中午食完飯就去小蠻腰喇，上到108樓俯瞰廣州市，仲一行12人企係塊四面玻璃廂內影相，都感覺塊玻璃有點郁架，玻璃廂頭上有部自動相機，由工作人員控制，如果想影，通知他，最平$50一張（6”x9”），效果比自己友影好好多，因為他用高角度影下，背景清晰，用傻瓜機背景是白茫茫一片，尤其是當日大霧，他亦會樂意不收費幫人影相。小蠻腰分ABCDE區，B區仲未開喎…，不過其實都唔需要行足咁多區，層層觀景都係一樣，只係去最高的E區夠了，除非想玩塔外走一趟（加$100）。107樓的中國郵政地上鋪上一張小蠻腰相，影相效果比實景還凸出。從塔往遠至下望，廣州市已不同往日，四周高樓大廈，外型新穎，戶戶有大露台、小區花園和停車場，有些更有泳池，如果在香港，是屬於豪宅了。31樓有個小型藝術展覽館；塔樓下間cafe簡陋又貴，麥當當好過佢好多。之後去坐廣鐵（無人駕駛車) APM(Automated people mover system, 中文全名係... 廣州市珠江新城核心區市政交通項目旅客自動輸送系統 救命~），沿廣州新中軸線來回走一趟，無特別！坐完APM去白天鵝喇～！！！