Handsome XO
我是Handsome XO。 我最喜愛到日本旅遊 , 最鍾意遊覽主要地標, 住宿通常會揀4星酒店。
留言  留言給此旅遊家
  遊記數目 83
  上載相片 2909
  上載影片 2
最近分享過的旅程
2017京阪神六天遊
國家/地點: 日本
旅程日期: 2017-11-08 至 2017-11-13
2017台灣婚禮三天遊
國家/地點: 台灣
旅程日期: 2017-04-20 至 2017-04-23
2017溫馨家庭大阪四天遊
國家/地點: 日本
旅程日期: 2017-02-23 至 2017-02-26
東京豪食三日兩夜自由行
國家/地點: 日本
旅程日期: 2016-09-09 至 2016-09-11
2016鑽石公主郵輪東瀛遊
國家/地點: 日本, 俄羅斯
旅程日期: 2016-08-30 至 2016-09-09
2015台北怒食三天遊
國家/地點: 台灣
旅程日期: 2015-11-18 至 2015-11-21
2015北海道火車地鐡自遊五天行
國家/地點: 日本
旅程日期: 2015-10-21 至 2015-10-25
布吉島婚宴三天遊
國家/地點: 泰國
旅程日期: 2015-02-11 至 2015-02-13
2014Crystal郵輪東瀛遊
國家/地點: 中國, 日本
旅程日期: 2014-02-10 至 2014-02-22
東京狂食狂購三日遊
國家/地點: 日本
旅程日期: 2014-03-07 至 2014-03-09
共找到 83 篇遊記, 正顯示第 1 至 10 篇遊記
2017京阪神六天遊 (日本)
(旅程日期: 2017-11-08 至 2017-11-13 ,  旅程性質: 飲食購物)
 整個旅程  (共2篇遊記)
 分享至Facebook 
發表日期: 2018-12-18

119日():京都的第二天

肥肥家族初遊京都,對歷史悠久嘅前日本首都頗為陌生,印象中只係市內好多寺廟,所以姨媽就提議不如參加半天巴士遊,唔洗行太多路又可以睇啲最具代表性嘅景點。由於旅行團朝早八點就要集合,XO仔就訂定京都得奬品牌「Flavor's」嘅千層蛋卷俾大家做早餐,只可惜質素遠低於預算,令團友們都大感失望

坐咗四個鐘頭巴士,遊過「二條城」、「金閣寺」、「京都御所」後,九子就去咗酒店與落車處中間位嘅「モリタ屋JR京都 伊勢丹店」(Moritaya)食咗頓正爆油燒和牛午餐。飯後就轉由哥哥帶路狂購多輪京都限量版精品。全日最有驚喜都要數當晚喺「よねむら」(Yonemura)嘅潮派法國大餐,大廚喺法式料理混入咗不少和食精髓,美鐉組合新穎可口,感覺就好似味蕾都去咗次旅行咁,食得實在暢快!
得奬冇理 ok喇2018-12-18
每個蛋糕都有獨立氣珠膠及紙盒包裝,非常穩陣
每個蛋糕都有獨立氣珠膠及紙盒包裝,非常穩陣
每個蛋糕都有獨立氣珠膠及紙盒包裝,非常穩陣
每個蛋糕都有獨立氣珠膠及紙盒包裝,非常穩陣
Flavor's
Flavor's
詳細保溫、解凍及食用說明
詳細保溫、解凍及食用說明
ミルクレープロール抹茶(“Milk Crepe Roll Matcha”;1,242円)
ミルクレープロール抹茶(“Milk Crepe Roll Matcha”;1,242円)
ミルクレープロール抹茶(“Milk Crepe Roll Matcha”;1,242円)
ミルクレープロール抹茶(“Milk Crepe Roll Matcha”;1,242円)
ミルクレープロール プレーン(“Milk Crepe Roll Plain”;1,242円)
ミルクレープロール プレーン(“Milk Crepe Roll Plain”;1,242円)
單據
單據

閒來翻閱旅遊雜誌時,發現京都一家西餅店「Flavor's」以其抹茶味牛奶千層蛋卷「ミルクレープロール抹茶」榮獲「日本ギフト大賞 2016 京都賞受賞」,無奈店子只接受早成個月前之本地網購,故當時都只係影咗幅相做記錄。咁啱暑假期間,姨媽們提議入秋去京都玩喎,XO仔即諗到可以訂黎做早餐試試,點知細佬玩極都訂唔到,結果幾經艱辛,托酒店先成功購下蛋卷,並代為冷藏儲存,直至九人抵達酒店再轉交到手。

每個蛋糕都有獨立氣珠膠及紙盒包裝,非常穩陣。亦有詳細保溫、解凍及食用說明,但就只有日文一個語言。細佬所訂o既兩款原味及抹茶味牛奶千層蛋卷連稅單售1,242円,網購另加972円運費及324円手續費。

1)      ミルクレープロール抹茶(“Milk Crepe Roll Matcha”;1,242円):解凍後o既抹茶味牛奶千層蛋卷質感濕潤過腍,忌廉厚濃溜滯,但蛋卷卻淡而無味,一丁點甜意都冇,當真唔明解如何可贏得奬項,莫非係對手太弱?!

2)      ミルクレープロール プレーン(“Milk Crepe Roll Plain”;1,242円):講真原味牛奶千層蛋卷除咗同抹茶味唔同色水之外,基本上兩者連味道都差唔多,不吃也吧。

小肥一向對日本版o既西式甜品都幾有信心吓,但今次花盡精力早於兩個月前網購所謂得奬o既「Flavor's」抹茶味牛奶千層蛋卷只有包裝最好睇,一啲都唔好食,也太令人失望透了
每人消費: 約560日圓 (早餐)
評分: 味道1   服務1   環境3   衛生5   抵食1
旅遊巴士站
旅遊巴士站
二條城
二條城
二條城
二條城
抹茶味生啤
抹茶味生啤
金閣寺
金閣寺
金閣寺
金閣寺
紅葉
紅葉
京都御所入門証
京都御所入門証

經好友介紹於VELTRA旅遊網選購巴士遊,比拼過各行程嘅簡介、時間表、亮點及價格後,XO仔就揀咗每位6,400円嘅「【京都巴士遊】二條城 + 金閣寺 + 京都御所」。

八點十分先憑電子發票於「AVANTI Sunrise Tours櫃檯」取票,再跟指示行去巴士站,相當方便。旅遊巴準八點二十五分開車。日藉導遊全程以英語解說,由於自己讀書時代歷史同地理都肥哂佬,所以聽得都幾辛苦吓;哈哈,後尾仲索性淨影相,唔聽書添。三個景點中最靚就係「金閣寺」,但係人山人海,真係好難影到靚相。「金閣寺」除咗寺廟夠金,就連下面嘅湖水都特別清澈,好多龍友影咗相都話「金閣寺」及其湖中嘅倒影一模一樣,實難辨真假咁話。小肥一向對觀景都不甚興趣,反而喺景點內嘅商店買到不少有記念價值嘅精品及手信,不過最搞笑就係居然見到有抹茶味生啤飲,認真棧鬼。

計落條數,平均2,100円左右去一個景點,包哂入場費同交通費,仲有人開路及解說一番,這個到此一遊唔算貴囉。
推介項目: 金閣寺
參觀時段: 早上
入場價錢: 每人6400日圓
評分: 值得去4  
モリタ屋 JR京都 伊勢丹店 Moritaya JR Kyoto Isetan Store
モリタ屋 JR京都 伊勢丹店 Moritaya JR Kyoto Isetan Store
モリタ屋 JR京都 伊勢丹店 Moritaya JR Kyoto Isetan Store
モリタ屋 JR京都 伊勢丹店 Moritaya JR Kyoto Isetan Store
油燒和牛有三種食法:原汁原味、檸檬醬油、蘿蔔蓉混醬油
油燒和牛有三種食法:原汁原味、檸檬醬油、蘿蔔蓉混醬油
前菜
前菜
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)

去旅行揀地方食飯,不外乎經親友介紹或跟隨旅遊網、書籍或雜誌推廣。舊年遊京都時,第一個午餐就去咗超閃旅遊書介紹嘅「モリタ屋」(Moritaya);全因為睇到於明治二年創業嘅餐店擁有自家牧場,壽喜燒及涮涮鍋均只限供應極品京都和牛

モリタ屋」有多間分店,細佬當然係挑選咗間離酒店最近,唔洗行出街,步行只需五分鐘嘅「JR京都伊勢丹分店」啦!雖然人多要訂位兼訂埋指定午市套餐,幸得酒店幫忙,XO仔又預足時間,來回幾次電郵迅即搞掂,極之簡易。九人仲被安排入座窗邊最佳位置,一邊進食可一邊欣賞藍天白雲下嘅京都鐵塔及靚景,真爽!

店子午市套餐可選牛扒、壽喜燒、涮涮鍋、或油燒,價格以和牛級數而定。深知家人都怕極級和牛超強嘅油份,故小肥亦只為各人揀咗中間價位嘅「」及「竹」。原本全部人都要點食同一款套餐架,好彩酒店成功爭取到四加五嘅組合,家人方才可以分批試壽喜燒及油燒京都牛,當真感激酒店及餐廳雙方都咁通情達理

翻閱桌上嘅餐牌時,發現原來午市仲有個「最高的飯菜」之「極み」(一人前 10,260円)午餐,包齊五色冷盤、和牛頭盤、和牛壽司、特選壽喜燒、涮涮鍋、油燒、湯、飯及甜品。不過講真除咗肥肥家族三大壯漢可以食得哂整份「極み」之外,相信其他長輩都未必有能力一人食一份;嘻嘻,等下次再黎京都時先叫黎試試。

可能負責我地張枱位嬸嬸諗住溝通會有問題,起初佢都有少少冷淡,但之後聽到小弟可以簡單日語對答後,即變得好客得多。佢解釋話食物一般都會由食客自己燒煮,不過得知席上冇人有食油燒和牛嘅經驗,佢就好好心機地重複示範咗兩次,細心得很。並教路食油燒和牛有三種食法:第一種係原汁原味、第二種係點檸檬醬油、第三種就係XO仔誤以為係薯蓉嘅蘿蔔蓉混醬油;個人覺得第三種蘿蔔蓉混醬油清新解熱得最合襯。

午餐順序由前菜食起,指定項目有清脆嘅薯仔及鮮嫩嘅蟹肉沙律。「」級套餐比「竹」級貴少少,所以前菜都多咗舊。。。惹味嘅燒和牛

オイル焼き「松」(5,724円):燒煮前,京都和牛色澤鮮紅,雲石紋理分明,油脂分布均勻,賣相超掂!嬸嬸教話以慢火燒至底部油份有聲出,邊邊位開始轉色,即可返轉燒埋第二面。小肥食牛一向越生越愛,意外地今次件五六成熟嘅油燒和牛肉質鬆爽,咬落更覺肉汁豐盛,肉香甜美,正爆!跟餐仲有一大盤色彩繽紛,新鮮爽脆,好睇又好食嘅蔬菜。另附清新醒胃嘅漬物及暖胃嘅白飯同麵豉湯。飯後再以一杯熱茶及爽甜嘅生果作結,腸胃確真大滿足

好多謝超閃旅遊書咁好介紹,讓肥肥家族認識到「モリタ屋」,輕鬆舒適地初次品嚐到油燒京都和牛。餐店環境優雅有景睇,抽氣足,服務生友善,油燒京都和牛絕對貨真價實,食到長輩們都話要推薦俾親友,証明夠堅!

推介菜式: 油燒和牛(オイル焼き「松」)
每人消費: 約6390日圓 (午餐)
評分: 味道5   服務4   環境4   衛生5   抵食4
Sanrio Gallery Kyoto 之倒掛 XO
Sanrio Gallery Kyoto 之倒掛 XO
節令紅莓特飲餐牌
節令紅莓特飲餐牌
節令紅莓特飲餐牌
節令紅莓特飲餐牌
節令紅莓特飲餐牌
節令紅莓特飲餐牌
螢光幕顯示電子單據
螢光幕顯示電子單據
Raspberry White Chocolate Frappuccino(580円/Tall)
Raspberry White Chocolate Frappuccino(580円/Tall)

每次去日本濕平收穫都會好豐富。今次買得最盡興都應該係喺四条河原町「Sanrio Gallery Kyoto」血拼京都限量版XO同哈囉貓手信。購物完就行咗去隔離間星巴克咖啡屋スターバックスコーヒー」(Starbucks Coffee),買咗杯節令紅莓特飲

咖啡屋全球大部份嘅分店裝修佈局都差唔多,就連用上嘅餐桌椅櫈都係同一款式,唯一不同就係收銀處有個大螢幕顯示出賬單內容,不過唔係數目字就係日文,外國人絕對有機會睇唔明

Raspberry White Chocolate Frappuccino580/Tall):小肥初嚐之「紅莓白朱古力星冰樂」紅白嘅外表極富聖誕色彩,星冰樂香甜鮮美,頂面嘅紅莓脆脆清新醒神,就連忌廉都白滑過人,掂呀!
推介菜式: Raspberry White Chocolate Frappuccino
每人消費: 約600日圓 (下午茶)
評分: 味道5   服務5   環境3   衛生4   抵食5
室內環境
室內環境
以白酒杯飲日本清酒,碰杯都碰得潮過人
以白酒杯飲日本清酒,碰杯都碰得潮過人
Mushroom croquette; Snapping turtle soup
Mushroom croquette; Snapping turtle soup
Steamed glutinous rice with crab
Steamed glutinous rice with crab
Meuniere of flounder
Meuniere of flounder
Cold served pasta
Cold served pasta
Wagyu beef steak with garlic peanut sauce
Wagyu beef steak with garlic peanut sauce
Today's Chef's Dinner
Today's Chef's Dinner

其實肥肥家族遊京都前,早一年嘅聖誕表妹舉家已經去過玩,所以小肥喺編排飲食行程前都好醒目地向佢索哂料。由於大家旅遊性質唔多同,表妹要照顧多位小朋友,而XO仔只需為一眾長輩們挑選美食,結果喺佢介紹幾間餐廳入面只能揀出潮派法國大餐「よねむら」(Yonemura)。

餐店為兩層高嘅獨立屋,門牌雖不太起眼,但只要有哥哥帶路就唔洗慌。步入正門,必先經過和風小花園。入到餐廳即變得洋化得多,四周圍都係木造嘅傢俬,光鮮涼爽。地下右方為吧枱,食客可邊食邊與廚師們互動一番。樓上廂房私人空間足,聽唔到樓下任何聲音,最緊要係有專人服務,絕對貼身稱心

細佬啲日文屬有限公司,好彩有酒店代勞幫忙訂座,唔係相信都未必會聽得明九人嘅派對必須於廂房內進行。晚餐全權由大廚發辦,每位16,000円,並無他選。既然唔洗傷腦筋點食物,大家就應推介以日本清酒配潮派法國菜。。。冇錯,相中以白酒杯載住嘅係日本清酒,仲要係京都出品;嘻嘻,係咪碰杯都碰得潮過人呢?!

廚師除咗喺佳餚設計上花下心思之外,就連碗碟配套都一絲不茍。整套齊備嘅餐具都已擺放喺面前,各人更有自己嘅一小碗薄荷葉清水供洗手之用,衛生非常。

1)      Tomato & Pear Salad, topped w/ boiled lobster; Fig, young Japanese amberjack & raw ham; Toast topped with mussels & kelp:應建議逆時針方向由左邊起最淡嗰件食起:第一件龍蝦蕃茄沙律球清新潤甜;第二件無花果火腿鰤魚卷爽脆中滲出咸香;第三件昆布青口多士則香濃惹味,各有特色。

2)      Mushroom croquette topped the beef tongue stew w/ fennel sauce; Snapping turtle soup:以公雞靚碟承載嘅菜式原來一啲雞嘅成份都冇。右手邊嘅蘑菇炸球新鮮熱辣,外皮金黃香脆,芝士菇餡芳香味佳,頂面淋上腍滑嘅汁煮牛脷,組合新穎可口,再配上左手邊茶杯入面嘅擬鱷龜湯,更覺清甜暖胃。意外地,擬鱷龜湯一啲腥味都冇,唔講真係未必會估到係用所燉製。

3)      Steamed glutinous rice with crab:個人覺得此乃晚餐其中一個亮點。鮮蟹糯米飯不單有鮮橙美艷,幼嫩鮮甜嘅蟹肉蟹籽擔當主角,就連小碗底層嘅配角蒸糯米飯都粒粒飽滿晶瑩,煙韌潤澤,堅掂

4)      Gratin of Oyster焗蠔肥美滑溜,厚潤鮮香。

5)      Meuniere of flounder with red wine & citrus pepper sauce & steak of turnip:潮派極都唔可以忘本,食法國大餐當然係要多舊魚啦,嘩卡卡!「よねむら」客奶油香煎比目魚可以稱得上為整頓晚餐最傳統嘅一味。比目魚白滑嘅魚肉鮮嫩無比,魚皮巧薄香脆,點上碟底嘅紅酒黑椒酸汁確真清新醒胃。

6)      Cold served pasta with surf clam, avocado, salmon roe & soft-boiled quail egg:西餐中嘅意粉通常都係熱食,今次師傅明顯係混入咗日式冷麵嘅構思製出凍食意粉意大利粉麵條修長軟潤,師傅專登將色彩繽紛嘅食材,包括蜆肉蕃茄生洋蔥紫菜絲牛油果、及三文魚籽舖喺意粉面,再以小匙羮另上完隻流心鵪鶉蛋,好等貴客可自行混製意粉。XO仔可謂粗人一個,三兩吓手勢就成功撈起意粉潮派海鮮撈起冷意粉集鮮香、濃郁、惹味、清新、爽脆、柔軟、潤滑於一身,口感味道豐富得黎毫不溜滯,超正

7)      Wagyu beef steak with garlic peanut sauce:食過多味海鮮後,終於輪到靚靚和牛出場(細佬嗰份係走咗花生嘅,但賣相冇分別)。如相所示,三、四成熟嘅和牛色澤粉嫩紅潤,靚牛鬆軟得黎半溶於口中,每人三件份量剛剛好。

8)      Curry Rice:食和牛時加配一碗咖哩飯,效果醒神暖胃,真係估佢唔到會咁襯喎!

9)      Green perilla and blood orange sorbet:甜品環節前先有連隻杯都冰凍過人嘅雪葩,為味蕾洗滌一番。大家飲咗酒後其實都冇乜再點睇過個餐牌,所以見到杯中綠色嘅雪葩時個個都以為一定係綠茶味。。。點知食完第一啖,口腔卻洋溢著紫蘇香,之後再見到個底原來另有乾坤,藏著清新芳香嘅血橙味雪葩,方才搵返個餐牌對應一吓,發現橙綠組合係紫蘇味及血橙味雪葩。小肥才疏學淺,去到京都食法國餐先認識到「紫蘇」嘅英文乃「green perilla」,又上了一課

10)  甜品兩部曲先有皮脆鬆軟嘅泡芙伴朱古力忌廉

11)  生果拼盤食唔少,不過有邊個會諗到生果可以跟雪糕朱古力醬以一隻西式透明玻璃碟上呢?!碟上嘅無花果提子已起核,混入埋球雲尼拿雪糕朱古力醬黎食,清甜涼快又潤滑,仲一啲都唔溜添,吃畢絕無罪惡感。

12)  一頓完整嘅法國餐以一杯特濃咖啡作結就最完美不過。

非常感激表妹極力推薦「よねむら」,讓肥肥家族於京都可欣賞到一場咁精彩細膩嘅潮派法式料理。餐店裝潢整潔簡樸,服務生客套友善,混入咗不少和風元素嘅菜式味佳又美觀,直令味蕾驚喜不絕,16,000円一位絕對係物有所值,XO 仔覺得店子實屬京都必食之列
每人消費: 約18000日圓 (晚餐)
評分: 味道5   服務5   環境4   衛生5   抵食5
  0 個留言    |  加入你的留言
2017京阪神六天遊 (日本)
(旅程日期: 2017-11-08 至 2017-11-13 ,  旅程性質: 飲食購物)
 整個旅程  (共2篇遊記)
 分享至Facebook 
發表日期: 2018-11-30

2017神六天

姨媽們近年尾都會回港一段時間,期間更會出一出門,遊玩一番。因得知肥肥家族於年頭喺大阪玩得好開心,所以就命小肥兩兄弟安排一次京阪神之旅。哥哥為是次六天東瀛遊再次選乘「」早機去、晚機返。

 

118日(

京阪神六天遊出發當日,八口子又再次遇上航班稍為延誤,幸好「」新增之貴賓室「遨堂」設備齊全,餐飲亦不錯,有要求嘅長輩們都滿意到毫無掃興之感

到達關西國際機場後就直接搭「HARUKA」列車去最遠嘅京都。哥哥早已於車站樓上嘅「Hotel Granvia」訂好房間,安頓好行李後大家都急不及待外出覓食。由於難以掌握抵京時間,首個晚餐只能誤打誤撞地一試可容納八人嘅日本餐店「すき焼き炭火居酒屋北斗」。講真食物質素認真麻麻,加上可能人多冇訂位,又令到服務生遲咗收工啦,服務態度更可用一個「劣」字黎形容,家人飯後都話唔會有下次,唔怪得知成條街只有佢一家有位囉,旅程第一個晚餐也太令人印象深刻了!不過都可算為好事,因為真係好難遇上更差的。。。
香港航空貴賓室 - 遨堂
香港航空貴賓室 - 遨堂
香港航空貴賓室 - 遨堂
香港航空貴賓室 - 遨堂
四周可見不少鮮花綠葉作擺設
四周可見不少鮮花綠葉作擺設
酒吧及飲品
酒吧及飲品
自助餐飲
自助餐飲
自助餐飲
自助餐飲
點心早餐
點心早餐
招牌雞蛋仔
招牌雞蛋仔

肥肥家族對「香港航空」情有獨鍾,今次同行嘅全為七旬長輩,為咗大家都可以舒舒服服,哥哥就訂購好較闊落嘅商務機位,諗住候機時可以佗佻地享用貴賓室嘅餐飲及設施,即使遇上延誤都唔洗太過狼狽或掃興。

記得上次仲去緊藏於地下室間「紫荊堂」貴賓室,真係估唔到航空公司可於三年內增設第二間貴賓室,仲升埋上樓,淨睇門面已覺樓底更高,面積更寬廣。唯一有少少失望就係見唔到「紫荊堂」嗰個懷舊磅重機

如果唔係有哥哥介紹,XO仔根本唔會留意到兩間貴賓室嘅中英文名都完全唔一樣,新貴賓室「遨堂」其實係已拉丁文「Autus」起名,意味著「香港航空」正「豐盛成長」,故室內設計亦以此為題,四周可見不少鮮花綠葉作擺設,有意思極!光鮮光猛嘅貴賓室極富空間感,到處都有舒適嘅梳化椅櫈及用餐散座,人多都唔覺嘈吵或逼人。電腦區有多個差電插頭、幾部電腦及傳真打印機。小朋友仲可以揀坐彩色高櫈添,設備確真齊備。

室內嘅餐飲均為自助式,望落乾淨企理,衛生非常。餐具全擺放於中間嘅小涼亭內。飲品包冇酒精類嘅咖啡、茶、汽水、果汁及凍熱水。十八歲以上嘅旅客更可向酒保點選限定酒品,生啤都有三款揀架。早上十一點後連雞尾酒都出埋。由於當日遇上航班延誤,細佬同靚靚媽咪先可以飲多幾杯「遨堂」嘅招牌雞尾酒Autus Delight Plus。「Autus Delight Plus」滲透著荔枝嘅清甜及玫瑰嘅花香,很是清新。自助區內之食物中不乏大路嘅沙律、三文治、點心、炒麵、意粉、咖哩、甜品等。XO仔當然係主攻蝦餃同燒賣啦!喺機場食已預咗係叮叮點心,不過燒賣明顯比厚皮蝦餃美味,最正反而係潤滑而不太油膩嘅腸粉同煙韌爽脆嘅炒麵

此外,廚房於不同時段都會提供幾款即叫即製嘅菜式。朝早六點到十一點有三款湯麵及煎蛋或炒蛋。個人推介熱辣辣嘅炒蛋,因炒蛋本身炒得好夠鮮黃香滑,加配埋菠菜火腿蘑菇則更為惹味豐富。碗榨菜肉絲米粉個湯底好清,米粉麵條唔會腍哂,加上榨菜肉絲夠味得黎又唔油膩,屬暖胃嘅輕食。廚房由早上十一點就換上另外五款湯麵,當中有辣有唔辣。最搶手就係貴賓室聞名中午十二點起先出嘅雞蛋仔!由於當真即叫即製,大家記緊要預十五至二十分鐘製作時間。辣手嘅雞蛋仔香脆無比,微甜輕巧,家人邊行去閘口,邊分黎食,一客話咁快就食哂,嘻嘻,下次一定要打孖黎叫

以前離港,家人都唔會太早去機場,但最近身邊有親友因自己遲到而遇上不愉快事件,家中嘅長輩就變得更加謹慎,會預鬆多啲時間,橫掂買咗商務機票可以喺貴賓室享用免費餐飲及其他設施,等耐啲都冇妨。「香港航空」新增嘅「遨堂」貴賓室比起第一個貴賓室「紫荊堂」於各方面都明顯有所提升,真如其名般象徵著航空公司有所成長。「遨堂」環境開揚通爽,設施齊備,自助餐飲款式多,質量亦偏高,室內嘅服務生雖則年輕,但每位同樣友善客套,而且樂於助人,臨行前除咗順祝旅客有個愉快嘅旅程,亦不忘閒談兩句,問及各人對航空公司及貴賓室有否意見,這就是誠意!「香港航空」,肥肥家族支持你
評分: 味道4   服務5   環境5   衛生5   抵食4
香港航空HX 618
香港航空HX 618
餐牌
餐牌
餐牌
餐牌
香檳
香檳
日式冷麵 + 京式素鵝卷
日式冷麵 + 京式素鵝卷
蒜蓉包
蒜蓉包
楊枝桂花凍糕
楊枝桂花凍糕
家鄉沙薑雞球
家鄉沙薑雞球

因為之前已經寫過幾次香港航空商務艙如何舒適服務多麼貼身,故細佬在此都不想多費唇舌再次讚許。講真前幾次航空公司嘅膳食當真有啲參差,今次HX 618同上次一樣都係唔係咁掂。。。

午餐/晚餐仍舊請黎中菜廳海景軒合作,頭盤依然有上次食過嘅「日式冷麵」,但就換上咗「京式素鵝卷」日式冷麵爽涼甜美大概喺飛機上味蕾會冇咁敏感是常識吧,但係個素鵝卷真係好難食吓,除咗淡而無味,質感更加係乾乾嚡嚡,實在太齋了!主菜「家鄉沙薑雞球」完全食唔出有沙薑味,食落似係腍咗嘅唐揚炸雞咁,肉質乾噌噌,非常恐怖成份餐最精彩嘅反而係暖手惹味蒜蓉包同芳香清新楊枝桂花凍糕
評分: 味道2   服務4   環境4   衛生3   抵食3
京都車站
京都車站
Hotel Granvia Kyoto
Hotel Granvia Kyoto
Hotel Granvia Kyoto 大堂
Hotel Granvia Kyoto 大堂
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房

詳盡地翻閱過旅遊書,方才得知於關西機場之二樓JR West站內可以優惠價3600円購買「JR Express Train HARUKA + ICOCA 卡」,包HARUKA」列車前往京都市中心及鐵路儲值咭一張。HARUKA」由關西機場往京都車站只需約76分鐘,相當快捷及舒適。哥哥所訂嘅酒店「Hotel Granvia Kyoto」就喺車站嘅樓上,路牌清晰,唔洗行出街又可以行得到,實在太方便了!

酒店客房寬敞衛生,空調充裕,大牀舒服,浴室亦光猛潔淨,日用品及茶等應有盡有,配套十分齊全,大家都好滿意。
每晚價錢: 41200日圓 (雙人房)
評分: 設備4   服務5   環境4   衛生5   抵住4
不可一! 哭臉2018-11-30
すき焼き炭火居酒屋 北斗
すき焼き炭火居酒屋 北斗
餐牌
餐牌
服務生態度差劣
服務生態度差劣
薯片小食(免費贈送)
薯片小食(免費贈送)
牛すき特上盛り(一人前 2,290円)
牛すき特上盛り(一人前 2,290円)
肉吸い仕立ての京風湯豆腐(790円)
肉吸い仕立ての京風湯豆腐(790円)
串燒
串燒
山椒から揚げ(690円)
山椒から揚げ(690円)

入夜後嘅京都街道上唔係太多人,反而沿路經過嘅所有餐廳都已滿座,唯一只有兩層高嘅「すき焼き炭火居酒屋 北斗」有位,眼見大家都餓到冇力再行,團長即決定一試。

八口子被安排入座樓上嘅合併式散座。話就話係包哂全層,因為當晚冇乜人幫襯,但埋位後想搵個店員都難,就連廚房仔同水吧都係吉嘅。不過搵到人都唔代表係好事,因明顯我地喺度阻住人家玩電話,應該都阻住埋佢收工嗰隻,其黑面及極不誠懇之態度可真係日本之最劣呀

飲品餐牌共有四頁之多,除咗有大路嘅日式汽水、果汁、清酒等之外,當中仲有多款洋酒及雞尾酒可選。八頁食物餐牌附有彩圖,日英對照,簡單易明。

1)      小食(免費贈送):等待廚房烹調晚餐時,先有巧薄脆脆嘅薯片送酒,真係冇諗到成晚最好食就係依碟免費送嘅薯片

2)      牛すき特上盛り(一人前 2,290円):全店均用上炭爐煮製壽喜燒,睇頭十足!雖然只係叫咗兩客一人份嘅壽喜燒,不過每人都有隻蛋黃鮮美嘅靚靚日本蛋。配料有廚房特選嘅蘋果蓉及解熱嘅蘿蔔汁。壽喜燒套餐包有一盒特上級「吟味重ねた國產上貨牛」(即和牛吧?!)及一盤雜菜。和牛主色鮮紅,但單睇紋理即覺油脂分佈唔得均勻,加上牛肉切得唔夠薄,煮熟咗後肉質偏韌難咬,唔得軟腍滑溜,長輩們要同牛牛做手術小肥亦冇話可說,實不能推介。成份餐最正常就係煙韌彈牙嘅烏冬,索哂啲壽喜燒汁則甜美可口。

3)      肉吸い仕立ての京風湯豆腐(790円):以煲仔上嘅豆腐湯熱力十足,豆腐都好嫩滑,無奈湯底唔多夠味,頂面啲牛腩更加係集乾、嚡、厚、硬於一身,絕對食唔過。

4)      牛ステーキ大串(590円):正當大家對壽喜燒及豆腐煲已大失所望時,食串燒時先知曉個壽喜燒其實算係店內好食嘅菜式,因為第一款牛扒大串燒韌到就連碗都可以咬崩嘅大肥爸爸都扯唔開,也太驚嚇了吧?!

5)      鶏もも大串(540円):串燒雞肉雖則用上黑肉燒煮,食落都叫做有啲肉汁,不過可能雞肉較大件,啲肉就實咗啲,認真麻麻!

6)      豚バラ串(540円):試埋豬排肉串燒,即可確認大廚燒功都幾九流吓,豬肉乾噌噌、嚡霎霎,真係後悔每款串燒都叫咗咁多條囉!

7)      山椒から揚げ(690円):最後上嘅炸雞一樣唔多掂,但到咗依個地步小肥已再無餘力去彈啲餸菜。。。

肥肥家族東瀛遊最享往就係食同買,勢估唔到是次京阪神之旅第一晚居然遇上眾人都覺得「不可一」嘅「すき焼き炭火居酒屋 北斗」。餐店環境還好,上層散座寬廣開揚,食物菜式價格唔算貴,但質素偏低,最要不得就係劣等之服務態度。。。嘻嘻,XO仔個人比較阿Q,第一餐水準咁低,之後咪即係只會更好囉!
每人消費: 約3800日圓 (晚餐)
評分: 味道1   服務1   環境3   衛生3   抵食1
  0 個留言    |  加入你的留言
2017台灣婚禮三天遊 (台灣)
(旅程日期: 2017-04-20 至 2017-04-23 ,  旅程性質: 飲食購物, 探訪親友, 慶祝節日)
 整個旅程  (共4篇遊記)
 分享至Facebook 
發表日期: 2018-10-18

423日(陰)

參加完週六晚表弟嘅婚宴,香港代表嘅親友大多都揀週日離台,肥肥家族亦不例外,因週一可照常返工。為咗唔好要父母太趕,當日就特選國泰航空下午航班回港。中午辦理好退房手續後,一行八人先喺「邊田庄」享用過花藝午餐,方才慢慢前往桃園機場。

好彩每次同父母旅遊都會選搭商務位,候機時可於貴賓室邊飲邊食邊等,不過就真係估唔到當日CX409班機一再延誤,原本八點機抵港居然要等到半夜點幾先返到屋企。。。
邊田庄
邊田庄
裝潢仍是那麼雅麗堂皇
裝潢仍是那麼雅麗堂皇
油淋去骨雞(NT 380)
油淋去骨雞(NT 380)
淮陽小籠湯包(NT 180/八隻)
淮陽小籠湯包(NT 180/八隻)
紅燒獅子頭(NT 360)
紅燒獅子頭(NT 360)
酥炸蒜香肥腸(NT 380)
酥炸蒜香肥腸(NT 380)
培根梨山高麗菜(NT240),鹹蛋山苦瓜(NT 260),雞汁娃娃菜(NT280)
培根梨山高麗菜(NT240),鹹蛋山苦瓜(NT 260),雞汁娃娃菜(NT280)
冰花楓糖露(免費贈送)
冰花楓糖露(免費贈送)

上次與家人訪台時,其中一間令長輩們留下美好及深刻印象嘅餐廳就係「邊田庄」,所以今次婚宴之旅結束前都想再度光顧

闊別一年多,餐店仍用上美艷嘅鮮花裝飾,環境依然典雅華麗,衛生舒適。此外,年輕嘅服務生一樣溫婉好客,細心體貼。

眼見餐牌上嘅菜式冇變,就連價格都未有提升,XO仔就好放心地翻點之前覺得美味嘅鎮店佳餚,另加幾款青菜

1)      芝麻牛蒡(NT 280):唯一保持水準嘅芝麻牛蒡修長香脆,輕巧易入口

2)      油淋去骨雞(NT 380):第一次黎時,去骨雞明明以藤篩承載住,淋上嘅油都會慢慢滴落藤篩底嗰隻碟上,但今次卻換上平平無奇嘅白碟上,雖然旁邊都插有兩朵鮮花,但就少咗份田園味道,外表不及之前震撼,細佬因有比較下就覺得差咁啲野囉。如果唔理外表的話,平心而論,其實油淋去骨雞肉質仲係咁香嫩潤滑,食落惹味得黎一啲都唔油膩。

3)      豆酥鮮蚵豆腐(NT 280):因自己對餸菜太有信心,所以未有拍下太多照片,包括依味豆腐在內,還望大家見諒。以熱鍋燒住上嘅豆酥鮮蚵豆腐夠就夠新鮮熱辣,但同上次比鮮蚵份量就明顯少咗,而且不再肥美。

4)      淮陽小籠湯包(NT 180/八隻):小籠湯包依舊以木盒呈上,上枱時木邊可見蒸煮後留下嘅倒汗水。如相所示,細小嘅湯包皮層偏厚,入面唔多夠湯汁之餘,個豬肉餡心更略為嚡口同冇味,也太失敗了

5)      紅燒獅子頭(NT 360):以熱鍋上嘅紅燒獅子頭一客有四件。相中可隱約見到獅子頭呈深啡色,但係要食落先講得出獅子頭太瘦,因為用得唔夠肥豬肉就變得乾乾嚡嚡,不吃也吧!

6)      酥炸蒜香肥腸(NT 380):酥炸肥腸擺盤同之前一樣,只係當對比新舊照片時就知份量少咗,面對通貨膨脹,人家將貨就價都好應該。問題係炸大腸雖則香口,但咬落質感偏韌,質量可謂大不如前

7)      培根梨山高麗菜(NT240):因為今次同行嘅家人都鍾意食菜,所以就點多咗幾款青菜,其中此味高麗菜色澤翠綠,入口清新爽脆,實屬正菜也

8)      鹹蛋山苦瓜(NT 260):黃金苦瓜喺香港就食得多,台灣版鹹蛋山苦瓜同港式黃金苦瓜最大不同之處就係個鹹蛋山原來係鹹蛋黃醬黎嘅,故效果較為輕巧。切成幼絲嘅苦瓜極之爽脆,混入鹹蛋黃醬食可真甘香味佳。

9)      雞汁娃娃菜(NT280):滾住上嘅娃娃菜清甜軟腍,奶黃色嘅雞湯底香濃甜美且毫不油膩,盡顯簡單美

10)  冰花楓糖露(免費贈送):冰花楓糖露芳香潤喉,清涼微甜,雖免費贈送但都絕無欺場。

隔別一年多後重返「邊田庄」午膳,餐店嘅裝潢仍是那麼雅麗堂皇,服務亦保持優質,雖則價格未有增長,但幾款鎮店菜式如「酥炸蒜香肥腸」、「淮陽小籠湯包」、「豆酥鮮蚵豆腐」嘅擺盤及質量似乎就有所下降,直令花藝廚莊失色不少。。。
推介菜式: 芝麻牛蒡,油淋去骨雞,培根梨山高麗菜,鹹蛋山苦瓜,雞汁娃娃菜,冰花楓糖露
每人消費: 約600新台幣 (午餐)
評分: 味道3   服務5   環境5   衛生5   抵食4
飲好過食 ok喇2018-10-18
開放式廚房及吧位
開放式廚房及吧位
飲品牌
飲品牌
Bubble Milk Tea
Bubble Milk Tea
螢幕顯示出CX 409航機一再延誤
螢幕顯示出CX 409航機一再延誤
燒賣,生煎包,湯米粉
燒賣,生煎包,湯米粉
蕃茄蛋沙律三文治
蕃茄蛋沙律三文治
素餃
素餃
美國Michelle汽酒
美國Michelle汽酒

國泰航空設於桃園國際機場嘅貴賓室面積寬廣開揚,最重要係冷氣足,故極為舒適。貴賓室除咗有電腦室同梳化客廳之外,最受歡迎就係個自助餐廳區。

用餐區有多張合拼式及卡位散座,落單處旁仲有一列圍繞住開放式廚房嘅吧位。肥肥家族原本已有打算返港後先食晚餐,所以都係飲住等,後因螢幕顯示出航機一再延誤,見唔係太對路就去咗餐廳度邊食邊等,飲完奶茶再轉飲埋酒

1)      Bubble Milk Tea:台灣出品嘅珍珠奶茶香滑清涼,冇得頂呀!

2)      燒賣:燒賣應該係即食貨式,雖然唔及平時飲茶嗰啲好食,不過就係個貴賓室入面最好食嘅點心,叫做可以頂得住。。。

3)      蕃茄蛋沙律三文治:三文治個包不單硬,而且仲勁乾同嚡,大肥爸爸連碗都咬得蹦,卻未能咬得爛個麵包,相信唔洗細佬多加形容啦!

4)      生煎包:淨睇相都應該估到個生煎包皮層厚硬,餡少且毫無肉汁,失敗過失敗!

5)      米粉:餐牌上唯一最好食就係碗米粉,因米粉幼嫩,湯底夠清,入面兩粒貢丸又大又惹味

6)      素餃:正當大家都以為個生煎包已經好差嘅時候,食埋個素餃就知原來真係可以更劣嘅!素餃層皮係生煎包兩倍咁厚,質感係就係濕啲,但就黐立立,黏住個口,加上淡而無味,也太驚嚇了!
推介菜式: 山竹米粉,Bubble Milk Tea
評分: 味道2   服務3   環境4   衛生4   抵食3
超嚡晚餐 哭臉2018-10-18
國泰航空商務艙獨立座位
國泰航空商務艙獨立座位
靚香檳
靚香檳
餐牌
餐牌
晚餐
晚餐
巴馬火腿蜜瓜卷伴小龍蝦芥末馬鈴薯沙律
巴馬火腿蜜瓜卷伴小龍蝦芥末馬鈴薯沙律
塔香炒雞球配蛋炒飯及白菜
塔香炒雞球配蛋炒飯及白菜
塔香炒雞球配白菜
塔香炒雞球配白菜
香芒芝士蛋糕
香芒芝士蛋糕

國泰航空商務艙嘅獨立座位闊落且空間感足,不過都係嗰句,機艙冷氣唔夠凍,夜機冇太陽曬住都一樣坐到出哂汗,幸好機上有靚香檳無限添飲,可助XO仔一解熱氣

航班飛行時間只有個幾鐘,但都包咗份簡單嘅晚餐:

1)      麵包:餐包鬆就夠鬆,無奈質感又乾又嚡,塗上牛油都無補於事。

2)      巴馬火腿蜜瓜卷伴小龍蝦芥末馬鈴薯沙律:沙律看似鮮美清爽,可惜巴馬火腿食落淡而無味,除咗啲菜夠爽脆之外,其他乜都好嚡,食到細佬搖哂頭,唯有飲多兩杯自我安慰啦!

3)      塔香炒雞球配蛋炒飯及白菜:小肥可能唔識分辨芥蘭同菜心,但係都可以幾肯定餐碟上嗰條係小棠菜喎。。。「國泰」作為香港代表嘅航空公司,是否理應用返香港人熟悉嘅蔬菜名呢?!單憑相片都應該睇得出小棠菜乾噌噌,咬得真係好辛苦。主角塔香炒雞球惹味就夠惹味,不過啲雞肉好嚡,就連個蛋炒飯都乾硬過人,當真太令人失望了!

4)      香芒芝士蛋糕:甜品香芒芝士蛋糕微甜柔軟,係成份飛機餐中叫做最好味嘅一道。

週四由香港飛台北時所乘坐嘅CX 408班機由傍晚起飛延誤至深夜,最終更被取消收場;週日返港時所選搭嘅CX 409原定於下午四點十分起飛,卻因不明理由延誤成當晚國泰航空最後一班離開台北嘅航班,依啲咪叫做唔老黎囉!商務艙嘅膳食可以話係一般過一般,當中只有香檳啱小弟心水,肥肥家族已決定下次訪台唔會再搭國泰
評分: 味道1   服務3   環境4   衛生4   抵食1
  0 個留言    |  加入你的留言
2017台灣婚禮三天遊 (台灣)
(旅程日期: 2017-04-20 至 2017-04-23 ,  旅程性質: 飲食購物, 探訪親友, 慶祝節日)
 整個旅程  (共4篇遊記)
 分享至Facebook 
發表日期: 2018-09-18

422日(陰)

旅程到咗婚宴嗰日,家人朝早食完個酒店早餐就慢慢行去「這一鍋皇室秘藏鍋物」食晏。路程大約二十分鐘左右,由於預鬆咗時間,大家就好佗佻地邊行邊購物。見識過人氣火鍋後,長輩們就趕返酒店參加斟茶儀式,小肥就孖哥哥同表妹去咗「STAYREAL」血拼一番。滿載而歸後即返回「台北國賓大飯店」,裝好身就上去「樓外樓」參加小表弟迎娶嬌妻之晚宴
台北國賓大飯店 - 明園西餐廳
台北國賓大飯店 - 明園西餐廳
自助早餐
自助早餐
自助早餐
自助早餐
即煎班戟
即煎班戟
搶手餃子
搶手餃子
即煮湯麵
即煮湯麵

早一日喺酒店「行政樓層貴賓廳」度食咗早餐,父母都話想試埋地下「明園西餐廳」個自助早餐,因據悉該處食物款式更多及更精。

「明園」面積明顯比樓上貴賓室大,餐桌座位迫啲,但食物區就多咗啲即叫即煮嘅開放式廚房,包括即煎班戟、煎蛋、炒蛋、湯麵等,質素算係OK合格,正常酒店自助早餐。服務生大多都好忙,不過態度良好,有求必應。
評分: 味道3   服務4   環境3   衛生3   抵食3
這一鍋皇室秘藏鍋物
這一鍋皇室秘藏鍋物
這一鍋皇室秘藏鍋物
這一鍋皇室秘藏鍋物
餐具及圍裙
餐具及圍裙
老火湯(NT 110/人)
老火湯(NT 110/人)
海鮮
海鮮
紅肉
紅肉
福氣粥(NT 100)
福氣粥(NT 100)
乳酪冰沙(免費贈送)
乳酪冰沙(免費贈送)

去台灣玩,家人第一句都會話想食火鍋,上次同班姨媽食過美如藝術般嘅「寬X子」後,今次就決定一試潮流熱店「這一鍋皇室秘藏鍋物」。

人氣火鍋店最與別不同之處就係門面及室內裝修嘅設計都用上兵馬俑作題。正門有迷你水池及木橋,由兵馬俑守門真夠威嚴。推開重重嘅鐵門即見龍椅一張,更顯氣派。用餐大堂所有散座均為方形木造枱櫈,並以屏風隔開,中國風得黎清爽簡潔。四周有不少靚花擺設,感覺甚為雅致。最有古代感就係洗手間門外寫有「男」字及「女」字嘅布簾,認真搞鬼

小肥早已托台灣女朋友訂座,一行九人到步即被安排入座廂房,餐桌上亦早已擺放好茶具。細心一看,方才留意到碗碟茶杯均為翠玉色系列,貴氣十足。每人一塊紅色嘅掛頸紙圍裙,衛生非常。細問下先知原來圍裙上嘅「呷嘎宋嘎」意思原來係「吃得很爽」;好,就睇吓食完會幾爽

厚本餐牌頭幾頁先講解推廣優惠、靚鍋底賣點、幾篇火鍋傳說及鍋品食用秘訣。散點火鍋料項目全伴上彩圖對照,計埋大圖共有十二頁之多。消費指南及細則如最低消費額等,就列咗喺尾頁,有埋圖表夠哂清晰易明。

1)      老火湯(NT 110/人):據餐牌所講,老火湯底以大豬骨、雞骨、豬後腿肉及多款中藥等精髓所燉製而成。奶色嘅老火湯肉味香濃,且傳出陣陣胡椒味,餐前先嚐一碗直令胃口大增。

2)      翡翠鮮蝦滑(NT 380):因為港版蝦滑大多為灰色,所以當見到蝦滑如此皎潔雪白時真係有啲意外。煮熟咗嘅蝦滑爽脆彈牙,鮮甜可口。

3)      黑玉墨魚滑(NT228):同白雪雪嘅蝦滑成對比嘅墨魚滑色澤真係黑得夠哂勻循,幸好咬落柔潤有彈性,是不錯之選。

4)      梅花豬肉(原價NT 268,拼埋「和牛梅花」則可以優惠價NT 10享用):豬肉雖切成薄片,但個人覺得肉質都係偏嚡,如果唔係半送的話一定唔會叫黎食

5)      雪花牛肉(NT 268):砌到一朵花咁嘅雪花牛肉片從紋理睇講真唔多似雪花,色調又唔夠鮮明,食落唔夠軟滑亦冇乜肉香,請恕細佬未能推介。

6)      培根牛肉(NT 338):據餐牌簡介所述,培根牛肉嘅油花分佈應最均勻,但如相所示,碟中嘅白色肥膏全積聚於一邊,個人覺得絕不均勻,煮熟咗亦屬嚡口之列,不吃也吧。

7)      極神仙牛肉(NT 488):多款牛肉中只有兩款啱XO仔口味,其中極版神仙牛肉薄片掛於架上,以乾冰營造出仙氣,外觀最為震撼。神仙牛肉嘅雲石紋就真係表現出靚牛肉嘅油脂如何均勻,即煮即食半溶於口中,肉香軟腍,何其美妙!

8)      和牛梅花(NT 588):第二款靚牛就係最薄巧嘅和牛梅花和牛紅白嘅紋理同極神仙牛肉可謂不相伯仲,講真飲咗幾杯後,兩者質感如何不同已難以分辨,只係覺得好食就夠。

9)      松阪豬肉(NT 328):松阪豬肉片疊成玫瑰花形,這個外表同之前喺「寬X子」食過嘅有八成相似,但「這一鍋」個版本就明顯少配咗個鮮蛋黃醬汁。可能係先入為主嘅關係啦,未黏上蛋黃嘅松阪豬肉雖則夠爽,但就欠缺咗份柔滑,有陣時菜式嘅靈魂就是隱藏在那一點點。。。

10)  鮮跳活蝦(NT 268):小肥一向少食蝦蟹,尤其係當身處於異地時,不過見蝦隻當真係活生生咁喺隻碟上跳來跳去時就不得不拍下照片與大家分享。

11)  半殼扇貝(NT 368):扇貝體積同彩圖一樣咁大隻,烚熟咗仍能保持爽厚嫩滑,正!

12)  青竹蚌(NT 268):睇相已知青竹蚌其實即係蟶子。蟶子原條冰陣上枱,夠哂頭,可惜滾兩滾同滾耐啲蟶子都一樣咁韌,即使味道幾鮮,咬唔到已大打折扣。

13)  五彩鮮蔬盤(NT 198):鮮綠色嘅蔬菜均新鮮爽脆,實屬正菜也!

14)  福氣粥(NT 100):最後加NT 100即可加碗白飯由服務生以鍋底即煮香濃鮮甜嘅福氣粥。雖然九人只可每人分到一小碗,但靚粥極之暖胃,一小碗就已經夠哂

15)  乳酪冰沙(免費贈送):清涼嘅冰沙味道就好似益力多咁多甜微酸,飯後一小枝有助解熱消滯。

台灣人氣連鎖火鍋店「這一鍋皇室秘藏鍋物」裝潢極富中國色彩,格調輕鬆,服務優質,環境又夠衛生。XO仔可能係因有比較下,總覺得「這一鍋」除咗老火湯底福氣粥最有賣點之外,火鍋料反而不及市內其他火鍋專門店,不過其價錢講真同時亦比某幾間便宜,要揀去邊間食就要睇大家追求啲乜野嘅享受啦。
評分: 味道3   服務4   環境3   衛生4   抵食3
STAYREAL 台北南西店
STAYREAL 台北南西店
會員生日月份有禮物
會員生日月份有禮物

同為五迷嘅XO、哥哥同表妹每到台北都必定要一訪STAYREAL」瘋狂掃貨,今次亦不例外三口子襯婚禮前有少少空檔就去咗最近酒店間台北南西店逛逛。

離遠已見門面大大隻加菲貓,唔洗多講大家都知今期目標會係加菲系列嘅產品。嘩卡卡,小肥買咗一大袋,店員即幫忙登記做會員,得知四月正正係細佬生日月份,更送上生日賀禮,小小心意確真暖在心頭,真係好想高歌一曲「最好的一天,最好的一天。。。」
參觀時段: 下午
評分: 值得去5  
婚宴良地 笑臉2018-09-18
鳳梨酥及精美「囍」蜜糖
鳳梨酥及精美「囍」蜜糖
鮮花、糖果、菜譜
鮮花、糖果、菜譜
和風龍蝦沙拉
和風龍蝦沙拉
六喜碟
六喜碟
花好月圓
花好月圓
珊瑚魚翅盅
珊瑚魚翅盅
麻醬鮮鮑
麻醬鮮鮑
茄汁蝦球佐花卷
茄汁蝦球佐花卷

小表弟迎娶嬌妻,舅父特選於「台北國賓大飯店」擺酒大宴親朋。婚宴設於酒店十二樓之「樓外樓」宴會廳,環境高雅得很,四周以鮮花點綴,散發著芬芳及雅致。

除咗靚花擺設及菜譜之外,每席都有糖果及馬仔,寓意甜甜蜜蜜。每位賓客更有鳳梨酥及精美「囍」蜜糖帶回家,一同分享此份甜蜜喜悅

晚宴共有十二道菜,確真豐富:

1)      和風龍蝦沙拉:以蕃茄墊底嘅沙律清新潤甜,喺面疊上爽脆嘅龍蝦及沙律醬,紅當當嘅組合好睇又好食

2)      六喜碟:由服務生續一分配嘅潮派六味喜碟分別為雞件、薄餅捲蛋、炸蠔、銀杏、腐皮卷、及炒年糕,顏色鮮橙奪目,食落均香濃惹味。

3)      花好月圓:意頭咁好,餸名又靚嘅「花好月圓」原來係炸湯丸仔,煙煙韌韌都幾得意。

4)      珊瑚魚翅盅:嘩,魚翅每盅都咁大碗同咁足料,啲成梳喺湯面可謂睇頭十足,認真唔講得笑!靚翅厚而爽潤,湯底亦濃而不俗,正爆

5)      麻醬鮮鮑:清蒸鮮鮑就食得多,以麻醬作鮮鮑嘅調味都係第一次食。鮑魚質感雖則軟腍,無奈麻醬嘅味道實在太搶,所以就唔係好食得出任何鮑魚嘅鮮甜味。

6)      掛爐烤雞:意外地,烤雞外表肥厚,但香脆嘅雞皮下並無太多脂肪,就連雞胸肉都一啲都唔嚡,肉質軟嫩可口。

7)      茄汁蝦球佐花卷甜酸蝦球一人一大隻,體積絕對夠哂大體!咬落層炸皮鬆化乾脆,蝦身更加係爽厚潤甜,個個食到嗦嗦聲,冇得頂呀!

8)      清蒸老虎斑老虎斑魚肉幼嫩滑溜,鮮味無窮。

9)      貝酥油飯:原來「貝酥」乃乾瑤柱個靚名,細佬又上咗一課。油飯粒粒晶瑩飽滿,油潤有光澤,伴上脆身惹味嘅貝酥猶如畫龍點睛,更上一層樓。

10)  鴛鴦美點甜品環節家人都忙於拍大合照,小肥就襯排隊時不停偷食超級香口而且唔係太甜嘅紅豆薄罉

XO仔首次於台灣參加婚宴,有幸於名酒店「台北國賓大飯店」嘅「樓外樓」宴會廳見識到台式婚禮多麼高貴又溫馨,氣氛好好,當中潮派中菜美觀又美味,實在令人難忘。再次恭喜小表弟成家立室,舅父多咗個好媳婦!
評分: 味道4   服務4   環境5   衛生5   抵食4
  0 個留言    |  加入你的留言
2017台灣婚禮三天遊 (台灣)
(旅程日期: 2017-04-20 至 2017-04-23 ,  旅程性質: 飲食購物, 探訪親友, 慶祝節日)
 整個旅程  (共4篇遊記)
 分享至Facebook 
發表日期: 2018-07-06

421日(陰)

肥叔叔早年遷往台北工作,愛飲好食嘅佢每次返港聚餐時都定必會大談食經。得知肥肥家族將飛往台北參加婚宴,佢就提議四口子由台北坐高鐵去一轉台中,一訪由美女廚神開辦嘅法國餐廳「樂沐法式餐廳」,細嚐佳餚已值會票價咁話;講到咁犀利,我地當然係要去見識吓啦

因深知大肥爸爸最怕行路同等車,哥哥早於出發前訂好高鐵車票,仲訂埋旅遊的士接送四人來往台中車站及餐廳。有哥哥喺身邊,大家真係乜都唔洗擔心,週五朝早喺「台北國賓大飯店」食完自助早餐後就搭的士去台北車站,等佢喺櫃檯攞好飛後就好順暢地排隊上列車,四十五分鐘就到台中車站,簡易快捷

喺「樂沐法式餐廳」享受完一頓難忘嘅感官旅程後,導遊先生就車咗我地去「如邑堂太陽餅」度買太陽餅做手信。由台中返回台北後已過黃昏,由於落著傾盆大雨,週五交通又特別擠塞,結果等咗成個鐘頭先搭到的士返酒店。晚餐就由舅父仔帶路去咗「嘟柏林鐵板燒」食潮派海陸鐵板燒。
行政樓層貴賓廳
行政樓層貴賓廳
行政樓層貴賓廳
行政樓層貴賓廳
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區
行政樓層貴賓廳 - 自助區

入住「台北國賓大飯店」嘅行政房間除咗包咗樓下咖啡室嘅自助早餐券之外實亦可選擇去同層,即十一樓行政樓層貴賓廳」度食早餐

行政樓層貴賓廳嘅自助早餐雖然款式冇咁多,但勝在環境較寬敞,又冇咁逼人,食得舒適得多。早餐供應時間為每朝早六點半至十點,座位任揀唔嬲,只係食咗成大半個鐘都未見有服務生經過就有啲奇怪。食物區有咖啡機、牛奶、果汁茶包麵包、沙律、水果、芝士、咸點熱食可選,質素算係不過不失。
評分: 味道3   服務2   環境4   衛生3   抵食3
台北車站
台北車站
台北車站
台北車站
台北車站 - 地圖
台北車站 - 地圖
台北車站售票處
台北車站售票處
台北車站月台
台北車站月台
台北車站月台
台北車站月台
四周都有安裝閉路電視
四周都有安裝閉路電視
高鐵車票
高鐵車票
由台北乘高鐵往台中,每人每程一千元新台幣,如果一早已訂好日子的話,大家不妨於網上買定車飛,早鳥優惠有成六五折,人多真係慳唔少架!「台北車站」簡潔光鮮,四周都有安裝閉路電視,衛生又安全。車站內外都有清晰嘅指示,網上預訂取票處亦不難找到,喺月台排隊嘅人又守規矩,感覺極之良好
參觀時段: 早上
評分: 值得去5  
台灣高鐵列車
台灣高鐵列車
台灣高鐵列車商務車廂
台灣高鐵列車商務車廂
台灣高鐵列車商務車票
台灣高鐵列車商務車票
台灣高鐵列車商務車廂
台灣高鐵列車商務車廂
蛋糕仔及水
蛋糕仔及水
窗外景色
窗外景色
窗外景色
窗外景色
窗外景色
窗外景色

肥肥家族個個身形都有番咁上吓,尤其係大肥成二百幾磅,行得太多或企得太耐都容易攰,為咗大家搭台灣高鐵可以坐得安心又服,哥哥就決定訂哂商務車廂,有指定座位就唔洗怕要搵位同排隊。

台灣高鐵非常準時,商務車廂嘅厚墊椅櫈都好舒適,每人仲包有蛋糕仔同飲品一杯,短短四十五分鐘車程可望出窗外欣賞景色,玩吓手提電話兼充埋電,亦可以短睡片刻,由台北去台中真係話咁快就到,方便得很
每人消費: 約1000新台幣 (其他)
評分: 味道3   服務4   環境4   衛生4   抵食4
樂沐法式餐廳 Le Moût Restaurant
樂沐法式餐廳 Le Moût Restaurant
自家製麵包
自家製麵包
配酒
配酒
「感官」午餐
「感官」午餐
鮮鵝肝/芥菜心/香草
鮮鵝肝/芥菜心/香草
緬因龍蝦/西班牙辣腸/香草青醬/覆盆子
緬因龍蝦/西班牙辣腸/香草青醬/覆盆子
睡蓮
睡蓮
現代主義之乳酪蛋糕
現代主義之乳酪蛋糕

三層高嘅「樂沐法式餐廳」猶如一座洋式別墅般,步入樓底高高嘅大堂,面對著接待處已感到餐店嘅氣派。核實訂座後,即由專人帶領往上層之用餐區域,貴客可選擇行樓梯或搭乘升降機。店子內外嘅燈飾、鮮花、擺設、傢俱等,包括洗手間都流露著華麗嘅格調。

同樣樓底極高嘅用餐大堂環境優雅,光線柔和,空間感足。小肥早於網上訂座時為家人從三個規範餐單「創造」、「感官」、「記憶」中選訂午餐,每款菜單均可加錢玩埋配酒。侍酒師不單加配日本清酒,更呈上店子自家品牌嘅香檳,就連紅酒都用上潮流新興嘅Coravin取酒器,可謂驚喜不斷。

搞掂好飲品,姐姐即送上兩款海藻味海鹽味牛油,告知大家可先食用花瓶內修長嘅麵包條,食完佢地會陸續換上不同款式嘅自家製麵包,當中最正必選熱辣香醇惹味嘅高梁酒臘肉包及芳香微甜嘅蜂蜜麥包

午餐由兩道節令下酒菜作序。第一味金光閃閃嘅「黃豆卷拼香草芝士球」中黃豆卷皮脆餡軟味淡,剛巧同濃味嘅香草芝士球造成對比,都幾得意。第二道「海鮮脆米通」鮮黃色嘅米通鬆化脆巧,連同米通上嘅帶子魚碎食落口即增添鮮嫩。

感官」先由熱湯「鮮鵝肝/芥菜心/香草」接捧。上枱時,湯碗以一塊薄薄嘅鵝肝醬蓋上,再由服務生續一斟入清湯,鵝肝醬隨即溶化並為湯品揭盅,露出碗內其他湯料,賣相極之震撼吸睛。可能自己唔係太鍾意食菜啦,故對菜味極濃嘅清湯只可以用「苦」字黎形容,幸好鵝肝醬幫忙調和咗陣菜味,先變得易入口得多。

午餐第一款肉為顏色鮮美嘅雞翼組合古早小母雞翅/甜蝦/番茄/酸黃瓜/香草蛋黃醬」,另配一小杯黑色嘅甜豆湯。已去骨嘅雞翼包住咗甜蝦同雞肉,皮脆肉爽嫩,輕輕點上色彩繽紛嘅香草蛋黃醬就好比畫龍點睛般同時提升視覺及味覺嘅享受,實在妙極!

接著嘅「緬因龍蝦/西班牙辣腸/香草青醬/覆盆子」色澤同樣鮮美,師傅以不同調味醬汁緬因龍蝦等食材重新砌成一幅立體嘅龍蝦食物圖,當真令人嘆為觀止!龍蝦肉爽脆彈牙,配上秘醬同時帶出花香、果甜及微辣,味道複雜得黎和諧新穎。

主菜上枱前,哥哥先以銀盤展出多把靚刀讓食客挑選,再將刀子安全地擺放於牙形嘅刀架上;「樂沐」嘅女主人明顯喺用餐所有細節都有花下不少心思。「感官」嘅主菜「嫩烤鵝肉/姬松茸/芥菜/米湯」雖外貌為最平凡嘅一道,味道卻絕不遜色之前道「緬因龍蝦」。汁液上枱時先會即場淋上,以確保新鮮度,碟上兩件鵝肉皮層香脆,肉質厚而鬆軟多汁,可以話係小弟至今食過最好味嘅鵝肉;伴碟嘅姬松茸則芳香惹味嫩脆,一樣咁出色

甜品出場前先由清新爽甜嘅「香桃雪葩」為味蕾洗滌一番以作準備。套餐第一道甜品杯「可可清湯凍/焦糖蘋果塔雪酪」其實係朱古力味淡淡嘅啫喱拼果香甜甜嘅焦糖蘋果雪葩。而第二道紅黃鮮明且時代感極重嘅則為「現代主義之乳酪蛋糕」!餐牌上注明,芝士蛋糕嘅紅、白、黃網格外型構思源自荷蘭藝術家「彼埃•蒙德里安」(Piet Mondrian)及「密斯•凡德羅」(Mies van der Rohe)嘅「新造型主義」風格。極富立體感嘅芝士蛋糕微甜軟潤,輕巧不溜滯,放進口中就好似吞噬咗件藝術品般,認真搞鬼

食到咁飽最好就係飲番杯飛沙走奶嘅特濃咖啡。跟餐茶及咖啡最後仲有的骰嘅「精緻小點」;每人都有兩粒,細細粒,容易食。黃色小球乃脆皮清涼嘅乳酪雪糕棒,而兩球中央嗰件則為巧薄爽脆嘅鳳梨塔,兩者均微微酸甜,毫不溜滯。

台中名法國餐廳「樂沐法式餐廳」洋房式嘅設計大方高雅,就連服務都可稱得上為酒店級,多道精美且高質嘅佳餚令XO仔與家人一同感受到不一樣的感官世界!
推介菜式: 自家製麵包,「感官」午餐
每人消費: 約6300新台幣 (午餐)
評分: 味道4   服務5   環境5   衛生5   抵食4
如邑堂太陽餅門牌
如邑堂太陽餅門牌
如邑堂太陽餅
如邑堂太陽餅
如邑堂太陽餅購物部
如邑堂太陽餅購物部
如邑堂太陽餅金漆招牌
如邑堂太陽餅金漆招牌
透明度極高之食品製造工房
透明度極高之食品製造工房
透明度極高之食品製造工房
透明度極高之食品製造工房
彩圖單張
彩圖單張
訂購單
訂購單

司機先生見距離列車離台中嘅時間仲有成個幾鐘頭,佢就好客氣咁提議四周圍兜吓,順便喺「如邑堂太陽餅」間旗鑑店度停留,介紹我地買台中最出名得奬太陽餅做手信

如邑堂外出有位俾人泊車,入面個舖位都幾大。最近門口位置擺放出多款彩式禮盒。左方為透明度極高之食品製造工房,可見工作人員全體戴哂口罩同帽,乾淨又衛生,食得同買得都自然好放心啦!而右方則為有專人招待之免費試食區,真係估唔到試食都可以舒適地喺餐桌度進行,仲要乜都可以試,份量多到成份下午茶咁勁,桌上更包有熱茶以助消化,相當認真!大家試食時,售貨員都會推介不同產品,並送上自助落單紙,講解可以點樣填寫,同佢地嘅包裝如何穩固,手信店太懂得做生意了!
推介菜式: 太陽餅
評分: 味道4   服務5   環境4   衛生4   抵食4
台中車站
台中車站
台中車站月台
台中車站月台
台中車站月台
台中車站月台
台灣高鐵列車
台灣高鐵列車
台灣高鐵列車
台灣高鐵列車
台北車站等的士處
台北車站等的士處

由於一早訂好車票,只要預多少少時間排隊攞飛就可以直接去月台等車。台中車站感覺上比台北車站大,但站內嘅小食店、報攤、及咖啡館就較集中,個人覺得好行啲,喺月台影列車都容易得多。一樣係坐咗九個字車就返回台北,簡易方便。

台中一日遊中最唔爽嘅一環反而係返到台北車站要排成個幾鐘頭隊先等到的士,不過週五傍晚遇上狂風大雨,交通擠塞也在所難免,冇計
參觀時段: 下午
評分: 值得去4  
嘟柏林鐵板燒餐廳金漆招牌旁有盆靚靚蘭花,高雅簡潔
嘟柏林鐵板燒餐廳金漆招牌旁有盆靚靚蘭花,高雅簡潔
鐵板燒廂房
鐵板燒廂房
南瓜海鮮湯
南瓜海鮮湯
鱈魚
鱈魚
鐵板式燒蠔
鐵板式燒蠔
芝士龍蝦
芝士龍蝦
牛扒
牛扒
潮派海陸鐵板料理
潮派海陸鐵板料理

小表弟週六娶妻,舅父仔早一晚就招呼香港代表嘅親戚去佢家常幫襯嘅「嘟柏林鐵板燒餐廳」食半西半日又帶少少中嘅新潮鐵板料理。

餐店正門喺金漆招牌旁有盆靚靚嘅蘭花,高雅簡潔。十多人嘅派對安排於最入嘅廂房內進行。主人家早已訂好菜單,每個位置亦擺有齊備嘅西式餐具、醬汁及花生小食。

1)      蒜蓉包:可任添嘅蒜蓉包厚而鬆化,外脆內軟,香濃惹味。

2)      南瓜海鮮湯:鮮橙色嘅南瓜海鮮湯以大貝殼承載著,外表相當吸引。熱湯芳香輕巧,香滑而不溜滯,配搭新穎,效果討好。

3)      鱈魚:師傅即場喺貴客面前為雪白嘅鱈魚調味及半燒半蒸。熱辣辣嘅鱈魚鮮甜嫩滑,微微唧上青檸更添清新,實屬好魚也

4)      燒蠔:講真自己都係第一次食鐵板式燒蠔,真係冇諗到可以燒至如此香口,薄薄嘅外皮脆巧嘅同時,蠔隻仍能保持肥潤,好有驚喜

5)      芝士龍蝦:厚厚嘅龍蝦爽脆潤澤,鮮甜無比。

6)      梅子沙律:交接海陸主菜之時,姐姐先送上沙律一碗。梅子沙律清新醒胃,最正就係塊又甜又多汁嘅粟米,堅爽!

7)      牛扒:燒煮牛扒前,師傅先續一問及客人要求之生熟度,結果全場只有細佬一個要見紅嘅三、四成熟。牛扒均切成薄片,肉質鬆軟,且肉汁豐盛,簡單點上鹽同胡椒已夠美味。

8)      翡翠苗:鮮綠嘅翡翠苗幼嫩帶脆,無可挑剔。

9)      三色鮮果:三款水果一樣爽甜。

10)  芋蓉燒餅鐵板燒餅脆薄輕巧,如要減少或增加芋蓉餡料份量,可直接跟師傅提出。

嘟柏林鐵板燒餐廳」環境樸實,服務優良,潮派鐵板料理混合中、西、日之廚藝,師傅所烹調出黎嘅海陸配搭質高味佳,且不乏驚喜元素,當真感激舅父仔悉心安排
評分: 味道4   服務5   環境4   衛生5   抵食5
  0 個留言    |  加入你的留言
2017台灣婚禮三天遊 (台灣)
(旅程日期: 2017-04-20 至 2017-04-23 ,  旅程性質: 飲食購物, 探訪親友, 慶祝節日)
 整個旅程  (共4篇遊記)
 分享至Facebook 
發表日期: 2018-06-05

2017台灣婚禮三天遊

台籍小表弟成家立室,舅父誠邀居港o既眾多親友參加婚宴,一同分享喜悅。有P開,又有得外遊喎,出名爛玩o既肥肥家族當然係第一個舉埋腳答允啦!婚禮週六晚舉行,四口子就決定佗佻啲週四晚收工後出發,前後各加多一日,實行玩足三日四夜!

420日(

由於規劃好週五一早出發去台中玩,週四晚就乘搭國泰夜機往台北,諗住唔洗咁趕嘛。有大肥爸爸喺身邊,家人結果早成個幾鐘已辦理好離境手續,咁就當然係要先去貴賓室度食住等啦。。。點知等呀等,結果仲勁唔好彩地遇上航班因機件故障而被取消添!見有咁多時間,鑽石卡會員又夠份量去齊國泰航空「寰宇堂」商務及頭等貴賓室喎,XO仔就好八地邊食邊四周圍探索;嘻嘻,有香檳陪伴,總算有啲安慰!舅父早已安排專車接機,但當晚冇塞車下,去到「台北國賓大飯店」結果都要成凌晨兩點幾,講真都幾攰。
國泰航空「寰宇堂」商務貴賓室
國泰航空「寰宇堂」商務貴賓室
「風味坊」餐牌
「風味坊」餐牌
牛肉燒賣
牛肉燒賣
魚蛋湯河粉、野菜稻庭烏冬
魚蛋湯河粉、野菜稻庭烏冬
生煎包
生煎包
咖啡閣
咖啡閣
「咖啡閣」餐牌
「咖啡閣」餐牌
咖啡閣糕點
咖啡閣糕點

國泰航空「寰宇堂」商務貴賓室主要分「風味坊」「咖啡閣」兩個區域,前者主要係高櫈吧位,後者則為較舒適o既梳化椅。雙方間隔都好開揚,可惜駐場服務生完全唔主動,感覺也太hea

「風味坊」個自助區內可見多款凍熱飲品及點心小食,當中牛肉燒賣最搶手同最好味。食客亦可於開放式廚房點選即叫即煮o既雲吞湯麵、擔擔麵、魚蛋湯河粉、野菜稻庭烏冬及三款包品。如相所示,魚蛋河同野菜稻庭烏冬個賣相都唔係咁得,食落更加係淡而無味,件生煎包則包皮過厚,餡料乾嚡,講真都幾恐怖。

環境較開揚o既「咖啡閣」主要係食三文治、蛋糕、西餅、雪糕等,個人覺得睇見都唔係太開胃,行咗一轉就決定直接去頭等貴賓室就算。
每人消費: 約0新台幣 (其他)
評分: 味道1   服務1   環境4   衛生4   抵食1
國泰航空「寰宇堂」頭等貴賓室
國泰航空「寰宇堂」頭等貴賓室
凱旋吧
凱旋吧
獨立式厚墊梳化椅
獨立式厚墊梳化椅
Moet & Chandon Rose Imperial NV
Moet & Chandon Rose Imperial NV
逸雅閣用餐大堂
逸雅閣用餐大堂
逸雅閣自助區
逸雅閣自助區
逸雅閣餐牌
逸雅閣餐牌
香煎三文魚,烤焗羊鞍扒,香檳
香煎三文魚,烤焗羊鞍扒,香檳

國泰航空「寰宇堂」頭等貴賓室比起隔壁o既商務貴賓室明顯豪華得多頭等貴賓室主要分為「浴泉居」、「逸雅閣」及「凱旋吧」三個區域,環境時尚雅致,服務生亦體貼好客得多。

比商務貴賓室多咗o既「浴泉居」其實係設有浴缸o既大洗手間,設施齊備,且極之寬敞。「凱旋吧」為酒吧及客廳區,當中o既厚墊梳化椅仲有獨立式可選,私人空間足,貴客更可無限享用多款酒品;香檳都有三款可選,包括粉紅香檳「Moet & Chandon Rose Imperial NV」,XO仔同媽咪有酒飲當然係唔怕航班延誤啦

逸雅閣」則為寬廣o既餐飲區,用餐大堂猶如正式餐廳般,散座有齊餐墊、餐巾及齊備o既西式餐具,仲要每枱都有專人招待。客人可於廳內任飲精選酒品、果汁、汽水、咖啡或茶水,並於大堂自助區內揀選壽司、沙律、點心、甜品等,選擇比商務貴賓室內多且精。除此之外,旅客更可於餐牌點多道即叫即煮o既主菜,爸爸大讚「香煎三文魚」皮脆肉嫩,細佬嗰份「烤焗羊鞍扒」亦鬆厚軟腍,嘻嘻,喺國泰航空「寰宇堂」頭等貴賓室飲飽食醉後上機唔洗怕埃飛機餐lu
每人消費: 約0新台幣 (晚餐)
評分: 味道4   服務4   環境5   衛生5   抵食4
國泰航空餐牌
國泰航空餐牌
國泰航空餐牌
國泰航空餐牌
麵包及餐具
麵包及餐具
前菜之時令鮮果
前菜之時令鮮果
烤澳洲牛柳伴馬德拉酒汁,配薯蓉,菠菜及胡蘿蔔
烤澳洲牛柳伴馬德拉酒汁,配薯蓉,菠菜及胡蘿蔔
香蒜辣汁蝦球,配白飯,芥蘭及胡蘿蔔
香蒜辣汁蝦球,配白飯,芥蘭及胡蘿蔔
綠茶慕絲蛋糕
綠茶慕絲蛋糕
咖啡
咖啡

國泰航空商務艙o既座位闊就夠闊,無奈機上唔多夠冷氣,只穿短袖T裇o既小肥唯有狂飲凍水解熱。

短途航班包有簡單晚餐及限定酒水:

1)      前菜之時令鮮果有西瓜、奇異果、火龍果、哈蜜瓜及菠蘿,酸多過甜,不過大肥話齋,飛機餐唔可以要求太高。

2)      主菜其中一款為「烤澳洲牛柳伴馬德拉酒汁,配薯蓉,菠菜及胡蘿蔔」,牛柳個味道還可以,但肉質偏咗少少韌同嚡,唔係細佬杯茶囉。

3)      哥哥話令外一款主菜「香蒜辣汁蝦球,配白飯,芥蘭及胡蘿蔔」啲蝦夠大隻同爽,個汁香辣惹味,意外地比個牛柳主菜美佳。

4)      甜品「綠茶慕絲蛋糕」芳香微甜,濕潤軟潤,個人覺得係三道飛機餐中最美味之一環
評分: 味道3   服務3   環境3   衛生3   抵食3
酒店大堂
酒店大堂
酒店大堂
酒店大堂
 商務樓層走廊
商務樓層走廊
商務樓層房間
商務樓層房間
商務樓層房間
商務樓層房間
商務樓層房間
商務樓層房間
商務樓層房間
商務樓層房間
朝食券
朝食券

為怕天有不測之風雲,或難預計週末交通,家人早已決定入住小表弟舉辦婚宴之酒店台北國賓大飯店」(Ambassador Hotel Taipei由於航機延誤上數小時,舅父雖訂好專車接機,四人到達酒店都已過凌晨兩點。不過夜啲到都有好處o既,街道上零塞車,辦理入住手續又唔洗排隊,爽呀!

小肥見識少,其實當第一次聽到台北國賓大飯店」個名時,真係以為酒店係好中式嗰啲大飯店,完全冇諗到除咗個大堂掛著大紅燈籠外,店內四周連房間及商務中心都極為洋化,絕對係一間高級酒店!

幾家人入住o既商務樓層房間都極之寬敞豪華,冷氣勁,洗手間又夠衛生闊落,除咗免費上網服務,每日仲包有早餐、下午茶、歡樂時光酒品、泳池及健身室等設施配套。住得舒適,酒店位置又夠方便,下次黎台北好大機會都會住返台北國賓大飯店」,感激舅父悉心安排同咁好介紹!。
評分: 設備4   服務5   環境4   衛生5   抵住4
  0 個留言    |  加入你的留言
2017溫馨家庭大阪四天遊 (日本)
(旅程日期: 2017-02-23 至 2017-02-26 ,  旅程性質: 飲食購物)
 整個旅程  (共4篇遊記)
 分享至Facebook 
發表日期: 2018-04-17

226日(

去旅行梗係要「早機去,晚機返」啦!為怕父母會過於勞累,四口子就乘搭香港航空下午四點五十分班機,於晚上八點左右回港,完全唔洗趕,仲可以喺機場食埋晚飯先返屋企。

酒店預設退房時間為中午十二點,小肥兩兄弟朝早食完早餐後即前往酒店對面間大丸買多輪手信,順便買咗兩盒超靚嘅杯仔蛋糕自己試。退完房就去咗酒店樓下間「新喜樂」食多餐日本菜做晏先起行前往機場

肥肥家族去邊都只會預鬆時間,去機場亦不例外,幸好買商務機票可於貴賓室邊等邊享用小食酒水,即使飛機餐唔係太好食都唔會餓住個肚肚抵港。
好睇唔好食 哭臉2018-04-17
杯仔蛋糕四件裝禮盒
杯仔蛋糕四件裝禮盒
杯仔蛋糕兩件裝禮盒
杯仔蛋糕兩件裝禮盒
杯仔蛋糕四件裝禮盒
杯仔蛋糕四件裝禮盒
精美杯仔蛋糕
精美杯仔蛋糕
【ハピネスリボン】(“Happiness Ribbon”)
【ハピネスリボン】(“Happiness Ribbon”)
【ハピネスリボン】(“Happiness Ribbon”)
【ハピネスリボン】(“Happiness Ribbon”)
【ジュエルピンク】(“Jewel Pink”)
【ジュエルピンク】(“Jewel Pink”)
【ジュエルピンク】(“Jewel Pink”)
【ジュエルピンク】(“Jewel Pink”)

喺「大丸梅田店」地牢買手信時,因見到小店「ファクトリーシン」(Factory Shin)個陳列玻璃雪櫃內嘅蛋糕仔實在精緻,結果當然係忍唔到手買咗兩盒返香港試啦

蛋糕店嘅禮盒包裝及小點均精美吸睛,兩件禮盒裝連稅售594円、四件禮盒裝連稅售1,188円。

1)      【ハピネスリボン】(“Happiness Ribbon”):白色甜點以雲尼拿杯仔蛋糕作底,白朱古力塗面,再配上紅色絲帶設計,定名為「幸福絲帶」。雲尼拿味杯仔蛋糕偏嚡同乾,頂面嘅白朱古力得個甜字,個人覺得好油麻地囉

2)      【ジュエルピンク】(“Jewel Pink”): 此件銀光閃爍嘅「粉紅色寶石」其實係以紅莓碎點綴嘅朱古力味杯仔蛋糕,賣相鮮美高貴。。。可惜杯仔蛋糕一樣偏嚡偏乾,幸好個紅莓碎朱古力脆皮酸甜討好,否則恐怕甜品店喺味道嗰環真係要食零雞蛋

小肥雖為日本迷一名,但今次真係大失所望,對甜品屋「ファクトリーシン」(Factory Shin)嘅評價只可用五個字黎形容:「好睇唔好食!」
每人消費: 約297日圓 (其他)
評分: 味道1   服務5   環境5   衛生5   抵食1
新喜楽 ヒルトンプラザ店
新喜楽 ヒルトンプラザ店
定食模型
定食模型
日英對照彩圖餐牌
日英對照彩圖餐牌
梅酒(800円)
梅酒(800円)
鴨鍋定食(880円)
鴨鍋定食(880円)
天婦羅定食(880円)
天婦羅定食(880円)
新喜樂定食(1,420円)
新喜樂定食(1,420円)
おすすめ御膳(2,700円)之刺身
おすすめ御膳(2,700円)之刺身

中午前於「希爾頓酒店大阪」辦理好退房手續後,肥肥家族就直接走咗落去大廈個地牢度搵食。全憑店子門外定食嘅模型,大肥爸爸好快就決定一試「新喜楽,實行食多餐日本菜先返香港。

商場餐店裝潢簡約企理,散座全為合併式木造枱櫈,唔知係咪見我地一家四口個個都咁大隻呢,嬸嬸居然主動俾咗張六人枱我地坐,仲臉帶微笑地送上日英對照嘅彩圖餐牌,實在太好人啦

1)      諗食乜野前,小肥就先點咗杯梅酒飲,點知酒品成壺連冰上,依800円真係抵飲呀!

2)      鴨鍋定食(880円):靚靚媽咪所點嘅定食包有滾住上嘅中型鴨鍋、一碗白飯、及一碟醃菜。

3)      天婦羅定食(880円):細佬所點嘅天婦羅定食一樣包咗碗新鮮熱辣嘅白飯、一碟惹味脆口嘅醃菜、另加多碗麵豉湯。雜錦天婦羅均鬆化香脆,其中三隻中蝦爽厚彈牙,雜菜都唔錯,一千円唔洗絕對抵食

4)      新喜樂定食(1,420円):大肥爸爸憑餐店門外個模型所揀嘅新喜樂定食其實即係鴨鍋定食同天婦羅定食嘅混合版。佢滿意地大讚定食飽肚又夠多款式。

5)      おすすめ御膳(2,700円):哥哥就叫咗個廚師推介套餐,內含天婦羅、刺身、海鮮、蔬菜、麵豉湯、同埋甜品,極之豐富。

商場日本料理「新喜楽」環境潔淨企理,年長嘅嬸嬸友善有禮,午市定食質高味佳又抵食,當真興幸大肥眼利憑食物模型選擇於此店速食午餐。
推介菜式: 天婦羅定食
每人消費: 約1800日圓 (午餐)
評分: 味道4   服務5   環境4   衛生4   抵食5
飛鳥貴賓室 Asuka Lounge
飛鳥貴賓室 Asuka Lounge
飛鳥貴賓室 Asuka Lounge
飛鳥貴賓室 Asuka Lounge
果汁,牛奶,乳酪
果汁,牛奶,乳酪
日本啤酒
日本啤酒
酒酒
酒酒
自調Baileys特濃咖啡
自調Baileys特濃咖啡
自助小食
自助小食
忌廉粟米湯,日產士多啤梨味乳酪
忌廉粟米湯,日產士多啤梨味乳酪

「香港航空」商務艙搭客候機時,均可於關西機場飛鳥貴賓室」享用免費提供之小食及酒水

貴賓室面積寬廣開揚,皮櫈梳化又厚又好坐,環境舒適衛生。小食中有蛋糕仔、生果、芝士、三文治、凍肉、冷麵、乳酪等,質量都選唔錯。除咗食咗個微甜軟滑嘅日產士多啤梨味乳酪同飲咗碗香濃唔溜忌廉粟米湯之外,爛飲嘅小肥仲自調咗杯香醇Baileys特濃咖啡,另再飲咗幾pat軒尼斯特別版干邑添,離境前明顯飲到樂而忘返,要哥哥提醒話閘口機員有權阻止醉客上機,細佬先肯放低隻酒杯
推介菜式: 士多啤梨味乳酪,忌廉粟米湯,軒尼斯特別版干邑
每人消費: 約0日圓 (下午茶)
評分: 味道4   服務3   環境4   衛生4   抵食4
餐牌
餐牌
Bauhinia Blossom
Bauhinia Blossom
日式冷麵,玫瑰花熏帶子
日式冷麵,玫瑰花熏帶子
玫瑰花熏帶子
玫瑰花熏帶子
日式冷麵
日式冷麵
水晶牛助骨
水晶牛助骨
時令鮮果
時令鮮果
熱咖啡
熱咖啡

回程時所搭o既香港航空HX 619班機唔係好夠冷氣,小肥居然坐到出哂汗,同機艙服務員反應後都未能調低。見其態度溫婉誠懇,都明白到有啲野係佢地控制範圍之外o既。

同去嗰程一樣,飛機餐部份係由酒店中菜廳海景軒」負責,包括頭盤及中式主菜。頭盤日式冷麵清新健康,但係個「玫瑰花熏帶子」則又凍又硬硬地,個熏味唔係咁啱個人口味囉。主菜「水晶牛助骨」都算唔錯,肉質軟腍帶甜,配上紅米個組合都好健康,不過問題係啲餸唔夠熱。。。
評分: 味道2   服務4   環境2   衛生3   抵食2
  0 個留言    |  加入你的留言
2017溫馨家庭大阪四天遊 (日本)
(旅程日期: 2017-02-23 至 2017-02-26 ,  旅程性質: 飲食購物)
 整個旅程  (共4篇遊記)
 分享至Facebook 
發表日期: 2018-03-23

225日(

翻閱香港出版嘅旅遊報刊雜誌,都會留意到介紹親大阪例必提到濕平熱點「心斎橋」內有咩新店開幕、新食肆登場、及旅客專享優惠。旅程嘅第三日,我地就以此為主要購物地帶,喺酒店食完個自助早餐後,即出發前往揚名海外嘅商店街。一如所料,喺「心斎橋」淨係逛一個早上係絕對唔夠皮嘅,結果當然係行到傍晚啦

中午時份,小肥其實係應美人姐姐推介,心斎橋附近一家頗洋化嘅「ステーキ オクソンOx On」食鐵板燒作午餐個多小時嘅餐飲雖然高質,但就唔多夠飽,食甜品前大肥爸爸仲因行落樓梯時失足,誤傷咗喺佢前面嘅靚靚媽咪。。。幸好家母為習武之人,都叫做食過吓夜粥,不過要頂住過二百磅嘅無情力,傷勢幾唔嚴重極都唔可以再行得太耐街街囉。

由於翌日將返港,晚餐就決定喺梅田一間燒肉店「焼肉の牛太本陣」度搞掂。飯後小肥兩兄弟送咗父母回酒店後,先再走咗去「Hep Five Mall」度玩咗轉摩天輪,再嘆埋杯日本「星巴克」專有嘅「櫻花忌廉星冰樂」先捨得返房執行李。
ステーキ オクソン(Steak Ox On)
ステーキ オクソン(Steak Ox On)
ステーキ オクソン(Steak Ox On)
ステーキ オクソン(Steak Ox On)
午市餐牌
午市餐牌
極上黑毛和牛牛柳及西冷「へレステーキ、サーロイン」
極上黑毛和牛牛柳及西冷「へレステーキ、サーロイン」
極上黑毛和牛牛柳及西冷「へレステーキ、サーロイン」
極上黑毛和牛牛柳及西冷「へレステーキ、サーロイン」
芝麻蛋糕「ケーキ」伴鮮果
芝麻蛋糕「ケーキ」伴鮮果
熱茶
熱茶
特選午餐「Special Lunch」(8,640円)
特選午餐「Special Lunch」(8,640円)

鐵板燒專門店「ステーキ オクソン」(Steak Ox On)為貌似小屋嘅地舖。正門有塊紅地毯,配上磚牆及玻璃門,感覺極之洋化。步入店子,迅即由年長嘅嬸嬸招待,先為各人掛上外套大衣,再帶領入座鐵板前嘅吧位。四口子埋位先從皮套酒牌各自點選酒品。然後全體一致都要咗客8,640円嘅特選午餐Special Lunch」,並要齊兩款極上黑毛和牛

午餐由是日前菜「オードブル」之法式鹹批作序。鹹批清涼輕巧,個人自係略嫌質感偏硬同乾。接著嘅時令沙律「季節の野菜サラダ」夠就夠爽口,不過細佬就唔係太鍾意其淡而無味嘅沙律醬囉。

師傅以猛火燒煮極上黑毛和牛牛柳及西冷へレステーキサーロイン」前,非常友善地提點小肥要準備相機捕捉熊熊火光。主菜和牛四人每款都分到有兩件,較為細食嘅靚靚媽咪就分多咗兩件出黎俾乖仔們食。燒至四成熟嘅和牛牛柳軟腍潤澤,而和牛西冷則更有口感,兩者均肉汁豐盛,配上碟上脆卜卜嘅蒜片最為惹味可口。其實和牛一啲都唔油膩,不過同一時間食咁多件都會覺得溜,中途夾入酸爽消滯嘅蕃茄「漬物」即令胃口大增。再黎多碗熱辣辣、香噴噴嘅「鐵板燒燒飯」都好似唔係好夠飽咁。熱食環節以一碗暖胃嘅麵豉湯「味噌汁」作結。

之後嬸嬸就叫我地移玉步往下層嘅客廳度食甜品。好不幸地,大肥爸爸就喺落樓梯時誤傷咗媽咪。。。

西式客廳大方雅致,闊落且有氣派。坐下不久,點完咖啡及餐茶後,每人先有一客爽甜嘅節令柚子味雪葩旬のシャーベット」。甜品為芝麻蛋糕」伴鮮果。灰黑嘅芝麻蛋糕鬆軟微甜,配上爽甜多汁嘅特別柚倍添清香,簡單味佳。午餐正式由熱茶或咖啡劃上句號。

法日混血嘅「ステーキ オクソン」(Steak Ox On)環境優雅,年長嘅嬸嬸態度有點高傲,肥師傅就友善客氣得多。肥肥家族同點嘅特選午餐質高美味,唯一份量唔多夠飽,每人成萬幾円依個價位感覺就唔係咁抵食囉!

每人消費: 約10336日圓 (午餐)
評分: 味道3   服務3   環境4   衛生4   抵食1
史諾比嘉年華會宣傳單張
史諾比嘉年華會宣傳單張
史諾比嘉年華會
史諾比嘉年華會
史諾比嘉年華會遊戲中贏取之貼紙奬品
史諾比嘉年華會遊戲中贏取之貼紙奬品
下午返回心齋橋繼續購物時,最驚喜都要選當中嘅「大丸百貨公司」!全因喺門口接到橙艷嘅宣傳單張,大家先知原來「史諾比」於大丸北館十四樓正舉辦緊個臨時嘉年華。會場中央有個遊戲區,當中好多攤位遊戲都要俾錢玩,但亦有部份可免費贏取禮品嘅。而購物區就設係右方圍繞著白色旋轉木馬嘅四周,當中有多款文具、傢俱、精品,絕對係史諾比迷嘅天堂
參觀時段: 下午
評分: 值得去5  
焼肉の牛太本陣梅田店
焼肉の牛太本陣梅田店
梅酒、清酒
梅酒、清酒
本陣セット(9800円)
本陣セット(9800円)
本陣セット(9800円)
本陣セット(9800円)
本陣セット(9800円)
本陣セット(9800円)
和牛大判ハネシタ焼きすき(590/枚)
和牛大判ハネシタ焼きすき(590/枚)
黑毛和牛みすじ(1850円/90g)
黑毛和牛みすじ(1850円/90g)
石鍋牛肉飯(650円/小)
石鍋牛肉飯(650円/小)

為方便父母可以飯後早啲返酒店執行李,XO仔就揀咗喺離酒店只需步行八分鐘就到嘅「焼肉の牛太本陣梅田店」食多次燒肉做晚飯。

商場餐店好爆場,好在細佬早喺出發前於網上訂座,唔係肯定有排等。由於店內實在太迫人,座位冇得埃又唔係特別舒適,要影環境相絕對會影響到其他食客,還望大家體諒未有拍下。明白到全場滿座,服務生全都忙得團團轉,所以都好感激佢地仍可保持笑容及友善嘅態度,四口子對餐牌及餐飲有咩問題都好有耐性咁回答我地,絕對值得一讚

肥肥家族於日本食飯全由小肥一人作主叫食物,一家人最易話為,所以細佬就點咗份燒和牛套餐「本陣セット」黎分,唔夠食先再追加飯麵。

1)      本陣セット(9800円):本陣套餐包有火炙壽司三種上生黑牛脷五款特選牛肉、三式泡菜、燒野菜、及本陣沙律。本陣沙律清爽、三式泡菜惹味,燒野菜都好新鮮爽脆。五款特選牛肉均鮮紅美艷,雲石紋理紅白分明,食落有香軟、滑潤、嫩滑、爽薄,各有特色,可謂色香味俱全三種火炙壽司如相般有六片生牛肉,另跟六粒細小嘅壽司白飯球。食客只需燒煮牛肉至理想嘅熟度,再連同白飯即可自製出火炙和牛壽司火炙和牛壽司熱辣軟熟,白飯剛好中和牛肉嘅油份,組合確真無敵。

2)      和牛大判ハネシタ焼きすき(590/枚):由於本陣套餐中嘅火炙和牛壽司太過出色,四口子都決定每人都要追加多一件配上蛋黃汁壽喜燒火炙和牛壽司。同為壽司飯另上嘅壽喜燒火炙和牛壽司都係由客人自己燒煮和牛薄片。嘩,點上蛋黃汁壽喜燒火炙和牛壽司不單柔軟腍潤,入口仲要多咗份香滑,美妙極

3)      黑毛和牛みすじ(1850円/90g):講真肥肥家族對牛隻不同部位嘅認識唔深,何況餐牌上全為日文,大家都只能單靠漢字挑選。厚身嘅黑毛和牛みすじ五成熟仍好夠軟腍,食落又唔會成口油,非常好味。

4)      石鍋牛肉飯(650円/小):細碗飯份量真係唔多,一個男人絕對唔夠飽,個人略嫌牛肉唔夠,質量亦不及自己燒嗰啲咁靚,建議大家如果真係有飯癮就叫碗白飯黎送啲靚牛肉。

位於大阪市中心其中一間商場內嘅「焼肉の牛太本陣梅田店」環境尚算企理,唯一人多較嘈,無椅背嘅座位唔係咁好坐。幸好服務生態度友善,和牛高質美味,網上訂座憑券更可享九折優惠,唔怪得知整個商場只有佢地一家排哂長龍啦,抵佢咁旺!
推介菜式: 黑毛和牛みすじ,和牛大判ハネシタ焼きすき,本陣セット
每人消費: 約4300日圓 (晚餐)
評分: 味道4   服務4   環境3   衛生5   抵食5
Hep Five 摩天輪
Hep Five 摩天輪
Hep Five 摩天輪之簡介
Hep Five 摩天輪之簡介
Hep Five 摩天輪入口
Hep Five 摩天輪入口
Hep Five 摩天輪車票及小冊子
Hep Five 摩天輪車票及小冊子
Hep Five 摩天輪之車卡
Hep Five 摩天輪之車卡
摩天輪車卡內
摩天輪車卡內
摩天輪車卡內
摩天輪車卡內
大阪夜景
大阪夜景

大阪梅田區其中一個地標就係離遠都可以望得到嘅摩天輪。摩天輪位於「HEP FIVE」購物商場內,入口處喺七樓,開放時間每天由朝早十一點到晚上十一點,五歲以下嘅小童可免費乘坐,其他人則一率收費500円。

鮮紅色嘅卡箱相當奪目,每卡可最多坐四個人,環繞一圈約十五分鐘。講真大阪嘅夜景實難與東方之珠媲美,此摩天輪唯一獨特之處就係卡箱內有個可以接駁手提電話嘅喇叭,搭客可一邊欣賞大阪景色嘅同時播放出自選歌曲。場內有專人為貴客影靚相,每張收費1,100円,覺得唔靚當然係唔會迫你買啦!
參觀時段: 晚間
入場價錢: 每人500日圓
其他消費: 靚相1,100円
評分: 值得去2  
スターバックスコーヒー 梅田HEP FIVE店
スターバックスコーヒー 梅田HEP FIVE店
廣告牌
廣告牌
餐牌
餐牌
電子餐牌
電子餐牌
印章及手機遊戲都用上櫻花作主題
印章及手機遊戲都用上櫻花作主題
裝潢用上櫻花作主題
裝潢用上櫻花作主題
Sakura Blossom Cream Frappuccino(570円/Tall)
Sakura Blossom Cream Frappuccino(570円/Tall)
Sakura Blossom Cream Frappuccino(570円/Tall)
Sakura Blossom Cream Frappuccino(570円/Tall)

喺「HEP FIVE」一訪梅田火紅色嘅景點後,喺商場竟然有緣地遇上星巴克咖啡屋スターバックスコーヒー」(Starbucks Coffee),店子仲要推緊紅粉緋緋嘅櫻花特飲喎,XO仔即抵擋唔住誘惑。。。

咖啡店內四周嘅裝潢都用上櫻花圖案,就連印章及手機遊戲都用上櫻花作主題,真係夠哂粉紅。

Sakura Blossom Cream Frappuccino570/Tall):小肥所選嘅「櫻花盛放忌廉星冰樂」外表雪白,粉紅元素源自頂面嘅白朱古力脆脆櫻花粒粒,成功營造出片片櫻花花瓣漂落之情景,當真極有思意!櫻花忌廉星冰樂清香柔滑,微甜中有櫻花粒粒帶黎少少醒神清新嘅酸甜,粉紅色嘅白朱古力花瓣又增添多份脆甜,這杯粉紅色櫻花誘惑實在美妙動人啊

願望是即使天老地老,櫻花一再為你開,年年都這麼相愛。~李克勤櫻花
推介菜式: Sakura Blossom Cream Frappuccino
每人消費: 約600日圓 (宵夜)
評分: 味道5   服務5   環境4   衛生5   抵食5
  0 個留言    |  加入你的留言
2017溫馨家庭大阪四天遊 (日本)
(旅程日期: 2017-02-23 至 2017-02-26 ,  旅程性質: 飲食購物)
 整個旅程  (共4篇遊記)
 分享至Facebook 
發表日期: 2018-01-30

224日(

肥肥家族嘅購物行程主要以滿足靚靚媽咪為目標,故小肥於編排路線時都會選取媽咪心儀嘅店舖為中心點,然後再決定去邊到用餐。由於酒店房費包有早餐,每朝早我地都會喺比會所層較多食物選擇嘅「Checkers」食完個自助餐先出街街。

家母最愛日本名設計師「三宅一生」嘅服裝產品,所以細佬專登揀咗到步翌日即到訪名家於大阪開設之旗艦店,並於離店不遠嘅兩星西餐廳「La Cime」享用咗一頓超有驚喜嘅法國九大簋午餐

XO仔因早已計劃晚飯後要參加大阪當地唯一每週例必舉行嘅阿根廷探戈晚會,午後即帶家人返回酒店附近嘅「阪急百貨公司」逛街,方便旁晚時段放下戰利品後,可直接前往「Mの焼肉 福島本店」食燒牛肉做晚餐。

細佬當真興幸一訪「Cafétin de Buenos Aires」舉辦嘅舞會。會場內每位舞者都非常友善,見到陌生嘅小肥都會自動上前寒暄問好,舞技仲非常了得添
Checkers
Checkers
Checkers早餐時間
Checkers早餐時間
Checkers用餐大堂
Checkers用餐大堂
麵包區
麵包區
熱食區
熱食區
飲品區
飲品區
自助早餐
自助早餐
自助早餐
自助早餐

酒店內其有兩個地方都可以用房費包咗早餐券,其中一度就係三十二樓廊,悉該處座位及餐飲項目都比較少深知大肥爸爸最愛多元化,所以哥哥就話不如喺酒店設於二樓啡室「Checkers內享用較多野食自助歐式早餐

餐室每朝早六點半開始就會開放俾啲住客食早餐,閒日收十點,週末收十一點。入座後服務生都會先呈上咖啡或茶,接著就由貴客自取食物。自助區有多款果汁茶包麵包水果咸點熱食可選,當中個人主攻朱古力牛角包、燒賣、乳酪、粟米湯、同粥。開放式廚內有位廚師哥哥即場煎蛋及炒蛋,當然大家亦可點奄列啦!

Checkers環境開揚通爽,服務生尚算勤力友善食物質素及種類均屬正常。
每人消費: 約3661日圓 (早餐)
評分: 味道3   服務4   環境4   衛生4   抵食3
La Cime 門面及室內環境
La Cime 門面及室內環境
香檳
香檳
White carrot & almond
White carrot & almond
Herring on the buckwheat chip
Herring on the buckwheat chip
Squid & citrus fruit with dried mullet roe
Squid & citrus fruit with dried mullet roe
Oxtail with Scallop & Cauliflower
Oxtail with Scallop & Cauliflower
Pork from "AMAMI Island"
Pork from "AMAMI Island"
La Cime 九道菜午餐(8,500円)
La Cime 九道菜午餐(8,500円)

多得蕃薯Uncle每天都有細閱五份報紙習慣,每份仲要係頭版睇到尾頁,中間大小專欄及廣告都唔放過嗰隻,方才知大阪有間抵食高質星級法國餐廳La Cime」,肥肥家族當然係要第一時間見識吓啦

從官方網站已清楚了解餐室午市只供一款8,500円嘅九道菜餐單,晚市則一率為18,000円嘅十二道菜餐單,另加稅。網上訂座流程由用餐日期一個月前開始,逢週日休息,小肥跟隨指示就輕而易舉地於一個月之前成功為午餐訂好位。負責人於二十四小內以電郵確認回覆,告知大廚會用節令食材烹調精美午餐,並問及各人有否對任何食物敏感,相當詳細,未到大阪已感其服務態度專業。

由梅田出發,乘坐地鐵往離餐店最近本町站只需約五分鐘,由車站行去餐廳再要八至十分鐘,個人覺得絕對方便。身為地舖西餐廳以不甚起眼黑白色作門面,室內亦無花巧,彷彿正要用極簡主義嘅室內設計向貴客道出相等於請留意美饌」嘅息,有意思極!店子面不大但勝在樓底高,環企理簡單用上鮮花擺已夠雅致就連洗手間都寬過人

四口子初次光臨La Cime,官仔骨骨經理哥哥眼見小肥手持相機,即友善地提點因店內有其他食客,希望細佬可喺不影響他人用餐下拍XO仔話哂都係醒字派明白點做啦

餐桌上每個座位前面都有整齊嘅餐具及當日嘅精選餐單,另附一份飲品牌。食物早已喺訂座時選好,故大家只需點選飲品,當中可揀單杯美酒、汽水、原枝洋酒、甚至可任由侍酒師即玩配酒添。家中以靚靚媽咪最識飲同最飲得,外遊都唔怕會飲醉嗰隻,所以只有佢一人玩6,000円嘅「配酒套餐」。媽媽大讚餐廳所揀選嘅香檳、紅酒、白酒、清酒同啲菜式相合得黎唔會互相衝突,而且質量絕非等閒之輩,價錢實為超值也

九道菜午餐先由鬼佬白蘿蔔所烹調嘅馬卡龍前菜作序。「White carrot & almond」鬆化潤滑得黎極之輕盈,以大大件假木高盤承載又增添份純樸,可謂美貌與美味並重。

第二道「Herring on the buckwheat chip」嘅木盒擺盤同樣有種大自然feel。一口吃下富彈性嘅鯡魚刺身及墊底超脆嘅蕎麥脆片,脆中帶韌嘅同時又散發著清香微甜。

冷盤最後一味為色彩鮮黃嘅「Squid & citrus fruit with dried mullet roe」。半透光嘅烏賊粒粒質感爽柔,以清新嘅日向夏及鮮濃嘅烏魚子點綴調味已夠芬芳醒神

進入第二段嘅熱食環節,即由靚仔經理續一喺面前為「Oxtail with Scallop & Cauliflower」淋上熱熱嘅忌廉汁,於碟子上繪出一幅精美嘅食物圖。藏喺椰菜花幼絲下嘅牛尾極之軟腍,連同乾巧脆薄嘅椰菜花、香脆惹味嘅瑤柱碎及濃滑嘅忌廉汁食,口感有層次得黎味道非常和諧。

接著嘅「Abalone sauter with lotus root & apios」係咁多味最綠色嘅一款,當中鮑魚鮮甜厚潤得黎帶陣陣香草嘅氣色,都幾得意。

試問法國大餐又點可以少舊魚呢,何況仲係兩星名法國料理嘅「La Cime」?!「Yellow Grouper "Aohata" with mountain vegetable & yogurt sauce」以鮮綠嘅蕗薹菜汁唧成葫蘆邊界綑著簾鯛魚件,菜式嘅外表實在吸睛。厚身嘅簾鯛魚肉白滑幼嫩,輕巧嘅乳酪泡沫剛好提升鮮度,效果極之簡潔!

整頓午餐以主菜「Pork from "AMAMI Island" with black radish & black rice」最為鮮紅艷麗。原來奄美大島正正係主廚嘅家鄉,唔怪得知主角會選以鄉下盛產嘅靚豬烹調。煮至粉色嘅島豚不單肥瘦均勻,而且爽口彈牙,兼肉汁豐盛,師傅以微酸嘅醬油黑米點亮即減低膩感,何其精妙!

最後輪到甜品出場啦!打頭陣嘅「Compote kumquat with ginger flavored fromage blanc」外觀已夠橙光閃閃,亮麗晶瑩,入口更覺清甜爽潤,芳香柔滑。

味蕾以微涼嘅金橘乳酪洗滌一番後,即由「Warm chocolate in baked pie with "Sakura" & "Sakekasu" sorbet」接棒。呈球狀嘅朱古力批外脆內軟,可可味香濃得黎完全唔會過甜,塗上清涼清新嘅酒粕櫻花雪葩未有互搶之餘,仲出奇地各自為對方突出其獨有嘅香氣,極之神奇!

法式九大簋以精美嘅法式小點配餐茶或咖啡劃上完美嘅感嘆號

非常感激蕃薯Uncle良好嘅閱讀習慣,讓肥肥家族認識到環境優雅,服務貼身嘅大阪星級餐廳「La Cime」,並有幸品嚐到一系列以日本高質食材烹煮嘅超值潮派法式料理:「おおきに」(此乃關西感謝款待之語句也)!
推介菜式: Squid & citrus fruit with dried mullet roe,Oxtail with Scallop & Cauliflower,Pork from "AMAMI Island" with black radish & black rice,Compote kumquat with ginger flavored fromage blancWarm chocolate in baked pie with "Sakura" & "Sakekasu" sorbet
每人消費: 約12600日圓 (午餐)
評分: 味道5   服務5   環境5   衛生5   抵食5
阪急梅田本店
阪急梅田本店
鬆弛熊特賣場
鬆弛熊特賣場
鬆弛熊特賣場
鬆弛熊特賣場
鬆弛熊特賣場
鬆弛熊特賣場
小肥兩兄弟均屬童心未泯之人,飯後正當媽媽喺阪急百貨商場狂購日本女裝品牌時,我倆就走咗去場內期間限定開設嘅「鬆弛熊特賣場。場內有勁多日本限定嘅史諾比及鬆弛熊精品,最啱買俾家中小朋友們作手信。
推介項目: 特賣場
參觀時段: 下午
評分: 值得去5  
Mの焼肉 福島本店
Mの焼肉 福島本店
二樓之四人半獨立式廂房
二樓之四人半獨立式廂房
松阪牛赤身肉炙り寿司(480円/件)+ 松阪牛霜降り肉炙り寿司(580円/件)
松阪牛赤身肉炙り寿司(480円/件)+ 松阪牛霜降り肉炙り寿司(580円/件)
塩タン(850円)
塩タン(850円)
特選松阪牛のぜいたく盛り6種(27,600円)
特選松阪牛のぜいたく盛り6種(27,600円)
特選松阪牛のぜいたく盛り6種(27,600円)
特選松阪牛のぜいたく盛り6種(27,600円)
Mの肉丼(980円)
Mの肉丼(980円)
松阪牛すじラメン(680円)
松阪牛すじラメン(680円)

全因「Mの焼肉」喺多本旅遊刊物都有出現,當中主打嘅松阪牛肉插圖又相當吸引,眼見本店離入住嘅「希爾頓酒店大阪」唔遠,小肥唔洗多諗即以網上訂座,流程十分簡易。

餐店合共兩層高,環境雖然較為暗黑,但感覺仍不失衛生企理。四人被安排入座二樓之半獨立式廂房,好夠私人空間。店員中仲有位香港留學生,全晚可以廣東話溝通,份外親切。

打開餐牌一睇,最少有十一頁都係賣緊「松阪牛肉」,迅即明白到店名「Mの焼肉」中嘅「M」就係「松阪」(Matsuzaka)嘅縮寫。既然黎到松阪牛燒肉專門店用膳,肥肥家族就先點咗個包羅萬有嘅四人用「特選松阪牛のぜいたく盛り6」(27,600円),另加壽司飯麵

1)      松阪牛赤身肉炙り寿司(480円/件)+ 松阪牛霜降肉炙り寿司(580円/件):餐店有兩款火炙松阪牛肉壽司,四人同屬牛魔王,故亦想即場試齊並作出比拼。平心而論,如果一次只係試一件,兩款獨立黎食都絕對肉香味佳。不過當同場加影時,如相所示,兩者色澤一鮮一暗,入口更覺赤身肉炙り寿司不及霜降肉炙り寿司肥美軟潤,後者依100円真係抵加同抵俾架!

2)      特選松阪牛のぜいたく盛り6(27,600円):松阪牛肉拼盤上枱當真如餐牌上嘅彩圖般鮮紅奪目,非常吸睛。拼盤上合共有六種松阪牛肉,每款形狀不一,但厚度就差唔多。個人覺得松阪牛肉大多燒至四五成熟,仍帶少少紅就最軟熟香潤,不過其中亦有幾件真係學哥哥話齋要熟多少少先更富肉香同肉汁。總括黎講,松阪牛肉不同部位都一樣高質美味,點選拼盤可一次過品嚐多種款式,份量適中,個人誠意推介。

3)      塩タン(850円):牛脷雖則超薄,但咬落勁爽脆柔潤,正!

4)      Mの肉丼(980円):丼物嘅白飯底粒粒飽滿軟綿,只係舖面嘅牛肉肥膩咗少少,加上份量唔算好大碗,細佬會情願散叫松阪牛肉自己燒,想食飯就另點白飯。

5)      松阪牛すじラメン(680円):拉麵湯底清香熱辣且唔油膩,麵條亦煙韌彈牙,熟透嘅松阪牛肉薄片又一啲都唔乾嚡,680円可謂超值!

大阪名店「Mの焼肉」環境企理,格調輕鬆,私人空間足,有友善好客嘅港籍妹妹仔招呼可謂親上加親!店子嘅松阪牛肉高質味佳,而且價錢親民,性價比極高,下次再黎梅田區時XO仔一定會返轉頭。
推介菜式: 松阪牛霜降り肉炙り寿司,特選松阪牛のぜいたく盛り6種,塩タン,松阪牛すじラメン
每人消費: 約11618日圓 (晚餐)
評分: 味道4   服務5   環境4   衛生5   抵食5
Cafetin de Buenos Aires
Cafetin de Buenos Aires
Cafetin de Buenos Aires
Cafetin de Buenos Aires
Cafetin de Buenos Aires
Cafetin de Buenos Aires
Cafetin de Buenos Aires 週五晚阿根廷探戈舞會
Cafetin de Buenos Aires 週五晚阿根廷探戈舞會

相信有睇開細佬寫作嘅朋友都會知道XO仔對阿根廷探戈熱愛嘅程度近年已開始國際化,去外國遊埠都會專登參加當地嘅晚會,務求一會各國舞林高手

多得日籍好友穿針引線,小肥得以認識並參與大阪地下酒吧Cafétin de Buenos Aires舉行之週五晚阿根廷探戈舞會。駐場嘅探戈發燒友不但全為跳得之人,眼見生面口嘅XO仔初黎報到,更續一上前自我介紹及閒聊一番,面對著外出寒冷嘅天氣,感覺猶如雪中送炭般,既親切又溫暖

雖則現已事隔多月,但小弟仍想在此向新相識嘅舞友們再次道謝:本当に楽しかったです。どうもありがとうございました。
評分: 味道5   服務5   環境5   衛生5   抵食5
  0 個留言    |  加入你的留言
2017溫馨家庭大阪四天遊 (日本)
(旅程日期: 2017-02-23 至 2017-02-26 ,  旅程性質: 飲食購物)
 整個旅程  (共4篇遊記)
 分享至Facebook 
發表日期: 2017-11-24

2017大阪四天遊

家人最怕於旅遊旺季出門,今年一家四口亦選擇喺農曆新年假後先悠遊地去大阪hea玩四日

223日(

近期愛上o既肥肥家族已成為忠實粉絲,是次東瀛遊亦冇諗過要搭其他航空公司,早已訂好乘搭午前o既HX 618班機飛往關西國際機場。

下午抵達機場後,四人即轉乘「関空快速列車」(KIX Rapid-service)前往大阪市中心。於「希爾頓酒店大阪」辦妥哂手續並安頓好行李後,我地就走咗上去酒店行政層個貴賓室度嘆咗輪歡樂時光,等大肥爸爸回咗氣先慢慢行去區內有名o既食街「曽根崎お初天神裏参道」度醫肚。結果食完壽司再食埋大阪名物炸串,即合共兩個晚餐,肥肥家族係咪好堅呢?!

餐牌
餐牌
餐牌
餐牌
HX 618 午/晚餐之頭盤
HX 618 午/晚餐之頭盤
蒜蓉包
蒜蓉包
日式炸雞配蜜糖芥末醬配香米飯及季節時蔬
日式炸雞配蜜糖芥末醬配香米飯及季節時蔬
翡翠夜明珠,炒靈芝菇,蛋炒飯及季節時蔬
翡翠夜明珠,炒靈芝菇,蛋炒飯及季節時蔬
煎豬柳伴砵酒汁配炒薯塊及季節時蔬
煎豬柳伴砵酒汁配炒薯塊及季節時蔬
紫薯南瓜凍糕
紫薯南瓜凍糕

其實喺之前o遊記都已多次介紹過香港航空商務艙o獨立座位有幾舒適服務有幾貼身航班有幾準時,原本都冇諗住為今次大阪之旅再多作評論。無今次所搭oHX 618班機o飛機餐實在係大失水準,令細佬不得不在此向大家訴訴苦。

從餐牌上得知空公司正與酒店中菜廳海景軒合作,找來名廚炮製咗幾道特色菜餚供搭客於機上享用。肥肥家族四人因座位不同,故點菜時間亦不一致,結果只有哥哥一人可嚐到特色主菜翡翠夜明珠。自己未能一試當然係有啲失望,但當四人中只有一人可以叫得到o時候,心諗如果香港航空有心推廣,係咪可以俾貴客預早訂定主菜呢?!

/晚餐o頭盤係日式冷麵海景軒蜜餞牛肋肉」,所有乘客都一樣日式冷麵爽涼甜美,個牛肋肉就不過不失囉,唔係乾又唔係嚡,感覺只係普通咗啲。主菜方面細佬點咗客日式炸雞配蜜糖芥末醬配香米飯及季節時蔬」,雞件過腍且偏嚡,當真唔係咁掂。成份餐最好食反而係個蒜蓉包。。。
評分: 味道1   服務4   環境4   衛生4   抵食4
希爾頓酒店大阪門面
希爾頓酒店大阪門面
靚花擺設
靚花擺設
畫
雙人商務客房
雙人商務客房
雙人商務客房之洗手間
雙人商務客房之洗手間
雙人商務客房之浴室
雙人商務客房之浴室
雙人商務客房之名牌咖啡機
雙人商務客房之名牌咖啡機
酒店見面禮之和菓子
酒店見面禮之和菓子

由關西機場乘搭関空快速列車」(KIX Rapid-service)前往大阪市中心只需1,190円,一個鐘頭左右即達梅田。由車站行去希爾頓酒店大阪不用花上十分鐘,無奈站內指示不甚清晰,四周多個通道又以梯級為主,手持行李搵路當真吃力非常。後來經過多次出入酒店後,方才發覺酒店位置原來好方便除咗有地下通道直達車外,更學會只要認住梅田大丸就可容易地找回酒店,周邊又有多個購物熱點,唔怪得知嗰區咁旺

哥哥經常外遊去到不同國家好多時都會選住希爾頓酒店,近年更儲滿分數換領今次肥肥家族大阪遊o三晚房間哥哥出哂名孝順,請父母旅行更不用多想即訂下較寬o商務客房酒店房間衛生通爽,大牀極度舒適,浴室亦光猛潔淨,日用品及茶等應有盡有,配套十分齊全。房費仲包享24小時健身室設施貴賓室層不同時段o餐飲及延遲退房服務,感
評分: 設備5   服務5   環境5   衛生5   抵住5
歡樂時光酒品
歡樂時光酒品
澳酒汽酒
澳酒汽酒
自助小食
自助小食
熱情果青檸甜點
熱情果青檸甜點
歡樂時光
歡樂時光

我地所入住o商務房間除咗包有自助早餐之外,四人更可於32o商務貴賓室內免費享用精選下午茶小點及咖啡歡樂時光酒品及小食

到步當日辦理妥手續及安頓好行李後因剛好就係歡樂時段,一家人就決定上去嘆返幾round先出街慢慢搵食。點知會所層早已坐滿貴客,必需排候座之外,有啲人仲要搭枱添最可惜係貴室所提供o酒品級唔高,小食款及質素又認真麻麻,吸引指數奇低,結果未飲完第一輪大肥爸爸已忍唔住話要快啲去食飯
評分: 味道2   服務3   環境3   衛生3   抵食3
曽根崎お初天神裏参道
曽根崎お初天神裏参道
曽根崎お初天神裏参道
曽根崎お初天神裏参道
曽根崎お初天神裏参道
曽根崎お初天神裏参道
お初天神露天神社
お初天神露天神社
お初天神露天神社
お初天神露天神社

由於冇人可以預料航班會有幾準時,為怕引起不愉快事件,哥哥早已吩咐細佬唔好訂定晚餐,免得遲到收場,阻到人地做生意就唔好啦。XO仔參閱過旅遊書,知悉離酒店不遠有條美食街「曽根崎お初天神裏参道」,步行只需八分鐘左右,街上有多間食肆任君選擇,旁邊仲有間開到深夜o既露天神社,所以就決定第一晚去嗰頭覓食。

平心而論,「曽根崎お初天神裏参道」聽落就好熱鬧,不過晚上八點未到條街感覺都幾冷清吓,好多餐廳望落仲有少少拍烏蠅feel添。路旁黑漆漆o既神社人影都冇隻,陰陰沉沉咁,小肥兩兄弟入咗去兜咗個圈都急不及待走返出黎囉
參觀時段: 晚間
評分: 值得去2  
油麻地壽司 哭臉2017-11-24
市場ずしお初天神店
市場ずしお初天神店
用餐限時兩小時
用餐限時兩小時
彩圖餐牌
彩圖餐牌
彩圖餐牌
彩圖餐牌
飲品餐牌
飲品餐牌
XO仔手寫點菜紙
XO仔手寫點菜紙
梅酒及清酒
梅酒及清酒
壽司
壽司

黎到日本,父母都想第一時間食壽司,行到去「曽根崎お初天神裏参道」亦好順理成章地先搵壽司店。XO仔較單純,諗住喺大街o既地舖會最安全啦,所以當路經「市場ずし」鮮紅搶眼o既門面時,迅即提議入去試試。

兩層高o既壽司屋門外睇起上黎就好光鮮,但樓上環境較為簡陋,眼見店內有多枱醉客,茶餐廳格局又冇乜好影,為怕惹上不必要o既麻煩,細佬都冇刻意四周拍照。

埋位一刻即點好酒品,跟住慢慢從彩圖餐牌揀選最想食又較大路o既壽司。只懂以日文及手語溝通o既嬸嬸其實都好好人,只係餐店o既魚生質素未合肥肥家族要求,最終四口子食完一輪後,即使未飽肚都決定唔再追加,立心要轉場食第二餐。
每人消費: 約2050日圓 (晚餐)
評分: 味道2   服務4   環境3   衛生3   抵食2
串かつじゃんじゃん お初天神店
串かつじゃんじゃん お初天神店
人氣炸串餐牌
人氣炸串餐牌
炸串餐牌
炸串餐牌
醬油及椰菜
醬油及椰菜
伝說の手羽先(180円/本)
伝說の手羽先(180円/本)
炸串エリンギ(100円/串)、炸串豚バラ(170円/串)、炸串チューリップ(180円/串)
炸串エリンギ(100円/串)、炸串豚バラ(170円/串)、炸串チューリップ(180円/串)
炸串エビ蝦(160円/串),牛(120円/串),アスバラ露荀(120円/串)
炸串エビ蝦(160円/串),牛(120円/串),アスバラ露荀(120円/串)
若雞のから揚げ(炸雞;590円)
若雞のから揚げ(炸雞;590円)

離開咗壽司店即重踏上「曽根崎お初天神裏参道」,一直向著返回酒店o既方向走,離遠其實都已聽見有好多人聲,行近先知原來幾位年輕人正為樓上炸串屋「串かつじゃんじゃん」拉緊客。由於店子鮮黃色o既招牌實在吸睛,加上幾位店員咁落力,大肥爸爸又明顯唔想再行,小肥同哥哥打個眼色就決定一戰大阪名菜之一o既炸串

樓上小店面積唔大,空氣又唔算好流通,室內油煙味都幾勁吓。當晚餐店因只剩餘榻榻米散座,七旬雙親都被迫要除鞋並屈膝而坐,見佢地用餐時不停更換位置都知佢地唔係咁自在,唯有希望食物美味可搭救,並且可速戰速決。地道小店只有日文餐牌,年輕o既服務生得知細佬只可以簡單日語溝通時,佢都好有耐性地講解炸串食法、翻譯餸名、及推薦人氣菜式,友善客氣得很

肥肥家族應推介點咗幾款炸串小食

1) 伝說の手羽先(180円/本):餐牌上知悉「傳說中有款雞翼巧巧味。。。」,因深知靚靚媽咪最愛食雞翼,孝子當然係要叫俾媽媽食啦!傳說雞翼乾巧香脆又惹味,超正!

2) エリンギ杏鮑菇;100円/串):杏鮑菇炸串每串均為原條菇菇,肥厚爽潤,芳香可口。

3) 豚バラ(豬肋骨肉;170円/串):個人略嫌豬肋骨肉炸串乾嚡咗少少,係咁多條炸串中較為失色o既一道。

4) チューリップ雞槌;180円/串):雞槌炸串鬆脆富彈性,香口味佳。

5) エビ;160円/串):蝦炸串皮脆鬆爽,咬落真係索索聲架

6) 若雞のから揚げ炸雞;590円):炸雞件脆巧肉嫩又夠肉汁,一樣咁掂!

可能係因有強烈對比下啦,炸串屋「串かつじゃんじゃん」雖然地方狹窄唔多好坐,但其服務優,炸物小食更為高質出眾,確真美味得好有特色,大肥仲好搞笑地要細佬幫佢影多幾幅靚相記念吓咁話!
推介菜式: 伝說の手羽先、チューリップ、エリンギ、エビ、若雞のから揚げ
每人消費: 約2080日圓 (晚餐)
評分: 味道5   服務5   環境2   衛生4   抵食5
  0 個留言    |  加入你的留言