新海山是一間出名的海鮮餐館，招牌菜是辣椒炒蟹同黑胡椒炒蟹！
一坐低，侍應強烈向我哋推介冰涼蘆薈，話自家制好清甜。唔知係乜嚟，叫左一碗試下先，唔飲由至可，一飲停唔到。味道清甜又冰涼，有啲似檸蜜味道，不過清新版，蘆薈又好好味。不消一會，就俾我哋飲晒！本來想叫多碗，但係太貴了，成六蚊坡紙，都係叫壺茶算了。點咗隻黑胡椒蟹，同埋椒鹽蝦。椒鹽蝦炸得好脆好入味，蝦好新鮮，蝦頭好多膏！食咗一陣，隻黑胡椒蟹都上埋，聞落香噴噴，已經流晒口水，急不及待搶隻蟹鉗嚟食，黑胡椒好香，d汁好惹味，蟹肉非常鮮甜，好食到停唔到口，男朋友話好食過無招牌！隻蟹好快就俾我地食完，好唔捨得呢>_< 今餐好和味，價錢仲和味呀，足足食左SG104，差唔多六百蚊港幣！樣樣都收錢，有少少lur水，建議大家自備濕紙巾，下次要試埋隻辣椒蟹先得！

 參考價錢
 清涼蘆薈 ----------------------------------------------------6.00
 黑胡椒蟹 (1 x 1000G @ 60.00)-------------------------60.00
 椒鹽蝦 -----------------------------------------------------24.00
 茶 (2 x 1.20)------------------------------------------------2.40
 飯 (2 x 0.70)------------------------------------------------1.40
 前菜 ---------------------------------------------------------2.00
 濕紙巾 (2 x 0.30)------------------------------------------0.60