已經有六年無去過韓國了. 早幾年去因為跟團, 全程都好趕, 未能真正感受一下當地風土人情. 而且有感韓國食物唔太岩胃口, 所以往後幾年都無意再踏足韓國. 由於最近韓幣貶值, 加上男友仔未去過, 所以今次多俾一次機會, 重投韓國懷抱!

今次呢個trip行程好緊密, 凌晨機去夜機返不特止, 每晚shopping至十一, 二點先返酒店休息…由於真的太勞累, 最後病倒了…

***第一日, 景福宮>鍾路(其實無乜點行)>清溪川>酒店休息>東大門***

第一日到達首爾只係晨早五點幾六點, 出發去搵位於東大門酒店, 但我地又唔識路, 落巴士行左半個鐘都搵唔到, 幾個的士司機都唔識, 幸好最後有個識識地, 車到我地去酒店, 但到達酒店已經八點多, 未有得check in, 唯有放低行李, 先去行第一景點, 景福宮! 影相唔錯既地方, 而且我地去到仲有雪tim 呀! 有少少可惜係, 天氣仍然好凍, 但已經無落雪了, 如果早一日, 應該會見到落雪呢~ 行完景福宮, 去左鍾路, 其實無認真去行, 只係去左Young Poong Book Shop, 幾大幾多野睇的地方, 而且書類好齊全. 連日本雜誌都特別有一個corner位置. 之後行左清溪川再返酒店休息, 瞓左三個幾鐘, 食晚飯再夜遊東大門....東大門d shopping mall真係好勁, 開到凌晨五點半, 要血拼真係唔洗急!!