幅相片,唔滿意可以第二個formal night再影過,唔鍾意更可以一幅都唔要。

20:30 - 喺郵輪上o既Formal Night,Crystal Dining Room都必定有特別菜式,當晚Gala Welcome Dinner亦不例外,有多款海鮮及靚酒,食到我地個個都攬住個肚

豪華版早餐 笑臉2014-07-24
早餐餐牌
早餐餐牌
早餐餐牌
早餐餐牌
Crisp Classic Belgium Waffles
Crisp Classic Belgium Waffles
Buttermilk Pancakes with Banana
Buttermilk Pancakes with Banana
Egg White Omelet
Egg White Omelet
Chicken Congee
Chicken Congee

Crystal郵輪上食早餐共有五個選擇,分別為5oCrystal Dining Room6oThe Bistro12oLido Café12oTastes,以及自己房間oRoom Service。其實五個地點所食到o既食物都差唔多,只係形式環境、及開放時間不同我地早一日去過oLido Café為自助餐,而第三日去oCrystal Dining Room就全程有服務生侍候,食物全為即叫即煮,就連果汁都係即叫即渣,係五個地方當中最豪華,食物亦最為新鮮熱辣o既早餐選擇。

睡眠充足oXO仔胃口特別好,所以就叫咗兩款心頭好,wafflepancake

Waffles, Crisp Classic Belgium Waffle with Fresh Fruit, Whipped Cream & Real Maple Syrup:嘩,圓形owaffle面積不但大過小肥個頭,而且仲好厚身,長輩們都不禁大叫誇張!巨型owaffle外脆內軟,而且好夠熱,配上忌廉楓糖漿及鮮甜爽脆o既生果,簡直係完美呀!

Pancakes, Buttermilk Pancakes with Banana:班戟未上枱已經聞到香噴噴o既香蕉味,食落更覺熱辣辣o既班戟質感鬆軟,塗上忌廉、牛油、蜜糖、果醬加以調味,整體香甜軟滑,十分美味

推介菜式: Waffles,Pancakes,Egg White Omelet,Chicken Congee
評分: 味道5   服務5   環境5   衛生5   抵食5
鬼佬中菜 笑臉2014-07-24
午餐餐牌
午餐餐牌
Fried Chicken Noodle
Fried Chicken Noodle
Potstickers
Potstickers
郵輪前往大阪
郵輪前往大阪
2月12日多雲
2月12日多雲
2月12日多雲
2月12日多雲

喺Crystal郵輪上食午餐比起食早餐有更多o既選擇,食物種類亦較多元化。除咗Crystal Dining Room提供o既高級西餐及The Bistro提供o既自助餐之外,十二樓有四間互通o既室內餐飲部,包括自助式o既Lido Café,雪糕吧Scoops Ice Cream Bar,同埋即叫即煮o既Tastes及Trident Bar & Grill。

我地當日坐喺Tastes與Lido Café交界,食盡四區o既菜餚。Tastes內o既座位全為有瓦遮頭,一半為玻璃窗頂,好日就陽光普照,陰天亦可睇到烏雲,聽到雨水滴滴答答聲,襯上藤式枱櫈好有沙灘feel,感覺分外輕鬆寫意

服務生並無因舒適o既環境而變得懶散,當中令我地印象最深刻就係同時主守喺Tastes同Trident Grill & Bars區域o既Alvin哥哥。菲律賓藉o既Alvin不但態度和藹友善,儘管我地只係路過,每次見面都必定會同我地打招呼問好,做事更加係勤奮盡責,而且毫不計較,見到客人有任何需要,就算唔係其工作範圍內之瑣碎事,佢都會自動自覺地幫忙輔助,細心體貼得很

Tastes只有兩頁o既餐牌,菜式包括沙律、三文治、pizza、意粉、炒麵及鍋貼,用油不多,亦較為健康,全部即叫即煮,保證新鮮衛生。飲品方面就同船上其他餐廳一樣,要乜有乜,酒品汽水全包!

Potstickers:Potstickers其實係煎製o既鍋貼,不過唔知點解會用蒸籠上,估計係外籍廚員不懂蒸籠之實際用途,只係覺得個籠好有中國色彩因而選用為承載之器皿。鍋貼唔係好油,層皮又唔會話太厚,肉餡軟嫩唔肥膩,豉油同醋另上,尚算有文化。離開咗香港差不多一個禮拜終於可以食得到中式食品其實都已經好開心,要求自然唔高,小肥一口氣仲食咗三籠添!

Fried Chicken Noodle如相所示,外國人炒麵煮出黎o既效果同佢地煮意粉極為相似,麵條咬落質感亦同樣為al dente。喺用料方面,佢地加插咗較大塊o既雞柳、較粗o既菜絲,以及灑上芝麻粒,A貨炒麵絕不比正貨差,只係感覺西化咗,而且冇咁油膩,更可稱得上為健康美味。

推介菜式: Potstickers,Fried Chicken Noodle
評分: 味道5   服務5   環境5   衛生5   抵食5
超正熱狗 笑臉2014-07-24
The Trident Bar & Grill - 菲律賓藉大廚Andres哥哥
The Trident Bar & Grill - 菲律賓藉大廚Andres哥哥
The Trident Bar & Grill自選配料及調味料
The Trident Bar & Grill自選配料及調味料
The Trident Bar & Grill
The Trident Bar & Grill
The Trident Bar & Grill旁o既Scoops Ice Cream Bar
The Trident Bar & Grill旁o既Scoops Ice Cream Bar

Trident Bar & Grill就喺Tastes隔離,兩區之枱櫈無異,只係服務生同食物不同。Trident有個開放式廚房,入面嗰位菲律賓藉大廚Andres哥哥負責煮製漢堡包、熱狗、薯條等美式食品。大多食客都會直接於烤爐前排隊點取食物,自加配料,但食客其實亦可向服務生落單。Andres哥哥雖然身兼數職,又要煮又要接單,正式忙得氹氹轉,但佢每日都會笑臉迎人,間中仲同食客講吓笑,而且記性超強,居然可以記得哂我地十個人不同o既喜好

Hot Dog烘過o既麵包外脆內軟,腸仔彈牙野味,加上鮮甜多汁o既生洋蔥粒同蕃茄醬,整體變得更加爽脆醒胃,新鮮熱辣煮出黎o既熱狗當真特別好食

French Fries幼長o既薯條香脆軟嫩,炸得好夠乾身,食落一啲都唔覺油膩,可以話係小肥食過最美味o既薯條

推介菜式: Hot Dog,Cheese Burger,French Fries
評分: 味道5   服務5   環境5   衛生5   抵食5
2月12日Gala Welcome Dinner,郵輪向大阪進發
2月12日Gala Welcome Dinner,郵輪向大阪進發
航海二十週年餐碟
航海二十週年餐碟
Blackened Yellow Fin Tuna Carpaccio
Blackened Yellow Fin Tuna Carpaccio
Cream of Wild Mushroom Soup – Brioche Croutons
Cream of Wild Mushroom Soup – Brioche Croutons
Rigatoni Pasta
Rigatoni Pasta
Tempura Shrimp Salad
Tempura Shrimp Salad
Broiled Fresh Maine Lobster, Sauce Hollandaise
Broiled Fresh Maine Lobster, Sauce Hollandaise
Giuseppe Banana Foster with Vanilla Ice Cream
Giuseppe Banana Foster with Vanilla Ice Cream

喺郵輪上有兩晚為formal night,賓客必需穿著較隆重o既服飾進膳,Crystal Dining Room係絕不招待穿牛仔褲及波鞋者。第一晚formal名為Gala Welcome Dinner,客人好多都會順理成章地盛裝出席船長為歡迎搭客o既雞尾酒會,女士們打扮得花枝招展,男士們亦唔弱,出動西裝禮服,衣香鬓影,非常熱鬧

當晚我地兩圍枱o既女士們都好有驚喜,因為負責我地枱嗰位英藉肥哥哥Lloyd好有紳士風度地護送幾位進場入座,感覺猶如貴賓般,佢地都有少少受寵若驚。當老師Zdravko用英語向我地問好時,好學o既XO仔就順勢問佢Croatian點講,佢就教咗以下兩句新句:“Kakusi”(你好嗎?)及 “Dobro”(好好)。

Crystal對客人出席晚宴有衣著規限,相對地,佢地於formal night所提供o既佳餚美酒質量亦有所提升:

Blackened Yellow Fin Tuna Carpaccio – White Truffle Oil & Lemon-Caper Aioli:以松露油點綴o既Aioli醬蒜味香濃,陣陣檸檬香又醒胃提神,塗上吞拿魚薄片感覺既清新又野味,真係一絕

Cream of Wild Mushroom Soup – Brioche Croutons:蘑菇湯香滑唔溜,灑喺面半腍半脆o既croutons令口感更為豐富,簡單可口。

Rigatoni Pasta – Plum Tomatoes, King Crab Meat, Roasted Squash, Garlic Confit & Fresh Basil, Drizzled with Lemon Oil:每晚喺Crystal Dining Room食晚餐,小肥都好期待大廚所煮製o既意粉,當晚Gala Welcome Dinner師傅專登選用新鮮皇帝蟹肉為主材,當然係冇令細佬失望啦!煙韌o既麵條,配上鮮甜o既蟹肉及野味醒神o既醬汁,果真無懈可擊

Tempura Shrimp Salad – Mixed Lettuce, Yuzu-Anchovy Dressing, Parmesan Shavings, Baby Tomatoes, Mandarins & Marinated Cucumber:Crystal煮日式豬扒雖然唔係好得,不過炸天婦羅卻又唔錯bor,件蝦天婦羅層外皮又薄又脆,而且毫不油膩,蝦身又夠爽口彈牙,XO仔都覺得有少少驚喜。

Broiled Fresh Maine Lobster – Sauce Hollandaise, Cauliflower-Chive Risotto & Snow Peas:意外地,龍蝦肉一啲都唔嚡,質感爽中帶嫩,味道鮮甜香口,無得彈!

廚師推介之Apple Crumble Tart with Vanilla Ice Cream – Red Wine Lentils & Crisp Shallots:記得細細個嗰陣時,靚靚媽咪最愛於家中焗製apple crumble,不過可能功夫多啦,佢都好耐冇整lu,所以見到餐牌上此道甜品例明為廚師推介時,未到叫甜品小肥已經同Zoran老師預留定一份,希望懷緬一番。Crystal個apple crumble又熱又鬆脆,蘋果味清甜,加埋雲尼拿雪糕一齊食增添軟滑感,同媽咪以前整嗰啲真係有得fight

Giuseppe Special之Banana Foster with Vanilla Ice Cream:Gala Welcome Dinner屬特別日子,Giuseppe叔叔又有新搞作,就係即場烹調banana foster,但礙於郵輪上有新管制,佢只能喺廚房內點火,再不能於餐廳內表演火焰效果,嘻嘻,不過佢都好搞鬼地擺咗個舖士比我影咗幅相。Banana foster酒味撲鼻,香醇甜美,輕輕以朱古力醉點綴,配上雲尼拿雪糕,依味甜品簡真係超級美味!

老師們見XO仔每日都好勤力地複習新學o既語句,當晚臨走前仲贈多學生一句 “Laku Noch”,即「晚安」
推介菜式: Blackened Yellow Fin Tuna Carpaccio,Cream of Wild Mushroom Soup,Rigatoni Pasta,Tempura Shrimp Salad,Broiled Fresh Maine Lobster,Apple Crumble Tart with Vanilla Ice Cream,Banana Foster with Vanilla Ice Cream
評分: 味道5   服務5   環境5   衛生5   抵食5
  0 個留言    |  加入你的留言
*~adr~*
3篇遊記
開開心心大阪尋雪之旅 (日本)
(旅程日期: 2014-02-18 至 2014-02-23 ,  旅程性質: 慶祝生日)
 整個旅程  (共3篇遊記)
 分享至Facebook 
發表日期: 2014-07-06

六點鐘左右已經到達我朝思霧想的大阪啦~
輕輕鬆鬆的過關拎行李~~
因為接著來的幾天都會周圍去,為方便起見,便要買kansai thru pass
Kansai thru pass 有分兩天及三天的
可以不連著日子用,而且優惠也有頗多的~~
所以我不作多想,Kansai thru pass 是買定的啦~

Kansai thru pass 可以在機場一樓的KAA 旅行服務台買
服務台早上七時才開,所以我們在服務台出面的椅子坐了一回,又拎了一點高野山的資料,研究了好一回~
準時七點開門,很順利的買了pass

Kansai thru pass 的詳情
http://www.surutto.com/tickets/kansai_thru_hantaiji.html

買完之後就上三樓啦~
機場的三樓有很多食店及手信店
我地輕輕鬆鬆逛一逛,有很多很吸引的手信呀!!!
不過,今日先係第一日,點可以咁快失手呢??要忍呀!!!!

我們就去食早餐啦~~

*~提神咖啡~* ok喇2014-07-06

其實也沒有很肚餓啦
不過想搵個地方坐坐,抖一抖吧~
所以點了一份早餐兩份食~~

芝士煙肉麵包 +熱咖啡
其實係看圖識字胡亂點的~
不過錯有錯著,這個麵包味道還真不錯!
鹹香的煙肉配著豐富的芝士,好味!!

熱咖啡則一般...
苦澀得很.... 加了兩盒奶半包糖都依然苦味十足
如不是想醒醒神,也不會點它啦!!!

全靠這份麵包咖啡,讓我們可以舒服的坐一回兒

推介菜式: 芝士煙肉麵包
每人消費: 約200日圓 (早餐)
評分: 味道4   服務3   環境3   衛生3   抵食3
*~小甜點~* 笑臉2014-07-06

可能是因為麵包咖啡開了我們的胃
食完都不什滿足
所以我地又逛了逛Lawson
買了第二輪的小食

明治的Plain Yogurt 是每次去日本必食的小食!!
酸甜滑溜,而且是低糖的,多吃也不會很內疚!

另外這個egg roll 也是不能錯過的!!
蛋糕鬆軟,忌廉幼滑,價錢便宜,小小的錢可以買到十個滿足!! 正!!!

每人消費: 約150日圓 (早餐)
評分: 味道5   服務3   環境3   衛生3   抵食5

飽吃一頓,我們就開始向我們的目的地進發LU~~

第一站,先去Rinku Premium Outlet
因為今日沒有太多地方去,所以就不用pass啦!

Rinku Premium Outlet 是在機場附近
乘搭地鐵都只是一個站
所以建議在行程的第一日或最後一日來

拖著行李逛街實在是很不方便
所以我地借用了地鐵站內的Locker
600Yen 就可以輕鬆行街,這些錢是不能省的~

出了地鐵站,大約行10-15分鐘,就到達Rinku Premium Outlet lu~
時間還早的關係,沒有太多人行呀~~
所以我們行得更輕鬆啦~~

這個outlet,勝在近機場,而且很多大牌子都有
所以都蠻好逛的~~

平時逛這裡都可以買到很多
但今次不知怎樣,一樣都買不了 >_<

Rinku Premium Outlet的詳情
http://www.premiumoutlets.co.jp/en/rinku/

評分: 值得去4  
酒店望出去就是大丸啦~
酒店望出去就是大丸啦~
可以見到美麗的日落
可以見到美麗的日落
床夠闊
床夠闊
地方也夠闊落~
地方也夠闊落~
洗手間OK~
洗手間OK~

中午左右,我們就離開Outlet,往酒店出發LU~
今次住的是Nikko Osaka Hotel 日航大阪酒店
酒店位於心齋橋站,地鐵站一上就是
過條大馬路就到心齋橋,方便非常!!

我最喜歡的,是它的空間感,它的房間一點也不迫~~
打開兩個行李箱之後,還有很多空間可以行~ GOOD!
日本的酒店很多時迫到連行李箱也打不開,我最怕最怕就是這樣呢!

它的早餐也是不能錯過的!!
這個留待明天才介紹~

這酒店,我覺得,有兩個缺點啦~~
一,是它的pillow 不太好瞓.... 軟趴趴的,我個人比較喜歡鬆軟有彈性的pillow 啦~~
二就是它的價格一點也不friendly 呀!!! 如果想平遊日本的話,我絕不推薦它呢~~
不過,如果想住得舒服,食得開心,我倒是很推薦它啦~~

由於未夠鐘check-in,我們只好將行李寄存在酒店
我們就到心齋橋行行先吧~

Nikko Osaka Hotel 的詳情
http://www.hno.co.jp/

評分: 設備5   服務4   環境4   衛生4   抵住3
玉子
玉子
拉麵~
拉麵~
沒有人的呀~
沒有人的呀~
很貼心的讓你掛大衣~
很貼心的讓你掛大衣~
填你的心水吧~
填你的心水吧~
流心蛋
流心蛋

去到心齋橋,已經三點幾,著實有點兒肚子餓....
行到道頓堀附近,見到一蘭沒有人等位,當然不會放過這個機會~~
立刻去試試啦!!!

門口有部機器,上面會顯示那一個座位是空的,那些還在用餐或是整理,所以要搵位亦可以一目了然~今次好好彩,店裡竟然只有一位客人~ 所以很順利的就可以入座~
除了座位顯示器,還有買票機,在此你可以買你需要的食物~~
我們就買了兩碗拉麵及玉子兩隻啦~

買好票就入座LU~
入面好似一格格自修室咁,自己選擇坐的位置
桌上有一張紙,讓你圈選各種喜好的口味,例如湯頭的濃淡情度、油量、麵的口感以及蒜頭蔥的分量等,反正就是tailor made 一碗合你心水的拉麵~
填好,就連同票券一起放在前面就會有人來收,只需幾分鐘,熱騰騰的拉麵就來囉~~

拉麵在正前方的小窗口出來,出來後,服務生就會把正前方的簾子放下來,讓你好好用餐,包你有足夠的privacy~

先嚐嚐它的豚骨湯,嘩!!超濃郁但又不會有過油膩的感覺~ 蔥花又剛好可以中和豚骨的油味~麵帶有嚼勁,掛湯力又十足,好味~
半熟蛋的蛋味濃郁,生熟程度剛好~~

果然好味~ 難怪一蘭會經常大排長龍啦~~

一蘭的詳情
http://www.ichiran.co.jp/index_hp.html

推介菜式: 拉麵
每人消費: 約900日圓 (午餐)
評分: 味道4   服務3   環境4   衛生4   抵食5
睇住師傅整蛋糕
睇住師傅整蛋糕
睇住師傅整蛋糕
睇住師傅整蛋糕
燒芝士蛋糕
燒芝士蛋糕
燒芝士蛋糕
燒芝士蛋糕
爆流心的~
爆流心的~

食飽飽就繼續逛街啦~~
二月的大阪四處都是sale,在百貨公司都可以隨時執到寶~
短短的一個多小時之內,我們已經買到一袋二袋
這個crazy sale 呀,真的是魔鬼呀!!

沿路行返酒店時,聞到陣陣的香味
原來係Pablo cheesecake 的香味~
行街街已經行到肚子餓,當然要忍唔住手要買一個回酒店食啦~~

Pablo 店門前有一條長長的人龍,想必大家都是被它的香味吸引了呢~
一邊排隊,一邊可以睇住師傅整蛋糕,真的受不了呢!!
排了十分鐘不到就已經到我們啦~

燒芝士蛋糕有分流心及實心
我們選了流心~
回到酒店就急不及待要品嚐一下啦~~

燒芝士蛋糕外表金黃
一切開,芝士源源不絕的流出來
撻皮非常鬆化,芝士味濃郁滑流,好味呀!!
難怪短短開業三年,人氣會如此高呀~~

蛋糕其實都頗大個
合二人之力都食不完~
所以剩餘的,我們放了在雪櫃,之後再食,都一樣好味呀~

Pablo的詳情
http://www.pablo3.com/ 

 

推介菜式: 燒芝士蛋糕
每人消費: 約300日圓 (下午茶)
評分: 味道5   服務4   環境4   衛生4   抵食5
四色魚生飯
四色魚生飯
燒蟹黃
燒蟹黃
吞拿魚骹
吞拿魚骹

剛剛的Pablo 只是餐前小食
放下戰利品之後,我們又出發食晚飯啦~~
今晚的目的地是磯丸水產~~~~~
它在道頓堀金龍拉麵隔離,很容易就搵到~
也不用擔心要大排長龍,因為它足足有四層呢~

這家磯丸水產是東京有名的平價海鮮燒烤連鎖店
價錢便宜到爆炸!

今晚的戰鬥力不是很旺盛的關係,二人只是點了三樣野食~~

首先是四色魚生飯
飯上面是滿滿的魚生~
三文魚子粒粒飽滿豐郁,吞拿魚蓉油脂甘香,二者配飯真的好好味!!
赤身的味道亦不錯,十分新鮮
只是三文魚不夠肥美,略遜一籌

燒蟹黃,點的時候其實我們都很好奇係點食嘅
上枱先知,原來是滿滿的蟹膏放在蟹蓋內,然後放在火上燒
不懂燒也不用怕,店員會很好的幫你燒,又會話你知幾時先食得~~
蟹膏燒起上來真的十分香!!
食落很甘香軟滑!!
嘩! 這個真的食一次就會愛上呀!!!

最後是這個令我們嚇了一跳的吞拿魚骹~
一千yen 也不用,但足足有小朋友的手臂一樣長!!
上枱時,店員會再燒一燒,讓它的油脂再融化出來,也添了一份焦香的味道~
以為吞拿魚骹沒什麼肉,誰知,它的肉肉多到不得了!!!
食極都食唔完~ 最後都要把它放棄了....

呢餐咁豐富的海鮮餐只需二千二百yen
抵到爆~~~
下次再去大阪,我都會再試呢~~

磯丸水產的詳情
http://www.isomaru.jp/

Day 1 就這樣囉~

推介菜式: 吞拿魚骹, 燒蟹黃, 四色魚生飯
每人消費: 約1100日圓 (晚餐)
評分: 味道5   服務5   環境4   衛生4   抵食5
  0 個留言    |  加入你的留言