6月7日，有朋自遠方來，緊係搵又好味，價錢又合理的法國餐廳擦返餐。
係法國book枱食飯，推介用"叉.com"，唔使講法文，仲有時會有折，今次有30%off。(飲品除外)

Le Jeroboam係一間warm & cozy的餐廳，環境舒適雅緻，不過唔覺有冷氣，啱啱入去會有d熱。侍應生親切有禮，屬於值得給小費的程度。坐低之後佢會俾drink list你，餐牌就寫係人咁高的黑板度，佢會搬過來你面前俾你慢慢睇，不過全法文的。

餐廳特色是以時令的現代食材烹調傳統的法國菜。

揀Le Jeroboam最主要想試佢個吞拿魚tartare配白朱古力，果然沒有令我失望！很新鮮的吞拿魚配酸甜醬汁，再加白朱古力，又開胃又好味，係我的至愛。

主菜係半煙熏三文魚配羊肚菌汁，煙熏過的三文魚煎到啱啱熟，又香又嫩，仲要一D都唔腥，係我食過暫時最好食的熟三文魚。其實真係好欣賞法國菜，一個主菜已經包含所有你需要有味道及不同的質感，複雜又平衡。只係睇不同主菜配搭的薯仔煮法，已看得出廚師的用心和誠意。另外，廚師不知用了什麼烹調方法，令青豆和beetroot都沒有草青味，我很喜歡！為左尊重廚師同表示對食物的欣賞，我通常會食晒，不過呢度份量真的偏大...

已經好飽的我地最後只瓜分了一個甜品-mille feuille 千層餅。通常千層餅做得好食的餐廳，其他甜品都唔會差得去邊。呢個...鬆脆到...食到個個好似以前o個個鬆脆廣告咁囉...讚呀！


2-Course dinner + drink, 人均消費25euro, 真心地覺得物超所值