去左亞坤食早餐, 咖吔多士,花生醬多士, 奶茶, 半生熟雞蛋, 全部都係最出名的菜式呀. 多士好薄, 入面好多醬, 好香又脆好好味呀, 奶茶夠香夠濃夠滑.

那兩隻半生熟雞蛋要加豉油, 胡椒粉一齊食的呀, 都幾得意呀, 加落D多士度一齊食, 好特別啊.

新加坡的環球影城都好大, 入面分好多個區域, 我們玩左少少冇咁刺激的嘢, 有一個3D TRANSFORMER賽車, 嚇到半死, 3D效果一流呀, 另外有一個激流, 全身濕晒, 勁刺激, 係2層樓衝落嚟啊, 係入面都消磨了差唔多一日.

這間日本菜都好多人等位, 我們等左一陣就有位, 然後係用I PAD點菜的, 好方便啊, 點好晒仕應會嚟對單, 然後好快就有嘢食.

食物價錢唔算貴, 水準都有番咁上下, 有一碟枝豆係免費的, 我們叫左炸蕃薯, 一些三文魚, 帯子, 腐皮壽司, 一個三文魚炒飯, 軟殼蟹手卷. 炒飯好好味, 好多料, 壽司SIZE唔算大, 不過都好新鮮, 好味道.

好出名的一條街, 但其實係細細街買衫及精品的小店, 價錢都唔平的啊. 唔係太啱我地行的地方.

這間老曾記小食店好多分店, 我們住的酒店附近有一間, 好多商場都有, 機場都有呀, 買左一個咖喱薯蓉角食, 好好味呀, 勁大個, 勁多料.

去到機場要醫肚, 見到呢間COFFEE SHOP有喇沙食, 又有多士, 價錢合理, 所以我們就係度食嘢啦. 叫左一個喇沙, 一個多士一齊食, 多士好味道呀, 夠香夠熱夠脆, 喇沙都OK呀, 跟餐還有半生熟蛋, 奶茶添呀.

機場好大好新好環保的呀, 設施又多, 又新.