搜尋:
遊記日期:    發表日期:    
 
簡介形式      文章形式
共找到 153 篇遊記, 正顯示第 1 至 10 篇遊記
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-05-23
海鮮brunch 笑臉2018-05-23
黑門市場
黑門市場
即開生海膽
即開生海膽
燒帶子
燒帶子
燒帶子
燒帶子
吞拿魚腩飯
吞拿魚腩飯
燒蝦
燒蝦
章魚小丸子
章魚小丸子
雜錦魚生
雜錦魚生

一早執好行李寄存在酒店, 去黑門市場豪食海鮮brunch!

 

黑門市場因為就近我們住的Swissotel,所以每天回酒店前都會去逛逛,買生果,手信,雜貨,藥妝等等。場內環境非常寬敞又乾淨,十分好逛,每個出入口都有不同的掛飾以作辨認,但我行行下睇睇下買買下通常好快都會迷失方向。

 

先去<魚福>食即開生海膽,揀了1500yen一個的,一片片金黄色的海膽肥美又充滿光澤,入口甘香豐腴,新鮮海膽係超甜同完全唔腥,絕對是香港食不到的鮮味!

 

燒帶子則是800yen一隻,燒烤時香氣四溢,味道也是超鮮甜可口。食物味道一流,但老闆娘好惡又粗聲粗氣,成日覺得我地阻住佢做生意,唯有快快食完離開。

 

跟著去<黑銀>食超肥美的吞拿魚腩飯1800yen,飯面上蓋滿了大大塊又厚厚的吞拿魚腩,肥脂多到魚塊只有淡淡的粉紅色,入口當然是脂香味鮮又滑嫩,食完實在有令人充滿幸福的感覺。

 

之後去另一間店試了燒蝦2200yen兩隻,大大啖的蝦肉彈牙爽口,但味道卻不太鮮甜。

 

食完一輪海鮮,想試下大阪地道的小吃,買了章魚小丸子加燒餅600yen,原本打算坐低慢慢食,哪知道老闆好惡唔比我們坐,但其實內裡當時沒什麼客人,我們話已經買左小吃都係唔俾坐,都費事再同佢嘈。

 

最後其實已經幾飽,但意猶未盡,於是再買了盤雜錦魚生2500yen, 以這個價錢,實在沒可能在香港,吃到如此分量又新鮮無比的魚生,食飽飽十分滿足,才出發前往我們下一站---白濱。

推介菜式: 即開生海膽, 燒帶子, 吞拿魚腩飯
每人消費: 約4700日圓 (早餐)
評分: 味道5   服務3   環境3   衛生4   抵食5
  0 個留言    |  加入你的留言
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-05-18
清湯系拉麵 ok喇2018-05-18
道頓堀
道頓堀
叉燒拉麵
叉燒拉麵
炸雞
炸雞
啤酒
啤酒
辣韮菜
辣韮菜

離開USJ時已是十分疲累,只想簡單食個拉麵就回酒店休息,原本的目標是道頓堀的<天下一品>或<金龍>,哪知道我倆在道頓堀內迷失了方向,由於太肚餓的關係,結果就走進了第一間碰到的拉麵店<神座>。

 

我們點了兩個套餐,有兩碗拉麵,一碗白飯和炸雞,另加了一杯啤酒。<神座>的拉麵出名是清湯底加很多白菜,可惜不是我杯茶,因為我是濃稠湯派系的,湯底我只嚐到咸咸的豉油味,麵身也沒什麼特別,叉燒更是好乾。

 

反而炸雞不錯,送啤酒一流。但最美味的卻是放在桌上任添的辣韮菜,夠辣夠味,連送一大碗白飯都綽綽有餘。

 

埋單880+980 yen,不算太貴,但實在沒有再幫襯的意欲。

每人消費: 約930日圓 (晚餐)
評分: 味道3   服務3   環境3   衛生3   抵食3
  0 個留言    |  加入你的留言
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-05-17
進擊的巨人4D
進擊的巨人4D
進擊的巨人
進擊的巨人
新世紀福音戰士XR飛車
新世紀福音戰士XR飛車

離開哈里波特園區時已是下午五時多,即使我們已經馬不停蹄地玩了大半天,但還有整個Universal Cool Japan園區仍未遊覽(OMG!!!),USJ實在太多設施沒可能用一整天玩得完。

 

千萬不可以錯過的是兩套4D影片,我當時播映的是<哥斯拉>和<進擊的巨人>,超緊張震撼;尤其每當有巨人出現襲擊和食人時,便會有水突然噴灑出來,感覺有如血花四濺一般恐怖嘔心。

 

另一個必玩的便是<新世紀福音戰士XR飛車>,一整天都勁多人排隊,坐上車後要戴上VR眼鏡,前面景象會跟隨頭部搖動而改變,但完全估計唔到前方會發生咩事,架車又會怎樣轉,連旁邊坐緊邊位都睇唔到,唯有緊緊地捉住老公隻手定驚;過程極刺激具速度感,玩完又不太頭暈和想嘔,值得推薦。

 

至於<魔物獵人>同<勇者鬥惡龍>就有些無聊,一個狂按鍵,另一個就走來走去唔知斬緊D咩;<名偵探柯南>則要另外收費,加上怕聽唔明日文所以沒有去玩。

 

完成這個園區時已差不多晚上八點,筋疲力竭又腳軟無力,但心情好興奮,因為最想玩的遊樂設施都能夠全部完成到,臨走前還玩多次<Minion瘋狂乘車遊>才盡興而歸。

推介項目: 新世紀福音戰士XR飛車
參觀時段: 全日
入場價錢: 每人14200日圓
評分: 值得去5  
  0 個留言    |  加入你的留言
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-05-10
霍格華茲城堡
霍格華茲城堡
貓頭鷹郵局
貓頭鷹郵局
霍格華茲特快車
霍格華茲特快車

吃完午飯後,又是差不多時候進入<哈利波特魔法世界>。整個園區佈置得如電影場景般,絕對是Fans必遊之地。

 

入到園區,我們第一時間衝去霍格華茲城堡,玩最著名的'哈利波特禁忌之旅',因為用日語旁述,所以不太清楚發生什麼事,大概是要坐掃帚追個金探子吧,但整個過程簡直是超超超級地恐怖,不斷被搖晃到好暈想嘔又唔知自己去左邊,中途又突然機器故障停頓,發現原來我們被吊在半空中,對我來說實在是太刺激了,差不多全程我都閉上眼睛只想快些完結;故即使之後不用我們排隊可以立即再補玩一次,我都不敢再玩了。

 

玩完之後,我要在活米村坐低,飲番杯butterbeer冷靜下自己,等到沒那麼暈同嘔之後再開始參觀。

 

園區內每個角落都有驚喜,有非常可愛的貓頭鷹郵局和著名的朱古力青蛙。

 

學院旗幟是其中一個,練習魔杖魔法的地方,但這遊戲似乎較適合小孩子玩多些。

 

臨走前,當然要同霍格華茲特快車的Fat Controller影番張合照留念啦!

 

參觀時段: 全日
入場價錢: 每人14200日圓
評分: 值得去5  
  0 個留言    |  加入你的留言
Handsome XO
81篇遊記
2017溫馨家庭大阪四天遊 (日本)
(旅程日期: 2017-02-23 至 2017-02-26 ,  旅程性質: 飲食購物)
 整個旅程  (共4篇遊記)
 分享至Facebook 
發表日期: 2018-04-17

226日(

去旅行梗係要「早機去,晚機返」啦!為怕父母會過於勞累,四口子就乘搭香港航空下午四點五十分班機,於晚上八點左右回港,完全唔洗趕,仲可以喺機場食埋晚飯先返屋企。

酒店預設退房時間為中午十二點,小肥兩兄弟朝早食完早餐後即前往酒店對面間大丸買多輪手信,順便買咗兩盒超靚嘅杯仔蛋糕自己試。退完房就去咗酒店樓下間「新喜樂」食多餐日本菜做晏先起行前往機場

肥肥家族去邊都只會預鬆時間,去機場亦不例外,幸好買商務機票可於貴賓室邊等邊享用小食酒水,即使飛機餐唔係太好食都唔會餓住個肚肚抵港。
好睇唔好食 哭臉2018-04-17
杯仔蛋糕四件裝禮盒
杯仔蛋糕四件裝禮盒
杯仔蛋糕兩件裝禮盒
杯仔蛋糕兩件裝禮盒
杯仔蛋糕四件裝禮盒
杯仔蛋糕四件裝禮盒
精美杯仔蛋糕
精美杯仔蛋糕
【ハピネスリボン】(“Happiness Ribbon”)
【ハピネスリボン】(“Happiness Ribbon”)
【ハピネスリボン】(“Happiness Ribbon”)
【ハピネスリボン】(“Happiness Ribbon”)
【ジュエルピンク】(“Jewel Pink”)
【ジュエルピンク】(“Jewel Pink”)
【ジュエルピンク】(“Jewel Pink”)
【ジュエルピンク】(“Jewel Pink”)

喺「大丸梅田店」地牢買手信時,因見到小店「ファクトリーシン」(Factory Shin)個陳列玻璃雪櫃內嘅蛋糕仔實在精緻,結果當然係忍唔到手買咗兩盒返香港試啦

蛋糕店嘅禮盒包裝及小點均精美吸睛,兩件禮盒裝連稅售594円、四件禮盒裝連稅售1,188円。

1)      【ハピネスリボン】(“Happiness Ribbon”):白色甜點以雲尼拿杯仔蛋糕作底,白朱古力塗面,再配上紅色絲帶設計,定名為「幸福絲帶」。雲尼拿味杯仔蛋糕偏嚡同乾,頂面嘅白朱古力得個甜字,個人覺得好油麻地囉

2)      【ジュエルピンク】(“Jewel Pink”): 此件銀光閃爍嘅「粉紅色寶石」其實係以紅莓碎點綴嘅朱古力味杯仔蛋糕,賣相鮮美高貴。。。可惜杯仔蛋糕一樣偏嚡偏乾,幸好個紅莓碎朱古力脆皮酸甜討好,否則恐怕甜品店喺味道嗰環真係要食零雞蛋

小肥雖為日本迷一名,但今次真係大失所望,對甜品屋「ファクトリーシン」(Factory Shin)嘅評價只可用五個字黎形容:「好睇唔好食!」
每人消費: 約297日圓 (其他)
評分: 味道1   服務5   環境5   衛生5   抵食1
新喜楽 ヒルトンプラザ店
新喜楽 ヒルトンプラザ店
定食模型
定食模型
日英對照彩圖餐牌
日英對照彩圖餐牌
梅酒(800円)
梅酒(800円)
鴨鍋定食(880円)
鴨鍋定食(880円)
天婦羅定食(880円)
天婦羅定食(880円)
新喜樂定食(1,420円)
新喜樂定食(1,420円)
おすすめ御膳(2,700円)之刺身
おすすめ御膳(2,700円)之刺身

中午前於「希爾頓酒店大阪」辦理好退房手續後,肥肥家族就直接走咗落去大廈個地牢度搵食。全憑店子門外定食嘅模型,大肥爸爸好快就決定一試「新喜楽,實行食多餐日本菜先返香港。

商場餐店裝潢簡約企理,散座全為合併式木造枱櫈,唔知係咪見我地一家四口個個都咁大隻呢,嬸嬸居然主動俾咗張六人枱我地坐,仲臉帶微笑地送上日英對照嘅彩圖餐牌,實在太好人啦

1)      諗食乜野前,小肥就先點咗杯梅酒飲,點知酒品成壺連冰上,依800円真係抵飲呀!

2)      鴨鍋定食(880円):靚靚媽咪所點嘅定食包有滾住上嘅中型鴨鍋、一碗白飯、及一碟醃菜。

3)      天婦羅定食(880円):細佬所點嘅天婦羅定食一樣包咗碗新鮮熱辣嘅白飯、一碟惹味脆口嘅醃菜、另加多碗麵豉湯。雜錦天婦羅均鬆化香脆,其中三隻中蝦爽厚彈牙,雜菜都唔錯,一千円唔洗絕對抵食

4)      新喜樂定食(1,420円):大肥爸爸憑餐店門外個模型所揀嘅新喜樂定食其實即係鴨鍋定食同天婦羅定食嘅混合版。佢滿意地大讚定食飽肚又夠多款式。

5)      おすすめ御膳(2,700円):哥哥就叫咗個廚師推介套餐,內含天婦羅、刺身、海鮮、蔬菜、麵豉湯、同埋甜品,極之豐富。

商場日本料理「新喜楽」環境潔淨企理,年長嘅嬸嬸友善有禮,午市定食質高味佳又抵食,當真興幸大肥眼利憑食物模型選擇於此店速食午餐。
推介菜式: 天婦羅定食
每人消費: 約1800日圓 (午餐)
評分: 味道4   服務5   環境4   衛生4   抵食5
飛鳥貴賓室 Asuka Lounge
飛鳥貴賓室 Asuka Lounge
飛鳥貴賓室 Asuka Lounge
飛鳥貴賓室 Asuka Lounge
果汁,牛奶,乳酪
果汁,牛奶,乳酪
日本啤酒
日本啤酒
酒酒
酒酒
自調Baileys特濃咖啡
自調Baileys特濃咖啡
自助小食
自助小食
忌廉粟米湯,日產士多啤梨味乳酪
忌廉粟米湯,日產士多啤梨味乳酪

「香港航空」商務艙搭客候機時,均可於關西機場飛鳥貴賓室」享用免費提供之小食及酒水

貴賓室面積寬廣開揚,皮櫈梳化又厚又好坐,環境舒適衛生。小食中有蛋糕仔、生果、芝士、三文治、凍肉、冷麵、乳酪等,質量都選唔錯。除咗食咗個微甜軟滑嘅日產士多啤梨味乳酪同飲咗碗香濃唔溜忌廉粟米湯之外,爛飲嘅小肥仲自調咗杯香醇Baileys特濃咖啡,另再飲咗幾pat軒尼斯特別版干邑添,離境前明顯飲到樂而忘返,要哥哥提醒話閘口機員有權阻止醉客上機,細佬先肯放低隻酒杯
推介菜式: 士多啤梨味乳酪,忌廉粟米湯,軒尼斯特別版干邑
每人消費: 約0日圓 (下午茶)
評分: 味道4   服務3   環境4   衛生4   抵食4
餐牌
餐牌
Bauhinia Blossom
Bauhinia Blossom
日式冷麵,玫瑰花熏帶子
日式冷麵,玫瑰花熏帶子
玫瑰花熏帶子
玫瑰花熏帶子
日式冷麵
日式冷麵
水晶牛助骨
水晶牛助骨
時令鮮果
時令鮮果
熱咖啡
熱咖啡

回程時所搭o既香港航空HX 619班機唔係好夠冷氣,小肥居然坐到出哂汗,同機艙服務員反應後都未能調低。見其態度溫婉誠懇,都明白到有啲野係佢地控制範圍之外o既。

同去嗰程一樣,飛機餐部份係由酒店中菜廳海景軒」負責,包括頭盤及中式主菜。頭盤日式冷麵清新健康,但係個「玫瑰花熏帶子」則又凍又硬硬地,個熏味唔係咁啱個人口味囉。主菜「水晶牛助骨」都算唔錯,肉質軟腍帶甜,配上紅米個組合都好健康,不過問題係啲餸唔夠熱。。。
評分: 味道2   服務4   環境2   衛生3   抵食2
  0 個留言    |  加入你的留言
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-04-14
Louie's N.Y. Pizza Palor
Louie's N.Y. Pizza Palor
恐龍脾
恐龍脾
Butterbeer
Butterbeer

根據我多年來去不同樂園既經驗,樂園提供的伙食,通常都係又貴又唔好食,所以今次都沒什麼期望,周圍格價完之後,就決定食這間位於紐約區,價錢較為相宜的<Louie's N.Y. Pizza Palor>。

 

中午十二時餐廳已是超級的多人,買野食都要大排長龍,幸好餐廳夠大都容易找到位子。我們每人點了一份套餐(1450yen),包一角pizza,一兜意粉以及一杯汽水。

 

套餐內容選擇不多,pizza可揀雜菜/辣肉腸,意粉就是煙肉白汁/肉醬紅汁,但味道比想像中好,只是份量較細,食完都沒有好飽的感覺。

 

下午我們在侏羅紀公園區,買了隻'恐龍脾'(1200yen),其實是火雞脾,都頗為大隻,而且味道不錯很香口。

 

去到Harry Potter區,當然要試杯著名的Butterbeer(600yen),味道有些似沙士和忌簾的混合版,但入口不太甜,泡沫又更加幼滑,值得一試。

 

每人消費: 約2350日圓
評分: 味道4   服務4   環境4   衛生4   抵食3
  0 個留言    |  加入你的留言
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-04-12
Despicable Me Minion
Despicable Me Minion
Minion Mayhem
Minion Mayhem
Minion爆谷
Minion爆谷
Minion Hacha- Mecha Time
Minion Hacha- Mecha Time
Minions Super Greeting
Minions Super Greeting
Minions Super Greeting

<小小兵樂園Despicable Me Minion>是我最期待參觀的園區!!!我去時還剛剛開幕了兩星期,所以門票加價(我懷疑),而且這兒是超超超級的多人。其中<小小兵瘋狂乘車遊Minion Mayhem>,我們十點半去到時,條隊已經長到差不多要排一個小時啦!!!這時實在好慶幸有Express Pass可以立刻入場,雖然若果肯等到黄昏六,七點時,其實都不用排隊即刻有得玩。

 

<Minion乘車遊>歡樂氣氛不錯,有些迪迪尼<小熊維維>的感覺,不過完全唔刺激,而且太搖晃玩完居然有D想暈同嘔。

 

園區範圍比我想像中細,都無乜特別野玩,但佈置和裝飾都幾有心思,去到邊度都可以碰到Minion,於是花了很多時間周圍影相。

 

見到四周有好多人頸上掛著個國王Minion爆谷罐勁勁勁可愛呀,一直都好想買,但又怕麻煩要拎住個罐周圍走,不過下午想買時國王款已賣哂,只剩低抱住熊熊款,令人好失望。

 

我覺得這園區最刺激的項目便是<Minion瘋狂時刻 Hacha- Mecha Time>,一出場便是勁歌熱舞,現場立刻掀起瘋狂熱烈既氣氛!雖然完全聽唔明主持人講乜(反正都聽唔明Minion既Bello Bello),但無礙大家的興奮情緒,而且表演完後,Minon會留低同大家影相!我們兩位Fans當然不會錯過如此寶貴的集郵機會。

 

如果大家仍是意猶未盡的話,每日還有三次,Minion會親自列隊去樂園門口,歡迎各位賓客<Minions Super Greeting>;我覺得自己開始有瘋狂Fans的追星行徑,爭取所有機會喪跑拍照,為求一睹每位Minion的'芳容'。

推介項目: Minion Hacha- Mecha Time, Minions Super Greeting
參觀時段: 早上
入場價錢: 每人14200日圓
評分: 值得去5  
  0 個留言    |  加入你的留言
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-04-11
芝麻街頭表演
芝麻街頭表演
蜘蛛俠驚魂歷險記Spiderman
蜘蛛俠驚魂歷險記Spiderman
飛天翼龍卡在半空
飛天翼龍卡在半空
侏儸紀公園乘船遊
侏儸紀公園乘船遊
大白鯊Jaws
大白鯊Jaws
芝麻街頭表演

一早食過飽飽的早餐之後,我們就出發前往Universal Studio Japan。因為我們酒店位於難波南海站,所以要先坐南海電鐵接駁新今宮JR站(150yen),再坐JR環狀線往西九条站,再轉夢咲線,便可以到達Universal City駅(180yen),全程大約30min左右。

 

USJ開放時間為0930 to 2000,我們0930到達已經人頭湧湧,但入場後不久已經四散不見,應該大部分都衝左去Minion和Harry Potter園區。我們因為買左Fast Pass,所以先去衝其他的遊樂設施。

 

其實USJ範圍不算太大,但景點和設施都非常密集,街上又不斷有娛樂表演,每次八卦一陣都消耗我們不少時間,我們已經不斷玩不斷行了一整天,但最後還是要放棄'環球奇境'整個園區,也許下次帶小朋友再來才參觀吧!

 

我們第一個玩的是<蜘蛛俠驚魂歷險記Spiderman>,超刺激勁興奮,又唔會暈同嘔,之後雖好趕忙但都忍唔住要玩多次。

 

<魔鬼終結者Terminator 2>一開始有位女接待員講左好耐intro,全部日文聽唔明,佢又勁作狀好嘈好煩厭,幸好入到劇場之後,很快佢就比機械人揑死左實在令人鬆一口氣;跟著劇情隨即進入十分刺激的動作場面,臨尾還有驚嚇位,都非常值得去玩。

 

<浴火赤子情Backdraft>之前在Singapore玩過,所以決定放棄。<飛天翼龍Flying Dinosaur>算是叫排得幾耐的遊戲,但睇見我已經唔夠膽玩,期間仲見到有人被卡在半空中,實在好慶幸自己無去玩,雖然下午我們玩Harry Potter時,中途也都被卡在半空十分驚嚇。

 

<侏儸紀公園乘船遊Jurassic Park>,出發前做左功課知道會濕身,於是懶醒咁買定雨衣,去到打開至發現原來嗰件係半身既雨衣,坐低連大脾都蓋唔住,我地仲要坐第一行,衝落去時連雨衣頂帽都吹甩埋,然後全頭全身同個袋都濕哂無一倖免。

 

<大白鯊Jaws>相比之下較悶,如果時間不夠我覺得可以不玩。

 

因為基本上以上所有遊樂設施都不用排隊,所以十點半前我們已經衝哂上述景點,又到預定去玩Minion乘車遊既時候啦。

參觀時段: 全日
入場價錢: 每人14200日圓
評分: 值得去5  
  0 個留言    |  加入你的留言
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-04-04

出發前做資料搜集,個個都話如果要肯定入到Harry Potter 園區的話,就一定要買Express Pass,加上當時Minion園區又剛開幕,山長水遠去到玩唔到又確實很掃興,於是無奈地又要去課金。

 

我是從官網 https://www.usj.co.jp/hk/ 訂購Express Pass,環球Express門票4現在要5200yen,再加上門票7900yen,就是至少要13100yen一個人;而且入場費未必每日都一樣,我當日唔知點解就要14200yen一位,好貴呀。

 

USJ的Express門票有很多選擇,我訂的環球Express門票4(Standard),包括了1. Harry Potter,2. Minion,3. Spider Man/Jurassic Park,以及4. Jaws/ Terminator/ Backdraft。上網用Credit Card付款後,就會收到confirmation email,內裡有指示何時可以入哈利波特園區,以及幾時要去坐'哈利波特禁忌之旅'和'迷你兵團調皮百厭乘車遊',另外就要download個QR code入場時用。

 

去完USJ後,我覺得Express Pass唔係好抵買同埋幾麻煩,因為要限定某段時間前往某些遊戲設施,但其實成日Harry Potter園區都唔係好多人可以隨便進出,而且禁忌之旅同Minion乘車遊,最長排45min就可以玩,黃昏時更是不用排隊任入場即玩,另外其他的娛樂設施都是等5至10min就有得入內,根本完全不用出動張Express Pass,所以除非是旺季,或是只有短暫的遊玩時間,否則我不建議買Express Pass。

參觀時段: 全日
入場價錢: 每人14200日圓
評分: 值得去5  
  0 個留言    |  加入你的留言
阿佛
59篇遊記
大阪自由行2017 (日本)
(旅程日期: 2017-05-06 至 2017-05-10 ,  旅程性質: 消閒度假)
 整個旅程  (共25篇遊記)
 分享至Facebook 
發表日期: 2018-03-23

今日Day 3行程要前往Universal Studio,於是決定今早在酒店房間快食早餐,爭取時間早些出發。

 

昨天由奈良回大阪時路經黑門市場,買了兩包士多啤梨做早餐,兩包加埋都是1490yen超抵食呀!!!去日本旅行我必買士多啤梨大吃特吃,因為超方便洗一洗便可以即食,而且又甜又香,大部分時間不會令人失望。我們還試了貴一點但超可愛的粉紅色’淡雪’,不過味道還是紅色的較甜。

 

另外在Swissotel的車站入口旁,就有一間Krispy Kreme Doughnuts,買了一盒三個620yen,香甜可口又鬆軟,配上香濃的咖啡實在是絕佳的早餐。久違了的味道,只是香港Krispsy Kreme的分店都全結業了,所以每次去日本有機會都要重温一下。

每人消費: 約310日圓 (早餐)
評分: 味道5   服務4   環境4   衛生4   抵食4
  0 個留言    |  加入你的留言