到酒店放低行李之後..即刻出發去第一站--上引水產..呢間開業唔夠一年..人氣爆燈嘅地方..位於台北漁市場旁邊..三井集團有意將佢打造成"台北築地"..地方真的好大..首先會經過好大買新鮮魚嘅地方..然後就到我地嘅目的地--立吞美食區..由於聽聞等位要等2個鐘..我地唔敢怠慢..即刻先攞位..好彩唔係好多人..唔使一個鐘就有位"企"啦..大家排排企..真係好有趣..呢區可以叫手握壽司/刺身/生蠔/長腳蟹/松葉蟹..而戶外有個燒烤區..可燒海鮮..

呢餐食咗 :
~生蠔--可惜我不吃生蠔..見到個樣都知好新鮮..團友話鮮甜好味!
~海膽壽司--加拿大海膽..好creamy好甜..但最奇怪係低個一pat白色物體...應該係蘿蔔絲加D唔知咩醬..好淡味..唔通師傅係想沖淡一下我地口入面嘅海膽味然後食下一樣嘢?
~海鮮麵豉湯--激讚!!!湯很濃味..濃味絕對不是來自味精..是新鮮的海鮮味!..湯料很多..大大舊三文魚..大蝦頭..最重要--湯很熱!!!..又大碗..飲完真係有D飽 (p.s.這個湯..叫sushi set有得送)
~手握壽司--兩個字"新鲜"!!!..唔係我地係香港食開嘅"冰鮮"魚..魚肉沒有"冰"/淋嘅感覺..真係有D似係日本築地..

本來仲想食燒烤海鮮..但食完壽司實在好飽..唯有留待下一次

p.s.可能香港人真的好喜愛日本菜..我前後左右都係香港人哩!