SemiCon
我是SemiCon。 我是一名採購專員。 我最喜愛到日本,台灣,澳洲旅遊 , 最鍾意遊覽自然景觀,歷史建築/遺跡,城市風貌,展覽館/博物館, 住宿通常會揀4星酒店,渡假村。
留言  留言給此旅遊家
  遊記數目 52
  上載相片 820
  上載影片 0
最近分享過的旅程
豐富韓國遊
國家/地點: 韓國
旅程日期: 2010-03-18 至 2010-03-21
深秋賞紅葉關西之旅
國家/地點: 日本
旅程日期: 2009-11-01 至 2009-11-08
泰國遊 2007
國家/地點: 泰國
旅程日期: 2007-06-27 至 2007-07-01
台北遊 2006
國家/地點: 台灣
旅程日期: 2006-06-29 至 2006-07-02
自遊泰國行
國家/地點: 泰國
旅程日期: 2008-01-29 至 2008-02-01
第二次新加坡training trip
國家/地點: 新加坡
旅程日期: 2008-08-10 至 2008-08-15
第一次新加坡training trip
國家/地點: 新加坡
旅程日期: 2008-06-16 至 2008-06-20
肇慶, 澳門兩天聖誕遊
國家/地點: 中國
旅程日期: 2008-12-25 至 2008-12-26
長隆兩日一夜悠閒遊
國家/地點: 中國
精選台北遊
國家/地點: 台灣
旅程日期: 2008-06-12 至 2008-06-15
甜蜜東京遊 (日本)
(旅程日期: 2009-02-04 至 2009-02-08)
發表日期: 2009-07-13
第一日: 香港>日本羽田機場>築地>銀座>新宿

到左日本第一站既羽田機場, 竟然比想象中簡陋得很!!!一出閘口, 已經一眼望晒所有野了.......實在細得可憐~之後搵shuttle bus搵去terminal 1 轉車, 一直都好順利呢...去到大門, 先搵locker放低行李, 第一次黎日本既我地, 大鄉理出城一樣, 乜鬼都唔識. 完成放行李呢個check point後, 我地終於可以向築地出發!!!

搭地鐵去到築地已經八點多, 比預計差唔多時間!! 先周圍行下, 睇下有咩發現, 但都係無乜特別, 之後搵到我地想食既大和壽司! 人唔算多, 等左一陣已經有位了! 食飽飽, 去左行街市~ haha~ o係hk都甚少行濕漉漉既街市, 估唔到黎到東京反而會行~ 其實都行得七七八八. 之後向銀座出發...

去銀座沿途, 經過本願寺, 當然唔會放過去睇睇啦~又係無乜特別. 反而中途見到一d好地道既食野地方我地更有興趣~haha~ 到左銀座後, 我地先去Nissan Gallery, 得少少野睇~~~不過叫做黎過囉~之後本來打算行Burberry, 可惜未開呢...唯有唔行住啦, 去左Sony Building, 原來都幾多野睇同玩架喎~! 同事果然無介紹錯!! 玩左一輪, 再行街, 去左三越買左少少手信再返去搭地鐵去大門攞返d行李. 由於第二次見到Glico雪糕機, 真係好想試呢....hehehe~~~原來幾好味架呢!!!! ^^

攞返d行李後就去左新宿了......新宿, 果然係好旺既地方, 好多人, 我地先返酒店check in都抖下, 再出去行街....行左歌舞技町, 食左我至愛既Mr. Donut! 比起泰國同台灣, 日本既donut貴好多呢!!! 不過又的確好味既^^ 之後再去博多天神拉麵..又係好好味架~~行左一輪, 再去Game Center玩下夾公仔, 可惜無收獲~~. shop下105yen店, 買左d平野...hohoh~~~

最後一站係去Lawson便利店買三廌美術館入場卷~雖然朋友仔已經教晒我點買, 但最後我地都係要勞煩店員姐姐幫我地入幾個日文先成功買到呢~~~haha, 不過呢個係一個唔錯既experience!

超豪華早餐 笑臉2009-07-13
雖然我地已經好早黎到, 但其實拍賣比我地更早結束...
雖然我地已經好早黎到, 但其實拍賣比我地更早結束...
大和壽司門外..難得地無人等位呀!!
大和壽司門外..難得地無人等位呀!!
超飽, 超豪壽司早餐!!
超飽, 超豪壽司早餐!!
第一次到日本, 事前做左好多預備功夫, 包括到達後第一餐!
第一站先到築地市場, 之前已聽好多朋友介紹呢個地方, 大家都話一定要黎呢. 因為可以試到最新鮮既壽司亦可以睇到拍賣既情況...
可惜的是, 我地黎到時已經錯過左拍賣. 但到食到想食既大和壽司...估唔到第一餐已經食得好豪.
坐低後, 我地點左兩個set, 嘩, 好貴呀!!! 3500yen一個set!!! 我地只係食早餐咋喎!!! -.-" 但一場黎到, 一定要食呢! 食第一舊壽司時, 咬落去. 死喇...有wasabi.....我最憎架喎~~~即吐都吐唔切. 之後叫師傅no wasabi, 但佢地異常出奇仲下左一聲....咩bor...唔俾人唔食wasabi咩!? 之後佢整左幾舊鐵火卷有少少少少wasabi, 但我都係唔惦...最後佢都係no wasabi~! 如果唔係我都唔知點算呢~
參觀時段: 早上
入場價錢: 每人3500日圓
評分: 值得去4  
sony building 門外
sony building 門外
同事之前已介紹我去銀座要去遊一遊sony building, 因為都幾值得睇. 果然無令我失望!!一心諗住都係睇下遊戲機, 電視之類, 但估唔到有好多層, 每層都有唔同既野睇呢!! 鍾意或者唔鍾意sony既人都值得去睇一睇呢~~~
評分: 值得去3  
下午既歌舞伎町
下午既歌舞伎町
夜晚既歌舞伎町
夜晚既歌舞伎町
Game center好多relax bear 呀~可惜一隻都夾唔到!! T_T
Game center好多relax bear 呀~可惜一隻都夾唔到!! T_T

日抖同夜晚既歌舞伎町真係幾大分別.
有好多疑似雞雞鴨鴨既人...haha~~~總之好旺又好雜呢~~~
好多野行, 有105 yen店, 有game center夾公仔. 各式各樣, 花多眼亂....

評分: 值得去3  
正! 拉麵 ok喇2009-07-13
日本食野, 無論係食d咩都係好好食.... 呢間拉麵係書仔介紹其中一間, 所以我地都有期望咁去食. 幾百yen 一碗麵, 我同Honey都係兩份食. 因為之前已經食左mister donut, 食唔到太多. 估唔到, 幾百yen都絕對唔馬虎, 仲好好味tim~
評分: 味道4   服務3   環境3   衛生3   抵食4
其實無乜特別, 只係有幾架車放係度俾人睇下, 但唯一一樣可取既係可以預先預約, 有半個鐘免費試揸~~鍾意車既人可以一試呀!
評分: 值得去3  
  0 個留言    |  加入你的留言
發表日期: 2009-07-13

第二日: 幕張>台場>新宿

九點起身換好衫急急腳去食早餐, 食飽飽向幕張出發~~~去到outlet, 行左Agnes b, 可惜無收獲~為有有效d去shopping, 決定同honey分開行, 約定時間集合先去食lunch! 其實outlet都唔算岩行, 不過好彩最後都有收獲!!真係比香港平好多呢~~~hehe~~~

lunch去左一間叫Jerry's UNO度食, 墨西哥style, 都ok, 食飽就回程了....當然又係搵個locker放低d戰利品再去台場啦~但由於時間比預計遲左d, 所以去到台場已經四點幾五點了.... o係台場都大有收獲, 尤其honey, 用唔洗10000yen買左成六七件衫, haha! 好抵呀~!!!

回程時, 去左新橋站搵食. 去左一間叫安具樂既地道日本餐廳..返到酒店已經十點多lu~ 結束左一日行程

掃貨之選 ok喇2009-07-13
幕張可以話係一個幾好行既OUTLET, 雖然唔係好大, 但都算係應有盡有. 好多牌子, 例如AS KNOW AS, NIKE, NICE CLAUP, AGNES B, CASIO, ADIDAS, 等等.
不過對我黎講就唔算好岩行, 最開心都係O係AS KNOW AS買左幾件衫同一個袋, 真係比香港平好多呢...有機會都想再黎過掃貨~!!
評分: 值得去3  
最浪漫之選 笑臉2009-07-13
Aqau City
Aqau City
彩虹橋
彩虹橋
toyota~~
toyota~~
本來無期台場有好多野行, 所以只預左三個鐘左右. 後來先發覺原來台場真係好多野睇, 好多野岩買呢~~haha~~彩虹橋比想象中更ok, Toyota原來都好多野玩同行, Sega城都無時間去呢~~~只係行左Aqau City 同Decks. 連富士電視台都無行...所以去台場真係可以用一日的呢!!

最鍾意係彩虹橋一PART, 真係影左好多相, 尤其最正係黃昏時間, 好浪漫. 拍拖必到呢~!
評分: 值得去4  
地道日本餐 笑臉2009-07-13
正
一間好地道, 好日本既餐廳~!仲好煙味tim~哈哈~!!! 不過d野食都唔錯呀! 尤其個炒麵, 好好味~!
雖然侍應唔多識英文, 但都好落力去理解我地既要求...仲勞動到廚房既中國員工幫手翻譯...
評分: 味道4   服務4   環境3   衛生3   抵食4
  0 個留言    |  加入你的留言
發表日期: 2009-07-14
第三日: 三鷹>井之頭>吉祥寺>池袋>台場

仍然係九點左右起身, 由於時間關係, 趕唔切食早餐, 所以只係買左個飽就拿拿聲搭JR去三鷹.. 行到十二點多就走lu~ 沿著井之頭公園一直向吉祥寺方向行...行左大約二十分鐘就到lu~

到去吉祥寺, 當然又係同honey分頭行事啦~~~其實吉祥寺都幾多野行的! 但其實我行左唔好好耐已經好攰了~~~約左honey一個時間一齊去食lunch! 去左一間叫Al dente既意大利餐廳度食補充體力後, 向池袋出發~!

滿心期待既池袋, 同想象中一樣好多野行, d商場多到行到腳跛...本來已經好攰既我, 真係無乜心機行喇....所以本來同honey 約左三個半鐘後meet我最後只係用左兩個鐘就ko晒d商場...因為一來好多唔岩睇, 二來攰到唔想行....只想坐....去左m記食左個餐....好貴...係hk既double價錢呢~!! 不過honey就覺得池袋好多野行, 仲唔夠時間行tim.....行完池袋, 竟然一d收獲都無.... omg.....=.="

之後再戰台場,原來夜晚彩虹橋好靚的......可惜今日我地無帶腳架啦~~~好多相都影得唔靚喔 T_T 今次再黎, 掃左d手信同少少衫咁啦~~~

九點多去左新橋食飯, 今次去左一間叫金太郎既日本地道餐廳, 樣樣野都好好味

返到酒店已經攰到不堪....連續三日行程, 我既體力開始透支了....

重拾童真 笑臉2009-07-14
三鷹裡面係唔俾影相, 所以只o係外面影左好少相...><
三鷹裡面係唔俾影相, 所以只o係外面影左好少相...><
走過井之頭公園步行到吉祥寺中途
走過井之頭公園步行到吉祥寺中途
去到三鷹站仲要轉shuttle去, 結果我地十點八先去到, 其實我地買左十點飛囉..haha~~原來飛上面寫住30分鐘內要到....工作人員問我地做咩遲到, 我地當然係話traffic啦~~haha~~ 不過好彩我地只係遲左十分鐘啫~~如果再遲多d, 唔知係咪會唔俾我地入場呢?

入到去, 先去左室內行下睇下野, 之後睇左一套卡通片, 開頭都會諗, 講日文聽唔聽得明, 但原來成套卡通片無乜講野, 大部份時間都係睇動畫, 岩晒我呢d日文文盲!! 二十分鐘左右睇完就去左睇貓巴士~好得意呢~ 好多小朋友入去跳, 走上走落, 爬黎爬去, 如果我仲係小朋友, 一定好開心呢~
行左大約三十分鐘已經行完, 去左戶外睇睇, 之前聽朋友講有好多野睇, 但我就一眼睇晒無咩特別, 後來先知原來我地真係miss左戶外最多野睇一part~! 激死了...

無行戶外都用左差唔多兩個鐘, 如果行埋, 應該最至都要三個鐘先可以行得完呢~!
參觀時段: 早上
入場價錢: 每人1000日圓
評分: 值得去4  
吉祥寺就似旺角, 好多小商店, 賣一d比較地道既日本野, 相比起新宿池袋既shopping mall, 我覺得呢d較岩行. 平平地, 無大牌子, 好地道.
評分: 值得去3  
意粉同鋪頭名一樣, 口感幾al dente!! 不過都唔平, 一個意粉都要一千yen有多~~!!
每人消費: 約1000日圓 (午餐)
評分: 味道3   服務3   環境3   衛生3   抵食3
池袋一D都唔會輸蝕過新宿, 一樣好多Shopping mall, 足以行到你唔願行. 至少有六七個大型商場...但我竟然一d野都買唔到. 難道我已經唔再係年輕人??

其實每一個商場來來去去都係差唔多既野, 但無可否認, 係一個好岩年輕人shopping既地方! 想搵合心水既野, 要比d心機喇~
評分: 值得去3  
超正harihari
超正harihari
呢兩串串燒d汁好正架~!
呢兩串串燒d汁好正架~!
串燒雞胸同雞翼都非常出色!
串燒雞胸同雞翼都非常出色!
照燒雞飯!
照燒雞飯!
清晒!~
清晒!~
有英文menu架!!
有英文menu架!!
呢間餐廳比之前一晚既晚餐更好食~尤其串燒, 表面上一串白雪雪既雞胸肉諗住會無味, 但異常地出色~!! 真係好好味呢~ 另一特別既食品係harihari, 係一d好幼既薯條同沙律組成, 好得意, 又係好好味~!! 呢間餐廳好細心, 有英文menu, 唔洗等我地估估下....真係值得推介!
推介菜式: Harihari
評分: 味道4   服務3   環境3   衛生3   抵食4
  0 個留言    |  加入你的留言
發表日期: 2009-07-19
第四日: 原宿>涉谷>新宿>東京鐵塔

由於連續幾日唔夠瞓加上過份體力透支, 今日幾乎起唔到身...起身換好衫後先去食過早餐就出發去原宿了! 一去到, 嘩, 實在多人得很呀!!! 我地先行竹下通.其實原宿比較岩我行, 因為每日都係行商場真係開始有D厭了, 呢度始終係行街同埋D野比較平!

Shop完一輪, 去左柿家鮨食壽司. 之後再行街, 本來打算行去涉谷, 但我對腳其實已經攰到死左, 所以選擇搭JR過去...haha! 行完街, 返左酒店休息左一陣放低晒d戰利品後就出發去東京鐵塔.

去完東京鐵塔返到新宿已經十一點多喇..求其去左一間日本餐廳食飯.十二點正就係我生日了....haha~~不過我地o係條街度流連緊~~

返到酒店拆左honey送我既生日禮物...仲有情人節禮物...真係多謝哂呢!!!

年輕人地帶 笑臉2009-07-19
人頭湧湧既竹下通
人頭湧湧既竹下通
其實原宿比較岩行, 因為較多小商店. 貨品都比較平. 但可惜我地去時YEN比較貴, 所以見到好多野都無買.

竹下通係比較多年輕人, 周圍都係賣一D比較YOUNG既貨品, 其實有少少似旺角, 所以我都比較鍾意O係呢度SHOPPING.
評分: 值得去4  
我地到時無乜人。但後尾都幾多人呢!
我地到時無乜人。但後尾都幾多人呢!
好新鮮好正既壽司!!
好新鮮好正既壽司!!
正,清晒!
正,清晒!
日本d壽司間間都一定會有wasabi的, 呢間都唔例外, 所以我地都係點多過攞迴轉帶上面既壽司. order同職員講左no wasabi, 點知有幾碟都有wasabi, 其中一碟係他他牛, 我食舊食左先發現有wasabi, 之後睇睇其他壽司都發現有wasabi踪蹟, 當然同個職員講啦, 佢幫我地換左d有wasabi既壽司, 佢見我地個碟牛得返一舊飯都話幫我地轉, 開頭我仲以為佢只係會俾返舊飯我, 點知俾過一碟新既壽司我地呢...haah~開心呀~因為有一碟free嘛~!!加埋呢碟free,我地食左十碟呢~~但我都好似唔係好飽咁 heheh~
評分: 味道4   服務5   環境4   衛生5   抵食4
搭JR去涉谷喇
搭JR去涉谷喇
好似香港銅鑼灣呀!
好似香港銅鑼灣呀!
去到涉谷, 感覺自己好似去左銅鑼灣一樣. 超多人, 超多商場! 好緊忙既十字路口, 好多車~~嘩~~好似要用好多時間去行街咁!之後同honey兵分兩路去shopping, 約左三個半鐘等, 行左一兩個商場我已經攰到癲左, 簡直唔想行. 又無收獲, 所以無乜mood~好彩最終都叫做遊過咁多個商場...但只係用左兩個鐘!send sms俾honey去麥記meet返,食左個餐...double左hk既價錢!香港真係好抵呢!哈哈~~之後我已經唔想郁了..但其實honey未行晒架呢~!!
參觀時段: 下午
評分: 值得去4  
東京鐵塔 笑臉2009-07-19
紫色既東京鐵塔
紫色既東京鐵塔
橙色既東京鐵塔加特別效果
橙色既東京鐵塔加特別效果
由於都已經九點幾, 好多鋪頭都閂左, 所以o係室內逗留一陣就去左外面影相. 原來東京鐵塔有兩種顏色的~十點前就係紫色, 十點後就係傳統既橙色..兩隻色都好靚~雖然我本身好鍾意紫色, 但都係覺得傳統靚d~!
參觀時段: 晚間
評分: 值得去5  
  0 個留言    |  加入你的留言
發表日期: 2009-07-19
第五日: 淺草>上野>涉谷>新宿>羽田機場

呢日又係唔想起身既一日...我好似無試過去旅行攰到咁樣.差唔多十一點先check out, 放低行李係酒店就出去lu~先到淺草, 去左雷門寺...嘩!!!真係好多人呀!影相都唔知係影人定影景!?

之後出發去上野!又係一個好多人既地方, 去左一間餐廳度食拉麵,都唔錯.食完開始行街, 去上野最主要係買手信, 所以我地去左二本之菓子就買~買左一大輪後再行多陣就要走了...

由於honey想返去涉谷買袋同去原宿買野俾佢媽咪, 結果呢兩個地方我地又再一次返黎!不過來去匆匆,無認真再行. 只係買左要買既野就返酒店攞行李去機場了.

去到機場, 已經六點多, 岩岩好check in. 但由於我地之前無揀位, 所以埋到去counter, counter姐姐問我地介唔介意分開坐.....最搞笑個原因係想平衡返飛機既重量!但分開坐其實係坐前後!佢仲要同我地講係機尾有得連住坐,但因為要balance個重量,所以要分開坐~~~咁我就奇喇, 我地兩個人係咪重成咁呢? 定係我地好恰d? 點解個個唔洗分開坐但我地要? honey無再同佢理論, counter姐姐好似好好心咁安排我地坐窗口位既前後兩個位...

之後去左terminal 1諗住行下食下野, 但本來心情已經唔好既我加上肚餓又攰到死. 心諗點解要分開我地坐...人地今日生日喎~唔係應該有特別優待架咩? 仲要未食飯, 就連想食餐好d既時間都無.七點九要上機, 七點二仲未諗到食乜!結果係乜都唔食, 兩個人坐係度等....=.=""

上到飛機先發現, 原來我地被upgrade坐business class, 但我望一望坐我隔離o個個日本人, 唔似善男信女...真係十萬個唔願意...好彩honey醒目地同佢調位. 咁先開心返少少~唔知business既飛機餐會唔會唔同d呢? 我覺得我個set係搭咁多次飛機較好食既一份!之後一路瞓覺瞓到差唔多落機, 但好似有少少暈喎~~唔通坐唔慣business?? haha~!!

返到hk, 已經十二點幾喇, 好攰既一個trip, 但好開心甜蜜因呢個係我第一個日本trip呢 ^^

雷門寺
雷門寺
D人頭多到呢。。。睇唔到前面。
D人頭多到呢。。。睇唔到前面。
最後買左四包人形燒
最後買左四包人形燒
好多野買呀~~~
好多野買呀~~~
雷門好似係去東京必到既地方一樣. 無O係雷門下影過相就好似無黎過東京一樣. 見每個朋友遊東京既相簿都必定有幾張雷門既相呢. 所以無論如何, 我地都要到一到!

去到雷門, 好多人呀! 兩旁既鋪頭都塞滿人呢! 好不容易先入到其中一間鋪頭睇下野!
又可以買到我鍾意食既人形燒. 好開心呢~~睇住師傅即叫即做. 先發現原來做人形燒都唔簡單呢...

一邊行, 一邊買小手信. 由於太多人, 最前面既寺院我地都無入去. 只係外面影下相就算LU~下次再有機會去一定會行得仔細D~
參觀時段: 下午
評分: 值得去5  
買手信最好去上野。每個朋友都同我講,最後一日去上野先買手信,因為係最平。。。果然係真。仲買左好多野食tim!! ^^
參觀時段: 下午
評分: 值得去4  
  0 個留言    |  加入你的留言