同喵小姐黎到日本第一日，行左成日真係幾攰下，梗係要食返餐補充下能量。

出發之前已經搵左一個美食LIST第一站就係今晚GE和幸，食個美味GE炸豬扒飯

黎到和幸，同睇到門面裝修都唔錯，環境幾優雅，坐得幾舒服=)

之後同到喵小姐揀左兩個SET DINNER黎食，一個係炸豬扒飯，一個係炸蝦天婦羅飯，不過由於MENU係日文GE 關係，我地都係看圖點餸，哈哈

炸豬扒飯 (8.0/10): 豬扒炸得幾好，水準中上，食落唔算太油，應該係因為用植物油炸GE關係=) 唔錯唔錯

炸蝦天婦羅飯 (8.0/10): 水準同炸豬扒飯差唔多，水準之作

整體黎講同香港GE大X屋炸物水準差唔多最印象深刻GE反而係日本GE服務員服務態度超好，同埋跟SET GE 食同菜無限量任添XD 成餐食得好舒服好開心，為第一日劃左個完美GE休止符

第二天去係淺草搭完觀光船去台場，再同喵小姐坐埋個無敵浪漫摩天輪之後，就返到池袋都已經幾夜下，不過冇緊要，池袋GE無敵家開到非常之夜，照去排隊食拉面也。

一去到無敵家，即刻見到一條十來個人GE人龍，有人龍即係好野，果然冇錯=P 排到十幾鐘終於入到去食面，發現左右隔離都係香港人，睇黎都好多香港人慕名而來XD

點左個前菜餃子，再點左兩個叉燒拉面(1080YEN)，餃子先來，一食之下，嗯~真係幾好WO~

餃子 (7.75/10): 用料十足，炸得剛剛好，真係幾好味

叉燒拉麵 (8.25/10): 嘩! LEE個真係不得了，碗拉面有5大塊日本叉燒，咬落去真係超有口味，又超級好味D拉面好彈牙，份量又足，食完真係超級飽。D 湯底亦係精華所在，味道濃郁。喵小姐同我都讚不絕口

食完之後，感覺無敵家GE拉面真係有種無敵GE感覺，難得GE係只此一家，絕無分店，所以水準應該絕對可以長久保持。食完之後，就頂住個肚腩仔一齊好滿足咁行返返酒店了。