新加坡之旅係9月24日-28日，早上坐飛機到達新加坡12点几左右先，好達，今次跟媽媽及家姐一齊去，經過机場出境時見到一間買班蘭蛋糕的店，入去買了少少來試下，都唔平喎
，之後我們三母女在机場買了地鐵車飛坐車回酒店，返到酒店食下d蛋糕先。
我們住的酒店係LAVENDAR V HOTEL, 係正LAVENDAR地鐵站一出,穿過一條食條,轉個灣就到,非常方便.
係酒店SETTLE DONW,我們就出去濱海灣公園,撘地鐵都好方便,新加坡比香港還細,所以鐡路可以去到所有地方,十分方便及簡單.
行飽食飽後就去左坐摩天輪,跟住係FOOD COUNT食大蝦麵. 然後就返酒店啦.
買了幾件試下，班蘭蛋糕淡淡地的班蘭味，都ok的，有兩件千層糕，唔算甜，味道ok，不過太細件
每人消費: 約7新加坡元 (午餐)
評分:
味道3
服務3
環境3
衛生3
抵食3
這間酒店上網訂的時候見到都幾方便及乾乾淨淨, 三個人加床, 房間加埋張床係啱啱好,沒有太多多餘空間,都算新,光猛,設備都齊全,服務都滿意.
評分:
設備4
服務4
環境4
衛生4
抵住5
濱海灣公園係金沙酒店附近,環境好大好靚好舒服,我地係果度行左好耐,不停映相及周園行,感受大自然,天氣好好,可以係海濱長廊休息一下,欣賞一下周圍環境,實在太寫意,設計好特別,樹的形狀好靚,好似一把扇咁,還可以上去上面有一條很長的通道行一圈,但我們沒有選擇上去.
之後我們還去左金沙酒店入面FOOD COUNT食天天海南雞飯添呀.
評分:
值得去4
新加坡摩天輪係全球最高的,我們都要坐一坐,佢個車卡好大,可以容納十多人,中間有一排櫈,但係唔舒服的,一路上到最頂,行得好慢,一路停低俾我地映相,真的好靚的夜景,雖然唔係好光好光的夜景,但都看得很清楚及看到很多新加坡的地標.
參觀時段: 晚間
入場價錢: 每人33新加坡元
評分:
值得去4
0 個留言
|
加入你的留言第二日去了聖淘沙, 中午食左一餐鼎泰豐做午餐, 然後就去了水族館, 這個地方係全世界最大, 行左好耐, 晚上回去酒店附近食沙嗲.
去新加坡都要食鼎泰豐, 價錢跟香港沒有兩樣, 環境夠大, 夠舒服. 味道也跟香港的差唔多, 有水準呀, 小籠包好食, 那一碟炒豆苗都好好味,夠鮮甜, 新鮮, 小籠包保持肉質及湯汁也夠多呀. 還有牛肉麵, 酸辣湯麵, 都好入味, 牛肉超級淋呀.
有一杯酸梅汁, 好解渴及冰凍.
評分:
味道4
服務4
環境4
衛生4
抵食3
全世界最大的, 入面好大, 行了很久, 有很多海洋生物參觀. 值得一去的地方.
評分:
值得去4
|
加入你的留言今天去動物園, 早上先去食肉骨茶, 天氣還可以的, 但是中午之後好大雨呀. 我們照去動物園. 去到地鐵站勁大雨, 因為要坐一小時左右的巴士, 坐在巴士上面看到出面一時大雨一時細雨, 好無奈的心情. 去到動物園雨還在下, 一陣一陣的呀. 晚上去了唐人街酒家食飯.
早上食的早餐係肉骨茶, 呢間店好出名, 特登坐車嚟搵, 都唔難搵呀. 我們點左兩個肉骨茶, 跟白飯, 還有囪水豆腐, 囪水蛋. 油條, 肉骨茶好重胡椒味, 入面有幾件骨, 蒜頭都好大舊呀. 不過好味, 夠晒辣. 夠晒濃味.
評分:
味道4
服務4
環境4
衛生4
抵食4
新加坡有幾個動物園, 今次去的是日間動物園, 要坐差不多一個小時的巴士才到, 今天天氣好差, 全日都落雨, 我們嚟到都好唔方便, 動物園都唔係好大, 動物的動類好少, 好彩的係有一架在動物園內行走的小火車, 買飛的時候俾多少少錢可以任坐, 我們起碼坐了六七次. 最開心係見到北極熊及企鵝呀.
評分:
值得去3
唐人街搵到一間酒家, 可以飲茶, 媽媽就最開心, 叫左好多點心, 又有粥食喎. 呢家係香港人開的, 所以口味跟香港人一樣呀. 有腸粉, 叉燒包, 大飽, 蛋撻, 飯, 等等. 價錢都抵食.
評分:
味道4
服務3
環境3
衛生4
抵食4
|
加入你的留言今日去左亞坤食早餐, 食完早餐就去環球影城啊. 之後就去日本菜, 好滿足的一天.
最後一日下午就撘飛機返香港, 所以早上去了唐人街飲茶, 之後去了行Haji Lane, 跟住就返酒店去機場了.
去左亞坤食早餐, 咖吔多士,花生醬多士, 奶茶, 半生熟雞蛋, 全部都係最出名的菜式呀. 多士好薄, 入面好多醬, 好香又脆好好味呀, 奶茶夠香夠濃夠滑.
那兩隻半生熟雞蛋要加豉油, 胡椒粉一齊食的呀, 都幾得意呀, 加落D多士度一齊食, 好特別啊.
評分:
味道4
服務4
環境4
衛生4
抵食3
新加坡的環球影城都好大, 入面分好多個區域, 我們玩左少少冇咁刺激的嘢, 有一個3D TRANSFORMER賽車, 嚇到半死, 3D效果一流呀, 另外有一個激流, 全身濕晒, 勁刺激, 係2層樓衝落嚟啊, 係入面都消磨了差唔多一日.
評分:
值得去4
這間日本菜都好多人等位, 我們等左一陣就有位, 然後係用I PAD點菜的, 好方便啊, 點好晒仕應會嚟對單, 然後好快就有嘢食.
食物價錢唔算貴, 水準都有番咁上下, 有一碟枝豆係免費的, 我們叫左炸蕃薯, 一些三文魚, 帯子, 腐皮壽司, 一個三文魚炒飯, 軟殼蟹手卷. 炒飯好好味, 好多料, 壽司SIZE唔算大, 不過都好新鮮, 好味道.
評分:
味道4
服務4
環境4
衛生4
抵食4
好出名的一條街, 但其實係細細街買衫及精品的小店, 價錢都唔平的啊. 唔係太啱我地行的地方.
評分:
值得去3
正
正
這間老曾記小食店好多分店, 我們住的酒店附近有一間, 好多商場都有, 機場都有呀, 買左一個咖喱薯蓉角食, 好好味呀, 勁大個, 勁多料.
評分:
味道4
服務3
環境3
衛生3
抵食4
正
正
去到機場要醫肚, 見到呢間COFFEE SHOP有喇沙食, 又有多士, 價錢合理, 所以我們就係度食嘢啦. 叫左一個喇沙, 一個多士一齊食, 多士好味道呀, 夠香夠熱夠脆, 喇沙都OK呀, 跟餐還有半生熟蛋, 奶茶添呀.
評分:
味道4
服務3
環境3
衛生3
抵食3
機場好大好新好環保的呀, 設施又多, 又新.
評分:
值得去4
|
加入你的留言
遊記數目 
上載相片 
上載影片 
2014-02-07
2014-02-07
