Handsome XO
我是Handsome XO。 我最喜愛到日本旅遊 , 最鍾意遊覽主要地標, 住宿通常會揀4星酒店。
留言  留言給此旅遊家
  遊記數目 117
  上載相片 4013
  上載影片 3
最近分享過的旅程
2018年聖誕遊東京
國家/地點: 日本
旅程日期: 2018-12-23 至 2018-12-28
2019瑪麗皇后二號郵輪八天遊
國家/地點: 新加坡, 越南
旅程日期: 2019-03-05 至 2019-03-12
2018台灣四天美食之旅
國家/地點: 台灣
旅程日期: 2018-11-23 至 2018-11-26
2018美加探親兩週遊
國家/地點: 加拿大, 美國
旅程日期: 2018-03-27 至 2018-04-07
2017京阪神六天遊
國家/地點: 日本
旅程日期: 2017-11-08 至 2017-11-13
2017台灣婚禮三天遊
國家/地點: 台灣
旅程日期: 2017-04-20 至 2017-04-23
2017溫馨家庭大阪四天遊
國家/地點: 日本
旅程日期: 2017-02-23 至 2017-02-26
東京豪食三日兩夜自由行
國家/地點: 日本
旅程日期: 2016-09-09 至 2016-09-11
2016鑽石公主郵輪東瀛遊
國家/地點: 日本, 俄羅斯
旅程日期: 2016-08-30 至 2016-09-09
2015台北怒食三天遊
國家/地點: 台灣
旅程日期: 2015-11-18 至 2015-11-21
2017京阪神六天遊 (日本)
(旅程日期: 2017-11-08 至 2017-11-13 ,  旅程性質: 飲食購物)
發表日期: 2018-11-30

2017神六天

姨媽們近年尾都會回港一段時間,期間更會出一出門,遊玩一番。因得知肥肥家族於年頭喺大阪玩得好開心,所以就命小肥兩兄弟安排一次京阪神之旅。哥哥為是次六天東瀛遊再次選乘「」早機去、晚機返。

 

118日(

京阪神六天遊出發當日,八口子又再次遇上航班稍為延誤,幸好「」新增之貴賓室「遨堂」設備齊全,餐飲亦不錯,有要求嘅長輩們都滿意到毫無掃興之感

到達關西國際機場後就直接搭「HARUKA」列車去最遠嘅京都。哥哥早已於車站樓上嘅「Hotel Granvia」訂好房間,安頓好行李後大家都急不及待外出覓食。由於難以掌握抵京時間,首個晚餐只能誤打誤撞地一試可容納八人嘅日本餐店「すき焼き炭火居酒屋北斗」。講真食物質素認真麻麻,加上可能人多冇訂位,又令到服務生遲咗收工啦,服務態度更可用一個「劣」字黎形容,家人飯後都話唔會有下次,唔怪得知成條街只有佢一家有位囉,旅程第一個晚餐也太令人印象深刻了!不過都可算為好事,因為真係好難遇上更差的。。。
香港航空貴賓室 - 遨堂
香港航空貴賓室 - 遨堂
香港航空貴賓室 - 遨堂
香港航空貴賓室 - 遨堂
四周可見不少鮮花綠葉作擺設
四周可見不少鮮花綠葉作擺設
酒吧及飲品
酒吧及飲品
自助餐飲
自助餐飲
自助餐飲
自助餐飲
點心早餐
點心早餐
招牌雞蛋仔
招牌雞蛋仔

肥肥家族對「香港航空」情有獨鍾,今次同行嘅全為七旬長輩,為咗大家都可以舒舒服服,哥哥就訂購好較闊落嘅商務機位,諗住候機時可以佗佻地享用貴賓室嘅餐飲及設施,即使遇上延誤都唔洗太過狼狽或掃興。

記得上次仲去緊藏於地下室間「紫荊堂」貴賓室,真係估唔到航空公司可於三年內增設第二間貴賓室,仲升埋上樓,淨睇門面已覺樓底更高,面積更寬廣。唯一有少少失望就係見唔到「紫荊堂」嗰個懷舊磅重機

如果唔係有哥哥介紹,XO仔根本唔會留意到兩間貴賓室嘅中英文名都完全唔一樣,新貴賓室「遨堂」其實係已拉丁文「Autus」起名,意味著「香港航空」正「豐盛成長」,故室內設計亦以此為題,四周可見不少鮮花綠葉作擺設,有意思極!光鮮光猛嘅貴賓室極富空間感,到處都有舒適嘅梳化椅櫈及用餐散座,人多都唔覺嘈吵或逼人。電腦區有多個差電插頭、幾部電腦及傳真打印機。小朋友仲可以揀坐彩色高櫈添,設備確真齊備。

室內嘅餐飲均為自助式,望落乾淨企理,衛生非常。餐具全擺放於中間嘅小涼亭內。飲品包冇酒精類嘅咖啡、茶、汽水、果汁及凍熱水。十八歲以上嘅旅客更可向酒保點選限定酒品,生啤都有三款揀架。早上十一點後連雞尾酒都出埋。由於當日遇上航班延誤,細佬同靚靚媽咪先可以飲多幾杯「遨堂」嘅招牌雞尾酒Autus Delight Plus。「Autus Delight Plus」滲透著荔枝嘅清甜及玫瑰嘅花香,很是清新。自助區內之食物中不乏大路嘅沙律、三文治、點心、炒麵、意粉、咖哩、甜品等。XO仔當然係主攻蝦餃同燒賣啦!喺機場食已預咗係叮叮點心,不過燒賣明顯比厚皮蝦餃美味,最正反而係潤滑而不太油膩嘅腸粉同煙韌爽脆嘅炒麵

此外,廚房於不同時段都會提供幾款即叫即製嘅菜式。朝早六點到十一點有三款湯麵及煎蛋或炒蛋。個人推介熱辣辣嘅炒蛋,因炒蛋本身炒得好夠鮮黃香滑,加配埋菠菜火腿蘑菇則更為惹味豐富。碗榨菜肉絲米粉個湯底好清,米粉麵條唔會腍哂,加上榨菜肉絲夠味得黎又唔油膩,屬暖胃嘅輕食。廚房由早上十一點就換上另外五款湯麵,當中有辣有唔辣。最搶手就係貴賓室聞名中午十二點起先出嘅雞蛋仔!由於當真即叫即製,大家記緊要預十五至二十分鐘製作時間。辣手嘅雞蛋仔香脆無比,微甜輕巧,家人邊行去閘口,邊分黎食,一客話咁快就食哂,嘻嘻,下次一定要打孖黎叫

以前離港,家人都唔會太早去機場,但最近身邊有親友因自己遲到而遇上不愉快事件,家中嘅長輩就變得更加謹慎,會預鬆多啲時間,橫掂買咗商務機票可以喺貴賓室享用免費餐飲及其他設施,等耐啲都冇妨。「香港航空」新增嘅「遨堂」貴賓室比起第一個貴賓室「紫荊堂」於各方面都明顯有所提升,真如其名般象徵著航空公司有所成長。「遨堂」環境開揚通爽,設施齊備,自助餐飲款式多,質量亦偏高,室內嘅服務生雖則年輕,但每位同樣友善客套,而且樂於助人,臨行前除咗順祝旅客有個愉快嘅旅程,亦不忘閒談兩句,問及各人對航空公司及貴賓室有否意見,這就是誠意!「香港航空」,肥肥家族支持你
評分: 味道4   服務5   環境5   衛生5   抵食4
香港航空HX 618
香港航空HX 618
餐牌
餐牌
餐牌
餐牌
香檳
香檳
日式冷麵 + 京式素鵝卷
日式冷麵 + 京式素鵝卷
蒜蓉包
蒜蓉包
楊枝桂花凍糕
楊枝桂花凍糕
家鄉沙薑雞球
家鄉沙薑雞球

因為之前已經寫過幾次香港航空商務艙如何舒適服務多麼貼身,故細佬在此都不想多費唇舌再次讚許。講真前幾次航空公司嘅膳食當真有啲參差,今次HX 618同上次一樣都係唔係咁掂。。。

午餐/晚餐仍舊請黎中菜廳海景軒合作,頭盤依然有上次食過嘅「日式冷麵」,但就換上咗「京式素鵝卷」日式冷麵爽涼甜美大概喺飛機上味蕾會冇咁敏感是常識吧,但係個素鵝卷真係好難食吓,除咗淡而無味,質感更加係乾乾嚡嚡,實在太齋了!主菜「家鄉沙薑雞球」完全食唔出有沙薑味,食落似係腍咗嘅唐揚炸雞咁,肉質乾噌噌,非常恐怖成份餐最精彩嘅反而係暖手惹味蒜蓉包同芳香清新楊枝桂花凍糕
評分: 味道2   服務4   環境4   衛生3   抵食3
京都車站
京都車站
Hotel Granvia Kyoto
Hotel Granvia Kyoto
Hotel Granvia Kyoto 大堂
Hotel Granvia Kyoto 大堂
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房
Hotel Granvia Kyoto 雙人房

詳盡地翻閱過旅遊書,方才得知於關西機場之二樓JR West站內可以優惠價3600円購買「JR Express Train HARUKA + ICOCA 卡」,包HARUKA」列車前往京都市中心及鐵路儲值咭一張。HARUKA」由關西機場往京都車站只需約76分鐘,相當快捷及舒適。哥哥所訂嘅酒店「Hotel Granvia Kyoto」就喺車站嘅樓上,路牌清晰,唔洗行出街又可以行得到,實在太方便了!

酒店客房寬敞衛生,空調充裕,大牀舒服,浴室亦光猛潔淨,日用品及茶等應有盡有,配套十分齊全,大家都好滿意。
每晚價錢: 41200日圓 (雙人房)
評分: 設備4   服務5   環境4   衛生5   抵住4
不可一! 哭臉2018-11-30
すき焼き炭火居酒屋 北斗
すき焼き炭火居酒屋 北斗
餐牌
餐牌
服務生態度差劣
服務生態度差劣
薯片小食(免費贈送)
薯片小食(免費贈送)
牛すき特上盛り(一人前 2,290円)
牛すき特上盛り(一人前 2,290円)
肉吸い仕立ての京風湯豆腐(790円)
肉吸い仕立ての京風湯豆腐(790円)
串燒
串燒
山椒から揚げ(690円)
山椒から揚げ(690円)

入夜後嘅京都街道上唔係太多人,反而沿路經過嘅所有餐廳都已滿座,唯一只有兩層高嘅「すき焼き炭火居酒屋 北斗」有位,眼見大家都餓到冇力再行,團長即決定一試。

八口子被安排入座樓上嘅合併式散座。話就話係包哂全層,因為當晚冇乜人幫襯,但埋位後想搵個店員都難,就連廚房仔同水吧都係吉嘅。不過搵到人都唔代表係好事,因明顯我地喺度阻住人家玩電話,應該都阻住埋佢收工嗰隻,其黑面及極不誠懇之態度可真係日本之最劣呀

飲品餐牌共有四頁之多,除咗有大路嘅日式汽水、果汁、清酒等之外,當中仲有多款洋酒及雞尾酒可選。八頁食物餐牌附有彩圖,日英對照,簡單易明。

1)      小食(免費贈送):等待廚房烹調晚餐時,先有巧薄脆脆嘅薯片送酒,真係冇諗到成晚最好食就係依碟免費送嘅薯片

2)      牛すき特上盛り(一人前 2,290円):全店均用上炭爐煮製壽喜燒,睇頭十足!雖然只係叫咗兩客一人份嘅壽喜燒,不過每人都有隻蛋黃鮮美嘅靚靚日本蛋。配料有廚房特選嘅蘋果蓉及解熱嘅蘿蔔汁。壽喜燒套餐包有一盒特上級「吟味重ねた國產上貨牛」(即和牛吧?!)及一盤雜菜。和牛主色鮮紅,但單睇紋理即覺油脂分佈唔得均勻,加上牛肉切得唔夠薄,煮熟咗後肉質偏韌難咬,唔得軟腍滑溜,長輩們要同牛牛做手術小肥亦冇話可說,實不能推介。成份餐最正常就係煙韌彈牙嘅烏冬,索哂啲壽喜燒汁則甜美可口。

3)      肉吸い仕立ての京風湯豆腐(790円):以煲仔上嘅豆腐湯熱力十足,豆腐都好嫩滑,無奈湯底唔多夠味,頂面啲牛腩更加係集乾、嚡、厚、硬於一身,絕對食唔過。

4)      牛ステーキ大串(590円):正當大家對壽喜燒及豆腐煲已大失所望時,食串燒時先知曉個壽喜燒其實算係店內好食嘅菜式,因為第一款牛扒大串燒韌到就連碗都可以咬崩嘅大肥爸爸都扯唔開,也太驚嚇了吧?!

5)      鶏もも大串(540円):串燒雞肉雖則用上黑肉燒煮,食落都叫做有啲肉汁,不過可能雞肉較大件,啲肉就實咗啲,認真麻麻!

6)      豚バラ串(540円):試埋豬排肉串燒,即可確認大廚燒功都幾九流吓,豬肉乾噌噌、嚡霎霎,真係後悔每款串燒都叫咗咁多條囉!

7)      山椒から揚げ(690円):最後上嘅炸雞一樣唔多掂,但到咗依個地步小肥已再無餘力去彈啲餸菜。。。

肥肥家族東瀛遊最享往就係食同買,勢估唔到是次京阪神之旅第一晚居然遇上眾人都覺得「不可一」嘅「すき焼き炭火居酒屋 北斗」。餐店環境還好,上層散座寬廣開揚,食物菜式價格唔算貴,但質素偏低,最要不得就係劣等之服務態度。。。嘻嘻,XO仔個人比較阿Q,第一餐水準咁低,之後咪即係只會更好囉!
每人消費: 約3800日圓 (晚餐)
評分: 味道1   服務1   環境3   衛生3   抵食1
  0 個留言    |  加入你的留言
發表日期: 2018-12-18

119日():京都的第二天

肥肥家族初遊京都,對歷史悠久嘅前日本首都頗為陌生,印象中只係市內好多寺廟,所以姨媽就提議不如參加半天巴士遊,唔洗行太多路又可以睇啲最具代表性嘅景點。由於旅行團朝早八點就要集合,XO仔就訂定京都得奬品牌「Flavor's」嘅千層蛋卷俾大家做早餐,只可惜質素遠低於預算,令團友們都大感失望

坐咗四個鐘頭巴士,遊過「二條城」、「金閣寺」、「京都御所」後,九子就去咗酒店與落車處中間位嘅「モリタ屋JR京都 伊勢丹店」(Moritaya)食咗頓正爆油燒和牛午餐。飯後就轉由哥哥帶路狂購多輪京都限量版精品。全日最有驚喜都要數當晚喺「よねむら」(Yonemura)嘅潮派法國大餐,大廚喺法式料理混入咗不少和食精髓,美鐉組合新穎可口,感覺就好似味蕾都去咗次旅行咁,食得實在暢快!
得奬冇理 ok喇2018-12-18
每個蛋糕都有獨立氣珠膠及紙盒包裝,非常穩陣
每個蛋糕都有獨立氣珠膠及紙盒包裝,非常穩陣
每個蛋糕都有獨立氣珠膠及紙盒包裝,非常穩陣
每個蛋糕都有獨立氣珠膠及紙盒包裝,非常穩陣
Flavor's
Flavor's
詳細保溫、解凍及食用說明
詳細保溫、解凍及食用說明
ミルクレープロール抹茶(“Milk Crepe Roll Matcha”;1,242円)
ミルクレープロール抹茶(“Milk Crepe Roll Matcha”;1,242円)
ミルクレープロール抹茶(“Milk Crepe Roll Matcha”;1,242円)
ミルクレープロール抹茶(“Milk Crepe Roll Matcha”;1,242円)
ミルクレープロール プレーン(“Milk Crepe Roll Plain”;1,242円)
ミルクレープロール プレーン(“Milk Crepe Roll Plain”;1,242円)
單據
單據

閒來翻閱旅遊雜誌時,發現京都一家西餅店「Flavor's」以其抹茶味牛奶千層蛋卷「ミルクレープロール抹茶」榮獲「日本ギフト大賞 2016 京都賞受賞」,無奈店子只接受早成個月前之本地網購,故當時都只係影咗幅相做記錄。咁啱暑假期間,姨媽們提議入秋去京都玩喎,XO仔即諗到可以訂黎做早餐試試,點知細佬玩極都訂唔到,結果幾經艱辛,托酒店先成功購下蛋卷,並代為冷藏儲存,直至九人抵達酒店再轉交到手。

每個蛋糕都有獨立氣珠膠及紙盒包裝,非常穩陣。亦有詳細保溫、解凍及食用說明,但就只有日文一個語言。細佬所訂o既兩款原味及抹茶味牛奶千層蛋卷連稅單售1,242円,網購另加972円運費及324円手續費。

1)      ミルクレープロール抹茶(“Milk Crepe Roll Matcha”;1,242円):解凍後o既抹茶味牛奶千層蛋卷質感濕潤過腍,忌廉厚濃溜滯,但蛋卷卻淡而無味,一丁點甜意都冇,當真唔明解如何可贏得奬項,莫非係對手太弱?!

2)      ミルクレープロール プレーン(“Milk Crepe Roll Plain”;1,242円):講真原味牛奶千層蛋卷除咗同抹茶味唔同色水之外,基本上兩者連味道都差唔多,不吃也吧。

小肥一向對日本版o既西式甜品都幾有信心吓,但今次花盡精力早於兩個月前網購所謂得奬o既「Flavor's」抹茶味牛奶千層蛋卷只有包裝最好睇,一啲都唔好食,也太令人失望透了
每人消費: 約560日圓 (早餐)
評分: 味道1   服務1   環境3   衛生5   抵食1
旅遊巴士站
旅遊巴士站
二條城
二條城
二條城
二條城
抹茶味生啤
抹茶味生啤
金閣寺
金閣寺
金閣寺
金閣寺
紅葉
紅葉
京都御所入門証
京都御所入門証

經好友介紹於VELTRA旅遊網選購巴士遊,比拼過各行程嘅簡介、時間表、亮點及價格後,XO仔就揀咗每位6,400円嘅「【京都巴士遊】二條城 + 金閣寺 + 京都御所」。

八點十分先憑電子發票於「AVANTI Sunrise Tours櫃檯」取票,再跟指示行去巴士站,相當方便。旅遊巴準八點二十五分開車。日藉導遊全程以英語解說,由於自己讀書時代歷史同地理都肥哂佬,所以聽得都幾辛苦吓;哈哈,後尾仲索性淨影相,唔聽書添。三個景點中最靚就係「金閣寺」,但係人山人海,真係好難影到靚相。「金閣寺」除咗寺廟夠金,就連下面嘅湖水都特別清澈,好多龍友影咗相都話「金閣寺」及其湖中嘅倒影一模一樣,實難辨真假咁話。小肥一向對觀景都不甚興趣,反而喺景點內嘅商店買到不少有記念價值嘅精品及手信,不過最搞笑就係居然見到有抹茶味生啤飲,認真棧鬼。

計落條數,平均2,100円左右去一個景點,包哂入場費同交通費,仲有人開路及解說一番,這個到此一遊唔算貴囉。
推介項目: 金閣寺
參觀時段: 早上
入場價錢: 每人6400日圓
評分: 值得去4  
モリタ屋 JR京都 伊勢丹店 Moritaya JR Kyoto Isetan Store
モリタ屋 JR京都 伊勢丹店 Moritaya JR Kyoto Isetan Store
モリタ屋 JR京都 伊勢丹店 Moritaya JR Kyoto Isetan Store
モリタ屋 JR京都 伊勢丹店 Moritaya JR Kyoto Isetan Store
油燒和牛有三種食法:原汁原味、檸檬醬油、蘿蔔蓉混醬油
油燒和牛有三種食法:原汁原味、檸檬醬油、蘿蔔蓉混醬油
前菜
前菜
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)
オイル焼き「松」(5,724円)

去旅行揀地方食飯,不外乎經親友介紹或跟隨旅遊網、書籍或雜誌推廣。舊年遊京都時,第一個午餐就去咗超閃旅遊書介紹嘅「モリタ屋」(Moritaya);全因為睇到於明治二年創業嘅餐店擁有自家牧場,壽喜燒及涮涮鍋均只限供應極品京都和牛

モリタ屋」有多間分店,細佬當然係挑選咗間離酒店最近,唔洗行出街,步行只需五分鐘嘅「JR京都伊勢丹分店」啦!雖然人多要訂位兼訂埋指定午市套餐,幸得酒店幫忙,XO仔又預足時間,來回幾次電郵迅即搞掂,極之簡易。九人仲被安排入座窗邊最佳位置,一邊進食可一邊欣賞藍天白雲下嘅京都鐵塔及靚景,真爽!

店子午市套餐可選牛扒、壽喜燒、涮涮鍋、或油燒,價格以和牛級數而定。深知家人都怕極級和牛超強嘅油份,故小肥亦只為各人揀咗中間價位嘅「」及「竹」。原本全部人都要點食同一款套餐架,好彩酒店成功爭取到四加五嘅組合,家人方才可以分批試壽喜燒及油燒京都牛,當真感激酒店及餐廳雙方都咁通情達理

翻閱桌上嘅餐牌時,發現原來午市仲有個「最高的飯菜」之「極み」(一人前 10,260円)午餐,包齊五色冷盤、和牛頭盤、和牛壽司、特選壽喜燒、涮涮鍋、油燒、湯、飯及甜品。不過講真除咗肥肥家族三大壯漢可以食得哂整份「極み」之外,相信其他長輩都未必有能力一人食一份;嘻嘻,等下次再黎京都時先叫黎試試。

可能負責我地張枱位嬸嬸諗住溝通會有問題,起初佢都有少少冷淡,但之後聽到小弟可以簡單日語對答後,即變得好客得多。佢解釋話食物一般都會由食客自己燒煮,不過得知席上冇人有食油燒和牛嘅經驗,佢就好好心機地重複示範咗兩次,細心得很。並教路食油燒和牛有三種食法:第一種係原汁原味、第二種係點檸檬醬油、第三種就係XO仔誤以為係薯蓉嘅蘿蔔蓉混醬油;個人覺得第三種蘿蔔蓉混醬油清新解熱得最合襯。

午餐順序由前菜食起,指定項目有清脆嘅薯仔及鮮嫩嘅蟹肉沙律。「」級套餐比「竹」級貴少少,所以前菜都多咗舊。。。惹味嘅燒和牛

オイル焼き「松」(5,724円):燒煮前,京都和牛色澤鮮紅,雲石紋理分明,油脂分布均勻,賣相超掂!嬸嬸教話以慢火燒至底部油份有聲出,邊邊位開始轉色,即可返轉燒埋第二面。小肥食牛一向越生越愛,意外地今次件五六成熟嘅油燒和牛肉質鬆爽,咬落更覺肉汁豐盛,肉香甜美,正爆!跟餐仲有一大盤色彩繽紛,新鮮爽脆,好睇又好食嘅蔬菜。另附清新醒胃嘅漬物及暖胃嘅白飯同麵豉湯。飯後再以一杯熱茶及爽甜嘅生果作結,腸胃確真大滿足

好多謝超閃旅遊書咁好介紹,讓肥肥家族認識到「モリタ屋」,輕鬆舒適地初次品嚐到油燒京都和牛。餐店環境優雅有景睇,抽氣足,服務生友善,油燒京都和牛絕對貨真價實,食到長輩們都話要推薦俾親友,証明夠堅!

推介菜式: 油燒和牛(オイル焼き「松」)
每人消費: 約6390日圓 (午餐)
評分: 味道5   服務4   環境4   衛生5   抵食4
Sanrio Gallery Kyoto 之倒掛 XO
Sanrio Gallery Kyoto 之倒掛 XO
節令紅莓特飲餐牌
節令紅莓特飲餐牌
節令紅莓特飲餐牌
節令紅莓特飲餐牌
節令紅莓特飲餐牌
節令紅莓特飲餐牌
螢光幕顯示電子單據
螢光幕顯示電子單據
Raspberry White Chocolate Frappuccino(580円/Tall)
Raspberry White Chocolate Frappuccino(580円/Tall)

每次去日本濕平收穫都會好豐富。今次買得最盡興都應該係喺四条河原町「Sanrio Gallery Kyoto」血拼京都限量版XO同哈囉貓手信。購物完就行咗去隔離間星巴克咖啡屋スターバックスコーヒー」(Starbucks Coffee),買咗杯節令紅莓特飲

咖啡屋全球大部份嘅分店裝修佈局都差唔多,就連用上嘅餐桌椅櫈都係同一款式,唯一不同就係收銀處有個大螢幕顯示出賬單內容,不過唔係數目字就係日文,外國人絕對有機會睇唔明

Raspberry White Chocolate Frappuccino580/Tall):小肥初嚐之「紅莓白朱古力星冰樂」紅白嘅外表極富聖誕色彩,星冰樂香甜鮮美,頂面嘅紅莓脆脆清新醒神,就連忌廉都白滑過人,掂呀!
推介菜式: Raspberry White Chocolate Frappuccino
每人消費: 約600日圓 (下午茶)
評分: 味道5   服務5   環境3   衛生4   抵食5
室內環境
室內環境
以白酒杯飲日本清酒,碰杯都碰得潮過人
以白酒杯飲日本清酒,碰杯都碰得潮過人
Mushroom croquette; Snapping turtle soup
Mushroom croquette; Snapping turtle soup
Steamed glutinous rice with crab
Steamed glutinous rice with crab
Meuniere of flounder
Meuniere of flounder
Cold served pasta
Cold served pasta
Wagyu beef steak with garlic peanut sauce
Wagyu beef steak with garlic peanut sauce
Today's Chef's Dinner
Today's Chef's Dinner

其實肥肥家族遊京都前,早一年嘅聖誕表妹舉家已經去過玩,所以小肥喺編排飲食行程前都好醒目地向佢索哂料。由於大家旅遊性質唔多同,表妹要照顧多位小朋友,而XO仔只需為一眾長輩們挑選美食,結果喺佢介紹幾間餐廳入面只能揀出潮派法國大餐「よねむら」(Yonemura)。

餐店為兩層高嘅獨立屋,門牌雖不太起眼,但只要有哥哥帶路就唔洗慌。步入正門,必先經過和風小花園。入到餐廳即變得洋化得多,四周圍都係木造嘅傢俬,光鮮涼爽。地下右方為吧枱,食客可邊食邊與廚師們互動一番。樓上廂房私人空間足,聽唔到樓下任何聲音,最緊要係有專人服務,絕對貼身稱心

細佬啲日文屬有限公司,好彩有酒店代勞幫忙訂座,唔係相信都未必會聽得明九人嘅派對必須於廂房內進行。晚餐全權由大廚發辦,每位16,000円,並無他選。既然唔洗傷腦筋點食物,大家就應推介以日本清酒配潮派法國菜。。。冇錯,相中以白酒杯載住嘅係日本清酒,仲要係京都出品;嘻嘻,係咪碰杯都碰得潮過人呢?!

廚師除咗喺佳餚設計上花下心思之外,就連碗碟配套都一絲不茍。整套齊備嘅餐具都已擺放喺面前,各人更有自己嘅一小碗薄荷葉清水供洗手之用,衛生非常。

1)      Tomato & Pear Salad, topped w/ boiled lobster; Fig, young Japanese amberjack & raw ham; Toast topped with mussels & kelp:應建議逆時針方向由左邊起最淡嗰件食起:第一件龍蝦蕃茄沙律球清新潤甜;第二件無花果火腿鰤魚卷爽脆中滲出咸香;第三件昆布青口多士則香濃惹味,各有特色。

2)      Mushroom croquette topped the beef tongue stew w/ fennel sauce; Snapping turtle soup:以公雞靚碟承載嘅菜式原來一啲雞嘅成份都冇。右手邊嘅蘑菇炸球新鮮熱辣,外皮金黃香脆,芝士菇餡芳香味佳,頂面淋上腍滑嘅汁煮牛脷,組合新穎可口,再配上左手邊茶杯入面嘅擬鱷龜湯,更覺清甜暖胃。意外地,擬鱷龜湯一啲腥味都冇,唔講真係未必會估到係用所燉製。

3)      Steamed glutinous rice with crab:個人覺得此乃晚餐其中一個亮點。鮮蟹糯米飯不單有鮮橙美艷,幼嫩鮮甜嘅蟹肉蟹籽擔當主角,就連小碗底層嘅配角蒸糯米飯都粒粒飽滿晶瑩,煙韌潤澤,堅掂

4)      Gratin of Oyster焗蠔肥美滑溜,厚潤鮮香。

5)      Meuniere of flounder with red wine & citrus pepper sauce & steak of turnip:潮派極都唔可以忘本,食法國大餐當然係要多舊魚啦,嘩卡卡!「よねむら」客奶油香煎比目魚可以稱得上為整頓晚餐最傳統嘅一味。比目魚白滑嘅魚肉鮮嫩無比,魚皮巧薄香脆,點上碟底嘅紅酒黑椒酸汁確真清新醒胃。

6)      Cold served pasta with surf clam, avocado, salmon roe & soft-boiled quail egg:西餐中嘅意粉通常都係熱食,今次師傅明顯係混入咗日式冷麵嘅構思製出凍食意粉意大利粉麵條修長軟潤,師傅專登將色彩繽紛嘅食材,包括蜆肉蕃茄生洋蔥紫菜絲牛油果、及三文魚籽舖喺意粉面,再以小匙羮另上完隻流心鵪鶉蛋,好等貴客可自行混製意粉。XO仔可謂粗人一個,三兩吓手勢就成功撈起意粉潮派海鮮撈起冷意粉集鮮香、濃郁、惹味、清新、爽脆、柔軟、潤滑於一身,口感味道豐富得黎毫不溜滯,超正

7)      Wagyu beef steak with garlic peanut sauce:食過多味海鮮後,終於輪到靚靚和牛出場(細佬嗰份係走咗花生嘅,但賣相冇分別)。如相所示,三、四成熟嘅和牛色澤粉嫩紅潤,靚牛鬆軟得黎半溶於口中,每人三件份量剛剛好。

8)      Curry Rice:食和牛時加配一碗咖哩飯,效果醒神暖胃,真係估佢唔到會咁襯喎!

9)      Green perilla and blood orange sorbet:甜品環節前先有連隻杯都冰凍過人嘅雪葩,為味蕾洗滌一番。大家飲咗酒後其實都冇乜再點睇過個餐牌,所以見到杯中綠色嘅雪葩時個個都以為一定係綠茶味。。。點知食完第一啖,口腔卻洋溢著紫蘇香,之後再見到個底原來另有乾坤,藏著清新芳香嘅血橙味雪葩,方才搵返個餐牌對應一吓,發現橙綠組合係紫蘇味及血橙味雪葩。小肥才疏學淺,去到京都食法國餐先認識到「紫蘇」嘅英文乃「green perilla」,又上了一課

10)  甜品兩部曲先有皮脆鬆軟嘅泡芙伴朱古力忌廉

11)  生果拼盤食唔少,不過有邊個會諗到生果可以跟雪糕朱古力醬以一隻西式透明玻璃碟上呢?!碟上嘅無花果提子已起核,混入埋球雲尼拿雪糕朱古力醬黎食,清甜涼快又潤滑,仲一啲都唔溜添,吃畢絕無罪惡感。

12)  一頓完整嘅法國餐以一杯特濃咖啡作結就最完美不過。

非常感激表妹極力推薦「よねむら」,讓肥肥家族於京都可欣賞到一場咁精彩細膩嘅潮派法式料理。餐店裝潢整潔簡樸,服務生客套友善,混入咗不少和風元素嘅菜式味佳又美觀,直令味蕾驚喜不絕,16,000円一位絕對係物有所值,XO 仔覺得店子實屬京都必食之列
每人消費: 約18000日圓 (晚餐)
評分: 味道5   服務5   環境4   衛生5   抵食5
  0 個留言    |  加入你的留言
發表日期: 2019-02-04

2017神六天

1110日():京都的第三天及大阪的第一天

外遊訂酒店,如果要包埋個自助早餐每每都要加成兩、三千円一日,小肥覺得絕不化算,因有心要留肚食個豐富嘅晏,早餐其實只需要飲杯咖啡,另加件蛋糕或多士已經好足夠。離開京都嗰朝早路經「Inoda Coffee」,見到地方夠大又有位,所以好隨意地就行咗入去,點知居然俾肥肥家族發現店子有超正西多士

之後返酒店辦妥好退房手續後就由哥哥就帶隊去咗「JR京都伊勢丹」狂購多輪,並於商場入面間「天一」食埋餐即叫即炸嘅天婦羅晏,午後先搭車去大阪。

今次喺大阪逗留三晚,應長輩推介入住「Fraser Residence Nankai」,公寓式單位豪華舒適得黎設備齊全,可謂超掂呀!安頓好一切就出咗去條街到慢慢行去「ぜろはち」(Zerohachi),同居大阪嘅表弟一家四口食咗完頓抵食且服務一流嘅燒肉放題後就早啲休息,準備明早繼續血拼
必吃西多士 笑臉2019-02-04
Inoda Coffee Porta Storeイノダコーヒ ポルタ店
Inoda Coffee Porta Storeイノダコーヒ ポルタ店
多款餐飲模型
多款餐飲模型
餐飲模型
餐飲模型
每天早上八至十一時有兩款特價推介早餐供應
每天早上八至十一時有兩款特價推介早餐供應
凍牛奶咖啡「カフェオレ」(590円)
凍牛奶咖啡「カフェオレ」(590円)
「京の朝食」(1,380円)
「京の朝食」(1,380円)
法式西多士「フレンチトースト」(560円)
法式西多士「フレンチトースト」(560円)
法式西多士「フレンチトースト」(560円)
法式西多士「フレンチトースト」(560円)

Inoda Coffee」屬西式咖啡店,門外擺有多款餐飲嘅模型,極之清晰,食客可以睇啱先排隊入座。每天早上八至十一時更有兩款特價推介早餐供應。

咖啡屋環境開揚,坐得都幾舒服,但為怕影響店內其他食客,結果就冇四周拍下室內照,唯有希望透過門外嘅玻璃可以影到少少

對早餐最講究嘅哥哥叫咗份の朝食」(1,380円),豐富得黎色彩很是鮮艷。細佬就點咗客法式西多士フレンチトースト」(560円)。嘩,舖滿白糖法式西多士不單熱辣辣,質感更加係厚潤鬆軟,夾入咗牛油食落都唔覺膩滯,大肥爸爸試咗一口即話要加多份,證實堅好味襯埋杯香滑冰涼嘅凍牛奶咖啡カフェオレ」(590円)可真夠爽!

Inoda Coffee」面積寬廣,服務生態度良好,雖則繁忙時間九人未能同桌進食早餐,但平均每人一千円左右已可享用一頓簡單且美味嘅早餐,實屬抵食之列,個人誠意推介必吃法式西多士フレンチトースト
推介菜式: 法式西多士「フレンチトースト」
每人消費: 約1060日圓 (早餐)
評分: 味道5   服務4   環境3   衛生4   抵食4
銀座 天一 JR京都伊勢丹店
銀座 天一 JR京都伊勢丹店
午市推介餐牌
午市推介餐牌
圍繞著師傅大舞台嘅吧位
圍繞著師傅大舞台嘅吧位
麻醬豆腐前菜、蘿蔔蓉豉油、青檸、鹽
麻醬豆腐前菜、蘿蔔蓉豉油、青檸、鹽
天婦羅蝦
天婦羅蝦
天婦羅靚菇拼及慈姑
天婦羅靚菇拼及慈姑
雜錦天婦羅蝦餅「かき揚げ」
雜錦天婦羅蝦餅「かき揚げ」
天ぷら「梅」(2,160円)
天ぷら「梅」(2,160円)

天婦羅專門店門外貼有午市及節令推介之餐牌,不過經酒店訂座時早已選定好套餐。九人被安排入座圍繞著師傅大舞台嘅吧位;除咗可以邊食邊欣賞師傅炸煮食物,食客更可以喺天婦羅最新鮮熱辣嘅狀態下進食,可謂最佳位置也

原來每位貴客可免費飲用烏龍茶一杯。餐桌上擺有任用嘅紙巾、蘿蔔蓉及調味料。午餐食炸野咁熱氣喎,XO仔當然係要先啤一啤佢啦

天ぷら「梅」2,160円):點好哂飲品後,姨姨隨即每人送上載著午市套餐所包咗嘅麻醬豆腐前菜蘿蔔蓉豉油青檸及一隻吉碗仔嘅托盤。盤中嘅豆腐前菜幼嫩柔滑,以麻醬點綴即倍添惹味醒神。

銀髮老師傅迅即陸續為吧枱嘅客人炸煮各種天婦羅菜式。第一道出場有兩隻乾巧香脆,且彈牙爽口嘅天婦羅蝦。接著有厚潤芳香嘅靚菇拼爽脆嘅慈姑青菜代表有味濃嘅青椒同清脆嘅蘆筍。最後黎多件一樣咁香脆美味嘅雜錦天婦羅蝦餅「かき揚げ」,連同白飯及麵豉湯食,腸胃確真滿足。

天婦羅專門店「天一」環境企理衛生,服務生友善有禮,天婦羅菜式即叫即炸,於吧位進食更可確保新鮮熱辣,午市套餐質高味佳,平均三千多円一位絕對稱得上超值
推介菜式: 天ぷら「梅」
每人消費: 約3768日圓 (午餐)
評分: 味道4   服務4   環境3   衛生4   抵食4
Fraser Residence Nankai
Fraser Residence Nankai
Fraser Residence Nankai
Fraser Residence Nankai
客廳
客廳
電視機及書枱
電視機及書枱
廚房
廚房
微波爐及洗衣機
微波爐及洗衣機
雙人房
雙人房
洗手間
洗手間

平時外遊都會揀啲有分儲嘅連鎖酒店住,今次哥哥決定聽取經常出埠嘅長輩推薦,一試包羅萬有嘅「Fraser Residence Nankai」公寓式酒店。「Fraser Residence」位置夠中央,離各大車站不遠,大多購物熱點更加係行都行得到,附近亦不乏酒吧食肆,方便得很

酒店大堂雖看似簡約,但每日當值嘅兩位職員都非常好禮貌,對住客不同需求都幫得上手,例如少咗毛巾會立即處理,唔識用洗衣機又會教路,面對小肥勁多問題仲好有耐性地續一解答,絕對值得一再加許

肥肥家族一家四口租住咗一個有兩間雙人房嘅單位,包有廚房、爐頭、大雪櫃、小廳洗衣機、乾衣機等,豪華舒適,且設備齊全。三晚收費不一,平均每晚49,648円,包哂四人早餐同稅,價格十分合理,所以下次黎大阪玩都一定會再住過
每晚價錢: 49648日圓 (其他)
評分: 設備5   服務5   環境5   衛生5   抵住5
ぜろはち 難波OCAT本店
ぜろはち 難波OCAT本店
餐店提供之神戶和牛榮獲金牌
餐店提供之神戶和牛榮獲金牌
「赤コース」晚市放題套餐指定餐牌上任意點選食物及飲品
「赤コース」晚市放題套餐指定餐牌上任意點選食物及飲品
朝日生啤(518円/中)
朝日生啤(518円/中)
燒肉、泡菜、わかめともみ海苔のサラダ
燒肉、泡菜、わかめともみ海苔のサラダ
燒肉
燒肉
神戶和牛
神戶和牛
「赤コース」晚市放題套餐:小童540円/位、成人2,678円/位、六十歲以上長者2,138/位
「赤コース」晚市放題套餐:小童540円/位、成人2,678円/位、六十歲以上長者2,138/位

小表弟啱啱搬咗去大阪工作,得悉XO仔與姨媽們會到訪,一早就約定搵晚一齊去食燒肉,地點就由地頭蟲揀咗去間方便佢一家四口嘅「ぜろはち」(Zerohachi)。餐店位於「OCAT」大阪市區航站中心內,方便又易搵。

店子門外已可見到有關120分鐘之燒肉放題簡介,並講及所提供之神戶和牛榮獲金牌,似乎都幾有來頭。眼見海報有型男福山雅治推廣朝日啤酒,不用多想小肥已決定啤啤佢,希望飲多幾杯可以變到福山咁型到凍齡。長輩們啱啱搬完酒店有感疲累,唔多想飲酒,結果就冇要埋飲品放題,邊個想飲先續杯叫,「福山朝日萬歲!」

由於表弟有兩位小朋友,大大小小加埋有成十三人,佢一早就訂定套餐,仲包咗間有四張卡位嘅廂房,好等大家可以食得舒服啲,細路仔又可以有更多活動空間。佢所點嘅「赤コース」晚市放題套餐分咗三個價格:小童為540円/位、成人為2,678円/位、六十歲以上嘅長者則為2,138/位,均可從指定餐牌上任意點選食物及飲品。細佬同兩位小姪仔姪女玩到忘哂形,之後先發現嗰晚自拍比拍食物照多,未能與大家分享燒肉之相片,還望讀者們見諒。

燒烤比較熱氣,故燒前及途中都有點泡菜沙律中和吓,其中泡菜香辣惹味,海苔沙律「わかめともみ海苔のサラダ」更加係鮮香爽脆,極為清新。燒肉大都未經醃過,貴客可於燒煮時或後自行混入桌上嘅八款調味料。當晚主攻大路嘅豬肉、牛肉及雞肉,最有意外驚喜就係鬆爽厚潤多汁嘅燒豬肉

食到差不多完場時,一位年輕嘅哥哥仔突然走入黎,估計唔係店主就係經理;佢話發覺十多人都唔係叫得太多野,擔心大家對食物有所不滿,傾咗兩句仲叫店員送上多片肥美柔潤嘅神戶和牛,其誠懇之態度實在令人感動

小表弟推介之「ぜろはち」散座闊落,而且非常衛生,服務更加係「一番」(Ichiban)!燒肉放題本身已夠價廉,長者及小童更可特享折扣優惠,絕對抵玩!
每人消費: 約1888日圓 (晚餐)
評分: 味道3   服務5   環境3   衛生4   抵食4
  0 個留言    |  加入你的留言
發表日期: 2019-04-04

1111日():大阪的第二天

入住「Fraser Residence Nankai」公寓式酒店,房費包咗地下間「Massaマッサ」嘅早餐券,不過簡單講句,試過一次都嫌多

大阪街道十分易行,地圖顯示出由酒店往午餐之處「La Cime」,一條直路走,路程約四十分鐘左右;頭腦比較簡單嘅小肥就規劃好喺酒店食完個早餐,就慢慢散步行過去,沿途可經過兩條商店街「心齋橋筋商店街」及「戎橋筋商店街」,方便長輩可邊行邊購物,既輕鬆又健康。姨媽們大讚「La Cime」嘅潮牌法式午餐有創意嘅同時,日籍師傅喺佳餚混合咗兩國嘅精髓,配酒又夠講究,廚藝及溝思精湛非常,絕對值回票價

因XO仔預咗下午茶要一訪人氣甜品店「gram」,飯後就帶隊行去附近行街街,實行運動一番再繼續濕平。點知大家狂購到過哂鐘,去到甜品屋時,限量「梳乎厘班戟」早已售清,好彩餐店其他甜品特飲都好有水準,結果都冇掃到興。

整個旅程最地道嘅一餐相信都要數細佬喺日本飲食網搵返黎間樓上居酒屋「まこ家」(Makoya)。小店食客全為本地人,氣氛好,服務佳,送酒小食又夠平,抵佢咁旺場
酒店半放題式早餐
酒店半放題式早餐
餐店正門有搶眼藍地毯
餐店正門有搶眼藍地毯
廚房
廚房
自助區
自助區
自助區
自助區
早餐餐牌
早餐餐牌
炒蛋主菜
炒蛋主菜
太陽蛋主菜
太陽蛋主菜

Fraser Residence Nankai」有側門通往「Massaマッサ」餐廳,不過由正門入先可以見到塊搶眼嘅藍地毯。店子面積唔算好大,其中透明度極高嘅廚房佔用不少空間,店內洋溢著強烈嘅油煙及香煙味,搞到XO仔混身不自在

憑券可享用之早餐均為半自助式,主菜可選太陽蛋或炒蛋兩款。自助項目全圍繞著水吧擺放,包括指定麵包、沙律、乳酪及飲品。麵包可自行烘熱,都算正常。主菜中嘅火腿、腸仔、煙肉、西蘭花、紅蘿蔔全部都勁乾噌噌,唔係細佬杯茶囉!最好食就係孖裝太陽蛋蛋黃流心又冇穿,既鮮香又白滑。

Fraser Residence Nankai」包咗嘅「Massaマッサ」半放題式早餐質素油麻地過油麻地,最要不得就係餐室油煙味超強,服務欠佳,即使所謂免費包咗,家人都話試過一次絕不回頭,黎一次都嫌多,咁大家明啦?!

評分: 味道2   服務1   環境1   衛生1   抵食1
精品天堂 笑臉2019-04-04
心齋橋筋商店街
心齋橋筋商店街
到處可見迷你兵團嘅精品及小玩意
到處可見迷你兵團嘅精品及小玩意
到處可見迷你兵團嘅精品及小玩意
到處可見迷你兵團嘅精品及小玩意
到處可見迷你兵團嘅精品及小玩意
到處可見迷你兵團嘅精品及小玩意
Sanrio Gallery Daimaru Shinsaibashi
Sanrio Gallery Daimaru Shinsaibashi
罕見XO仔精品
罕見XO仔精品
罕見XO仔精品
罕見XO仔精品
罕見XO仔精品
罕見XO仔精品
由酒店行去食飯嗰度,途中除咗見到不少日本品牌嘅專門店,家人最開心就係可以喺「大丸百貨公司」、一百円店「Daiso」及「Tokyuhands」執到唔少手信、文具同日用品。去到「心齋橋筋商店街」,到處可見迷你兵團嘅精品及小玩意,就連好耐冇新產品出嘅XO都有多款毛巾仔同襪襪;嘻嘻,好在細佬早有自備購物背囊,喺心齋橋依個精品天堂血拼都完全唔洗手軟
推介項目: 購物
參觀時段: 早上
評分: 值得去5  
法式九大簋
法式九大簋
Boudin Dog;Tartelette of Egg Yolk Confit
Boudin Dog;Tartelette of Egg Yolk Confit
Squash/Quinoa
Squash/Quinoa
Soft Pork Bone from Amami Island
Soft Pork Bone from Amami Island
Sea bass/Buckwheat/Lily Bulb/Aosa Seaweed
Sea bass/Buckwheat/Lily Bulb/Aosa Seaweed
Roasted Pork from Amami Island
Roasted Pork from Amami Island
甜品
甜品
法式九大簋配酒套餐
法式九大簋配酒套餐

肥肥家族於同年二月黎大阪時,有幸初嚐到抵食高質嘅星級法國餐廳「La Cime」,半年後與姨媽姨丈們重遊之地,四口子第一時間都話要同佢地再黎多次,因此店實屬必到餐廳之列

經網上訂座後,好快就有專人以電郵確認詳情,清楚地告知午市依舊只供一款8,500円嘅節令九道菜餐單,並問及各人有否對任何食物敏感。

西餐廳極簡主義嘅室內設計同之前一樣,雪白嘅環境及裝潢一塵不染,而且完全冇話變黃變舊嘅痕跡,舒適乾爽,且高雅衛生。全程負責接待九人嘅仲係官仔骨骨嘅經理哥哥,其友善有禮及專業貼身之態度令一眾長輩都有讚冇彈,相當難得

菜式全為廚師發辦,飲品則可各自點選。大肥例牌飲汽水,小肥就慣性地淨飲香檳,而幾位女士們就玩6,500/位,包有香檳、紅酒、白酒嘅「配酒套餐」,價格比半年前多咗五百円

九道菜午餐面目全新,驚喜果真連綿不絕。打響頭陣先有兩款配香檳嘅小食「Boudin Dog」及「Tartelette of Egg Yolk Confit」。前者貌似黑灰色小石嘅其實係炭包熱狗,師傅巧妙地喺盤子加上真石擺設,以真亂假,十分逼真,由於finger food設計用手食用,食客應該唔會搞錯。暖手嘅炭包熱狗鬆軟有彈性,中間夾咗條爽潤帶甜嘅腸仔,一口一件,很是輕盈。後者三文魚籽蛋撻擺到盛盆花咁,好有藝術性。其曲奇撻皮乾脆唔油膩,三文魚籽蛋黃餡半爆於口腔,濃味化進味蕾,感覺好非一般。

接著轉配白酒有第三道頭盤「Squash/Quinoa」,以潮流健康食材之一嘅藜麥墊底,加上一球清香柔潤嘅南瓜蓉,頂面伴上細細粒嘅爆谷點綴,口感有層次得黎好清甜,組口新穎討好。

法式九大簋原裝版本嘅三款主菜均為魚鮮,礙於小肥於網上訂座早已道出自己因舌頭不靈活而未能進食太多魚骨之菜式,其中兩款多骨嘅鎧鼬魚同鰻魚就轉咗做大廚家鄉特產煮成嘅「Soft Pork Bone from Amami Island」及「Roasted Pork from Amami Island奄美大島豬軟骨奄美大島燒豚肉。粉嫩嘅奄美大島豬味道清麗脫俗,先上嘅豬軟骨切成薄片肉香骨頭卜卜脆,正爆!後上嘅燒豚肉則為兩件厚切豬腩肉,皮層香脆惹味,肉質鬆爽潤澤,一樣咁美味

食法國大餐不能夠冇咗舊魚,接著嘅海苔鱸魚Sea bass / Buckwheat / Lily Bulb / "Aosa" Seaweed魚肉鮮嫩,食落口時傳出淡淡嘅海苔香,清新怡人。

輪到尾段甜品出場,首道「Lavendar Flavored Yoghurt Sorbet / Mozzarella」較輕巧,酸酸甜甜嘅薰衣草味雪葩帶有微微薰衣草花香,意外地同時灑上白朱古力碎芝士粒粒都唔會覺得任何一方會好搶。

壓軸嘅「"Sansho" Pepper Chocolate Mousse / Island Banana / Hazelnuts」有柔潤香濃嘅朱古力慕絲伴兩粒皮脆餡滑溜嘅香蕉山椒朱古力,清香中帶出一絲辣勁,甜得好醒神。

最後午餐就由鮮艷精美嘅法式小點配餐茶或咖啡作結。好開心席上嘅每位長輩都食得超級滿意,有幾個仲即時推介俾親友,絕對唔講得笑
推介菜式: Boudin Dog, Tartelette of Egg Yolk Confit, Squash/Quinoa, Soft Pork Bone from Amami Island, Roasted Pork from Amami Island, Lavendar Flavored Yoghurt Sorbet / Mozzarella, "Sansho" Pepper Chocolate Mousse / Island Banana / Hazelnuts
每人消費: 約13540日圓 (午餐)
評分: 味道5   服務5   環境5   衛生5   抵食5
gram Shinsaibashi Main Store グラム 心斎橋本店
gram Shinsaibashi Main Store グラム 心斎橋本店
餐牌
餐牌
餐牌
餐牌
自助餐具
自助餐具
凍飲(600円/杯)
凍飲(600円/杯)
Chocolate Banana French Toast(800円)
Chocolate Banana French Toast(800円)
Caramelize Banana Pancakes(900円)
Caramelize Banana Pancakes(900円)
Sweet Potato Pancake(1,200円)
Sweet Potato Pancake(1,200円)

家人要保持肥肥嘅身段每天除咗早、午、晚三餐之外,當然係不能缺少下午茶啦!午餐後喺心齋橋行到咁上吓,XO仔就諗住帶隊去名店「gram」度打卡,兼食其超級人氣嘅「梳乎厘班戟」。

意外地,店子門外並無人龍。。。行上樓上搵位,先發現原來招牌甜品每天分三個時段,即早上十一點、下午三點、及傍晚六點,限量推出四十份,全日即只做一百二十份。九人入座時,接待生耐心地解釋話下午三點嗰個時段嘅「梳乎厘班戟」早已售罄,咁冇辦法啦,唯有揀選其他餐飲項目。厚本餐牌及推介單張上嘅所有項目名稱均日英對照,詳情則只有日文,因有彩圖對應,唔識講日文都可以向服務生指出。

用餐大堂開揚寬廣,忙碌嘅服務生態度優良,且效率高。木造餐桌上擺有自助餐具,不過張枱就有啲黐立立,搞到有潔癖嘅姨丈不停咁抹,感覺唔夠乾淨。

1)      Iced Cafe Mocha(600円):凍摩卡咖啡頂面有鮮忌廉朱古力醬,外觀極為討好,凍朱古力味咖啡香濃幼滑,勁啱細佬口味!

2)      Sweet Potato Pancake(1,200円):蕃薯迷姨媽姨丈分咗客秋季節令甜蕃薯班戟。佢地大讚班戟香甜得黎好有非一般嘅特色

3)      Caramelize Banana Pancakes(900円):大肥爸爸一人獨享焦糖香蕉班戟香蕉班戟厚而軟身,佢話最精彩就係兩條甜脆嘅焦糖香蕉同啲果仁碎,可成功增加口感。

4)      Chocolate Banana French Toast(800円):見個個都食班戟,XO仔就試咗個朱古力香蕉西多士西多士鬆厚軟綿,以雲尼拿雪糕朱古力醬點綴,效果極其潤甜香滑,個人覺得遠勝平時配開嘅蜂蜜牛油,加上新鮮香蕉片能增添芬芳,堅掂

人氣甜品店「gram」格調輕鬆,服務生態度良好,價格又夠親民,雖則今次未有緣品嚐招牌「梳乎厘班戟」,但西多士班戟甜點均甜美可口,呵呵呵,真係脹爆也要吃個夠
推介菜式: Iced Cafe Mocha, Sweet Potato Pancake, Caramelize Banana Pancakes, Chocolate Banana French Toast
每人消費: 約360日圓 (下午茶)
評分: 味道5   服務4   環境3   衛生2   抵食5
地道居酒屋 笑臉2019-04-04
まこ家 Makoya
まこ家 Makoya
爸爸至愛嘅五角形筷子
爸爸至愛嘅五角形筷子
餐牌
餐牌
なんこつ唐揚げ(500円)
なんこつ唐揚げ(500円)
鶏も豚も串焼き5種盛合せ(800円)
鶏も豚も串焼き5種盛合せ(800円)
つくね(500円;卵黄付)
つくね(500円;卵黄付)
鶏ガララーメン(600円)
鶏ガララーメン(600円)
地道居酒屋:まこ家Makoya
地道居酒屋:まこ家Makoya

黎日本玩就梗係要盡情食啦!除咗壽司、壽喜燒、天婦羅等,屋企人最鍾意就係食串燒「焼き鳥」(yakitori)。由於旅遊書上冇乜推介串燒,XO仔就用日本人最常用嘅飲食網頁搵到一家好高分數嘅「まこ家」(Makoya),並經酒店訂座

店子並無漢字,所以唔熟路或者唔識睇日文就有啲難搵。通往樓上小店只有一條每級都好高嘅樓梯,長者上落及酒客離開時就特別危險。不過真係冇諗到佢真係咁旺場,氣氛咁熱鬧,顧客全部都十分年輕,而且清一色日本人,只有九人為外國人及有年長嘅代表。入座前,溫婉可愛嘅姐姐仔先道出店內職員冇人識講外語,餐牌亦只有日文,幸得悉小肥可以簡單日文溝通後,雙方即放下心頭大石;唔怪得知餐室內外真係唔係幾覺有英文啦!

人多嘅長枱要除鞋先入得,坐咗落去尚算寬闊。桌上有齊筷子及小碟,明顯客人大多都會叫餸分黎食。大肥爸爸最感動就係見到佢至愛嘅五角形筷子,仲話未食已有良好嘅預感!埋位第一刻當然係要先嗌酒飲啦!四頁酒牌有紅酒、白酒、清酒、啤酒、燒酎、梅酒、其他果實酒等,當真夠哂多元化。熱茶同清酒啲杯都一樣咁有特色,相比起下透明嘅啤酒杯就變得普通咗。

細佬啲日文真係有限公司架,好在多頁餐牌內大多菜式都附有彩圖對應,就連唔識日文嘅哥哥都可以點菜:

1)      「生ハムと水菜のシーザーサラダ」(680円):一反傳統地,居酒屋嘅凱撒沙律入面混入咗蕃茄、火腿、「水菜」等,效果其實爽脆得都幾新穎,不過個人略嫌重口味咗少少,唔係細佬杯茶囉!

2)      「パリパリじゃが芋とホウレン草のゴマドレサラダ」(580円):睇圖所叫嘅Pari Pari」沙律原來用上切碎咗嘅菠菜絲生菜作底,另加蕃茄粒同幼身而又乾巧脆脆嘅炸芋條點綴,配埋個惹味嘅芝麻醬,整體清爽得十分香口。

3)      「イベリコ豚お寿司」(600円/三件):所謂伊比利亞豚壽司無論係外貌定抑或係味道都同厚切火腿無異,又乾又鞋,600円有三件好似好抵,但真係食唔過

4)      「なんこつ唐揚げ」(500円):炸雞軟骨賣相可能唔係特別出眾,但入口酥脆,且炸得好夠乾身,送酒一流!

5)      「名古屋手羽先唐揚」(500円):幼幼嘅炸雞中翼已預先一開為二,故每件都只有一枝骨,用筷子食都完全冇難度。雞中翼肉質軟嫩,面層輕輕塗上甜甜嘅秘醬,惹味討好,結果當然係要追加啦

6)      「つくね」(500円;卵黄付):招版燒雞肉丸串脆嫩無比,點上香濃甜美嘅豉油新鮮日本蛋黃,即增添滑溜,超正!

7)      「鶏も豚も串焼き5種盛合せ」(800円):開頭唔係太識叫啲串燒,所以就聽啲大人話先叫咗兩客串燒拼盤,邊樣啱食或者個樣好睇嘅就叫多幾串。拼盤中安全之選有嫩滑嘅雞翼雞軟骨,其餘嘅豬肉雞肉串都好夠肉汁,唔錯。

8)      「」(150円/串):全晚最正就係散叫嘅串燒雞皮,燒得夠香脆之餘,油潤而不膩口,每串150円,堅抵食!

9)      「鶏ガララーメン」(600円):豚骨拉麵就食得多,小肥好似真係第一次食雞骨拉麵。可能餐店每日用上多隻新鮮雞,為咗要善用食材,啲雞骨就用埋黎餚成湯底,製出雞骨拉麵雞骨湯底同豬骨湯底色澤一樣呈奶白色,但雞骨湯底感覺上較清甜,香濃得黎冇咁厚同油,拉麵麵條煙韌彈牙,簡單味佳

樓上居酒屋「まこ家」面積雖則不大,但勝在氣氛輕鬆,十分地道,加上年輕嘅服務生友善落力,串燒菜式價廉物美,絕對係歡樂時光及宵夜嘅好去處
推介菜式: パリパリじゃが芋とホウレン草のゴマドレサラダ, なんこつ唐揚げ, 名古屋手羽先唐揚, つくね, 鶏も豚も串焼き5種盛合せ, 皮
每人消費: 約2750日圓 (晚餐)
評分: 味道4   服務5   環境3   衛生5   抵食5
  0 個留言    |  加入你的留言
發表日期: 2019-05-07

1112日():神戶一天遊

XO仔年假有限,京阪神之旅只能撥出六天時間,眼見旅遊書上嘅神戶唔係太多景點,主要都係以食為主,所以細佬就編排好家人玩即日來回神戶一天遊

朝早放棄食酒店包咗嘅早餐,九人就行咗去附近一間咖啡屋「BROTHERS Cafe Namba Store」度食更為精美可口嘅班戟,之後就出發去神戶。由大阪搭地鐵去神戶三宮站只需四十五分鐘,每人每程410円,方便又夠抵。

去到三宮,第一時間先去咗男女老幼都咁啱濕平嘅「Loft」,狂購後再慢慢行去「すき焼きしゃぶしゃぶ神戸牛 石田」食咗個堅掂嘅神戶和牛涮涮鍋做午餐。飯後由哥哥帶路去「元町商店街」及往日本精品店「Village Vanguard」買手信同玩具。各自各活動後就相約於「神戶大丸」集合,整日之劣就係喺百貨公司入面間「AfternoonTea TEAROOM Daimaru Kobe Store」飲咗個都幾不知所謂嘅下午茶

神戶秋季天氣比香港寒冷得多,見日頭食完涮涮鍋,晚餐就安排去一間地道人氣店「三宮 炭火焼肉 新撰組」食火力更猛嘅高質燒肉放題,真係好開心個個都有讚冇彈,煮得同食得都咁高興
BROTHERS Cafe Namba Store ブラザーズカフェ なんば店
BROTHERS Cafe Namba Store ブラザーズカフェ なんば店
洋式嘅裝潢簡潔企理,窗邊單人座位好似張書枱般咁有詩意
洋式嘅裝潢簡潔企理,窗邊單人座位好似張書枱般咁有詩意
凍咖啡(另加300円)
凍咖啡(另加300円)
French Toast (880円)
French Toast (880円)
Chocolate Banana Pancake(1,080円)
Chocolate Banana Pancake(1,080円)
Tiramisu Pancake (980円)
Tiramisu Pancake (980円)
Quattro Formaggi Toast (980円)
Quattro Formaggi Toast (980円)
精美班戟早餐
精美班戟早餐

雖則入住「Fraser Residence Nankai」包哂早餐,無奈家人都話試過一次就唔會再返轉頭,所以喺大阪第二日就決定喺附近一家咖啡屋「BROTHERS Cafe Namba Store」度食個西式早餐,先出發去神戶。

於咖啡店門外可見主打班戟之黑板餐牌。店子樓底高高,感覺就好似個大客廳咁,輕鬆寫意。洋式嘅裝潢簡潔企理,窗邊單人座位好似張書枱般咁有詩意。

多頁餐牌中日對照,並附有彩圖,簡單易明。餐具全為自助式,並清楚列出免費上網資料

哥哥叫咗個香濃鬆脆嘅芝士四重奏多士早午餐Quattro Formaggi Toast」,除咗沙律、薯條,980円仲包埋杯飲品,十分豐富。

嗜甜嘅XO仔就要咗個招牌朱古力香蕉班戟Chocolate Banana Pancake」(1,080円)。三塊薄薄嘅班戟熱辣香軟;旁邊嘅焦糖香蕉外脆內腍,極之清香;連同香滑嘅忌廉朱古力醬粒粒朱古力碎包住黎食,超正呀!另加300円要咗杯香滑清涼嘅凍咖啡

大阪咖啡室「BROTHERS Cafe Namba Store」格調溫馨,服務生友善有禮,全天供應之多士班戟又靚又好味,個人誠意推介。
推介菜式: Chocolate Banana Pancake, Quattro Formaggi Toast
每人消費: 約1168日圓 (早餐)
評分: 味道5   服務5   環境4   衛生5   抵食5
大阪難波站
大阪難波站
阪神線
阪神線
「阪神難波線快速急行」(Rapid Express)
「阪神難波線快速急行」(Rapid Express)
「阪神難波線快速急行」(Rapid Express)
「阪神難波線快速急行」(Rapid Express)
「阪神難波線快速急行」(Rapid Express)
「阪神難波線快速急行」(Rapid Express)
神戶三宮站
神戶三宮站
神戶三宮站
神戶三宮站
神戶
神戶
參閱過不少旅遊資訊後,小肥發現由大阪往神戶,最抵玩應該係乘搭地鐵「阪神難波線快速急行」(Rapid Express),因為列車公司不時都會推出外國人專享之優惠。由難波站出發去神戶三宮站需時四十五分鐘,每人每程都410円,手持ICOCA咭,嘟一嘟就掂,連飛都唔洗買,堅方便地鐵列車同車站都十分企理乾淨,月台指示清晰,只係天氣冷時室內及車廂內嘅暖氣就大咗少少
參觀時段: 早上
入場價錢: 每人410日圓
評分: 值得去5  
神戶Loft
神戶Loft
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
神戶Loft
神戶Loft
家人每次東瀛遊必定會一訪「Loft」,更例牌勁買文具兼手信。「Loft」神戶間分店離車站只需步行五分鐘,四層都一樣咁大咁多野買,不過相信買得最好心就係玩具迷XO仔同靚靚媽咪三姊妹,因為「神戶Loft」係細佬去過咁多間入面最多史奴比、鬆弛熊、迷你兵團等卡通產品嘅一間,可謂精品之最!買夠額嘅旅客如手持護照更可即場辦理退稅手續,一條龍服務令人血拼得更搏命,嘩咔咔!
參觀時段: 早上
評分: 值得去5  
すき焼きしゃぶしゃぶ神戸牛 石田
すき焼きしゃぶしゃぶ神戸牛 石田
所有散座均為獨立式廂房,以木造敞門分格,每個爐頭頂都有個大大嘅抽氣機同射燈,各方面都諗得十分周到。
所有散座均為獨立式廂房,以木造敞門分格,每個爐頭頂都有個大大嘅抽氣機同射燈,各方面都諗得十分周到。
涮涮鍋套餐餐牌
涮涮鍋套餐餐牌
四式前菜以拼盤呈上,左起分別為燉蛋、和牛壽司、芋頭件及漬物
四式前菜以拼盤呈上,左起分別為燉蛋、和牛壽司、芋頭件及漬物
特選神戶牛しゃぶしゃぶ
特選神戶牛しゃぶしゃぶ
特選神戶牛しゃぶしゃぶ
特選神戶牛しゃぶしゃぶ
雜菜
雜菜
超正神戶和牛涮涮鍋
超正神戶和牛涮涮鍋

首次黎神戶玩,話就話就係一天遊,但其實只會逗留大半日,為爭取時間,第一餐當然係要食聞名世界嘅神戶牛啦!從日本飲食網得知市內有間極受本地人歡迎嘅神戶和牛專門店「石田」,每間店嘅分別在於烹調和牛之方法,XO仔單憑天氣寒冷就揀咗去食涮涮鍋分店すき焼きしゃぶしゃぶ神戸牛 石田

經酒店訂座簡易順利,當中確認詳情亦附帶埋地圖,不過當日卻因遇上多條道路封閉,結果就行錯咗去第二間分店,幸好集團旗下嘅店舖都喺附近,接待員一發現狀況,即通知嗰邊嘅服務生走過黎親自帶路,體貼程度實在令人太感動啦

店子門面有個日式禪陣,流露著傳統和風設計。所有散座均為獨立式廂房,以木造敞門分格,私人空間足。每間房仲有個衣櫃俾食客掛起外衣及存放隨身物,唔洗食完一陣味咁行出街,感覺超級衛生。每個爐頭頂都有個大大嘅抽氣機同射燈,各方面都諗得十分周到

餐牌首頁先展出神戶和牛証書,為貴客先打下強心針。靚靚媽咪真係眼利,竟然俾佢留意到港人愛飲嘅十四代本丸清酒一合只售1,080円,比起香港平多多聲

店子午市提供多款壽喜燒及燒牛肉套餐,1,280円至4,800円食神戶和牛真係幾化算架。但因家人都係諗住黎食和式涮涮鍋,所以就大部份人都叫咗客包有小食、前菜、140g特選神戶和牛雜菜、飯或烏冬甜品涮涮鍋套餐特選神戶牛しゃぶしゃぶ」;一客6,900円,加埋稅即7,452円。

是日小食為濕潤爽甜嘅薯蓉沙律四式前菜以拼盤呈上,相中左起分別為燉蛋和牛壽司芋頭件及漬物和牛壽司輕輕燒過,半溶於口腔又唔會好溜。芋頭件則清新爽脆。最有驚喜反而係個燉蛋,因為清甜嫩滑嘅燉蛋內暗藏鬆爽嘅和牛

主角神戶和牛嘅紅白雲石紋理均勻清澈,每片大得黎切得夠薄,外表已夠震撼!輕輕烚過嘅和牛入口即溶於口腔,軟滑柔潤,神戶牛果然零舍不同。接著成籃上嘅雜菜款色多,且每款都咁新鮮高質。籃中個人最愛就係幾款日本靚菇。熱食最後仲有煙韌彈牙嘅烏冬

甜品前,每人先有一杯有助消化嘅焙茶涮涮鍋套餐節令果物作結,當中橙美嘅日本柿十分清甜,提子亦爽潤非常。

すき焼きしゃぶしゃぶ神戸牛石田」可稱為高級涮涮鍋及壽喜燒專門店,店內散座全為獨立式廂房,既舒適又衛生。服務生不單友善有禮,而且極體貼入微,陣店神戶牛肉高質美味,價錢絕對合理,實屬神戶必到之餐店也
推介菜式: 特選神戶牛しゃぶしゃぶ
每人消費: 約8700日圓 (午餐)
評分: 味道5   服務5   環境5   衛生5   抵食5
神戶手信街 笑臉2019-05-07
神戶元町商店街
神戶元町商店街
神戶元町商店街
神戶元町商店街
神戶風月堂
神戶風月堂
神戶風月堂
神戶風月堂
神戶風月堂神戶限定之迷你兵團禮盒
神戶風月堂神戶限定之迷你兵團禮盒
神戶風月堂
神戶風月堂
跟隨超閃旅遊書去咗書中介紹嘅「神戶元町商店街」,發現所謂之潮流集中地其實都唔係太過潮,講真仲有啲土土地。成條街咁長嘅商店街離「神戶大丸百貨公司」不遠,都好易搵,最重要係條街有瓦遮頭,且冇車入得,任何天氣都可以行得安全,買得放心。兩邊店舖最多就係服裝店,不過當中亦有不少精品店及藥房,更不乏食肆。講起亮點就似乎只能數位於元町通三丁目嘅名店神戶風月堂,因為XO仔好輕易咁就買到多套神戶限定之迷你兵團禮盒做手信
參觀時段: 下午
評分: 值得去4  
Village Vanguard
Village Vanguard
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團紋身貼紙
迷你兵團紋身貼紙
迷你兵團內褲
迷你兵團內褲
迷你兵團精品
迷你兵團精品
從社交網站知悉連鎖精品店「Village Vanguard」於神戶有間兩層高嘅分店,所賣嘅精品同百貨公司入面嗰啲款式仲要好唔同喎,小肥見咁近「神戶元町商店街」,所以買完餅餅手信就同大佬走咗入去逛逛。嘩,真係估唔到間舖頭會有咁多迷你兵團日用品玩具文具、糖果等,就連紋身貼紙同內褲都有呀,細佬當然係買得超爽啦!
推介項目: 精品
參觀時段: 下午
評分: 值得去5  
TEAR Room 哭臉2019-05-07
AfternoonTea TEAROOM Daimaru Kobe Store
AfternoonTea TEAROOM Daimaru Kobe Store
彩圖餐牌
彩圖餐牌
彩圖餐牌
彩圖餐牌
彩圖餐牌
彩圖餐牌
彩圖餐牌
彩圖餐牌
Iced Café au Lait(690円)
Iced Café au Lait(690円)
Orange Earl Grey Short Cake(760円)
Orange Earl Grey Short Cake(760円)
Orange Earl Grey Short Cake(760円)
Orange Earl Grey Short Cake(760円)

同哥哥喺「元町一番街」度買完手信後,兩兄弟就約咗班長輩喺「神戶大丸」入面會合。最早到步嘅大肥爸爸見商場內有間門面都幾光鮮嘅咖啡店「AfternoonTea TEAROOM Daimaru Kobe Store」咁啱有九個位喎,所以就入咗去食住等

店子門外擺出彩圖餐牌吸引食客。餐桌上有自助式餐具及餐紙,不過個人覺得張枱非常黐立立;服務生態度唔係話差,不過喺日本黎講似乎衛生同服務都唔係咁達標囉

餐牌日英對照,又附帶彩圖,十分簡單易明。

1)      Iced Café au Lait(690円):如相所示,細佬杯凍咖啡歐蕾無論係頂面啲咖啡定係底層嘅牛奶色澤都一樣咁稀,飲落咖啡味欠奉,牛奶味就好似開粉唔夠粉咁,690円一啲都唔平,XO仔真係飲到喊呀

2)      Orange Earl Grey Short Cake(760円):同姨丈分咗個季節性嘅香橙伯爵茶蛋糕。單憑外表睇都幾靚嘅,可惜食落糕身好嚡口,忌廉都唔得幼滑,當中嘅伯爵茶味同香橙都有陣苦澀味,請恕小肥未能推介

商場咖啡店「AfternoonTea TEAROOM Daimaru Kobe Store」樓底高,服務還可以話過得去,但衛生就差咗少少,季節下午茶之香橙伯爵茶蛋糕及凍咖啡歐蕾均不甚美味,價格偏高,自己唔會返轉頭囉
每人消費: 約800日圓
評分: 味道1   服務3   環境3   衛生2   抵食1
三宮 炭火焼肉 新撰組
三宮 炭火焼肉 新撰組
廂房
廂房
飲品包咗兩小時放題
飲品包咗兩小時放題
海鮮拼盤
海鮮拼盤
自製清酒燒蜆及清酒鮑魚
自製清酒燒蜆及清酒鮑魚
牛脷
牛脷
和牛拼盤
和牛拼盤
抵食高質燒肉放題
抵食高質燒肉放題

神戶秋季天氣比香港寒冷得多,見日頭食完涮涮鍋,晚餐就安排去食火力更猛嘅燒肉放題。XO仔同樣喺日本飲食網頁中挑選咗間人氣店「三宮 炭火焼肉 新撰組」,並經酒店訂座。

天黑後,店舖都有霓紅燈照明,故亦易搵得多。用餐大堂全為木造枱櫈,合併式散座每四人一個爐及一個抽油煙機。幸好九人早已訂座,有得坐房。廂房面積唔算好大,不過都有衣櫃擺放外衣及隨身物,唯一唔方便之處在於出入要上落,對年長嘅團友有點困難,同埋座位並無椅背,飲大兩杯會有啲危險

訂位時已經連九人嘅6,500円晚市套餐都定好,飲品包咗兩小時放題,可於限定飲品牌上任選,但每人每次只可以叫一杯,仲要飲完一手交一手,絕不容許浪費飲料。食物款式則全權由廚房決定,大家只需見野就燒,燒好就食。食前大肥爸爸又再一次為桌上嘅五角形筷子鼓掌

店內年輕嘅服務生都非常好客落力,由新炭燒起,到中途見火力唔夠即自動加炭,十分專業;不過最安心就係見到有位可用國語溝通嘅妹妹仔

1)      海鮮拼盤:每人都有一隻鮮鮑,當中蝦隻爽厚脆身。靚靚媽咪三姊妹全為隱世廚神,燒野當然係難唔到佢地啦,不過細佬真係冇諗過佢地可以就地取材,大玩清酒燒蜆清酒鮑魚!嘩,清酒猶如畫龍點睛,令本身甜甜嘅蜆隻鮑魚更為鮮香醇美,掂呀!

2)      牛脷牛脷連肥膏方塊及檸檬上。哥哥熟巧地於燒板上塗上肥膏,邊燒邊滴上檸檬汁,燒出黎薄薄嘅牛脷爽潤帶脆,美味得很!

3)      生洋蔥沙律:可一解熱氣嘅生洋蔥沙律爽脆惹味。

4)      和牛拼盤:全晚之最一定要數紅白紋理分明,且色澤鮮美嘅六式和牛拼盤!由於和牛不同部位嘅質感有所不同,師傅就預先切成不同形狀供貴客享用,明顯製作絕不馬虎。分開兩碟上嘅六款和牛鬆軟多汁,肉香鮮甜,確真冇得彈

5)      豬肉雞肉豬肉雞肉質素唔係差,只係當食完和牛先上就難免會覺得比唔上。。。

6)      泡菜泡菜香辣爽脆。

7)      內臟拼盤:壓軸上場嘅內臟拼盤內含腸臟豬腰,咬落索索聲,姨丈同小肥都食得勁興奮

神戶地道燒肉店「三宮 炭火焼肉 新撰組」雖則面積不大,但勝在氣氛輕鬆,服務稱心周到,6,500円嘅全包宴燒肉放題有六款正爆嘅和牛食,食物水準質高味佳,加埋兩小時任飲喎,抵玩到極呀!
每人消費: 約6500日圓 (晚餐)
評分: 味道5   服務5   環境3   衛生4   抵食4
  0 個留言    |  加入你的留言
發表日期: 2019-05-29

1113日():大阪的第三天

XO仔遊埠時對食、買、玩可謂分秒必爭,臨離開大阪前都要早啲起身,趕及八點半先去見識一吓大阪必到之地「黑門市場」。喺街市入面即場食完幾輪魚生水果後,小肥就行多轉街街買玩具。眼見酒店退房手續要十二點前辦妥,坐黃昏機可選乘下午一點半班「南海特急快速列車」前往機場,中間幾大都夾多餐人氣拉麵「一風堂」,為肚肚作最後一

嘻嘻,九人去到機場不單有足夠時間繼續買手信、飲咖啡,出咗境後登機前,仲可以享用埋貴賓室嘅茶點酒品先施施然上機。回程都係搭「香港航空」,好彩嗰日冇乜延誤,只係個阿茂飛機餐搞到啲長輩未落機已經要諗定去邊度食宵夜
黑門市場又抵又新鮮!
黑門市場又抵又新鮮!
大阪必吃拖羅「黒銀 黒門市場本店」
大阪必吃拖羅「黒銀 黒門市場本店」
即買即食黑柿
即買即食黑柿
即點即開原隻海膽
即點即開原隻海膽
神戶靚和牛
神戶靚和牛
熱辣關東煮
熱辣關東煮
即切即食壽司刺身
即切即食壽司刺身
新鮮蝦蟹
新鮮蝦蟹

大阪市內其中一個旅客必到嘅景點就係「黑門市場」。眾多親友去過都介紹話朝早越早去會越多好野食;如果只有時間去一次的話,揀離開前嗰日或嗰朝去可以邊食邊執啲正野返香港

有瓦摭頭嘅市場不受天氣影響,衛生通爽店主個個都咁好客友善大多店舖都同食有關,除咗有蔬菜店水果舖魚檔、肉檔之外,亦有藥房、花店、雜貨舖、精品店等等,當中亦不乏食肆。不過最受外國人歡迎相信就係可以食到超抵嘅即點即開原隻海膽、即切即食壽司刺身、即叫即燒熱辣海鮮、同啲即買即食提子黑柿,新鮮食果然特別正
推介項目: 即點即開原隻海膽、即切即食壽司刺身、即叫即燒熱辣海鮮、即買即食提子同黑柿
參觀時段: 早上
評分: 值得去5  
まぐろや 黒銀 黒門市場本店
まぐろや 黒銀 黒門市場本店
まぐろや 黒銀 黒門市場本店
まぐろや 黒銀 黒門市場本店
吞拿魚件、刺身、壽司、魚生丼
吞拿魚件、刺身、壽司、魚生丼
師傅即場切出刺身、握出壽司
師傅即場切出刺身、握出壽司
500円可有生啤一杯
500円可有生啤一杯
大拖羅刺身及壽司
大拖羅刺身及壽司
大拖羅刺身
大拖羅刺身
大阪必吃拖羅
大阪必吃拖羅

上網查過,得知「黑門市場」內有兩間人氣壽司店,其中最易搵就係位於入口處嘅「黒銀 黒門市場本店」。店子黑紅嘅門面同「黑門市場」個牌一樣色,襯到絕呀!

小店光猛企理,感覺極之潔淨,門外有個出哂煙嘅木造飯桶,行過聞到飯香,即令人流哂口水。八點半到步時見冇人排隊喎,幾口子諗住第一個去幫襯啦,點知人家原來八點九先正式開門。邊等邊了解店子嘅運作,發現雪櫃內擺放出不同部位及價格之吞拿魚件。顧客可以買返屋企食之餘,亦可麻煩師傅即場切成刺身、握成壽司、或製出魚生丼。如相所示,師傅帶哂手套,好衛生架!加500円可有生啤一杯送魚生,不過早上九點未到就飲酒真係有啲過份囉

店內只有數個吧位,五個人坐哂,後面啲客就要等等啦!當日由姨媽話事,一買就買咗盒6千円嘅大拖羅,交由師傅切成刺身壽司。嘩,粉嫩嘅大拖羅入口即化於口中,鮮香肥美,實在係太好味啦

黒銀 黒門市場本店」果真有料到,小店乾爽企理,老闆員工一樣友善好客,拖羅質高味佳,價錢合理,吃畢家人都只恨叫得太少,無奈眼見後面條人龍已打哂蛇餅,唯有下次黎大阪時再食過。
推介菜式: 大拖羅
每人消費: 約2400日圓 (早餐)
評分: 味道5   服務5   環境3   衛生5   抵食5
Namba Loft
Namba Loft
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
迷你兵團精品
鬆弛熊精品
鬆弛熊精品
Namba Loft
Namba Loft
因為之前嗰日喺「神戶Loft」買玩具精品買得實在太高興,所以臨走前點都要去埋難波間分店逛多兩逛先肯擺休。點知「Namba Loft」除咗層數少咗,面積細啲,就連啲迷你兵團、鬆弛熊精品嘅款式都冇咁多,但平心而論,如果喺冇比較嘅情況下的話,自己絕對都會買到唔少好野自用或作手信嘅。
參觀時段: 早上
評分: 值得去4  
一風堂 なんば店
一風堂 なんば店
圓圓嘅搭枱式吧位
圓圓嘅搭枱式吧位
廚房
廚房
吧位
吧位
日文版午市套餐餐牌
日文版午市套餐餐牌
中、英、韓對照之彩圖餐牌
中、英、韓對照之彩圖餐牌
白丸元味拉麵(790円)
白丸元味拉麵(790円)
人氣拉麵冇得輸!
人氣拉麵冇得輸!

一風堂」面積比想像中大,廚房就喺右方,一目了然,透明度極高。細佬被安排入座貼住廚房一邊嘅吧位,所謂近廚得食,所以連碗拉麵都熱過人,爽呀!用餐大堂共有三個圓圓嘅搭枱式吧位,不過雖然話十一點幾唔算爆,但都知啲客未必會想入鏡,所以細佬都好識做咁就住黎影

早上十一時至下午三時,小店有午市優惠套餐可選,其中拉麵有五款,另加一百円可配五隻餃子及白飯,另加百五円則可配炒飯。睇唔明日文唔緊要,因餐店早已印好中、英、韓對照之彩圖餐牌,明顯歡迎旅客光顧。生啤五百円一杯似乎係大阪公價咁。

話哂朝早已經喺黑門市場食咗壽司打底,細佬就好簡單咁淨食咗碗傳統嘅白丸元味拉麵790円)。熱辣辣嘅拉麵點咗大約五、六分鐘已上枱,效率奇高!奶白色嘅豬骨湯底香濃甜美,幼身嘅麵條煙韌彈牙,厚切豬肉片肥瘦均勻,軟腍入味,配埋啲爽脆嘅蔥碎人氣拉麵果真係Ichiban

日本人氣拉麵店「一風堂」環境簡潔企理,服務生友善好客且效率高,拉麵品質有保證,價廉物美,冇得輸呀!
推介菜式: 白丸元味拉麵
每人消費: 約1030日圓 (午餐)
評分: 味道5   服務5   環境3   衛生4   抵食5
「南海特急快速β 43有料特急關西機場」車票
「南海特急快速β 43有料特急關西機場」車票
難波站
難波站
難波站之月台
難波站之月台
「南海特急快速β 43有料特急關西機場」列車
「南海特急快速β 43有料特急關西機場」列車
「南海特急快速β 43有料特急關西機場」列車
「南海特急快速β 43有料特急關西機場」列車
「南海特急快速β 43有料特急關西機場」列車
「南海特急快速β 43有料特急關西機場」列車
車卡與車卡間有足夠空間擺放行李
車卡與車卡間有足夠空間擺放行李
「南海特急快速β 43有料特急關西機場」列車座椅闊落舒適
「南海特急快速β 43有料特急關西機場」列車座椅闊落舒適

話哂一行有成九人咁多,為怕於出機場前先買車飛會有啲趕,又或者係冇位坐,哥哥早兩日已經揀定要搭13:35嘅「南海特急快速β 43有料特急關西機場」列車,仲孖細佬去買定飛兼攞定位

難波站距離「Fraser Residence Nankai」夠近,指定席車票單售1,480円,快速列車往關西機場全程只需三十六分鐘。同香港嘅機場快線差不多,車站及車廂同樣潔淨衛生,光線充裕,座椅闊落舒適,車卡與車卡間有足夠空間擺放行李,家人都大讚方便抵搭
參觀時段: 下午
入場價錢: 每人1480日圓
評分: 值得去5  
阿茂飛機餐 哭臉2019-05-29
香檳
香檳
餐牌
餐牌
話梅鳳尾蝦
話梅鳳尾蝦
話梅鳳尾蝦
話梅鳳尾蝦
山渣雞肉丸子
山渣雞肉丸子
山渣雞肉丸子
山渣雞肉丸子
山渣雞肉丸子
山渣雞肉丸子
阿茂飛機餐
阿茂飛機餐

搭慣咗香港航空嘅商務位,長輩都話因舒適理由可以繼續搭,只係黃昏嘅HX 619班機之餐飲依然有好大進步空間囉

由名中菜廳海景軒」主理嘅午餐/晚餐中,頭盤話梅鳳尾蝦」嘅蝦隻其實都相當爽脆,無奈用上牛油果及話梅調味除咗唔係咁夾之外,組合亦未免太另類了,真係唔係人人都接受到。日式冷麵蒜蓉包最正常,不過主菜「山渣雞肉丸子」同個鳳尾蝦就一樣咁阿茂啦!三粒圓碌碌嘅雞肉丸外表都唔錯,食落外脆內鬆嫩,可惜在個山渣味好似格格不入咁,酸甜得不甚討好,實在太令人失望啦
評分: 味道2   服務5   環境5   衛生5   抵食3
  0 個留言    |  加入你的留言