搭咗幾個鐘頭車,終於黎到呢間漁村了,一落車已經見到好多香港既旅行社都黎呢間漁村食飯.
一點半先黎到,真係餓死人咩,我第一次去旅行係咁遲先食晏架,平時都係有早冇遲既.

搭咗咁耐車,先黎到第一個景點太陽島中心湖風景區門外,點知...司機搵唔到個入口,領導打電話問人啦,點知話裡面整路,所以架車唔可以駛入去,要D團友步行,D團友問領隊要行幾耐,領導話大約行45分鐘,問D團友有冇興趣入去,D團友問裡面有咩睇架,領隊話係一個公園黎既,D團友一聽到係公園,就未得黎反應,領隊就提議大家,不如行附近兩間大型商場啦,咁...都冇計啦,唔通唔行咩,我都未試過去旅行,第一個景點居然行...超市.

去到呢間肥仔偉,先行四圍影下相,再試佢地既糉,味道ok,但冇阿媽整得咁好食.

食完行過隔離,諗住買d糉返香港,點知阿媽話: 你唔好搞呀,咁多防腐劑,佢又話佢又唔係唔識包,搞到我即刻放低晒d糉.

不過d糉真係幾抵,幾蚊一隻,最大隻裹蒸糉都係賣RMB32蚊,抵啦.

食完糉,又搭咗個幾鐘既車,終於食晚飯啦....

呢間酒樓四周既環境唔錯,但個廁所就麻麻啦.

呢餐居然有碟豬雜,但我都唔食內臟,但見到同團既團友,食得津津有味,證明呢碟野好好味啦.

食完晚飯,又搭咗個幾鐘頭既車,終於黎到目的地啦....真係山長水遠先黎到.

去到盤龍峽入口,呢度真係規距多多,要D團友係大門口拎埋行李落車,跟住等領導同導遊去辦手續,好似同酒店一樣,拎行李落車冇乜問題,但係呢度係風景區門口,唔係酒店既門口呀.叫D團友係個度等,然後再拖D行李行咁鬼遠既路先番到酒店.都唔知邊個訂既規距.

今次我地住B區,有D團友住A區主樓區,我地B區有人幫我地拎行李上房,咁都唔錯.

入到房...嘩,好靚呀......唔怪得個團費咁貴啦.

這間餐廳採用具有印尼度假天堂巴厘島特色的天幕式帳蓬屋頂,四面均為敞開式設計,餐廳的房間裡也採用全透明式落地玻璃.

可惜太多人了,我地坐唔到天幕出面,而係坐裡面,所以享受唔到係天幕下食早餐既滋味.

而早餐真係一般,炒麵,雞蛋,香腸,素菜,蕃薯,芋頭等等

另外有粥,蛋糕,生果,甜品(如龜苓膏,柴米糕)

果汁 (完全係糖水炮製,唔好飲)

食完早餐,時間都係8:00 A.M.左右,距離集合時間尚有一個鐘.

我利用呢個鐘,四圍影下相.

9:00 A.M. 集合,同其他團友坐裡面既專車上山,一上山行幾步,就見到水車啦.

唔知點解冇乜驚喜呢,可能N咁多年前,唔知某時何地都見過啦,冇乜特別....而且,問當地導遊,呢D水車有冇功用,例如發電等,導遊就話,係冇功用只係裝飾,而且呢D都唔係天然啦,只係行山時,有D物件俾你睇,冇咁悶咋.

盤龍峽最天然既只有瀑布群....

係瀑布前影相,有人會走埋黎又幫你影,影完一輪到走既時候,佢地叫你埋黎睇相啦,15蚊一張...15蚊咁貴,自己部相機肯定唔會影得差過佢,駛鬼幫襯佢咩,平D又話吖,唔好以為游客係水魚先得架.

盤龍峽經廣東省旅游局考証，德慶盤龍峽100多公頃范圍内的近百個大小瀑布組成的瀑布群在全省獨佔鰲頭，這種規模的瀑布群在亞洲亦屬十分罕見，因此正式命名“盤龍峽瀑布群”為“亞洲罕見、廣東最大的瀑布群景區”。

其中最有名的是“騰龍飛瀑、聆天飛瀑、煙雨飛瀑”三大天然奇觀，水勢變幻屬南國罕見，最大的騰龍瀑布落差達90米，是廣東省落差最大的瀑布。

盤龍峽設有空中飛...每次50元,但玩唔玩,自己決定啦.

我班團友,其中一個男仔玩空中飛,到埋站既時候,冇人去扶住,我地黎遠聽到 嘭 一聲,後尾聽到個男仔個老豆鬧鬼個度D職員,原來佢地掛住幫D客影相,冇理到D游客既安全,呢方面抵鬧.

有“中國勇士第一漂”之稱的盤龍峡漂流，于2002年在全國首創冬季漂流，成為國内唯一可以開展四季漂流活動的景區，在廣東省内眾多的漂流景區當中一枝獨秀，享有極高的知名度。

呢個活動幾好玩,但係要小心有碰撞,同埋都要識游水,因為玩飄流肯定會全身濕晒.

十一點行完山,返回酒店房途中,影下四周環境

食完中午飯,我地要去金林水鄉參觀.

金林水鄉，位于德慶官圩鎮，擁一千七百多年的歷史,是一個文化底蘊深厚、古色古香、自然景觀豐富、充滿神話色彩的古村落。

金林地理形勢奇特。“壽星、金龜、蝠、鹿、鶴”五山環繞村莊，有五山會局之勢。村前八棵秀茂古榕，加上樟樹、相思樹、紅棉及稀有的菩提樹，像綠色屏障横橫亘于村邊。金林獨具水鄉特色，古來就有兩河雙圳五大井，兩河就是金林河、古嵐河，村内的四大井和村外的“高清井”是“龍眼”，雙圳從各家各户的門前流過。湖泊池塘眾多，有上林塘、北秀湖、葵扇塘， 積善塘、金水池等。

金林古城于明代興建，古城東面寬，南北狹。特點之一：城門多，如積善門、長壽門、上林門、太里門等；特點之二：古宅多，如談家大屋、孔家巷、慶宴宫、郎官第、進士第等；特點之三：古祠堂多，如清軒祠、應業祠、麗先談公祠、松岩祠等；特點之四：古街店铺特色，如均興雜貨，永盛木行、振興酒坊、保平安藥房等。

旅行團費包咗乘木筏遊金林水鄉.

坐木筏時,見到後面既團友,就幫佢地影咗幾張相片,我想如果金林水鄉裡面有d商業頭腦的人,應該一有乘船遊客,就沿途幫d遊客影相,做既生意一定好過係瀑布群啦.

因為肯定唔會自己影到自己架船.

上船後,食豆腐花,又係個團費包咗.

係旁邊既舖位,可以買酒槽花生,五指毛桃,霸王花乾,羅漢果等等

6:30 P.M. 食晚飯,對呢度d菜,冇乜期望,點知又唔係喎,晚上呢條魚,新鮮...同下午個條差得太遠,而且仲有菠蘿咕嚕肉,雖然冇香港個d咁好食,但ok啦,只少入得口.

唔知係咪個廚師,唔同咗呢....

食完飯,冇野做...我又四圍影下相,我d姨甥女剩係掛住睇電視,返香港睇啦....

我唔可以浪費呢度既夜景,唯有自己一個四圍影下.

食完早餐,仲有D時間,我當然又四圍影下相啦.

最後一日先記得,有個薰衣草園未影,咁...我就黎遠影低佢啦,之前聽我姨甥女講,薰衣草冇乜啦.

後尾先知,要睇薰衣草,最適合既時候係每年既四月至七月中,我地八月先黎到,乜草都冇啦,所以唔好信廣告呀,仲有薰衣草睇.

臨返香港前,黎到七星湖附近既華苑食飯,今餐十一點幾就食飯啦.

最後一餐好似幾豐富,有蟹食,不過係細蟹黎,我D姨甥女問領導,點解D蟹冇蟹膏既....

3:30 P.M. 開船,我阿媽3:05 P.M. 就要我拎住D行李排隊,我奇實唔鍾意阿媽樣樣都咁心急,但係你冇行動,唔聽佢話,佢就好惱氣,所以我都好無奈.

到差唔多開閘,我係第一個入去辦登船手續,然後落船,跟番張票黎坐.

途中,要停一個碼頭接載一班船客,然後準時6:30 P.M. 番到中港城