一上到的士..見到佢前後共有三個螢光幕..司機哥哥在播張惠妹的"聽海"KTV..司機哥哥問我地識唔識唱? 我地異口同聲好大聲咁話:"識!" 然後司機哥哥話:"那唱吧!" 佢係右手邊車頂攞咗支咪比我地..再攞埋個卡拉OK遙控器出嚟..我地即刻呆咗..一時唔識得比反應..原來呢架的士係有卡拉OK功能..真係估佢唔到!!!  回過魂之後..我地實在好興奮..係咁喪點喪唱..唱到司機哥哥連電話都講唔到  估唔到一到埗就滿足咗團友嘅其中一個願望..真是好的開始!
啪啪啪啪啪啪..........我係比爆趣 

到酒店放低行李之後..即刻出發去第一站--上引水產..呢間開業唔夠一年..人氣爆燈嘅地方..位於台北漁市場旁邊..三井集團有意將佢打造成"台北築地"..地方真的好大..首先會經過好大買新鮮魚嘅地方..然後就到我地嘅目的地--立吞美食區..由於聽聞等位要等2個鐘..我地唔敢怠慢..即刻先攞位..好彩唔係好多人..唔使一個鐘就有位"企"啦..大家排排企..真係好有趣..呢區可以叫手握壽司/刺身/生蠔/長腳蟹/松葉蟹..而戶外有個燒烤區..可燒海鮮..

呢餐食咗 :
~生蠔--可惜我不吃生蠔..見到個樣都知好新鮮..團友話鮮甜好味!
~海膽壽司--加拿大海膽..好creamy好甜..但最奇怪係低個一pat白色物體...應該係蘿蔔絲加D唔知咩醬..好淡味..唔通師傅係想沖淡一下我地口入面嘅海膽味然後食下一樣嘢?
~海鮮麵豉湯--激讚!!!湯很濃味..濃味絕對不是來自味精..是新鮮的海鮮味!..湯料很多..大大舊三文魚..大蝦頭..最重要--湯很熱!!!..又大碗..飲完真係有D飽 (p.s.這個湯..叫sushi set有得送)
~手握壽司--兩個字"新鲜"!!!..唔係我地係香港食開嘅"冰鮮"魚..魚肉沒有"冰"/淋嘅感覺..真係有D似係日本築地..

本來仲想食燒烤海鮮..但食完壽司實在好飽..唯有留待下一次

p.s.可能香港人真的好喜愛日本菜..我前後左右都係香港人哩!

朝聖完誠品之後..已經是晚上八點多..雖然香港已經有鼎泰豐..但我真心的認為台北的是好吃好多好多哩! 可能是水/麵粉/肉質都有別於香港吧

~小籠包--整個都被肉汁充滿..沒有凹陷嘅餘地..咬下去..那種肉香..叫人難忘..
~紅油抄手--皮很滑很薄..入面的蝦很爽口..加上又香又辣嘅辣汁..叫人回味..
~醉雞--聽聞台灣的都是走地雞..雞有雞味之餘..肉質還"實淨"的..呢度嘅醉雞唔馬虎..連雞肉都有酒的香味..叫人陶醉..
~牛肉湯麵--嘩..這個不得了..戒牛多年的我..都被它的陣陣清香牛肉味所吸引..對..是清香呢..忍不住都吃了些湯+麵..真係唔食狗肉但飲狗汁..叫人破戒!
~排骨湯麵--雖然沒有牛肉麵的清香..但排骨做得極好..好淋而個排骨面唔會有一層"厚粉"..有些少胡椒又有些少鹹味..調校得剛剛好..叫人讚好!
~台灣A菜--終於食到正統嘅A菜..又嫩又甜啊!..香港有些台店用油麥菜代表A菜..不能接受啊!!!..只是一碟菜..叫人想"encore"
~芝麻包--簡單的菜色..要做得好卻有難度..這個芝麻包..包嘅厚薄適中..芝麻蓉甜而不膩..好飽都依然可以食得落..叫人發福