無敵家 (東京, 池袋)

第二天去係淺草搭完觀光船去台場，再同喵小姐坐埋個無敵浪漫摩天輪之後，就返到池袋都已經幾夜下，不過冇緊要，池袋GE無敵家開到非常之夜，照去排隊食拉面也。

一去到無敵家，即刻見到一條十來個人GE人龍，有人龍即係好野，果然冇錯=P 排到十幾鐘終於入到去食面，發現左右隔離都係香港人，睇黎都好多香港人慕名而來XD

點左個前菜餃子，再點左兩個叉燒拉面(1080YEN)，餃子先來，一食之下，嗯~真係幾好WO~

餃子 (7.75/10): 用料十足，炸得剛剛好，真係幾好味

叉燒拉麵 (8.25/10): 嘩! LEE個真係不得了，碗拉面有5大塊日本叉燒，咬落去真係超有口味，又超級好味D拉面好彈牙，份量又足，食完真係超級飽。D 湯底亦係精華所在，味道濃郁。喵小姐同我都讚不絕口

食完之後，感覺無敵家GE拉面真係有種無敵GE感覺，難得GE係只此一家，絕無分店，所以水準應該絕對可以長久保持。食完之後，就頂住個肚腩仔一齊好滿足咁行返返酒店了。